|
|
 Re: ظاهرة غريبة فى المملكة ..من قبل السودانيين .....ال porado (Re: abuguta)
|
جني لك التحية
Quote: يعنى لازم نحن السودانييين عرباتنا تطلعها من وسط مليون عربية ما تعرف نفسك فى باركنق ولا فى جنك يارد!
يعنى لازم يسخروا علينا (السودانيين بالنهار كورلا وبالليل غوريلا واللبنانيين بالنهار فيرارى وبالليل قمارى) |
وكان ركبته البرادو برضو بيسخروا منك
اشان كده اقفل دي بطينة ودي بعجينة وما تشتغل بزول
| |
 
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: صلاح الدين عبدالله محمد)
|
الأخ العزيز/ أبوقوته ..
تحياتي العامرة لك ولكل من مره من هنا ..
أولاً قبل كل شئ : أسمع الخبر الغير مفرح ده .. [ رجع صديقي معاوية قسم الله أمس من جدة بعد أن منع من السفر بعربته ماركة جيب همر .. وتم إخباره أن جميع عربات الدفع الرباعي ممنوعة في الوقت الحالي .. وهو الآن في الرياض في طريق عودته إلى دبي بعد أن كنسل إجازته ] ...
ثانياً إليك نصيحتي من واقع تجربتي :
رأيت صديقي وهو الذي كان يتقاضى راتباً ضخماً في مستشفى التخصصي في الرياض .. إشترى السيارات من كل لون وماركة .. وعندما تم تفنشيه وذهابه إلى السودان .. إذا به يسكن حتى الآن في بيوت الإيجار .. ويلهث كل يومه ليوفر ثمن الإيجار.
إستفادتي من التجربة :
جلست لمدة 5 سنوات .. أبني في منزل يقيني شر الإيجار وبؤسه .. فهو الأولوية لي ولأولادي .. ثم بعد ذلك .. لم أشططت [ علماً أنني على علاقة صداقة بأغلب السودانيين بشركة عبد اللطيف جميل الذين كانوا يزينون لي شراء سيارة جديدة ] وشركتي التي أعمل بها منذ أكثر من 17 عاماً مسألة تزويدي بخطاب من أسهل مايكون .. ولكن ..
الإعتدال في كل شئ .. وترتيب الأولويات .. إمتلكت سيارة متوسطة السعر .. جيدة .. حمداً لله لها معي أكثر من 4 سنوات ولم تواجهني بعطل قط [ ماشاء الله بارك الله ] ..
إذا .. مايمكنني أن ألتزم به كأقساط شهرية لسيارة ثمنها 147 ألف .. يمكنني أن ألتزم من خلال صندوق أو ودائع إستثمارية كمبلغ مستقطع .. يأمن مستقبل أولادي .. وتعليمهم ونائبات الدهر .. وهذا مادرجت عليه خلال سنين غربتي ..
أرى البعض قد ذهب إلى أننا قد لانعود إلى أوطاننا وهذا إحتمال كبير .. ولكنني أعرف عدد كبير من أصدقائ وأقربائي وأنا منهم .. يستفيد من عائد إيجاراته وتحول إليه بالريال في حالة حوجته ..
رتب أولوياتك .. وعندما تصل مرحلة التأسيس السليم في السودان .. أجني ثمار تعبك ..
ولكن الإستعجال للدخول في أقساط وإلتزام مالي يصل إلى 145 ألف ريال [ مايقارب 72 مليون جنيه ] .. فهذا كثير لشخص لايمتلك مايقي أولاده حرج الإيجار ..
خذها نصيحة من مجرب .. سيارة جيدة .. متوسطة الثمن تغني .. ومافاض أسس به نفسك .. وخلي نفسك طويل .. البنيان من الأشياء التي يعينك عليها الله .. لقد بدأت بنيان بيتي يتحويل مبلغ 20 ألف ريال .. كانت عبارة عن صرفة صندوق .. وهاهو الآن يعيني على قضاء حوائجي ..
دم بخير،
أخوك/
خالد الأرباب
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
أبقوتة..........السلام عليكم.وكل عام وأنت بخير
Quote: اها يا شباب تشجعونى على هذه الخطوة ام اكرب حزامى مع عربيتى القديمة دى ومعاها بقدر احوش
قرش قرشين عشان ابنى لى غرفة غرفتين فى قطعة الارض التى تحصلت عليها بخراج روح
|
لا والف لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا
لا أشجعك..خليك عقلانى..واسمع كلام اختنا وضاحة الحكيمة..وأخونا ابوجهينة..ديل كلامهم درر
الله يجازى السبب.. مرتى جلست سنتين ما بتعرف درب البطحاء ولا القصمان وين.واجيب ليها فى الحاجات وهى تشكر..حامدين شاكرين..
جاتنا مرة الجيران..ونقت ليها...يوم قالت لى إنت البطحا دى وين؟عرفت من ذن عليها..ومن ديك
وعيك....
عش واقعك..ولا تدخل فى ديون تهلكك..بكرة ما معروف الحاصل شنو؟
مودتى....إسماعيل محمد احمد عباس........
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
| Quote: اب عاج اخوي ليك وحشة ولي الاحباب في الرياض مثلها.. .. |
والله يادكين أول حاجة دا خبر صاعقة!!! معقولة خليت الرياض؟؟ قول اي كلام غير (آآآآي)،،
Quote: ابقوتة قايل فيها باقي عمر ماشي قعد بيهو في بيت السودان!!
شفتا جنس المحن دي؟؟ . |
والله يادكين كلامك دا كبير جدا ، وفعلا دي مأساة وحقيقة غايبة عننا كلنا : الغربة الممتدة دي فعلا
تفقد الغربة معناها وتدخلنا في حسابات معقدة وإحباطات عند العودة ،،
Quote:
اسمعني ..بما اني خليت المملكة عايز ابيعك محفظة الدبابات بي نص السعر.. بس تسك العربي ده بي طريقتك.. |
دباباتك مابنابها بس الفيك اتعرفت!!!! نص السعر من ناس (ياآآآآآلله طلعت منو بخمسميتي))؟؟؟ دي العكلتة الطفشتك أظنها!!
==
وضاحة:
مالك علينا يابت الحلال؟؟ ماكفانا العمى والغبا عايزة تنتهي مننا مرة واحدة؟؟؟
قولي استغفر الله ولا بنقول ليك : تسمعي الطرش انتي!!!
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: طارق جبريل)
|
والله دا بوست اولاد زوات -متجدعين-,,,,,,,,,واغتراب والباقي عذاب,,,,,,مغتربين يارسول الله
انت وكت الموضوعين حارقينك ما تعمل زى الفرنسية -مارى انطوانيت- اللى قالو ليها الناس
طالعة مظاهرات عشان ما لاقية عيش تاكلو,,,,,,,قالت طيب ماياكلو جاتوه !!!!!
انت ما تبني ليك بيت في شارع الستين ولاشارع افريقيا ولا انشاالله في غاردن سيتي زاتا
وتشتري ليك باثفيندر وشوية بنز للمدام وحبة تيريسل للعيال,,,,,,,,,,قال باثفيندر قال !!!
بالمناسبة الباثفيندر دى لو قلت ليك اول مرة شفتها وين وقبل كم زمن ستصاب بالدهشة وربما
بالاحباط !!!!!!!!!!!
اول مرة-تحب يا ألبي-كانت في مدينة الفاشر!!!!اي والله علي قول العمدة سليمان غانم في الحلمية
القديمة,,,,وكانت تخص القنصل الليبي هناك وكان هذا في عام
1996وانا طالبة بالسنة الاولي في كلية الطب,,,,,,,,,,اتصدمتا!!!!! معليش
*** طبعا كل زول هنا اداك خلاصة تجربتو او تجربة زول عرفو وانت -ماك زولا صغير وانت ماك زولا بيوصو-
يعنى انت العندك القروش والعندك قطعة الارض اللي مااتبنت لسه والعندك العيال والمدام وتقدر تحكم
راسك براااااك,,,,,,شاور ام العيال وما تسمع الكلام العوير بتاع المرة كان بقت فاس الخ الخ الخ
والله تكسر الراس وباقي اللحم تعبي في اكياس وتوزعو في المجارى ,,,واسال جيرانك المصريين لو عندك.
اختك د\سلافا العاقب احمد
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: Solafa Alagib)
|
| Quote: والله دا بوست اولاد زوات -متجدعين-,,,,,,,,,واغتراب والباقي عذاب,,,,,,مغتربين يارسول الله |
دكتورة سلافا
طلتك جميلة,,,,الدفع اقساط يابت امى,,,,اولاد الزوات بلقوها واقفة جنب البيت
مو دارين من الاشتراها مش بكم حتى....
تحياتى لك
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
| Quote: عموما البرادو سيارة عملية داخل المدينة وخارجها وان كانت منخفضة السلامة خارج المدينة بالمقارنة بداخل المدينة حيث القيادة بسرعة منخفضة وهذا لا يعود الى البرادو فقط بل كل السيارات off road cars الجيب المرتفعة عن الارض كبيرة الخلوص big ground clearance باعتبارها عرضة للانقلاب على الجانبين فى حالة السرعات العالية او الفرامل المفاجئة او اللفات الحادة بسبب خروج مركز الثقل عن مكز الاتزان بصورة مفاجئة |
ياجنى دة كلام موزون وبتاع زول ناقش
البرادو ك ٍSUV لايتوقع منها التسارع حيث انها اضافة للسبب المذكور اعلاه
تفتقر للانسيابية وكذلك وزنها الكبير كمعظم السيارات التى لديها هيكل منفصل
عن جسم السيارة (شاسيه) يجعلانها ليست بالمناسبة للسير بسرعات عالية
ونحن هنا بنتكلم عن فوق سرعة 160 كلم/ساعة اما دون ذلك فلا بأس بها
اما مميزاتها فلاتحصى واهمها الرؤية الجيدة للسائق والاحساس بالامان حيث ان
السير فى شوارع السعودية الغلبة فيه للقوى الذى يهاب سيارته الاخرون
وكذلك السعة الواسعة (8 ركاب) او خمسة مع امتعتهم وكذلك هى رائعة جدا
للاسر الكبيرة حيث غالبا مايكون لديها شغالة وسائق
ويااخى ابوقوتة مفروض يكون قرار شراؤك لاى سلعة وخصوصا السيارة
له مبرر يدفعك لشراء نوع معين خلافا لمن يشترى كمجاراة للاخرين وحين تقتنع
بانك فعلا بحوجة اليها فتوكل على الله وربنا يبارك لك فيها
توجد بعض العوامل التى يجب وضعها فى الحسبان
running cost
*الصيانة الدورية للسيارة تكلفتها فى السنة حوالى 2500 الى 3000 ريال
وهى تشمل تغيير الاجزاء المستهلكة خلافا لصيانة الضمان التى تغطى الاعطال
الناتجة عن العيوب فى مكونات السيارة او طريقة تجميعها وهذه تتكفل بها
الشركة المستوردة للسيارة
تكلفة البنزين
فى حالة اختيارك لل VX ذات الستة اسطوانات (4 لتر) ويعطى 240 حصان
(تشعر بروعة تويوتا عند قيادة هذه السيارة مع ناقل حركة اتوماتيكى)
فهذه السيارة تستخدم بنزين ذو octane number 95 مما يجعل متوسط استهلاك الوقود
حوالى لتر / عشرة كيلومترات اى اعمل حسابك على ضعف مبلغ الفلوس التى تدفعها
لسيارة صغيرة
بالنسبة لل GX اربعة اسطوانات (2.7 لتر) ويعطى 160 حصان فهو خيار معظم
جماعتنا السودانين لمعقولية صرف البنزين وتوفر جميع المزايا الاخرى
صرفها تقريبا يذيد قليلا عن صرف الكامرى مثلا
بالنسبة لى شخصيا اعتبر السيارة الجديدة اكثر وسيلة نجحت معى فى التوفير
حيث اننى ابيعها بعد ثلاث سنوات بمبلغ لا ينقص كثيرا عن السعر الاساسى
وهنا اتحدث عن التويوتا التى لم اجرب غيرها فى عمر الاغتراب
واخيرا اقول لك ياحبيب شد واركب ان عقدت العزم
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
Quote: ياجنى دة كلام موزون وبتاع زول ناقش
البرادو ك ٍSUV لايتوقع منها التسارع حيث انها اضافة للسبب المذكور اعلاه
تفتقر للانسيابية وكذلك وزنها الكبير كمعظم السيارات التى لديها هيكل منفصل
عن جسم السيارة (شاسيه) يجعلانها ليست بالمناسبة للسير بسرعات عالية
ونحن هنا بنتكلم عن فوق سرعة 160 كلم/ساعة اما دون ذلك فلا بأس بها
اما مميزاتها فلاتحصى واهمها الرؤية الجيدة للسائق والاحساس بالامان حيث ان
السير فى شوارع السعودية الغلبة فيه للقوى الذى يهاب سيارته الاخرون
وكذلك السعة الواسعة (8 ركاب) او خمسة مع امتعتهم وكذلك هى رائعة جدا
للاسر الكبيرة حيث غالبا مايكون لديها شغالة وسائق
ويااخى ابوقوتة مفروض يكون قرار شراؤك لاى سلعة وخصوصا السيارة
له مبرر يدفعك لشراء نوع معين خلافا لمن يشترى كمجاراة للاخرين وحين تقتنع
بانك فعلا بحوجة اليها فتوكل على الله وربنا يبارك لك فيها
توجد بعض العوامل التى يجب وضعها فى الحسبان
running cost
*الصيانة الدورية للسيارة تكلفتها فى السنة حوالى 2500 الى 3000 ريال
وهى تشمل تغيير الاجزاء المستهلكة خلافا لصيانة الضمان التى تغطى الاعطال
الناتجة عن العيوب فى مكونات السيارة او طريقة تجميعها وهذه تتكفل بها
الشركة المستوردة للسيارة
تكلفة البنزين
فى حالة اختيارك لل VX ذات الستة اسطوانات (4 لتر) ويعطى 240 حصان
(تشعر بروعة تويوتا عند قيادة هذه السيارة مع ناقل حركة اتوماتيكى)
فهذه السيارة تستخدم بنزين ذو octane number 95 مما يجعل متوسط استهلاك الوقود
حوالى لتر / عشرة كيلومترات اى اعمل حسابك على ضعف مبلغ الفلوس التى تدفعها
لسيارة صغيرة
بالنسبة لل GX اربعة اسطوانات (2.7 لتر) ويعطى 160 حصان فهو خيار معظم
جماعتنا السودانين لمعقولية صرف البنزين وتوفر جميع المزايا الاخرى
صرفها تقريبا يذيد قليلا عن صرف الكامرى مثلا
بالنسبة لى شخصيا اعتبر السيارة الجديدة اكثر وسيلة نجحت معى فى التوفير
حيث اننى ابيعها بعد ثلاث سنوات بمبلغ لا ينقص كثيرا عن السعر الاساسى
وهنا اتحدث عن التويوتا التى لم اجرب غيرها فى عمر الاغتراب
واخيرا اقول لك ياحبيب شد واركب ان عقدت العزم |
وفيت وكفيت
اها يا ابقوتة شد وأركب!
جنى
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
| Quote: واللبنانيين بالنهار فيرارى وبالليل قمارى |
وعلي قول الشاعر يا جني..... كناري ..... ما قماري وتعالي شوف الفرق بس انا معاك عايز تعرف سكان العماره او الفيلا الخ من ياتو جنس عاين للعربات الواقفه قدام المكان حتي ولو كانت البرادو....والا البنسون والرثمان والا البرنجي او الناشيونال و انت تفهم  .... بس بيني وبينك الغوريلاه والدخاخين حاجه صعبه يحليل الكناري والطوارق الكيان وال ام كي وال الار اكس سفن .......... قال برادو قال 
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: احمد التجانى احمد)
|
Quote:
والله دا بوست اولاد زوات -متجدعين-,,,,,,,,,واغتراب والباقي عذاب,,,,,,مغتربين يارسول الله
انت وكت الموضوعين حارقينك ما تعمل زى الفرنسية -مارى انطوانيت- اللى قالو ليها الناس
|
فى اولاد ذوات بشتروا بالاقساط يا دكتورة!
الدنيا دى كلها شغالة بالائتمان وبطاقات البلاستيك والاقساط!
قمنا لقينا ابواتنا بشتروا ببالنوتة والجرورة ومن شابه اباه فما ظلم!
اها يا دكتورة انا لمن اسدد تمن عربيتى لو الله سهل ببيعها وبشترى بى تمنها بيت اكون ركبت عربية واشتريت بيت شنو المشكلة!
يعنى السودانيين ديل بس ياكلوا الويكة من المهد للحد!
اها 90% من البنات ديل العربية لو سايقا تيس واضنينوا اضنين حمار بعرسوهوا!
تقدرى تقولى لى ليه!
جنى
(عدل بواسطة jini on 01-05-2009, 10:36 PM)
| |
|
|
|
|
|
|
|
|
 Re: ظاهرة غريبة فى المملكة ..من قبل السودانيين .....ال porado (Re: jini)
|
سلامات يا ناس العربات
و الله يا ابوقوته انا ما فروض افتى فى العربات خالص...............خالص لانها (ذى مابقول راغب علامة) نقطة ضعفى الوحيده.
لكن برضوا ح اقول ليك يا زول مدام قررت تنسى موضوع البيت و تشترى عربيه , انسى موضوع الporado و استنى لماSequoia تنزل السوق.
شفت جنى قال شنو؟؟؟
Quote: اها 90% من البنات ديل العربية لو سايقا تيس واضنينوا اضنين حمار بعرسوهوا!
تقدرى تقولى لى ليه! |
ال Sequoia بتشيل 8 ركاب و عفشهم و لو عندك boat ممكن كمان تربطوا فيها.
العربيه مركبه على نفس البلات فورم بتاع ال Toyota Tundra و اكبر من الاندى كروزر (ايوه اكبر منها)
فى امريكا (ما عارفه النظام ح يكون شنو فى السعوديه) العربيه بتجى فى :two trim levels
The SR5 starts at: $32,820
The Limited starts at: $41,855.
الفرق بين واحده بيسك و واحده مجيه بيشرى ليك كامرى من الورقه.
والعربيه فى منها two-wheel drive and four-wheel drive .
العربيه فيها:
1-DVD based navigation with backup camera
2-a DVD entertainment system
3-seat warmers/coolers
4-power-heated remote-controlled side mirrors
5- a tilt and telescopic steering wheel
6- power windows and doors
7- a keyless entry system via remote control
الامركان العندهم قوارب بيشتروا التندرا عشان يجروا القارب. لكن لو الواحد عندوا عيال كتار لازم يشترى سكويا عشان يجر البوت و يشحن الاولاد.
اشترى العربيه و اتفسح بيها فى السعوديه و ادعى لينا!!!!!!!!
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: smart_ana2001)
|
Quote:
1-DVD based navigation with backup camera
2-a DVD entertainment system
3-seat warmers/coolers
4-power-heated remote-controlled side mirrors
5- a tilt and telescopic steering wheel
6- power windows and doors
7- a keyless entry system via remote control |
قادر الله فى ملكه وجلاله!
ساخن وبارد!
جاكوزى!
دى عروس دى مفروض يسموها المهيرة موش السكويا!
انا شهادتى فى العربات مجروحة زيك يا اسمارت!
لكن فى حالة السكويا بشجع اللعبة الحلوة!
جنى
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
سلامات يا ابو قوتا
طبعا يا سيدي كل زول عندو تجربتو الشخصيه واولاويتو
انامثلا في بدايات هجرتي لامريكا اشتريت عربات مستعمله نصف عمر او اقل قليلا من نصف العمر ظننا مني بانني ساوفر مبالغ تعينني في دراستي
بعد تجربه سنتين او ثلاث اكتشفت انني اصرف في هذه السيارات معظم ما وفرته من اجل الدراسه فغيرت النظام و منذ العام 97 لم اشتري الا سياره جديده ومن ذلك الوقت لم اذهب لميكانيكي سيارات علي الاطلاق
Quote:
Quote:
1-DVD based navigation with backup camera
2-a DVD entertainment system
3-seat warmers/coolers
4-power-heated remote-controlled side mirrors
5- a tilt and telescopic steering wheel
6- power windows and doors
7- a keyless entry system via remote control
|
يا اسمارت الاندكروز GX.R and VX.R فيها كل الكلام ده بالاضافه الي:
Driving in the snow controller-8
9- wooding interior
10- Refrigerator
وانا مع راي جني ودكين (بعيدا عن سفاهتو المعهوده) العمر واحد فاركب واستمتع
وان اردت فاركب البرادو وابعد من الباثفايندر ودي نصيحة مجرب ليهم الاثنين
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: Omar Bob)
|
سلامات Omar Bob
كلامك صحيح 100% عن العربات المستعمله. غير ان مصاريفها كتيره ....كمان ما امان فى الشارع.
لما كنت طالبه ما كان عندى حل غير العربات المستعمله. اول ما اشتغلت (قبل ما انزل الشغل...اول ما عملت الانترفيو و قالوا لي خلاص اديناك الوظيفه) اشتريت عربيه جديده.
Quote: يا اسمارت الاندكروز GX.R and VX.R فيها كل الكلام ده بالاضافه الي:
Driving in the snow controller-8
9- wooding interior
10- Refrigeriger |
من ناحيه الرفاهيات دى ...اللاندكروزر والسكويا ذى بعض. الفرق الوحيد ان السكويا اوسع و عندها قوة سحب كبيره جدا. السكويا اقوى عربيه ركاب من التايوتا
ب Driving in the snow controller قاصد Anti-lock braking system ؟؟؟؟
ده ح يعملوا بيه شنو فى الصحراء فى السعوديه؟؟؟؟ و ده بالمناسبه ممكن تتطلبوا فى اى عربيه. انا الان سايقه كامرى فيها Anti-lock braking system
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
Quote: طبعا لو اشتريتها اول مشوار خارج المدينة سبكون الى مكة
هنالك سوف ادعو لك ولى احمد التجانى لو خفض لينا شوية
|
ابوقوتة ربنا يتقبل سعيك وطوافك ووقوفك
وكتر خيرك على الدعوات ياحبيب
اشترى العربية وبعد كدة نحن حاضرين
ان شاء الله
انا من دربى دة ماشى على المتدربين من مراكزنا
من مدراء الصيانة والمهندسين ليتعرفوا على
سيارة ال sequoia واحتمال اجيب ليكم صور لايف
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: احمد التجانى احمد)
|
| Quote: دى عروس دى مفروض يسموها المهيرة موش السكويا! |
موش كده بالله يا جنى؟؟؟
انا مسمياها "عربيه احلامى*". لما الاقيها فى الشارع بفتح الطريق احتراما
_________________________________________________________________________
* عندى قائمة طويله بحجات احلامى و هى my wish list . بدايه بفارس الاحلام و بيت الاحلام و عربيه الاحلام و وظيفه الاحلام و......و......و......حتى جزمه الاحلام و خاتم الاحلام و هكذا
اها ...السكويه دى من الحجات اللى لسه ما اتحققت .لكنها عربيه احلامى
نرجع تانى لابى قوته......
لو كانت العربيه ح تخرب ميزانيك خالص خالص ما فى داعى ليها .
و لو كنت بتقدر على الدفعيات ..اتوكل على الله و اشتريها. و استمتع فى الدنيا (بقدر استطاعتك)
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: smart_ana2001)
|
Quote: عندى قائمة طويله بحجات احلامى و هى my wish list . بدايه بفارس الاحلام و بيت الاحلام و عربيه الاحلام و وظيفه الاحلام و......و......و......حتى جزمه الاحلام و خاتم الاحلام و هكذا
اها ...السكويه دى من الحجات اللى لسه ما اتحققت .لكنها عربيه احلامى |
دنيا بدون احلام لا لون ولا رائحة ولا طعم لها!
(ما أضيق العيش لولا فسحة الأمل)
ربنا يحقق امانيك وأمانى كل البورداب
الدنيا شن فيها يلا خلونا نحلم بوطن خير ديمقراطى وعاتى يتسع للجميع
جنى
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: yasir Abdelgadir)
|
سلامات yasir Abdelgadir
| Quote: والله كنت خايف يكون دا فارس احلامها |
حرام عليك ..هاوس يكون فارس احلامى ؟؟ من ايه ده يا ربى؟؟
_________________________________________________________
بس عاجبنى المسلسل. القصص محبوكه و الشخصيات مظبوطه.
العاجبنى فى هاوس انه زول :انانى , ما عندو اخلاق , سخيف, سئ الظن بكل الناس و خطر جدا فى شغلو. الحجات دى مستحيل تكون فى زول و يكون ناجح.
و لان الحجات دى مستحيله فى الدنياعشان كده انا بشوفها فى التلفزيون.....
لو كان عندى قريب ذى هاوس كنت قاطعته و لو كان عندى مدير ذى هاوس كنت سبت الشغل. ( عندى مدير قريب ليه بس باخلاق ...و احترام..لكن نفس طولة اللسان)
اما باترك دمسى يا اخونا جنى ففى زيه كتار جدا فى الدنيا(ناس حلوين و لطاف) عشان كده هو شخصيه ماInteresting
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
ابو قوتة ياحبيبنا
اديك نصيحةياخوي ولا اخليك
ياخي اركب البرادو عشان توفر مش عشان الفشخره
طبعا ده توفير اجباري وراحة بال بانك راكب سيارة جديده
وفي الحتة دي لنا في الهنود اسوة حسنة اول مايحضروا للخليج بشتروا
سيارات من الوكالة بس انحنة السودانيين راكبين الهكر والكركعوب
واصبحنا محل تندر واستخفاف من الشعوب الاخرى
اركب البرادو ان استطعت وحافظ عليها والله اديك خيرها واكفيك شرها
وبعدين بيعها واعمل ليك غرفتين وبوكس 83 بس ماتنسانا من صالح الدعاء
محبتي
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
Quote: العاجبنى فى هاوس انه زول :انانى , ما عندو اخلاق , سخيف, سئ الظن بكل الناس و خطر جدا فى شغلو. الحجات دى مستحيل تكون فى زول و يكون ناجح.
و لان الحجات دى مستحيله فى الدنياعشان كده انا بشوفها فى التلفزيون..... |
فى الزمن دا لو الحاجات دى ما فيك ما بتنجح وبالذات سؤ الظن والانانيةوعديمالاخلاق وديل مع بعض صاحبهم لازم يكون سخيف!
والله الحاجات دى كتيرة جنس كترة فى الدنيا !
شوفى مجلس الوزراء السودانى وكمان فى التلفزيون بجيبوهم عشاآآآن تآآآآآمنى وتتأأأأأكدى!
جنى
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
جنى،
| Quote: وعادة ما يتم سلبك هذا المبلغ بشتى طرق الاستعباط والاستغلال! |
غايتو،
كان بتقصد المجاملات الكتيرة المفروضة على الواحد(من غير إنتظار الرد ..)،
و إستضافة الناس و إكرامهم طبعا(دون مراعاة الميزانية)،،
ليهم حق السودانيين عمرهم ما يكون عندهم controlled budget،،
غير كدة،
محتاجين زيادة توضيح و أمثلة للإستعباط و الإستغلال،،
عشان منه نستفيد و كدة،،
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
ابقوتة اخوي:
غايتو شغلك ده شغل ونسة ساااااااااااااااي لا حا تشتري العربية لا حا تبني البيت ولااااااااااا حا تشتغل بي كلام الناس ديل ..
خلينا من حنك ما خاب من استشار الحا تقنع بيهو روحك ده ..
ماف زول في الدنيا دي بيعرف مصلحة الروح اكتر من روحو زاتا الباقي بتاع كلام الناس بيدخل في باب الاستفادة منو عشانتتونس بيهو مع زول تاني عمل زييك كده وطلب المشورة ..
يعني اسة لو العلقو على البوست ده 70 نفر منهم 50 قالوا ليك اركب العربية حا تركبا ؟؟؟
والله ما حا تشتغل بيهم الشغلة ..
ياخ انا اسة راكب عربية انا وهي اتولدنا في سنة وااااااااااااااااااااااحدة ولمن امشي السودان بنزل في بيت البابا والماما يعني قطعة زاتو عشان امشي اشوفا في مربع كم ما عندي..
يومي التجيني قروش ما بشاور اييي زول بعمل الفي راسي عايز اركب عربية تووووشك بمشي اشتريها ممكن الاولاد في البيت زاتهم ما يعرفوها الا لمن نجي نطلع مشوار..
نويت على قطعة الارض بعملا وما اظن يعرفوها الا يوم توزيع الميراث ..
يا حبوب لو كلامك ونسة حبااااابك نتونس ونضحك ..
لو جادي في طرحك قول لي بكري احذف البوست ده واقعد براااك يا عمك شوف البيك والعليك ..
نصيحة :
نفسك دي اصصصصصصصصصلو ما تبخل عليها بي حاجة المغتؤبين هنا الواحد منهم بيكون ساكن ليهو في شقة في حي كعب وعمارة كعبة وسخانة وهناك في السودان بيكون عندو قصر ..تسالو تقول ليهو عيش حياتك واتمتع يقول ليك لالالا السنة الجاية انا راجع فلا هو استمتع بي الغربة ولا هو رجع السودان يستمتع بي حصاد الغربة ولو باااااااااااااالغ بيمشي يعيش فيهو ستة شهور ويموت ما يلقا اليكفنو من ناس الحلة لانهم بيكونو ما عرفوهو لسة ..
تخريمة :
تقوم بينا العربية تودينا لي السادة ..
تقوم بينا رب..تقع بينا بب..
العربية العربية ...تقوم بيييييينا ..العربية ..تودييييييينا .. العربية ..
ثم تضع علوية فرن المايك على سطح الاورغن وتحتو كما لم تحتو من قبل ونكون نحن في حلقة نردد:
تمااااااااام تماااااااااام تماااااااااااااام ..
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
Quote: الاخ العزيز أبوقوتة
أهم حاجة قبل أن تتخذ قرار شراء السيارة هو ...أختيار لونها...حتي لاتتورط في ألوان زي دي
|
100%
فى ناس فى الدنيا يحيروك منهم واحد صاحبى الله لا يوريك نضارتو وكتينة الساعة ولون القلم ولون المحفظة والجلاليب والعمة ذاتا والبناطلين والقمصان!
يحيرك!!
مرة ما شين نزور واحد فى مستشفى الملك فهد جا مارى على عشان امشى معاهو بى عريتو حمراء كبدية!
طلعت ليهو حواجبينى فى نص جبهتى زى توم لمن يكون مزنوق!
لابس بنطلون كبدى وقميص كبدى فاتح قزازة دم عديل !
يا اخوى انت شغال فى المطافى!
رزعت ليهو باب عربيتو وحلفت يمين ما امشى معاهو!
قلت ليهو هسة لو لم فيك تور اسبانى تقع وين البلد دى التيران كلها مستوردة!
فى زول بمشى يزور مريض زى داركولا!
جنى
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
حبيبنا ابوقوته
يسعد صباحك بكل جميل
والله ياخوى كلامك يحير
انا شايف كل خلق الله ركبت البرادو ما عدا انا فالحمد لله لقيت لى زول زى محتار ..
لكن الفرق بينى وبينك انا لا عندى قطعة ارض ولا لامى قروش للبناء والله المستعان ...
لكن بينى وبينك البرادو ركوبها حلو خلاص والله ... العجب لو شديتها لى مكة كده لاداء العمرة..
ياخى العمر كلو كمو عشان الواحد يقرطها على نفسه كده ..
والبيت بيت الاخرة ياخوى ..
متع نفسك وعيش لحظات حلوة وخلى العيال يفاخروا شوية الثانين ...
وان شاء الله ما حدش حوش ....
نفسى اقتنع بى كلامى الفوق ده والله...
ويديك العافية واللقمة الدافية ....
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
Quote: غير كدة،
محتاجين زيادة توضيح و أمثلة للإستعباط و الإستغلال،،
عشان منه نستفيد و كدة،، |
يا هالة فى داء يعانى منه السودانيين بصفة عامة واسمه داء ارضاء الآخرين (disease to please )
فيقوم الآخرين ياستعباطك واستغلالك لشعورك بالحرج من قول لا فى الوقت المناسب!
يعنى زى زين العابدين بن على (السجاد) كما وصفه الفرذدق
ما قال لا قط الا فى تشهده لولا التشهد لكانت لاءه نعم
اها انت بتعانى من الداء دا أم لا!
انا ما قدرت اتعالج منه!
جنى
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
Quote: أحمد التيجانى
و الله لا يسعنى سوى ان اقول "الله اكبر و ما شاء الله "
شكرا على الصور...و عليك الله كان سقت واحده قول لينا شعورك كان شنو |
هو داب سواقة ساي
كان ما اخاف الكضب اقوليك هندسة احمد التجاني دا ذاتو من الناس الطوروا البرادو و شقيقاتها بنات ام تويوتا و اخواتها غير الشقيقات ( من المرأة التانية و التالتة ) لكزس و دايهاتسون - و لا ما كدا يا هندسة - هو ذاتو عبد اللطيف جميل قيل انو من اصول سودانية
لكن تقول شنو الخيل تجقلب و الشكر لبني اليابان
فعلاً على قولة راوية محتاجين لنقد الفكر الاصولي السوداني دا . . . محتاجين ثورة و انقلاب على نمط السلوك و التفكير السوداني السلبي يا جني . . . محتاجين استعادة لاءتنا يا جني . . . محتاجين الخرطوم تكون عاصمة اللاءات بالجد . . . بس المرة دي بدون عرب . . . محتاجين لاءات تخصنا تماماً
لا للعربات القديمة
لا للمجاملات العمال على بطال
لا للغربة البلا طعم ذاتو
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
Quote: شوية طمع كدة على الماشى:
ممكن تمرقوا لى واحدة أوتوماتيك، لو سمحتوا؟؟
|
هالة
all the grades are equipped with automatic transmission
واتمنى الناس عندنا تكون غيرت انطباعها عن الاتوماتيك
لانه فعلا عملى ومريح وعصرى خصوصا فى ال short trips
وال Congested traffic
___________________
الاخبار شنو بهناك؟
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
Quote: و الله لا يسعنى سوى ان اقول "الله اكبر و ما شاء الله "
شكرا على الصور...و عليك الله كان سقت واحده قول لينا شعورك كان شنو
|
اسمارت
you are welcome
اليوم تعرفى كان عندنا كل ال sales staff
اتوا ليتعرفوا على السيارة حتى يستطيعوا شرحها
للزبائن وكمان لازم يقتنعوا هم اولا بالproduct
حتى يستطيعوا اقناع الاخرين
حقيقى شعور قيادتها لايوصف
you have to feel it
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
Quote: كان ما اخاف الكضب اقوليك هندسة احمد التجاني دا ذاتو من الناس الطوروا البرادو و شقيقاتها بنات ام تويوتا و اخواتها غير الشقيقات ( من المرأة التانية و التالتة ) لكزس و دايهاتسون - و لا ما كدا يا هندسة - هو ذاتو عبد اللطيف جميل قيل انو من اصول سودانية
لكن تقول شنو الخيل تجقلب و الشكر لبني اليابان
|
ياقيقا خاف ساى يااخوى
يازول اليابانيين ديل شعب فريد
اخلاق وتهذيب وحضارة متغلغلة فى كل تفاصيل حياتهم
وسعى لايتوقف نحو الافضل
بس والله حسن ظنك فينا دة يوم بيعوقنا يااخى
تسلم ياحبيب
______________________
عملت لينا شنو مع ناس النورس البهدلونا ديلك؟
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
الاخ خالد الارباب
سيارة الهمر (النسخة المدنية) للهمفى العسكرية
لاغبار عليها وقد استقطبت كتير من الشباب الميسورى الحال
فى الخليج باعتبارها سيارة شبابية ذات طابع رياضى وعصرى
ولذلك سارعت تويوتا باحياء احد موديلاتها القديمة مع ادخال
التعديلات المناسبة له لتلائم العصر الحالى وفى تقديرى الخاص
فان سيارة تويوتا ال FJ cruiser هى من اقوى السيارات التى
انتجتها تويوتا وقد اتضح لى ذلك من خلال التجارب الاولية التى
اجريت فى الطرق الوعرة والصحارى حيث كانت لنا عونا كبيرا فى
سحب السيارات المتوحلة فى الرمال
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
Quote: اسمعني ابو صلاح بطرفك ايميلا وبالله شوف لاخوك كيكي برضو عربية
انشاء الله (اتوس) لو البيعة تمت |
كيكى
تشرفت بمعرفة د.صلاح على الهاتف فى احد الصباحات
والكرة الان فى ملعبه بعد ان تم تملك كافة المعلومات
بعدين اتوس شنو يااخى
المعلومات الوصلتنى عنك بتقول انك بتلعب بالريالات
لعب من لايخاف الفقر
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: احمد التجانى احمد)
|
Quote: [إلى الأخ أبو قوتة
والأخوان
جني ودكين وخاصة جمال السنوسي..
لقد توكلت على الحي الذي لا يموت ودفعت ومنتظر التسليم يوم الأحد أو الاتنين بالكتير...
الراجل يجي يقول عايز "سحبة" ولا مشوار .. خاصة مشاوير "البورضاب" بالضاد..
لكن النصيحة لله قلبي مقطوع .. عاد أكضب؟؟
دعواتكم بالله.. |
يا محمود مصطفى محمود
ياخي الف مبروك
بيت مال وعيال 0هسع البرادو دي ما عرس عديل كده والمهر غالي
عروس بالتفسيط مش كده
وتاني تجي لافي بالعروس الجديدة (البرادو)
الجكس يغني ليك :
السايق البرادو
باين قلبي رادو
ما بحمل بعادو
السايق البرادو
السايق البرادو
حبايبو ما بيعادو
مهما غنو نادو
زايد في عنادو
لو الحساد ارادو
وكتروا برضو زادو
ما بشوف القصادو
السايق البرادو
محمود بالله صحح وكمل الغنية (تم تم)
اها تاني اي زول يجيك ضيف اعزمو فسحة بالبرادو وشغل ليهو المكيف في شارع الكورنيش ومعاهو كاسيت
برادو بيضا لولية يا محمود بسحروك ليا
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: جمال السنوسي)
|
Quote: الجكس يغني ليك :
السايق البرادو
باين قلبي رادو
ما بحمل بعادو
السايق البرادو
السايق البرادو
حبايبو ما بيعادو
مهما غنو نادو
زايد في عنادو
لو الحساد ارادو
وكتروا برضو زادو
ما بشوف القصادو
السايق البرادو |
جمال السنوسى
شكرا على الاغنية
اخونا جنى والله موجود ومتابع,,,,اخونا احمد التجانى المندوب الحنك
شفت ياحمد لو جاك اى زبون عن طريق يوستى انا عندى نسبة
وحقى دايرو حديدة,,,,
والله ذكرتونى مظاهرات الثمانينات ايام نميرى...الطلبة يعملو المظاهرة
ويتولوهاا الشيوعيون...
اها ياحمد التجانى البوست اعتبور حقك...وشغلك دا بحث عديل كدا
يعنى لو الواحد عندو ريسيرش فى التايوتا يرجع لبوست ابقوتة
اها ود التجانى انا فى الرياض حقى ادوه ل اخونا (حيدر عبد السلام محجوب جنى)
اعفو ليه اخر قسطين خلوه يتجدع بالبرادو,,,,,
استشارة تانية.
..انا بقيت على الكامرى,,اها اشترى
مواصفات كيف,,,
وتمت
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
الاخوان
د..ياسر
مبروك التسجيلات,,,
قيقراوى,,,,,مشكور على النصيحة
ياحلى راوية
وينك يابت,,,,نحن ناس سعودية مش زيكم
ود الفاروق
مش للمغترب السودانى عمران
مش عمران صالح,,,,تحياتى له
قرشو,,,,ياحبينا وقريبنا
زيارتك تشرفنا
عصام دهب لا بديل التايوتا
حاجتين فى الدنيا هى الاصل التايوتا والهلال
ههههها
تحياتى ياشباب
اى سوال اى تخفيض اى مراعاة اتصل على احمد التجانى
معرض الصفا للسيارات جدة
ولا مش دا العنوان......
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
جنى،
Quote: ما قال لا قط الا فى تشهده لولا التشهد لكانت لاءه نعم
اها انت بتعانى من الداء دا أم لا!
انا ما قدرت اتعالج منه |
!
بينى و بينك هو مرض فعلا،
و أنا شخصيا كنت ولا زلت أعانى منو،
لكن خففت أو بحاول أخفف شوية،
لأنو الحكاية ممكن تدخل فى أكتر من الماديات،
(ودى دايرة ليها بوست براها...)،
لكن فهمت قصدك،
أعاننا الله و إياكم على ما أبتلانا،،،
إسمارت أنا (إنتى)،،
شكرا على التوضيح،
فعلا العربية تستاهل السواقة،
أنا غايتو لسه مافى خطتى الخمسية،
لكن عقبالك،،
أحمد التيجانى،
تعرف، فعلا النظرة عن الأوتوماتيك بدأت تختلف فى السودان،
أنا غايتو لو غيرت العربية
مستعدة أجيب نفس الموديل بس بفارق الأوتوماتيك،
عشان الاسباب الذكرتها دى،
السواقة فى الخرطوم بقت مرهقة جدا...
(فاقدنك بهناك،،،
أدى الجماعة طله..)،
لكن أنا المكسرانى فعلا،
الـfJ cruiser دى،
تصدق عاجبانى أكتر من الهمر،،،
أهى دى العربية الممكن أحوش مخصوص عشان أجيبها،،،،
الله يدينا،،،
أبوقوتة،
مبروك عليك الكامرى مقدما،
لكن أسمع إنه شكل البودى لا يعطيك مجال رؤية 360 درجة،
و الله أعلم،،،
يا ريت المختصين يفيدونا،،،
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: Hala Hassan)
|
سلامات Hala Hassan
Quote: أبوقوتة،
مبروك عليك الكامرى مقدما،
لكن أسمع إنه شكل البودى لا يعطيك مجال رؤية 360 درجة،
و الله أعلم،،،
يا ريت المختصين يفيدونا،،، |
الكامرى دى عربيه عمليه جدا جدا. عامله زى بنطلو ن الجنز (البيكون ماركه محترمه). او التلفون النوكيا.
كلها حجات ما فوق العاده لكن عمليه و محترمه جدا.
فى السودان ما بحبوا الكامرى عشان دفع امامى (الكلام ده زمان..الان كل العربات الكوريه الحايمه دفع امامى) و انا ما عارفه شنو عيب الدفع الامامى!!!!! افتونا يا ناس الهندسه.
__________________________________________________-
انا الان سايقه كامرى و شايفه كويس جدا 360 درجه.
او قوته مبروك الكامرى...اشترى XLE ....
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
Quote: اخونا جنى والله موجود ومتابع,,,,اخونا احمد التجانى المندوب الحنك
شفت ياحمد لو جاك اى زبون عن طريق يوستى انا عندى نسبة
وحقى دايرو حديدة,,,,
|
عزيزى ابوقوتة
والله اخوك بعيد عن مجال المبيعات كوظيفة
لكن كهدف طبعا يهمنى جدا تنامى مبيعات الشركة
التى اعمل بها الا اننى قد اقوم بالمساعدة فيما
يتعلق بامور الصيانة لانها المحطة الاولى لى فى
الشركة ومازال زملائى بها وكذلك المهندسين الشباب
الذين اتولى تدريبهم
بعدين يااخى ابوقوتة دى عزيزة علينا منذ الصغر
عندما كنا نعبرها فى طريقنا الى الديار (المناقل)
حيث انها كانت الاستراحة الرئيسية فى الطريق بين
المناقل والخرطوم ولن انسى منظر البيبسى البارد
فى الطشت الذى يتم تحضيره عندما يرى البص اتيا من
على البعد التحية لتلك الايام ولجميع اهلنا فى تلك
النواحى (اهل العوض واخوانه)
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: احمد التجانى احمد)
|
شكراً يا باشمهندس ..
و عندي بعض الإستفسارات لو سمحت ..
ألاحظ أن موديلات البرادو بشكل عام خاصة في المظهر الخارجي و تقريباً التجهيزات الداخلية لم يطرأ عليها تغيير منذ عدة أعوام فما السبب في ذلك ؟؟
ـ
بالنسبة للإكسسوارات ( الجناح ، حوامل السبت ، شريط الموديل ، المصدات الأمامية و الخلفية ) و غيرها غالية جداً مقارنة بأسعار قطع الغيار لدى تويوتا !!
لاحظت أن البعض يستخدم في السفر مقطورة بإطارين مصممة لحمل العفش فهل ذلك يؤثر على السيارة بأي حال ؟؟
أشكرك مقدماً و تحياتي لك و عبرك للباشمهندس الخلوق / موسى ..
| |
|
|
|
|
|
|
|
|
|
Re: ظاهرة غريبة فى المملكة ..من قبل السودانيين .....ال porado (Re: abuguta)
|
بالنسبة للكامرى ياابوقوتة
فشهادتى فيها مجروحة كمستخدم
فقد امتلكت موديلين - 2002
و 2005 وكانت Extraordinary ownership experience
لم اضطر ابدا للذهاب للصيانة لغير تبديل
الزيوت والفلاتر والاشياء المستهلكة الروتينية الدورية
لم تقف بى ابدا فى طريق او لم يدور محركها ذات صباح
والاهم من ذلك لم ابذل اى مجهود فى بيعهم بسعر لم ينقص
كثيرا عن سعر الشراء
وبرضو بنقول ليك شد واركب
| |
|
|
|
|
|
|
| |
الطاهر عثمان
jini
صلاح الدين عبدالله محمد
abuguta
Khalid Saeed
ismeil abbas
شهاب الفاتح عثمان
وضاحة
طارق جبريل
احمد التجانى احمد
willeim andrea
أحمد الشايقي
smart_ana2001
Omar Bob
Mahmoud Mustafa Mahmoud
Rawia
قيقراوي
عمر الفاروق
قرشـــو
عبدالكريم الامين احمد
جمال السنوسي
فيس بوك
تويتر
انستقرام
يوتيوب
بنتيريست