|
|
 قصيدة منجورة من الراس بمناسبة الكريسماس
|
البلــد كيف شـــــــــــــان يُعــــــــــاد
البلد حالــــــــــة فزع ... والوطن حالة حــــِداد
الوطن كـــــــلـّو يُباع ... والمُدن حبّو الرُقـــــاد
السَلام لِســــّة صِراع ... والقُرى لِحِقو الجَمــاد
الشَمال مافى إنتفـــاع ... والأهل حالم رمـــــاد
الجَنوب ستـّين ضَيـاع ... والقَرو زىّ الجــــَراد
الغـَرب زاد الصــِراع ... والأديب حال القـــُراد
الشـَرق هُمِّشْ وضـاع ... والعليم حالو القــُعـــــاد
الوَسَط هَلـَكوا الرعاع ... والعَمل إلا بفســــــــاد
الرُقى اكلو الضِبـــاع ... والحَكيم خلــّى الرَشــاد
الفساد كلّ إتِســـــــاع ... والحِقـْد كلّ إزديــــــاد
القَمِع حد الوَســـــــاع ... والأدب خلـّو العِبـــــاد
الطـَمع عالى الشــِراع ... والحِوار زى إقتيـــــاد
الأكل لوية ضـــــُراع ... والجَمال بقُّو إرتــــداد
العِلم دون الـــــــيراع ... والكلام كُلـّو يُعـــــــاد
النِضال مليون ضَياع ...والحُلـُم ماشى فى بُعاد
البَشَر كُلّ البــِقــــــــاع ... والأمل كُلّ المــــــُراد
الأمل مازال مُشــــاع ... والبلد كيف شان يُعـاد
شول اشوانق دينق
22/12/2008م
|
|
 
|
|
|
|
|
|
|
 Re: قصيدة منجورة من الراس بمناسبة الكريسماس (Re: شول اشوانق دينق)
|
شول أشوانق دينق
نجار يا هميم نجر العيال تب زين
و نجار يا كلس و حفر الكلاب تب شين
حفر فى بلادك أوعك تقول ماشين
امسك فى عيالك لكرسمسك جايين
زارعين أعلى شجرة عارفين دربنا يمين
المجد لله فى الأعالى وأنحنا تب سالمين
رسولنا المسيح قال ابقو متسامحين
و رسولنا الأمين خلانا متحابين
شوف داخل عقيدتك تلقانا متخاوين
عارفين الحسود...حاسين بى ما داقسين
خلية اليحترق وصابحين شداد ماسين
تحياتى
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: شول اشوانق دينق)
|
كل سنة وانت ياشول بالف خير
والقصيدة المنجورة جميلة جدا
بتعجبنى فرحة الناس بالعيد والابتهاج
بحس كده كانوا راكبين لينا حصين ونحن بجنون
نصرخ ونمشى كل الاماكن ومامنتظرين لينا اذن بالدخول
ياخى قصيدتك دخلت جوانا قبالك
وياوليم ... .... ودينق
ودومبيك ياى ...زكريا جوزيف ...واكوى دينق ...
كل سنة وانتو طيبين ...
ورأفت ميلاد قالوا عيدك لسه ...لكن برضوا كل سنة وانت بالف الف خير
_______________
شول
عندك تحية خاصة ليك منى
فى بوست من بوستات الكريسماس
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: ناهد بشير الطيب)
|
Quote: وياوليم ... .... ودينق
ودومبيك ياى ...زكريا جوزيف ...واكوى دينق ...
كل سنة وانتو طيبين ... |
وانت بالف خير الاخت ناهد، تحياتنا لناس بحري ما سكنت فيها
لكن عندي فيها اعز الناس قبل شهر بالظبط كنت مشيت الخرطوم
واتعشيت  في بحري بس مع منو دا سر المهنة
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: شول اشوانق دينق)
|
شول أشوانق دينق
نجار يا هميم نجر العيال تب زين
و نجار يا كلس و حفر الكلاب تب شين
حفر فى بلادك أوعك تقول ماشين
امسك فى عيالك لكرسمسك جايين
زارعين أعلى شجرة عارفين دربنا يمين
المجد لله فى الأعالى وأنحنا تب سالمين
رسولنا المسيح قال ابقو متسامحين
و رسولنا الأمين خلانا متحابين
شوف داخل عقيدتك تلقانا متخاوين
عارفين الحسود...حاسين بى ما داقسين
خلية اليحترق وصابحين شداد ماسين
تحياتى
اخى حسن مكاوى ... كل سنة وإنت طيب واحب النجر زاتو
كل سنة وإنت طيب والله يقدرنا نجى البحرين عشان نجهجهك جهجهة السنين
ارقد عافية وكن بخير ... إنت وكل السودانيين
شول اشوانق دينق
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: شول اشوانق دينق)
|
Quote: الشَمال مافى إنتفـــاع ... والأهل حالم رمـــــاد
الجَنوب ستـّين ضَيـاع ... والقَرو زىّ الجــــَراد
الغـَرب زاد الصــِراع ... والأديب حال القـــُراد
الشـَرق هُمِّشْ وضـاع ... والعليم حالو القــُعـــــاد
|
شول
لنقل
لاعاش من يفصلنا
هكذا علمونا
وهكذا تربينا
لك خالص الود والتقدير
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: شول اشوانق دينق)
|
كل سنة وانت ياشول بالف خير
والقصيدة المنجورة جميلة جدا
بتعجبنى فرحة الناس بالعيد والابتهاج
بحس كده كانوا راكبين لينا حصين ونحن بجنون
نصرخ ونمشى كل الاماكن ومامنتظرين لينا اذن بالدخول
ياخى قصيدتك دخلت جوانا قبالك
وياوليم ... .... ودينق
ودومبيك ياى ...زكريا جوزيف ...واكوى دينق ...
كل سنة وانتو طيبين ...
ورأفت ميلاد قالوا عيدك لسه ...لكن برضوا كل سنة وانت بالف الف خير
_______________
شول
عندك تحية خاصة ليك منى
فى بوست من بوستات الكريسماس
أختى التى لم تلدها امى ... ناهد
وإنتى طيبة يا جميلة وإنشالله القابلة زى ما عايزة والله وشكراً على كلامك السمح بلحيل
شول اشوانق دينق
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: شول اشوانق دينق)
|
يا سلام عليك يا أشول
كلمات بجد معبّر ودخل في بويطنات القلوب من صمام إلى صمام
أنت إنسان نقي السريرة وصافي الضمير وبالإحترام جدير
أمنى لك صادقاً من قلبي كل الخير
طلعت نجار خطير
تحياتي كمال
------
يا كمال ... ياخ لك الشكر اجزله والف تحية ليك وكل سنة وإنت وكل اهلك والسودانيين بخير وشكراً على الكلام السمح الفوق ده ياخ
ملاحظة عامّة وهامّة: كلماتي وتمنياتي ليس لها علاقة بالكريسماس
برضو ما مشكلة ياخ ... وكل سنة وإنت طيب "كان كريسماس ولّ غيرو"
شول اشوانق دينق
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: شول اشوانق دينق)
|
شايف صحبك طلحة الخائن
لحدي الان ما عمل ليك تهنئة
عشان تعرف الصهاينة ديل كيف
________________________
اظهر ياشفيف
طلحة ده اليصبر لى وخليهو يصلى الكريسماس ده ما ينتهى وإنشالله حاطلب من بكرى ينقل بوستو داك للخور
دايرين لينا برنامج كده يا عمك قبال يوم 27 ... تعرف ليه؟!
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: شول اشوانق دينق)
|
| Quote: ياوهبة ماتعيد ياخ قوم امرق اتفسح |
ناهد بت بحري
كل سنة وانت طيبة
تعرفي قبل شوية كان جنبنا حفلة
افتتاح طلمبة النيل الفى شارع الزعيم الازهري
حفلة بشباب جنوبيين زي الورد الحلة كلها كانت مهججة
ونحن طبعا ناس الصفوف الخلفية اكلنا الكوكتيل وجينا مارقين
ياخ انا بحب بحري ياخ
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: عبدالوهاب علي الحاج)
|
Quote: ناهد بت بحري
كل سنة وانت طيبة
|
وانت طيب وبحرى زااااتا طيبة
Quote:
تعرفي قبل شوية كان جنبنا حفلة
افتتاح طلمبة النيل الفى شارع الزعيم الازهري
حفلة بشباب جنوبيين زي الورد الحلة كلها كانت مهججة
|
والله بختكم ومالها خلصت بدرى كده ...
مالسة الكريسماس مازال طفلا...
Quote:
ونحن طبعا ناس الصفوف الخلفية اكلنا الكوكتيل وجينا مارقين
ياخ انا بحب بحري ياخ |
الله يجازى الغربة فى (التعوسية ) دى بالذات
طيب ياخ ماتجى معانا فى بحرى فاتحين ليها بوست
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: شول اشوانق دينق)
|
شول كل عام وانت اجمل واجمل
والسنه الجايه كل الامانى محققه
بس القصيده دى كان عفيتنى منها بكون كويس
المضمون ممتاز .. لكن الفيك اتعرفت
ياخ قصيدتك دى انا السجمان ده ممكن انجر احسن منها
يا دومبيك ما تلحقنا
كل عام والجميع بالف خير وعافيه
وإنت طيب يا مزمل التريكى والسنة الجاية زى ما عايز.
خالى دومبيك ده اصلو ما يجى ناطى هنا لانى خاتى ليهو شرك فى الباب
شول اشوانق
_______________________________
هسع يا مزمل القصيدة دى مالها ... عيبا لى
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: شول اشوانق دينق)
|
Quote: عزيزي شول سلام
اعتقد انك سمعت بقصة الكديس والسمك والوزن
طيب كان كلامك ده نجر ساااااااااااهي ,,, الشعراء يكتبوا شنو تاني ؟؟!!!
كل الود |
حاج العوض اخوى ... كيف حالك ووليداتك إنشالله كلكم تمامين.
كل سنة وإنت والأهل والسودان بخير والسنة الجاية إنشالله البلد ينعدل حالو... إنشالله يااااااااااااا رب
الشعراء كان بيكتبوا زى النجر ده ما كان سموهم شعرا ياخ
كن بخير
شول اشوانق دينق
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: شول اشوانق دينق)
|
شول ,,
كل سنة وانت طيب,,
نجر نضيف,,
اسمع يا عمك في اغنية جنوبية جديدة طالعة اليومين دي
بالله عليك لولقيتا نزلا لينا هنا
بتقول :
جوبا بلدي
مية في مية درجات حرارة في قلبي
انا ليك..
وإنت طيب يا معاذ وكل اهل السودان بخير
إنشالله الاغنية لو لقيتو بجيبا ليك هنا
شول اشوانق دينق
__________________________________
معاذ ... اوعك تكون داير ترجمتو
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: شول اشوانق دينق)
|
Quote: وإنت طيب يا معاذ وكل اهل السودان بخير
إنشالله الاغنية لو لقيتو بجيبا ليك هنا
شول اشوانق دينق
__________________________________
معاذ ... اوعك تكون داير ترجمتو |
شول ,,
عليك امان الله ما عايز اترجمها
انا سمعتها مرة واحدة وعجبتني شديد
كلمات ولحن ,,فعلا اغنية مميزة
,,,
انت البوست بتاع كوانج كوانج مشى وين؟
فتشت عليهو ما لاقيهو!!
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: شول اشوانق دينق)
|
شول ,,
عليك امان الله ما عايز اترجمها
انا سمعتها مرة واحدة وعجبتني شديد
كلمات ولحن ,,فعلا اغنية مميزة
,,,
انت البوست بتاع كوانج كوانج مشى وين؟
فتشت عليهو ما لاقيهو!!
يا معاذ ... كان كده بنفتشو ونجيبو هنا إنشالله
فعلاً البوست بتاع كوانج كواج مافى ... والله خسارة ياخ تعبنا راح ساى يا جدعان
شول اشوانق دينق
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: شول اشوانق دينق)
|
هلا يا شول يا صديقي..
وكريسماس سعيد وعام اسعد لك ولكل الاهل والاصدقاء وجموع المسيحين...
وعندما ياتي هذا العيد يا شول ترن في داخلي موسيقي عالية الترتيب وتصدح في داخلي زكريات ايام
بعيدة جميلة تظلها اصوات الاجراس المقدسة الاتية من كنائس كتور..
وتطل سيرة القسيس العظيم جارنا وليم الشهير بابونا...
وجوقة الزائرين علي سرداق السلطان الكبير اندرية..
ولكن يظل دائما شوقي الحار والدفين للاصدقاء فيلكس لورو وصلاح روبن والشهير (كاك)
كل التهاني وفلتنعم الارض بالسلام والتسامح
ولمسيحي السودان كل الاماني والتهاني
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: شول اشوانق دينق)
|
هلا يا شول يا صديقي..
وكريسماس سعيد وعام اسعد لك ولكل الاهل والاصدقاء وجموع المسيحين...
وعندما ياتي هذا العيد يا شول ترن في داخلي موسيقي عالية الترتيب وتصدح في داخلي زكريات ايام
بعيدة جميلة تظلها اصوات الاجراس المقدسة الاتية من كنائس كتور..
وتطل سيرة القسيس العظيم جارنا وليم الشهير بابونا...
وجوقة الزائرين علي سرداق السلطان الكبير اندرية..
ولكن يظل دائما شوقي الحار والدفين للاصدقاء فيلكس لورو وصلاح روبن والشهير (كاك)
كل التهاني وفلتنعم الارض بالسلام والتسامح
ولمسيحي السودان كل الاماني والتهاني
هلا بالصديق كيكى
ياخ كل سنة وإنت طيب وكل الأهل بخير وكلامك الفوق ده ياهو السودان زااااتو شئنا ام ابينا
شول اشوانق دينق
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: شول اشوانق دينق)
|
Quote: شول
شيباك مونج
شعر جميل جدا
لكين بس الوطن الموحد دا طلع دينا عديل كدي
كل عام وانتم بخير
جوك |
الخال جوك بيونق وإنت طيب وكل الأهل بخير والسنة الجاى زى ما عايز
السودان الواحد ما كعب يا جوك ...
دايرين دولة القانون والحقوق والواجبات على قولة اخونا لاكو اوطو "محسن طه"
شول اشوانق دينق
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: شول اشوانق دينق)
|
Quote: مزمل كل سنة وانت طيب
كدا اسأل شول قول ليهو القصيدة دي نجرتها
برااااااااك كدا ولا معاك الناس الشايلين
اللاب توب |
الشايلة اللابتوب داك يا خال زولة إنجليزى ساى ما عندها رقبة للعربى المنجور ده
شول اشوانق دينق
_______________________
عملت ليك شرك فى الباب بس الظاهر فشل
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: شول اشوانق دينق)
|
النجّار ...... أووووبس
أقصد الشاعر شول
كل سنة وإنت طيب
والسنة الجاية سودانّا واحد.
إنت يا شول أنا مش عندي طلب منك طلبتو في بوست دومبيك؟
ياخ بطّل بخل وعايزين أغنية (أكوانج)، ويا شباب لو أي واحد عنده الأغنية دي ينزلها لينا.
Quote: هسع يا وهبة ... لونى فى الصورة الاولانى "بتاع بروفايلى" ما عاجبك يعنى؟
يعنى لازم تمسحنى بكريم الكمبيوتر وتفتح من لونى ياخ |
جبت الكلام براك .. غايتو الصورة دي بس ورتنا شول ده شكلو كيف. لكن أحلى صورة بروفايل تعملها كانت صورة الزولة الحلوة ديك ... ياخ دي حاجة خطيرة خلاص.
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: شول اشوانق دينق)
|
Quote: النجّار ...... أووووبس
أقصد الشاعر شول
كل سنة وإنت طيب
والسنة الجاية سودانّا واحد. |
الف شكر اخوى محمد ابو الريش وكل سنة وإنت طيب ياخ "قلتا ليك فى بوست لسه حى لى هسع"
Quote: إنت يا شول أنا مش عندي طلب منك طلبتو في بوست دومبيك؟
ياخ بطّل بخل وعايزين أغنية (أكوانج)، ويا شباب لو أي واحد عنده الأغنية دي ينزلها لينا. |
اصلو ما بنزلو لا هنا لا هناك لو ما نطقت ... اقصد كتبت الإسم صاح
بعدين تعال هنا ده ... كريسماس ده بتاع الدينكا
| Quote: جبت الكلام براك .. غايتو الصورة دي بس ورتنا شول ده شكلو كيف. لكن أحلى صورة بروفايل تعملها كانت صورة الزولة الحلوة ديك ... ياخ دي حاجة خطيرة خلاص. |
اليك ويك ابتنى اعمل ليها شنو يعنى كواديك ... تعرف لما ابتنى قربت اقول ليها:
| Quote: وما قدرت انساك من زمان بس ضاعت أحلام الطفولة |
بس للاسف إتذكرت إننا ما إتربينا فى طفولتنا سوى 
شول اشوانق
_________________________
محمد ياخ إنت زول بتاع دردقة ... الله يثامحك
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: شول اشوانق دينق)
|
Quote: شول اشوانق
كل سنة وانت طيب
وكل احبابنا فى الجنوب الحبيب |
اخوى خالد عنان عمر اولاً كل سنة وإنت طيب وكل اهلك وكل السودانيين بخير من طوكر للجنينة ومن حلفا لى نمولى.
تانياً مرحب بيك فى البورد ونتمنى ليك إقامة طيبة بيننا يا اخى.
وشكراً كتير على التهنئة بالعيد وامنياتك لإخوانك فى الجنوب.
شول اشوانق دينق
_______________________
عمر ... إنت جيت خاشى زى الزول المدفور كده
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: شول اشوانق دينق)
|
Quote: وانت قايل القصايد دى بنجروها من وين ؟؟ ما ياهو من الراس ده زاتو
قصيدة لذيذة وبوست لذيذ
وكل عام وانت بخير |
اختى تماضر بت شيخ الدين والله حبابك وكل سنة وإنت وكل اسرتك وكل الاهل والسودانيين بخير وطيبين والف عافية.
تعرفى يا اختى تماضر انا إفتكرت الزول بيمشى لى فكى عشان يقدر ينجر ... تصدقى
كونى بخير وبعدين ياخ غيابك طااااااااااااال ... ليه كده بس؟!
شول اشوانق دينق
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: شول اشوانق دينق)
|
Quote: الأمل كبير في الله ثم في المخلصين من أهل السودان و حتما سيعود الوطن كما كان كبيرا يسع الجميع
كن بخير |
أخى وأستاذى ابو جهينة
حقاً نريدها وطن العزة والكرامة والعدالة والحرية والمساواة والتنمية والصرامة"صرامة القانون" ... نريدها وطن الحقوق والواجبات.. نريدها وطن يسع الجميع كما تفضلت.
اكيد ... سوف تشرق فجر شمس جديد ... وإن طال الزمن
كل سنة وإنت طيب وسلامى لاخى وصديقى لؤى شمت
شول اشوانق دينق
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: شول اشوانق دينق)
|
| Quote: قصيدة منجورة من الراس بمناسبة الكريسماس |
والله قصيدة اولاد عرب عديل...
هييييييييييييييع دينكاوى ونجح...
صديق الجعلى!!!!!
شول العزيز...
الحمد لله في الأعالي ، وعلى الأرض السلام ، وبالناس المسرة
ياخ كل سنه وانت والسمحين مسيحين ومسلمين والسودان بالف خير وسلام وعافيه..
لك ملايين التبريكات
| |
|
|
|
|
|
|
|
|
 Re: قصيدة منجورة من الراس بمناسبة الكريسماس (Re: شول اشوانق دينق)
|
Quote: والله قصيدة اولاد عرب عديل...
هييييييييييييييع دينكاوى ونجح...
صديق الجعلى!!!!!
شول العزيز...
الحمد لله في الأعالي ، وعلى الأرض السلام ، وبالناس المسرة
ياخ كل سنه وانت والسمحين مسيحين ومسلمين والسودان بالف خير وسلام وعافيه..
لك ملايين التبريكات |
أخوى صديق الموج ... العجوز
ياخ كل سنة وإنت طيب والسنة الجاية زى ما عايز وكل اسرتك واهلك بخير وتامين ولامين وإنشالله نقابلك فى السنة الجديدة ياخ 2009.
حضورك اثلج صدرى وبعد ده ممكن اقفل البوست ده بى مزااااااااااااااااااج كده ياخ
شول اشوانق دينق
___________________
يا ود الموج ... ياخ احبك زاتو
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: شول اشوانق دينق)
|
وييين يا فرده؟
كل سنة وأنت طيب وأحلامك محققة
نصيحة:
السنة ماشة علي نهاية أبعد منك ودالموج ده
يكون ياربي فاكر نفسو سانتا كلوز ولا بابا نويل؟
ــــــــــــــــــــــــــــــــــــــــــــــــــــــــ
موج ياخردة الناس في قندهار ودار سوداتل أقعد أنت مع شول ده
| |
|
|
|
|
|
|
|
|
|
Re: قصيدة منجورة من الراس بمناسبة الكريسماس (Re: شول اشوانق دينق)
|
Quote: بصراحة مالقيت لي بوست أعلق فية غنيتي دي
وما عندي قدرة لفتح بوست على نفقتي
فقلت اجي عندك ياشول اصلي عارفك بتحب الحاجات الأصلية |
مية المية يا صلاح وكل سنة وإنت طيب
شول اشوانق دينق
_____________________________
الساعة تلاتة صباحاً ... الخرطوم كان زحمة خلاس
| |
|
|
|
|
|
|
| |
شول اشوانق دينق
محمد عكاشة
عبدالوهاب علي الحاج
Hassan Makkawi
ناهد بشير الطيب
dombek yai
Frankly
Adel Sameer Tawfiq
سارة علي
ناذر محمد الخليفة
الطاهر ساتي
العوض المسلمي
معاذ حسن
جلال عثمان
محمد فضل الله المكى
بدر الدين الأمير
عبدالكريم الامين احمد
دوت مجاك
انعام عبد الحفيظ
JOK BIONG
محمد أبوالعزائم أبوالريش
عمر صديق
خالد عنان عمر
Tumadir
MOHAMMED ELSHEIKH
داليا حافظ
اسامة الكاشف
وليد محمد المبارك
ابو جهينة
هشام حسن
صديق الموج
ممدوح أبارو
Salahaldeen Nadir
فيس بوك
تويتر
انستقرام
يوتيوب
بنتيريست