الوصية...محمد وردى

حلفتك يا قلبي حلفتك بربي، خليهو الغرام
اتنكر لحبك وريهو الخصام
ليه تتهان يا غالي ليه والذل حرام
*********
تتعذب لوحدك ليل والناس نيام
إن جاك يوم يصالحك قول ليهو الكلام
أو يعود حنينك وترد السلام
أوع يا قلبي تنسى في لحظة الوصية
أنا عرفك حنين بتشمت علية
أوع يا قلبي تنسى
أوع يا قلبي
****************
حلفتك يا قلبي الخانك تخونو
والفايت غرامك أوعا في يوم تصونو
وزي ما أبكى عيني سهر لي عيونو
أوعا تقوللي تاني ما بنعيش بدونو
أيه في الحب لقينا غير همّو وشجونو
أوع يا قلبي تنسى أوع يا قلبي
**********
حلفتك يا قلبي حملتك أمانة
الفاتت عهودكـ ما تبكي عشانه
حلفتك تقول لي إيه آخرة بُكـــانا
الدنيا الجميلة
والحسن الحلال
الطير في غصونو
الساجعة في حنانا
كل الناس تغني ليه نحن الهم طوانا
ليه ..ليه
يا قلبي ليه
قول لي بي أمانة
أوعا يا قلبي تنسى في لحظه الوصيه
أنا عارفكـ حنين وبتشمت عليا
أوع يا قلبي تنسى
أوع يا قلبي