|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: بيع منزل الفنان وردى بالمزاد العلنى (Re: فيصل محمد خليل)
|
Quote: اتصوروا دا وردي
فما بال عامة الشعب !!!! |
واذا نظرت جيدا ستجد جماعة (حرامى القلوب تلب )
يركبون الفاراهات التى لا نشاهدها حتى هنا عند ال سعود
ويسكنون الشاهقات التى تنافس باريس
لكم الله مبدعى بلدى
انها سياسة ومنهج حكومة تسعى لتدمير كل قيمة جميلة فى وطنى
| |
 
|
|
|
|
|
|
|
|
Re: بيع منزل الفنان وردى بالمزاد العلنى (Re: هشام عباس)
|
لا حوله ولا قوة إلا بالله ،،، طيب وين صندوق دعم المبدعين، وين إتحاد الفنانين ، وين وزارة الثقافة والإعلام ، طيب وين إتحاد المحس ، طيب وين محبي وعشاق وردي ،،،،
والله لو جمعو من أي واحد بيحب وردي (1000) ألف جنيه بالقديم أراهن على أنهم سيجمعون أكتر من المبلغ المطلوب بكتيييييييييييير .. من منا لا يحب وردي من منا لم يطرب للطير المهاجر أو هدية أو لو بهمسة ، ومن منا لم تشكل أغاني الأستاذ الموسيقار محمد وردي وجدانه وعواطفه ..
لماذا لا يقيم الناس في بلادي الفن والفنانين ..
اسأل الله أن يفرج كربة أستاذنا الكبير محمد وردي ..
تحياتي : ياسر العيلفون
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: ياسر السر)
|
الأخ ياسر السر
| Quote: من منا لم يطرب للطير المهاجر أو هدية أو لو بهمسة ، ومن منا لم تشكل أغاني الأستاذ الموسيقار محمد وردي وجدانه وعواطفه |
..
مشكلة وردى انه لم يغن (لثورة الأنغاز) ولم يشد الرحال لشريف نيجيريا.
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: قلقو)
|
| Quote: بيع منزل الفنان وردى بالمزاد العلنى |
الاخ قلقو
سلام
فنان القرن الماضي.. فنان افريقيا الاول!!
ويكفي اسمه... وردي!!
حرام والله حرام..
| Quote: والله لو جمعو من أي واحد بيحب وردي (1000) ألف جنيه بالقديم أراهن على أنهم سيجمعون أكتر من المبلغ المطلوب بكتيييييييييييير |
هذه ممكن واقتراح جميل يلزم كل زول..
بس الناس الما بقدروا ديل......
ليش بالصورة دي.. وردي يعملوا ليهوا دفتر!!
تحياتي
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: قلقو)
|
!!!!!
| Quote: انها سياسة ومنهج حكومة تسعى لتدمير كل قيمة جميلة فى وطنى |
الدخل الحكومة هنا شنو ؟؟!!!
شركة مقاولات ودايرا حقها .. ما بيهمها كان البيت بتاع وردي ولا بتاع رئيس الجمهورية ..!!
حقها يروح ساي عشان البيت بتاع وردي يعني ولا شنو ؟؟!
ووردي صاحب المقولة (إنتهى عهد التكريم بالدلاقين والخشب) ..!
وين مبلغ الخمسين ألف دولار الإستلما من شركة ليالي والمرحوم حسن ساتي ؟!
الناس طوالي جارية على الحكومة ..!!!
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: ناذر محمد الخليفة)
|
Quote: شركة مقاولات ودايرا حقها .. ما بيهمها كان البيت بتاع وردي ولا بتاع رئيس الجمهورية ..!!
حقها يروح ساي عشان البيت بتاع وردي يعني ولا شنو ؟؟! |
الأخ ناذر..
انا معك فى ان تأخذ الشركة حقوقها وعلى داير مليم من عملائها, ولكن الم تكن هناك طريقة غير البهدلة وكشف الحال ؟
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: قلقو)
|
| Quote: انها سياسة ومنهج حكومة تسعى لتدمير كل قيمة جميلة فى وطنى |
يا رب ما دخل حكومة السجم والرماد في هذه العملية!!!!!
اذا كان مطلوب منها حل مشكلة وردي فمطلوب حل مشكلة محمد احمد
وكم عدد الذين عليهم مطالبات لم يوفوها
وردي رقم كبير وصعب تجاوزه
لكنه ما كان يغني مجانا
كان يستلم عداده مقدما
وكان مفروض يكون لديه منزل فخم ووضع مادي بحجم سمعته يليق به وبمعجبيه وبسمعة الغناء السوداني
.....................
لكنها فوضي سودانية
وبهدله سودانية
ثم مطلوب من حكومة السجم والرماد أن تتحمل
سبحان الله
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: علي الكرار هاشم)
|
Quote:
الدخل الحكومة هنا شنو ؟؟!!!
شركة مقاولات ودايرا حقها .. ما بيهمها كان البيت بتاع وردي ولا بتاع رئيس الجمهورية ..!!
حقها يروح ساي عشان البيت بتاع وردي يعني ولا شنو ؟؟!
ووردي صاحب المقولة (إنتهى عهد التكريم بالدلاقين والخشب) ..!
وين مبلغ الخمسين ألف دولار الإستلما من شركة ليالي والمرحوم حسن ساتي ؟!
الناس طوالي جارية على الحكومة ..!!! |
وهى كل البلاوى الجايه للشعب السودانى الوراها منو؟
اكيد المسأله فيها كيزان, عشان ينتقموا منه لانه رفض يغنى ليهم
انت يا ناذر خليت الهندسه وداير تبقى محامى ولا وكيل نيابه؟
المدعى العام مافى ليك طريقه لانه واحد ومعروف تابع لى وين و داير شنو
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: علي الكرار هاشم)
|
| Quote: وين مبلغ الخمسين ألف دولار الإستلما من شركة ليالي والمرحوم حسن ساتي ؟! |
Quote: وردي رقم كبير وصعب تجاوزه
لكنه ما كان يغني مجانا
كان يستلم عداده مقدما
وكان مفروض يكون لديه منزل فخم ووضع مادي بحجم سمعته يليق به وبمعجبيه وبسمعة الغناء السوداني
|
يا اخوانا ما تنسوا ان الاستاذ وردى راجل بتعالج الى الآن من تداعيات عملية نقل الكلية ،
والدليل على ذلك ما جاء فى الخبر الذى نقله الاخ قلقو ان وردى متواجد حاليا فى الدوحة لحظة اعلان الحكم ،
وحسب علمى أن وردى يقوم برحلات متعددة بين الدوحة والخرطوم لمتابعة العلاج مع الدكتور الذى اجرى له عملية نقل الكلية فى الدوحة ،
وما يتصل بها من مصاريف سفر وإقامة وإعاشة ومرافقة
وطبيعى أن يستنزف ذلك كل ما لديه من مدخرات .
| |
|
|
|
|
|
|
|
|
 Re: بيع منزل الفنان وردى بالمزاد العلنى (Re: الفاتح الجنيد)
|
| Quote: وردى غلطان.. كلها كانت اغنية اغنيتين لثورة (الأنغاز) وامورو كانت سلكت . |
سلام يا قلقو
عارف بعد ده كلو ما سلم من الألسنة الكثيرة
قالوا وردي طبل للإنقاذ وقالوا وردي ساعد في الحملة الإنتخابية
وهنا في البورد ده فتحوا ليهو كم وكم بوست وكالوه وما فضلو ليهو صفحة يرقد عليها
كانت حينها إبنته جوليا في مسقط وهو ايضا كان في زيارة لها بعد عملية نقل الكلى
اصرت جوليا تدخل البورد وتدافع عن الهجوم الغير صحيح عن والدها
اصر إصرار شديد ان لا تطرق جوليا لأي هجوم لا دليل له , وبعتبر ده كلو كلام فارغ
وقال ليها بالحرف الواحد لو دايره تشتركي في سودانيز بدون ما تطرقي لي نوعية الهجوم المرتد ده , ما مشكلة
غير كده ما تشتركي خالص ولا تكتبي حر ف عن الحملة الما منها فايدة دي
وكنت وقتها موجدة معهم . وجه لي نفس الكلام وإنتي يا سوما ما تكتبي حرف وخلي اي زول يكتب بدون مصداقية وضمير
الكلام اكيد مردود ليه مدام مافي دليل , والناس عندها عقول بتميز ومصيرها الحقيقة تظهر وإن طال الزمن ...
والله على ما اقوله شهيد
وفعلا إشتركت جوليا وتجاهلت كل الهجمات الكاذبة
التحية للقامة وردي ربنا يديه الف صحة وعافية
وربنا يفرجها عليهو
وبإذن الله تفرج بدون ما يتصرفوا في بيته وبيت وليداته
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: اسماء الجنيد)
|
قلقو ...
| Quote: انا معك فى ان تأخذ الشركة حقوقها وعلى داير مليم من عملائها, ولكن الم تكن هناك طريقة غير البهدلة وكشف الحال ؟ |
وينا البهدلة وكشف الحال هنا !!
الشركة لجأت للقضاء لأخذ حقوقا والقضاء أنصفا.. ما وقفت قدام بيت وردي وقعدت تس###### : واااااي الحقوونييي . واااايي ابا يديني قروشي ..!
إذا صحيفة التيار نشرت الخبر الشركة ما مسؤولة ..!
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: اسماء الجنيد)
|
فتحي الصديق ..
| Quote: لماذا لا تتحمل نفقات بناء بيت مبدع سوداني ؟؟ |
طيب هو ما يصبر لحدي ما الحكومة تبني ليهو بيت .. أهو في زي عشرة الف مبدع سوداني لسع منتظرين الحكومة .. ما ينتظر معاهم ..الإستعجال ليهو شنو لو ما عندو قروش ..!
الشركة ذنبها شنو .. أمكن رئيس الشركة أنصار سنة وما بيسمع غناء زاتو ..! ذنبو شنو ؟!
نحسب ليك المبدعين من شعراء وفنانين وموسيقيين الما عندهم بيوت كم ؟!
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: اسماء الجنيد)
|
مورتون كيفك ..
Quote: وهى كل البلاوى الجايه للشعب السودانى الوراها منو؟
اكيد المسأله فيها كيزان, عشان ينتقموا منه لانه رفض يغنى ليهم
|
هو متين رفض يغني ليهم ؟!
يا مورتون وردي قال لي عمر البشير بعد أول غنية (لو كنت عارف الجبهجية بيحبو غناي كنت جيت من زمان) ..!
ما تفترضو حاجات وتبنوا عليها مفاهيم غلط ..!
عشان ما ينتقموا منو الكيزان بحسب فهمك خليهو يدي الشركة قروشا والموضوع ينتهي .. في أبسط من كدا ؟!
Quote: انت يا ناذر خليت الهندسه وداير تبقى محامى ولا وكيل نيابه؟
|
عشان كدة الموضوع حارقني يا مورتون .. كل المسألة وردي بنا بيت وتعثر عن الدفع والناس شابكيننا كيزان ومش عارف إيه .. هسي لو سألت شركة المقاولات دي تتبع لي منو وسيدا منو زول حا يجاوب هنا ما في ..!
تسلم ..
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: الفاتح الجنيد)
|
Quote: وردي رقم كبير وصعب تجاوزه
لكنه ما كان يغني مجانا
كان يستلم عداده مقدما |
الأخ على الكرار..
نعم وردى لم يكن يغنى مجانا ولكن هل لمثل هذا السبب لا يقف معه الناس فى محنته, وهو الذى طالما اسعدهم بفنه ؟
وبعدين ياكرار المسألة مسألة عدم تقديرنا للفنان السودانى عامة واهمالنا له حين يكبر ويشيخ ..ودونك كثير من الفنانين ولاعبى كرة القدم والممثلين الخ ...الذين تجد الواحد منهم وهو يحمل اوراقه من مكتب لمكتب مثل المتسولين حتى يتعطفوا عليهم بالعلاج او الدعم الأجتماعى .
هل يرضيك هذا ؟
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: عبدالأله زمراوي)
|
| Quote: الشركة لجأت للقضاء لأخذ حقوقا والقضاء أنصفا.. ما وقفت قدام بيت وردي وقعدت تس س ك ب : واااااي الحقوونييي . واااايي ابا يديني قروشي ..! |
الأخ ناذر,
انا تدخلت لأصلاح الكلام الكان مشطوب بواسطة بكرى على حسب فهمى من سياق مداخلتك .
لكن بأختصار الكلام ده ما بيشبهك , ولا هو ده اسلوبك الذى اعرفه انا من خلال متابعتى لما تكتب فى المنبر .
| |
|
|
|
|
|
|
|
|
 Re: بيع منزل الفنان وردى بالمزاد العلنى (Re: قلقو)
|
Quote: ورب ضارةٍ نافعة، فقد علم الجميع الآن بأن الأستاذ الكبير وردي قد بنى منزله
بحر ماله ولم تبني له الإنقاذ كما كان يُشاع سابقا.... |
ينصر دينك شاعرنا القامة زمراوي
صدقت .... خليهم يعرفوا الحقيقة البحاولوا يطمسوها بأكاذيبهم , لا فض فوك يا ملك...
ريحت بالي والكثيرين من محبي ومعارف فنان افريقيا وردي
ربي يريح بالك ويسعدك وين ما تقبل
تسلم كتير كتير اديبنا الأريب زمراوي
التحايا النواضر عبرك للأستاذ الرقم وردي بلغوا كثير السلام والمحبة والإحترام
وفي حضرة جلالك يطيب الجلوس مهذب امامك يكون الكلام
والتحية للأخ العزيز قلقو لفتح البوست لكي يتنور الجميع ويعرف الحقيقة
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: اسماء الجنيد)
|
انتو جادين ؟؟؟
انا بحححححب وردي لكن وردي لو ما سدد يكون مستنكح ..
القروش البتقولوا الشركة عايزاها من وردي دي تلاتة حفلات بس حقت عرس بتسددها ليهم ..
وردي حفلتو بي 20 لي 30 مليون يعني خميسين وصبحية وحفلة في نادي الضباط الموضوع بينتهي..
كونو وردي ما عايز يدفع وتبقى قضية راي عام والشعب يتدخل ونبقا في تبرع لي وردي وفنان افريقيا وإنهم ناس الإتقاذ فده يبقا كلام ما حبااابو ..
بوست متفرجخ ..
تخريمة :
احمد الصادق ما سدد أقساط الهمر وح يشيلوها منو ..كيف ليكم ؟
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: عمر الفاروق)
|
!!!!!
| Quote: والغريب فى الأمر انت برضو راجل فنان وده واضح من بروفايلك وكان هذا ادعى لأن تقف معه بدلا من ان تتولى الدفاع عن الشركة |
أنا فنان وفي نفس الوكت صاحب شركة مقاولات .. كدة الأمور بتكون وضحت ..
ولأنو الإشكاليات دي مرت علي كتير .. عشان كدة أنا موجوع ..
شركة مقاولات حقها ما جاها ولجأت لوسيلة محترمة وشرعية وهي القضاء والقضاء أنصفا ..!
شركة المقاولات دي عندها برضو إلتزامات ضرائب وأجور عاملين وسدلد فواتير مواد ..
ما بيفرق معاها لو الزول البنت ليهو محمد وردي أو فتحية الفتيحاب ..!
المهم إنو الجهة دي ما تخل بالإتفاق وتدفع العليها ..
والناس هنا جارة الموضوع ومدخلة طرف تالت اللي هو الحكومة ..!
لي شنو أنا ما عارف ..
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: قلقو)
|
بالله ياطير
قبلما تشرب تمر علي بيت صغير
تلقي الحبيبة بتشغل منديل حرير
لحبيب بعيد
كل هذه الروائع
لم تجعلهم
على الاقل يصبروا
عليهم
في زمن المادة
تلقي هسع الغنت وراء
عايشة في قصر
عجبت لك يازمن
الغريبة انه الشركة بتاعت محس
شفتو كيف
لكم ودي
اماني الروح
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: قلقو)
|
بالله ياطير
قبلما تشرب تمر علي بيت صغير
تلقي الحبيبة بتشغل منديل حرير
لحبيب بعيد
كل هذه الروائع
لم تجعلهم
على الاقل يصبروا
عليهم
في زمن المادة
تلقي هسع الغنت وراء
عايشة في قصر
عجبت لك يازمن
الغريبة انه الشركة بتاعت محس
شفتو كيف
لكم ودي
اماني الروح
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: Hisham Amin)
|
اخي قلقو
كنت في جلسه مع ابو امنه حامد في منزله وتفاجأ احد الحضور بان المنزل الذي يسكن في بالايجار
فرد عليه ابو امنه يرحمه الله : حسن عطيه خمسين سنه وما عندو بيت ايه يعني ابو امنه ؟
هذا هو رد الفنان الملتزم اخلاقيا تجاه شعبه ووطنه وقضيته
غض النظر عن الدوله التي ترعي او لاترعي الابداع وهي كما هومعروف اوقفت من قبل الغناء وكسرت التماثيل
وفي نهاية المطاف بدات ترعي الابداع وتقيم الحفلات لتلحق السوق
اخي ناذر
شي مشين انك تقارن بين وردي وفتحيه فتيحاب
اهديكم هذه القصاصة القوقلية عن المناضلة جميله بوحريد
امة لا تحترم مناضليها لا تستحق التضحية
من المؤسف أن نرى ونسمع كثيرا من القصص المحزنة لما يحصل لمناضلي هذه الأمة من تجني في حياتهم ومماتهم
تحترم الأمم مناضليها وتشملهم برعايتها وتكريمها فنرى كيف تحترم جنوب أفريقيا بمناضليها وتشملهم برعايتها
واليوم نسمع نداء المناضلة جميلة بو حيرد تستجدي برسالة ثمن الدواء
هل هذا يجوز هل هذا من شيم الكرام
لا حول ولا قوة إلا بالله
يعجز القلم أن يعبر عن مشاعره في هذه اللحظة
عفوا جميلة بو حيرد فنحن لا نستحق التضحية
جميلة بوحيرد
من ويكيبيديا، الموسوعة الحرة
جميلة بوحريد 1935 في حي القصبة، الجزائر العاصمة
هي مجاهدة جزائرية تعد الأولى عربياً،إبّان الثورة الجزائرية على الاستعمار الفرنسي لها، في منتصف القرن الماضي.
حياتها
كانت البنت الوحيدة بين أفراد أسرتها فقد أنجبت والدتها 7 شبان،
واصلت تعليمها المدرسي ومن ثم التحقت بمعهد للخياطة والتفصيل فقد كانت تهوى تصميم الأزياء.
مارست الرقص الكلاسيكي وكانت بارعة في ركوب الخيل إلى أن اندلعت الثورة الجزائرية عام 1954
حيث انضمت إلى جبهة التحرير الوطني الجزائرية للنضال ضد الاحتلال الفرنسي وهي في العشرين من عمرها
ثم التحقت بصفوف الفدائيين وكانت أول المتطوعات لزرع القنابل في طريق الاستعمار الفرنسي،
ونظراً لبطولاتها أصبحت المطاردة رقم 1. تم القبض عليها عام 1957
عندما سقطت على الأرض تنزف دماً بعد إصابتها برصاصة في الكتف وألقي القبض عليها
وبدأت رحلتها القاسية من التعذيب من صعق كهربائي لمدة ثلاثة أيام بأسلاك كهربائية.
تحملت التعذيب ولم تعترف على أخوانها المجاهدين ثم تقرر محاكمتها صورياً وصدر ضدها حكم بالإعدام
وجملتها الشهيرة التي قالتها آنذاك
أعرف أنكم سوف تحكمون علي بالإعدام لكن لا تنسوا إنكم بقتلي تغتالون تقاليد الحرية في بلدكم ولكنكم لن تمنعوا الجزائر من أن تصبح حرة مستقلة
بعد 3 سنوات من السجن تم ترحيلها إلى فرنسا وقضت هناك مدة ثلاث سنوات ليطلق سراحها مع بقية الزملاء عام 1962.
قصة نضالها ضد الاستعمار
كان الطلاب الجزائريون يرددون في طابور الصباح فرنسا أُمُنا
لكنها كانت تصرخ وتقول: الجزائر أًمُنا،
فأخرجها ناظر المدرسة الفرنسي من طابور الصباح وعاقبها عقاباً شديداً
لكنها لم تتراجع وفي هذه اللحظات ولدت لديها الميول النضالية.
انضمت بعد ذلك الي جبهة التحرير الجزائرية للنضال ضد الاستعمار الفرنسي
ونتيجة لبطولاتها أصبحت الأولى على قائمة المطاردين حتى أصيبت برصاصة عام 1957 وألقي القبض عليها.
من داخل المستشفى بدأ الفرنسيون بتعذيب المناضلة،
وتعرضت للصعق الكهربائي لمدة ثلاثة أيام كي تعترف على زملائها،
لكنها تحملت هذا التعذيب، وكانت تغيب عن الوعي وحين تفوق لتقول الجزائر أُمُنا.
وحين فشل المعذِّبون في انتزاع أي اعتراف منها، تقررت محاكمتها صورياً وصدر بحقها حكماً بالإعدام عام 1957،
وتحدد يوم 7 مارس 1958 لتنفيذ الحكم،
لكن العالم كله ثار واجتمعت لجنة حقوق الإنسان بالأمم المتحدة، بعد أن تلقت الملايين من برقيات الاستنكار من كل أنحاء العالم.
تأجل تنفيذ الحكم، ثم عُدّل إلى السجن مدى الحياة،
وبعد تحرير الجزائر، خرجت جميلة بوحيرد من السجن، وتزوجت محاميها الفرنسي.
من الأشعار التي قيلت فيها:
قالو لها بنت الضياء تأملي
ما فيك من فتن و من أنداء
سمراء زان بها الجمال لوائه
و اهتز روض الشعر للسمراء
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: jini)
|
ياناذر مافي حد لوم شركة المقاولات
نحن بنلوم سياسة الحكومة الوصلت
الفن و اهل الفن لهذا الدرك. سياسة
الحكومة الخلت وردي يهاجر سنين
في الغربة تاركاً ساحة عمله الخصبة
الفنان السوداني بطلع قروش في وطنه
مافي الغربة ذي باقية المهن. يعني لو
كان قاعد في السودان بدون ملاحقات
ما كان حيجد صعوبة يسدد بيها ديونه
وفي رواية اخرى لما احتاج قرض اساساَ.
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: jini)
|
القصة ما انقاذ وما ادراك ما انقاذ
ووردي الهسي دا قعد وغنا مع عمر البشير وعبدالرحيم محمد حسين يعني حبل الود موصول
السؤال : بيتو بتاع الكلاكلة وين ؟؟؟؟
لما كان وردي جدجد وبين اهلو وناسو
معمورة شنو ؟؟؟
الشئ التاني وردي اكتر فنان لقي قروش من زمن افتتاح الكوكاكولا وجيتو الكرنفالية مرورا بال 50 الف دولار بتاعت لجنة ( منظمة ) السيدة وداد بابكر حرم الرئيس والمرحوم حسن ساتي وربنا يزيدو تاني يعملو ليهو شنو ...
الناس حتزعل بس وردي الليلة ما وردي ( يقظة شعب )
واختلاف الراي لا يفسد للود قضية ووردي الزمان خالد اغنياتو وحكاويهو وتاريخو الجميل وبيتو بتاع الكلاكلة
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: jini)
|
مرحبا يا جني ...
انا ما بدافع ولا بهاجم وانا مفطوم بالحان وردي من الابتدائية ومن وعيت للدنيا وبحبو حتي في الرطانة الما بفهما...
الامور تتخت صح ما اكتر .. ياخي المنبر دا فيهو شطحات ونطحات تحير ...
ياخي وردي مالو ومال البهدلة دي ... كان مستور وملك في الكلاكلة ... وفكرتي انو بيت الكلاكلة اتبدل مع تبديلات كتيرة صاحبت وردي البنعرفو ...
ربنا يسهل وتتحل المشكلة وربنا يشفيه ..
واسف يا جني بس والله تحولات وردي دي ماغصاني من جيتو وكلامو في حفلة العودة في افتتاح الكوكاكولا في ارض المعارض في بري وكلامو بتاع ( الرسامالية البتنمي الذوق ) ...
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: الامين عباس احمد)
|
طارق ميرغني ..
Quote: اخي ناذر
شي مشين انك تقارن بين وردي وفتحيه فتيحاب
|
نا تزح المداخلة من السياق بتاعا ..
مداخلتي :
Quote: شركة المقاولات دي عندها برضو إلتزامات ضرائب وأجور عاملين وسدلد فواتير مواد ..
ما بيفرق معاها لو الزول البنت ليهو محمد وردي أو فتحية الفتيحاب ..! |
فأنا كشركة لمن أجي أبني بيت لي فتحية الفتيحاب ولي محمد وردي ما حا أفرق بينم الإتنين في التكلفة وما عشان دا محمد وردي حا ابني ليهو مجان ...
وكمان العكس في حالة البنيان بالدين أو بالأقساط أنا بقيم فتحية الفتيحاب أكتر من وردي لأني عارف فتحية بتشتغل تسعة حفلات في الأسبوع أقل شي .. صباح ومساء .. طهور وقيدومة .. نجاح وسماية .. وعدادا رامي قدام عيوني ..! وضامن قروشي بتجيني ..!
اها البيضمن لي وردي شنو ؟!
شفت كيف المقارنة مقبولة ومنطقية ..
براك جبت الكلام لي فتحية الفتيحاب .. هسي ذنبها شنو ؟!
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: الامين عباس احمد)
|
سلام يا جني ..
Quote: عليك الله يا ناذر ما تحبطنى انا بحترم قبيلة الفنانين وانت منهم!
|
وعليك الله يا جني برضو حقو نحترم حق شركة المقاولات دي في إنها لجأت للقضاء وانتزعت حقها وما سكتت أو إتنازلت عشان الدايرة منو قروش هو محمد وردي ..
البوست في مجملو مفروض يتحول لي تقديم شكر للقضاء النزيه العادل الما وضع إعتبار إنو المشكو ضده هو محمد وردي ، وبناء عليه أصدرت حكم ظالم .. بل تساوى عندها وردي مع اي شخص أخر قدام القضاء وأنصفت الشركة الشاكية ..
القضية واضحة والناس جارية تحمل الحكومة المسؤولية ..
دا هو مضمون كل مداخلاتي هنا ..
تسلم ..
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: مزمل خيرى)
|
Quote:
وعليك الله يا جني برضو حقو نحترم حق شركة المقاولات دي في إنها لجأت للقضاء وانتزعت حقها وما سكتت أو إتنازلت عشان الدايرة منو قروش هو محمد وردي ..
البوست في مجملو مفروض يتحول لي تقديم شكر للقضاء النزيه العادل الما وضع إعتبار إنو المشكو ضده هو محمد وردي ، وبناء عليه أصدرت حكم ظالم .. بل تساوى عندها وردي مع اي شخص أخر قدام القضاء وأنصفت الشركة الشاكية ..
القضية واضحة والناس جارية تحمل الحكومة المسؤولية ..
دا هو مضمون كل مداخلاتي هنا ..
تسلم .. |
يا ناذر انا مع حق فى شركات المقاولات اخذ حقها من فنان غنائي او صحابى جليل!
هى شركات ربحية وليست خيرية!
انا رديت عليك لاستبعادك دور الحكومة فى معالجة مثل هذه الحالات!
حكومة حتبث اغانى وردى عشرات السنين ومن خلالها تبث اعلانات لماذا لا تدعم هؤلاء المبدعين تكريما لهم على اياديهم السلفت!
جنى
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: الامين عباس احمد)
|
سلام فيصل ..
Quote: ياناذر مافي حد لوم شركة المقاولات
نحن بنلوم سياسة الحكومة الوصلت
الفن و اهل الفن لهذا الدرك. سياسة
الحكومة الخلت وردي يهاجر سنين
في الغربة تاركاً ساحة عمله الخصبة
الفنان السوداني بطلع قروش في وطنه
مافي الغربة ذي باقية المهن |
طيب الحكومة دي ما كان تلوموها من زمااااااااان !! ما لقيتو غير البوست دا !!!
لوم الحكومة يا فيصل بيدورلو بوست منفصل .. البوست دا أساسا مفروض يكون لي الغشادة بحكم القضاء الأنصف الشركة ..
تسلم
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: ناذر محمد الخليفة)
|
سلام جني :
| Quote: انا رديت عليك لاستبعادك دور الحكومة فى معالجة مثل هذه الحالات |
أنا ما أستبعدت دور الحكومة (قداما عشرة الف مبدع ما وردي براهو عشان تعالج حالتو) ..
لكن دور الحكومة دا حقو يتناقش في بوست منفصل لأنو البوست دا ما مكان النقاش ..
اليوست في رايي دا هو تهنئة شركة المقاولات دي على نيل حقها بوسيلة حضارية وتهنئة القضاء العادل الذي لم يحكم لوردي لمجرد أنه الفنان محمد وردي ..
دا لب الموضوع ..
لوم الحكومة وتقديم مقترحات ليها أو حتى شتيمتا هنا ما مكانو .....
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: ناذر محمد الخليفة)
|
معقول الواحد يصدق ان احد قمتي الفن في السودان( وطبعا القمتين هما محمد الأمين ومحمد وردي) ما قادر يسدد دينه ، مفروض الحكومة يبني للأستاذين محمد وزري ومحمد الأمين قصرين منيفين بجانب قصر الشعب... أو على الأقل تديهم قصرين من قصور الضيافة البنوها أيام القمة العربية ولهفوها الناس الكبار والقطط السمان..
واذا كان محمد وردي ما قادر يبني بيت بالكاش فماذا يفعل بقية الشعب... اللهم انجدنا يارب
| |
|
|
|
|
|
|
|
|
 Re: بيع منزل الفنان وردى بالمزاد العلنى (Re: اميرة السيد)
|
Quote: معقول الواحد يصدق ان احد قمتي الفن في السودان( وطبعا القمتين هما محمد الأمين ومحمد وردي) ما قادر يسدد دينه ، مفروض الحكومة يبني للأستاذين محمد وزري ومحمد الأمين قصرين منيفين بجانب قصر الشعب... أو على الأقل تديهم قصرين من قصور الضيافة البنوها أيام القمة العربية ولهفوها الناس الكبار والقطط السمان..
واذا كان محمد وردي ما قادر يبني بيت بالكاش فماذا يفعل بقية الشعب... اللهم انجدنا يارب |
ضحكتيني يا اميرة وشر البلية ما يضحك
هو محمد الامين لسه ساكن فى بيت ايجار ولا بناء ليهو بيت؟
اها وردي وعرفنا مأساته,.
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: ناذر محمد الخليفة)
|
| Quote: بيع منزل الفنان وردى بالمزاد العلنى |
العنوان !
يغنى المغنى وكل على ليلاه!
انت من وجه نظر مقاولاتية وانا من وجهة نظر انسانية!
Here we go house is made of cement and steel and home is made of love and mercy
this the difference ya Nazir
jini
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: ihsan fagiri)
|
Quote:
اليوست في رايي دا هو تهنئة شركة المقاولات دي على نيل حقها بوسيلة حضارية وتهنئة القضاء العادل الذي لم يحكم لوردي لمجرد أنه الفنان محمد وردي ..
دا لب الموضوع ..
لوم الحكومة وتقديم مقترحات ليها أو حتى شتيمتا هنا ما مكانو ..... |
ومن متين بنصفوا فنان او بحكموا لصالحه فى انظمة عقائدية ترى فى الفن كفرا صراحا بواحا!
هى ما دايرة ليها قاضى عادل ولا يحزنون قضية واضحة وايه حضارية دى يعنى الشركة ممكن كان تجيب ليهو رباطين يمرقوهوا من البيت بالتهديد!
البوست عنوانه بيع منزل الفنان وردى وليس السيد محمد عثمان وردى!
بيوت الفنانين فى الدول المحترمة بعملوها متاحف موش ببيعوها وبهللوا انت فنان يا ناذر مفروض تقدر حجم الاذى النفسى الذى ستتركه هذه العملية فى نفس الفنان وردى!الانهيار فى السودان يتم فى جميع مناحى الحياة للاسف!
جنى
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: jini)
|
لا حولة ولا قوة إلا بالله
خبر محزن ومؤسف أن يتعرض لهذا الموقف فنان بحجم الوطن نقش إبداعه فى وجدان كل سودانى
نتمنى أن ينتهى الأمر على خير وأن يبقى الفنان الكبير فى منزله معززاً مكرماً
وا آسفاى إرادت المولى رادتنى وبقيت غناى
أسوى شنو مع المقدور براهو الواهب العطاى
وكأن إسماعيل حسن عندما كتب ووردى عندما لحن وغنى
هذه الكلمات كان يعنى هذا اليوم والموقف الذى يتعرض
له الفنان الكبير. .. ولو كان غناياً لشعب آخر لما تعرض
لما يتعرض له اليوم!
قلتها عندما مات الفنان هاشم ميرغنى وأقولها الآن أن الدولة
مسؤوليتها نيابة عن الشعب السودانى من رعاية المبدعين
وتوفير الرعاية والعيش الكريم لهم ولأبنائهم. نحن شعب من عاداته التكافل
الإجتماعى، والإهتمام ومساعدة من نعرفهم. ومحمد وردى يعرفه الأربعون
مليون سودانى. ولذلك الدولة عليها القيام بالواجب نيابة عنهم.
وهو قليل لا يقارن بعطاء محمد وردى الذى لا يقدر بثمن
التحية والتقدير لفنان أفريقيا محمد وردى
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: jini)
|
حيدر أخوي إنت ساكت قلبك رهيف وحنين
زول مادفع العليهو وحجزوا على البيت
كل الزملاء الافترضوا عدم مقدرة الفنان على الدفع ماعندهم معلومات مؤكدة عن وضعه المادي
ماعاوزة أقول الحكومة ماليها دخل في الموضوع عشان ما أتهم بالكوزنة وموالاة الحكومة
لكن في كل الدنيا أمور زي بتحصل والحكومة ماليها دخل فيها
ولو لي موالاة الحكومة الفنان وردي ماعندو مشكلة والدليل الصورة المنتشرة في النت وهباني فاتح بيها للان كم وخمسين بوست
موضوع آخر ذو صلة
ياريت لو ناس تانية عندهم المقدرة والامكانية يقاضوا الاستاذ وردي بنفس الطريقة ويرجعوا جزء ولو يسير من الخسارة الاتسبب ليهم بيها الاستاذ وردي و خرب بيها بيتوتهم
وببساطة قد تنجو مرة بفعلتك لكن ماكل مرة
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: walid shingrai)
|
| Quote: ياريت لو ناس تانية عندهم المقدرة والامكانية يقاضوا الاستاذ وردي بنفس الطريقة ويرجعوا جزء ولو يسير من الخسارة الاتسبب ليهم بيها الاستاذ وردي و خرب بيها بيتوتهم |
الأخت راوية,
من هم هؤلاء الناس الذين تسبب وردى فى خراب بيوتهم؟ ولماذا لم يلجأوا للقضاء لأسترداد تلك الحقوق مثلما فعلت شركة مونتاج الهندسية؟
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: jini)
|
Quote: نقد و المهدى والمرغنى فاروق ابوعيسى منصورخالد الطيب صالح الشوش وهلمجر كلهم جلسوا مع البشير ودى حالة السودانيين
وردى رقم فى تاريخ السودانلايمكن تجاهله برغم اختلاف اى شخص معه |
شكرا جنى لقد عبرت تماما عن ما كنت اريد ان اقوله .
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: عبد الدائم سيد أحمد)
|
Quote: والـمبالغ تبقّـى منها الـ 70.000 التـي ستُدفع الأُسبوع القادم
والقضيّة مـحسومة والبيت باقـي كما بقـى وردي عملاقاً رغـم أنوف الزّواحف
|
إنعــــــــــــل شكلك زاتو ياخ , من أمس لا قادرة اللم فيك ولا في مظفر !!
المداخلة دي ليه ما كتبتها امس وريحتنا , كلي يقين ان البيت باقى بإذن الله, لكن دايرة الناس التانية تعرف
كتيرين مقلقين على الوضع من ناحية المبدأ قبل كل شيء
رسل لي تلفون مظفر في الموبايل
سلام لي وردي السغنوني وامه
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: مزمل خيرى)
|
الأخ لؤى..
الف شكر على التوضيح الشافى والكافى ونسأل لزوجة الأستاذ وردى المرحومة علوية الرشيدى ان ينزل الله سبحانه وتعالى شآبيب الرحمة على قبرها وجعل البركة فى ذريتها ونسأله وتعالى ان يسبغ ثوب الصحة والعافية على الأستاذ وردى .
وعلى اولئك المتشككين فى ذمة وردى المالية ان يصمتوا.
اكرر الشكر اخى لؤى .
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: عمران حسن صالح)
|
كفيت ووفيت يا لؤي واتيت بالخبر اليقين
وزاد احترامي وتقديري واعجابي اكثر بالفنان القامة محمد وردي
وقد كنت اعتقد انه ملياردير زيه وزي اسامة داؤود وصلاح ادريس وملياريرات السودان الجدد والذين لا نعرف كيف اتوا بأموالهم
وما زلت على رأيي بأن حكومة السودان يجب ان تسدد كل ديون الفنان وردي وتبني له قصرا بجانب قصر الشعب ومعه الاستاذ الفنان القامة محمد الأمين
وهذا اقل ما يجب ان تفعله الحكومة تجاههما لأن الشعب السوداني يحبهما
| |
|
|
|
|
|
|
|
|
 Re: بيع منزل الفنان وردى بالمزاد العلنى (Re: اميرة السيد)
|
| Quote: والقضيّة مـحسومة والبيت باقـي كما بقـى وردي عملاقاً رغـم أنوف الزّواحف |
ليه كدا يابشمهندس؟
ليه كدا؟
الزواحف حتة واحدة
معقولة ؟ عشرة سنين تقوم بدور المهذب وتجي تطلع من طورك مرة واحدة
والله لو مالايام دي متصاحبة لي على ناس محترمين
ماكنت خليتها تعدي
___________
هسة كدي أدينا إعتذار للربتايل عمر الفاروق
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: Abd Alla Elhabib)
|
تحياتى
والله ياقلقو
عشان احوالنا باريسية وكده اقوليك ابو الورود ده موش فنان لكل من هب ودب والله فى ناس كده بعلقوهة بادج لزوم القعدات وكده وتفسهم يفتشو اى هفوات ويلا ياطبل وهاك يازمر!!!وقعدت اليشير المهببة مسحت تاريخو بالاستيكه
وردى حبيب الشعب والحب متبادل ولم يبع قضيته ابدا!!
فى الدنيا فى حاجة اسمها الحق وفى حاجة اسمها التعسف فى استخدام الحق!!!والدولة برضو عندها ادوات ان شاءالله شركة مقاولات!!وبرضو فى شخصيات ليها وزن واحترام وتقدير وحماية موش اقل من الآثار!!
kofi
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: احمد محمد بشير)
|
Quote: الحكومة التي قامت بتكريم المنتخب المصرى ( مرتين ) وصرفت ملايين الدولارات ثم عادت وقامت باهداء الحكومة المصرية عدد ( 5000 ) راس من الابقار
وكل هذا وذاك في سبيل ان تقف الحكومة المصرية الي جانب المطلوب دولياً المجرم الهارب من العدالة / البشير ...
الدول المحترمة .. تعتني بمبدعيها وتوفر لهم كافة سبل الراحة ليبدعوا ويرفعوا رايات بلادهم .. وفي البلاد التي يكثر فيها اللصوص .. لاتجد هناك من يهتم بالمبدعينلانهم جميعا مشغولون باللهف !!!!
وبعد دا كلوا انت جاى تقول ( الدخل الحكومة هنا شنو ؟؟؟؟؟؟؟؟؟ من زى ديل وااسفاى !!! |
الأخ احمد محمد بشير,
نعم يحدث ذلك فى الدول المحترمة ولاعلاقة لثراء الدولة او فقرها من ان يكون مواطن تلك الدولة محترما.
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: احمد خليل)
|
وجاء لؤى بالخبر اليقين
وكل مقاول يطلع سقالته
دى بس عشان كلمه زواحف حرقت راويه اما ناذر فما عنده مشكله متعود وبيستحمل الزحف الصحراوى
ما شايفين صلعتو زاحفه كيف, كله من عمال البناء والبياض وبتاع الطوب وسعر الاسمنت الطالع ونازل
والله لكن ريحتنا يا لؤى
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: jini)
|
بس تعليق على حتة انه وردي قعد مع عمر البشير و لا اي من كان من ناس الحكومة.. قياديين الاحزاب السياسية كلهم جلسوا مع البشير ده غير شيئ
في إنتمائم و للا فكرهم.. وردي ما غنا لثورة الإنقاذ و للا للبشير ما تخلطوا الأمور
راوية و نازر مستغربة في طريقة كتابتكم في الموضوع
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: محمد زكريا)
|
شكرا اخ قلقو والحمدلله حبيبنا لؤي جاب الخبر اليقين...
الاخ ناذر انا ماعارف انت ليه دائما بتهاجم الفنانيين وانت فنان ؟؟؟
والله عيب منك وانت تقسو علي فنان قامة مثل وردي !!!
قبل فترة رديت علي بقسوة وانا لم ارد وخرجت من البوست حزين..
من اجل الفن لزمت الصمت ...
متعك الله يامحمد عثمان حسن وردي بالعافيه ويطول عمرك مع العافيه ..
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: عماد شمت)
|
Quote: قبل فترة رديت علي بقسوة وانا لم ارد وخرجت من البوست حزين..
من اجل الفن لزمت الصمت ... |
الفنان عماد شمت
سلام
لماذا تخرج من البوست حزينا وتلزم الصمت
يجب ان تقلم مثل هذا حجرا ليعرف قيمتك
لانه يظن انه سيصبح فنانا بمهاجمة الفنانيين
ومثل هذا الفن منه براء
والله كل زول اتصور بعود لو بقي فنان السودان ما كان وسع الفنانيين!!!
قال فنان قال
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: عبد الخالق امن الله)
|
الاعتذار والرجوع الى الحق فضيلة وهو امر مطلوب فى حقنا وحق الجميع فلماذا نهرب عندما يتوجب الاعتذار بشجاعة وهو سلوك يعلى من قيمتنا ولا ينزل من قدرنا!
الرحاء من الاخوة رفع هذا البوست حتى نمكن الاخوة المعنيين من الاعتذار حتى لا يتم التحجج بحجة عدم تذكر البوست
جنى
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: محمد زكريا)
|
Quote: دى بس عشان كلمه زواحف حرقت راويه اما ناذر فما عنده مشكله متعود وبيستحمل الزحف الصحراوى
ما شايفين صلعتو زاحفه كيف, كله من عمال البناء والبياض وبتاع الطوب وسعر الاسمنت الطالع ونازل |
الأخ محمد زكريا,
كنت انتظر من الأخ ناذر ان ينظر للمسألة من زاوية الرجل الفنان , لا ان ينظر اليها بعين رجل البيزنس او المقاول الذى لايفكر الا بمنظور الربح والخسارة . ففى هذه الدنيا هناك اشياء لاتقدر بقيمة او ثمن .
ارجو ان يفهم الأخ ناذر هذه المسألة واذا لا قدر الله وقف هو نفس الموقف ايضا كنا سنقف معه ونتضامن معه بنفس التضامن والروح التى وقفها كثير من الأخوة البورداب والتى ظهرت فى مداخلاتهم ومساهماتهم وسنقف ونتضامن ان شاء الله مع كل فنان ومبدع .
| |
|
|
|
|
|
|
|
|
|
Re: بيع منزل الفنان وردى بالمزاد العلنى (Re: قلقو)
|
الاخ قلقو
تحياتي
رغم احترامي للدعوة التي قدمتها وللاستاذ وردي
لكن مثل هذه المشاكل تواجه عشرات بل مئات السودانيين
بل هناك اناس في امس الحاجة من الاستاذ وردي الي يمكنه ان يغطي هذا المبلغ من دخل حفلتين اوثلاثة
على كل ليست هذه دعوة للتقليل من شأن امر مساعدة وردي في تجاوز ازمته ولكن هي خاطرة احببت ان اشارك بها
| |
|
|
|
|
|
|
| |
قلقو
فيصل محمد خليل
هشام عباس
ياسر السر
jini
البحيراوي
Abdlaziz Eisa
ناذر محمد الخليفة
علي الكرار هاشم
فتحي الصديق
محمد زكريا
الفاتح الجنيد
اسماء الجنيد
Asim Fageary
عمر الفاروق
عبدالعزيز الفاضلابى
عبد الخالق امن الله
Hisham Amin
mohmed khalail
مزمل خيرى
ضياء الدين ميرغني
د.محمد بابكر
نادر الفضلى
Rawia
walid shingrai
لؤى
عبد الدائم سيد أحمد
عمران حسن صالح
إبراهيم عبد الحليم
Abd Alla Elhabib
احمد محمد بشير
سناء عبد السيد
عماد شمت
Abdelrahim Elamin
Nasir Ahmed Elmustafa
فيس بوك
تويتر
انستقرام
يوتيوب
بنتيريست