|
|
|
 Re: عندما كنت اؤجر الباسورد للطاهر ساتى والهندى عز الدين (Re: مزمل خيرى)
|
يا أخ عمار محمد ادم
ما هو وجه الشبه بينك وبين المدعو صلاح غريبة
بتفقعوا مرارة الزول بي كتاباتكم البائسة دي
بالله الاخ الاستاذ الطاهر ساتي عضو معانا هنا !!!!!
إنه لفخر لنا
التحية ليك يا استاذ الطاهر
وشكلك رطاني زيينا ....... خمنت كدا من ما الاخ قمر بوبا قال انه قاعد يتصل عليك
!!!!!!!!!
شكرا على كتاباتك النيرة
انا متابعة لعمودك اليومي جييييييييدا
واليوم تفاجاتك بانك عضو معانا هنا ...... دا لو انت ياهو الطاهر ساتي سيد الاسم الواحد دا
| |
  
|
|
|
|
|
|
|
|
Re: عندما كنت اؤجر الباسورد للطاهر ساتى والهندى عز الدين (Re: السيد المسلمي)
|
Quote: نا مستغرب من كلامك دا ...((( واليوم تفاجاتك بانك عضو معانا هنا )))
إنتِ زولة سنير ومتابعة جيدة للمنبر دا .. مفروض تكوني عارفة يعني !
|
سيدا يا سيدا
| Quote: واليوم تفاجاتك بانك عضو معانا هنا |
الاقتباس دا انا قاصدة بيه اخونا الكتّاب الطاهر ساتي
صاحب عمود (إليكم) المقروء
من ناحية متابعة فانا متابعة....... لكن الكمال لله ياعمك
ما عندي خبر بكل بواطن الامور في البورد
| Quote: طيب بقولو عليك أمنجية ليه ؟ |
دا شانهم..... فلا دخل لي بادعاءتهم
وبعدين ياعمك وقعت قلبي
ان افتكرتك معترض على اني ربطت مواقف وكتابات المدعو عمار محمد ادم بالمدعو صلاح غريبة
الاتنين كتاباتهم ما بتنزل لي ولا بتتبلع
بستخسر فيهم الكليك الهينة دي والله
والغريبة انو يدعى شخص مثله على زول كتاب مثل الطاهر ساتي
والاغرب من دا ودا
انو بكري ابو بكر يسمح وبالتالي يسكت عن ما جاء في عنوان البوست من المدعو عمار محمد ادم
| |
|
|
|
|
|
|
|
|
|
Re: عندما كنت اؤجر الباسورد للطاهر ساتى والهندى عز الدين (Re: معاوية عوض الكريم)
|
Quote: عليك الله خلينا في لُب الموضوع ..
عمار محمد ادم بكامل اهليته وحالته المعتبرة شرعا وقانونا قال :
الجماعة ديل كانو بيؤجروا منو الباسويرد بتاعو .. فما قولك ؟؟ |
سيادة الافوكاتو معاوية
كيفك يا اخي
إنت جادي بتاخد بي اهلية وحالة عمار محمد ادم
وكمان شايفها معتبرة شرعا
انا ما عارفة غايتو !!!! .... واحتمال راي فيه يكون خطاء
بس عمار محمد ادم دا من خلال كتاباته ........ اعتقد لا اهلية له
ياخي كتاباته كلها عك في عك
اللهم الا في الجزئية بتاعة الهندي دي
ممكن اصدق كلام اي زول في الهندي
الهندي متسلق ودجاااااااااااااااااااال ... وعشان مصلحته بعمل اي شئ
اما اخونا الطاهر ساتي ... فشهادتي فيه مجروحة
الزول دا اتجاه وخطه السائر فيه معروف
كتاباته ومواقفه وااااضحة
هوووووووووووي اللهم الا كان انتو قاصدين الطاهر ساتي واحد تاني غير زولنا بتاع عمود (إليكم)
اها مافي زول رد لي
شنو وجه الشبه بين عمار محمد ادم وصلاح غريبة
يا عالم وقعوا لي الشغلة دي بالله
هههههههههههه
| |
|
|
|
|
|
|
|
|
|
Re: عندما كنت اؤجر الباسورد للطاهر ساتى والهندى عز الدين (Re: mayada kamal)
|
الزميلة ميادة كمال للاخ الطاهر ساتي
Quote: بالله الاخ الاستاذ الطاهر ساتي عضو معانا هنا
***************
واليوم تفاجاتك بانك عضو معانا هنا ...... دا لو انت ياهو الطاهر ساتي سيد الاسم الواحد دا |
الطاهر ساتي
تاريخ التسجيل: 18-02-2006
مجموع المشاركات: 3041
mayada kamal
تاريخ التسجيل: 31-08-2007
تحياتي للجميع
والله كريم
| |
|
|
|
|
|
|
|
|
|
Re: عندما كنت اؤجر الباسورد للطاهر ساتى والهندى عز الدين (Re: معاوية عوض الكريم)
|
Quote: إنت جادي بتاخد بي اهلية وحالة عمار محمد ادم
وكمان شايفها معتبرة شرعا
انا ما عارفة غايتو !!!! .... واحتمال راي فيه يكون خطاء
بس عمار محمد ادم دا من خلال كتاباته ........ اعتقد لا اهلية له
ياخي كتاباته كلها عك في عك
اللهم الا في الجزئية بتاعة الهندي دي
ممكن اصدق كلام اي زول في الهندي
الهندي متسلق ودجاااااااااااااااااااال ... وعشان مصلحته بعمل اي شئ
اما اخونا الطاهر ساتي ... فشهادتي فيه مجروحة
الزول دا اتجاه وخطه السائر فيه معروف
كتاباته ومواقفه وااااضحة
هوووووووووووي اللهم الا كان انتو قاصدين الطاهر ساتي واحد تاني غير زولنا بتاع عمود (إليكم)
اها مافي زول رد لي
شنو وجه الشبه بين عمار محمد ادم وصلاح غريبة
يا عالم وقعوا لي الشغلة دي بالله
هههههههههههه |
ميادة كمال...............
مالو عمار؟؟؟
تعرفي لو تقدري أو نقدر نكون بشجاعة وضوح عمار دي....
كان حالنا أتغير شوية..
وارجعي لي نفسك شوفي كيف بتوزعي الآراء والأساءات..
ده كويس وده كعب!!!!!!!
وكمان لاحقة صلاح غريبة بدون ما أصلك!!!!!!!!
ياخي المفروض أنتي أسموك ميادة الغريبة!!!!!!!
حاجة غريبة ياخ..!!!!!!
يعني انا بسألك سؤالك بتستاهليه شديد..
شنو وجه الشبه بينك وبين تراجي مصطفي؟؟؟
ما حا اقول زي عمار ..
درجة اعلي لكن النوع واحد..
لا ..
حا أقول الدرجة أقل والنوع واحد..
علي الأقل هي ما لبست حجاب وعملت فيها داعية للفضيلة..
لا..
الحجاب ليس ستر الجسم بس..
والدين ليس معركة سياسية فقط..
الحجاب هوية تستلزم قيم الاخلاق التي نادت بها الديانة المشرعة..
لجم للسان ألا ينطق بالأساءة للآخرين..
وينطلق في خلق الله كيفما يشاء..
ياخي البشوف لغتك وتعابيرك..
ما يشوف محل شغلك..!!!!!!!!!
| |
|
|
|
|
|
|
|
|
|
Re: عندما كنت اؤجر الباسورد للطاهر ساتى والهندى عز الدين (Re: hamid brgo)
|
| Quote: الزميلة ميادة كمال للاخ الطاهر ساتي |
Quote: الطاهر ساتي
تاريخ التسجيل: 18-02-2006
مجموع المشاركات: 3041
mayada kamal
تاريخ التسجيل: 31-08-2007
تحياتي للجميع
والله كريم |
انت مووووش حامد برقو بتاع بوست (انا بحب امنة مختار .... وبكره ميادة كمال) ولا سيادتك واحد تاني !!!!!!!!!!!!!
سياتك غير مؤهل تتداخل معاي
فيا تحترم نفسك وتكتب كلام مباشر بدون تلميحات سخيفة و########
يا اما تتخارج طواااااالي
او على الاقل ما عندك شغلة بكتاتبي وبالتالي ما تعلق عليها
وقع ليك !!!!!!!
| |
|
|
|
|
|
|
|
|
|
Re: عندما كنت اؤجر الباسورد للطاهر ساتى والهندى عز الدين (Re: mayada kamal)
|
Quote: انت مووووش حامد برقو بتاع بوست (انا بحب امنة مختار .... وبكره ميادة كمال) ولا سيادتك واحد تاني !!!!!!!!!!!!!
سياتك غير مؤهل تتداخل معاي
فيا تحترم نفسك وتكتب كلام مباشر بدون تلميحات سخيفة و########
يا اما تتخارج طواااااالي
او على الاقل ما عندك شغلة بكتاتبي وبالتالي ما تعلق عليها
وقع ليك !!!!!!! |
كمان جابت ليها تأهيل ؟؟؟
ياخي معليش
والله يهديني
برضو الله كريم
| |
|
|
|
|
|
|
|
|
|
Re: عندما كنت اؤجر الباسورد للطاهر ساتى والهندى عز الدين (Re: mayada kamal)
|
| Quote: كنت اشرف على مايكتب من كل منهماولامانع عندى ان يشتم كل واحد الاخر ولعل ذلك يسعدنى وكل طرف كان يعلم ما يفعله الطرف الاخر ويدلى بمعلومات عنه الهندى مدرسة محمدطه محمد احمد والطاهر ساتى مدرسة حسين خوجلى وانا مدرسة المشاغبين. |
فهمنا
وما كان في داعي تحلف من أساسو..مافي وكيل نيابة قاعد في البوست ده
بس قلنا ليك ادينا نموذج من كتابات الطاهر للهندي ونموذج تاني من كتابات الهندي للطاهر
سؤال
هم كان عندهم الباس ويرد بخشوا بيه ولا انت بتكتب ليهم الاتنين
سؤال آخر
ليه بتشيل من الهندي عشرة ومن الطاهر عشرين
مسألة التسعير دي كان عندها علاقة بالعرض والطلب -بمعني انو الطاهر حوجته كانت اكبر- ولا بتعمل بروموشن للهندي ولا الهندي جلدة ولا الطاهر زبون خمسة نجوم
| |
|
|
|
|
|
|
|
|
|
Re: عندما كنت اؤجر الباسورد للطاهر ساتى والهندى عز الدين (Re: GamarBoBa)
|
| Quote: قوانين المنبر دى وضعها ياتو مجلس تشريع مافى ناس كتار عايشين على المنبر ده هى بقت على تلاتين جنيهى دى..كان الجماعه الوراء المنبر سحبوا باسوردى وتانى رجعوا طبعا انا ما كوز قديم وزعلان من الكيزان وعندى اسرار..هم يستفيدوا وانا استفيد وبارك الله فى من نفع واستنفع. |
طيب يا عمار
وكت انت كوز قديم وبتعرف تسعر
هسة العشرة والعشرين ديل قروش؟؟
ما تشيل اسرارك دي وتوجه لأقرب دار نشر محترمة وانت شايل وثائق اسرارك دي..هم الكيزان لو زعلانين منك في الزعلان من الكيزان اكتر وممكن يألفوا ليك كتاب وينزلوه السوق وبملايين الجنيهات..وتبقي انت قدر اسرارك دي..في داعي تفك الاسرار بالمجان كدة؟؟
| |
|
|
|
|
|
|
|
|
|
Re: عندما كنت اؤجر الباسورد للطاهر ساتى والهندى عز الدين (Re: GamarBoBa)
|
Quote: : إنت جادي بتاخد بي اهلية وحالة عمار محمد ادم
وكمان شايفها معتبرة شرعا
انا ما عارفة غايتو !!!! .... واحتمال راي فيه يكون خطاء
بس عمار محمد ادم دا من خلال كتاباته ........ اعتقد لا اهلية له
ياخي كتاباته كلها عك في عك
اللهم الا في الجزئية بتاعة الهندي دي
ممكن اصدق كلام اي زول في الهندي
الهندي متسلق ودجاااااااااااااااااااال ... وعشان مصلحته بعمل اي شئ
اما اخونا الطاهر ساتي ... فشهادتي فيه مجروحة
الزول دا اتجاه وخطه السائر فيه معروف
كتاباته ومواقفه وااااضحة
هوووووووووووي اللهم الا كان انتو قاصدين الطاهر ساتي واحد تاني غير زولنا بتاع عمود (إليكم)
اها مافي زول رد لي
شنو وجه الشبه بين عمار محمد ادم وصلاح غريبة
يا عالم وقعوا لي الشغلة دي بالله
هههههههههههه |
ميادة كمال...............
مالو عمار؟؟؟
تعرفي لو تقدري أو نقدر نكون بشجاعة وضوح عمار دي....
كان حالنا أتغير شوية..
وارجعي لي نفسك شوفي كيف بتوزعي الآراء والأساءات..
ده كويس وده كعب!!!!!!!
وكمان لاحقة صلاح غريبة بدون ما أصلك!!!!!!!!
ياخي المفروض أنتي أسموك ميادة الغريبة!!!!!!!
حاجة غريبة ياخ..!!!!!!
يعني انا بسألك سؤالك بتستاهليه شديد..
شنو وجه الشبه بينك وبين تراجي مصطفي؟؟؟
ما حا اقول زي عمار ..
درجة اعلي لكن النوع واحد..
لا ..
حا أقول الدرجة أقل والنوع واحد..
علي الأقل هي ما لبست حجاب وعملت فيها داعية للفضيلة..
لا..
الحجاب ليس ستر الجسم بس..
والدين ليس معركة سياسية فقط..
الحجاب هوية تستلزم قيم الاخلاق التي نادت بها الديانة المشرعة..
لجم للسان ألا ينطق بالأساءة للآخرين..
وينطلق في خلق الله كيفما يشاء..
ياخي البشوف لغتك وتعابيرك..
ما يشوف محل شغلك..!!!!!!!!!
| |
|
|
|
|
|
|
|
|
|
Re: عندما كنت اؤجر الباسورد للطاهر ساتى والهندى عز الدين (Re: يوسف الخضر)
|
مافيه شئ
Quote: تعرفي لو تقدري أو نقدر نكون بشجاعة وضوح عمار دي....
كان حالنا أتغير شوية.. |
بالله البعمل فيه عمار ممحمد ادم دا بتسمية شجااااعة
هو عمل الغلط عن قصد وطواااااااااااعية
شجاعته دي وقتها ليه ما استثمرها في درء خطأ....
الانت شايفها شجاعة منه
مافي شئ يمنع انو غيرك يكون شايفه انها عدم امانة منه
يعني لو ما كان مصلحتة اختلفت معاهم ما كان جاء وفتن بالقام بيه
وليه تفتكر انو في الوقت دا بس هو جاي يعترف بخطاءه
طيب ما كان من الاول
المبادئ لا تتجزأ
| Quote: وكمان لاحقة صلاح غريبة بدون ما أصلك!!!!!!!! |
ياخي صلاح غريبة ما محتاج يصلني
ما ياهو صلاح غريبة الكتاباته كلها ... يا فلان حبوتي بتقول ليك... ويا بكري حبوتيي قالت ليك ووووو
انا من نفسي ما بتعب واضغط كليك على بوست ليه...... خلي هو يصلني
Quote: يعني انا بسألك سؤالك بتستاهليه شديد..
شنو وجه الشبه بينك وبين تراجي مصطفي؟؟؟
ما حا اقول زي عمار ..
درجة اعلي لكن النوع واحد..
لا ..
حا أقول الدرجة أقل والنوع واحد.. |
دي ما فهمتها !!!!!! ؟؟؟؟؟؟؟؟؟؟؟؟
Quote: ياخي البشوف لغتك وتعابيرك..
ما يشوف محل شغلك..!!!!!!!!! |
ما اكتبه هنا يعبر عن رأي الشخصي
ولا دخل للجهة التي اعمل بها..........
وفوق هذا وذاك أقول لك
لا نته عن خلق وتأتي بمثله
| |
|
|
|
|
|
|
|
|
|
Re: عندما كنت اؤجر الباسورد للطاهر ساتى والهندى عز الدين (Re: GamarBoBa)
|
| Quote: انا اجهز الصفحه بى باسووردى وهم يكتبوا وبعد داك اعمل خروج ...انا غلبان..كلهم جلود والهندى اجلد.. |
لا معليش
نحن ناس قدام في مسألة الانترنت
انت كنت بتفتح بوستات عديل كدة للزول ولا اصلا بوست واحد بتشغل الباسويرد مروحة تربيزة في بوست واحد
اشرح لينا..معليش بنرهقك معانا يا عمار لكن كمان الطاهر شوية كدة انا بعزه ..لكن ما كتير
| |
|
|
|
|
|
|
|
|
|
Re: عندما كنت اؤجر الباسورد للطاهر ساتى والهندى عز الدين (Re: GamarBoBa)
|
اقسم بالله العظيم وكتابه الكريم ان ما قلته غير صحيح
بل أذكر انك فتحت بوست شتمتني فيهو بلا سبب
وبعد كم يوم فتحت بوست إعتذار وقلت انك كنت مؤجر باسويردك ( يعني نفس كلامك ده )
ومتذكر في كم نفر هاجموك ، وتقريبا بكري سحب منك الباسويرد بسبب اعترافك واعتذارك
.....
داك القسم الطالبتني بيهو
نجي للحتة دي
| Quote: وبينا الله والله خير الشاهدين .. |
بالله تصرفك ده تصرف زول مقتنع بأن ( الله خير الشاهدين ) ..؟
يعني لامن أنا أديتك عشرين تشتم الهندي أو الهندي إداك عشرة تشتم الطاهر ، الله ماكان خير الشاهدين ؟؟
.....
كدي جيب نماذج من الشتائم دي
وزي ما قلتليك فوق : إجتهد في إنك تعيش حياة سوية خالية من الفتن والأحقاد والمكائد و( الإبتزاز والأكاذيب )
عشان ربنا يبارك ليك في رزقك وتخلي الشحتة وإيجار الباسويرد
| |
|
|
|
|
|
|
|
|
|
Re: عندما كنت اؤجر الباسورد للطاهر ساتى والهندى عز الدين (Re: عمار محمد ادم)
|
| Quote: ان يجلبوا الاعلا نات اسال الطاهر ساتى من هو قبل ان يتعرف على محمد حاتم محافظ جبل اولياء وقتئذ هل يمكن ان يحدثنا السيد المحترم الطاهر ساتى عن تاريخه فى السياسة والصحافة اعرف انه من اسرة نوبية محترمه ولا اعرف له شيئا بعد ذلك... |
يا عمار محمد ادم
للشهادة والتاريخ
لو كان الطاهر ساتي من النوع البستغل معارفه
كان الاجدى له ان يستغل معارفه ديلاك في موضوع رئاسة تحرير صحيفة الحقيقة اللي رفضت اعطاءه اياها من قبل مجلس الصحافة والمطبوعات
وكلنا سمعنا بالخبر
انو مجلس الصحافة رفض اعطاء رئاسة التحرير للطاهر ساتي........ ووافقت في الوقت نفسه على رئاسة الاخ عبد الرحمن الامين لرئاسة تحرير الصحيفة
| Quote: كم كنت احس بالاسى والغبن |
ونفس الغبن والاسى هم البخلوك تدعي على الاخرين بالباطل
| |
|
|
|
|
|
|
|
|
|
Re: عندما كنت اؤجر الباسورد للطاهر ساتى والهندى عز الدين (Re: معاوية عوض الكريم)
|
حامد برقو لي معاوية
Quote: الاستاذ معاوية
لك التحية و الاحترام
انتو مديدة حرقتني دي وضعها في القانون شنو؟ |
رد معاوية
Quote: لحد ما تنتهي من مشاكلك مع النسوان
بعدين بنتفاهم |
احيانا قد يتكرم الفرد على الحمار(ال ح مار) بالبرسيم طلبا للتنويع وصولا للاغراء المباح
لكن من اعتاد على الضرب لا يفهم اي لغة غير الضرب
وهنا تكمن المشكلة
_____________________
هسى احسن ليك كدا؟
| |
|
|
|
|
|
|
|
|
|
Re: عندما كنت اؤجر الباسورد للطاهر ساتى والهندى عز الدين (Re: معاوية عوض الكريم)
|
| Quote: كم كنت احس بالاسى والغبن وانا اوضع فى ذلك الوضع والطريقة التى رد بها الطاهر ساتى تشى عن مدى الاستغلال الذى يلاقيه الصحفيون الحقيقيون من هؤلاء الذين دخلوا الى عالم الصحافة وهم لايحملون تاهيلا سوى جراتهم على الباطل واستغلال الاخرين |
تشعر بالأسى والغبن ؟؟
معليش ، تاني ما بدافع عن نفسي عشان ما اجرح مشاعرك الرقيقة
أها .. الصحفي الحقيقي غير قابل للإستغلال ، ده لو هو صحفي حقيقي
خليك من صحفي حقيقي ، أي زول صادق ومالي هدومو غير قابل للإستغلال لا بعشرين جنيه ولا باموال الدنيا كلها
لكن الزول القابل للاستغلال هو الزول الممكن يبيع ضميرو باى ثمن ، عشرين ولاعشرة
| Quote: اسال الطاهر ساتى من هو قبل ان يتعرف على محمد حاتم محافظ جبل اولياء ؟ |
هوالطاهر ساتي ، قبل وبعدأن يتعرف بمحمد حاتم
مع احترامى ليهو ، لم تزدنى ولم تنقصني معرفتي او عدم معرفتي به
يعنى هو واحد من الالاف البعرفهم وبيعرفوني .. لهم جميعا احترامى ومحبتي
| Quote: هل يمكن ان يحدثنا السيد المحترم الطاهر ساتى عن تاريخه فى السياسة والصحافة ؟ |
سنة اولى سياسة .. ولازلت اتعلم ابجديات الصحافة
ولا ارى في ذلك عيبا او منقصة
| Quote: اعرف انه من اسرة نوبية محترمه ولا اعرف له شيئا بعد ذلك... |
أشكرك انابة عن الاسرة واتمنى انها تكون عند حسن ظنك
وان تعرفنى عبر أسرتي فقط ، فهذا يكفي
| |
|
|
|
|
|
|
|
|
|
Re: عندما كنت اؤجر الباسورد للطاهر ساتى والهندى عز الدين (Re: عمار محمد ادم)
|
Quote: معقول يا الطاهر ساتى تحلف انت ما خايف من الله انت الحليفه دى قايله حاجه سهله انت بتحلف وعارف انو كلامى صحيح
انا كنت ازورالهندى ويكتب كلامو واجيك تكتب كلامك كنت بشع جدا وانت تستغل حاجتى وكنت العن حظى العاثر واتاسف لزمانى الذى وضعنى هذا الوضع.. |
ما تعليق الاخ يوسف الخضر على قول عمار محمد ادم
في السطر 2 من الكوتة الفوق دي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: عندما كنت اؤجر الباسورد للطاهر ساتى والهندى عز الدين (Re: ايهاب الطيب بله)
|
| Quote: يا اخوانا البت دى منو الحشرها وسطنا شنو؟؟ |
الاستاذة دي بتكتب هنا في منبر نقاش عام بباس ويرد حقها
__
يا عمار
انا اديتك كل كتاباتك في وصلتين بالاسم القديم والجديد ياخي ممكن تدينا اسم البوست؟؟ او المداخلات؟؟ولو ما بتعرف اضرب لاي زول في سن العشرين بعرف كمبيوتر وانترنت يجي يحمل ليك كتاباباتك دي؟؟
ما تقول لي لحظة صدور صحيفة اخر لحظة ومدرسة حسين خوجلي والمرحوم محمد طه محمد احمد..كدة ما بغطي
المطلوب بشكل واضح يا عمار انك في المساحة دي تثبت انو الطاهر شتم الهندي عز الدين وهو مستغل الباس ويرد بتاعك
بالمناسبة انا اجزت ليك انك بتأجر باسوريدك لانك كنت شفاف.. وبدون حلفان لانو انا ما وكيل نيابة ولا قاضي ..فمافي مشكلة
| |
|
|
|
|
|
|
|
|
|
Re: عندما كنت اؤجر الباسورد للطاهر ساتى والهندى عز الدين (Re: شول اشوانق دينق)
|
شول إزيييك ياااااخ
Quote: للأسف يا دكتور حامد برقو تلميحك في المداخلة التحت ده قبيح وما إتوقعته منك.
|
أتوقع انو كان قاصدني انا
باعتبار ان مداخلته الاولى وجهت لي انا ميادة كمال
وسياته شايفاه عدلها
وبما اني بثق فيك يا شول اشوانق وريني هو كان كاتب شنو قبل ما يعدلها
عشان اعرف ارد عليه
أحيييييييييي انا يعني نحن ما نشوف شغلة تانة غير سودانيز اونلاين
منتظراك يا شول
| |
|
|
|
|
|
|
|
|
|
Re: عندما كنت اؤجر الباسورد للطاهر ساتى والهندى عز الدين (Re: عمار محمد ادم)
|
عمار محمد آدم
| Quote: اقسم بالله العظيم وكتابه الكريم ان ما قلته صحيح بان الطاهر ساتى كان يعطينى مقابل امنحه باسوردى ضد الهندى وكان عنده باسورد وكذلك الهندى ارجو من الطاهر اداء ذات القسم وبينا الله والله خير الشاهدين .. |
لو صدقت يا عمار ، يِبقى الطاهِر < عفِن > والهندي < عفِن > ... وإنت < أعفن > منْهُمْ الإتْنين ...
لِلأسف حرقت ورقك ، كمشروع زول سِياسي ... إتْذكر كلامي ده كوَيٍس ... لأنك إعْترفت إنك < عفِن > والطاهِر شكلو كِده نكر والهندي لو عاقِل حتو بِنكُر ... ولو بِقَتْ كِلمتك قُصاد كلمتُم ... حيكون مَوقِفك ضعيف ... لأنك الأن في نظر الناس زول < عفِن > ... عفِن لو صدقت ... وعفِن لو كُنت بِتِفْتري على الطاهِر والهندي ... ده إسمو الكَيد البِـْرد في النحر ظاطوووو يا خوي ... عني أنا عزام فرح ، حباري قلبي للأسف ... وقلبي بِريدك والمُزعِلْني إني ما لاقي أي أسباب منطِقِية أو وجيهه لريدي ليك ...
| |
|
|
|
|
|
|
|
|
|
Re: عندما كنت اؤجر الباسورد للطاهر ساتى والهندى عز الدين (Re: محمد البشرى الخضر)
|
** هل سمع أحدكم بمظاهرة تظاهر متظاهروها رفضا لمد مدينتهم بالتيار الكهربائي ....؟ طبعا لا .. وهل رأى احدكم مسيرة سار مسيروها استنكارا لرى مشاريعهم الزراعية بالري المستدام ...؟ بالتأكيد لا .. وهل اشتم أحدكم رائحة بمبان أطلقته الشرطة لتفض موكب حشد رافض ومستهجن لعملية تنموية في دياره ...؟ اطلاقا
لا ... واذا جاءك احدا بمثل هذا النبأ بالتأكيد سوف تتعامل معه باعتباره اما فاسق نبأه ليس بحاجة الي ( تبينوا ) ، أو مجنون لا يؤخذ من فيه حتى حكمة ، وغير هذا وذاك لا نظن بأن على ارضنا هذه كائنا عاقلا يقول - أو يصدق - بأن سكان منطقة ما في مكان ما عبروا بوسيلة ما عن رفضهم لمشروع تنموى ما ...!!
** ولكن في هذا البلد الغريب كل شئ غريب أضحى جائزا ، ويمكن الاتيان به بلاتردد أو حياء ، وبحيث لايثير دهشة ولا استغرابا ولا تعجبا ، والقاعدة الاستراتيجية في المزاج السوداني هى الرفض ، أما القبول فإنه استنثاء ، كل يرفض بعضه ، الحكومة ترفض المعارضة وكل مبادراتها،حتى المبادرات التي فيها مصلحة الوطن والمواطن، وكذلك المعارضة ترفض الحكومة جملة وتفصيلا،وتتمادى حتى في رفض انجازاتها المبرأة من كل عيب ، أما المواطن الكريم ، فهذا رفضه عجب ، بحيث يرفض الحكومة والمعارضة معا ، ويلعن الوضع السياسي السابق،ويسب الوضع الراهن ، ويذم الوضع المرتقب قبل أن يقترب موعده .. وباستطلاع رأى سريع في اسواق العامة و قصور الخاصة، يستطيع المرء أن يستنتج بأن كل رأي يرفض الآراء الاخرى،وللاسف كثيرا ما يكون الرفض بلا سبب مقنع ، والرفض حين يكون بلا سبب يصبح كالضحك بلا سبب .. وللاخير هذا تعريف في المجتمع ..!!
** والآن تأمل عزيزى القارئ نوعا من أنوع الرفض الأبله ، وهو الناتج بلا سبب مقنع ... رفض بعض أهلي بشمال البلاد بأن تنشئ الحكومة في ديارهم الجرداء خزانا مائيا يخزن المياه ويوزعها علي صحاريهم القاحلة التى لم تنبت أرضها - منذ أن بسطها الخالق - الا الحراز والعشر وتلال الزحف الصحراوى .. سبحان الله ، انهم يرفضون سدا مائيا قد ينتج لهم قبل غيرهم تيارا كهربائيا يضئ ظلمات لياليهم التى لم تضاء - منذ أن خلق الله الليل والنهار- الا بالقمر والنجوم و ( الرتاين والفوانيس ) .. بأي عقل نستوعب رفض بعض أهل كجبار مبدأ أن يكون في ديارهم خزان كذاك الذي في سنار والرصيرص و الدمازين ومروى ..؟ .. لولا تلك الخزانات والسدود ربما لما عرف الناس أسماء تلك المدن ، ناهيكم على السكن فيها ، ولو يسرالله على الحكومة بمال يدخل كجبار في قائمة تلك المدن بنعمة الخزان ، فلماذا يرفض بعض مخلوقات كجبار تلك النعمة رفضا مطلقا دون ابداء أى سبب مقنع أو
تقديم مطالب وشروط للانشاء ..؟
** المناصير وغيرهم لم يرفضوا مبدأ أن يكون في مروي سد ، ولكنهم وافقوا على بناء السد و عضوا عليه بالنواجذ ثم قدموا مطالب مشروعة عند التهجير ، ندعم مطالبهم بلا تحفظ ونطالب الحكومة بأن تزيدهم نظير تضحياتهم بمسقط رأسهم في سبيل مسقط رأس ( أهل السودان ) .. ولكن الذين يرفضون خزان كجبار لم يقدم أحدهم مطلبا ولا اقتراحا ولا سببا مقنعا للرفض ، وكل من يفتح فمه رافضا يفتح عليه عقله بتبرير فطير لايتجاوزمداه وفحواه الخوف على غرق ( التراث النوبي ، الارث النوبي ، الثقافة النوبية ) .. هل من العقل أن يكون الحرص على (أضرحة ومقابر أجدادنا القدماء ) أقوى واعظم من الحرص على ( حاضر ومستقبل الاجيال ) ...؟
وهل الذين يرفضون خزان كجبار يعرفون الاسباب المحزنة التى قزمت الكثافة السكانية بالولاية الشمالية الي ما دون الخمسمائة الف نسمة فقط لاغير ..؟ هل يعرفون لماذا انتقلت الولاية الشمالية الي الحاج يوسف والكلاكلات ، وقصور أمراء الخليج ..؟... ان كانوا لا يعرفون الاسباب فتلك مصيبة ، وان كانوا يعرفونها ثم يكابرون برفض خزان كجبار فهذا تأكيد للمأثورالشعبي ( مرمي الله مابيترفع ) ..!!
كجبار ضحية الرفض الأبله ..!!
اها يا عمار قال شنه عن النوبة غير ده باسمك؟؟
| |
|
|
|
|
|
|
| |
عمار محمد ادم
معتصم محمد صالح
Faisal Elrasheed
فدياس نجم الدين
انور التكينة
GamarBoBa
ود محجوب
الطاهر ساتي
ALGARADABI
مزمل خيرى
mayada kamal
إسماعيل وراق
معاوية عوض الكريم
عمر عبد الله فضل المولى
خالد عبد الحليم سعيد
محمد المختار الزيادى
مجدى محمد مصطفى
يوسف الخضر
احمد محمد بشير
محمد إبراهيم علي
ناصر البطل
شول اشوانق دينق
عزام حسن فرح
محمد البشرى الخضر
عبد الخالق امن الله
فيس بوك
تويتر
انستقرام
يوتيوب
بنتيريست