|
والى الخرطوم يتوعد فصل الخريف بمفاجئته با جراءت غير مسبوقة
|
توعد السيد الوالى عبد الرحمن الخضر فصل الخريف هذا العام با جراءات غير مسبوقة ومفاجئته على عكس ما كان سائد اذ يفاجى فصل الخريف الحكومة ومحلياتها فى كل ..تبقت ايام على بداية فصل الخريف ولا نرى شى جديد غير محاولة يائسة كما سبق فى فتح المصارف بطريقة بدائية وشغل بتاع مخارجة غايتو الا اكون السيد الوالى واعضاء حكومته استعانوا بالفكى ابوكريك لعمل كجور للمطر او منع المساجد من اقامة صلوات الاستقساء غير ذلك لا جديد او يمكن تم اقامة مصارف سرية بغرض تمويه الخريف وخدعته
|
|
|
|
|
|
|
|
Re: والى الخرطوم يتوعد فصل الخريف بمفاجئته با جراءت غير مسبوقة (Re: Abdulrahman Eldaw)
|
من أغرب التصريحات التي قرأتها قبل أيام لمعتمد أم درمان.. و هذا الشخص يبدو أنه من جهله فات الكبار و القدرو... صرح سيادته بأن المشكله في المواطنيين لانهم يرمون بقايا الانقاض و النفايات في مجاري الامطار....!!!! كلام ممكن يقولو اي زول غير الزول المسئول عن حل المشكله..؟ كويس لقيت ليك ناس تختها فيهم طيب انت عملت شنو سيادتك عشان تأدب المواطنين ديل ...المفروض يكونو انتخبوك معتمدا لهم؟ طيب هاك المشكله دي حلها لينا... مشكله الكهرباء بسبب استخدام المواطنيين الغير مرشد للكهرباء أحسن حاجة تعملها ادعو الله ان تنوم وتصحي و ما تلقي الناس ديل... ترتاح منهم...
| |
|
|
|
|
|
|
Re: والى الخرطوم يتوعد فصل الخريف بمفاجئته با جراءت غير مسبوقة (Re: Hani Arabi Mohamed)
|
Quote: والى الخرطوم يتوعد فصل الخريف بمفاجئته با جراءت غير مسبوقة |
إلا تكون غايتو امبرلا (شمسية كبيرة يغطي بيها الخراطيم ..
مفاجأة الأمطار والسيول تتم فقط بعمل التصريف السطحي المناسب غير كدا أكاد أجزم بأن الخريف سيفوز أيضاً بالجولة في هذا الموسم .
بالمناسبة .. بدأ موسم الأمطار .. صبت مطرة في قريتنا اليوم من الساعة 3 صباحاً وحتى الساعة 7 صباحاً .. وكانت عنيفة ذات برق ورعد ..
الحمد لله عندنا الخيران والوديان دائماً تفاجيء الخريف مهما بدر أو تأخر .. أحسن من ناس الخرطوم والله ..
تحياتي يا أستاذة رهف .. وبالله شوفي ليك كنه هذه المفاجأة حتى لا نتفاجأ ..
| |
|
|
|
|
|
|
|