|
|
|
 Re: زيادة خفية في تعرفة الكهرباء .. ظهرت في حجم الإستهلاك....من منكم لاحظها؟؟؟؟؟ (Re: ombadda)
|
امبده
أنا أقهر زول بالمناسبة،،
الايقونة الانا واضعاها مع العنوان كافية جدا للتعبير ، لكن مداخلة داليا الكباشي دي اعتبرها غير موجودة.
حقيقة في الفترة الاخيرة لاحظت اننا بنستهلك كهرباء بصورة ملفتة في حين ان الاجهزة الكهربائية مازادات ، طرحت ملاحظتي لعدد من الناس الحوالي ، فكأنما هم ينتظرون من يبدي ملاحظته ، وجدتهم مندهشون مثلي ، بالمناسبة الكلام دا بعد الانتخابات مباشرة
الغريب ان المبلغ البتشتري بيه الـ 200 متر ، ياهو زاتو ، لكن الـ 200 متر ما ياها ،شفت الحرفنة دي كيف،،
يجينا بكرا وزير الكهرباء ، ويعلن عن تخفيضات هائلة ، ومالتخفيضات الا الرجوع للتعرفة القديمة
انت لاحظت يا امبده؟؟
| |
 
|
|
|
|
|
|
|
|
Re: زيادة خفية في تعرفة الكهرباء .. ظهرت في حجم الإستهلاك....من منكم لاحظها؟؟؟؟؟ (Re: أيمن الطيب)
|
عادة ما يتم حساب استهلاك الكهرباء بالـ KW/HRS ويسمى بالدارجي المتر ويمكنك ببساطة حساب ما يكلفك اي جهاز في المنزل بمعرفة الـKW وده بكون مكتوب على ديباجة التعريف والزمن الذي استعملت فيه هذا الجهاز بس ده بحسب ليك الكهرباء (ششنة) اي تقديريا لانو بعض الاجهزة لا يمكنك حساب استهلاكها الا بجهاز قياس دقيق
لو سمحت لي حاستغل البوست بتاعك ده ادي بعض الطرق البسيطة لتقليل تكلفة الكهرباء والتي ارى انها باهظة جدا في السودان وتشكل عبئا على المواطن
اول حاجة اي جهاز ما محتاجة ليهو افصليهو من الكهرباء مثلا التلفزيون ، مشغل الدي في دي حتى في حالة اطفاءها بالريموت تظل تستهلك طاقة
الاستفادة من ضوء النهار باقصى ما يمكن وعدم اضاءة اي نور نهارا الا للحوجة الشديدة
في حالة من يستعمل اجهزة تكييف اضافة عازل حراري شفاف على زجاج النوافذ (توجد فائدتين هنا الاستفادة من ضوء النهار والحفاظ على برودة الغرفة )
غسيل الملابس يستهلك ايضا كهرباء كثيرة لو في الامكان تجفيف الملابس بالطريقة التقليدية (حبل الغسيل) يمكنك توفير ما يقارب الثلث من استهلاك الكهرباء هنا
عند شراء اي جهاز منزلي جديد يجب الانتباه لميزات توفير الطاقة والتي تقدم كميزة اضافية (عادة سعر الجهاز يكون اغلى ) ولكن الثمن يرجع لك مع الزمن
الثلاجات من اكثر الاجهزة استهلاكا للكهرباء بحكم انها تعمل 24 ساعة يجب ان التاكد من الثلاجة مغلقة باحكام ولا يوجد تسريب للهواء البارد من داخلها وعدم حفظ الاشياء بداخلها وهي ساخنة جدا وكذلك عدم محاولة حفظ مياه الشرب بداخلها (عادة سودانية) بل يجب حفظ مياه الشرب في ثيرموس خارجي وتبريدها فقط بالثلج من الفريزر لكي نتجنب كثرة الفتح والاغلاق خاصة في الصيف كما يجب التاكد من ان حساس التبريد يعمل وان الثلاجة تتوقف عن العمل ويمكن معرفة ذلك من سماع صوت الكمبرسور
معليش على الاطالة ولكن لو جربتي بعض هذه الطرق ورايت فرقا تعالي ورينا
في حاجة مهمة انا غير مستبعد من ناس الكهرباء في السودان اي حاجة
| |
|
|
|
|
|
|
|
|
|
Re: زيادة خفية في تعرفة الكهرباء .. ظهرت في حجم الإستهلاك....من منكم لاحظها؟؟؟؟؟ (Re: haroon diyab)
|
الاخت شمائل
تحياتي
| Quote: نحن يانا نحن ، مافي زيادة في الاجهزة الكهربائية وفي نفس الوقت مافي زيادة مباشرة في سعر المتر ، يعني السعر ثابت لكن الاستهلاك بقى خرافي ، يعني الفرق واضح جدا ، يعني اذا انت بتصرف كيلو في الساعة سابقا ، الآن ح تصرف كيلو ونص او اكتر في الساعة الواحدة ، وبنفس الاجهزة الكهربائية القديمة ، عرفت اللعبة كيف؟؟؟ |
سؤالك بسيط و مباشر بس الاجابة عليهو صعبة
بصورة ما بتقولي انو في زيادة غير معلنة في اسعار الكهربة
او في تعديل غير معلن في معايرة (Calibration) السعر للمتر بتاع الكهرباء في ما يسمي بعداد الجمرة الخبيثة
و ما لم تكون عندك معلومات بصورة ما
انا استبعد السببين ديل
بالتاكيد استهلاك الكهرباء و الشكوي منه مربوط بالاجهزة الكهربائية و ليس الاضاءة التي عادة يكون معدل استهلاكها
اقل كثيرا من الاجهزة و تحديدا اجهزة تبريد الهواء بكل انواعها
في تقديري انو ملاحظتك صحيحة
بس هي مربوطة بكفاءة الاجهزة اكثر من انها مربوطة بتعديل في سعر المتر
و لايخفي عليك لنو الايام دي احوال الطقس لا تسر
و بالذات اجهزة تبريد الهواء بمختلف انواعها لها عداء مستحكم ضد ارتفاع درجات الحرارة
هسها الجملة الاخيرة دي الزول يفهما كيف
المهم يا الزولة الاجهزة دي اول ما ترتفع درجات الحرارة (بصورة منفلتة) زي الايام دي
طوالي الكفاءة بتاعت الاجهزة دي بتقع الواطة عديل كدة
الكفاءة نزلت اهه افتحي جيبك و ادفعي من سكات
و انعلي المدنية و التمدن
و
اوعك تقولي لي الشركات البتصنع الاجهزة دي غشتنا
.
| |
|
|
|
|
|
|
| |
شمائل النور
داليا الكباشى
ombadda
أيمن الطيب
محمد إبراهيم علي
عمر التاج
ود شاموق
haroon diyab
فيس بوك
تويتر
انستقرام
يوتيوب
بنتيريست