|
|
 عــاجل .. بوردب سلطنة عمان .. أو سافر لعمان من السعودية .. استفسار عاجل لو سمحتم
|
الأحباب ..
السلام عليكم ورحمة الله وبركاته ،،
مساء الخير ..
عندي يوم الثلاثاء عرض هام جداً وفي مسقط ..
ولم أتقدم بطلب فيزا من السفارة العمانية باعتبار أن الحالة واحدة مثل بقية دول الخليج يتم أخذ التأشيرة في المطار ..
الآن انتابتني مشاعر قلق أنه ربما يلطبون تأشيرة دخول مسبقة .. وأكون شربت مقلب وبرنامجي تخلبط رأساً على عقب ..
سفريتي بكرة 1:30 ظهراً .. فالوقت حرج جداً ..
الرجاء من الزملاء بوردات السلطنة من كان منهم مستيقظاً الآن .. أو من الزملاء الذي سبق لهم زيادة السلطنة الإفادة العاجلة ..
شخصي مقيم في السعودية ووظيفتي في الجواز محاسب هل أحتاج لتأشيرة دخول مسبقة لسلطنة عمان ؟؟؟
محبتي رقم قلقي ..
جاد
|
|
  
|
|
|
|
|
|
|
|
Re: عــاجل .. بوردب سلطنة عمان .. أو سافر لعمان من السعودية .. استفسار عاجل لو سمحتم (Re: MOHAMMED ELSHEIKH)
|
Quote: يا جاد تحية
و حسب معلوماتي أن السلطنة لا تطلب تأشيرة مسبقة مثلها مثل بقية دول التعاون الخليجي لكثير من الوظائف.
انا قضيت 8 سنوات هناك و اعلم سهولة الدخول و الخروج منها وعدم وجود تعقيدات و اظن ( ولا اجزم) بأن وظيفة محاسب من الوظائف التي لا تتطلب فيزا مسبقة و في رأي توكل على الله وان شاء الله مافي مشكلة.
بس بعد وصولك ادينا خبر و سجل زيارة باسمي لسوق روى. |
الحبيب محمد الشيخ ..
وأطيب تحية ..
والله دي معلومة مريحة ..
في الأول تملكني اليأس والله .. وحتى ما رتبت ملابس السفر ..
وبإذن الله أكون في تواصل .. لو سافرت اليوم بإذن الله بكون هناك لحدي صباح الجمعة ..
مشكور يا أخي ..
جاد
| |
|
|
|
|
|
|
|
|
|
Re: عــاجل .. بوردب سلطنة عمان .. أو سافر لعمان من السعودية .. استفسار عاجل لو سمحتم (Re: JAD)
|
| Quote: الاخ جاد صباح الخير...... ناس سلطنة عمان ديل بتحبو و بيخشو للزول فى قلبو ...انت وصلت بلد التهذيب و التعامل و الطيب و حتشوف الفرق فى المطار و لا يمكن يرجعوك حتى لو مهنتك لا تسمح حيكون عندهم ليك مخرج ....ستف عفشك و اطمئن و مرحب بيك فى سلطنة عمان .... |
الأخت العزيزة منار ..
صبحكم الله بالخير والسرور ..
فعلاً ناس السلطنة بتحبو .. اتصل علي قبل قليل مدير الشركة العمانية وأكد لي كلامكم جميعاً ..
فلكم الشكر الجزيل ..
كل يوم الواحد يزداد سعادة بالانتماء لهذا الوطن الإسفيري الجميل ..
إلى الأخ أبو خالد عبداللطيف بكري أحمد .. شكراً خلاص ما محتاج لجوال الأخ السلطان قابوس بن سعيد (وش أخيدر ضاحك ومدور) ..
خالص الود ..
جاد
| |
|
|
|
|
|
|
|
|
|
Re: عــاجل .. بوردب سلطنة عمان .. أو سافر لعمان من السعودية .. استفسار عاجل لو سمحتم (Re: طارق ميرغني)
|
Quote:
إلى الأخ أبو خالد عبداللطيف بكري أحمد ..
شكراً خلاص ما محتاج لجوال الأخ السلطان قابوس بن سعيد |
الحبيب أبو عاصم،،
قلت كدا؟؟
المهم الإمكانية (موجودة)، فمتي ما عن لك مايكدر الصفو أو يدعو
إلى تدخلات من هكذا مقام ، فلا ينتابك ما يحول بينك وال STC ، ولا
تتطهم: نحن أحد أهم أسباب وجودنا هي خدمة أحلى بشر في الكون ،
جمال دفع الله (جاد) ومن هم على نفس خارطة النفس البارد (اي المرطبين)،،
=
كلنا يقين أنك سوف تحسن تمثيل أمة السودان ، وإن كان العرض يعود عليك
شخصياً بالمال الوفير بإذن الله ، ولكن يملؤني سعادة وفخر أن من يتولى التعريف
بهذا الجهاز المنقذ للحياة هو صديقي العزيز ابو عاصم!!
(ابو التلج زاتو ياخ : اتخيل لي لدينا من النقاط ما يخولنا جهاز مجاني)!!
حفظك الله في الحل والسفر يا أعز عزيز!! (دي والله من القلب بعد أن نفذ مابحافظتنا من جليد)!!
| |
|
|
|
|
|
|
|
|
|
Re: عــاجل .. بوردب سلطنة عمان .. أو سافر لعمان من السعودية .. استفسار عاجل لو سمحتم (Re: طارق ميرغني)
|
Quote: يا عمكـ .. بالسلامة
وجيب معاكـ حلاوة لكّوم! |
الله يسلمك يا ود الصايم ..
الحمد لله وصلت وعدت بالسلامة ..
والله فعلاً عندهم حلوى عمانية الصنع لذيذة جداً .. مختلفة الألوان من التين، التمر ، والمشمش وأشياء تاني .. وألذ شيء عندهم جلسة خاصة للتذوق فتعرف جلسنا في كنب جميل وأمامنا مختلف الأصناف والقهوة العربية (حمراء) .. فأكلنا بينيك وبينك لمن قلنا طيب نشتري لي شنو ..
كنت متوقع أجيب معاي لكن غيرت الحجز من صباح الجمعة للخميس وكان الوقت ضيق جداً .. وجل اهتمامي بعد تقديم العروض هو الذهاب لمناطق الآثار وأفلاج المياه (العيون) ..
يا زول خيرا في غيرا .. وأنا عاوز أعمل مصنع حلويات في السودان ببسطك إن شاء الله .. (وش مدردق بحرافة)
| |
|
|
|
|
|
|
|
|
|
Re: عــاجل .. بوردب سلطنة عمان .. أو سافر لعمان من السعودية .. استفسار عاجل لو سمحتم (Re: JAD)
|
Quote: حبابك الف يا جاد.. انا في مسقط... للمحاسبين ما بطلبوا تأشيره وحتلاحظ التعامل المهذب جدا في أي حته تمشيها هنا.. أنا رقمي 99881464
أضرب لي بجي أستقبلك واوصلك حتة ما ماشي واطمئن إنو امورك مرتبه .. انا الليله عندي اجازه ويا انا محظوظ يا انت محظوظ :)
كل التوفيق ياخي |
الحبيب مدثر محمد عمر ..
حياك الله يا أخي ..
وألف شكر على التحيب الحار .. والله ما بتقصر ..
بالفعل الناس محترمين ومنتهى الأدب والله ..
وصلت مسقط من البحرين عصر متأخر يوم الاثنين .. ونزلونا في منتجع النهضة ببركاء .. مكان جميل فيه جميع أنواع الأشجار والزهور وتغرد في الطيور ..
مشكور والله أنا ما لقيت طريقة أدخل الانترنت إلا في مطار البحرين .. الوقت كان مزحوم وما يتبقى من الزمن نزور فيه المواقع السياحية وبعد دا ما كملنا مسقط ..
لكن إن شاء الله لي عودة ..
| |
|
|
|
|
|
|
|
|
|
Re: عــاجل .. بوردب سلطنة عمان .. أو سافر لعمان من السعودية .. استفسار عاجل لو سمحتم (Re: JAD)
|
Quote: اخي جاد كيفك
سبق وقبل حوالي اربعة شهور دخلت الامارات من السعوديه ومنها لعمان وبالعكس الي الامارات مره اخري ثم السعوديه
وهذه بتاشيرة خروج فقط ومعي كمان زوجتي وبرفقة صديقي لؤي شمت
كنت مزهلل قبل ذلك وخفت اتمقلب لكن الحمد لله
المهنه في الجواز مهندس وسالت قبل ذلك فقالوا طبيب او محاسب او مهندس يدخلوا دون تاشيرة دخول
المهم توكل علي الله |
حياك الله أخي طارق ميرغني ..
فعلاً كان الدخول سلساً ..
وموظفي المطار كانوا في قمة الأدب والتحضر ..
وقد عدت أمس بالسلامة ..
فلك الشكر ..
جاد
| |
|
|
|
|
|
|
|
|
|
Re: عــاجل .. بوردب سلطنة عمان .. أو سافر لعمان من السعودية .. استفسار عاجل لو سمحتم (Re: JAD)
|
Quote: الحبيب أبو عاصم،،
قلت كدا؟؟
المهم الإمكانية (موجودة)، فمتي ما عن لك مايكدر الصفو أو يدعو
إلى تدخلات من هكذا مقام ، فلا ينتابك ما يحول بينك وال STC ، ولا
تتطهم: نحن أحد أهم أسباب وجودنا هي خدمة أحلى بشر في الكون ،
جمال دفع الله (جاد) ومن هم على نفس خارطة النفس البارد (اي المرطبين)،، |
الحبيب أبو خالد ..
يا أخي بارك الله فيكم ..
والشكر المفخم على هذه المشاعر الطيبة تجاه أخيك الصغير ..
بعدين ترطيبة وين في السخانة دي يا عمك .. (وش أخدراني ضاحك ولافي في نفس الوقت) ..
Quote: كلنا يقين أنك سوف تحسن تمثيل أمة السودان ، وإن كان العرض يعود عليك
شخصياً بالمال الوفير بإذن الله ، ولكن يملؤني سعادة وفخر أن من يتولى التعريف
بهذا الجهاز المنقذ للحياة هو صديقي العزيز ابو عاصم!! |
تسلم يا رجل يا طيب ..
الحمد لله عملنا عرض جميل في مستشفي وزارة الدفاع .. وتألق الخبير الأمريكي في التقديم ..
| Quote: (ابو التلج زاتو ياخ : اتخيل لي لدينا من النقاط ما يخولنا جهاز مجاني)!! |
لكن يا الحبيب إنت جبت اللوح كامل من المصنع للبوست .. شوف كيف اضطريت أقصقصصه قطع ..
التلج لازم يكون مدروش .. عشان ما يكسر الخلاطة ..
| Quote: حفظك الله في الحل والسفر يا أعز عزيز!! (دي والله من القلب بعد أن نفذ مابحافظتنا من جليد)!! |
الله يديك العافية .. ويحفظكم أيضاً في تمام الصحة والعافية ..
مودتي ،،
| |
|
|
|
|
|
|
| |
JAD
MOHAMMED ELSHEIKH
محمد المرتضى حامد
محمد عبد الماجد الصايم
مدثر محمد عمر
لؤى
إسماعيل وراق
فيس بوك
تويتر
انستقرام
يوتيوب
بنتيريست