|
|
|
 Re: بورداب الأردن .. مساعدة عاجلة (Re: Faris Mohamed)
|
الأخ فارس
تحياتى مع دعواتى بعاجل الشفاء لوالدتكم...
انا بوردابى خرطومى لكن ممكن اديك معلومات عن العلاج بالأردن تستقيد منها... انا ذهبت للأردن فى فبراير الماضى لعلاج ابنتى والحمدلله قد من الله عليها بالشفاء بعد معاناة شديدة وكنت قد انزلت بوست هنا بنفس موضوعك ومافى زول هببنى وكل الإتداخلو معاى اتمنو لى الشفاء واهو الحمدلله ربنا استجاب لدعواتهم وشفيت ابنتى ...
ياخى موضوع العلاج فى الأردن فى غاية البساطة أولا لأنهم شعب راقى جدا وما عندهم أى استهبال ونصب ودى لو حصلت هناك الا تكون من سودانى او مصرى او سورى والبلد أمان للطيش ...فى اعتقادى ان احسن مستشفى هو مستشفى الاسراء فى شارع الملكة رانيةلأنو فيه كل التخصصات وافضل الأطباء والأجهزة الحديثة واسعار العلاج تقريبا واحدة فى كل المستشفيات وقرب المستشفى يتوفر السكن المناسب والمريح يعنى ما أظن تحتاج لمواصلات اذا كانت الحاجة قادرة على المشى ... وممكن من المطار تركب تاكسى وتقول ليهو شارع الملكة رانية أو شارع الجامعة مساكن الشريف خلف الماكدونالد واسم الحى ( طلعة نيفين ) والسكن هناك قرب المستشفى المعنى شقة مفروشة ونظيفة ومكيفة وبها غرفة وصالة فى حدود عشرة دينار لليوم والدولار يعادل 7, دينار وفى الحى كمية من المطاعم حسب ذوقك يعنى ما أظن تحتاج تركب تاكسى طيلة وجودك فى عمان مع انو تاكسى عمان رخيص جدا مقارنة بتاكسى الخرطوم او الأمارات أو مصر وطبعا زى ما قلت ليك مافى استهبال وغش تركب التاكسى ويشغل العداد وطوالى على مقصدك بأقرب طريق .... ولا أنسى الرحلات التى ينظمها مستشفى الإسراء للمرضى الأجانب كل يوم أربعاء الى جبل أهل الكهف والبحر الميت وحمامات معين الكبريتية ومقام سيدنا شعيب ومجانا مع جميع الخدمات .... انشاء الله تمشى وتجو بالسلامة وربنا يكتب الشفاء لوالدتكم
| |
 
|
|
|
|
|
| |
Faris Mohamed
صلاح الدين ابراهيم الفضل
فيس بوك
تويتر
انستقرام
يوتيوب
بنتيريست