|
Re: اختارو فيديو واحد عشان اجيبو ليكم (توجد صور) (Re: محمد طه الحبر)
|
يا جماعة الخير والله انتو ناس خوتكم لستك اي الزول جا داخل قال ليكم عندنا بازار فيديو لكن أهو في سياق منفصل قال ليكم انا خطبت هو اولويته الفيديوهات وانتو اولويتكم الخطوبة..طيب واحد منكم ما يدق صدره ويفتح بوست عشان الناس يباركوا ليه...اقترح اكبر الاعضاء سنا ايمن الطيب يقوم بالمهمة دي. بيني وبينك يا الحبر خبرك برضو ما مشجع شديد..جوبقت الناس فيه وفوق ده ما ممكن تقول انا خطبت والعرس بعد خمسة سنة..عرس ده ولا نيفاشا ياخ..ما ياها بت خالتك ..شفر الموضوع مع الخاله وعرس بعد خمسة سنة لو ربنا مد في الآجال.
ونصحية اخوية بالله (ومن وجهة نظر شخصية جدا) يا الحبر بعد تصريحك ده زح من الكلام في الحب وما الي ذلك بعد ده..هسة نحن اعمامك وناس ايمن الطيب احفادهم ماشين علي الجامعة الحاجات الخاصة الزي دي بياكلوها لباد كدة ..مابقولوا انا خطبت وانا اتخرجت وانا سويت طلعة جوية وانا عندي شركة أعلاف ...دي حاجات خاصة بتمسخ لما يتداولوها معاك في منبر عام.
الف مبروك يا ابني ..والله من وراء القصد.
| |
|
|
|
|
|
|
|