|
|
|
 Re: هل تعاطف الشعب مع الاطباء وهل الاطباء قريبين من الناس؟؟ (Re: عمار محمد ادم)
|
في قُرى المحس ماف أطِباء عِلا في المُدُن الكبيرة ... في فُراش أبوي لقيت عَمًا لينا جا مِن المحس فوق الخُرطوم يِتْعالج ، قال مشا مُسْتشفى عبري ما لِقى فِحيص ... سافر دُنْقُلا ما لِقى فِحيص ... قام جا الخُرطوم ... أخوهو قال ليهو بِالله هسع لو كان ضُقتو ساي ما كُنت عِرفت عِندك سُكري ولا ما عِندك بدل ما تسافِر مِن بلد لِبلد ...
عِشت في البُطانة قريب تمانيا سنوات ، يِسعلني الله ، بِعيني دي ما شُفتْ لي طبيب ، البِدير العملِية كُلها تمرجي بِعالِج أيُتها مرض مِن إبو الشِهيق لا عَند السرطانات والعِياذ بِالله ...
وفي العِيادات الخاصة الأطِباء والدكاترة مُنجِضين البشر نجاض قبور وخاصةُ فوق المُسْتشفيات الخاصة أبات ملايين ديك ... ما عِندك ما تخُش ... عِِندي مره خالاً لي ، أكانت رقدت في مُسْتشفى خاص ، المُسْتشفى القايِم في بيت أحمد الميرغني الفي بحري - الميرغنِية (ود السايِح) ... أها مره خالي دي ماتت فوق المُسْتشفى دي بِمرضا الدخلت بيهو ، والوكِت أكان ليل والكهربا قاطعا ... الساعة أكانت قريبة لِلوكِت يا زول ... ناس المُسْتشفى حلفو أكان ما أديناهُم قُروشُم كاش ، جِنية قديم يِنْطح جنية قديم ما نشيل المرا نستُرا ... هاك ده شيك ... أبدًا عِلا كاش ... جيب أوقِع ليك على أيُتها ورقة ... أبدًا عِلا كاش ... رقدنا ليلنا ده في المُسْتشفى لغاية صباح الله ... وإنْتظرنا لامِن البِنوك تفتح ... وبعد ده حاسبونا على التلاجة الحفظو فوقا مره خالي ...
بعد ده كُلو ، أنا بدافِع عن حق الطبيب ولا غيرو في طلب حُقوقو على دايِر مِلين ... وبندِد بِأي تعسُف مِن قِبل الحكومة دي ولا غيرا في هضم حقوق البشر ...
عليك الله يا عمار ما وَنْستك؟
| |
 
|
|
|
|
|
|
|
|
Re: هل تعاطف الشعب مع الاطباء وهل الاطباء قريبين من الناس؟؟ (Re: عمار محمد ادم)
|
| Quote: هل تعاطف الشعب مع الاطباء وهل الاطباء قريبين من الناس؟؟ |
لا اعتقد انهم قريبين...بما يكفى..وتوجد تحفظات كثيرة على طريقة تعامل
بعضهم مع المواطن البسيط..ولديهم كالعادة اسباب كثيرة اولها بيئة العمل
الرديئة..طبعا
يبقى فى الاخرالاعتراف بأن لديهم حقوق يجب ان يحصلوا عليها وياريت تتنازل الحكومة
قليلا عن كبريائها من اجل حل الأشكال..الاستجابة للضغط ليست عيبااللهم الا اذا كان لديهم خوف من تحرك بقية النقابات فى مطالب اخرى
| |
|
|
|
|
|
|
| |
عمار محمد ادم
عزام حسن فرح
jini
مُحَمَّدٍ عِوَضٌ احْمَدُ
فيس بوك
تويتر
انستقرام
يوتيوب
بنتيريست