|
|
 تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ )
|
كوًن المؤتمر الوطني بالمملكة العربية السعودية قطاع الاقليم الغربي ( جدة ، مكة المكرمة ،
الطائف، رابغ) مكتبه التنفيذي من ممثلين لقيادات المؤتمر الوطني بهذه المدن الثلاث وعقد
اجتماعه الاول بفندق تفويج بحي الهنداوية بمدينة جدة ليلة الخميس 13 جمادي الثاني ووضع لائحته
المنظمة لاعماله واجندة اعماله للمرحلة التالية .
وضم المكتب في عضويته من مدينة جدة الي جانب رئيس المكتب القيادي بالاقليم الغربي السماني عمارة كلاً من
اشرف الفيل ، حافظ فتحي محمد صالح، الفاضل الشاذلي ، صلاح ابوسقرة ، ابو القاسم بلال، حسب الرسول
الخير ، عبد العظيم محمد قسم السيد ، السماني صالح الشيخ ، ومن مكة المكرمة د/ نصر الدين ابراهيم
ود/ ياسر محمد قسم السيد وعبد الحكيم عبد الله ود/ محمد يحيي وم احمد ابراهيم وموسي اكواك ومحمد
الطيب فيما احتضن من مدينة الطائف كلاً من محمود ابراهيم وهاشم ادم ومحمد نور وعبد الباقي ومن
مدينة رابغ د/ محمد يعقوب عالم.
واوضح الاستاذ عبد الحكيم عبدالله المقرر المناوب للمكتب التنفيذي للمؤتمر الوطني بالاقليم الغربي
ان الاجتماع ناقش عددا من القضايا اهمهما المشاركة في احتفال
تنصيب المشير عمر حسن احمد البشير لفترة رئاسية قادمة مدتها خمس سنوات في يوم الاربعاء الموافق
التاسع من يونيو القادم الموافق26 جمادي الثاني بالجناح الجنوبي للقنصلية السودانية بجدة
مشيرا الي تكوين لجنة للاحتفال برئاسة الاستاذ سيف الدين عيسي مختار مسئول الاعلام بالمؤتمر الوطني
والدكتور نصر الدين ابراهيم الي جانب اخرين سيتم تحديدهم في اليومين القادمين.
|
|
 
|
|
|
|
|
|
|
 Re: تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ ) (Re: عبد اللطيف السيدح)
|
السيدح
| Quote: رئيس المكتب القيادي بالاقليم الغربي السماني |
(1) يعنى ليس رئيس المؤتمر بالخليج
| Quote: برئاسة الاستاذ سيف الدين عيسي مختار مسئول الاعلام بالمؤتمر الوطني |
قاصد الكضاب سيف
( الكضاب )ما من عندي من زولكم الدكتور بشير في بوست اخر و لذلك اعتذر عن استخدام مفردة الكضاب
سؤال لو سمحت
وماذا عن مجموعة الاستاذ حاتم سر الختم
يعنى مؤتمركم اصبح حكر على المؤتمرجية السمانية
لماذ احتفال حزبكم في قنصلية (السودان) ام تمويه منكم بالادعاء بان الاحتفال باعادة التنصيب و ليس نجاحكم في تزوير
| |
|
|
|
|
|
|
|
|
|
Re: تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ ) (Re: عبد اللطيف السيدح)
|
الأخ السيدح
شكرا على هذا البوست،و في انتظار الصور
الاجتماع المذكور، هو الاجتماع الأول للمكتب القيادي للمؤتمر منذ تكوينه في السبوع الأول من شهر أبريل 2010م في اجتماع مجلس الشورى الذي أجاز أعضاء المكتب القيادي من كل ممثلي المؤتمر الوطني في الطائف ،و مكة المكرمة، وجدة ، ورابع، وهي المناطق التي تشكل مؤتمر الاقليم (اقليم مكة المكرمة).
وقد احتوت أجندة الاجتماع على الآتي
1- الاشارة الى حفل تنصيب السيد رئيس الجمهورية ال1ذي تم في نفس اليوم.
2- الترحيب بالمستشار عصام دهب بمناسبة انضمامه الى المؤتمر االوطني
3- اجازة اللائحة الداخلية للمكتب القيادي، وقد أعدها السيد أمين الشئون القانونية مولانا اشرف الفيل
3- تكوين لجنة من أمانات الاعلام والمالية والعلاقات العامة للاعداد للحفل الكبير الذي ينظمه المؤتمر مساء يوم التاسع من يونيو 2010م بالقنصلية العامة بجدة.
5- الترحيب بالبورداب من أعضاء المؤتمر الوطني الذين حضروا اللقاء.
6- مواضيع أخرى متنوعة
وسنوافيكم بتفاصيل أوفي لاحقا
سيف الدين عيسى مختار
| |
|
|
|
|
|
|
|
|
|
Re: تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ ) (Re: ود الباوقة)
|
تحياتي للمتداخلين ..
وإعتذار شديد لكل الذين حضروا هذا الإجتماع الهام و الذي شاءت إرادة الله تعالى أن لا أحظى بحضوره ..
و الحقيقة أنني كنت مشغولا جداً بسبب( تالة ) إبنتي التي تعرضت لحادثة سقوط أثناء لعبها في المنزل ترتب عليه كسر في يدها .. ثم كان إنشغالي مع الأهل الذين توافدو للإطمئنان عليها .. و الحمد لله أنها الآن بكل خير ..
تحياتي للجميع مجدداً متمنياً لهم التوفيق والسداد و موعدنا لقاء القنصلية بإذنه تعالى ..
| |
|
|
|
|
|
|
|
|
Re: تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ ) (Re: عبد اللطيف السيدح)
|
Quote: وإعتذار شديد لكل الذين حضروا هذا الإجتماع الهام و الذي شاءت إرادة الله تعالى أن لا أحظى بحضوره ..
و الحقيقة أنني كنت مشغولا جداً بسبب( تالة ) إبنتي التي تعرضت لحادثة سقوط أثناء لعبها في المنزل ترتب عليه كسر في يدها .. ثم كان إنشغالي مع الأهل الذين توافدو للإطمئنان عليها .. و الحمد لله أنها الآن بكل خير ..
تحياتي للجميع مجدداً متمنياً لهم التوفيق والسداد و موعدنا لقاء القنصلية بإذنه تعالى .. |
سعادة المستشار
يا اخي كفارة وسلامات لتالة وفي ميزان الحسنات وسيجبر كسرها قريبا بحول الله ما دامت صغيرة
افتقدك اللقاء الحميم وكان شخصك الكريم حاضراً علي طاولة النقاش المفيد،
| |
|
|
|
|
|
|
|
|
|
Re: تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ ) (Re: البشير دفع الله)
|
كدى نعرف يا البشير انكم ما من النخبة واللا شنو ؟؟؟
بعدين ياسيدح دا كلامنا زمااان لكن حبل الكضب قصير قلنا
ليكم تم اعفاء السماني من رئاسة المؤتمر الوطني جيتو
تدافعوا ساي الان مؤتمركم بتاع بيت السفير وضعوا شنو
من مجموعة المؤتمر الاخرى واللا فصلتوهم بالجملة كما
تطلقون الكذب ببرود اعصاب تحسدون عليه .
* بعدين يا بشير دفع الله انا منتظر اجابتك في بوست بورداب المؤتمر ؟؟
.............................................حجر.
| |
|
|
|
|
|
|
|
|
|
Re: تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ ) (Re: الرفاعي عبدالعاطي حجر)
|
الرفاعي
المؤتمر الوطني بالمنطقة الغربية حزب لا يعرف التثاؤب
يعني مش انتهت مهمته بانتهاء الانتخابات
حزب جماهيري عريض هدفه الوصول الي اكبر قاعدة شبابية واعية ومستنيرة للاستعانة بابناء الوطن في
مرحلة البناء والنهضة الشاملة في جميع ربوع السودان العزيز
هذه النخبة التي اشرت اليها في مداخلتك هي خيار من خيار ابناء المؤتمر الوطني بمدن الغربية وقد
دفعت بهم مكاتبهم الفرعية كممثلين لها في هذا المكتب التنفيذي الذي سيحمل علي عاتقه
مهمة التنسيق والعمل الجماعي في المرحلة التالية لاسيما ان المؤتمر الوطني ورئيسه نالا ثقة
الشعب وتفويضه لقيادة السفينة لخمس سنوات قادمة
امنياتي ان اري مثل هذا النشاط والحيوية والعمل السياسي المكثف في حزبك الذي تنتمي اليه
او الاحزاب الاخري التي تناصرها.
| |
|
|
|
|
|
|
|
|
|
Re: تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ ) (Re: علاء الدين صلاح محمد)
|
Quote: يا سعادتك شماعة الخج دي ما بجيبلكم مريسة تام زينو بعد كده
ارجو وآمل ان تنظموا صفوفكم وتستعدوا للمرحلة المقبلة حتي اذا ما جاءت الانتخابات تكونوا
في كامل جاهزيتكم لها .
يا اخي اجتمعوا وكونوا مكاتبكم واعملوا ندوات ومكاتب اتصال ما تقعدوا تحوصوا وتلوصوا
يامن القطر يفوتكم في المحطة الجاية. |
السيدح اخوى
ما كان ( تخجوها ) عشان تعرفوا حجمكم الحقيقى !!
اكيد الجموع التى خرجت .. اصابتكم بهلع و لم تجدوا غير ( الخج ) .
و طيب لما احنا قوة مفككة .. جارين ورانا- عممكم و ملافحكم تتطاير - عشان نشارككم ليه ؟؟
نحن يا حبيبنا تربطنا وطتنيتنا و مبادئنا و اتحاديتنا و بندفع من حر مالنا عشان نعمل عملنا التنظيمى .. مش من ( النهب المصلح ) .
المهم .. معلوماتنا تفيد بان التصحيح لما يدور فى اروقتكم آت عما قريب .. من الخرطوم .. بلوا رأسكم !!
| |
|
|
|
|
|
|
|
|
|
Re: تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ ) (Re: الرفاعي عبدالعاطي حجر)
|
Quote: كوًن المؤتمر الوطني بالمملكة العربية السعودية قطاع الاقليم الغربي ( جدة ، مكة المكرمة ،
الطائف، رابغ) مكتبه التنفيذي من ممثلين لقيادات المؤتمر الوطني بهذه المدن الثلاث وعقد
اجتماعه الاول بفندق تفويج بحي الهنداوية بمدينة جدة ليلة الخميس 13 جمادي الثاني ووضع لائحته
المنظمة لاعماله واجندة اعماله للمرحلة التالية .
وضم المكتب في عضويته من مدينة جدة الي جانب رئيس المكتب القيادي بالاقليم الغربي السماني عمارة كلاً من
اشرف الفيل ، حافظ فتحي محمد صالح، الفاضل الشاذلي ، صلاح ابوسقرة ، ابو القاسم بلال، حسب الرسول
الخير ، عبد العظيم محمد قسم السيد ، السماني صالح الشيخ ، ومن مكة المكرمة د/ نصر الدين ابراهيم
ود/ ياسر محمد قسم السيد وعبد الحكيم عبد الله ود/ محمد يحيي وم احمد ابراهيم وموسي اكواك ومحمد
الطيب فيما احتضن من مدينة الطائف كلاً من محمود ابراهيم وهاشم ادم ومحمد نور وعبد الباقي ومن
مدينة رابغ د/ محمد يعقوب عالم.
واوضح الاستاذ عبد الحكيم عبدالله المقرر المناوب للمكتب التنفيذي للمؤتمر الوطني بالاقليم الغربي |
أخوي السيدح
مسكاقمي
أنا ما شايف اسم قريبي الاستاذ سيف الدين عيسى مختار ولا حتى الزعيم قرشوم شنو الحكاية
| |
|
|
|
|
|
|
|
|
|
Re: تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ ) (Re: محمد أحمد الريح)
|
Quote: أخوي السيدح
مسكاقمي
أنا ما شايف اسم قريبي الاستاذ سيف الدين عيسى مختار ولا حتى الزعيم قرشوم شنو الحكاية |
حمزاوي
مسكاقمي
قريبك سيف رئيس دائرة الاعلام بالمؤتمر الوطني ويعتبر ايضاً مسئول الاعلام بهذا المكتب التنفيذي
المكون من فرعيات المؤتمر الوطني بالمدن المذكورة في العنوان.
اما عمك قرشوم فهو شيَال تقيلة حامل هموم ومشاكل الجالية وربما يعطي من زمنه ووقته الثمين
جزء مقدرا وبالطبع هو الاب الروحي للجميع وليس من الكياسة ان يضع الناس فوق كتفه همَا
تنفيذيا اخر فوق هم الجالية.
مع عاطر تحياتي
| |
|
|
|
|
|
|
|
|
|
Re: تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ ) (Re: علي الكرار هاشم)
|
Quote: كوًن المؤتمر الوطني بالمملكة العربية السعودية قطاع الاقليم الغربي ( جدة ، مكة المكرمة ،
الطائف، رابغ) مكتبه التنفيذي من ممثلين لقيادات المؤتمر الوطني بهذه المدن الثلاث |
انتو ساقطين في كل شي يا كافي البلاء ؟
لا كتابة ولا حساب ؟
الغريبة البشير دفع الله دا كان بردد طوالي انو ما كوز !!!
سيف مختار قل اقسم بالله العظيم وكتابه الكريم انني رايت الرفاعي حجر بعيوني الح ياكلهم الدود ديل في حفل تنصيب الرئيس المنتخب خجا وغشا والمتهم دوليا عمر حسن البشير
اقسم او انك كذاب اشر
| |
|
|
|
|
|
|
|
|
|
Re: تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ ) (Re: محمد حسن العمدة)
|
Quote: انتو ساقطين في كل شي يا كافي البلاء ؟
لا كتابة ولا حساب ؟
|
محمد حسن العمدة
خليك زول موضوعي ياخ
والأفضل أنك تكتب في المفيد , يعني تنتقد الفكرة والموضوع , بدل تتبع الأخطاء غير المقصودة , لأنها ما بتأثر على كنه الموضوع بشئ ولا بتنقص من قدر كاتبها بشئ .
الآن المؤتمر الوطني أجتمع وكون المكتب التنفيذي للمنطقة الغربية ودا يعتبر نجاح كبير جدا يعني مستوى التنظيم والتخطيط والادارة ودا شئ بتفتقدوا تنظيمات كتيرة في الساحة السياسية ومنها التنظيم الانت بتنتمي ليه .
يعني انت مثلا ممكن توفر مجهوداتك في تتبع بوستات المؤتمر الوطني وتسعى للقيام بأي دور ايجابي يدفع بحزبك ( الما سمعنا بيهو عمل مؤتمر ولا أختار مكتب تنفيذي ) لا قدام .
دا الموضوع , اذا عندك اعتراض أو تحفظ أو طعن , اتحفنا بيهو , لكن زي عباراتك الفوق دي مضحكة أكتر منها موضوعية .
Quote: الغريبة البشير دفع الله دا كان بردد طوالي انو ما كوز !!!
|
الجزئية دي قبل كده انت كتبتهافي بوست غير دا وأنا رديت عليك فيها رد كافي وشافي , يا ريت لو تراجع وتتابع البوستات البتوجه فيها كلام مباشر عشان تقرأ الرد على كلامك .
المهم
أناالآن لست موالي ولا متعاطف ولكني أفتخر بانتمائي للمؤتمر الوطني
| |
|
|
|
|
|
|
|
|
|
Re: تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ ) (Re: البشير دفع الله)
|
| Quote: جزء مقدرا وبالطبع هو الاب الروحي للجميع وليس من الكياسة ان يضع الناس فوق كتفه همَا |
شكرا أخي السيدح
واضافة الى ما ذكرت فان الشيخ عوض قرشوم هو نائب رئيس مجلس الشورى للمؤتمر بهه المنطقة، ورئيس مجلس الشورى هو البروف يوسف صديق، وهو مقيم في مكة المكرمة،
لقد عطس اجتماع المكتب القيادي التناغم التام بين أعضائه، وقد حرص كل أعضائه من الطائف ومكة ورابغ على الحضور المبكر، ولم يتغيب عنه الا المين السياسي الأستاذ الطيب جميل وذلك لسفره الى الدمام لحضور المؤتمر العام للمؤتمر بالشرقية اضافة الى مندوب المؤتمر في الرياض، وهكذا ترى أن التنسيق بين جميع المؤتمرات في جدة يتم بصورة مرضية
واصل أخي السيدح.
| |
|
|
|
|
|
|
|
|
|
Re: تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ ) (Re: البشير دفع الله)
|
الأخ بشير دفع الله
سعدت كثيرا بذلكم الوقار الذي يدثر حماس الشباب المتوقد في خطابك، حين التقينا مع بقية الأخوة الكرام اتفقنا على أن التغاضي عن اساءات أولئك الذين يحاولون قدر طاقتهم عرقلة مسيرة هذا الحزب العملاق هو ديدن المؤتمر الذي يهتم بالفعل ويترك للمناوئين الانشغال بردود الفعل. أخي بشير ما ظنك برجل ظل يحشد الشهود، ويسوق الأدلة، ويفتح البوستات المختلفة، ويكلف من يجهد نفسه ليقول أن حجرا كان معه طيلة اليوم، كل ذلك ليثبت أنه لم يحضر الحفل، بل لو وجد طريقة بأن يقول انه لا يعرف حتى الحي الذي أقيم فيه الحفل لفعل، خلاصة القول أخي بشير انه جاء متلصصا الى الحفل وفي مخيلته ان عدد الحضور لن يتجاوز أصابع اليد الواحدة، وفجع حين شهد تلك الأعداد الغفيرة.
أخي بشير أنت تعلم أن أهل المؤتمر على درجة عالية من التنظيم والترتيب، ومعنا والحمد لله من هم على مستوى عال وخبرة طويلة في هذا المجال، وفي تلك الأمسية كان التنظيم على درجة عالية، لم يدخل أي أحد أو حتى يحوم حول المكان الا رصد وعرف، المسؤول عن تنظيم الحفل هو الذي قابله في الصالة الرديفة وطلب منه الدخول الى صالة الاحتفال لكنه أخفى وجهه في الجريدة التي كان يحملها وولى هاربا يجر أذيال خيبته.. هذا كل ما في الأمر، وهذه كل القضية أخي بشير.. ربما خاف من أن يقابله الجمهور بما يستحقه، لكنه لا يدرك أن كل عضو من أعضاء المؤتمر الوطني في منتهى الرقي والتحضر، فهم لا يهتمون بما يتخرص به المتخرصون لأنهم واثقون مما يفعلون، ولا يضيرهم اساءات المغرضين والحاقدين.. مسيرة المؤتمر الوطني ماضية باذن الله تعالى، وما هذا الاهتمام بكل نشاط يقوم به، أو تتبع قياداته، الا دليل عافية، ودليل نجاح لهذا الحزب العملاق المؤتمر الوطني
سيف الدين عيسى مختار
| |
|
|
|
|
|
|
|
|
|
Re: تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ ) (Re: سيف الدين عيسى مختار)
|
Quote: محمد حسن العمدة
خليك زول موضوعي ياخ
والأفضل أنك تكتب في المفيد , يعني تنتقد الفكرة والموضوع , بدل تتبع الأخطاء غير المقصودة , لأنها ما بتأثر على كنه الموضوع بشئ ولا بتنقص من قدر كاتبها بشئ .
الآن المؤتمر الوطني أجتمع وكون المكتب التنفيذي للمنطقة الغربية ودا يعتبر نجاح كبير جدا يعني مستوى التنظيم والتخطيط والادارة ودا شئ بتفتقدوا تنظيمات كتيرة في الساحة السياسية ومنها التنظيم الانت بتنتمي ليه .
يعني انت مثلا ممكن توفر مجهوداتك في تتبع بوستات المؤتمر الوطني وتسعى للقيام بأي دور ايجابي يدفع بحزبك ( الما سمعنا بيهو عمل مؤتمر ولا أختار مكتب تنفيذي ) لا قدام .
|
هو في موضوع اصلا عشان اكون موضوعي ؟؟
قالو القرد في عين امو غزالة
المؤتمر اللاوطني يجتمع ولا يتحرق دا ما موضوعي ولا موضوع من اصلو
لكن عشان الناس تنافق كويس مفروض تكون واعية بما حولها
تقدر تثبت لي قيام مؤتمر عام للمؤتمر اللا وطني بالمنطقة الغربية ؟
ما بتقدر لانو ما انعقد مؤتمر اصلا
كان في شلة جماعة سماني خليج عاوزة تجتمع في القنصلية
هجمت عليها الشلة التانية فرتكت ليها المؤتمر حقها
تدخلت السفارة بالرياض وامرت باخلاء القنصلية من البلطجية
تم عقد اجتماع في منزل شعب السودان المدي للقنصل
في الاجتماع دا اختار المتامرون سماني خليج رفضت المجموعة الاخرى ذلك
الى الان لم ينعقد مؤتمر عام ليحدد من هو المكتب القيادي
ما عارف ليه الزول اول ما يبقى مؤتمر لاوطني ببقى كذاب على طول
حسع سيف مختار دا مزنوق في بوست بهناك عن كضبو الكتير دا تقدر تقول راي فيهو ؟
لن تستطيع لانك بقيت كضاب زيو كدا واحد
| |
|
|
|
|
|
|
|
|
|
Re: تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ ) (Re: سيف الدين عيسى مختار)
|
Quote: الأخ بشير دفع الله
سعدت كثيرا بذلكم الوقار الذي يدثر حماس الشباب المتوقد في خطابك، حين التقينا مع بقية الأخوة الكرام اتفقنا على أن التغاضي عن اساءات أولئك الذين يحاولون قدر طاقتهم عرقلة مسيرة هذا الحزب العملاق هو ديدن المؤتمر الذي يهتم بالفعل ويترك للمناوئين الانشغال بردود الفعل. أخي بشير ما ظنك برجل ظل يحشد الشهود، ويسوق الأدلة، ويفتح البوستات المختلفة، ويكلف من يجهد نفسه ليقول أن حجرا كان معه طيلة اليوم، كل ذلك ليثبت أنه لم يحضر الحفل، بل لو وجد طريقة بأن يقول انه لا يعرف حتى الحي الذي أقيم فيه الحفل لفعل، خلاصة القول أخي بشير انه جاء متلصصا الى الحفل وفي مخيلته ان عدد الحضور لن يتجاوز أصابع اليد الواحدة، وفجع حين شهد تلك الأعداد الغفيرة.
أخي بشير أنت تعلم أن أهل المؤتمر على درجة عالية من التنظيم والترتيب، ومعنا والحمد لله من هم على مستوى عال وخبرة طويلة في هذا المجال، وفي تلك الأمسية كان التنظيم على درجة عالية، لم يدخل أي أحد أو حتى يحوم حول المكان الا رصد وعرف، المسؤول عن تنظيم الحفل هو الذي قابله في الصالة الرديفة وطلب منه الدخول الى صالة الاحتفال لكنه أخفى وجهه في الجريدة التي كان يحملها وولى هاربا يجر أذيال خيبته.. هذا كل ما في الأمر، وهذه كل القضية أخي بشير.. ربما خاف من أن يقابله الجمهور بما يستحقه، لكنه لا يدرك أن كل عضو من أعضاء المؤتمر الوطني في منتهى الرقي والتحضر، فهم لا يهتمون بما يتخرص به المتخرصون لأنهم واثقون مما يفعلون، ولا يضيرهم اساءات المغرضين والحاقدين.. مسيرة المؤتمر الوطني ماضية باذن الله تعالى، وما هذا الاهتمام بكل نشاط يقوم به، أو تتبع قياداته، الا دليل عافية، ودليل نجاح لهذا الحزب العملاق المؤتمر الوطني
سيف الدين عيسى مختار |
ياسيف حسب ترحيبك انك قلت اني موجود في المقاعد الخلفية وهتف الجمع , وخرج حسن خليفة يبحث عني ليسلم علي يعني سؤال بسيط من الذي التقاني وقال لي تفضل بالله من هو ؟؟؟ سؤال مشروع آخر انا كنت في المقاعد الخلفية ام بالصالة الرديفة ؟؟؟ وقصة الجريدة بالليل دي شنو ؟؟؟ يعني انا جيت من بيتنا شايل جريدة متعمد لاجل ان اغطى بها وجهي عندما يلتقيني ممثلكم والذي التقاني حسب الكذب في طوره القبل الاعتراف بالحقيقة ... تخيل ان حتى خيالك ######## وكذبك مفضوح تعرف ان ذلكم اليوم حركتي كانت مع الاخوين مجدي والكونت تعرف ليخ لانني في ذلك اليوم كنت بلا سيارة ؟؟؟ مجدي جلس معي في بيت العزاء وبعدها ذهبنا الى بيتنا ومن ثم الى القهوة في صحبة مجدي ورجعنا البيت بعد منتصف الليل او صباح الذي يليه ومعنا الصديق والذي كان ضيفي بالبيت عبدالمجيد الكونت فكيف جيت حفلك ومن وين جبت الجريدة ايا ايها الجمع من المنافقين قولوا خيراً او اعتذروا او احبكوا بينكم كذب ينطلي على عقلاء القراء ... الان ياسيف مطلوب منك تعريفي بالمسؤول عن التنظيم والذي التقاني ؟؟؟ وموافق على شهادته يلا ورينا من هو ؟؟؟
............................................................حجر.
| |
|
|
|
|
|
|
|
|
|
Re: تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ ) (Re: الرفاعي عبدالعاطي حجر)
|
Quote: لن تستطيع لانك بقيت كضاب زيو كدا واحد
محمد حسن العمده
أثبت لي السطر الكتبتو ده أو أعتذر عنو لو عاوز تتناقش |
الاستاذ دفع الله هل نفهم من رفضك لكلام الحبيب العمدة ان الجماعة كضابين و انت الما زيهم ؟
و بعدين شايف حساسيتك عالية تجاه القيم السمحة !!!!!!!!!!
طيب ايه الهدفك تجاه المؤتمرجية ؟؟؟؟؟؟؟؟؟؟؟؟؟
دول بيكذبوا بينهبوا بيسرقوا بيعذبو بيقتلوا بيعملو السبعة و ذمتها
و انت مقوم نفسك على الكضب الهين ده
الله يكون في عون المؤتمرجي الحساس زيك
لك ودي و تحاياي
| |
|
|
|
|
|
|
|
|
|
Re: تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ ) (Re: محمد على حسن)
|
البشير دفع الله
كنا نحسب ان في البيت صادق ولو واحد فيكم
لكن كلو من بعضو صار الامر الان , بالله عليك
قل لي متى انعقد لحزبك مؤتمر تعال اقول ليك
وامشي اتحقق من كلامي مؤتمر حزبك انعقد بأمر
القنصل وفي بيته وتم تعيين وفرض السماني عمارة
ايوة هذا الرجل الكذاب مثله مثل سيفكم الكذوب
ولتهنأوا ببيت الكذب اللا وطني .
لعلك تجهل ان حزب الامة هو الحزب السوداني الان
الذي يتخذ قراراته بالاغلبية ووقث التصعيد من
المؤتمرات التي انعقدت على طول البلاد وعرضها
والمهاجر تخيل ؟؟؟ وقد قرأنا وشفنا وسمعنا بذلك.
............................................حجر.
| |
|
|
|
|
|
|
|
|
|
Re: تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ ) (Re: الرفاعي عبدالعاطي حجر)
|
Quote: البشير دفع الله
كنا نحسب ان في البيت صادق ولو واحد فيكم
لكن كلو من بعضو صار الامر الان , بالله عليك
قل لي متى انعقد لحزبك مؤتمر تعال اقول ليك
وامشي اتحقق من كلامي مؤتمر حزبك انعقد بأمر
القنصل وفي بيته وتم تعيين وفرض السماني عمارة
ايوة هذا الرجل الكذاب مثله مثل سيفكم الكذوب
ولتهنأوا ببيت الكذب اللا وطني .
لعلك تجهل ان حزب الامة هو الحزب السوداني الان
الذي يتخذ قراراته بالاغلبية ووقث التصعيد من
المؤتمرات التي انعقدت على طول البلاد وعرضها
والمهاجر تخيل ؟؟؟ وقد قرأنا وشفنا وسمعنا بذلك.
............................................حجر |
الرفاعي حجر
راجع مشاركاتي أعلاه فيما يختص بانعقاد مؤتمر عام للمؤتمر الوطني .
باقي كلامك
ومن كان منكم بلا خطيئة
الا أننا مشغولون بأنفسنا عن تتبع عورات الآخرين .
لأننا نمضي الى الامام .
ولو فعلت أنت ذلك ربما لكان لك شأن آخر .
| |
|
|
|
|
|
|
|
|
|
Re: تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ ) (Re: محمد على حسن)
|
Quote: أخي بشير أنت تعلم أن أهل المؤتمر على درجة عالية من التنظيم والترتيب، ومعنا والحمد لله من هم على مستوى عال وخبرة طويلة في هذا المجال، وفي تلك الأمسية كان التنظيم على درجة عالية، لم يدخل أي أحد أو حتى يحوم حول المكان الا رصد وعرف، المسؤول عن تنظيم الحفل هو الذي قابله في الصالة الرديفة وطلب منه الدخول الى صالة الاحتفال لكنه أخفى وجهه في الجريدة التي كان يحملها وولى هاربا يجر أذيال خيبته.. هذا كل ما في الأمر، وهذه كل القضية أخي بشير.. ربما خاف من أن يقابله الجمهور بما يستحقه، لكنه لا يدرك أن كل عضو من أعضاء المؤتمر الوطني في منتهى الرقي والتحضر، فهم لا يهتمون بما يتخرص به المتخرصون لأنهم واثقون مما يفعلون، ولا يضيرهم اساءات المغرضين والحاقدين.. مسيرة المؤتمر الوطني ماضية باذن الله تعالى، وما هذا الاهتمام بكل نشاط يقوم به، أو تتبع قياداته، الا دليل عافية، ودليل نجاح لهذا الحزب العملاق المؤتمر الوطني
|
مازال سيف المحتار يكذب ويتحري الكذب حتي كُتب علي ظهر المؤتمرجية كذابا
طيب ورينا الزول المنظم للحفل هو منو وشاف رفاعي وين ودي كذبه مابتخارجك ايها الكذوب.
،،،،أبوقصي،،،،
| |
|
|
|
|
|
|
|
|
|
Re: تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ ) (Re: الرفاعي عبدالعاطي حجر)
|
| Quote: أثبت لي السطر الكتبتو ده أو أعتذر عنو لو عاوز تتناقش |
البشير انا قلت ليك اصلا مافي موضوع يناقشو ؟
تجي تقول لو عاوز نقاش
انا ما بهمني يتكون مكتب ولا يتحرق
لكن الكضب ما بدورو
انت اسال حتى الكضابين المباريهم ديل هل في مؤتمر عام انعقد ؟
يعني عاوز تعمل فيها برلوم بالجد جد ولا شنو ؟
شكلة ناسكم اي زول عارفها والمنبر دا مليان ومستف بفضائحكم والبني والشلاليت بتاعتكم ولا نجيب ليك اخر اخبار احتفالكم بتدشين حملة كبير الخجاجين البشير بتاعكم ؟ بالمناسبة انت سموك عليهو ولا شنو ؟
في صفات مشتركة بيناتكم منها الكضب
| |
|
|
|
|
|
|
|
|
|
Re: تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ ) (Re: محمد حسن العمدة)
|
العمدة
خليك انت وريح بالك من المؤتمر الوطني
شوف حزبك أنت ماشى وين
الآن مساعى حزبكم على قدم وساق للمشاركة في حكومة القائد المظفر عمر البشير
رغم انو زعيمكم قال في مقابلة تلفزيونية ان دعوة البشير لمشاركة الأحزاب في حكومته عبارة عن منحة يتفضل بها، اعتقد انو دا كان للاستهلاك الاعلامي
ما فقده حزبكم في التحول الديمقراطي الذي عرف الناس بحجمكم الطبيعي، بكره تجوا مشاركين،
فانتظر يا عمدة .. فموعد مشاركة حزبكم في حكومة المؤتمر الوطني وشيكة جدا.
| |
|
|
|
|
|
|
|
|
|
Re: تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ ) (Re: محمد حسن العمدة)
|
Quote: البشير انا قلت ليك اصلا مافي موضوع يناقشو ؟
تجي تقول لو عاوز نقاش
انا ما بهمني يتكون مكتب ولا يتحرق
|
أصلا اذا انت ما كنت مدي أهمية للموضوع ما كان تداخلت في البوست ده أكتر من مرة , لكن الظاهر كلام سيف الدين عيسى مختار فيكم كلو صاح , أصابكم خوف وهلع من مجرد ذكر اسم المؤتمر الوطني .
Quote: انت اسال حتى الكضابين المباريهم ديل هل في مؤتمر عام انعقد ؟
يعني عاوز تعمل فيها برلوم بالجد جد ولا شنو ؟
|
أرجع أقرأ مقدمة البوست تاني وأقرأ كلامي الفوق وكلو ما فيهو تعديل شوف اذا في سيرة انعقاد مؤتمر عام ولا لا , وبعد داك تعال أرمي كلامك , أنا بحسب وبعرف كل كلمة بكتبها هنا ومسئول منها , لكن انت أبقى قدر كلامك وأثبت لي انو أنا كضبت عليك في شنو ؟ أو لو بتعرف ثقافة الاعتذار أعتذر
عشان تتعلم انك ما ترمي الكلام ساي وتقوم جاري .
منتظرك تثبت الكضب , وبعد داك لو في حاجة في كلامك بتستحق الرد ممكن نرد ليك عليها .
نصيحة لوجه الله :
أي زول عندو باسويرد في المنبر ده متاح ليه يكتب بأي لغة , وأكيد بيحتفظ برصيد جواه من اساءات وتلفيق واتهامات ونبذ وأي كلام ممكن تتصوروا وممكن ما يخطر على بالك حتى , وعدم استخدام اللغة دي ما بيعني الضعف ولا الاستكانة ولا الهزيمة , ولكن الأخلاق هي المعيار , المنبر دا بدخلوه ناس عشان يستفيدوا بنقاش ولا معلومه ولا أي حاجة مفيدة .
خلي دائما بينك وبين الخصم أو الآخر مساحه , عشان لما ترجع يكون عندك وش ترجع بيه .
| |
|
|
|
|
|
|
|
|
|
Re: تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ ) (Re: محمد على حسن)
|
Quote: الاستاذ دفع الله هل نفهم من رفضك لكلام الحبيب العمدة ان الجماعة كضابين و انت الما زيهم ؟
و بعدين شايف حساسيتك عالية تجاه القيم السمحة !!!!!!!!!!
طيب ايه الهدفك تجاه المؤتمرجية ؟؟؟؟؟؟؟؟؟؟؟؟؟
دول بيكذبوا بينهبوا بيسرقوا بيعذبو بيقتلوا بيعملو السبعة و ذمتها
و انت مقوم نفسك على الكضب الهين ده
الله يكون في عون المؤتمرجي الحساس زيك
|
محمد علي حسن
خليك زول دقيق في كلامك وتحليلك , مشاركتي لمحمد حسن العمدة بتحتوي على سؤال صريح ومباشر , وهو بس المعني بالسؤال دا لأنو هو الكتب اني كضبت عليه , وهو ملزم انو يجاوب كضبت عليه في شنو ؟ وكل الكلام عندك فوق راجع كل المشاركات وقول كلامك .
وبعدين القيم السمحه ليست مرتبطه بشخص معين ولا كيان سياسي , يعني مافي جهة بتحتكرها.
أما الكلام العام والمجمل من جانبك النصو موية خليه لوقتو .
| |
|
|
|
|
|
|
|
|
|
Re: تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ ) (Re: مجدي عبدالرحيم فضل)
|
السيدح حذر فزر مين الكاتب
تشخيص المكوز خميرة المؤتمرجي
Quote: واصبح السودان منتهك باشخاص ما كان الواحد منهم يحلم بدخول ذلك المبنى ناهيك ان يكون مديرا عليه وبجرة قلم يتخذ القرارات فى الامور العظام ولديه مكتب فخم
وسكرتيرة وحرس وسيارة وسائق والاموال تجرى بين يديه ولاتسأل ماذا كان هذا الشخص قبل ذلك.
ذلك الشخص ليس مهووسا دينيا كما يعتقد البعض ولكنه محروما اجتماعيا وبعضهم قد يكون منبوذا اجتماعيا ويجعل من التنظيم هوية له ومصدر رزق وانتمائه للتنظيم تمنحه شرعية اجتماعية
ما كان يحلم بها تجعله فى مستوى اجتماعى غير حقيقى ويترتب على ذلك تبعات اخرى وقد ينبت عن اصله وينقطع عن اهله ويعيش حالة من الانفصام ما بين واقعه وحقيقته ويظهر هذا الانفصام
فى محكات المال والسلطة والزواج. |
Quote: كل الاناشيد كل الكتب كل المحاضرات تتحدث عن المسلمين فى العالم سيد قطب يقول عقيدة المسلم جنسيته كتابات ابو الاعلى المودودى او ابو الحسن الندوى ...لاقيمة للرموز الوطنية فى فكرهم اوحتى للتاكا او الاماتونج اوجبل مرة او المهدية الاسنار باعتبارها كانت دولة اسلامية اثرت الجبهة الوطنية فى بعضهم وتوزعوا بين مجموعات ذات ثقافة عروبية يمثلها على عثمان واخرى غربية يمثلها الترابى وامريكية يمثلها عدد من المبعوثين مثل سيد الخطيب والكرنكى واكثر من مئة وخمسين من الكوادر المهمة وكنا نمثل الجموعة الايرانية واخرى مصرية..وحينما حكموا كان المحك الذى ابرز ازمة الوطنية عند الاسلاميين وهذا هو ماتوصلت اليه بحمد الله نتيجة تفكير اكثر من عقد من الزمان وكنت اسال لماذا حدث هذا وهو ماعبر عنه الطيب صالح من اين اتى هؤلاء؟؟؟؟؟؟؟؟؟؟
اذن فان اصل الفكرة لا يعترف بالحدود الجغرافية ومن هنا فان فصل الجنوب يعتبر استراتيجية للاسلاميين حتى لا يشكل عقية امام قيام دولة اسلامية فى الشمال لذلك لا بد ان يفكر الناس فى الكيفية التى يفكر بها الاسلاميين واحتلال حلايب لا يعنى عندهم شىْ اذن فنحن امام خلل اساسى فى طريقة التفكير ومن ثم التحليل والوصول الى نتائج . |
| Quote: غالبا ما يتم تجنيد الاخ المسلم فى فترة مبكرة من العمر ويوضع فى قالب تنظيمى يشكل شخصيته ويحجبه عن اى مؤثرات اخرى فيتحقق العقل الجمعى او قل سلوك القطيع فيكون رد فعلهم تجاه الاشياء واحد يضحكهم امر واحد ويحزنهم كذلك امر واحد يعطون شرعية داخلية لفعل ما بغض النظر عن المقاييس العامة الاخرى يعظمون الزنا مثلا وشرب الخمر واليسر ولكنهم فى قضايا المال الامر مختلف وحتى فى التعامل مع الاجنبى مثل ذلك المهم ان يكون ضد اعدائهم التقليديين حتى وان كان ضد الوطن!! |
| Quote: لذلك حينما جاءوا الى السلطة كانوا اشخاصا منغلقين على انفسهم لا يعرفون الناس ولايعرفهم الناس ولايدركون جوانب الحياة المختلفة وقد واجهوا عزلة اجتماعية كاملة جعلتهم يزدادون انغلاقا على انفسهم وحاولوا ان يدخلوا الحياة كلها فى التنظيم ويحولون مؤسسات الدولة الى مكاتب تنظيمية حتى يستطيعون ان يتعاملوا معها فهم لا يعرفون غير طريقة واحدة فى التعامل مع الاشياء وقد يريحون انفسهم بعض الشىْ بذلك ولكنهم اذوا الناس ايذاء شديدا واتعبوهم تعبا لا حد له( وهم يحسبون انهم يحسنون صنعا) |
| Quote: الاسلامى يعتقد انه وكيل الله فى الارض هو لايقول ذلك ولكنه فى قرارة نفسه مقتنع به وينظر الى الاخرين انهم على ضلال حتى وان بدا فى تعامله معهم على غير ذلك لذلك فانه يظهر ما لايبطن ويحس باستعلاء زائف يعطيه الاحساس انه متميز لذلك تبدوا الابتسامات الصفراء المتكلفه وطريقة السلام المصطنعة والتكلف فى كل شى ويبدوا الاسلاميين لبعضهم البعض فى احسن صورة ولا يظهرون عيوبهم ونقاط ضعفهم لبعضهم البعض ويتحدثون بشكل يزينون لبعضهم ما يفعلون ويتجنبون ويحذرون نقاط الخلاف ويستخدمون العبارات الدينية اثناء الحديث. |
| |
|
|
|
|
|
|
|
|
|
Re: تكوين المكتب التنفيذي للمؤتمر الوطني قطاع الغربي ( مكة ، جدة ، الطائف، رابغ ) (Re: محمد على حسن)
|
نسيت مداخلاتي هذه و سوالي موجه بصورة اساسية للسيد ح و دفع الله
دفع الله و سيد ح بالله عليكم ركزو | Quote: سيكلوجية الاخ المسلم ليس فيها الاحساس بالاخرين اصلا الا ان يكون منهم ولا احد منهم مطلقا يفكر فى الناس وليست لديهم رؤية فكرية تجاه ذلك فهم منغمسون فى ذواتهم ومنشغلون بمجتمعاتهم المغلقة ويجدون مبررا لذلك ان تمكين الدين هو الاصل ويركزون على مظاهر التدين كالصلوات الجماعية فى الوزارات او صيام الخميس والاثنين او التلاوة الجماعية او الزواج الجماعى ولكن كيف تدار امور البلاد والعباد ومصالح الناس وحقوقهم فان ذلك لا يدخل فى دائلرة اهتمامهم مطلقا ويهتمون كذلك جدا بمظاهر السلطة والمواسم والبرتكول والحشم والسيارات وعربات النجدة معتقدين ان ذلك ضرورة لتحقيق هيبة السلطة والتى ان لم تتحق بذلك فلابد ان تتحقق بالقوة والترهيب والترغيب لذلك فانهم لا يتورعون اصلا فى المال العام يبذلونه فى الداخل والخارج يسدون به نقصا فى الاحترام والتقدير والمحبة لايجدونه |
| Quote: وكثيرا ما ينفجر بعضهم باكيا حينما يواجهون بالحقيقة ولجا كثير منهم للتصوف فهو احيانا يعتبر منقذا فى مثل هذه الظروف الا انهم لا يتدرجون التدرج الطبيعى فى طريق التصوف وانما يريدون ان يكونوا فى التصوف على طريقة التنظيم!! فكانت قناة ساهور الفضائية واذاعة الكوثر وهيئة ازكاء نار المجاذيب واتجهوا الى التصوف يفسدونه كما قد افسدوا الحياة العامة. |
| Quote: الصدمة القاسية والكبيرة التى تلقتها قاعدة فى الانقسام المزعوم لم يراعى مشاعر القواعد التى وصفها يوسف عبد الفتاح انها اصبحت مثل قطيع الغنم بالليل الذى هبت عليه الاعاصير وضربته المطرة فاصبح يجرى فى كل الاتجاهات ولايعرف له هدف |
| |
|
|
|
|
|
|
| |
عبد اللطيف السيدح
بشير أحمد
محمد على حسن
سيف الدين عيسى مختار
عصام دهب
الفاتح سليمان
ibrahim alnimma
قمر الانبياء عبد الحي
خالد حاكم
البشير دفع الله
الرفاعي عبدالعاطي حجر
يوسف محمد يوسف
علاء الدين صلاح محمد
علي الكرار هاشم
مجدي عبدالرحيم فضل
فيس بوك
تويتر
انستقرام
يوتيوب
بنتيريست