|
Re: غايتو يا صلاج ادريس الدخلتها في الهلال ... يمرقها الله (Re: موسي عيسي)
|
Quote: بشة شنو
التاج شنو
امادو شنو
تعاون شنو
نادر شنو
منير شنو
خليفة شنو
سامي شنو
مدثر شنو
مهند شنو
هيثم شنو
امبيلي شنو
وكامبوس شنو ظااتو
|
الله يسألنى قلته فى خاطري نفس الكلام ده ..
الرهط ده جابو من وين ؟؟؟ يهون الله ..
غايتو يا صلاح ادريس ما بنقدر نقول شيء ..
قلب وا اتوجع .. يا يوم امس الله لا عادك ..
جمال ياخوي من وجع قلبي ما سالمتك .. كيف حالك ..
| |
|
|
|
|
|
|
Re: غايتو يا صلاج ادريس الدخلتها في الهلال ... يمرقها الله (Re: Yousif A Abusinina)
|
علاقة صلاح ادريس بالفاقد التربوي ديل شنو يا جمال ؟؟؟؟؟
اعيد ليك كلام كتبتوا في بوست للصديق مصطفى الضو :
هاك الرابط والموضوع ....Re: فليرحـــــــــــل صلاح إدريس
(عزيزي مصطفى الضو
دعني اختلف معك , اعتقد ان صلاح ادريس يجب ان يُكرم فقد اعطى الهلال الكثير من الوقت والجهد والمال
وحلثم بهلال عظيم لكنه قابل من المعارضة ما يهد دولة دعك عن فريق كرة القدم بنادي الهلال ذلك لا يعني
ان مطلق سياسة صلاح ادريس صحيحة او نالت الكمال ابداً صلاح ادريس اخطأ اخطاء بدخوله في مشكلات كبيرة وتجاهل
تماما قدامى اداري الهلال وترك وراء متراكمات الخبرة لكنه بذل جهد مقدر جداً يستحق عليه التكريم .
كارثة الاسماعيلية سببها في الاساس لاعبون لا يرتقون لمستوى المسؤولية ولا يعرفون معنى التضحية مجموعة فاقد
تربوي كما قال شداد سابقاً عن اللاعب السوداني , لاعبون لا يعرفون القيام بمهامهم بالاضافة الى مدرب ضعيف الشخصبة
وكارثي عليه يجب تصحيح الوضع من خلال التسجيلات القادمة وشطب مجموعة كبيرة من هذه الاقزام التي تلعب بإسم الهلال
ووتتلاعب بمشاعر 80% من الشعب السوداني , اعتقد ان الهلال يحتاج الى صحوة ضمير ويحتاج الى ثورة حقيقية يستعين
فيها صلاح ادريس بخبراء للتخطيط للكرة بالهلال ويحتاج لاعبين اصحاب ضمائر حية ... القضية بأٍي حال والمشكل لا يكمن
في شخص صلاح ادريس او الادارة بقدرما يكمن في مفاهيم داخل النادي الكبير عفى عليها الزمن ويجب ان تُصحح اليوم قبل
الغد ولتكن التضحية بهذا الموسم والمتاح من الزمن كافي للتصحيح .
* وألا نهمل دور كبير تخريبي يلعبه الاعلام الرياضي الفاسد والمفسد.
..........................................................................................حجر. )
| |
|
|
|
|
|
|
Re: غايتو يا صلاج ادريس الدخلتها في الهلال ... يمرقها الله (Re: الرفاعي عبدالعاطي حجر)
|
يا جماعة
الكلام ده ما ببقى
ده الهلال
عارفين شنو يعني الهلال
قبل كده
في جدة
والدورة العربية
تآمر اللاعبون
ولم يلعب البعض عنوة
وخسر الهلال بالاربعة من اهلي جدة
واسالو عنها الديبة
اذا اللاعبين ديل اتمردوا ودخلوا الغابة تاني ( بالمستوى الهزيل ده)
نحن سوف نعلن الجهاد الكروي
وندعو كل جماهير الهلال
أن تبتعد عن النادي
والادارة
والتمارين
والمباريات
ونشوف تاني ناس الاتحاد العام والادارة
يلاقو ليهم نقاطة تاني وين
| |
|
|
|
|
|
|
Re: غايتو يا صلاج ادريس الدخلتها في الهلال ... يمرقها الله (Re: الحاج حمد الحاج)
|
Quote: وندعو كل جماهير الهلال
أن تبتعد عن النادي
والادارة
والتمارين
والمباريات |
التمرد بحتاج غابه ياجماعة نبقى في جنس دا
الحاج حمد
Quote: غايتو يا جيمي حالتكم تحنن..تمشوا الغرب تترشوا..تمشوا الشرق تترشوا..ياخي لعيبة زي ديل مفروض ترجعوهم من بورتسودان بي دفار. |
تعرف مافي شيء مزعلني إلا حب ( جمال السنوسي ) الكبير للهلال ..
الاسطورة حامد بريمة ...
| |
|
|
|
|
|
|
Re: غايتو يا صلاج ادريس الدخلتها في الهلال ... يمرقها الله (Re: جمال السنوسي)
|
Quote: بشة شنو
التاج شنو
امادو شنو
تعاون شنو
نادر شنو
منير شنو
خليفة شنو
سامي شنو
مدثر شنو
امبيلي شنو |
سلام ياجيمي
بفرض أن الظروف دفعت باولئك المتواضعين اعلاه الى كشف الهلال في غفلة من
الزمان وتلك هي امكانياتهم ولالوم عليهم ,, أين الروح والحماس والغيرة
ياخي ديل زي المجبورين على اللعب في الهلال غايتو الله يكون في عونكم ..
تحياتي
| |
|
|
|
|
|
|
Re: غايتو يا صلاج ادريس الدخلتها في الهلال ... يمرقها الله (Re: جمال السنوسي)
|
أخـــونا جمال الســـنوسي
ســـــلام، غايتو صلاح إدريس كل مواهبو جاتو على كبر كاتب وشاعر وصحفي وفنان وعازف وصاحب عمود ورئيس نــادي كالهــلال لتكتمل الوجاهة العارف لصلاح إدريس ما قبل السنوات العـشــــرة الماضية(أو تزيد) كان موظف متواضع جدا في أحد البنوك في جدة السعودية وفجـــأة هبطت عليه بركـــات من السماء فظهرت كل هذه المواهب قلبي معك والله....... والله يرفع الهـــلال ويشيل منو البلا... ويسلك مواسيرو الكتيرة المذكوره أعــلاه ويعوضكم عنها بأخرى قلفنايز واستان لس استيل أصلي......... آآآآآآآآآآآآآآآمييييين يا رب
ودي
| |
|
|
|
|
|
|
Re: غايتو يا صلاج ادريس الدخلتها في الهلال ... يمرقها الله (Re: الامين موسى البشاري)
|
الامين البشاري
نحن ما لينا دخل بالخصوصيات
اي زول عنده اعماله واهتماماته الشخصية
نحن نتحدث عن شأن عام
شأن 90% من شعب السودان الكروي
الهلال ده امه بي حالها
بيسد عين الشمس
نحن بهمنا الملايين من العشاق المكلومين لما وصل اليه الحال
لاعبين لا يشبهو الهلال
مدرب لا يشبه الهلال
ادارة لا تشبه الهلال
لان أدارة الشأن العام
تختلف عن إدارة الشأن الخاص
نحن هلالاب حتى النخاع
ولا يرضينا ما آل إليه حال الفريق
انه موت سريري
لابد من طفرة عاجلة لقطع دابر كل من يتآمر على سيد البلد
| |
|
|
|
|
|
|
Re: غايتو يا صلاج ادريس الدخلتها في الهلال ... يمرقها الله (Re: جمال السنوسي)
|
الجميل جمال
Quote: بشة شنو
التاج شنو
تعاون شنو
نادر شنو
منير شنو
خليفة شنو
سامي شنو
مدثر شنو
مهند شنو
هيثم شنو
|
ديل الموجودين في السوق . قبل ما اعلق الواحد صراحة يحسدك على هلاليتك الصارخة وحبك الجارف للهلال وكل المذكورين بعالية برضوا الناس ماتلومهم لان دي امكانياتهم وهل يمكن تعليمهم كرة القدم في الهلال ياخي السودان بأكمله اصبح يفتقر الى الموهبة اذا قارنتهم بالعهود السابقة تجد من يلعبون الدافوري في الحواري افضل من وجدوا فرصتهم باللعب في هلال مريخ .. صحيح الفشل الاداري والقرارات الفردية الدكتاتورية هي اسباب كارثة الهلال ولكن مشكلة قلة المواهب شيء طبيعي ينتج في ظروف بلدنا الحالية . لابد ان تحول الاندية الى شركات استثمارية وتكوين اشبال لها وهذا لمصلحة السودان وليس لمصلحة هلال مريخ
Quote: انه موت سريري
لابد من طفرة عاجلة لقطع دابر كل من يتآمر على سيد البلد |
كلام سليم ومثل هذا الاشياء يجب معالجته والبحث عن الحلول لها .
| |
|
|
|
|
|
|
Re: غايتو يا صلاج ادريس الدخلتها في الهلال ... يمرقها الله (Re: امير عوض الجمري)
|
جيمي حبيبي وشرياني رغم إنه الواحد بعيد من جده قلنا برضو نقوم بالواجب ونقول: الفااااااااااتحة
والله جد حال الهلال مابعجب العدو (زينا كده)، فقوتنا( كضفوة )من قوة الخصم الذي توارى واحتجب نأمل ونتمنى أن يغادر صلاح إدريس مجلس الهلال فالهلال تاريخ قديييييييم وصرح بناه كثير من الرجال عبر التاريخ صلاح أحدهم ربما خانتو ظروفو أو تقديراتو لكن....كان الهلال قبله وسيبقى بعده. فجماهير الهلال قادرة على تمويل وتسيير وتحرير فريقها من سطوة من يتحكمون فيه بالمال منحا ومنعاً، كشأن أي مجموعة سودانية تؤمن بروح النفير والتعاضد والتكاتف لاسيما هكذا وقت وملمات ومحن ... - المشكلة في تحكم هذا الأرباب بالفلوس منحاً وعطاءً - فيجب أن يذهب الأرباب الذي أبعد جميع أهل ورجالات الهلال(السوداني) (ولذلك نهتم به) فيمكن أن تنظم حملات لجمع التبرعات - إسكراتشات أبوخمسة - لصالح رقم معين وقبل ذلك يمكن أن يتم تعيين مجلس تسيير من نافذين لهم القدرة على إستقطاب الدعم وقبل ذلك إستقطاب أهل الهلال من أصحاب المال ليسهموا في شيل الشيلة. ومن ثم العودة لمقارعة فرسان الغرب والشرق أما ناس الوسط ديل الله أعلم تقدروا عليهم قريب
ونصيحتي ليك كزول حبيب إنك ماتزعل روحك كتيييير.
| |
|
|
|
|
|
|
Re: غايتو يا صلاج ادريس الدخلتها في الهلال ... يمرقها الله (Re: أبوعبيدة محمد الأمين)
|
الوصيفاب ديل الفرحانين ليها شني في الموسم قبل الفات حي العرب راشيكم
والقبله هلال بورتسودان راشيكم
يعني فرحانين عشان بقى الفارق 6 نقاط
حا تنتنهي الدورة الأولى ويبقى الفارق 3 نقاط فقط وفي الدورة التانية الله كريم.... ولسه يا ما راجيكم رش في عطبرة،.... وهلم جر والله يستر عليكم من الغطيس في البحر!!!!
وفي أول محك حا تترشوا يا وهم مع دفاعكم الشوارع ده ورواكيبكم ومواسيركم ديك!!!
ناس...... وهلم جر
| |
|
|
|
|
|
|
|