|
|
|
 Re: قوات العدل والمساواة تقرر التوجه نحو الخرطوم يوجد فديو وايييييييييييييييييييييييييييييييييي (Re: Tragie Mustafa)
|
Quote: يعني باقي لك الزيهم بحتاجو وصيه؟؟
أتذكر 10 مايو/2008 لو هم غير حريصين على حياة المدنين لكانت الخسائر ينحكي بيها لجنى الجنى. |
هلا تراجي
وتحياتي ..
والتوصيات الزي دي يا تراجي مهمة واساسية حتي لا يصطاد الكيزان الوعي الشعبي في المياه العكرة
فلابد من التامين عليها وبوضوح حتي يسرق هذا الكرت الحساس من ايادي الجبهجية ديل ..
----------
اتمني يا تراجي ان تسقط هذا الانقاذ الليلة قبل بكرة حتي لا تحوج هذا البلد السودان واهله الكرام الي الحروبات مرة اخري
فهي المهدد الاكبر والمولع لكل الحروبات المتوقعة في الجنوب والشرق ودارفور
| |
  
|
|
|
|
|
|
|
|
Re: قوات العدل والمساواة تقرر التوجه نحو الخرطوم يوجد فديو وايييييييييييييييييييييييييييييييييي (Re: ABUHUSSEIN)
|
Quote: البوست دا تغطية على هبالة و عباطة خليل إبراهيم و سقوطو خارجياً و تفكك قواته
واااااااااااااااااااااااااااااااااااااااااااضـحـــة شـــديــد |
ابوحسين
خليل قال من قبل : اذا فشلت الدوحة , خيارنا السلاح و يؤكد بذلك توجهه الى الميدان لقيادة العمليات .
الانقاذ تدرك ذلك جيداً و تدرك ان العدل و المساواة اعدت العدة لذلك اليوم و هي تفاوض .. لذلك تعمل جاهدة ان لا يصل خليل الى الميدان .. اما القول ان قواته تتفكك , من صنع اعلام الحكومة و لك كامل الحق ان تشاهد قناة الشروق حتى ينبلج الصبح .
| |
|
|
|
|
|
|
|
|
|
Re: قوات العدل والمساواة تقرر التوجه نحو الخرطوم يوجد فديو وايييييييييييييييييييييييييييييييييي (Re: عثمان محمد كرار)
|
Quote: الزغاوي ده جنّ ولا شنو ؟
مرحب بيكم في الخرطوم. |
الاخ بشير احمد
ما قلنا ليكم المره دي تركلسوا خلف الكباري و الاطفال و النساء و لا تلاقوهم بره المدينة ؟
تقوم تقول مرحب بيكم في الخرطوم ؟
ياخ الناس ديل حيطلبوا من السكان اخلاء الخرطوم قبل التحرك باسبوع .. يعني نساء , اطفال , عجزة نهي .. بعد داك يصبح كل من بداخل الخرطوم مقاتل و خلو المولد تولع .
في هذه الحالة , هل سيغادر البشير قصره الى كنانه ام سيدير عملياته من داخل القيادة العامة ؟
يا عمي لا اعتقد ان الحركة ستقطع كل تلك المسافة لتلقي بسلاحها في شوارع الخرطوم كما حدث من قبل .. فهي تحتاج الى مواجهة حقيقية مع المختبئين خلف النساء و الاطفال في المدن و لها وسيلتها لفرز الكيمان .
اقول ذلك و اتمنى من قلبي ان تعود الحكومة الى رشدها و تحفظ دماء السودانيين و الا مكره اخوك لا بطل .
| Quote: بس ابقو رجال وتشاديين ماعندكم تجيبوهم معاكم ياخونه |
الحصل في تشاد ده فلم هندي .. عوير الفلم الهندي ده ادريس ديبي .. انا نسيت دور عوير الفلم في الافلام الهندية كان شنو ؟!!
و الله و الله و الله ما حتقدروا تفهموا تشاد الى يوم الدين .. طبعاً المحلل بيومي فاهم صاح .
انت مصر تقعد في الخرطوم الين يصلومك .
ياخ ما بدخلوا الخرطوم , ممكن يهدوها من بره بعد محاصرتها و مطالبة النساء و الاطفال بالخروج
اها تخرج مع النساء و الاطفال و لا تقعد براك الين يهدوها في رأسك ؟؟!
خليل هين يا شباب .. شوفوا عبدالواحد نور بيسوي في شنو .
| |
|
|
|
|
|
|
|
|
|
Re: قوات العدل والمساواة تقرر التوجه نحو الخرطوم يوجد فديو وايييييييييييييييييييييييييييييييييي (Re: Abd Alla Elhabib)
|
الفاتح سليمان قلت حقائق يزعج المهرجين بالمنبر .. دعهم يتوهمون و اللة يحلو ملاقاتهم فى الصحراء على مشارف ام درمان لانهم يطرون للهروب و يرتجفون خوفا من ترك عماراتهم و حرائرهم و يحتمون بالمدنين انهم جبناء و ابناء الجبناء .. ثلاثة انساق تخترقها فصيل متمرد من دارفور على مشارف امدرمان و تطاردهم حتى كباريها ..اتدرون بعد القضاء على ملائش الامن العنصرى فى مواحجهة الحركة من هم الذين قاتلوا ؟ هم جنجويد دارفور هذا هو المؤسف و المخزى اهل دارفور يقاتلون بعضهم البعض فى كبارى امدرمان ..انها لثورة حتى النصر .. ثورة من جيل الى جيل لن تحكمنا عنصرى المركز البغيض ..
| |
|
|
|
|
|
|
|
|
|
Re: قوات العدل والمساواة تقرر التوجه نحو الخرطوم يوجد فديو وايييييييييييييييييييييييييييييييييي (Re: Abd Alla Elhabib)
|
ذكر احد المتحدثين في سفارة السودان بالقاهرة بان خسائر دخول قوات ( العدل والمساواة ) كالاتي
400 شهيد من قوات العدل والمساواة (ذكر بانهم قتلي )
127 من القوات النظامية والامن
و25 مواطن
وكان يفخر وهو يتحدث بهذه الارقام
دون خجل .........
كان تعليق الحضور بعد نهاية الندوة له
ان كانت هذه ارقام انت تعترف بها فهنا نجد مهنية عالية واخلاق حرب من قوات العدل والمساواة حسب ما ذكرت لانهم ورقم دخولهم ام درمان في وضح النهار لم يتسببوا في خسائر وسط المواطنين وهي بالارقام اقل من شهداء معسكر العيلفون في الخدمة الاجبارية
وكانت الخسائر وسط الامن اكبر كما شاهد الجميع في مسجد الخليفة .......
يا عزيزي كل الحركات المسلحة في زمن الانقاذ كانت احرص علي المواطن من الحكومة وكسلا تشهد بذلك فعندما دخلتها قوات التجمع والحركة الشعبية ايضا لم يتاذي المواطن منهم
لكن انظر ما تفعل قوات الحكومة كمثال بورتسودان وسقوط اكثر من 20 في ثواني
......
بعد معركة ام درمان وما تسببت به من هلع استدرك المواطنون وحتي رجال القوات النظامية بان قوات العدل والمساواة لم تقتل ولا مواطن واحد وان غالبية الذين سقطوا كانوا نتيجة اخطا تتحمل الحكومة وزرها لانه فشلت في توفير دعم وتامين حتي عاصمتها
لا يوجد اليوم ما يمنع قوات العدل اوالمساواة من تكرار دخولها الي الخرطوم وواهم من ظن ان للحكومة قوة وعزيمة تصد بها بها هجوم اي كان علي الخرطوم .
تجد رجال القوات الامنية والنظامية في زمن الانقاذ اكثر شدة علي المواطن واجبن يو مالحوجة الحقيقية
فعندما انفلت الامن في يوم الاثنين اختفوا جميعهم وتدثروا بالجلاليب ليسقط المواطن ضحية
وكذلك يو معركة ام درمان لم يروهم الناس الا بعد ان بلغت الحلقوم وفي استحياء
وعندها وصل الشجعان الي كبري ام درمان فهل هناك ضعف اكثر من ان تتمكن لاندكروزرات من دخول عاصمة دولة وفي وضح النهار ..........
وربنا يحمي المواطن
اذا علم المواطنين بمثل هذه اخبار ثق بان سعر التذكرة في الميناء البري سيرتفع وسيغادر الجميع الخرطوم وهذا اكبر دليل علي عدم ثقة المواطن في امن الحكومة
ان كان هناك طلب فانا اقوله لا داعي لا ستهداف اي مدينة كانت في دارفور او العاصمة فهي متساوية
لكن يجب استهداف من بيده السلطه اختيارا وجبرا
| |
|
|
|
|
|
|
|
|
|
Re: قوات العدل والمساواة تقرر التوجه نحو الخرطوم يوجد فديو وايييييييييييييييييييييييييييييييييي (Re: saif massad ali)
|
Quote: كلام
القيادة الميدانية تتخذ القرار الحاسم
طرد مليشيات النظام المنهار من دارفور والتوجه نحو العاصمة |
مجيئها الى الخرطوم
هذه المرة رهين باتيان الملائكة معها قبيلا والقتال الى جنبها...وان وقع ذلك
اشكك ...ان تاتى العدل والمساواة الى الخرطوم ...ونحن عندما نقول ذلك لا نقرا
الفنجان ولا نضرب على الرمل....لان جنهم ستكون جزاءهم جزاء موفورا...واكبر خدعة
انطلت على السلطة السياسية ومازالت هى...ان العدل والمساواة قوة ضاربة..يحسب
لها حساب...وان كان ذلك صحيحا...لماذا اتت بالصبية (القصر) الذين اكرهوا على
الانضمام اليها بحسب افاداتهم ...فى تلك المغامرة ليسقطوا النظام فى الخرطوم؟؟؟
اين كانوا جنودها الاشاوس المتمرسين على القتال فى تلك الغزوة ان كان فعلا لها
جنود غير الصبية الذين اضحوا كعصف ماكول ووقع فى الاسر من وقع وهرب من هرب...
ولن ندخل معك فى مغالطات وتحليلات بشان المالات السياسية والميدانية للحركة
فى المستقبل المنظور على ضوء مذكرة الاعتقال وتخلى الحليف التشادى عنها
وطعنها فى الوساطة القطرية والوسيط الاممى المجمع عليهم من قبل الاسرة الدولية
واشتراطها اقصاء بقية الفصائل من منبر التفاوض...الخ لان راسك افرغ من فؤاد
ام موسى...خليك ناقل جيد وراوى للاكاذيب والدعاية الرخيصة.
| |
|
|
|
|
|
|
|
|
|
Re: قوات العدل والمساواة تقرر التوجه نحو الخرطوم يوجد فديو وايييييييييييييييييييييييييييييييييي (Re: هيثم التوم)
|
ليه جرو خلو نسوانم و اخواتهم للرجال و مشو إشتكو قالو إغتصبوهم ؟؟؟؟
دى اسلوب ######## يا باشا و انت ما عندك ضمير انسانى و اسلوبك وقح ذى سوء نيتك .... اذا الناس بتعامل بالمثل الشكوى الجاى حتكون منك يا باشا و لو بعد حين يا المدعو ابوحسين .. الجرى كملتوا فى غرب ام درمان للكبارى و كبيركم فى الجنة الامنية قال يهدم الكبارى .. الا واحد مستعرب من دارفور مغفل نافع قال اصبر يا ود الحسين وذج بأبناء قبيلتة فى المعركة و الطائرات تنقل اهل الهامش للدفاع عن دولة الجلابة العنصرية ..لو استدركوا الجنجويد جبنكم لحكموا القصر بدلا من الامساك بقرون البقرة الحلوبة والمرة الجاية الحكاية مقلوبة .. و النصر لو مافى قدنا بنسدو لمن الصغار يربو ..
| |
|
|
|
|
|
|
|
|
|
Re: قوات العدل والمساواة تقرر التوجه نحو الخرطوم يوجد فديو وايييييييييييييييييييييييييييييييييي (Re: saif massad ali)
|
Quote: هلا يا عووج وتحياتي
وشنو خلاص قررتو تكركبو ضقلها..
يا زول ارمو قدام
بس
افرزوا يا سيف لمن تصلو الجبهجية ديل واحلقو دقونهم وااحد وااحد
بس مدنين لععععع |
الحبيب كيكى
لاول مرة اطالبك بقليل من الجدية والتوازن فى طرح الاراء
ماذا نستفيد من ابدال نظام شمولى دكتاتورى باخر يملك نفس
الجينات وبه كل مقومات الفساد اضف لها العنصرية القبلية
ودونك كتابات الدارفورين بالمنبر عقب اختلافهم بعد توقيع
الاتفاق الاطارى الاخير بالدوحة ومااتت به من اتهامات لخليل
واهله بتفضيل مصالحهم الشخصية على قضايا شعبهم فى دارفور
فكيف يعقل لنا ان نحتفى باطماعهم فى الاستيلاء على السلطة بديلا للانقاذ
وهم يحملون حقدا ويتوعدون الامنيين بالاستيلاء على ممتلكاتهم
وبرضو ارجع لادبيات الدارفوريين بهذا المنبر
ياعزيزى اسالك تمييز الخبيث من الطيب ولا تلهث خلف كل هطلة
يتفوه بهذه التفاهات
| |
|
|
|
|
|
|
|
|
|
Re: قوات العدل والمساواة تقرر التوجه نحو الخرطوم يوجد فديو وايييييييييييييييييييييييييييييييييي (Re: احمد التجانى احمد)
|
Quote: لاول مرة اطالبك بقليل من الجدية والتوازن فى طرح الاراء
ماذا نستفيد من ابدال نظام شمولى دكتاتورى باخر يملك نفس
الجينات وبه كل مقومات الفساد اضف لها العنصرية القبلية
ودونك كتابات الدارفورين بالمنبر عقب اختلافهم بعد توقيع
الاتفاق الاطارى الاخير بالدوحة ومااتت به من اتهامات لخليل
واهله بتفضيل مصالحهم الشخصية على قضايا شعبهم فى دارفور
فكيف يعقل لنا ان نحتفى باطماعهم فى الاستيلاء على السلطة بديلا للانقاذ
وهم يحملون حقدا ويتوعدون الامنيين بالاستيلاء على ممتلكاتهم
وبرضو ارجع لادبيات الدارفوريين بهذا المنبر
ياعزيزى اسالك تمييز الخبيث من الطيب ولا تلهث خلف كل هطلة
يتفوه بهذه التفاهات |
هلا يا ود التجاني
وشكرا يا صديقي اولا علي الحرص والمناشدة الاخوية الصادقة..
وفي جزئية يا احمد قد تكون غائبة من المنبر وسحب الاحتقانات التي تملا فضائه حجبت الكثير من الرويا علي ارض الواقع
الحركات الدارفورية جلها لم اري في خطابها المكتوب او نقاشاتي العديدة معهم علي مستوي القيادات العليا هنا في قطر في لقاءاات عديدة ما يفيد في رغبتهم في حكم السودان لوحدهم وتغييب الاخريين وحتي العدل والمساواة في مطالبها الغريبة في ايامات التفاوض بضرورة اتاحة مساحات سلطة وثروة كبيرة لها كانت مجرد اوراق وتكتيكات تفاوض سرعان ما تبددت واختفت...!!
الناس ديل يا احمد التجاني فعلا عندهم قضية حقيقية علي الارض
والحكومة مطلعة عينهم علي مستويات عديدة... واعتقد بان الكثير منا عليه الوقوف جنبهم بالنصح والتنسيق كون الهدف والظالم ووواحد
| |
|
|
|
|
|
|
|
|
|
Re: قوات العدل والمساواة تقرر التوجه نحو الخرطوم يوجد فديو وايييييييييييييييييييييييييييييييييي (Re: عبدالكريم الامين احمد)
|
Quote: الناس ديل يا احمد التجاني فعلا عندهم قضية حقيقية علي الارض
|
لا اعتقد اننا مختلفون فى الكلام دة
ولكن جزئية ماعندهم اطماع فى الانفراد بحكم السودان والتنكيل
بكل من له صلة بالشمال حسب ماقالوا فى هذا المكان هذه الفرضية
تنسفها الاشكالية التى اثارها خليل ابراهيم حين اعتراضه على التفاوض
بين الحكومة والحركات الاخرى وهى كانت جزء من حركته او على الاقل يلتقون
فى نفس القضية والاهداف فمابالك بالقوى السياسية الاخرى فهل تتوقع من
خليل ان تمكن من الاستيلاء على السلطة ان يشرك معه الاخرون وتهبط فجأة
عليه نسمات الديمقراطية ويصبح المنقذ لاهل السودان من بطش الانقاذ
لا اظن يا اخى فمن دأب على التامر كما فعلها حين كان جزء من الانقاذ
فسوف يفعلها مرات ومرات
ماتشكر الراكوبة فى الخريف
| |
|
|
|
|
|
|
|
|
|
Re: قوات العدل والمساواة تقرر التوجه نحو الخرطوم يوجد فديو وايييييييييييييييييييييييييييييييييي (Re: احمد التجانى احمد)
|
| Quote: ماتشكر الراكوبة فى الخريف |
هلا يا ود التجاني..
وكدي نثبت نقاط الاتفاق وبعدها بكون مافي عووجة..
اولا انا متفق معاك بانو تناول خليل للشان الدارفوري -الدارفوري فيه الكثير من التسلط ومحاولة اقصاء الاخر بدرجة اصبحت هذه الجزئية معول تشتت للراي الدارفوري واحتقانه.(واختبارين طلت منهم اشارات ايجابية من الاخريين لم يتلقطهم خليل بصورة ايجابية (الاذرع الطويلة وتاييد الدارفوريين له...وقضيته مع تشاد والتفاف الدارفوررين السريع حوله )..!!
الحراك الدارفوري يا احمد حدثت فيها غربلة والحركات وبعد سنين تية وفرقة طويلة توحدت نسبيا..بالتحاور والمحكات وخليل علي المدي القصير برضو حيتوحد بفهم ديمقراطي لانو دي الصيرورة الحتمية لقضية زي دي فيها تنازعات قبيلة وجهوية وحركات من بيت دارفوري وااحد..
الحكاية يا احمد متشابكة ومن الضروري النظر اليها في مدارين
1-المدار الدافوري- الدارفوري
2-المدار الدارفوري - وبقية الامر في سودان المركز بحكومته واحزابه..
__________
1- الدارفوري -دارفوري ورغم سحب الخلاف الظاهر الا انه ماشي يتوحد وقريبا
2- الدارفوري والمركز
تحالفات مع الاحزاب المعارضة صوب خطاب ديمقراطي ومحاربة الانقاذ ..
وليس السودان الشمالي يا احمد
| |
|
|
|
|
|
|
|
|
|
Re: قوات العدل والمساواة تقرر التوجه نحو الخرطوم يوجد فديو وايييييييييييييييييييييييييييييييييي (Re: عبدالكريم الامين احمد)
|
Quote: تحالفات مع الاحزاب المعارضة صوب خطاب ديمقراطي ومحاربة الانقاذ ..
وليس السودان الشمالي يا احمد |
هدف اسقاط الانقاذ ليس كافيا كبرنامج تجتمع فيه احزاب المعارضة
ثم ماذا بعد ذلك
ولنضع دايما نصب اعيننا تجربة التجمع الوطنى
وانفراد الحركة بالتوقيع مع الحكومة تاركة احزاب التجمع خلفها
لابد ان يكون هنالك برنامج قوى وواضح يعبر عن طموحات المواطنين
لفرض العدل والمساواة فى الحقوق والواجبات لكل الشعب وليس من
اجل اعلاء شأن قبيلة او اقليم ما
وحقو تراجع ادبيات الدارفوريين فى هذا المنبر ولا اعتقد انها خافية
عليك بالاشارة الى موضوع السودان الشمالى ومتلازمة مصطلحات كالجلابة
والوعيد بالثأر من كل من له صلة بالشمال او العروبة
لا اعتقد باننى يوما سوف انشد الخلاص من خلال حركات تحمل هذه الافكار
وتستخدم مغفلين غير نافعين امثال سيف مساعد لا ادرى فى اى جزئية
اتفق مع برنامج العدل والمساواة والتى قامت فى الاصل لاجل اقصاء
امثاله من الوجود (بالله راجع ماكتبه بقال عن كيفية انضمام سيف للعدل
والمساواة)
| |
|
|
|
|
|
|
|
|
|
Re: قوات العدل والمساواة تقرر التوجه نحو الخرطوم يوجد فديو وايييييييييييييييييييييييييييييييييي (Re: Elsheikh Mohd Aboidris)
|
Quote: ليه جرو خلو نسوانم و اخواتهم للرجال و مشو إشتكو قالو إغتصبوهم ؟؟؟؟
دى اسلوب ######## يا باشا و انت ما عندك ضمير انسانى و اسلوبك وقح ذى سوء نيتك .... اذا الناس بتعامل بالمثل الشكوى الجاى حتكون منك يا باشا و لو بعد حين يا المدعو ابوحسين .. الجرى كملتوا فى غرب ام درمان للكبارى و كبيركم فى الجنة الامنية قال يهدم الكبارى .. الا واحد مستعرب من دارفور مغفل نافع قال اصبر يا ود الحسين وذج بأبناء قبيلتة فى المعركة و الطائرات تنقل اهل الهامش للدفاع عن دولة الجلابة العنصرية ..لو استدركوا الجنجويد جبنكم لحكموا القصر بدلا من الامساك بقرون البقرة الحلوبة والمرة الجاية الحكاية مقلوبة .. و النصر لو مافى قدنا بنسدو لمن الصغار يربو .. |
الأسلوب طلع مربعات أكيد وصف بشبهك
أما حكاية إني ما عندي ضمير إنساني و أسلوبي وقح دي ما بتحدده إنت لأنو الأوصاف دي بتنطبق عليك
كونك تجي توصف ناس بي إنهم جبناء أو كي لكن تتعداهم لي أبائهم دي هي الوقاحة و الجين.
و إنتو و البشير و جماعة البشير كلكلم ضلالية و كذابين و منافقين زي ما البشير قتلتو و شردتو و حرقتو
و جماعة خليل إختطفو شماليين بي سياراتهم و لغاية الآن ما معروف وين مكانهم
و شهادة واحد منهم إنو جماعة خليل ربطوهم في السيارات بالجنازير علشان إخدمو خليل غصباً عنهم
كاتب البوست مهنتو الكذب يعني أكل عيشو إنو إكذب خدمة لي الأهبل خليل و البوست دا علشان الناس تنسى
هبالة خليل اللي بدأها من الدوحة مروراً بالقاهرة و تشاد
| |
|
|
|
|
|
|
| |
saif massad ali
عبدالكريم الامين احمد
الصادق ضرار
Tragie Mustafa
مامون المعتصم أحمد
عثمان محمد كرار
صديق عبد الجبار
ABUHUSSEIN
Adam Omer
بشير أحمد
بكري عباس علي
عاصم ابوبكر حامد
Abd Alla Elhabib
الفاتح سليمان
على تاج الدين على
هيثم التوم
احمد التجانى احمد
فيس بوك
تويتر
انستقرام
يوتيوب
بنتيريست