|
Re: هل آن اوان ان اقول وداعاَ ؟ (Re: حمد عبد الغفار عمر)
|
سلام أخ حمد عبد الغفار .....
Quote: كلامك دا يا كمال بنيتو على أي اساس يعني خلاص وليد اترشح للبرلمان بقى مفكر وكاتب ومشخص لعلل الشعب السوداني المجال كان مفتوح لاي زول عندو السن القانونية اترشح ولو عايز كتاب عن مشاكل المجتمع برسلوا ليك بس تختلف المسالة من ذول عايز يوصل فكرة من زول تاني متفرغ للكتابة في المنبر شكلها العلاقات لاعبة دور مؤثر في المنبر و في مواقف الناس |
....لا ياحمد أنا قصدي أنو وليد مش متجاهل وجود سلبيات في المجتمع ........ دعمي لوجهة نظر وليد فيما يتعلق - برفض التعميم ليس منطلقا من علاقة خاصة أو مجاملة- لو كنت متابع بوست خدر -المزمار وبوست المعيارستجدني أنا والاخ وليدمختلفين ولازالنا - ولكن بإحترام والاختلاف في بوست مع شخص لايعني أنك ستتخلف معه علي طول وأتفاقك معك شخص أو صحبتك ليهو لاتعني أنك ستجامله علي حساب قناعاتك ... .......
| |
|
|
|
|
|
|
Re: هل آن اوان ان اقول وداعاَ ؟ (Re: Hussein Mallasi)
|
حبيب بلدو يا حبيبي يا فنان اسمك ده براهو بوري زمان كنا كيف بدون ما تحكي عن حالنا.. كيفك انت و وين اختفيت الايام الفاتت ما بترجع يا حبيبو و رغم كده نحن ما اعودنا نبكي علي الفات نصيحتك علي العين و الراس يا حبيبها
سيف اليزل عفيت منك , تشخيص يستحق الانتباه و النقاش
وليد المبارك ركز في ورقتك خدر سألك ؟ انت و خدر نقاشكم انتهي ليهو اكتر من 3 ايام.
احمد الامين قول يا لطيف يا فنان , الناس كلها ارواحهم فترت من الموات ده.
حسين كان كده عندو حق والله , بركة الأتفشي
| |
|
|
|
|
|
|
Re: هل آن اوان ان اقول وداعاَ ؟ (Re: خدر)
|
Quote: بخصوص الترشيخ مالك ما اترشحت انت تحت السن القانوني ولا شنو ؟ ما المجال كان مفتوح ؟ |
ماهو المجال المفتوح دا المشكلة انا يا وليد ما بترشح لانو كونك تكون مسئول مباشرة عن قيادة شعب وتشارك في وضع تشريعات وقوانين بتبني عليها مستقبل شعب دي دايرة ليها امكانيات معينة سياسية وفكرية وثقافية وقوة ادراك وتواصل غير محدودة انا ما شايف اني بمتلكهاوانت (وكلامي دا ما انقاص ليك ولكن كلام زول حادب على الاقل على الوطن لو ما عليك برضو)انا بعتقد انك ما بتملكهافقط اعتمدت على انك خريج جامعي وزول بتكتب في سودانيز اون لاين واعتقدت انو دي حاجات كافية انك تدخل البرلمان انت يا وليد حسب كلامك لا تنتمي لأي حزب سياسي طيب مع صغر سنك النسبي دا تجيب حنكة سياسية وتنظيمية من وين؟ وعلى اي ارث وتقاليد سياسية حتعتمد واحدة من مسببات البلاوي الفي السودان دي هو تقلد الوظائف السياسية والادارية بواسطة من لا يملكون المقدرة على قيادتها رغم ذلك الباب غير موصد أمامك بس تتطور نفسك وتجتهد و تتأكدانك وصلت لمرحلة جيدة من الاعداد السياسي والتنظيمي والفكري
غايتو انا البوست دا ما مفارقو الا اتأكد انك وصلت لمرحلة تكون نائب برلماني أو نجدعك في أقرب لجنة شعبية أو ادارة فريق كرة درجة ثالثة
كمال عباس
انت مع خدر متفق تماما على تدني الاخلاق في السودان لكن عندي فيها تعميم الشئ الثاني ناقضت نفسك كتير جدا في البوست دابتطلب مني ادلة وحجج وانت مطلعني جاهل بدون ادلة
عموما انا بقول ليك نحن المنبر دا ما جيناه لشهرة أو اثبات لذواتنا وانا قلت في أول بوست لي اني لا مفكر ولا كاتب ولكن انسان صاحب تجربة
ولعلمك انا قبل اسبوع انتهيت من ترجمة كتاب 150 صفحة من العربي للانجليزي لوزارة الشئون الاجتماعية السعودية (تخيل وزارة الشئون الاجتماعية) سوف ترسل منو نسخ لمكاتب الأمم المتحدة وبوزعوها على كل الجهات ذات الصلة الكتاب دا لو شفتو بتقول كاتبو وليم شكسبير ولعلمك برضو انا لو اكتفيت بقراءة الكتاب دا بس ممكن اكتب عن مشاكل السودان الاجتماعية بدون منازع
واخيرا يا خدر اوع نكون طيرنا فكرة البوست وما زال ليل بوستيك دا طفلا
| |
|
|
|
|
|
|
Re: هل آن اوان ان اقول وداعاَ ؟ (Re: حمد عبد الغفار عمر)
|
شكرا ياحمد عبد الغفار:
Quote: كمال عباس انت مع خدر متفق تماما على تدني الاخلاق في السودان لكن عندي فيها تعميم الشئ الثاني ناقضت نفسك كتير جدا في البوست دابتطلب مني ادلة وحجج وانت مطلعني جاهل بدون ادلة |
أنا طلعتك جاهل وين ومتين ? ....أنا ماطلعتك جاهل ولا قصدي تجهيلك ....أناإختلفت معاك في وجهةنظرك .أي في التعميم وطالبتك ببسط أدلتك وحيثياتك دي كل الحكاية.....
| |
|
|
|
|
|
|
Re: هل آن اوان ان اقول وداعاَ ؟ (Re: حمد عبد الغفار عمر)
|
Quote: ولعلمك انا قبل اسبوع انتهيت من ترجمة كتاب 150 صفحة من العربي للانجليزي لوزارة الشئون الاجتماعية السعودية (تخيل وزارة الشئون الاجتماعية) سوف ترسل منو نسخ لمكاتب الأمم المتحدة وبوزعوها على كل الجهات ذات الصلة الكتاب دا لو شفتو بتقول كاتبو وليم شكسبير ولعلمك برضو انا لو اكتفيت بقراءة الكتاب دا بس ممكن اكتب عن مشاكل السودان الاجتماعية بدون منازع |
كان كده انا الاول عديييييييييل كده
_____________
Quote: غايتو انا البوست دا ما مفارقو الا اتأكد انك وصلت لمرحلة تكون نائب برلماني أو نجدعك في أقرب لجنة شعبية أو ادارة فريق كرة درجة ثالثة |
كان كده فارقوا هسع
| |
|
|
|
|
|
|
|