|
ميسى اربعة ارسنال واحد مش معقول
|
عصام الشوالى جن مش معقول يا ميسى بكل اللغات وكلام غير مفهوم
وانا رغم انى اشجع ارسنال الا ان ميسى
يقدم من الابداع الكروى ما يجبرك على الاستمتاع اولا
ثم الانحناء لمقدم هذا الفن الكروى الرفيع
ارسنال و برشلونة الفريقين المفضلين
الين يقدمان افضل كرة قدم فى العالم
امتعانا فى مباراتى الذهاب والاياب
|
|
|
|
|
|
|
|
Re: ميسى اربعة ارسنال واحد مش معقول (Re: هشام المجمر)
|
Quote: وانا رغم انى اشجع ارسنال الا ان ميسى
يقدم من الابداع الكروى ما يجبرك على الاستمتاع اولا
ثم الانحناء لمقدم هذا الفن الكروى الرفيع
|
كلنا ذاك الرجل يا هشام !!! ميسي ده ما لاعب كوره ، ده جيش إحتلال !!!!
| |
|
|
|
|
|
|
Re: ميسى اربعة ارسنال واحد مش معقول (Re: أمين محمد سليمان)
|
اشاهد دائما التعليق فى الجزيرة بلص ثرى الانجليزية
المعلقين الانجليز احسن المعلقين فى العالم واصدقهم
خاصة ان الجزيرة تجلب معلقين من الطراز الاول لاعبين سابقين لهم باع طويل فى كرة القدم الانجليزية والعالمية
كلهم اجمعوا ان ما نشاهده من ميسى الآن لن يتكرر فى كرة القدم العالمية
| |
|
|
|
|
|
|
Re: ميسى اربعة ارسنال واحد مش معقول (Re: هشام المجمر)
|
Quote: كجيتهم بالاربعة انت يا نوتة
|
قمرنا الحاقد أنا الأرسنال ديل شجعتهم كراهيتن في برشلونه ، لكنهم برشلونا برشلة العدو !
----- لكن بيني و بينك أنا بقيت ( جلا ) بمعني الكلمه ، لي خمسه شهور ما شجعت لي فريق غلب !!!
| |
|
|
|
|
|
|
Re: ميسى اربعة ارسنال واحد مش معقول (Re: أمين محمد سليمان)
|
يا قمر بوبا يا كتلونى
كلنا نعشق البارسا
لكن ارسنال يقدم كرة قدم جميلة و بامكانيات مادية ليست بالكبيرة
عموما زعلنا من برشلونة عندما استغنى من احد اهم لاعبيه بسبب المدرب المستجد جواردويلا
جواردويلا لم يكن يعرف حتى استخدام الاستبدال لاضاعة الوقت الا حينما نبهه سيلفينهو فى مباراة شيلسى فى دورى الابطال العام السابق
ايتو هو من لعب الباص لانيستا الذى سجل فى الزمن القاتل
و ايتو هو من سجل الهدف الاول لبرشلونة ضد مانشيستر عكس مجريات اللعب فى نهائى العام الماضى
لذلك غضبنا من البرسا
الذى استغنى عن موهبة افريقية كبيرة لا لسبب الا ان جوارديلا لا يستلطفه
ايتو سجل للبارسا ثلاثين هدفا الموسم الفائت
ايتو احد ثلاثة لاعبين فى تاريخ اوربا سجلو فى النهائى مرتين
لولا وجود ميسى و موهبته العالية لما استمر برشلونة
فى مثل هذا الوقت من العام الفائت كان البارسا يتقدم ريال مدريد بفارق مريح من النقاط
و السبب وجود ايتو بجانب ميسى
| |
|
|
|
|
|
|
Re: ميسى اربعة ارسنال واحد مش معقول (Re: هشام المجمر)
|
طارف جبريل يا لذيذ
Quote: طبعا ما تنسى المريخ ههههههه |
ما نسيتو
لكن خلينا فى ظلم القرعة البائن
الغريبة ناس الاتحادالاوربى فى المرحلة دى لا بعرفو تصنيف و لا جن احمر ولا عندهم معادلات حسابية مقطوعة من الراس
ناس عجيبة مش كده
حقو يتعلمو من الاتحاد الافريقى
| |
|
|
|
|
|
|
Re: ميسى اربعة ارسنال واحد مش معقول (Re: احمد محمد بشير)
|
احمد محمد بشير
بصراحة امس ميسى امتع الاعداء قبل الاصدقاء
لا يمكن لأحد ايقاف هذا اللاعب
يركض بسرعة تجاه المرمى يحول اتجاهه فى اى وقت و بكل سهولة ويسر
يراوغ باقل مجهود
يهدف بكل الطرق
عندما تشاهد ميسى تشاهد فن كرة القدم فى كامل تجليه
| |
|
|
|
|
|
|
Re: ميسى اربعة ارسنال واحد مش معقول (Re: سارة علي)
|
عجبنا وسر بالنا ميسي بس ما تنجهوهو لينا قولو ما شا الله شايلينو للتقيله دايرنو يقلب لينا ماترازي ما نفرزو من لوسيو الأرسنال ما عجبنا ليهم لكن يستاهل عمك فنقر عندو العيال اللاعبين ديل يمشي يجب ليهم مواسير الدوري الإنجليزي يختهم ورا سلفيستر شنو البلعب في أرسنال وكمان عمك كامبل الله مرقنا منو ساي يوم كورة بورتو
عمو أمين
Quote: لكن بيني و بينك أنا بقيت ( جلا ) بمعني الكلمه ، لي خمسه شهور ما شجعت لي فريق غلب !!! |
خصمتك بالنبي شجع لينا المان الليله الكلام دا نظام انا ضااامن انك حتشجع انتر ضد برشلونه
كل الملعب
هو صوت واحد
نحن شعب البلوغرانا
لايهم من يأتي
من الجنوب أو من الشمال
نحن الان متفقين نعم متفقين
راية واحدة تجمعنا
صرخة البلوغرانا طيري الى السماء
يا صرخة شجاعة
نحن الان لدينا اسم يعرفه كل العالم
بارسا بارسا بارسا
| |
|
|
|
|
|
|
Re: ميسى اربعة ارسنال واحد مش معقول (Re: مرتضى احمد عبد القادر)
|
يا دلال لكن بقيتي كتلونية عديل باقي ليك تطالبي معاهم بالانفصال بعد ده نقلتي البوست بتاع كاس العالم داك للربع الجديد ولا نسيتي؟؟
يا مورتا تصدق انا راجي زول واحد هنا اللهو عبدالماجد عبدالماجد ده بموت في المان يوناتيد هسة بعد اصابة روني والالمان الما بستتسلموا ديك بكون متوتر جدا الليله
بالنسبة لأمين ما تشيل هم حيشجع الانتر والنتر طاير طاير مع انو الطليان ديل بقفلوا الكورة لدرجة مبالغ فيها لكن ميسي عنده الايام فهم في راسه...كان براه لاعب بجر الفريق ومنتظر جوزيه مورينيو حيقول شنو...
طبعا المحيرني اكتر في ناس بشجعوا الـريـال في المنبر ده ديل قدر ما فتشتهم ما لاقيهم رفعت ليهم بوست عديل
| |
|
|
|
|
|
|
Re: ميسى اربعة ارسنال واحد مش معقول (Re: هشام المجمر)
|
سلامات يا قمر
Quote: يا مورتا تصدق انا راجي زول واحد هنا اللهو عبدالماجد عبدالماجد ده بموت في المان يوناتيد هسة بعد اصابة روني والالمان الما بستتسلموا ديك بكون متوتر جدا الليله |
إذا سنلبد له لبده بت لذينه نخليك تفتش ليهو فتيش زي ناس الريال الطفشو رد الله غربتهم قبل مباراة السبت القادم ريال مدريد ضد برشلونة
المجمر
Quote: ذكرت صحيفة "سبورت" الأسبانية الرياضية على موقعها الالكتروني "لا تقل كرة القدم ، بل قل ميسي". وربما يعتبر البعض أن في هذا الوصف بعض المبالغة، ولكن مجريات الأحداث تؤكد أنه من الصعب إيجاد المرادف، أو الصفة التي يستحقها ميسي.
|
| |
|
|
|
|
|
|
Re: ميسى اربعة ارسنال واحد مش معقول (Re: هشام المجمر)
|
Quote: أعتقد أن الفريق الكتالوني فاز أمس دون عناء وبمساعدة غير قليلة من دفاعات الأرسنال لكنه على أية حال يستحق . |
كلامك صح يا طلحة
فنجر يتحمل مسئولية الهزيمة باشراكه لسيلفستر البعيد عن المباريات وكان وبالا على خط الدفاع باكمله
الهجوم لم يكن سيئا و خلق فرص محققة للتسجيل
اما ميسى فتلقى الهدايا بكل امتنان
مع ميسى لا تخطئ ابدا
| |
|
|
|
|
|
|
Re: ميسى اربعة ارسنال واحد مش معقول (Re: هشام المجمر)
|
نقلتي البوست بتاع كاس العالم داك للربع الجديد ولا نسيتي؟؟ ________________________________________________________
ياقمر ما لقيت البوست كلو كلو .. شاكه الهكر يكون ضربه
لالا خلاص انا بقيت برشلونيه ميه الميه ديل معاهم مسي ياخ .. انتهى والله يجيبك يا كأس العالم .. شكلنا شايلنوا شايلنوا السنه دي بأذن الله
| |
|
|
|
|
|
|
Re: ميسى اربعة ارسنال واحد مش معقول (Re: مرتضى احمد عبد القادر)
|
مورتا روبن ده لاعب عنده صلعة يعني لاعب محترم ياخوانا واجب علينا نتحمدل سلامة عبدالماجد عبد الماجد قلنا قبيل الألمان ما بستسلموا
امين يا نوتة من الليلة لنهاية البطولة عليك بالألمان والطليان ما تمشي علي اسبانيايرضي عليك
دلال ولا يهمك عادي جدا البوستات تروح جهزي بوست جديد مع انو داك كان مشي كويس
هشام المجمر معليش احتلينا بوستيك لكن بدل الناس ترفع بوستات ساي تواصل في الموجود
تحياتي
| |
|
|
|
|
|
|
Re: ميسى اربعة ارسنال واحد مش معقول (Re: GamarBoBa)
|
يا قمر بوبا
البوست بوستك احتليه زى ما دايرة لكن بس قولى لى رايك شنو فى غلب مانشستر امس؟
غايتو انا نمت مرتاح البال
السير المجنون مخلى بيرباتوف النصيح برة وملعب رونى بنص مكنة
يستاهل
بالمناسبة السير اشترى بيرباتوف السنة الفاتت من توتنهام بمبلغ 35 مليون يورو
| |
|
|
|
|
|
|
Re: ميسى اربعة ارسنال واحد مش معقول (Re: هشام المجمر)
|
Quote: خصمتك بالنبي شجع لينا المان الليله الكلام دا نظام انا ضااامن انك حتشجع انتر ضد برشلونه
|
Quote: امين يا نوتة من الليلة لنهاية البطولة عليك بالألمان والطليان ما تمشي علي اسبانيايرضي عليك |
لابورتا و قمر الحقد المظلم !! ياخي أنا الليله قمه في السعاده الفريقين الشجعتهم غلبو !! و أهم حاجه المان إتنفش و طارت عصافيرو !! قريب سته شهور و أي فريق أشجعو يتغلب ، الليله لو مانسشتر كان غلب كان رجعت السودان يفكو لي الساجور ده !!!
--------
مع الاينتر و ريبري حتي الكاس ، أوعي بس يكونو لاعبين مع بعض !!!!
| |
|
|
|
|
|
|
Re: ميسى اربعة ارسنال واحد مش معقول (Re: أمين محمد سليمان)
|
يا امين
الانتر و البارسا موقعة صعبة لا يمكن التنبؤ من فيهما سيذهب للنهائى رغم ان اللقائين السابقين كانا فى مجموعهما لصالح البرسا
اما بايرن ميونخ فمبروك ليهو من الآن بلوغ النهائى فليون رغم انه فريق جيد الا انه ليس بقامة البايرن ولا بمقدراته
النهائى المفضل
بايرن بارسا ولا بايرن انتر؟
| |
|
|
|
|
|
|
Re: ميسى اربعة ارسنال واحد مش معقول (Re: هشام المجمر)
|
Quote: بوينس ايريس (ا ف ب) - انضم مدرب منتخب الارجنتين لكرة القدم الاسطورة دييغو مارادونا الى لائحة المهللين للاداء الرائع الذي يقدمه مواطنه ليونيل ميسي مهاجم برشلونة الاسباني في الاونة الاخيرة وشبه ما يقوم به على أرض الملعب بمعجزات المسيح.
وكان ميسي (22 عاما) توج جهوده برباعية نادرة في مرمى أرسنال الانكليزي (4-1) في ربع نهائي دوري ابطال اوروبا لكرة القدم الثلاثاء، ليتأهل برشلونة حامل اللقب الى نصف النهائي.
وقال مارادونا الى اذاعة "أف أم مترو" الارجنتينية الاربعاء "سأكون سعيدا اذا أحرز ليو (ميسي) كأس العالم وأصبح أفضل لاعب في التاريخ. مستواه غير عادي واداؤه يشبه معجزات المسيح. انه أفضل لاعب في العالم".
وجوابا على سؤال عما اذا أحرزت الارجنتين لقب المونديال المقبل واختير ميسي افضل لاعب في النهائيات، أجاب مارادونا: "ستنتهي المقارنة بين مارادونا وبيليه".
وتتفاوت الاراء عن هوية أفضل لاعب في التاريخ، لكنها تنحصر بين لاعبين، البرازيلي بيليه بطل العالم 3 مرات مع بلاده ومارادونا بطل العالم عام 1986 في المسكيك، لكن الاراء تكاثرت في الاونة الاخيرة معتبرة ان ميسي بحاجة الى لقب في المونديال كي يضع حدا لهذه المقارنة ويصبح الافضل على مر العصور.
وسجل ميسي 39 هدفا في 42 مباراة هذا الموسم، وهو يتصدر ترتيب هدافي الدوري الاسباني (26 هدفا) ودوري ابطال اوروبا لكرة القدم (8 أهداف). |
| |
|
|
|
|
|
|
Re: ميسى اربعة ارسنال واحد مش معقول (Re: GamarBoBa)
|
شكرا قمر بوبا على رفع بوست ميسى
بعد طول غياب شاهدت مباراة برشلونة امس
الساحر ميسى ـالق هذا الموسم باحرازه 34 هدفا فى الدورى و 47 فى كل المسابقات
هذا بالاضافة لتمريراته السحرية
حركة هذا اللاعب و سرعته بالكرة و مقدرته على تغيير اتجاهه فى كسر من الثانية لا تضاهى ابدا
من حظنا وجود مثل هذا اللاعب فى عصر قلت فيه المواهب الكروية الكبيرة والاستثنائية
شكرا ميسى
| |
|
|
|
|
|
|
Re: ميسى اربعة ارسنال واحد مش معقول (Re: هشام المجمر)
|
يا هشام
كيفك إن شاء الله تمام
يا خي ميسي ده سلب العقول ، بما فيهم الاطفال ، طفلي الصغير (6) سنوات يشجع برشلونة بجنون وبعصبية أما سيرة ميسي زي الفطور والغداء والعشاء في بيتنا ، وقبل أن أشترى له قميص رياضي كتب عليه إسم ميسي ، أصر على شقيقه الأكبر أن يكتب له ميسي بقلم الشيني على قميص أبيض .
خرمجة : يا ربي ميسي لو خيروه اللعب في الهلال أو المريخ ، يا ربي حيختار ياتو فريق !!!! هذي قوية
| |
|
|
|
|
|
|
| |