|
|
|
 Re: بركة .. الاتعشيتو ونمتو مبسوطين .. (Re: Emad Mohamed)
|
والله ياتمبس كان بيكون عشاء وفرح كمان اذا كنا ذى الجزائرين والفريقين مرو ولا ذى المصرين
وانت شايف اهلى + اسماعيلى . بس انا اعتقد وبى فهمى البسيط للجوانب الفنية فى الكورة انو مشكلتنا
ماهى بالتدريب ولا بالامكانات ولكنها مشكلة اللاعب السودانى واحساسو بانو اقل من غيرو ودى بالذات لو ماتغيرت فلا نحلم بالبطولا ت وخلونا فى حكاية اب سنينة البضحك على اب سنين او العكس .
| |
 
|
|
|
|
|
|
|
 Re: بركة .. الاتعشيتو ونمتو مبسوطين .. (Re: نور الدين عثمان)
|
Quote: والله ياتمبس كان بيكون عشاء وفرح كمان اذا كنا ذى الجزائرين والفريقين مرو ولا ذى المصرين
وانت شايف اهلى + اسماعيلى . بس انا اعتقد وبى فهمى البسيط للجوانب الفنية فى الكورة انو مشكلتنا
ماهى بالتدريب ولا بالامكانات ولكنها مشكلة اللاعب السودانى واحساسو بانو اقل من غيرو ودى بالذات لو ماتغيرت فلا نحلم بالبطولا ت وخلونا فى حكاية اب سنينة البضحك على اب سنين او العكس . |
يا نورالدين .. ما الموسم دا زاتو نحن كنا اربعة .. الهلال وجرا معاهو المريخ كمرافق .. وبي هناك الأمل عطبرة والخرطوم .. لكن الفرح عندنا ليهو سقف محدد .. وهنا بختلف معاك لانو الامكانيات بتلعب دور كبير .. اقلاها عاين حوالينك هل عندك اي لاعب سوداني محترف ..؟ بيلعب في اي دولة اوروبية أو حتى في دوري قوي كدوري الخليج مثلا ..؟
اللاعب السوداني يا نورالدين مشو هو الحاسي بي نفسو إنو اقل من غيرو .. هو فعلا أقل بي كتير جدا .. من كل النواحي يعني عاين عندك المريخ أول أمس .. متقدم بي هدف في بلدو .. في آخر دقيقة من الشوط الأول .. لمو فوقو بي شوية استفزاز طلع بره جو المباراة وتموها شلاليت والجمهور بي هناك بيطقع .. الهلال أمس محرز هدف والشوط الأول منتهي عليهو والاسماعيلي في حالة شرود .. تلاتة هجمات فقط جات منها اهداف بي طريقة غبية جدا .. ولسة اللاعب عندنا عايز يستجيب للاستفزاز وعايز يضارب.
دي أول خطوة لو عرف اللاعب السوداني كيف يكون عندو ثقافة جوه الميدان .. وثقافة التعامل مع الخصم .. الباقي كلو هين .. بيتباصر.
| |
|
|
|
|
|
|
|
 Re: بركة .. الاتعشيتو ونمتو مبسوطين .. (Re: Emad Mohamed)
|
Quote: دة كان العشاء الاخير.
the last supper |
.. العبرة ما في العشوة يا عماد .. العبرة في النومـة .. قالو في ناس يومين ما نامو رابطين راسم وبعد قون سادومبا مسكو الشارع .. ما فكت منم إلا بعد الاسماعيلي درررن ..
الله دا كريم .. الهلال غالب بيفرح .. مغلوب برضو بيفرح .
معقولة السودان دا كلو هلالاب ..؟
هلالاب راسم عديل .. وهلالاب زعلانين ..؟
| |
|
|
|
|
|
|
|
|
|
Re: بركة .. الاتعشيتو ونمتو مبسوطين .. (Re: tmbis)
|
استمتعنا بكوارع لم اتذوق مثلها منذ ثلاثين عاما ...
بوستك بس يا تمبس بوستك راسو عديييييل ..لغايه هسع اصابعيني ملصقات ..
ككككككككككككككك
ــــــــــــــــــــــ
*البوستك مادة صمغيه تستعمل عند النجارين واحيانا لتثبيت الموكيت (:
| |
|
|
|
|
|
|
|
|
|
Re: بركة .. الاتعشيتو ونمتو مبسوطين .. (Re: Amira Elsheikh)
|
| Quote: الشطة دى حمرااا وزى النار ماتكتر منها.. |
.. ماف بيض ولا حمام محشي ؟؟ 
ياخ كاااك حقتك الأمس دي .. كلفتني جهاز جوال تاني .. رصيتم جمب بعض ... الشاشة بعد الشاشة .. عشان بس اقرا نهاية الكاك دي ..
الغريبة .. إنو الواحد لما يجي يرسل ليكم يكتب الرسالة .. تلف وترجع ليهو وتتعلق ..
الناس مفترض تكون روحة رياضية .. يوم كورته مع الترجي مفترض تخلي الجوالات مفتوحة ..
| |
|
|
|
|
|
|
|
|
|
Re: بركة .. الاتعشيتو ونمتو مبسوطين .. (Re: وليد محمد المبارك)
|
السلام عليكم ورحمة الله وبركاته
تعرف يا تمبس الموضوع من ما ظهر فيه الاخ / م.ع وقال هو هاتف منو ما عارف ..ومنو من مجلس الادارة وراهو الاوضاع والاستعدادات شكلها كيف ..وانو التشكيلة الانتحارية بتتكون من منو ومنو ...انا طوالي دقيت قنع من الموضوع وجهزت كل مصدات ومضادات الهزائم الموجوده في الدنيا واستعوضت الله في الابطال ..والحمد لله على ما كان وما سيكون ..
| |
|
|
|
|
|
|
|
|
|
Re: بركة .. الاتعشيتو ونمتو مبسوطين .. (Re: البدري عبد الله)
|
| Quote: انا طوالي دقيت قنع من الموضوع وجهزت كل مصدات ومضادات الهزائم الموجوده في الدنيا واستعوضت الله في الابطال |
.. والله يا البدري إنت غلطان ..
هو اصلو إنت البصبرك شنو لحدت ما يتصلو بالإدارة .. ويدوك التشكيلة .. ياخ خليك متفاءل زيي كدا .. انا من ما اللقى (الميم عين) حايم إن شاء الله في بوستات تهنئة أو مباركة .. ببيع الكورة واجهز الطـوب بتاعي 
| |
|
|
|
|
|
|
|
|
|
Re: بركة .. الاتعشيتو ونمتو مبسوطين .. (Re: فايزودالقاضي)
|
| Quote: اها الجماعة مباراة الهلال والاسماعيلي متين ؟!!! |
.. ووين إنت كنت نايم واللا شنـو ؟؟ مش اتلعبت امبارح بالليل ..؟ شكلك نايم ليك يومين .. اوعه تكون مفلوق بس ..؟ 
بلاي كان عندك خبر عن كورة الترجي والمريخ متين شوف لي طريقة اصلو عندي طوب عايز اجربو ..
| |
|
|
|
|
|
|
|
|
 Re: بركة .. الاتعشيتو ونمتو مبسوطين .. (Re: محي الدين الريس)
|
Quote: يا تمبوسة
أطفال الحجارة كرهونا النت زاتو .. من أمس قدر ما يلقوا ليهم بوست متشعبطين فيه .. راسهم لافي من أول أمس |
. يا ريس اديهم صراحم ياخ ..
وخليهم يمتعو نفسم .. حسع البوست دا زاتو انا كتبتو وخليتو فاضي .. عايز اكبر كمية من التعبير عن الشعور ..
الشي الطبيعي يا ريس إنو زي ما شايف يحصل الحاصل دا .. السنة الفاتت لما الهلال اتغلب من مازيمبي خمسة .. الناس ديل من شدة انهم ما شعوريين خالص .. لحدت ما مشو المطار .. وشالو معاهم بوكيهات الورد واشرطة الفيديو واتصورو .. وعملو ليهم جمعية ورابطة محبين .. ومعجبين .. لانو عارفين لو كان مازيمبي اترشة والهلال دا جاب كاس .. والله تاني إلا الكريم .. وفي مباراة الرد لما الهلال قام دور ليك في مازيمبي .. في واحدين عديل كدا جو كتبو بوستات اعلان فروض الولاء والطاعة قبال نهاية المباراة .. خوفه ساااي كدا عشان بعدين يقولو الحنك البيش بتاع والله عشان السودان والوطن والجندي المجهول وكدا .. يللا الكورة انتهت قعدو يطقعو زي طقيع أول أمس دا ..
دا الوضع الطبيعي يا ريس .. والمحصلة النهائية انهم بيفرحو في الحالتين الهلال غالب ومغلوب .. لكن بس الما بقدرو عليهو .. إنو يعلمونا كيف نطقع بي التكنيك العالي بتاعم دا ..
| |
|
|
|
|
|
|
|
|
 Re: بركة .. الاتعشيتو ونمتو مبسوطين .. (Re: وليد محمد المبارك)
|
| Quote: كااااااااااااااااااااااااااااااااااااااااااااااااااااااك |
.. | Quote: وحياة الله بالطريقة بطقعوك .. اصد بطلقوك |
.. تعرف نوعيتك دي .. بتكون يوم الكورة بتقول عندي مامورية اها كان الأمور مشت باسطة بتجي البيت ضحكتك لي آخـر ضرس والعشا بكون حمام.. وكان فيها حفلة بتاعت طقيع .. بيعمل زغبير يومين تلاتة .. حسب المامورية حقتو .. يا كمان قطع المامورية .. وجا داخل البيت بي مكنة طوب وحمامة حية .. بدلا من الباسطة والفول .. .. أحشى ما اخشاه إنو أول امس كنت في مامورية
| |
|
|
|
|
|
|
|
|
|
Re: بركة .. الاتعشيتو ونمتو مبسوطين .. (Re: وليد محمد المبارك)
|
Quote: يا معلم اخوك مفتح
اول حاجة سالتها لي حرمنا قبل العرس
انت هلالابية ولا مرخابية |
لالالالالا دي ما تفتيحة .. دي خرخره وعدم تقبل الآخر وعدم تحمل مسؤولية .. حسع حركتك دي (معيار) الشفافية فوقه شنو .؟
عارف حركتك دي بتفرخ ليك (مطقعاتيه) خطيرين جدا ..
اهــا
قول طلعت مريخابية حسب مواصفاتك .. وجاك زغزوغ زي زغزوغ
علاء الدين يوسف داك .. اها .. ح تقفل بيهوالباب ... واللا تدفعو ؟
ملحوظة:
تعرف دا السبب الجابك الطيش زاتو في الانتخابات .. زي اسئلتك الوهمية دي .. والحجر* على الرأي الآخر ..
ملحوظة تانية:
أرجو ألا تقرا الحجـر الفوقانية دي .. في غير مكانها السليم .. يعني بي صورة أوضح:
ما تفتكرني قاصد ليك حجــر أو صخرة .. اللي جمع التكسير السالم فيها طوبــة ..
| |
|
|
|
|
|
|
|
|
|
Re: بركة .. الاتعشيتو ونمتو مبسوطين .. (Re: tmbis)
|
| Quote: تعرف دا السبب الجابك الطيش زاتو في الانتخابات .. زي اسئلتك الوهمية دي .. والحجر* على الرأي الآخر .. |
هسع عليك الله جنس خج امباره ده ما اخير منو الحجر والدكتاتورية
يعني لو ولدي كان هلالابي .. كان الليلة بكون عنده نفسيات
اخير احجر عليه بدل ما يطلع مهترش زي زغزوغ داك من معترش كتر غُلب الهلال
| |
|
|
|
|
|
|
|
|
|
Re: بركة .. الاتعشيتو ونمتو مبسوطين .. (Re: وليد محمد المبارك)
|
Quote: هسع عليك الله جنس خج امباره ده ما اخير منو الحجر والدكتاتورية
يعني لو ولدي كان هلالابي .. كان الليلة بكون عنده نفسيات |
.. ااي كدا كويس ياكل نارو .. على الاقل بيتحمل المسؤولية من ما هو صغير .. طالما هو زغزوغ .. واختار خياراتو براهو .. لكن ما ممكن كمان تقوم تامرخـو وما عايزو يطقع الناس الماشة في الشارع ..
| |
|
|
|
|
|
|
|
|
|
Re: بركة .. الاتعشيتو ونمتو مبسوطين .. (Re: محي الدين الريس)
|
| Quote: يا تمبس حرمكم المصون من ناس الحلة التانية أو الحاصل شنو ما فاهم ... المهم أعمل حساب رأسك |
.. من ناس الحلة التانية بس يا ريس ..؟؟
ياخ البيت كلوووو .. وجارم البي الشمال .. الشي الفرحني زيادة إنهم معلقين ليهم علم مريخ في السطوح فوووق ..
دا في حد زاتو بيديك مساحة فرح ما عادية .. نحن في بيتنا كلنا هلالاب عندنا واحد بس أخونا الكبير .. مريخابي .. لما نرشهم .. بيمشي يبيت مع اصحابو أو مع عمنا يا في الحلة ساااي .. بكون بفتش عليهو الليل كلو .. بيجي داخل الصباح عامل فيها ما عارف اي حاجة ورايح .. وأنا طبعا ما بقدر اخلي ليهو حقي ..
لما يرشونا .. انا من امدرمان قاعد امشي ناس عمنا في الجريف بالليل داك امدرمان زاته بتبقى لي خرم إبره .. وبقعد اسبوعين بشرك فيهم سمك لحدت ما الموضوع دا يموت
اهــا
دي فرصة مناسبة لما تلقى ليك نسابة بيت كامل من الأم والأبو لي أصغر واحد مريخابي .. وبيبكو لما يتغلبو ويحردو الأكل .. والله ديل يريحوك راحـة ..
يعني تكون غالب .. تسوق المدام لي نسابتك تدور البيت كلووو والجيران وتكون مرشوش تمارس طقوسك بي حقارة شديدة .. وتقول ليها .. والله تلفونك دا يرررن .. يا اشوفك قربتي لي خشم الباب بجدعك بي فوق الحيطة .. ومن هنا ولي قدام ما بغسل اي عدة ..
ادناه رسائل متبادلة ليها يومين ما بين موقعة الحمام والحمص بيني وبين ام المدام وابوها واخوها
انا بعمل رسالة وبختار تلاتة اشخاص الغريبة ما جاني رد في نفس اليوم ... جاني رد أمس بعد نهاية الكورة من تلاتة جهات .. مش كان يكتفو بالرد من جهة واحدة بس ..؟
رسالتي:
اقترح - تحجزو العودة للخرطوم بالتونسية قالو مواعيدة كويسة بس شيلو معاكم حجار الظروف ما معروفة
جاني الرد بعد اربعة وعشرين ساعة:
اسماعيلية رايح جاي .. تعالو بي قطر الصعيد زوادتكم حمصية ..
| |
|
|
|
|
|
|
|
|
|
Re: بركة .. الاتعشيتو ونمتو مبسوطين .. (Re: tmbis)
|
عليك الله يا تمبس منو الفي اللعيبة الامبارح ديل بستحق يلعب في الهلال ( اذا استثنينا سادومبا,على الاقل قلبو حار) الباقين ديل
لاكورة لا فهم ولا حتى حرارة قلب ساي !!!!
الواحد من امس التقول ماتو ليهو اهلو كلهم
انشا الله ربنا ينتقم منهم
افففففففففففففففففففففففف
| |
|
|
|
|
|
|
|
|
|
Re: بركة .. الاتعشيتو ونمتو مبسوطين .. (Re: يحى الشريف)
|
| Quote: .. والله الواحد لو ما خاتيك لي قدام حسع دي كان (فلقك) زي كاسروكـا في الجهة الشمالية من راسك .. |
يا زميل البورض .. ما (تفغـد) اعصـابك ..
ولو سمحتـا (آخـرك) خليهوو معـاك ..
وبالمناسبه ..
ممكن (تفلـق) عادي جدا .. بس تستحمـل (النتايج) المترتبه
على (الفلـقه) ..
يعني عـادي جدا أخت ليك الملح في الرز ..
والباكينج باودر في (الشـاي الاخضـر) ..
| |
|
|
|
|
|
|
|
|
|
Re: بركة .. الاتعشيتو ونمتو مبسوطين .. (Re: وليد محمد المبارك)
|
| Quote: اول حاجة سالتها لي حرمنا قبل العرس |
طبعـا زميل البورض دا ما عنو اي عـذر..
عـااااااارف اي حاجه قبل (المراسم) ..
ياخ نحن بيتنا بنوصفو للناس بي (علم المريخ) القاعد فوووق ..!!
لكن زميل البورض دا مره ختاها لينا كلنا في البيت ..
المريخ كان مغلوب من الهلال ..
جا زميل البورض بيتنا وجاب معاهو (علم الهلال) بحجم ملايه سرير الدبل ..
وفرشو في الكرسي البيقعد فيهو ابوي لمن يقرا الجرايد ..
زميل البورض وانا مرقنا ..
ابوي ضرب لينا في السكه ..
قال لي : اديني زميل البورض دا ..
صاحبكم مسك السماعه : الـو , ياااااا دكتور الاخبار شنو ..؟؟
ابوي قال ليهو : تعال اسسسي راجع وشيل (القرف) الختيتو لي دا ولا رجع البت دي ..!!
انا بقيت اضحك لمن الناس في الشارع بيعاينو لـي..
من اليوم داك ..
عرفتا ليك انو مافي زول عرف لي ابوي دا.. الا زميل البورض دا ..
| |
|
|
|
|
|
|
|
|
|
Re: بركة .. الاتعشيتو ونمتو مبسوطين .. (Re: فايزودالقاضي)
|
Quote: بالله يادكتورة ركزي لينا في الراس ....
ندعمك بكل مانملك من حجارة .... |
Quote: ختي ليه الهلالابي الحاقد ده
وبعدين هو زاتو ما حا يفرزهم ليك
خشموا بكون ملح ملح والمزاقات متشابهة عنده
كلها مُرة
هاهاهاهاهاهاهاهاككككككككككككككككككككككككككككككككككككككككككككككككككككككككككككاااااااااااااااااك |
هــووي دا شنـو دا..؟؟
عالـم تجب المشاكل وخربان البيوت بشكـل..
أنـا ماشه من هنـا , وبعدين الهلال دا سيد البلد أصــلا ..!!
---------------
علاء انا بهزر معاك ما تشاكلني سمـح ..؟؟
| |
|
|
|
|
|
|
|
|
|
Re: بركة .. الاتعشيتو ونمتو مبسوطين .. (Re: داليا الكباشى)
|
Quote: يا زميل البورض .. ما (تفغـد) اعصـابك ..
ولو سمحتـا (آخـرك) خليهوو معـاك .. |
يازميلة البورد .. أخرى مكنكش فوقو شديد .. إنت خايفه من الطوب ..؟ طيب ناس الترجي المساكين ديل كانو لابسين طواقي حديد ..؟ .. Quote: وبالمناسبه ..
ممكن (تفلـق) عادي جدا .. بس تستحمـل (النتايج) المترتبه
على (الفلـقه) .. |
.. إذا كان مسالة العين بالعين والسن بالسن والكمدة بالرمدة ممكن احلق ليك صلعة وتشوفي جماعتكم عاملين في الراس شنو .. ؟ اقل فلقة خمسة غرز .. يعني متعودين مما كنا صغار على التفلق والطقيع بعد نهاية اي كورة .. من هم صغار بيطقعو .. والواحد مالي جيبو حجار ..
شفتي ليك مكان فلقة بتقوم فلقه أخرى ..؟ Quote: يعني عـادي جدا أخت ليك الملح في الرز ..
والباكينج باودر في (الشـاي الاخضـر) .. |
.. تختي حاجاتاك دي لي زول ما عندو حديدة .. طعمية من الدكان + طحنية وجبنة .. وعيش حاجاتك الكوجنتيها دي تاكليها براك ..
| |
|
|
|
|
|
|
|
|
 Re: بركة .. الاتعشيتو ونمتو مبسوطين .. (Re: يحى الشريف)
|
Quote: الواحد من امس التقول ماتو ليهو اهلو كلهم
انشا الله ربنا ينتقم منهم
افففففففففففففففففففففففف |
لا يا يحيى كدا ما كويس علشان صحتك ..
بي صراحة الناس ديل الشوط الأول كانو لاعبين كورة كويسة بعكس الهلال بتاع الموسم دا والانا اساسا عارفو تعبان .. نفس الايقاع بتاع الشوط الأول لو استمر .. في الشوط التاني الهلال كان كسب اللقاء ..
يللا جات المرحلة بتاعت السرحان .. ورجع الهلال لي فترة الهلال الزمان الكان بياخد خمسة وستة وسبعة .. أول حاجة القون الأول كان واضح جدا لي درجة إني قاعد احضر في الكورة براي قعدته اكورك قبل الكورة تتشات .. لما المصور جاب اللاعب براهو آخر واحد وكأنو بينبه للحاجة دي .. يللا هنا معز محجوب دا قاعد يعمل شنـو ؟؟
القون التاني جا واحد جاري من خلف القون وقال لي معز اقع .. معز وقع .. وقعد يعمل في حاجات عجيبة .. وبعداك قام لقى الكورة قدامو ومسك رجلو واداها نطة مخجلة كدا .. القون التالت ما حضرتو ولا في الاعادة ولا في تحليل ما بعد المباراة ..
يللا الهدفين ديل بصرف النظر عن اي اخفاقات للعيبة في الخطوط الامامية .. المسؤولية كاملة بيتحمله المعز محجوب وهو اكبر ثغرة في فريق الهلال .. واكتر لاعب ممكن يشكل خطورة على كل الفريق .. وعلى كل المشجعين .. مرة عايز يضرب ليهو راس لاعب بالكورة ومرة عايز يرفع رجلينو في راس الحكم ..
المعز آخر لاعب هو مسؤول عن توجيه اي لاعب قدامو سواء كان في الضربات الثابتة أو المتحركة .. دقس في ضربة ركنية في الشوط الأول .. بي إنو مخلي القوائم الاتنين فاضيات .. الكورة طلعت بي كرامة البليلة .. دقس بي إنو مخلي ليهو لاعب ساقط في نص الدفاع لي كورة هو عارف انها ممكن تتلعب عكسية صغيرة .. وأخيرا الحركة العجيبة العمله ووقع بيها بي طريقة مستفزة خالص ..
لو في اي مسؤولية يا يحيى يتحمله المعز محجوب بالكامل .. زي ما بحمل اخفاق المريخ أول أمس لي حمد كمال الكان مهزوز وخايف طيلة زمن المباراة وادى المهاجم هدية بعدما مسك الكورة وفكاها ..
على العموم مستوى الهلال واضح يا يحيى مستوى متأرجح من كورة لي آخرى .. وشرود .. وتشكيلة متغيرة من كورة لي كورة .. وخطة تتغير مية مرة لي اتجاه سلبي في مباراة واحده ..
| |
|
|
|
|
|
|
|
|
يا زول في هلالابيات ببورن !!!؟ قول كلام غير دة
إنت ما سمعت بال جاء يخطب البت ، أبوها سألو إنت هلالابي ولا مريخابي ؟ عمك لاوز يقول هلالابي يطلع أبوها مريخابي والعكس صحيح والخطوبة تطرشق ... قرر يقول النصيحة قال ليه والله يا عم انا مريخابي ، أبوها بارك ليه طوالي ...
بعد سنتين من العرس قاعد يفكر مع نفسه ويقول حاجة غريبة والله ، أبو النسب دة هلالابي ما عارف فرح ليه وبارك لي لما قلت ليه أنا مريخابي !!! مشى سألو عن الحكمة من سؤاله ....
قال ليه والله يا ولدي إتأكدت انو بتّي ما بتجيها عوجة تب معاك ... ال صبرك على الوصيف دة ح يصبرك على بتّي ومصايبها .
__________________
قال يبورن قال
(عدل بواسطة أمين يحيى on 05-10-2010, 01:57 PM)
| |
|
|
|
|
|
|
|
|
|
Re: بركة .. الاتعشيتو ونمتو مبسوطين .. (Re: أمين يحيى)
|
Quote: اول حاجة سالتها لي حرمنا قبل العرس
انت هلالابية ولا مرخابية .. لو كانت قالت لي هلالابية
كانت تكون بايره لحدي هسع |
يا زول في هلالابيات ببورن !!!؟ قول كلام غير دة
إنت ما سمعت بال جاء يخطب البت ، أبوها سألو إنت هلالابي ولا مريخابي ؟ عمك لاوز يقول هلالابي يطلع أبوها مريخابي والعكس صحيح والخطوبة تطرشق ... قرر يقول النصيحة قال ليه والله يا عم انا مريخابي ، أبوها بارك ليه طوالي ...
بعد سنتين من العرس قاعد يفكر مع نفسه ويقول حاجة غريبة والله ، أبو النسب دة هلالابي ما عارف فرح ليه وبارك لي لما قلت ليه أنا مريخابي !!! مشى سألو عن الحكمة من سؤاله ....
قال ليه والله يا ولدي إتأكدت انو بتّي ما بتجيها عوجة تب معاك ... ال صبرك على الوصيف دة ح يصبرك على بتّي ومصايبها .
__________________
قال يبورن قال!ّ!!!
| |
|
|
|
|
|
|
|
|
 Re: بركة .. الاتعشيتو ونمتو مبسوطين .. (Re: أمين يحيى)
|
ياخ و الله الناس ديل لم إتغلبو بحننوني شدي
لم إتغلبو الواحد فيهم يا إعمل ليك فيها عبقري و إقعد إشطح ليك
يا إعمل ليك فيها مجنون زي سواق الرقشة اللي نحن راكبين فيها دي
فاتح ليهو بوست بي هناك زي محمد عادل و منو كدا ما عارف السنوسي
الشفقانين ديك أها قامو أخدو تلاتة فط ليك البوست داك زي الترتيب
و جا فتح بوست تاني
| |
|
|
|
|
|
|
|
|
|
Re: بركة .. الاتعشيتو ونمتو مبسوطين .. (Re: عمران حسن صالح)
|
| Quote: قتل شابٌ وأُصيب (3) بطلق ناري في نقاش مع زملاء لهم في الحي، بسبب مباراة المريخ والترجي التونسي أمس الأول بمدينة سنار. وكشف مصدر مطلع لـ «الرأي العام» أمس، أن الشرطة ألقت القبض على شَابين، مازال البحث جارياً عن الثالث. وتعود تفاصيل الحادثة أنّ عدداً من شباب حي القاعة بمدينة سنار كانوا يتناقشون حول نتيجة مباراة المريخ والترجي، إلاّ أنّ ثلاثة من الشباب - كانوا مُسلحين -، تشاجروا مع آخرين وأطلقوا النار على زملائهم، مما أدى لمقتل جهاد عبد الله في الحال، وإصابة إثنين آخرين تم إسعافهما لمستشفى سنار.وانتقد خال المتوفي عدم وجود مشرحة وإختصاصيين بالمستشفى، مشيراً إلى أن المصاب ميرغني حسن لا يزال طريح الفراش والرصاص في ظهره حتى صباح الأمس. |
المصدر : صحيفة الرأي العام
| |
|
|
|
|
|
|
|
|
|
Re: بركة .. الاتعشيتو ونمتو مبسوطين .. (Re: EMU إيمو)
|
أخونا الكاردينال محمد الشيخ الله يطراهو بالخير ..
مره حكى لينا لما واحد من فرقنا دي لاعب مع فريق أفريقي ..
والنتيجة كانت ما في صالحنا جماعتك بتاعين المجلس الأفريقي ديلك شبكو ليك جماعتنا ..
ويكة .. ويكة .. ويكة ..
أها يا صاحبي الويكة دي كان ما مرقت من الرأس والكرعين كورتنا ما بتقوم ليها قايمة ..
والله جرة سامي عبدالله دي أنا المسكين القدامك دا ما أتجراها ..
| |
|
|
|
|
|
|
|
|
 Re: بركة .. الاتعشيتو ونمتو مبسوطين .. (Re: ABUHUSSEIN)
|
يا ابو حسين ...
الكلام دا كتبتو في البوست البي هناك:
Quote: يا ربي الزول دا حا إجي الصباح داخل بوستو دا و لا حا إكتفي بالمتاوقة زيو و زي كل الذين ليست لديهم عضوية في المنبر
غايتو الشفقة كعبة خلاص
أقول ليك حاجة إعتبر الموضوع عادي و إداخل دون التعرض للنتيجة
يعني أعمل فيها مجنون لحدي ما تعدي الحتة دي |
.. وقبل ما اجي راجع للبوست كتبت .. | Quote: عملت فيها رايح ؟؟؟؟؟؟؟؟؟؟؟ |
.. وفي البوست دا .. Quote: ياخ و الله الناس ديل لم إتغلبو بحننوني شدي
لم إتغلبو الواحد فيهم يا إعمل ليك فيها عبقري و إقعد إشطح ليك
يا إعمل ليك فيها مجنون زي سواق الرقشة اللي نحن راكبين فيها دي
فاتح ليهو بوست بي هناك زي محمد عادل و منو كدا ما عارف السنوسي
الشفقانين ديك أها قامو أخدو تلاتة فط ليك البوست داك زي الترتيب
و جا فتح بوست تاني |
.. للتوضيح يا ابوحسين:
انا بكتب هنا عن الهلال في اوقات محددة .. ما عشان عبقري ولا عامل فيها مجنون .. عندي ناس محددين بتواصل معاهم بي طريقة أو بأخرى .. البحس انهم بتقبلوا مني كتابتي دي لانو قبل كدا في المكان دا في ناس علشان اسلوبم وطريقة كتابتم لي .. اتطريت إني ابطل اكتب في الكورة دي أو افط مداخلاتم ومسالة اني افط لي مداخلة زول ما بقدر عليها يا اما ابطل البوست كلو .. يا اما ما افط لي زول ..
بتعامل مع الكورة هنا بي طريقة غالب افرح مغلوب عندي ناس محددين بوصل ليهم طريقة إنهم مغلوبين بي فهم محدد ودي حاجة بيناتنا ليها نكهة وطعم خاص .. البحس انو ما متقبل الفكرة دي .. ما قاعد اضغط عليهو والبحس إنو ما قادر اهضم فكرتو لي اعتبارات محددة حقتي بتجاوزو بي طريقة غير مباشرة .. لكن السبب الخلاني اباشرك في الكتابة دي .. هو سبب مقنع جدا ..
إنو الكورة بالذات في ناس هنا بتفتح ليها مية بوست في الثانية .. مع كل قون بيفتحو بوست قوووون .. ياخ إنت ما ملزم إنك تحدد لي كم بوست افتح .. أو اكتب شنو .. أو أجي ارد بتين .. ربما متوفر ليك نت على مدار الساعة وظرفك بيساعدك .. انا ما متوفرة لي الحاجة دي .. ربما عندك مزاج كتابة ترد بيهو في اي لحظة انا ما متوفر معاي ..
هل انا فتحت بوست طالبت بي فلان وفرتكان إنو يجي داخل البوست دا علشان اسالو إنت اول امبارح كنت ووين ..؟ يا ليه ما جيت فتحت بوست بعد ما كورتكم انتهت أو ليه ما جيت رديت ..؟
هل بعد نهاية مباراة المريخ .. جيت سألتك إنت كنت وووين ..؟ هل طالبتك بي إنك تفتح ليك بوستين تلاتة أربعة ..؟
ياخ أنا بكتب وبرد في حالة مزاجية محددة .. لما ما تتوفر المكان دا زاتو ما بيلزمني .. وبي نفس القدر البستحمل فوقو العندي معاهم تواصل محدد بعد كل مباراة .. بدي نفسي مساحة إنهم برضو ح يستحملوني .. هذا كل ما في الأمر .. إذا كنت شايف غير كلامي دا .. ليك حق إنك تكتب زي ما عايز .. وكراي شخصي قاعد امشي بيهو وقناعات لما مسالة الكورة دي تطلع من اطار محدد كدا بتعامل بيهو .. بتمشي لي حته تانية .. ما قاعد اعرف ادخل فوقو.
في ناس كتار بتكتب كلام هنا ما قاعد ادخل ليهم لاني حاسي إني ما بقدر اتعامل معاهم ..
| |
|
|
|
|
|
|
|
tmbis
ندى عثمان حسن
نور الدين عثمان
محمد كابيلا
Faisal Elrasheed
محمد عبد الماجد الصايم
داليا الكباشى
فايزودالقاضي
البدري عبد الله
محي الدين الريس
يحى الشريف
زول ساكت
زياد جعفر عبدالله
الصادق صديق سلمان
أمين يحيى
ABUHUSSEIN
عمران حسن صالح
EMU إيمو
معتصم دفع الله
فيس بوك
تويتر
انستقرام
يوتيوب
بنتيريست