|
Re: سوداني مفقود بالسعودية منذ أربع سنوات (Re: اكرام الصادق الحسن)
|
الأخ عبدالله ود البوش
لك التحية
لقط قطعت نياط قلبى وأسلت مدامعى بحديثك عن ابن خالتك بكرى وعن الراحلة زوجتك وصبرك الجميل معها ولا املك اخى الا الدعاء للراحلة بالرحمة والمغفرة وان يلزمك الصبر ويلهمك القوة لتربية ابناءك وايضا ادعو الله ان يجمع اخيكم بكرى قريبا والاخبار مبشرة طالما ان هنالك من رأه قريبا والخرج ليست بعيدة عن الرياض وبالمناسبة قد يكون معروفا باسم آخر غير اسمه الحقيقى ...
يا جامع يا رقيب
| |
|
|
|
|
|
|
Re: سوداني مفقود بالسعودية منذ أربع سنوات (Re: إسحاق بله الأمين)
|
الاخ الكريم اسحق بله الامين تحياتي
Quote: اللهم يا جامع يارقيب، رب الضالة راد الضالة رد علي ضالتي الصبر يا أخوي ود البوش، أسأل الله أن يفرج هم أمه وأهله وهمكم يا خوي الله كريم، الدعاء يا أخوان خاصة في آخر الليل وتحري أوقات الإجابة |
الدعاء مفتاح الفرج وهو مخ العبادة
ومعك ندعو الله ان يرد غائبنا شكري وتقديري
| |
|
|
|
|
|
|
Re: سوداني مفقود بالسعودية منذ أربع سنوات (Re: الصادق صديق سلمان)
|
ورفقا بالخالة ارجو من الاخوة بالسودان التريث في نقل الخبر الان عرفت بان هناك شخص سوداني اسمه بكري بالخرج ربما هو او ربما اسم على اسم ورغم ان كل الدلائل تشير عليه هو ولكن أخشى على الخالة الانهيار العصبي وحتى عندما نلتقيه لحم ودم برضو ارجو التريث في نقل الخبر فقد تفقد حياتها جراء الصدمة والله العظيم مش هي ... انا الان اكتب وادمع لاني متخيل كيف يكون الحال عندها هناك رفقا بها رفقا بها ياشباب .......
| |
|
|
|
|
|
|
Re: سوداني مفقود بالسعودية منذ أربع سنوات (Re: عبدالله ود البوش)
|
Quote: انتو الخرج مافيها بورداب اقبضوا معاي الحصان المبرطع دا الان في طريقي للخرج ودعواتكم الصالحات ....... لابتوب ماعندي الا بعد اجي البيت او اكلم احد الزملاء بالتلفون ..... الى اللقاء |
الزول دا براحة عليه,,
عندى خمسة من شباب ابقوتة فى الخرج ما بقصروا معاك ولو انتظرت لبكرة انا ذاتى بمشى معاك,,ومعاى الكاميرا عشان نصوروا وهو بشرب فى الشيشة,,,زننزلوا فى البوست
بالله ياود البوش لا تعكر صفو الولد,,,بس اديه والدتوا يكلمها بالتلفون وخليه فى خرجو,,,زولك دا ولوف ما بمشى بعيد...
تحياتى
| |
|
|
|
|
|
|
Re: سوداني مفقود بالسعودية منذ أربع سنوات (Re: هيثم التوم)
|
وين الجرافة البشجعو الغرافة
خلينى امشى ليك الشارع العام عشان نشوف وين جمعية اولاد الجريف
عموما فى غبيرة مافى جمعية للجرافة على ما اعتقد فى منفوحة الشارع العام ياتو جريف,,,لكن من الاسم الجريف شرق
عموما بكرى دا موجود وممكن تطمئن امه تقول ليها شافوه قبل شهر او شهرين احسن من اربعة سنوات,,,
تحياتى
| |
|
|
|
|
|
|
Re: سوداني مفقود بالسعودية منذ أربع سنوات (Re: خالد العبيد)
|
صباح الخير يا ود البوش ، والله يجيب الخير
التجمع السوداني في المفنوحة دايما في شارع العشرين
والشارع التاني الذي يقاطع العشرين في إتجاه الحراج من قلب المفنوحة
وخلال هذين الشارعين وتحديداً في محلات ( بيع أدوات الكهرباء والسباكة ) يمكن السؤال عته
لأن معظم الذين يعملون في هذا المجال بيكونوا معروفين لأصحاب المحلات دي لأن الزبائن في الغالب
بيلجأوا ليهم للسؤال عن كهربائي أو سباك .
يا الله أجمع الشمل .
| |
|
|
|
|
|
|
Re: سوداني مفقود بالسعودية منذ أربع سنوات (Re: doma)
|
الاخ عبد الله
على ما اعتقد ان احمد الجعلى اسم مبهم لان الجريف مكونة من بطاحين وعسيلات وجلعين اى زول من قبيلة الجعلين اسمه الجعلى زى السعودين ديل,,,
على حسب حدسى الولد دا عندو مشكلة هارب منها وهذه المشكلة ربما انت ملم باطرافها,,, وربما يكون متابع البوست دا,,,وسوف يواصل الهروب ربما نزح لمدينة ثانية,,
ما دام هو حى الحمد لله,,دا براه يكفى,,حاول صبر امه بما يمكن الى ان يقضى الله امرا كان مفعولا,,,,
| |
|
|
|
|
|
|
Re: سوداني مفقود بالسعودية منذ أربع سنوات (Re: فتحي الصديق)
|
ود البوش دعواتنا بان يجمع الله بكري بوالدته ,,,
الاخوة الكرام ,, الغاضبين على الابن بكري ,, اتمنى ان تكتموا غضبكم الان لان الغائب عذر معه ,,
واحتراما لمشاعر اسرته وذويه ,,,
ركزوا الان مجهودكم خاصة المغتربين في السعودية في البحث , واكثروا الدعاء له بان يعود له سالما غانما ,,
| |
|
|
|
|
|
|
Re: سوداني مفقود بالسعودية منذ أربع سنوات (Re: عمار عبدالله عبدالرحمن)
|
انا شخصيا لن اكتم غضبي لانني مررت بتجربه مماثله والله لا وراكم العذاب الضقته ولا الالم الشفتوعلي مدي 10 شهور حسبتها ليله ليله ساعه ساعه ثانيه ثانيه النوم البشيل الناس ما بشيلني الا لدقائق معدوده اصحو مخلوعه النار شوت لحمي وعضمي ومهما احكي ليكم ما ممكن تتصوروا كيف يكون عذاب الام لما يكون المصير مجهول اخير البموت وبندفن لانك بتكون مطمئن انه مشي في سبيل الاولين والاخرين
| |
|
|
|
|
|
|
Re: سوداني مفقود بالسعودية منذ أربع سنوات (Re: doma)
|
Quote: انا شخصيا لن اكتم غضبي لانني مررت بتجربه مماثله والله لا وراكم العذاب الضقته ولا الالم الشفتوعلي مدي 10 شهور حسبتها ليله ليله ساعه ساعه ثانيه ثانيه النوم البشيل الناس ما بشيلني الا لدقائق معدوده اصحو مخلوعه النار شوت لحمي وعضمي ومهما احكي ليكم ما ممكن تتصوروا كيف يكون عذاب الام لما يكون المصير مجهول اخير البموت وبندفن لانك بتكون مطمئن انه مشي في سبيل الاولين والاخرين
|
معليش يا شباب اكسر الترتيب وارد على خالتكن الجميلة زينب DOMA حقيقة لايعرف احاسيس الام الا الام وفي هذا الموقف نفس شعور خالتكن زينب اعلاه عند خالتكن بخيتة ام بكري ولذلك اختي زينب انت ام بكري وغضب الام عارفين حدو ومداه دعواتك الصادقة تقديري واحترامي الذي تعلمين
| |
|
|
|
|
|
|
Re: سوداني مفقود بالسعودية منذ أربع سنوات (Re: الصادق صديق سلمان)
|
أخي العزيز الصادقQuote: مافي جديد؟؟؟
متابعين بكل احساسينا معاكم ولو كنت في الرياض كان لميت ليك في الجعلي لأنو قبيلتنا عندها دار في منفوحة في تقاطع شارع آل فريان مع شارع منفوحة العام تقريباً.
|
اشكرك لمتابعتك واهتمامك الشديد بالموضوع واعرف انه يهمك جدا . لاتوجد تطورات جديدة في الموضوع غير اننا في بحث دؤوب عن احمد الجعلي مفتاح الفرج وبعد صلاة الجمعة مباشرة سوف انتقل الى هناك بمنفوحة لاقضي كل اليوم هناك بهدف الوصول للاخ احمد الجعلي
| |
|
|
|
|
|
|
Re: سوداني مفقود بالسعودية منذ أربع سنوات (Re: جلال جبريل)
|
ااخي ود البوش
الله يجمع شملكم بركة الجمعة الجامعة والكلمة السامعة
انا في السودان هذه الايام وياريت لوكنت في السعودية لكنت قدمت ماتريد من مساعدة
ما شايف مركز على البحث بالطرق القانونية
جوزات _ سفارة ـ كفيل
اتمنى ان نسمع نهاية الموضوع بخبر مفرح
خالد العطا بورسودان
| |
|
|
|
|
|
|
Re: سوداني مفقود بالسعودية منذ أربع سنوات (Re: البدري عبد الله)
|
Quote: إن كانت اختفاء بكري بسبب مشاكل يعاني منها في أي مكان ... .وكان في إمكانكم حل هذه المشكلات .... جربو حل المشكلات ... وسيعود ويظهر بدون مجهود إن علم أن المشاكل قد حلت ....
|
هانى دا قال كلام ياود البوش الرجاء النظر فيه بتمعن,,خصوصا ان المفقود لا يعانى من امراض عقلية ورجل ناجح فى عمله الحر , يعنى زول بملك القرش والمهنة على حسب الذين يعرفونه اذن هنالك مشكلة دعت الى الاختفاء,,, لكن انا بقول ليه وجودك فى المملكة هو نفسه اختفاء عن المشكلة اذا كانت فى السودان,,طيب ما ذنب امك المسكينة,,اتصل عليها فقط ممكن ان تضع تلفون والدته,,,انا على ثقة سوف يتصل بها هذه وجهة نظر فقط
| |
|
|
|
|
|
|
Re: سوداني مفقود بالسعودية منذ أربع سنوات (Re: abuguta)
|
Quote: : إن كانت اختفاء بكري بسبب مشاكل يعاني منها في أي مكان ... .وكان في إمكانكم حل هذه المشكلات .... جربو حل المشكلات ... وسيعود ويظهر بدون مجهود إن علم أن المشاكل قد حلت ....
هانى دا قال كلام ياود البوش الرجاء النظر فيه بتمعن,,خصوصا ان المفقود لا يعانى من امراض عقلية ورجل ناجح فى عمله الحر , يعنى زول بملك القرش والمهنة على حسب الذين يعرفونه اذن هنالك مشكلة دعت الى الاختفاء,,, لكن انا بقول ليه وجودك فى المملكة هو نفسه اختفاء عن المشكلة اذا كانت فى السودان,,طيب ما ذنب امك المسكينة,,اتصل عليها فقط ممكن ان تضع تلفون والدته,,,انا على ثقة سوف يتصل بها هذه وجهة نظر فقط |
| |
|
|
|
|
|
|
Re: سوداني مفقود بالسعودية منذ أربع سنوات (Re: الصادق صديق سلمان)
|
Quote: الكلام المكتوب في الاقامة دا كلام ما مطمئن معناها الزول دا ما جدد اقامتو ليهو زمن طويل قرابة الـ 7 سنوات أو أكثر |
فعلا أخي الصادق الوضع محبط نظاميا لايمكن عمل شئ لان الكفيل أخلى طرفه تماما بعد ان سلمه خطاب نقل الكفالة مع الجواز . .
Quote: إنشاء الله تكون قدرت تصل لي احمد الجعلي |
خلينا نبتسم وسط ركام الاحزان قاليك خرج مارد من قلة جرها اداروب من البحر الاحمر المارد : شبيك لبيك تمنى وانا الخدام ادروب : كبري سواكن جدة تسوي المارد : ياخي دي حاجة صعبة قول حاجة تانية ادروب : حكومة الانقاذ تقلب المارد : قلت لي الكبري من وين لي وين ؟
| |
|
|
|
|
|
|
Re: سوداني مفقود بالسعودية منذ أربع سنوات (Re: Hani Arabi Mohamed)
|
عبدالله ..ٍسلامات ..
Quote: فعلا أخي الصادق الوضع محبط نظاميا لايمكن عمل شئ لان الكفيل أخلى طرفه تماما بعد ان سلمه خطاب نقل الكفالة مع الجواز |
اعتقد هنا مربط الفرس ..الاخ بكري متخلف قانونياً لذلك خافي نفسه عن الانظار ..ولكن مالذي يجعله مختفي عن اهله ووالدته ؟!!
نسأل الله ان يكون بخير ويعود الى اهله سالماً وتطمئن والدته عليه ..
| |
|
|
|
|
|
|
Re: سوداني مفقود بالسعودية منذ أربع سنوات (Re: Hani Arabi Mohamed)
|
ود البوش والمعاهو :
لاتدلو بمعلومة هنا قبل النتيجة النهائية // يعني لامن تلمو فيهو
في يدكم تعالو أدونا البشارة..
وإن قنعتو تب من الشغلانة تعالو ورونا النتيجة ...
خلاف ذلك أي كلام تكتبوهو سواء ً كان رأي أو إقتراح
فسيأتي بنتائج عكسية (بإعتبار أن هذا الرجل مخالف)
وأرجو منك ياود البوش إخفاء رقم الإقامة من الصورة
..... تحفظوا أو عليكم بالخاص إن دعت الضرورة
| |
|
|
|
|
|
|
Re: سوداني مفقود بالسعودية منذ أربع سنوات (Re: جلال جبريل)
|
الاخ ود البوش والمتداخلين اعلاه,,,
برنامج مقيم ما ظنيتو بعمل update ,,,وممكن شخص يكون ملتزم بالتجديد
لكن لو عاوز تتاكد اكثر اعمل print برغم الاقامة بتقدر تتحصل على كل معلومة,,,هل هو مجدد ام لا هل الاقامة عليها بلاغ م لا جوازك معاك ولا مش معاك هنالك مكاتب بتجدد الاقامات,, خلينى اتاكد لك اكثر.,من المقب حقنا او مكتب خدمات
| |
|
|
|
|
|
|
Re: سوداني مفقود بالسعودية منذ أربع سنوات (Re: abuguta)
|
Quote: ود البوش والمعاهو :
لاتدلو بمعلومة هنا قبل النتيجة النهائية // يعني لامن تلمو فيهو
في يدكم تعالو أدونا البشارة..
وإن قنعتو تب من الشغلانة تعالو ورونا النتيجة ... |
شكرا جزيلا دا كلام سليم وساعدونا بالدعاء
| |
|
|
|
|
|
|
Re: سوداني مفقود بالسعودية منذ أربع سنوات (Re: abuguta)
|
الأخ ود البوش وضيوفه الأكارم .. تحية طيبة أسأل الله أن يكلل مجهوداتكم بالتوفيق وأن يعيده سالما معافى لذويه ووالدته الصابرة ..
من واقع بيانات المذكور بموقع مقيم من الواضح أنه لم يقم بأي إجراء حكومي خلال الفترة من 10/10/1423 وحتى الآن .. لأن تحديث هذه الصفحة يتم تلقائيا عند إجراء أي معاملة في الجوازات مثل تجديد الإقامة أو طلب تأشيرة أو نقل كفالة أو طلب رخصة قيادة أو تجديد استمارة أو التعرض لحادث أو الترحيل أو الحبس أو الوفاة لا سمح الله .. حتى كفيله لم يقدم ضده بلاغ هروب طيلة هذه الفترة وإلا كان ظهر بصفحته أعلاه مما يعني أنه والحمد لله حي يرزق وبصحة جيدة وحر طليق بمعنى أنه لم يتم حبسه.. شخص بمثل هذه الحالة أعتقد انه لا يمكن يكون موجود في مدينة كبيرة مثل الرياض يتعرض فيها الانسان للمشاكل والمساءلات بشكل يومي تقريبا .. لذلك أرى ضرورة التركيز على مدينة الخرج لأنها مدينة صغيرة ونسبة التعرض للمشاكل أو المواقف التي تستدعي مرورك على الجهات الحكومية والجوازات أقل من الرياض .. وطالما أنه كان موجود في الخرج فلا أعتقد أنه قد خرج منها باقامته المنتهية دي ...
أكرر دعواتي الصادقة لكم بالتوفيق وربنا يجمع الشمل وأنا مقيم في الرياض وعلى استعداد تام لأي مساعدة
تحياتي وربنا يعينكم ...
| |
|
|
|
|
|
|
|