|
Re: ماهو اسم(شيخ غازي صلاح الدين العتباني) الخلى (ادريس دبي) خاتم في صباعه!!توجد جوائز! (Re: Tragie Mustafa)
|
وبالمناسبه دي
أكثر ناس ما بيأمنوا بالشيوخ هم اهل دارفور
رغم انه اغلب الشيوخ الخطيرين جدا من هنالك
لكنهم لا يأمنون
وكل منهم يعتقد بانه شيخ نفسه.....لذا للاسف كل الشتات الذي تعاني منه هذه الحركات
هو نتائج لهذه الافعال الشيطانيه.
علي عثمان
على فكره كان اشرف مائة مره في مفاواضته مع الجنوبين في نيفاشا!
فلم يلجأ لمثل هذه الحيل الشيطانيه....اما مجذوب الخليفه.....
(يا ترى حستكتونا باذكروا حسنات موتاكم؟؟!!) كان اخطرهم
ويروي لي حضور من ابوجا انه ايام توقيع مناوي كان مجذوب الخليفه
يخرج من قاعى المفاوضات ويعمل فيها بيمازحهم ويهديهم تمر!!
قال بعضهم انهم شهدوا مناوي يطعمه محذوب في فمه...وطبعا مناوي المسكين
كدارفوري اطرش اعتقد هذا كرم جلابي....ويستحي من الحاح الرجل فاكل التمر!!
ومنو وقتها عينك ما تشوف الا النور لم يتمكن من النوم مدى يومين!!
بعض رفاقه حدوثني...بانهم لم يكنوا يعتقدون به شيئا...ولكن سبحان الله نفوسهم رفضته
ولم يأكلونه....والقوا به بعيدا....وكانوا هم القلة التي رفضت ابوجا تماما
وانشقت وظلت وفيه لمبادي حركة التحرير ولكنها رافضه لابوجا!!
وها قد دخل مناوي (مبكم وملجم) وهو لا زال تحت تأثير سحرهم المتجدد للاسف كل يوم!!
| |
|
|
|
|
|
|
Re: ماهو اسم(شيخ غازي صلاح الدين العتباني) الخلى (ادريس دبي) خاتم في صباعه!!توجد جوائز! (Re: أمين محمد سليمان)
|
امين سلام
Quote:
سلام يا تراجي السحر موجود و معلوم و مذكور في القران ، لكن تحليل الأحداث السياسيه و تفسيرها علي هذا النهج تسطيح ما بعده تسطيح لقضايا حقيقيه و لمواقف اتخذها هؤلاء الساسه إما إقتناعا بانها الأسلم أو نتيجه لتعرضهم لضغوط ليس من بينها السحر !!!
|
بس خلينا نمسك فيما اثبته اولا.
الباقي....خلي في سرك.....
حسه لو حكينا لكم بحسر اليهود كل زول يجر بنبنره ويجي يتحكر في البوست ده!
اها يقال انه اليهود درسوا انور السادات جيدا وابراجه وتاريخ ميلاده واكثر ايام السنه هدؤ واكثر ايام السنه مقدره للقبول بالآخر و...و...الخ بل وجلسوا اليه في مفاوضات كامب ديفيد ومعهم خبراء متخصصين في الايحاء لك بما يفكرون فيه هم اي خبراء التنويم المعنطيسي!
وكل هذا حتى وقع كامب ديفيد!!
اها كلام زي ده بيقع لكم في جرح طبعا كعروبين مش كده؟؟؟!!
اها اقعدوا كده اتفرجوا لما يهون لينا الله طريق ونصل لكم لفقرا اورشليم عشان تآمنوا(هههههههه)
| |
|
|
|
|
|
|
Re: ماهو اسم(شيخ غازي صلاح الدين العتباني) الخلى (ادريس دبي) خاتم في صباعه!!توجد جوائز! (Re: ود محجوب)
|
داخل البعض فى هذا البوست مازحا و البعض الاخر ساخرا و الكثيرون قرأوا و لم يبالوا
لكن و الشهادة لله :
فى احدى زياراتى لاحدى الدول الشر اوسطية التقيت أحد اصدقاء والدى "شيخ معروف" على مستوى السودان
و أنا التقيته بحكم تلكم العلاقة و مكث معى يومبن فى مكان اقامتى . اكد لى هذا الشيخ ان معظم اعضاء
الحكومة و ذكر لى أسما من ضمنها التى وردت فى قائمة تراجى انهم يآتون اليه فى بيته فى الخرطوم
و "يبركون" له و يطلبون منه ان يعمل لهم أعمالا كثيرة من ضمنها تركيع و البطض بالمعارضة
فما اريد ان اقوله ان ما ذهبت اليه تراجى واقع فى السودان على كافة المستويات .
| |
|
|
|
|
|
|
Re: ماهو اسم(شيخ غازي صلاح الدين العتباني) الخلى (ادريس دبي) خاتم في صباعه!!توجد جوائز! (Re: Galaleldin Abdalla)
|
أسمع يا جلال الدين
وأقرا جيدا ماذا كتبت اولا انا للنطحيه من امثالك:
Quote: وعلى فكره نوع هذه الكتابات لما نكتبها الهدف منها ليس الترويج لهؤلاء الشيوخ وانما:
اولا: لاطلاع ابناء شعبنا عن بؤس العقليه التي تدير بلادنا. وعدم ترددها عن فعل اي شيء في سبيل اهدافها
وثانيا: لنوضح للكيزان نحن كاشفين كل عمايلهم وعارفين خطواتهم كلها!
وثالثا:
للنقنع الاخوة الفرقاء بالمعارضه ان يلتمسوا الاعذار لبعضهم عندما يشتد الخلاف لانه ليس خلاف طبيعي وانما بفعل شيطاني ! (عدل بواسطة Tragie Mustafa on 23-05-2010, 03:31 ص
|
يبقى انا لا احتاج درس العصر بتاعك ده هذا وقع لك؟؟؟
Quote: What the hell you talking about
its 2010 wakeup
Taragie |
بعدين حدد منطلقاتك مؤمن انت باي كتاب اولا ولا عامل غير مؤمن؟؟؟
عشان يوجد منطق لكل فلسفه.....وعلى فكره القوى الخارقه عرفها الجميع
وتسمى بعلم الاجتماع(الميتافيزقس) يعني الظواهر التي ليس لها تفسير
فما بترينا ساي.OK
| |
|
|
|
|
|
|
Re: ماهو اسم(شيخ غازي صلاح الدين العتباني) الخلى (ادريس دبي) خاتم في صباعه!!توجد جوائز! (Re: Tragie Mustafa)
|
أستاذة تراجي مصطفي أختنا المناضلة التي بكندا ليك الود وأكيد التحية وخالص التقدير ,,,
*بعد بوست صديق مهدي إياه ........ على أى حال ماحنجيب السيرة المهم الشيخ ما بختلفوا فيهو أتنين أسمو ( أنكل جورج أب صلعة ) ورق جديد اخدر فئة 100 الكمية منهم تحّل من حبل المشنقة لو عوزة , وتخلى القلوب القاسية تلين , تقرب البعيد وتحقق المراد ما سمعتي بالشيخ ده وحات الله مجرب ولقبوا شيخ دولار وسروا باتع .... وما تقولى لى ادريس ود ديبي مكتفي وبائع البترول لفرنسا ومزبط حالو أبدا شيخنا ده حكمتو كل ما زاد عندك عطشته تزيدوا أصلوا ما بتكتفي منو ولا بتشبع
الجماعة عرفوا الخاصية البشرية دي ومستخدمنها على خير وجه دول ورؤساء وزعماء وأحزاب ومعارضين وووووووووووووووو
دي الحكاية ما اكتر يلا في الماسنجر حسابي بتاع العملة الحرة واسم البنك رسلى المائة دولار زي ما قال المثل أتداخلوا اخوان واتحاسبو تجار
ليك التحية
| |
|
|
|
|
|
|
Re: ماهو اسم(شيخ غازي صلاح الدين العتباني) الخلى (ادريس دبي) خاتم في صباعه!!توجد جوائز! (Re: Galaleldin Abdalla)
|
يا الطيب رحمه
انهم دجلاين الجلابه لا تهتم لهم
يعملوا فيها بيتضحكوا علينا ويهرجوا وهم كلهم يا ابناء شيوخ لا باركين لشيوخ!
غاظهم ان بدنا نكتب عن حركاتهم علني.....
Quote: داخل البعض فى هذا البوست مازحا و البعض الاخر ساخرا و الكثيرون قرأوا و لم يبالوا
لكن و الشهادة لله :
فى احدى زياراتى لاحدى الدول الشر اوسطية التقيت أحد اصدقاء والدى "شيخ معروف" على
مستوى السودان و أنا التقيته بحكم تلكم العلاقة و مكث معى يومبن فى مكان اقامتى .
اكد لى هذا الشيخ ان معظم اعضاء
الحكومة و ذكر لى أسما من ضمنها التى وردت فى قائمة تراجى انهم يآتون اليه فى بيته
فى الخرطوم و "يبركون" له و يطلبون منه ان يعمل لهم أعمالا كثيرة من ضمنها تركيع و
البطض بالمعارضة فما اريد ان اقوله ان ما ذهبت اليه تراجى واقع فى السودان على كافة
المستويات . |
قلت لك يا الطيب...هذا مؤكد حالهم وما تراشق صبيتهم هنا الا لصرف الانظار عن كيف يديرون دولتنا!
باركين كل الناس ديل وحيبركوا لسه.....ولو جبنا ليهم سيرة احاديث صوالينهم لانخلعوا.
يقوموا بلا نفاق معاهم.
| |
|
|
|
|
|
|
Re: ماهو اسم(شيخ غازي صلاح الدين العتباني) الخلى (ادريس دبي) خاتم في صباعه!!توجد جوائز! (Re: عماد موسى محمد)
|
عماد يا انصاري السنه الجهوي كيفنك؟؟؟
يا اخي انت ما بتختشي لو بتعرف الله و الرسول بحق فما قلت ما تقوله في اهل دارفور نحن هينين تقابل الله بنفاقك وعنصريتك دي كيف
ولا تنسى انه يعلم ما بالصدور ما تبتفكر عنصريتك خفيه علينا والا لو انت انصاري سنه بحق لعرفت مظالم اهل دارفور لكن خليكم غاشين ورحكم باسرائيل مش كده؟؟
Quote: إقرار بالهزيمة و"إسقاط" لإنهيار الأحزاب وسحقهابتبريرات ساذجة.. كان من الأفضل اعتماد العلمية في سبر غور الهزيمة لعرمان/الشرق/الأحزاب... ولكن الاكتفاء بمثل هذه الترهات هزيمتان: هزيمة سياسية وهزيمة نفسية داخلية... السحر والربط والدجل في سوداننا موجود كالهم في القلب ولكن..ماهكذا تورد الإبل أبعدَ ذات "الموز" تريدون "ذاتا "أخرى |
نريد ذاتا الفكي الخلا ادريس دبي خاتم في صباع غازي عتباني عندك اجابه ولا تتخارج نوشف غيرك؟؟؟
هكذا تورد الابل و الغنم ذاتها يا شيخنا!
| |
|
|
|
|
|
|
Re: ماهو اسم(شيخ غازي صلاح الدين العتباني) الخلى (ادريس دبي) خاتم في صباعه!!توجد جوائز! (Re: عبد الناصر الخطيب)
|
Quote: قبل كم رمضان يا عصام في المدينة المنورة صادفتني حاجة دارفورية كبيرة في سنها بتبكي بحرقة بتدعي على عمر البشير دعى حرقه جاء سوداني ماري جلابية وعمه وشال وتشوف القبه تقول تحته فكى كل تعليقوا على المشهد انها تشادية والزيهم ده الكرهم السودان ....... أتخيل ده إنطباعوا عن الشي الحاصل ونحنه واقفين حولها بنحاول نهدي فيها ونتعاطف معاها ...... يا عصام الظلم ظلمات ما شي بضحك خلق الله |
الظلم ظلمات إلي يوم الدين و دعوت المظلومة مستجابة بإذن الله إن كانت تشادية أم سودانية
| |
|
|
|
|
|
|
Re: ماهو اسم(شيخ غازي صلاح الدين العتباني) الخلى (ادريس دبي) خاتم في صباعه!!توجد جوائز! (Re: على تاج الدين على)
|
والله ياتراجي الليلة جبتي خبرية.. الناس ديل لو فعلا بعملو اللقوايس دي فلازم تتعمل ليهم مضادات علي طريقة ( الفاتح).. الفاتح ده يا تراجي شخصية حقيقية وكان ترزي في احد مدن غرب السودان الشهيرة وكان رجلا ذو لخبطة عالية وبتاع كركبات مع كل اهل تلك المدينة وبتاع مشاكل في الحفلات وبتاع كلو... اها بعد سنين طويلة لقيتو في مدني..وقلت ليهو شنو ياخي انت خليت البلد دييييييك ولاشنو..؟؟ قال لي يا زول ناس البلد ديك جابو لي فكي عمل لي حاجة اسمها اذا زلزلت وطفشوني من البلد.. ولكن ما تشيل هم انا حسع مبرك لي فكي من ناس دار صباح ديل لووووول وقاعد يكتب لي في لوح ابن لذينة كده اسمو (قد جااااكم) وقت ما ينتهي من اللوح ده واشربو ح ارجع ليهم تاني هناك اطلع ميتينهم ----------------- فعشان كده الحل للمصيبة الجبيتها دي في لوح قد جاااااكم ده يفرطق ليهم لقاويسهم دي في راسهم... ----------------------- انا شخصيا ما قاعد اومن بالحاجات دي ولكن الشاهد بان احد الفقراء التندل في منطقة مايرنو قد اهداه احد الناس الكبااااااار في الشغلانة الحكومية دي عربية سعرها ممكن زي ديشليون جنيه كده والعربية دي لافة الشوارع بتاعة المنطقة ديك وممكن اي زول يشوفها
| |
|
|
|
|
|
|
Re: ماهو اسم(شيخ غازي صلاح الدين العتباني) الخلى (ادريس دبي) خاتم في صباعه!!توجد جوائز! (Re: عبدالكريم الامين احمد)
|
Quote: جاء سوداني ماري جلابية وعمه وشال وتشوف القبه تقول تحته فكى كل تعليقوا على المشهد انها تشادية والزيهم ده الكرهم السودان ....... أتخيل ده إنطباعوا عن الشي الحاصل ونحنه واقفين حولها بنحاول نهدي فيها ونتعاطف معاها ...... يا عصام الظلم ظلمات ما شي بضحك خلق الله
ما عارف ليه ذكرتني الزول ده و بتمني تتذكر انك بتخاطب في اخت سودانية بنحمل ليها كل إعزاز وتقدير أتفقنا ولا اختلفنا معاها برضوا بنقدره وبنهذب لغتنا في حضرته
|
شكرا ليك الأخ عبدالناصر وتحياتى للأخت العزيزه تراجى.
لا يمكن لأحد فى السودان أن ينكر الواقع الذى يعايشه الجميع بوجود الفكى..الشيخ..الكجور..العمل..البخره..عرق المحبه..الأنطون..العلقه ..التحويط...الخ.
فى إحدى زياراتي للسعوديه وفى لقاء مع بعض الإخوه السعوديين طلبوا منى أن أدلهم على شيخ كارب فى السودان ليذهبوا اليه بعد أن سردوا لى بعض تجاربهم الشخصيه والتى أقنعتهم بالسر الباتع لشيوخ السودان.
ربنا يضع سره فى أضعف خلقه.
| |
|
|
|
|
|
|
Re: ماهو اسم(شيخ غازي صلاح الدين العتباني) الخلى (ادريس دبي) خاتم في صباعه!!توجد جوائز! (Re: adam khatir)
|
آدم خاطر
(ههههههه) يدعوا لقطع لسان امثالي(هههههه)
ومحمد الامين يدعوا لتكحيلي بالشطه(هههههههه)
عالم وهم يا صبية المؤتمر الوطني
Quote: انت ما تبقى على واحد الفقراء ام المال والاغراء !
والمشكلة فى من يدفع أم من يقبض ؟
عندما كان هؤلاء يفعلوا ما يفعلون بدولهم واهلهم لاشى يغض
مضجعك ولكن تبدل الحال جعل لك نحيب , لماذا لا يدعوا الاخرين
بقطع لسان امثالك فيما أصاب من بلوى ولكننا دائما
نسأل الله الهداية لنا ولغيرنا ! |
آمين يا آدم خاطر وربنا يهيدك لترى الحق حقا وتتبعه
وترى الباطل باطلا وتجتنبه!
| |
|
|
|
|
|
|
Re: ماهو اسم(شيخ غازي صلاح الدين العتباني) الخلى (ادريس دبي) خاتم في صباعه!!توجد جوائز! (Re: Tragie Mustafa)
|
تحياتي أختي تراجي.
السحرة الشيطانيون المتظاهرون بأنهم شيوخ تصوف وأولياء ذوي كرامات تخدمهم الشياطين بعد أن يدفعوا ثمن ذلك وهو إهانة القرآن برميه في النجاسة أو كتابته بالنجاسة، والإنقاذ يخدمها إبليس نفسه وقد جلب عليها بخيله ورجله لأنهافعلت ما هو شر من رمي المصحف في النجاسات فقد رمت الإسلام بكامله في القاذورات والنجاسات، ادعت أنها تحكم بشرع الله ثم سفكت دماء الأبرياء وسخرت الدين لأجل الدنيا وأفسدت الأخلاق فلا عجب أن تبناها عبدة الشيطان وأصحاب السفلي وأيدوها بكل ما في وسعهم ولاعجب أن تباهى السحرة بأنهم قدموا الخدمات للإنقاذ، وقد سبق الإنقاذ في ذلك صدام حسين الذي كتب المصحف كاملا بدمه النجس فانظري كيف كانت نهايته وهي إنشاء الله نهاية كل الظالمين.
| |
|
|
|
|
|
|
|