|
|
 هي اهانة من الشعب السوداني لنا .... ليس الا ..!!!
|
صورة اولى :
المكان بقلب العاصمة الكورية الجنوبية سوول
عربة رئاسية وبعض الموتورسايكلات تسبقها
تنحرف بشارع جانبي من شارع ايتوان
تم تسليم مدير الشركة السوداني نوط رفيع يعبر
عن شكر الشعب الكوري لذلك السوداني
الوسام من الدرجة الاولى ممهور بتوقيع الرئيس الكوري
تكريم ولا أعظم تكريم
مثل ما كرمته بلاده (توجد رمزية هنا)
بغرفة بحوش الخليفة
بعد طمس معالمه
ومحاولة محيه
ليس من خارطة بلاده
ولكن من كل الدنيا
وتجريده !!!
ليس من الاوسمة
ولا جدارته
ولكن محاولة تجريد
اسمه
وفكره
وحياته .... ليموت موتا بطيئا
فهل سيموت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
|
 
|
|
|
|
|
|
|
|
Re: هي اهانة من الشعب السوداني لنا .... ليس الا ..!!! (Re: توفيق عيسى مكي)
|
صورة ثانية :
صاحت الحجة بتول في اولادها بعد صلاة الفجر مباشرة
بأن اليوم ليس ككل يوم ..
أفهمتهم بانها اليوم عازمة صويحباتها وحبايبها من الجيران
والاهل وكل من تعرف مكانه من صديقاتها
صاحت فيهم معلنة حالة الطوارئ والاستنفار القصوى
فهي لا تريد اي نقص خصوصا عائشة ونفيسة جايات وديل حكاية ...
وقف امامها ولديها الذين لا يبخلون عليها بشئ
عصام ومحمد ...
قالا لها ماتشيلي هم من اللحظة اعتبري كل شئ جاهز
وبطريقة عملية خرج الابن محمد من البيت متوجها لزريبة المواشي
واشترى لها خروف وجاء ومعه الجزار وفي السكة غشي سوق
الخضار وملأ البوكس بكل الخضروات التي استطاع ان يحملها
وايضا لم ينس ان يستأذن من الشغل اليوم فست الحبايب طلبت
وكله يهون حتى العمل المهم يهون طالما طلبت بعكس الابن
عصام لم يهتم فهو فالح في البكش والكلام الحلو البيجعل ست
الحبايب تحبه حبا غير محدود المهم عصام ركب شيارته الفارهة
ومشى الشغل ومع زحمة الشغل نسى حتى اسمه دعك من امه
وهنا الابن محمد جاء بالطباخ حتى لا تتعب الام واخواته وحضر من
الدكان كل ما يلزم للوليمة وكان يجري يسابق الزمن وابدا لم ينسى شيئا
حتى الفاكهة والتحلية بجميع انواعها حتى جاء ميعاد قدوم صاحبات
وصديقات امه كاد ان ينهار من شدة التعب لكن في جواه سعادة قوته
فقد انجز المهمة على اكمل وجه
اما عصام وعند عودته فجأة تذكر والدته وامر الوليمة وكان قد قرب ان يصل للبيت
فما كان منه الا وان اشترى دجااااااااااااجة من اقرب حلواني وأتى بها
كانت الام تتحدث بزهو بين صديقاتها
فعلا ابناءها فتحوا وجهها وعزوها
وارادت ان تتباها بهم معلقة قائلة
والله لولا دجاجة عصاااااااااااااااااااااام كنت ما عارفة حاعمل شنو
الله يخليه لي
صحي اجمل حاجة معزة الولد لي امه
كان عصام ومحمد يقفون ويسمعان
فرح عصام ....
ومحمد قال في سره ............
| |
|
|
|
|
|
|
|
|
|
Re: هي اهانة من الشعب السوداني لنا .... ليس الا ..!!! (Re: توفيق عيسى مكي)
|
اولاد هذه البقرة
اي اولاد هذه القبيلة المعطاءة
اي ابناء هذا البيت العتيق
وعلى مر العصور الفائتة
نيف وسبعون عاما .....
عمر ما ابتدأت هذه الحقارة
بدأها الامام الانصاريالذي كان
من خلال هذا البيت يجتمع ويخطط ويخاطب الجماهير
وأستمرت الحقارة ...
لا يعقل .....او يصدق ... ولا يمكن تخيل ...
ان لا تنجب هذه البقرة ((النهر الخالد))
شخصا واحدا !!!!!!!!!!!!!!!!!!!
تثقون فيه لتوكل له ثقره من بلادي
او مسؤلية ....!!!!!!
لا يوجد من هذه الالاف من الاحفاد
من تقلد منصبا دستوريا
نحت كل فكري ....
ولا أحد ....
لا يوجد في اسرتنا وعلى مر عصورنا
بعد امارة الامير المنسي من شعب جائر
من صار وزيرا ... او برلمانيا .... او تنفيذيا .....
او حتى ضابط مجلس !!!!!!!!!!!!!!!!!!!!!
يااااااااااا جورك يا وطني
| |
|
|
|
|
|
|
|
|
|
Re: هي اهانة من الشعب السوداني لنا .... ليس الا ..!!! (Re: توفيق عيسى مكي)
|
اوليس هذا البيت تكونت فيه
تسعة ما بين حزب واتحاد ومركز علم وخريج
اوليس هذا النهر الخالد منارة سياسية على
من بعد الاستقلال والى اليوم
يا جور هذا الشعب الذي لا يحفظ الجميل !!!!!!!!!!
كيف وهو الذي انجب المناضلتين
زكية مكي .. وعزيزة مكي
وهو الذي انجب منشئ الحركة الاسلامية
الشيخ عيسى مكي
وهو الذي انجب من لم شمل شباب الانصار
بامر الامام الاستاذ عثمان مكي
ومنارات العلم التي انارها
ااااال مكي
الا يكفي الان ؟؟؟؟؟؟؟؟؟؟؟
بروف معذ وبروف أمل
الا يسدان عين الشمس
| |
|
|
|
|
|
|
|
|
|
Re: هي اهانة من الشعب السوداني لنا .... ليس الا ..!!! (Re: توفيق عيسى مكي)
|
الاخ توفيق عيسى مكى ... خالص التحيات
مع كل الاحترام والتقدير لاسرتكم العريقة والمصونة لكن ياتوفيق الشعب السودانى من وين ولا وين يعين واحد من هذه الاسرة العريقة كوزير او غيره ؟؟؟؟ يعنى اسه هنا فى الحتة دى تحديدا الشعب السودانى ذنبو شنو ؟؟؟؟
واسه انا كواحد من الشعب السودانى ما كان عندى ادنى فكرة انكم قاعدين تتعرضو للمظلمة العظيمة دى !!!ومن محلى ده اسال الله انكم كلكم تبقوا فى مراتب عالية جدا وظيفيا يعنى من وزير لى فوق وان شاء الله الشعب السودانى كلو يدعو ليكم ...
| |
|
|
|
|
|
|
|
|
|
Re: هي اهانة من الشعب السوداني لنا .... ليس الا ..!!! (Re: خالد احمد محمد)
|
| Quote: يا جور هذا الشعب الذي لا يحفظ الجميل !!!!!!!!!! |
| Quote: كفاية حقارة يا شعب !!!!!!!!!!! |
يا زول كلامك دا مقبول أبداً
هي الوزارة دي في يد الشعب علشان إديها لي اللي عايزها ؟؟
إنت و غيرك عارف كويس الوزارات منو اللي بوزعها أمشي قول ليهم الكلام دا و خلي الشعب في حالو
دي نغمة جديدة كمان يعني الوزارات إوزعوها حسب الحيشان ؟؟؟
إنت يا خوي كنت نائم مع أهل الكهف و لا شنو ؟؟؟
و حتى لو الوزارات بوزعها الشعب إقعد إحسب الحيشان و إفصل لي كل حوش وزارة ؟؟؟
يا زول إنت جادي في كلامك دا و لا بتهظر ؟؟؟
| |
|
|
|
|
|
|
|
|
|
Re: هي اهانة من الشعب السوداني لنا .... ليس الا ..!!! (Re: توفيق عيسى مكي)
|
Quote:
الاخ توفيق عيسى مكى ... خالص التحيات
يعنى اسه هنا فى الحتة دى تحديدا الشعب السودانى ذنبو شنو ؟؟؟؟
|
اخي خالد
لحظات فقدان الثقة الغضب بيشمل
وانحن فاقدين الثقة بالشعب السوداني
لانه شعب جاحد ليس الا ... والحكومات جزء ضئيل من الشعب
ومرت حكومات كثيرة في بلدكم دي ما لقينا فيها الا اسوأ معاملة
كلامي ده انا متأكد لو اهلي عرفوه لن يغفروه لي
لكن الضقتو انا بيخليني ابقى مشكلة للامة الماحسبتها صااااح دي
Quote:
واسه انا كواحد من الشعب السودانى ما كان عندى ادنى فكرة
انكم قاعدين تتعرضو للمظلمة العظيمة دى |
يا ابوي الزيك ملايين وما عليكم لوم
سهل التطبيل للعندو القلم والسوط ... صعب شكر من صنع القلم
سهل الهتاف لصلاح ادريس رئيس الهلال ... صعب شكر من صنع الهلال
يا امة اختونا .... يا نموت ... يا نصلحها ...
Quote:
اسال الله انكم كلكم تبقوا فى مراتب عالية جدا وظيفيا يعنى من وزير لى فوق وان شاء الله الشعب السودانى كلو يدعو ليكم ... |
وده دليل انه ما في زول عارفنا
اما الشعب السوداني ده شعب ....
| |
|
|
|
|
|
|
|
|
|
Re: هي اهانة من الشعب السوداني لنا .... ليس الا ..!!! (Re: توفيق عيسى مكي)
|
| Quote: ومرت حكومات كثيرة في بلدكم دي |
إنت وقت بقيت تقول عليها بلدكم عايز منها شنو ؟؟؟
و الله اليومين ديل الناس اللي بتشرب شاي بي لبن و تجي تطرش لينا هنا كتيرين
فيا من تخاطب السودانين ببلدكم دي إتخارج لحدي ما تفك و بعدين تعال أكتب
Quote: يا سادة الوزارة وما شابهها ما بتسوى عندنا
ظفر في رجل نملة |
إذا ما بتسوى الوزارة و ما شابهها عندكم الكلام دا كلو ليه
عايزين قروش ؟؟؟
اها قول عايزين شنو بالواضح علشان ما كل ما نجيك بي حتة تقوم تزوغ
قول بالواااااااااااااااااااااااضح عايزين شنو ؟؟؟
| |
|
|
|
|
|
|
|
|
|
Re: هي اهانة من الشعب السوداني لنا .... ليس الا ..!!! (Re: ABUHUSSEIN)
|
الاخ توفيق عيسي مكي..
لك التحايا والتقدير ..
قريت ردك على الاخ خالد احمد محمد وابو حسين .. ولقيت وصفك للأسرة الكريمة بالجمع
وإنكم بتطالبوا برد إعتبار على الأقل وتقدير ..
الشئ الما فهمتو هل بتتكلم بإعتباركم حزب سياسي عاوز ليهو موطئ قدم في السياسة السودانية
والا بتتكلم بإعتبار انك بتشجع تولي المناصب على اعتبار البيوتات وكل بيت يشد كراع في السلطة
وإنتو عاوزين حقكم في الحتة دي !!
ــــــــــ
| |
|
|
|
|
|
|
|
|
|
Re: هي اهانة من الشعب السوداني لنا .... ليس الا ..!!! (Re: توفيق عيسى مكي)
|
Quote:
يا زول إنت جادي في كلامك دا و لا بتهظر ؟؟؟ |
يا ابو حسين بامانة كده انت شايف انا ما عندي موضوع
وفايق ورايق وجايي اتونس ....
أقرأ منهج الرايات الاربعة واتفحصه وتعال
Quote:
دي نغمة جديدة كمان يعني الوزارات إوزعوها حسب الحيشان ؟؟؟
|
بس الجديد وين ما من ما اخدنااستغلالنا
المناصب بتتقسم
ولحدي هذه اللحظة الترضيات هي منهاجنا
في تولي والولاية
Quote:
و حتى لو الوزارات بوزعها الشعب إقعد إحسب الحيشان و إفصل لي كل حوش وزارة ؟؟؟
|
غايتو ...
امكن نرضى برئيس الوزراء
عشان حقوقنا مهضومة سنين طوييييييييييييييييييييييلة
والله العظيم ... احترامي ليك شديد
| |
|
|
|
|
|
|
|
|
|
Re: هي اهانة من الشعب السوداني لنا .... ليس الا ..!!! (Re: توفيق عيسى مكي)
|
أخونا توفيق سلام من الله عليك
| Quote: والله العظيم ... احترامي ليك شديد |
يا خوي الإحترام متبادل و طالما كل واحد فينا بحترم التاني إبقى مافي عوجة
لكن بصراحة كلامك دا أعوج لأنو إنت بتطلب من الشعب السوداني شئ هو أصلاً ما بملكو
شئ تاني يا توفيق يا خوي
هل إنت بتوافق على نظام توزيع المناصب الحكومية بهذه الطريقة. ؟؟
يا توفيق يا خوي حكاية توزيع المناصب بالصورة دي هي اللي جابت لينا وزراء جهلة و وزراء لا يفهمون مهام وزارته
لو أنا و إنت وقفنا ضد هذه الممارسات التي كانت سائدة منذ الإستقلال و حتى اليوم كان حالنا إنصلح و إتقدمتنا
توفيق ليه ما نتنافس أنا و إنت و كل الشعب السوداني على كل الوزارات و الشعب تكون ليهو كامل الحرية في إختيار
الوزير الكفء الذي يدير وزارته بي مهنية و ينجز ما يتمناه منه الشعب حتى يتقدم كل وزير بوزارته و يقنع الشعب
بي إنو أحق من غيره بتولي المنصب الذي يشغله.
مطالبتك بي منصب حكومي علشان مكانة الجهة التي أنت تتحدث بإسمها سوف تفتح المجال لكل الجهات و القبائل
لتطالب بمثل ما طالبت أنت به و ستصبح كل المناصب الحكومية موزعة حسب القبائل و ليس حسب الكفاءة.
توفيق حسب ماترى أنت كم عدد الجهات و الأسر التي تستحق أن تعطى نفس الحق الذي تطالب به.
هل العدد الذي سوف تصل له هل الوزارات و كل المناصب الحكومية ستكون كافيه له ؟؟
توفيق أخوي فكر في كلامك دا كويس و ما تفكر في نفسك بس.... لكن فكر في كل الناس هل سيكون من العدل
أن تطالب كل جهة بطلب زي طلبك دا .
و الإحترام موجود يا توفيق بدون أن نقول ذلك.
تحياتي
| |
|
|
|
|
|
|
| |
توفيق عيسى مكي
ABUHUSSEIN
HAIDER ALZAIN
فيس بوك
تويتر
انستقرام
يوتيوب
بنتيريست