|
Re: يا ناس امريكا هوووى...وصلنى خطاب ال KCC وفزت باللوترى لعام 2011 !!!!! (Re: شرفى عبدالقادر)
|
الأخ شـــرفي عبد القادر
ســـلامي وتحياتي.. ألف مبروك يا حبيب ... ويتربى في عزك إن شاء الله
وصـــدقني لا تضيع هذه الفرصة فســــــوف تتغير حياتك كثيراً والكثيرين يتمنون ذلك كل الخيارات مطروحة أمامك فعليك ان تجرب .. وإذا ما نفعت معاك يمكنك الرجــــــوع للســــــودان يعني الســــــــودان ح ياكله كلب(هههههههه) ما ياهو عنده مليون سنة قاعد زي ما هو وأختم لك مداخلتي هذه بهذا المثـــل او الحكمة " ســـــويهو وأنــــدم ولا تتركه فتنـدم" تمنياتي لك بالتوفيق
| |
|
|
|
|
|
|
Re: يا ناس امريكا هوووى...وصلنى خطاب ال KCC وفزت باللوترى لعام 2011 !!!!! (Re: امير عبدالدائم)
|
لو كنت طبيب تقوم من هسع تعمل أمتحان اللغة الأنجليزية فى أى مركز امتحان أمريكى وتعمل الفيرست بارت الامريكى . وتكون مستعد للسكند بارت . وتجيب معاك فلوس تكفيك سنتين عشان ما تدخل فى أى شغل وضياع زمن . أنشاء الله لو نجحت واشتغلت فى مستشفى بعد 3 سنوات ممكن تكون حر وعندك شهادة وتكون عندك الجواز الامريكى . واحسن تشيل المعلومات دى من طبيب . .. انا افتكر ولاية منسوتا هى الولاية الاحسن للطبيب وفيها أطباء سودانيين كتار . تحياتى . وبرضو السودان السوان هو الحل
| |
|
|
|
|
|
|
Re: يا ناس امريكا هوووى...وصلنى خطاب ال KCC وفزت باللوترى لعام 2011 !!!!! (Re: Osman Musa)
|
Quote: لو كنت طبيب تقوم من هسع تعمل أمتحان اللغة الأنجليزية فى أى مركز امتحان أمريكى وتعمل الفيرست بارت الامريكى . وتكون مستعد للسكند بارت . وتجيب معاك فلوس تكفيك سنتين عشان ما تدخل فى أى شغل وضياع زمن . أنشاء الله لو نجحت واشتغلت فى مستشفى بعد 3 سنوات ممكن تكون حر وعندك شهادة وتكون عندك الجواز الامريكى . واحسن تشيل المعلومات دى من طبيب . .. انا افتكر ولاية منسوتا هى الولاية الاحسن للطبيب وفيها أطباء سودانيين كتار . تحياتى . وبرضو السودان السوان هو الحل |
****
العزيز الغالى عثمان ***وبرضو السودان السوان هو الحل ***انا معاك 100 الميه **** لكن انا انا طموحاتى من اللوتري بسيطه جدا وهى الجواز و وحضور المؤتمرات العلميه والكورسات و لو بالغت دراسه جزئية فى تخصصي (الاذن و الانف والحنجره) هل هذا ممكن؟؟؟ *** لا عاوز شهادات ولا عاوز قروش ولا عاوز استقرار هناك. **** نصائحك فى هذا الاتجاه
| |
|
|
|
|
|
|
Re: يا ناس امريكا هوووى...وصلنى خطاب ال KCC وفزت باللوترى لعام 2011 !!!!! (Re: شرفى عبدالقادر)
|
الاخ شرفى عبدالقادر انا ما من ناس امريكا لكنت عشت فيها.. اول حاجة واهم حاجة ال mind set بتاعك ... مثلا فى ناس بجو وبتخيلو امريكا زى اغتراب الخليج (بس القروش اكتر)
فى ناس تانين بفترضو انهم بوصولهم امريكا كل مشاكلهم ومشاكل اهلهم المالية اتحلت ...
فى ناس تانين متخليين انهم بامكانياتهم وخبراتهم حتتسابق الشركات لتشغيلهم ...
فى ناس تانيين ماقادرين يستوعبو طبيعة المجتمع الجديد ومتطلباته..
زى ما قلت ليك الشغلانة تعتمد على الزول وتركيبته وفهمه للاشياء واهم شى استعداده للتضحية والصبر والالتزام ....
امريكا بلد الفرص ..لكن الفرص لا تتسكع امام الابواب الفرص بتجى للزول المشغول شديد وما عنده زمن يفتش ليها ...
الفرص موجودة لكنها للمجتهدين فقط ..اصحاب الاحلام الكبيرة والعزيمة القاهرة وصبر ايوب ....
اذا متخيل انك بعد سنتين تلاته تكون مروق ومرتاح انسى .. واذا ما ممتزوج وداير تجى امريكا وتشتغل سنة او سنتين وتجيب العروس انسى برضو .. اذا عندك التزامات شهرية يجب ان تبعثها للاسرة بعد وصولك مباشرة ..انسى .. اذا مفكر تتشترى بيت فى السودان بعد سنوات قليلة ..انسى ....
فى الظروف الاقتصادية التى تعيشها امريكا الان من الصعب تحقيق اى ثروة او غنى او حتى توفير بسيط ...
افضل شئ ان تجهز نفسك ان ماشى مجتمع جديد وانك محتاج تفك رموز اسراره وغالبا الحاجة دى بتاخد اول خمسة سنين ....
| |
|
|
|
|
|
|
Re: يا ناس امريكا هوووى...وصلنى خطاب ال KCC وفزت باللوترى لعام 2011 !!!!! (Re: عبدالله كع)
|
شرفي سلام
كلام الناس الفوق ده كله صحيح وواقعي بس كويس انك سمعته قبال ماتجي هنا اولا لم توضح لنا انت طبيب دي قراناها هنا فهل انت طبيب؟؟؟؟
اذا كنت ففعلا هي بلادك شرط تعرف انه قدامك مشوار طويل من الاجتهاد وبيعتمد زي ما قال لك النصري امين قدراتك على التحمل.
ولو كنت خريج السودان قدامك طريق صعب لاغلاء كثير من سلوكيات الاطباء المتسهترين وهنا المريض هو سيد الموقف مش الطبيب! وحاجات ثانيه هي ما صعبه بس عايزه زول مخه مفتح ومستعد لتعلم ومقبل على الحياه الامريكيه التي ليست سهله ولكن زي ما قال لك اخونا سيف بتستاهل ويا سيف كندتنا انضف على فكره تعال لينا وجيب الاسره معاك زياره لاحقا بس شرطا في الربيع او الصيف لانه شتائنا فظيع!
| |
|
|
|
|
|
|
Re: يا ناس امريكا هوووى...وصلنى خطاب ال KCC وفزت باللوترى لعام 2011 !!!!! (Re: Tragie Mustafa)
|
الأخ شرفى عبد القادر تحياتى أمريكا ليست الأفضل للأطباء والقضاة والمحامين رغم أن المهن الثلاثة من أكثر المهن كسبا للمال فيها.. مهنة الطب فى أمريكا مرتبطة بسوق الطب كما هو معروف فى هذه البلاد.. إن كنت متخرج قبل أكثر من خمسة سنوات ستقل فرصة المنافسة لديك فى هذا الوقت وتزداد الفرص صعوبة كلما طالت المدة على تخرجك.. بالنسبة للأطباء أمريكا فرصة ممتازة لمن تخرج على الأقل عام ألفين وسبعة.. الإمتحانات ليست بالصعبة ولكن الأسكور أصبح مهما جدا للمنافسة.. بعد أن تمتحن الجزء الأول والثانى والكلينيكال اسكلس وتبدأ التقديم ستجد نفسك محكوم بتوفر الفرص. وكما رأيت من بروفايلك أنك متخصص فى جراحة الأنف والأذن والحنجرة, فهذه ربما لاتجدها والفرص الأكثر وفرة الباطنية والأطفال وطب الأسرة..
فى رأيى لاترفض اللوترى ولاتستقيل من وظيفتك.. أكمل أجراءاتك وتعال زيارة واستخرج القرين كارد والسوشال سكيورتى.. ثم أرجع وواصل فى عملك وابدأ الإستعداد لإمتحانات المعادلة, وإن كنت فى السعودية يوجد مركز فى جدة والرياض ,كما يوجد مراكز لكابلن بالمدينتين هذا لاعتقادى أنك بالسعودية.. جهز نفسك لإحراز أكثر من تسعين فى الإمتحانين وبعد ذلك يمكنك التقديم أونلاين للإمتحان الإكلينيكى والذى لايمكن عمله إلا فى أمريكا.. فى أثناء تجهيزك حاول أدخل أمريكا كل ستة أشهر حسب القانون أو أستخرج وثيقة سفر مايسمى بالجواز الأبيض والذى يعطيك فرصة التواجد خارج أمريكا وبصورة قانونية لمدة سنتين, وهى مدة كافية لأن تخلص من الجزء الأول والثانى.. بعد أن تخلص نهائى من كل الإمتحانات المطلوبة وتنال الرخصة التى تسمح لك بالعمل فى أمريكا يمكنك كذلك التقديم من أى مكان فى العالم اونلاين. وبعد أن تحصل على المعاينات يمكنك تنسيقها فى وقت متقارب وتأخذ إجازة تنجز فيها كل المعاينات. إذا توفقت فى الحصول على ماتحبه من الطب هنالك فترة كافية بين نتيجة المعاينات وبداية العمل ربما تمتد لأربعة أشهر تمكنك من الإستقالة من عملك وربط أحزمتك والحضور نهائيا لأمريكا وتحديدا للمستشفى الذى ستعمل فيه.. بالنسبة للإمتحانات لاتحتاج لقراءة كثيرة بقدر ماتحتاج لحل أكبر كمية من الإم سى كيو.. ربنا يوفقك واذا احتجت لأى معلومات إضافية تلفونى فى البروفايل.
| |
|
|
|
|
|
|
Re: يا ناس امريكا هوووى...وصلنى خطاب ال KCC وفزت باللوترى لعام 2011 !!!!! (Re: Elwaleed M. Ahmed)
|
اخي مستر شرفي.....اصالة عن نفسي ونيابة عن اسرتي اهنئك فالك دائما سمح.....هذه امنية تمناه الملايين من هذا الشعب الفضل وربنا وفقك لها......لاتسمع للاصوات المحبطة هم قاعدين يعملوا شنوا وقت هي بقت كده......ابدا اجراءاتـك واكملها واستلم القرين كارد....مش عشانك يامستر دي عشان زوجتك واولادك.....الف الف مبروك من اجل ابناءك سير في الامر........ماتفتكر انك باعطاءك القرين كارد فانت لازم تعيش هناك ممكن تسجل وتسافر امريكا وتكمل اجراءاتك وتعود وطنك حاملا الوثيقة القرين كارد لك ولاسرتك ووالديك ايضا....وبعد مرور خمسة سنين تستلم الجواز الكبير وتكون مواطنا افريكان امريكان....
| |
|
|
|
|
|
|
Re: يا ناس امريكا هوووى...وصلنى خطاب ال KCC وفزت باللوترى لعام 2011 !!!!! (Re: Nagi Ahmed)
|
مبروك يا دكتور شرفى بقول ليك ما تتراجع
مؤكد انك ضحيت كتير جدا من اجل والديك واخوتك اولا ثم بقية اهلك ومازالت تضحياتك مستمرة من اجل اسرتك وابنائك الان لتوفر لهم حياة كريمة ودراسة منظمة وتفوق وتتمنى ان يسد ابنائك عين الشمس ========= كل ذاك الهم الذى تفكر فيه يوميا عن مستقبل اطفالك ستتحمله عنك هذه الفرصة التى جاءتك تمشى الخيلاء فالدوله تتحمل عنك توفير كل ما يلزم اطفالك وتوفير المناخ المناسب لحياتهم ودراستهم وتفوقهم فان لم يكن من اجل راحتك فليكن من اجل مستقبل اطفالك
| |
|
|
|
|
|
|
Re: يا ناس امريكا هوووى...وصلنى خطاب ال KCC وفزت باللوترى لعام 2011 !!!!! (Re: Balla Musa)
|
بله شكرا كلامك موضوعى وواقعى لكن انا اهدافى محدده و ح اتصل بيك تلفونيا *****
Quote: فى رأيى لاترفض اللوترى ولاتستقيل من وظيفتك..أكمل أجراءاتك وتعال زيارة واستخرج القرين كارد والسوشال سكيورتى.. ثم أرجع وواصل فى عملك وابدأ الإستعداد لإمتحانات المعادلة, وإن كنت فى السعودية يوجد مركز فى جدة والرياض ,كما يوجد مراكز لكابلن بالمدينتين هذا لاعتقادى أنك بالسعودية.. جهز نفسك لإحراز أكثر من تسعين فى الإمتحانين وبعد ذلك يمكنك التقديم أونلاين للإمتحان الإكلينيكى والذى لايمكن عمله إلا فى أمريكا.. فى أثناء تجهيزك حاول أدخل أمريكا كل ستة أشهر حسب القانون أو أستخرج وثيقة سفر مايسمى بالجواز الأبيض والذى يعطيك فرصة التواجد خارج أمريكا وبصورة قانونية لمدة سنتين, وهى مدة كافية لأن تخلص من الجزء الأول والثانى.. . |
**** ده كلام ممتاز جدا ...
| |
|
|
|
|
|
|
Re: يا ناس امريكا هوووى...وصلنى خطاب ال KCC وفزت باللوترى لعام 2011 !!!!! (Re: Tragie Mustafa)
|
الاخت تراجى شكرا شديد انعم انا طبيب اخصائى اذن وانف وحنجره واعمل بالسودان من 2004
واحترم المرضى جدا ولست من اولئك الذين تسميهم مستهتريين ..Quote: ولو كنت خريج السودان قدامك طريق صعب لاغلاء كثير من سلوكيات الاطباء المتسهترين وهنا المريض هو سيد الموقف مش الطبيب! ! |
*****
Quote: وحاجات ثانيه هي ما صعبه بس عايزه زول مخه مفتح ومستعد لتعلم ومقبل على الحياه الامريكيه التي ليست سهله ولكن زي ما قال لك اخونا سيف بتستاهل
|
ماعندي رغبه جاده فى العيش بامريكا ...لكن عايز استفيد من سهولة الحركه بالجواز فقط **** وشكرا يا تراجى
| |
|
|
|
|
|
|
Re: يا ناس امريكا هوووى...وصلنى خطاب ال KCC وفزت باللوترى لعام 2011 !!!!! (Re: النصرى أمين)
|
[Quote: اذا متخيل انك بعد سنتين تلاته تكون مروق ومرتاح انسى .. واذا ما ممتزوج وداير تجى امريكا وتشتغل سنة او سنتين وتجيب العروس انسى برضو .. اذا عندك التزامات شهرية يجب ان تبعثها للاسرة بعد وصولك مباشرة ..انسى .. اذا مفكر تتشترى بيت فى السودان بعد سنوات قليلة ..انسى ....
فى الظروف الاقتصادية التى تعيشها امريكا الان من الصعب تحقيق اى ثروة او غنى او حتى توفير بسيط ...
|
Ñ *********** اخي النصرى اشكرك شديد *** انا اهدافى من اللوترى كالاتى: 1- الحصول على الجواز لى وللاسره(وذلك يضمن لى حريه الحركه بالجواز لحضور البرامج العلميه فى كل العلم بحريه) 2-الاستفاده العلميه (حضور الكورسات والموتمرات العلميه فى امريكا ) *****فقط***** ***لا اريد اموال نهائي من هذه اللوترى وكذلك لا اريد استقرار دائم هناك ***انا مستقر جدا بالسودان ووضعى المادي لاباس به ***متزوج ولى اسره وعلى اعتاب بناء بيتى باذن الله ****
الرجاء مذيد من النصح ...اشكرك يا نصرى
| |
|
|
|
|
|
|
Re: يا ناس امريكا هوووى...وصلنى خطاب ال KCC وفزت باللوترى لعام 2011 !!!!! (Re: شرفى عبدالقادر)
|
دكتور شرفى ألف مبروك .. وعلى بركة الله .. أستخير الله وتعال .. .. لا تخاف من أى شيئ ..
أخاف فقط من نفسك ومن الخوف زاتو ..
ثق فى الله وفى مقدراتك ..
أسمع نصائح الأخوة فى مجالك ..
وهنا وصيتى ضمن نصائح الأخوة خارج مجالك ..
أعرف كيف تسوق نفسك .. أهم شيئ فى أمريكا
هنا أنت سلعة وهناك من يريد أن يشتريها بمقابل أجرك ..
ولكن المشترى يبحث هل أنت السلعة المناسبة؟
ولماذا أنت وليس غيرك؟
أهم مدخل لفك ألغاز هذه الغ########ة هى سيرتك الشخصية
تكون مكتوبة على النمط الأمريكى ..
ومن إنسان متخصص .. يأخذ منك حوالى 250$
لا تستخسرها فى نفسك ومستقبلك ..
لا تستأجر أى سودانى أو من الأقليات ..
كما أرجو أن تعرف أهم أستثمار هو أستثمارك فى نفسك ..
يقول العارفون هذا الأستثمار ربما يأخذ منك 7% من دخلك سنوياً ..
كما يجب أن يكن تركيزك فى هدفك ..
بريمة
| |
|
|
|
|
|
|
Re: يا ناس امريكا هوووى...وصلنى خطاب ال KCC وفزت باللوترى لعام 2011 !!!!! (Re: شرفى عبدالقادر)
|
الأخ الفاضل/ شرفى
لكل انسان تجربته الخاصه فى بلاد العم سام, نجح البعض سريعا وعانى البعض كثيرا قبل النجاح وتعثر البعض ولازال يتعثر ولذلك من الصعب التكهن بما يخفيه المستقبل لك أو لاى شخص مححد ولكن على وجه العموم بلاد العم سام بلد المجتهد وفى الغالب الأعم النجاح مكتوب للمجتهد حيث ومن خلال رأى المتواضع أن الاجتهاد هنا هو بوصلة النجاح.
فرص الأطباء حسب معلوماتى هى جيده بعد اجتياز مراحل الامتحان المختلفه والحصول على الماتش. الغالبيه العظمى من أصدقائى الاطباء حالفهم التوفيق وشقوا طريقهم بكل نجاح (انا لست طبيبا) ولذا أنا أثنى على رأى الأخ بله فى مانصحك به بشأن الاقتراب من الامتحان بطريقه مرحليه قبل الاستقرار هنا.
سالت عن رأينا وفيه اقول لك يا أخى الكريم انك لن تفقد شيئا بالحضور هنا ودراسة الموقف بتأنى والتشاور مع الأخوة فى مجالك وبعدها يمكنك الاختيار ومستقبلا الحصول على الاقامه هنا لابنائك وبناتك (أنا افترضت أن لك أبناء وبنات) ستكون لهم فرص الدراسه الجامعيه أو الدراسات العليا التى يمكن أن تميزهم عن سواهم فى العالم وفى سوق العمل الذى أصبح عالميا بسبب العولمه. أنت فى وضع جيد يسمح لك بالتجربه أولا ومن ثم الاختيار أى بمعنى أنك لست بمضطر ولكن لك خيارات.
أتمنى لك التوفيق ولو لديك اسئله محدده يمكنك الكتابه على الايميل الخاص وسوف أقوم بالرد انشاء الله ولك ودى
| |
|
|
|
|
|
|
Re: يا ناس امريكا هوووى...وصلنى خطاب ال KCC وفزت باللوترى لعام 2011 !!!!! (Re: د.السيد قنات)
|
دكتور شرفي ,,, سلامات
انا متابع البوست من البداية وكل يوم بتصفح وبشوف رأي الاخوة.
كلام بله خته حلق في اضانك وايضا أخي الاصغر ودليلي الاكبر سيف الدين.
ما تسمع كلام الناس البتعرض من بره نحن بنديك النجيضة علي قولة ود الصايم.
تجربتي خير دليل .
انا وقع لي اللوتري في 1998 وكنت مقيم في سلطنة عمان انا شغال والزوجة شغاله
وليدينا أربع اطفال, علي طول باشرت في الاجراات حتي استلمت الفيزا , وفي اجازة
نهاية السنة للمدارس حجزت وسافرت لامريكاوكان في استقبالي اخي وصديقي الذي
تعرفت عليه في المطار سيف الدين عبد العزيز( اريته ولدك) المهم خلصت الاجراات
واستخرجت القرين كارت والسوشيل سكيورتي واجزت اجازة في قمة الروعة ورجعت لي
عملي في السلطنة. كل سنة كنت بجي زيارة وارجع حتي العام 2006 حيث جلس ابني الاكبر
لامتحان الشهادة الثانوية من عمان واخد شهادته وجينا قدمنا ليه في الجامعة وتم قبوله
في كلية الهندسة قسم الكهرباء , اها المره دي رجعنا وخليناه في امريكا مع الاخوان.
السنة البعديها امتحنت أخته وهنا المحك ما بنخليها براها استقلنا ولملمنا اطرافنا
وجينا معاها وقبلوها في التمهيدي طب , انا جيت امريكا ومعاي ما يكفيني لسنة ايجار
ومعيشة للاحتياطي, لكن من الشهر الاول وانا شغال ومبسوط 100 قيراط والاولاد الحمدلله
في الجامعة واخوانهم في الثانوي متفوقين في دراستهم.
لذلك تعال اجازة وخلص امورك واتفسح وشوف الحال بنفسك , وارجع وقيم الامور بعقلانية
وما تنسي كلام اخونا بله, ونحن تجدنا اخوة لك وما تشيل اي هم. بس خلي الاولاد يتعلموا
ويكبروا وبعدين جيبهم أمريكايكملوا تعليمهم العالي, وربنا يوفقك ويسدد خطاك.
تلفوني والبريد والعنوان في البروفايل مرحب بيك في اي وقت, وانا عندي طلبتي
درستهم في السودان الان متخصصين وممكن يساعدوك كتييير.
تقديري
| |
|
|
|
|
|
|
Re: يا ناس امريكا هوووى...وصلنى خطاب ال KCC وفزت باللوترى لعام 2011 !!!!! (Re: سيف الدولة كامل)
|
مبروك يادكتور شرفي ..
ديه فعلا فرصة قطعا حتستفيد منها زي ما اكدأغلب الأخوة المتداخلين .. وأكيد أراء وتجارب أهل الاختصاص وعلي رأسهم دكتور بله هي الاكثر افادة..
انا شحصيا عاصرت بدايات مجموعة من الاطباء في نيوجيرسي في نهاية التسعينات وكلهم الأن من الاطباء الناجحين.
وأنامع راي أخونا سيف الدولة كامل .. لكن اذا الاولاد لسه في المراحل الاولية جيبهم شوية .. وبعدين ممكن يرجعوا للتعليم العالي بعد ما يكونو اخدوا جوازاتهم.
أناأولادي اتولدوا هنا.. أكبرهم عمرو 10 سنين وماشيين الخليج حسه بعدما يخلصوا المدارس وناويين نرجعهم بعد ما يصلوا سن الجامعة.
يا زول كده انت تعال .. أغشي أخونا سيف الدولة في نيويورك وتعال لينا بجاي في الباني وحنوديك نفسحك في شلالات نياجرا .. وممكن كمان نوديك تسلم علي أختنا تراجي ..
| |
|
|
|
|
|
|
Re: يا ناس امريكا هوووى...وصلنى خطاب ال KCC وفزت باللوترى لعام 2011 !!!!! (Re: Osama_Ali)
|
الأخ المفضال شرفى أويد ما قاله بعض الأخوه بخصوص السفر وإغتنام الفرصة وذلك للآتى:- 1/السهر والتعب والقرايه ام دق ما جديدين عليك,وطالما اخترت طريق الطب ,حتقرا لآخر يوم فى عمرك مهما طال ,والسبب الأول فى النجاح المهنى. 2/بالتأكيد حققت الكثير حتى الآن ,والبدايه من الأول ممكن تكون محبطة ,يعنى بعد كم سنة من التعب يادوب تبقى SHO .المحطه الزمان ديك,لكن هذا لايجب أن يثنيك . 3/فرص التدريب ممتازه جدا هناك ,وستستفيد من ذلك كثيرا فى مستقبلك المهنى. 4/يجب التفكير مستقبليا,ظروف السودان غير مضمونه لقدام.وأسباب النجاح فى فيه حاليا يعتمد على ظروف كثيره,قطعا ليس من بينها شطارتك,وأنت تعرف. 5/حرية الحركه وسهولة الحصول على مستجدات المهنة ,بل المشاركة فى ذلك,لاتقدر بثمن. 6/مجال البحوث وكذلك التمويل ونشر أوراقك يكون أسهل.دى فرصة كبيره لن تجدها فى السودان . 7/عاين لمستقبل أولادك وقارن .ما الأفضل. 8/إلأنطلاق سيكون أفضل وأسهل ,بعد قضاء فتره مناسبه هناك ,إذا قررت العوده أو الذهاب لمكان آخر. كل ما ورد أعلاه هو يصب فى خانة مستقبلك والأسره. لك تحياتى وتقديرى.
| |
|
|
|
|
|
|
Re: يا ناس امريكا هوووى...وصلنى خطاب ال KCC وفزت باللوترى لعام 2011 !!!!! (Re: شرفى عبدالقادر)
|
أخى/شرفى..
السلام عليكم..
نسأل الله ان يجعل لك الخير اينما كنت ويصرف عنك الشر..
كل هذه ألأمور مقدرة للعبد..وألأستشارة أيضأ مشروعة..ولاخاب من أستشار ولاندم من إستخار.فعليك بألأستخارة الشرعية أيضآ.
وللسفر فوائد عديدة..وأشد من أزرك فى مواصلة المشوار لزيادة العلم والمال إن وجد..وخلى باب الرجوع للوطن متاكه. لآنه هو الحب المقيم..
ستجد تباين كثير فى ألأراء..ولكن انت أدرى بظرفك..
تقديرى وأحترامى..
| |
|
|
|
|
|
|
Re: يا ناس امريكا هوووى...وصلنى خطاب ال KCC وفزت باللوترى لعام 2011 !!!!! (Re: عبد العزيز عبدالكريم نهار)
|
الاخ العزيز والزول السمح ,,,اسماعيل عباس ,,, مليون سلالالالالالالام
والله ربنا يعلم ما في القلوب ,,ومحبتك ماليها حدود والمنبر
يشهد علي ذلك ,,, ان شاء الله ربنا يكرمك وأولادك ويرد غربتنا .
و يجمعنا ونشوف بعض وتدوم المودة والمحبة يا رب.
| |
|
|
|
|
|
|
|