|
|
 البورد مافيهو حاجة تُقرأ
|
خامل , فاتر, رتيب , مافي حركة مافي اكشن مافي طرافة مافي كتابة ذكية , مواضيع موغلة في العادية , وكانك تتصفح دليل الهاتف , اي موضوع تفتحه تستغرب ان المعقبين اضافوا ردا ولم يخرجوا بعد قراءة السطر الاول من المداخلة الرئيسية !
|
|
  
|
|
|
|
|
|
|
 Re: البورد مافيهو حاجة تُقرأ (Re: إسماعيل وراق)
|
| Quote: يعني يا اساسي عايز تقول أن المنبر سنة 2003 و 2004 كان ثر ومليان نقاش حي |
الي سنة 2006 وجزء من 2007 ولكن لمن اقول هذا ؟
ـــــــــ
مشتاقين يا اسماعيل وكنت اتمناك مرشحا تضيف الي السياسة السودانية دماء شابة بحاجتها سياستنا
| |
|
|
|
|
|
|
|
|
|
Re: البورد مافيهو حاجة تُقرأ (Re: اساسي)
|
| Quote: مشتاقين يا اسماعيل وكنت اتمناك مرشحا تضيف الي السياسة السودانية دماء شابة بحاجتها سياستنا |
يا عمك
منبرنا دا افضل من واقع السياسة السودانية.. احسن نقرّض على كدا.،
..
..
| |
|
|
|
|
|
|
|
|
 Re: البورد مافيهو حاجة تُقرأ (Re: اساسي)
|
بتبالغ يا اسد ..
منبر بيكتب فيهو هشام هباني بجلالة قدرو تقول ممل ورتيب ومافيهو طرفة وذكاء..
الزول دا قدر ما بقي طريف وظريف ما باقي ليهو الا ينطط ..
| |
|
|
|
|
|
|
|
|
|
Re: البورد مافيهو حاجة تُقرأ (Re: HAIDER ALZAIN)
|
Quote: منبر بيكتب فيهو هشام هباني بجلالة قدرو تقول ممل ورتيب ومافيهو طرفة وذكاء..
الزول دا قدر ما بقي طريف وظريف ما باقي ليهو الا ينطط .. |
ايا حيدر مالي والقراءة لهشام هباني في هذا اليوم الممل , هشام اضحي يساهم بشكل فاعل في اثراء الفراغ
| |
|
|
|
|
|
|
|
|
|
Re: البورد مافيهو حاجة تُقرأ (Re: اساسي)
|
جمبي واحد يمني ( بالاضافة لرتابة المنبر) ذبحني برتابته , كل الذي فعله من الصباح انه اتصل قبل قليل علي زوجته وسألها طبختي ايش؟ اجابته ( اظن بما لا يعجبه ) رد عليها : طيب واغلق السماعة وجلس يبحلق في لا شيئ !!
| |
|
|
|
|
|
|
|
|
|
Re: البورد مافيهو حاجة تُقرأ (Re: عبداللطيف خليل محمد على)
|
| Quote: دا المســــــتطاع يا أساسي .. |
لو قدرنا ان هذا المستطاع يا عبد اللطيف , اما كان بالامكان اضافة بعض المساخة واللائامة والظرافة واللطافة والشلاقة الي ما يكتبون
من يقول للبعض ان كتابة المنتديات ليست ككتابة المستندات ؟
| |
|
|
|
|
|
|
|
|
|
Re: البورد مافيهو حاجة تُقرأ (Re: حبيب نورة)
|
| Quote: وبما إنو المشكلة مشكلة مواسير حقّوا نوكِل أمرو لي سباك محترف! |
نفسي يا ياسين اقرا حاجة جديدة لي دكين او عماد عبد الله او محسن خالد او حبيب نورة او زرزرة لي البندر او مخاشنات بين ملاسي وشلة الدوحة او كتابة فارهة لشيري او بت قضيم
او تجليات لاساسي او معيط بين تراجي واخريات حاجة تخلي السباك يجتهد ويسلك المواسير دي
| |
|
|
|
|
|
|
|
|
|
Re: البورد مافيهو حاجة تُقرأ (Re: عبدالمجيد الكونت)
|
تعرف يا كونت بقي لا اكشن في البيت لا في المنبر , نفس المراسيل وغسيل العدة نفس الصحانة والحلل وغسيل الهدوم نفس الفنايل والجلاليب هدوم الشفع مافي جديد
اها رتابة البيت دي انا قطعتها وجبت ( موظفة ) تقوم باعبائي المنزلية , رتابة المنبر اقطعها بي شنو
يا لئيم عارفك قاصد شنو
| |
|
|
|
|
|
|
|
|
 Re: البورد مافيهو حاجة تُقرأ (Re: حبيب نورة)
|
| Quote: نفسي في فاول تكتيكي من تمبشة |
.. الفريق الخصم ضعيف يا حبيب نوره ..
خير دليل لذلك زي الاقتباسات التحت دي ... يعني زي دا بيضيف ليك ياتو فكرة خلاف إنو يسرب ليك المزيد من الملل .. والله البوست بتاعو دا ما عارف .. لكن بدون ما اشعر لقيت نفسي اتذكرت استاذ مصطفى بتاع التاريخ في الابتدائي .. لما قفل علينا الفصل وشبابيك الفصل ودقانا كل واحد خمسة واربعين جلده .. ساااي بدون سبب .. ونحن ستين طالب ..
ياخ البورد دا ما اداء واجب .. الما عندو اي حيل يكتب بكري ما بيحاسبو .. يقعد في مانو القاعد فوقو وما يكتب ويضايق الناس .. يا يعكس ليهم المود الهو فوقو ما مطالب بي الحتة دي نهائي..
| Quote: ودخولك هنا امل وارتب ! |
.. | Quote: اجزم لك انه سيعوق نفسه - كالعادة . |
..
بوست مسيخ جدا ..
| |
|
|
|
|
|
|
|
|
 Re: البورد مافيهو حاجة تُقرأ (Re: tmbis)
|
أنا غايتوا يا تمبشة بوافقك في حتة و بختلف معاك برضو في حتات تانية
يعني عليك الله جنس دي حالة بتولد غير ملل و إحباط ومساخة!
لكن أنت قطع شك زول مخضرم زي أسئس قادر إنو يخلق من فسيخ البوست شربات
وما بعيد ينتهي بي ندوة.
أصلوا دة وعي إسفيري ما بطلع إلا من الخبراء الروس ديل
علي اليمين يبدوا ليك البوست بي حرف واحد وعينك ما تشوف إلا الصفحة التانية
واللا شنو يا مربِع!
| |
|
|
|
|
|
|
|
|
|
Re: البورد مافيهو حاجة تُقرأ (Re: حبيب نورة)
|
Quote: يعني عليك الله جنس دي حالة بتولد غير ملل و إحباط ومساخة!
لكن أنت قطع شك زول مخضرم زي أسئس قادر إنو يخلق من فسيخ البوست شربات
وما بعيد ينتهي بي ندوة. |
.. والله يا حبيب نوره .. ما اكضب عليك .. من قبيل لعبت سولوتير اكتر من مية مرة .. وكل مرة تقفل معاي .. بالرغم من إنو ما قاعده تعصلج معاي خالص ..
قبل قراتي لهذا البوست كنت بصل فيها مراحل متقدمه ..
الان لعبتها اكتر من عشرين مرة بعدما قريت البوست .. كل الكروت في الصفحة الامامية بتجيك مقفله ..
عارف بوست ممل زي دا .. حقو كاتبو كان يجي يحرسو هنا .. ويقولينا تعالوا نلعب لعبة (القبعة) .. اللعبة البيض البلعبوها ناس محمد البشرى الخضر ومحمد الصايم .. ومنو ومنو ما عارف لما يمشو رحلة ..
تعال يا اساسي جيب ليك قبعة هنا خلينا نلعب لعبة القبعة 
| |
|
|
|
|
|
|
|
|
|
Re: البورد مافيهو حاجة تُقرأ (Re: tmbis)
|
أساسي ؟؟
لووولز أها أندّيك النجيضة .. والله أنا من صباح الرحمن يا تمبس ما لاقي لي موضوع
نفضت الغبار من مسينجر الياهو و فتحت الإسكايبي و غِشيت البالتولك
وكلوا ما نفع ، أها تخيّل البوست دة هو النشّطني شوية !
لكن يا أسئس الما دايرك في الضلمة يحدِر ليك! أمسحها لي في وشي
و أنا متأكد لو أساسي عمل ليه هجمة واحدة منظمة يمكن يحسم النتيجة
عندوا تجليّات كدة علي اليمين ليونيل ميسي ما يعملا!
وفي الحالة دي إلا كان تعملوا هيطة!!
| |
|
|
|
|
|
|
|
|
|
Re: البورد مافيهو حاجة تُقرأ (Re: حبيب نورة)
|
Quote: اضفت للمنبر رتابة لما عليه من رتابة ... ببوستك هذا .. كنت ممفتكر إنك جيت بي حاجة جديدة وايم الحق.
سبــت ممل .. وبورد رتيب .. وبست ارتب من الرتابة ...؟ |
الراجل ده بقول كلام منطقي ومقنع ... اثني وادعم هذا الرأى بالمال والدم ..
| |
|
|
|
|
|
|
|
|
|
Re: البورد مافيهو حاجة تُقرأ (Re: فايزودالقاضي)
|
| Quote: الراجل ده بقول كلام منطقي ومقنع ... اثني وادعم هذا الرأى بالمال والدم .. |
خيني من كلام الراجل دا _ اصلن كلام القصير ما بتسمع _ المراة ذابحاني كل يوم دايرة تزور جماعتكم وانا عامل رايح لي فترة , ومبرري الوحيد اني فايز دا ما بقدر اقابله الا في السنة مرة واحدة , زيه زي رمضان , بالمناسبة اتوقعونا بحر هذا الاسبوع الماداير ينصرم دا .
| |
|
|
|
|
|
|
|
|
|
Re: البورد مافيهو حاجة تُقرأ (Re: اساسي)
|
| Quote: الراجل ده بقول كلام منطقي ومقنع ... اثني وادعم هذا الرأى بالمال والدم .. |
.. الزول دا حركاتو دي قاعد يعمله ليكم بره يا ود القاضي ..؟
واحد صاحبي مرة لما شاف صورة زولك دا متصور معاي كان مشيت ليهم في جده
تخيل صاحبي دا لمن اخد ليهو نطه ..
قالي دا صاحبك ..؟
قلت ليهو يعني زي ما تقول علاقة بتاعت انترنت ..
قالي تعرف دا النوع البجرو منو اولاد الحلة ..
قلت ليهو كيف ..؟
قالي دا لانوع البدخلك معا السينما .. وتكونو ماشين البيت بي كرعينكم .. يقوم طول الطريق يحكي ليك الفلم .. اللي اساسا حضرتو معاهو قبل شوية ..
| |
|
|
|
|
|
|
|
|
 Re: البورد مافيهو حاجة تُقرأ (Re: tmbis)
|
Quote: قالي دا صاحبك ..؟
قلت ليهو يعني زي ما تقول علاقة بتاعت انترنت |
غايتو دي مبالغة
كااااااااااااااااك وحاة الله مسكتني ليك كاروشة الضحك عديل كدة
وبعد دة كلوا تقول لي البوست مُمِل يا تمبس!!
علي اليمين دموعي بلّت الكيبورد حرام عليك والله
| |
|
|
|
|
|
|
|
|
|
Re: البورد مافيهو حاجة تُقرأ (Re: اساسي)
|
| Quote: يا حبيب نورة انا ماشي اتغدأ وارجع باذن الله ان شاء الله القاها عاملة حاجة تقطع الرتابة دي , ما القي قدامي ملاح قرع ولا كوسة عشان يومي يكمل كمان |
دة باعتبار انك ماعارف الغدا شنو قال
يازول فايت اضانك وبتكون مقطع بصلته كمان
بعدين حبيب نورة عرفناه زول قاهرة وسياحة واريحية منقطعة النظير
انتو الكفلاء ديل جنوا ولا شنو - قال البورد بقى ممل
وين الشغل ووين الضفر
زى البوستات دى وسجالاتكم فيها انت وتمبس دة البجيب ليكم كلام ناس خضر الطيب
| |
|
|
|
|
|
|
|
|
|
Re: البورد مافيهو حاجة تُقرأ (Re: khaleel)
|
| Quote: زى البوستات دى وسجالاتكم فيها انت وتمبس دة البجيب ليكم كلام ناس خضر الطيب |
.. والله يا باشمهندس .. خضر الطيب يكون في البرجعو حسع دي ..
الفترة الفاتت شابكنا بيان هـام .. وح نسوي ليكم شنو ما عارف ..
حسع دي قطع الحس والخبر ..
لكن بيني بينك ..
كان متوفق في الجزئية الأولى من عنوان البوست بتاعو ايــاه ..
خروف المشك .. 
امتعني وقتها .. امتعني بالقدر الذي حنيت فيهو علي صاحبي ...
ياخ تكون قاعد في حتتك .. يجو يقولو ليك يا خروف المشك ..
ياخ انا لو قالي خروف المشك .. كان قطعته تذكرة ومشيت ليو هناك ..
| |
|
|
|
|
|
|
|
|
|
Re: البورد مافيهو حاجة تُقرأ (Re: tmbis)
|
اساسى ازيك ..
يادووووب جيت داخل المنبر ودى تقريبا" اول مداخلة فى بوست ..
فدحين مالك يا اساسى ..
اكتب كلامك السمح داك وستعود الخضرة للمكان كما السابق ..
وسيذهب الملل والضجر ..
مودتى.
الشاذلى
| |
|
|
|
|
|
|
|
|
|
Re: البورد مافيهو حاجة تُقرأ (Re: حبيب نورة)
|
| Quote: .. الزول دا حركاتو دي قاعد يعمله ليكم بره يا ود القاضي ..؟ |
طوالي ياتمبس ...لكن ابشرك قالوا ناقلنو الفرع الرئيسي بالرياض ..يابختكم جاكم ونيس وبتاع افلام هندية ..
| Quote: قلت ليهو يعني زي ما تقول علاقة بتاعت انترنت .. |
على الطلاق انا عرفته عن طريق النت ...
| Quote: يقوم طول الطريق يحكي ليك الفلم .. اللي اساسا حضرتو معاهو قبل شوية .. |
ومنها سموهو اساسي ..
| |
|
|
|
|
|
|
|
|
|
Re: البورد مافيهو حاجة تُقرأ (Re: فايزودالقاضي)
|
| Quote: اجزم لك انه سيعوق نفسه - كالعادة . . |
وشهد زاتو الشاف اساسي
ياتامبا نصيحة لله اساسي ده حاول ترميهو في مصيدة التسلل بس لكن ما تحتك معاهو مباشرة
اي احتاك معاهو ياتمابا ماتلوم الا نفسك ماتقول لي لابس شنكار ولا يحزنون التسلل فقط بعدين رجل الخط بيشوفوا من اي حته هاهاهاها
بوست رتيب وممل ياخي يعني انت لازم تقرا من سودانيز اون لاين امشي منبر الفور وول
تحياتي
زاتوووو
| |
|
|
|
|
|
|
|
|
|
Re: البورد مافيهو حاجة تُقرأ (Re: Faisal Elrasheed)
|
| Quote: اكتب كلامك السمح داك وستعود الخضرة للمكان كما السابق .. |
وبرضو زعلانين من ابوالريش والبورد بتاعكم كان عبارة عن سوق خضار ساى حسب شهادة
الشازلى المسجل يوم 30 ابريل انا غايتو جيت لقيتو شى كمبو وشى جبادات سمك
تانى يا اساسى الواحد بدل يقول ليك نزل لينا موضوع دسم كدة يقول ليك بس افرش
سلطة خضراء وياحبذا تفرش بدرى شوية قبل ناس امريكا يصحوا يرفعوا علينا الاسعار
باقى هم بتاعين بئية وخضرة وكدة
| |
|
|
|
|
|
|
|
|
|
Re: البورد مافيهو حاجة تُقرأ (Re: ALZOLZATOO)
|
Quote: ياتامبا نصيحة لله اساسي ده حاول ترميهو في مصيدة التسلل بس لكن ما تحتك معاهو مباشرة
اي احتاك معاهو ياتمابا ماتلوم الا نفسك ماتقول لي لابس شنكار ولا يحزنون التسلل فقط بعدين رجل الخط بيشوفوا من اي حته هاهاهاها |
.. يا زاتووو زولك دا بحاورو ليك في معلقة بتاعت دواء قحه بتاعت تبخ صغيرة ..
ياخ دا لما كان بيهز وبيرز .. كنت بدخله ليهو بي تحت كرعينو .. تقولي مصيدة تسلل ..؟
مصيدة تسلل شنو وهو جاي كاتب ليهو بوست زي دا في يوم سبت زي دا ..
صاحبك دا يا زاتو بقى النوع البتحاورو بي طريقة لاقيني قدام
بصورة أوضحك
تضرب ليهو الكورة موزه بي جمبتو الشمال .. وتجري بي يمينو بي هناك .. بعدما تمشي تجيب القون وتجي .. تلقاهو مكرفس القرفصاء .. إلا يبخوهو بي موية شان يفرتقوهو ... 
| |
|
|
|
|
|
|
|
|
|
Re: البورد مافيهو حاجة تُقرأ (Re: tmbis)
|
كتب ودقاسم
Quote:
ليه وين مشوا كتّابك المفضلين ؟
والله يا أساسي أنا شايف الناس دي عاملة ليك قومة وقعدة ، أو زي ما بيقولوا ، راس وقعر، أو ، توم وشمار .. طيب يا ( حضرتك ) ما تكتب لينا إنت حاجة تُقرأ .. أو على الأقل اعترف وقل :
ما أنا بكاتب ..
صدقني أن ذلك اليماني الذي رميته بالرتابة ، هو أفضل منك ، فعلى الأقل هو يتصل بزوجته ، ويسائلها ، وربما يسليها على الهاتف ، وأنت تذهب إليها مكشّرا تتمنى أن تقدم لك ما لا يعجبك حتى تجد لك مدخلا للهجوم والمناكفة . وهذا الأصل فيك ... إثارة النكد ..
والله لولا انني وجدت حبيب نورة أحد المشاركين وأحد الذين يسعون إلى إخراجك من قنوطك من رحمة الله لتركتك في طغيانك تعمه ، ولدعوت عليك بالمزيد من الطرد من رحمة الله .. فالذي نفسه بغير جمال لا يرى في الوجود شيئا جميلا .وقد قيل أن عين الرضا عن كل عيب كليلة وعين السخط تبد المساويا ، وهذا أنت تحمل عين السخط أينما ذهبت ، وكيفما قرأت .. فليلاحقك السخط أينما حللت ولتهنأ بالنكد ، بس بالله عليك لا تمارس علينا الإنعكاسية ، أي لا ترمينا بدائك ..
|
يا اخوانا بعد ان ولغ الكلب في الاناء أعف عن اتيانه ,
لذا البوست دا ( سبلته) لي تمبس واهو شايفه لقي ليهو موضوع يعيش عليهو اسبوع لحدي السبت الجاي ما يجي
ودعتكم الله
| |
|
|
|
|
|
|
|
|
|
Re: البورد مافيهو حاجة تُقرأ (Re: اساسي)
|
Quote: لذا البوست دا ( سبلته) لي تمبس واهو شايفه لقي ليهو موضوع يعيش عليهو اسبوع لحدي السبت الجاي ما يجي
ودعتكم الله |
.. شايف يا زاتووووو ..أنا مش قلت ليك صاحبك دا بطقطقو ليك ؟؟
| |
|
|
|
|
|
|
|
|
|
Re: البورد مافيهو حاجة تُقرأ (Re: اساسي)
|
| Quote: يا اخوانا بعد ان ولغ الكلب في الاناء أعف عن اتيانه |
بتلقاني قاعد ليك وين ما تمشي .. بس ما تخلي إناءك مفتوحا فسيلغ فيه الكلب لا محالة ، ولسان الكلب يجرح .
| |
|
|
|
|
|
|
|
|
|
Re: البورد مافيهو حاجة تُقرأ (Re: tmbis)
|
تعرف يا اساسي زهجتك دي يكون في موضوع دقر ليك أو واحد ظهر في حياتك
رفع ليك فرملة يد عطل أمورك كلها..علشان نصيحتي ليك أخلع جلابية الأفندية دي
وكبر عمتك وأدخل السوق وخليك تاجر كبير عشان ما تلقى زمن تتصفح النت والمنبر دة
خلي ليهو نحن ناكل نارو برانا ممل رتيب أو مسيخ ...
| |
|
|
|
|
|
|
|
|
|
Re: البورد مافيهو حاجة تُقرأ (Re: tmbis)
|
ياتامبا
كلامك واضح دي كنا بنسميها جرة بتاعة زمااان
عارف عندنا واحد في الفريق الخصم بتاع تلج بلعب مدافع
اها الجماعة حذروني منو لكن اخوك مفتكر نفسو كابتن الفريق وقوي
تصدق هو شايت كورة نزلت ليك فيهو جوز بي كدارة جديدة وهو لاعب حفيان
اها الحكم صفر فاول وصاحبك راجع لي وراء مفتكر الفاول عليهو وانا اصبعي جوه الكداره اتفكى لووولز
عشان كده اسال مجرب اساسي ده لو انفرد بيك اتصرف
زاتوووو
| |
|
|
|
|
|
|
|
|
|
Re: البورد مافيهو حاجة تُقرأ (Re: الرفاعي عبدالعاطي حجر)
|
اساسى ,,,
انا اشتريت البرادو,,مادام مليتها
قروشى كاششششششششششششششش,,
ادينى رقم حسابك ,واعمل التفويض الان,,
وافقت ب ال75000 ,,خليك عندك كلامك لا تنط
او 35 مع الكامرى 2002 ذهبية ماشة 150الف فقط
كلمنى على تلفونى الثالث
| |
|
|
|
|
|
|
|
|
|
Re: نطالب بعودة أسئس...! (Re: حبيب نورة)
|
| Quote: يا حبيب نورة انا ماشي اتغدأ وارجع باذن الله ان شاء الله القاها عاملة حاجة تقطع الرتابة دي , ما القي قدامي ملاح قرع ولا كوسة عشان يومي يكمل كمان |
ياجماعة الراجل ده من اول امس قال ماشي يتغدي ويرجع ومارجع ... ياربي المره تكون ماغدتو كعادتها لغاية هسي ؟!!! ...
| |
|
|
|
|
|
|
|
|
|
Re: نطالب بعودة أسئس...! (Re: اساسي)
|
أساسي يا حبيب الكل..
ياخي معقول قاعد السنين دي كلها ما قادر تبتكر طريقة لقراءة ما يمكن قراءته؟؟
أنا الجيت بعدك بي كم سنة دا.. هسي طورت طريقتي الخاصة بي..
أفتح البورض... أضغط على (أبحث)... أكتب اسم الزول العايز أقرا ليهو.. وفي العادة قاعد أكتب
أساسي أو تمبس وقبلهم عماد عبد الله.. ومرات مرات ..منال.. ما في زول يقول لي (لمازا) عشان أفكو بالقزازة..
| Quote: ودخولك هنا امل وارتب ! |
أرتب العيش السنة دي بي كم؟؟ كااااااااااااااااك
قلت لي الاسبوع ما عايز ينصرم؟؟
هو الأسبوع لو انصرم.. البيصرم لينا مايو (أيار) شنو؟؟؟
تمبس..
ما طقطقتو لا حاجة...
شايت في دربكة بتاعة ود قاسم والضربة الثابتة دي لازم تتعاد..
أساسي..
أكتب ياخ.. بلا ولغ الكلب بلا بلغ السيل الزبا معاك..
كدي النقوم أشرب لي شاي..
شاي أخدر.. عشان تمبس برضو عندو ناس مفيدين بيتابعوا كتابتو حرف حرف..
تحياتي وحبي لكم جميعاً..
| |
|
|
|
|
|
|
|
|
|
Re: نطالب بعودة أسئس...! (Re: Mahmoud Mustafa Mahmoud)
|
1/0 لصالح اللعبه الحلوة
الحكم زاتوووووو بدون صفارة
وقصة أداهو ما أداهو (أدروب قال والله ما أداهو وراهو ساااااااااي هههه)
دحين ود القاضي بيمثل أدروب مريخابي وطمبس هلالابي وأساسي الساااااي بين الأسود والأبيض يااااااااخي
عندنا ربعية حقت أبيض ضميرك من العيش البيحبو قلبك تعال لينا بتفككككككك .
،،،،أبوقصي،،،،
| |
|
|
|
|
|
|
| |
اساسي
حبيب نورة
إسماعيل وراق
HAIDER ALZAIN
عبداللطيف خليل محمد على
أبو عبيدة البصاص
tmbis
محمد عبد الماجد الصايم
وليد محمد المبارك
فايزودالقاضي
ودقاسم
احمد التجانى احمد
khaleel
الشاذلى خيرى عبد الله
ALZOLZATOO
Faisal Elrasheed
عادل عوض بلال
الرفاعي عبدالعاطي حجر
abuguta
Mahmoud Mustafa Mahmoud
مجدي عبدالرحيم فضل
فيس بوك
تويتر
انستقرام
يوتيوب
بنتيريست