|
Re: توب جديد معروض في سوق سعد قشرة, إسمه خجني (Re: Kostawi)
|
واحد جدو اضانو تقيلة امو قالت ليهو يا ولد امشي نادي جدك للغدا الولد مشي قال لي جدو يا جدي تعال الغدا الجد قاليهو آآآآآآآ (الكلمة البقولها الزول لما يكون ماسمع والله ما عارف بكتبوها كيف) اها الولد قال لي جدو تاني تعال الغدا الجد تاني قاليهو آآآآآآآ الولد لما زهج قال لي جدو اخجو خج
| |
|
|
|
|
|
|
Re: توب جديد معروض في سوق سعد قشرة, إسمه خجني (Re: Kostawi)
|
كستـأوي سلامـات ..
ماعارفه انت في زول نقل ليك الخبر دا.. ولا خمنتا سـاي .. لكن فعلا في توب في سوق (ليبيا) اسمـو الصنـــدوق
احـلى حاجه انو لونو برتقالي بي الاوف وايت زي الوان صندوق الاقتراع والقفل بتاعها ..
لقيتك متــابع لكن .. لووول
--------- تحياتي للضيـــوف المعاك في البيت
| |
|
|
|
|
|
|
Re: توب جديد معروض في سوق سعد قشرة, إسمه خجني (Re: داليا الكباشى)
|
العزيز كوستاوي
مافي واحده عملت رقصه جديده اسمها "خجّة كسلا" ؟
دي رقصه عاوزا ليها عرس خاص .. نرشحك يا استاذ؟ بس صاحبنا ما بقدر يجي يعرض فيهو وياخد شبال .. أصلها حتكون رقصه يعني رقصه ..
----------------
شكرا طلعت بينا من هذا الهم والغم ..
وفي آخر مثل اخترعته وأنا بكتب الآن: شر البليّه يعلم السّخرية ..
وفي رواية أخرى: خج الصناديق منع الصّقرية .. !!
| |
|
|
|
|
|
|
Re: توب جديد معروض في سوق سعد قشرة, إسمه خجني (Re: عليش)
|
Quote: الضبوف عرفتو خبرهم...ههه |
والله يا عليش كوستا دا برااااهو بيشتت شمارو ما تخليني انفعل واجيب ليك رابط الحته اللي قال فيها الكلام .. اصلو الواحد في البورد دا كان قال ازيكم يقولوا ليهو وين الصــور ووين المصـدر وجيب الرابـــط
تحياتي ويوصـل سلامك انشالله ..
| |
|
|
|
|
|
|
Re: توب جديد معروض في سوق سعد قشرة, إسمه خجني (Re: Kostawi)
|
Quote: رسالة إلى ادروب...
قول ليّ يا ادروب عليك وجع السنين... خجيتو ليه؟؟؟ خليهو يا ادروب عشان ناساً غلآبة وكادحين... خليهو يا ادروب عشان ناساً بتحلم من سنين بوطن صحيح من غير جراح من غير ألم، من غير انين خاجيهو ليه؟؟؟ خليهو يا ادروب عشان شجر الأراك يفرح يعانق ديم عرب وترب هدل ووطن السمآح ينسى الجرآح ينسى الحصل... قول ليّ بس... خاجيهو ليّه؟؟؟ وادوّك كم؟؟؟ مبلغ بِسد رمق الصغار؟ والآ الفتات، من بعد ما نهبوا الديار؟؟؟ خلوها خاوية على عُروشا كما الصريم وضح النهآر لا راعو لطفلاً بيصرخ في الظلآم... لا احترمو شيخنا بعد وقآر... بمدخل الدين... جونا داخلين التتآر... خجوها خج... خج السوآد... خج الرمآد... ما خلو شِي ناس لابتحس، لاتختشي... ما بين مُرآبي ومُرتشي... وسفآك دماء نام مُنتشي من بعد ما لعق الدماء من بعد ما انتهك الحِمى... جوغة ضِبآع، وقطيع سباع متوحشة... اسرآب نسور تغتات على جُثث الصغآر... خجوها خج وضح النهار... قول ليَّ بس... خجيتو ليه؟؟؟ وشِن دار تجيب لي ها الوطن!!! غير المِحن غير التخلف والفتن... غير الشتات غير العذآب... غير الكلآب تنبح تهوهِو ليل نهار شيخها العجوز دقولو طآر ينقُز يهِز... ما راعى في نفسو الوقار ينفخ نفخ!!! زي الورر عامل جعيص... عامل خطر!!! قول ليَّ بس... شِن دار تجيب لى ها الوطن؟؟؟ غير الضياع غير الفِتن؟؟؟ غير ناس بتعترف النفآق... عشرين سنة!!! من الضياع، من العناء من الألم والعكننة من الوجع ومُر الضنى... وبرضك تخُج!!! يا زول اقيّف... خلي الوطن ينجمَّ من رهق السنين... خلي الغلآبة الكادحين يرتاحو من طول الأنين يتنسمو الحُريّة في الزمن الضنين... إنصرفو، لا صفى، لا انتِبآه... يا عُصبة الحُكم اللعيّن... يا ظآلمين... يا غادرين... إلى الجحيّم... إلى الجحيّم... إلى الجحيّم... إلى الجحيّمــــــــ...
معاوية المدير... |
| |
|
|
|
|
|
|
Re: توب جديد معروض في سوق سعد قشرة, إسمه خجني (Re: Nazik Eltayeb)
|
رغم ان المقام مقام وخج وكده لكن لا بأس ان احكي لكم نكتة تذكرتها بعد مقال لواحد بيحاول يكذب الخج بالخمج اسمه دكتور ابوبكر: قالو في واحد كذاب دائما بيحتل المجالس بالكذب ، صاحبنا في واحد بكرهو ليك الكذب ،اذ كلما يكون في مجلس لا يستطيع ان يكذب بحاصرو طوالي ، بعدين اليوم داك قاعدين الناس يحكو عن اباءهم فلم يستطيع الكذاب المساهمة في الجلسة باي خجة، جراء الرجل ابونظارات المتحكر ليه ده، اها الزول حرقتو صمة الخشم قام قال:( والله انا ابوي الله يرحمه قبل مايموت بنى لينا بيت كبير كيف، عشرة غرف) وهنا صاحبنا ابو نظارات نظر اليه بعد ان ارخي النظارة فوق الانف شوية، فما كان من الكذاب الا ان تراجع قائلا:( لا هي مش غرف كبيرة هي غرف صغيرة متر في متر ونصف) فما كان من ابونظارات الا ان قال له والله ابوك ده مضيقة ضيق، فقال له الكذاب لا يخوي ابو مامضيقة والله مضيقة انت الله يضيق دييــــــــ سلام كستاوي
| |
|
|
|
|
|
|
|