|
Re: (مناظر جميلة من الخرطوم) في عهد البشير فهل في عهود من سبقوا كانت احسن من كده!!!!!! (Re: mayada kamal)
|
ABDELMAGID ABDELMAGID
تحياتى
كان لك ان تفترع بوست اخر وتدحض فيه المناظر الغير جميله التى طوقت بها بوست الاخت مياده كنت وقتها احترمتك.....
الخرطوم يا سيدى ليس ملك لمياده او للمؤتمر الوطنى هى عاصمة السودان وكل شى جميل فيها بيرجع للجميع.... حاول تساعد فى اظهار الوجه الجميل للخرطوم ولك ان تظهر الوجه الاخر من دون تشوش على الوجه الجميل ده النضال الصحيح البعرفو خلاف ذلك بعتبرو صعلقه منك لا اكثر ولا اقل ولحظتها بتجدنا امامك......خالص احترامى.... متمنى ان تحزف الصور دى وترسلها فى بوست خاص وسوف نشارك معك فى ذلك...........
| |
|
|
|
|
|
|
Re: (مناظر جميلة من الخرطوم) في عهد البشير فهل في عهود من سبقوا كانت احسن من كده!!!!!! (Re: أحمد ابن عوف)
|
صباحاتك نواضر اخ ابن عوف العنوان بتصرف مني انا لانو المباني الانت شايفها في الصور دي جات في عهد الانقاذ وبنيت في عهد الانقاذ حتى الكباري تم بناء الجديدة منها في عهد الانقاذ وكذلك القديمة اللي كانت ايله للسقوط تم ترميمها في عهد الانقاذ بالاضافة لي العنصر الجمالي المتمثل في الخضرة ونهر النيل تم الاستفادة منها في شكل المباني المطلة على النيل بواجهاته المختلفة اعطى وجه حضاري للخرطوم العاصمة في شكل يختلف عن ما كان عليه في عهد من سبقوا الانقاذ وهذا لا ينكره الا مكابر وهاك الصورة دي عشان نحن البجينا ما بمشى ســــــــــــــــــــــــــــــــاي
ولـــــــــــــــــــــــــي قدام
| |
|
|
|
|
|
|
Re: (مناظر جميلة من الخرطوم) في عهد البشير فهل في عهود من سبقوا كانت احسن من كده!!!!!! (Re: mayada kamal)
|
يا ميادة سلام
هو البشير ولا غيره فى زول جايب من بيتو؟؟؟ ما ياها قروش دافع الضرائب المواطن السودانى وما ياها الصادرات من انتاجه وما ياها موارده .... مافى اى ى ى رئيس يقدر يمارس علينا اى من ولا اذى !! لو البشير دفع حاجة من جيبو يبقى حقه يفاخر ويمن ويأذى ذى ما عايز ! لكن بالعكس انت تعالى اجردى الحساب صاح البشير واسرته وحاشيته وبطانته جونا عندهم شنو ؟؟؟ والليلة عندهم شنو ؟؟
لكن برضو تعالى للصور 1 الهيلتون دا هيلتونا الزماااااان البشير بوهية ما ضربو 2 برج الفاتح دا عملوا القذافى من حر مال الشعب الليبى .. 3 النيل دا ياهو نيلنا الزمااااان البشير كان بعوم فيه فى الحوش هناك ...
4 العمارات الشاهقة بتاعت شركات البترول السودانية من حر مال بترولنا وبى 1% منه ال 99 % وين ماحدش يعرف !! يبقى ما حدش يقدر يزايد علينا ....
ـــــــــــــــــــ لكن يا ميادة لقيتكك غتيييتة الصور دى كانت وين يوم ما كنا بنكاوى فى ناس امدرمان وبنبرز فى حلاة الخرطوم من شناة امدر ؟؟؟
| |
|
|
|
|
|
|
Re: (مناظر جميلة من الخرطوم) في عهد البشير فهل في عهود من سبقوا كانت احسن من كده!!!!!! (Re: دينا خالد)
|
ميااادة,,,,سلاااااام,,
الهيلتون دا غير اللافتةالاتغير شنو?
بعدين برج الفاتح دا مسختو عديييييل وكانو ,مافى معلم غيرو...
اى مصور حريف ممكن يعمل صور جميلة....
بلدنا دى اجمل من كدا بكتيييييير بس انتو فكو دربها,,,
تحياتى,,
| |
|
|
|
|
|
|
Re: (مناظر جميلة من الخرطوم) في عهد البشير فهل في عهود من سبقوا كانت احسن من كده!!!!!! (Re: جلال جبريل)
|
سلااااام اخي جلال
Quote: لصورة دي وين ياميادة ماعرفتها باقي طولنا من البلد (يعني سنة كدة)
|
وشهد شااااااااااااااااااااااااهد من اهلها
شكرا.... وبالمناسبة النفق دا واحد من سلسلة انفاق قامت الحكومة باقامتها في مداخل الكباري من والى الخرطوم والان يجري العمل في ست كباري طائرة ثورة الكباري هذه مهندسها والي الخرطوم عبد الرحمن الخضر
وهاك الهدية اصلوا الليلة عروضنا مغرية ااااااااااااي مداخلة تطلع مننا من البوست دا بي هدية كعربون صداقة وكدا
| |
|
|
|
|
|
|
Re: (مناظر جميلة من الخرطوم) في عهد البشير فهل في عهود من سبقوا كانت احسن من كده!!!!!! (Re: ايوب عبدالرحيم)
|
Quote: التنمية الاقتصادية لاتقاس بوحدة او وحدات معينة بل تقاس بمقدار التنمية المتوازنة لكل المجتمع |
نحن لم نقل اننا حقننا التنمية الاقتصادية المنشودة ما نقوم به الان هو ابراز مواضع الجمال والوجه الحضاري للخرطوم في سبيل تلمس الفرق بين اليوم والامس وهذا ليس كل ما لدينا وانما هو مشوار طويل نسعى ان نحقق فيه للمواطن السوداني الرفاهية والتطور وللان لم يكتمل مشوار التنمية وتم انتخاب القوي الامين.... لإستكمال ما بدانها منذ عشرون سنة
تفضل هذا المنظر المطل على النيل هدية لإلك على قولة اللبنانييين
| |
|
|
|
|
|
|
Re: (مناظر جميلة من الخرطوم) في عهد البشير فهل في عهود من سبقوا كانت احسن من كده!!!!!! (Re: Amira Elsheikh)
|
بت الشيخ يا اميرة إزييييييييوو
Quote: يااادة,,,,سلاااااام,,
الهيلتون دا غير اللافتةالاتغير شنو?
بعدين برج الفاتح دا مسختو عديييييل وكانو ,مافى معلم غيرو...
اى مصور حريف ممكن يعمل صور جميلة....
بلدنا دى اجمل من كدا بكتيييييير بس انتو فكو دربها,,,
تحياتى,, |
الصورة بتاعتة الهيلتون المقصد منها ابعاد تانية يا ماما لانو بعد فترة وبعد اكتمال مشروع السنط العمراني حتشوفي الهيلون ملح ملح زي راكوبة وسط بيوت فاخرة العمران يعني بالصورة دايرة افهمكم انو لسنين عددا الناس كانت فرحانة بالهيلون كاعلى مبني في الخرطوم تعالى الان شوفي منطقة المقرن بس فيه كم مبنى فخم
قلتي لي فكوا دربها وييييييييييييين يا ماما عشرين سنة بي انقلاب تاني ادينا قدرها مرتين بعد ما جات الحكومة منتخبة يعني تقنعوا بس لووووووووووووووول المكاواة سمحة خلاس
هاكي الهدية دي ومن معرض الزهور الاخير الاتعمل قبل كم اسبوع عشان انت زهرة
| |
|
|
|
|
|
|
Re: (مناظر جميلة من الخرطوم) في عهد البشير فهل في عهود من سبقوا كانت احسن من كده!!!!!! (Re: Amira Elsheikh)
|
بت الشيخ يا اميرة إزييييييييوو
Quote: يااادة,,,,سلاااااام,,
الهيلتون دا غير اللافتةالاتغير شنو?
بعدين برج الفاتح دا مسختو عديييييل وكانو ,مافى معلم غيرو...
اى مصور حريف ممكن يعمل صور جميلة....
بلدنا دى اجمل من كدا بكتيييييير بس انتو فكو دربها,,,
تحياتى,, |
الصورة بتاعتة الهيلتون المقصد منها ابعاد تانية يا ماما لانو بعد فترة وبعد اكتمال مشروع السنط العمراني حتشوفي الهيلون ملح ملح زي راكوبة وسط بيوت فاخرة العمران يعني بالصورة دايرة افهمكم انو لسنين عددا الناس كانت فرحانة بالهيلون كاعلى مبني في الخرطوم تعالى الان شوفي منطقة المقرن بس فيه كم مبنى فخم
قلتي لي فكوا دربها وييييييييييييين يا ماما عشرين سنة بي انقلاب تاني ادينا قدرها مرتين بعد ما جات الحكومة منتخبة يعني تقنعوا بس لووووووووووووووول المكاواة سمحة خلاس
هاكي الهدية دي ومن معرض الزهور الاخير الاتعمل قبل كم اسبوع عشان انت زهرة
| |
|
|
|
|
|
|
Re: (مناظر جميلة من الخرطوم) في عهد البشير فهل في عهود من سبقوا كانت احسن من كده!!!!!! (Re: دينا خالد)
|
دندونتي يا جميل صباحاتك نواضر
Quote: يا ميادة سلام
هو البشير ولا غيره فى زول جايب من بيتو؟؟؟ ما ياها قروش دافع الضرائب المواطن السودانى وما ياها الصادرات من انتاجه وما ياها موارده .... مافى اى ى ى رئيس يقدر يمارس علينا اى من ولا اذى !! لو البشير دفع حاجة من جيبو يبقى حقه يفاخر ويمن ويأذى ذى ما عايز ! لكن بالعكس انت تعالى اجردى الحساب صاح البشير واسرته وحاشيته وبطانته جونا عندهم شنو ؟؟؟ والليلة عندهم شنو ؟؟
لكن برضو تعالى للصور 1 الهيلتون دا هيلتونا الزماااااان البشير بوهية ما ضربو 2 برج الفاتح دا عملوا القذافى من حر مال الشعب الليبى .. 3 النيل دا ياهو نيلنا الزمااااان البشير كان بعوم فيه فى الحوش هناك ...
4 العمارات الشاهقة بتاعت شركات البترول السودانية من حر مال بترولنا وبى 1% منه ال 99 % وين ماحدش يعرف !! يبقى ما حدش يقدر يزايد علينا ....
|
صحيح القروش قروش الشعب لكن هنالك فرق بين من يعمل بي هذه الاموال ويجعلها تنعكس على المواطن في حياته ومعيشته وبين من يلهفها ...... ويحرم منها هذا الشعب والافضل لينا كشعب انو يعملوا لينا من قروشنا .......
يا دينا من لا يشكر الناس لا يشكر الله وما قامت به الانقاذ منذ مجئها ظاااااااااااهر للعيان حتى لو كان بي قروش الشعب ولا بي دعم من المانحين او الدول الصديقة المهم في النهاية ان تصبح المرافق دي من حق الشعب نتمتع بيها في الدنيا دي
واالنبي ما تمشي فاضي هااااااااااااااااااااااااكي يا نقة هههههه
لكن يا ميادة لقيتكك غتيييتة الصور دى كانت وين يوم ما كنا بنكاوى فى ناس امدرمان وبنبرز فى حلاة الخرطوم من شناة امدر ؟؟؟
أبدا يا غالية والله ماشفت البوست وبعدين ااااااي شئ ولا امدرمان دي عاصمتنا الوطنية يا حبوبة
ناس امدرمان يتحبوا ياااااخ
| |
|
|
|
|
|
|
Re: (مناظر جميلة من الخرطوم) في عهد البشير فهل في عهود من سبقوا كانت احسن من كده!!!!!! (Re: mayada kamal)
|
Quote: (مناظر جميلة من الخرطوم) في عهد البشير فهل في عهود من سبقوا كانت احسن من كده!!!!!!
|
ميادة يا بتي الله يهديك. كل الحاجات الجبتيها في الصور دي زي ما قال ليك السبقوني في البوست البشير ما دق فيها حجر دغش. بل كلها يا من قبل عهده الميمون، أو بي قروش ناس تانين والباقي بي قروشنا. الأهم أنه الجمال والأبهة دي كلها في مساحة لا تتعدى في أفضل الأحوال ميل واحد مربع من ضمن المليون ميل مربع. يعني زي المنطقة الخضراء في بغداد. أطلعي أمتار قليلة من المنطقة دي وجيبي لينا الصور عشان نقدر نفكر نصدق كلامك...!!! يا بتي بيتنا على بعد نصف كيلوا من النيل ومواسيره تشخر وإن جابت تجيب طين... وبالمناسبة ما في حي عشوائي بل في منطقة محصورة بين كوبريين وشوارع زلط ولامن تصب المطرة الزلط بيحجز الموية داخل البيوت. وما تنسي تصوري لينا خارج المنطقة الخضراء في العاصمة المثلثة محلات الطعمية البقت تفتح طوال اليوم لأنه معظم الناس بقت تفطر وتتغدى وتتعشي بوش وطعمية، عشان كدة ما تقيسي على نفسك ومستوى معيشتك لأنك من الصفوة والزمرة الحاكمة. لو كنتي بتعاني مثل 99% من الشعب السوداني ما كان ح يكون ده رأيك. وزي ما قلت ليك أطلعي شوية من المنطقة الخضراء وأقعدي مع الغلابة وجربي معاهم غدوة بوش وفطرة طعمية وتعالي أكتبي لينا أنطباعاتك. طبعاً ده لو كنتي عايشه في الخرطوم، لأني ما عارف قاعدة تكتبي من وين؟؟؟
في النهاية أسأل الله لك الهداية.
الشايقي http://www.youtube.com/watch?v=WjNosdjuv7s
[email protected] http://alkatwah.com
.
| |
|
|
|
|
|
|
Re: (مناظر جميلة من الخرطوم) في عهد البشير فهل في عهود من سبقوا كانت احسن من كده!!!!!! (Re: Al-Shaygi)
|
برنامج الاغذيه العالميه السودان الربع الاول (1 يناير-15 أبريل 2010)
تظل العملية الطارئة في السودان إحدى أآبر عمليات برنامج الأغذية العالمي وأآثرها تعقيد ا. إن تضافر عوامل الصراع والنزوح واسع النطاق للسكان والفقر يجعل منها واحدة من أآثر البيئات تحديا التي يعمل فيها برنامج الأغذية العالمي . ويسعى برنامج الأغذية العالمي في 2010 إلى مساعدة نحو 11 مليون شخص يواجهون نقصا في الأمن الغذائي في السودان بتقديم 764,000 طن متري من المساعدات الغذائية في كافة أنحاء البلاد . مقارنة بالعام السابق، ستمثل خطة عام 2010 زيادة آبيرة بسبب ارتفاع أعداد المتأثرين بالجفاف أو النازحين نتيجة للصراع الدائر في جنوب وغرب وشرق السودان في النصف الثاني من 2009.
جنوب السودان - تشير نتائج تقييم الاحتياجات السنوية وسبل آسب العيش لعام 2009 إلى تفاقم وضع الأمن الغذائي في الإقليم . واستجابة لذلك، عزز برنامج الأغذية العالمي من قدرته التشغيلية لتصل إلى نحو 4.3 مليون مستفيد، رافعا عدد المستفيدين إلى أربعة أضعاف العام السابق . وقد قام برنامج الأغذية العالمي قبل الانتخابات بتوزيع حصص مضاعفة لشهري مارس وأبريل في بعض المواقع المختارة ليصل إلى 1.9 مليون شخص، مقدما لهم 31,000 طن متري من الغذاء تم توزيع 80 بالمائة منها مباشرة بواسطة برنامج الأغذية العالمي. وفي إطار التعزيز الهائل للمساعدات في جنوب السودان، تحتم على برنامج الأغذية العالمي النهوض بقدراته اللوجستية . فقد قام برنامج الأغذية العالمي بإرسال ما يربو على 95,000 طن متري من الغذاء إلى جنوب السودان خلال الثلاث شهور الأولى من عام 2010 ، وهو ما يفوق الكمية المرسلة بواسطة برنامج الأغذية العالمي للجنوب طيلة العام 2009 . ومن أجل زيادة السعة في المواقع المعدة للتخزين بالجنوب أقيمت 54 من خيم التخزين المتنقلة في مواقع رئيسية، حيث أن النقل والتخزين المبكر يتيح لبرنامج الأغذية العالمي تفادي عمليات الإسقاط الجوي المكلفة خصوصا عندما تصبح الطرق غير سالكة ويتعذر الوصول إلى المواقع المعينة خلال موسم الأمطار . وقد قام برنامج الأغذية العالمي ابتداء من 9 أبريل بالنقل والتخزين المبكر ل42,847 طن متري (ما يعادل 74 بالمائة من الاحتياجات المحددة) في المواقع النهائية.
دارفور- بلغ عدد المحتاجين إلى مساعدات غذائية خلال هذا العام نحو 4.6 مليون شخص متأثر بالنزاع . وسوف يتم تقديم المساعدات لمعظمهم من خلال حصص غذائية شهرية عبر برنامج التوزيع العام للغذاء، بالإضافة إلى دعم ما يقرب من نصف مليون طفل عبر أنشطة الغذاء مقابل التعليم . آما سيستهدف قرابة ال 500,000 من النساء والأطفال الذين يعانون من سوء التغذية عبر برامج التغذية الإضافية والتغذية الإضافية الشاملة المخطط لها أن تبدأ في شهر مايو آإجراء وقائي يستهدف الأطفال دون الخامسة أثناء موسم الجوع . بالإضافة إلى ذلك، ولتقليل توزيع الغذاء دون مقابل، فقد تم تحويل المستفيدين من حصص التوزيع العام للغذاء لفترة إثني عشر شهرا إلى الدعم الموسمي وأنشطة الإنعاش المستهدفة . فبرنامج قسائم الطحن التجريبي الذي تم إطلاقه بنجاح في العام الماضي في شمال دارفور أخذ في التوسع بصورة آبيرة في هذا العام ليشمل غرب وجنوب دارفور. آما أن توعية النازحين بأهمية عمليات إعادة التحقق ما زالت مستمرة في مختلف مناطق دارفور. الوسط والشرق والمناطق الثلاث - يخطط برنامج الأغذية العالمي لتقديم المساعدات لأآثر من 1.7 مليون شخص هذا العام (بالوصول إلى أآثر من 80 بالمائة منهم عبر التوزيعات التي يقوم بها البرنامج مباشرة أو بواسطة الحكومة ). وقد سلم برنامج الأغذية العالمي بنهاية شهر فبراير الحكومة وجمعيات الآباء والمعلمين مسئولية دعم 90,000 من التلاميذ . آما يهدف برنامج الأغذية العالمي أيضا إلى تنفيذ مختلف البرامج المبتكرة في آافة أنحاء الإقليم التي تتضمن برامج القسائم النقدية التي تستهدف المرضى المصابين بنقص المناعة المكتسبة والدرن وأنشطة الغذاء مقابل العمل المدعومة بمبيعات الكربون وربط صغار المزارعين بالأسواق.
| |
|
|
|
|
|
|
Re: (مناظر جميلة من الخرطوم) في عهد البشير فهل في عهود من سبقوا كانت احسن من كده!!!!!! (Re: وليد الطيب قسم السيد)
|
وقال WFP يتطلب تمويل العملية الطارئة لبرنامج الأغذية 897 (EMOP 200027) العالمي للعام 2010 مليون دولار . وبفضل مساهمات الولايات المتحدة الأمريكية وأستراليا وكندا والدنمارك وإدارة المعونة الإنسانية التابعة للمفوضية الأوربية وفنلندا وفرنسا وإيرلندا وإيطاليا واليابان والنرويج وسويسرا والصندوق الإنساني المشترك التابع للأمم المتحدة، فقد بلغ تمويل العملية الطارئة 56 بالمائة حتى 9 ابريل. ------------------------------------
ايوه كده (الخواجات) يأكلوا ليكم مواطنينكم وانت ابنو فى العمارات.....
هو الجايب لافريقيا السمعه شنو مانوع الحكام الفى خرطوم ديل....
| |
|
|
|
|
|
|
Re: (مناظر جميلة من الخرطوم) في عهد البشير فهل في عهود من سبقوا كانت احسن من كده!!!!!! (Re: جلال جبريل)
|
كانت خرطوم الستينات والسبعينيات زينة المدائن .. جميله ونظيفه تسر الناظرين .. كان سكانها محدودين وحدودها معروفه والجمال يمتد حتى لاسماء الاحياء.... العمارات وحى الزهور وحى الصحافه... ولم تكن هناك احياء مثل حكومه دقست وقانون مافى.... وكان سكان كل حى يعرفون بعضهم بل وحتى سكان الاحياء المجاوره وبالرغم من انهم من قبائل مختلفه فقد صهرتهم الخرطوم واصبحوا كاسره واحده متعاضده متكاتفه لها كبارها ومضحكيها وحتى صعاليقها ........ المواصلات متوفره والشوارع معبده والمواطنيين يحبون ويتعاطفون مع بعضهم البعض والسواقه كانت ذوق وكان من الطبيعى ان تتوقف عربتان فى تقاطع وكل سائق يعزم على الآخر ان يتقدم اولا كان التعليم الحكومى هو الاصل والفصول غير مزدحمه والتعليم مجانى والمعلم مؤهل ومؤتمن ويؤدى واجبه بالتزام وكنا لانعرف الدروس الخصوصيه وكانت درة التعليم وسنامه الجميله ومستحيله جامعة الخرطوم والتى يدخلها الطالب بالبوكسنق ولايدخلها لانه دباب فرقع دبابه (حسب افادات مدير الجامعه الاخيره) ولم تكن الجامعه مؤسسه تعليميه فقط وانما كانت مناره ثقافيه كانت الندوات الادبيه تعقد فى منتديات العاصمه ويعطر اجواءها كلمات محجوب شريف و تاج السر الحسن وعثمان خالد كانت المستشفيات فى العاصمه مؤهله واطباؤها مميزين ومخلصين والعلاج مجانى ولايسافر المرضى للخارج لطلب العلاج ولم تعرف الخرطوم المستوصفات والعلاج التجارى كانت الخرطوم تعمل نهارا وبجد ونزاهه وتسهر ليلا على انغام مصطفى سيد احمد ووردى وكابلى مع البنت الحديقه والحنينه السكره وياهاجر وكانت حدائق الخرطوم تتفتح فيها الازاهر وتفوح منها العطور وهى تحتضن قصص الحب البرىء لاتكدرها شرطه شعبيه او مجتمعيه او نظام عام فقد كانت الخرطوم آمنه ونظامها محفوظ قبل هذه المسميات... فالخرطوم كانت تبارك كل الاديان الاسلام والمسيحيه واليهوديه وحتى المجوسى يمارس طقوسه فى حريه ........ والخرطوم كما احتضنت كل الاديان كانت تحتضن وفى حنان كل الاجناس الامريكى والاوربى والاسيوى والافريقى يتمازجون فى مؤسساتها العلميه وفى اسواقها ويسهرون سويا فى النادى اليونانى والالمانى والامريكى والهندى وكانت صالة غردون جى.ام.اتش.. تستقبل اعرق فرق الموسيقى الاوربيه لتنشر الطرب الراقى فى اجواء الخرطوم والخرطوم استضاف مسرحها القومى فريد شوقى وفهد بلان وطربت بغناء مريم ماكيبا و الست ام كلثوم وفى قاعة الصداقه سعدت الخرطوم بنزار قبانى وعبد الرحمن الابنودى ولم تكن ايام الخرطوم كلها لهو وطرب...... فالخرطوم كانت مناضله وتاريخها حافل بالمواقف الوطنيه وكان رجالها ابطالا لايعرف الخوف طريقه الى قلوبهم اسقطوا نظامين عسكريين وسكبوا دماؤهم رخيصه من اجل الحريه والديمقراطيه وقفوا مع لوممبا وساندوا مانديللا واستقبلوا عبد الناصر بعد النكسه استقبال الابطال فكانت اللاءات الثلاثه واسسوا بموقفهم هذا للصمود ورد العدوان وكانت الخرطوم مسالمه لم تتلوث يداها بكثرة جرائم القتل واغتصاب الاطفال .......... واذكر اننا احصينا جرائم القتل فى سنه من السنوات فى كل منطقة الثورات فكانت اربعه كلها ارتكبت فى منازل الخمور اى ان مرتكبيها كانوا فاقدى الوعى اما خرطوم اليوم خرطوم الانقاذ فهى خرطوم اخرى خرطوم مشوهه ...خرطوم مسخ ...خرطوم شيطانيه .... ترتدى لبوس الرهبان وتفعل افعال الشياطين ...... خرطوم كسيحه متسخه تمتلى شوارعها بالعربات وحوادثها نهارا وبالرعب ليلا حيث تنتشر فيها عصابات ال(.........)ز التى تهاجم الحدائق العامه والاحياء فى تحالف مع حيوانات مفترسه مجهولة الهويه وقيل ان احدهم اتى بها لتزداد ملياراته وعندما فشل مشروعه كما فشل مشروعهم الحضارى اطلقها فى شوارع العاصمه لشىء فى نفسه ونفس يعقوب فعضت واكلت ومازالت تسرح وتمرح تنشر الخوف المطلوب خرطوم اليوم تتطاول فى البنيان الحرام ورغم هذا الشغب العمرانى (كما اسماه منصور خالد) فان المئات من الاطفال ضحايا الحروب يعيشون فى المجارى وياكلون من النفايات ......... وخرطوم اليوم بلا قلب وبلا ضمير فالمئات من اطفالها الابرياء الغير شرعيين يلقون حتفهم فى مكبات النفايات وتاكلهم الكلاب ...ويالعار الخرطوم التى حجزت فى احدى مستوصفاتها جثمان القاضى العادل العالم صلاح حسن ورفض المستوصف دفن الجثمان الا بعد الدفع ولم يشفع للجثمان الطاهر ان اليوم جمعه والبنوك مقفله خرطوم اليوم نضب فيها الابداع وجفت فيها منابع الشعر واصبحت تكشف مع اغنية القرد ...القرد ...والنبق .....النبق ..... وترقص على انغام راجل المراه حلو حلاه........... وانقطع سيل المبدعين عن زيارتها واصبح زوارها رجال غسيل الاموال ترهلت الخرطوم واصبح لها كروش وشلاضيم وبلا حدود وتفوح منها رائحة الفساد النتنه ...... وغيرت حتى اسماء حدائقها فقد كانت 6ابريل وحديقة القرشى ... اسماء لها معانى واصبحت الآن حدائق (حبيبى مفلس) وحديقة (ابوى بشوفنى ) وغاب عن الخرطوم دورها السياسى .... الخرطوم التى هزت نظام نميرى عندما زاد السكر قرش صمتت فى لامبالاة عندما زيد السكر الف جنيه !!
لقد افتقدنا الخرطوم الجميله الرائعه الشجاعه التى كانت تخيف الحكام ونحن نعيش اليوم فى خرطوم تنام مبكرا خائفه مرتجفه من كلاب مفترسه ومن عاشه ام ضنب !!
محمد الحسن محمد عثمان قاضي سابق http://www.rufaaonline.com/vb/showthread.php?t=34427
| |
|
|
|
|
|
|
Re: (مناظر جميلة من الخرطوم) في عهد البشير فهل في عهود من سبقوا كانت احسن من كده!!!!!! (Re: خالد عبد الحليم سعيد)
|
لا ينكر أحد قيام حزب الشجرة المشئومة بتشييد الكثير من المنشآت والمشاريع لكن ما هو الثمن الذي قابل ذلك؟ - قتل وترويع العديد من الآمنين في أطراف السودان - إفقار غالبية الشعب السوداني لحساب قلّة اغتنت - نشر التفرقة العنصرية والقبلية في المجتمع السوداني - توقف خدمات العلاج المجاني والتعليم المجاني (رغم تصريحات المسئولين) - إنشاء 100 جامعة غير مستوفية للمعايير الدولية والمحلية - إنشاء المشاريع بمبالغ تفوق كثيراً تكلفتها الأصلية مما يؤدي إلى إهدار كبير في المال العام - إهدار الثروة النفطية للبلاد إلى جيوب عدد قليل من المنتفعين - إهدار وتدمير المشاريع القومية مثل مشروع الجزيرة ومشروع النيل الأزرق وغيرها - بيع مرافق الدولة بمبالغ تافهة لا تمثل قيمة أراضيها ولا قيمة منشآتها ولاقيمتها السيادية (التي لا تقدر بثمن أبداً). - التنازل عن أراضي سودانية كثيرة لغالب الدول المحيطة بالسودان (نعم كانت هناك خلافات قبلكم لكن الأراضي كانت بحوزة السودان وإدارته وسيادته إلى أن فرط فيها نظامكم). - دخول القوات الأجنبية بعدد يفوق عددها أثناء الاستعمار - رهن قرار السودان الخارجي لدول أخرى - وجود رئيس ضعيف مطارد لا يستطيع التحرك إلا في حدود معينة ويسبب وجوده إحراجاً يمنع قيام المؤتمرات ويؤدي إلى نقلها من أماكنها لتجنب حضوره - وجود رئيس لا يعرف البروتوكول الرئاسي - ضياع هيبة السودان - .............................. وغير ذلك كثير
هل كل ما ذكر أعلاه هو ثمن مناسب لبعض المشاريع التنموية التي نفذت بأضعاف تكلفتها الحقيقية ؟
| |
|
|
|
|
|
|
Re: (مناظر جميلة من الخرطوم) في عهد البشير فهل في عهود من سبقوا كانت احسن من كده!!!!!! (Re: إسماعيل حسن)
|
ميادة
عندما توفر الحكومة للمواطن السوداني الصحة وتبني له المستشفيات كما نراها في السعودية مثلاً حيث ان السعودي يمكن ان يتعالج في اي مستشفى مجاني وعلى نفقة حكومة خادم الحرمين الشريفين في افضل مستشفيات في العالم في الرياض والدمام وجدة وغيرها من المدن الكبيرة وحتى الصغيرة كمان.
عندما يكبر الطفل ويصل عمر الدخول إلى المدرسة ولا يفكر ابواه (كما نفرك نحن الآن) في ادخال ابنهما إلى المدارس الخاصة لينا افضل تعليم
وعندما يذهب المواطن إلى اي من الدوائر الحكومية لقضاء حاجته ويجدها مفتوحة له على مصراعيه وعندما يهم المغترب السوداني العودة إلى وطنه ويجده فاتحاً له يديه ليضمه في شخص من يقابلهم في المطار او الميناء عندما نرجع إلى السودان زيارة تجد كل عمال وموظفي المطار والميناء وخصوصاً ناس الجمارك كالشحادين.
عندما توفر لنا حكومتكم الوظائف ويرتفع دخل الفرد ويزول الفقر وتنتهي مشاكل دارفور
وعندما وعندما كتيرات
عندها سوف نصفق للإنقاذ وللبشير وبالفعل يكون عندك كل الحق في ان تقولي ما تريديه
الصادق
| |
|
|
|
|
|
|
Re: (مناظر جميلة من الخرطوم) في عهد البشير فهل في عهود من سبقوا كانت احسن من كده!!!!!! (Re: إسماعيل حسن)
|
Quote: عندما تكون الافكار ضحلة والمطامع متواضعة والتملق من أجل كرسي وزارة أو إدارة تنشأ للترضية وعندما يكون الكذب والنفاق هو سيد الموقف وديدن تجار الدين وعندما يطلق احدهم الكذبة ويصدقها تعم الفرحة دنيا امثال ميادة كمال |
الاخ اسماعيل حسن اين الكذب والتملق والنفاق في كلامي سودان اليوم ..... المعايش الحمد لله احسن من زمان بكتييييير ... في ناس بتاكل وتشرب وما بتقول الحمد لله ... الناس زمن الاحزاب ما كان لاقين رغيف يا كلوهو ... وهسي بقى في ازدهار اقتصادي نعمل على عرضه الان ... ووفرة في السلع ... لان الرخاء ياتي بعد التنمية ... ونحن الان نعرض في التنمية التي صنعتها الانقاذ من أجل السودان وانسان السودان ... هذا رغم الحصار والنزاعات والحروب المفتعلة ..... ولو على الفساد : كل شي ليهو علاجه ولم يخل زمن في السودان من الفساد وهو ليس وليد الانقاذ ... كان بعض العاملين بالدولة زمن الاحزاب يبيعوا كل شي تابع للحكومة يجدوه تحت ايديهم ... باعوا بنزين عربات الحكومة وثمن اسبيراتها وكل شي ... حزبي الامة والاتحادي ايام السيول والامطار 1988 وزعوا كل المعونات الكثيرة التي جاءت للسودان من الامم المتحدة والمنظمات الدولية الاخرى ... للمنتمين لاحزابهم .. بدل ان توزع للمساكين وللمتضررين ... بكشوفات يكذب فيها عناصرهم وادعائهم بالضرر ... وتعداد ارقام للخسائر كلها كذب في كذب .... واخذوا التعويضات الباهظة من خزينه الدولة الخاوية والفقيرة ... في حين ان السودان لم يكن يملك قيمة المبيدات للبعوض ايام الامطار والسيول ..
هدي مني إليك تمتع بالمنظر الرباني السودان على طبيعته
وكن جميلا ترى الوجود جميلا
| |
|
|
|
|
|
|
Re: (مناظر جميلة من الخرطوم) في عهد البشير فهل في عهود من سبقوا كانت احسن من كده!!!!!! (Re: وليد الطيب قسم السيد)
|
Quote: تحياتى
كان لك ان تفترع بوست اخر وتدحض فيه المناظر الغير جميله التى طوقت بها بوست الاخت مياده كنت وقتها احترمتك.....
الخرطوم يا سيدى ليس ملك لمياده او للمؤتمر الوطنى هى عاصمة السودان وكل شى جميل فيها بيرجع للجميع.... حاول تساعد فى اظهار الوجه الجميل للخرطوم ولك ان تظهر الوجه الاخر من دون تشوش على الوجه الجميل ده النضال الصحيح البعرفو خلاف ذلك بعتبرو صعلقه منك لا اكثر ولا اقل ولحظتها بتجدنا امامك......خالص احترامى.... متمنى ان تحزف الصور دى وترسلها فى بوست خاص وسوف نشارك معك فى ذلك........... |
شكرا استاذ وليد تقول شنو بس للناس الما بتفهم ولا تقيم قيمة الجمال بس بكري ابو بكر ما قصر .... تم اجراء اللازم وانا حقيقي ما كنت دايرة ارد على المدعو عبد المجيد
مع تاكيد موقفنا الثابت ضد ما لحق بهؤلاء المساكين لو صحي هم اصلا سودانيين وما يكونوا جايبين لينا صور مضروبة زي حقة المرة الفاتت ديك ودايرين يتاجروا بقضايا مواطنينهم
شكرا على موقفك دا اصلي ملاحظة انو سياتك الوحيد اللي انتقد سلوك عبد المجيد هذا
شكرا مرة اخرى لسيد الحوش بكري ابو بكر
| |
|
|
|
|
|
|
Re: (مناظر جميلة من الخرطوم) في عهد البشير فهل في عهود من سبقوا كانت احسن من كده!!!!!! (Re: mayada kamal)
|
شعرت بالشفقة أكثر من أي شعور آخر – الغضب مثلا من محاولات التدجيل – فواقع المواطن السوداني إن هو صدّق دعاوي مطبلي الانقاذ بأن الدولة السودانية في تطور من حيث المبدأ و مستمر طرديا مع تطاول البنيان، هو واقع مؤلم مخزي و يفسر تماما لما يحكمنا من يحكمنا الآن .... لا اعتقد ان المواطن السوداني بحاجة إلى مبان تزين شوارع عاصمته بينما هو لا يملك قوت يومه لان دولته رفعت يدها من دعم المنتجات الاساسية ...
لا اعتقد ان المواطن السوداني البسيط المريض يشفى سقمه برؤية المباني أعلاه و يغمض عينيه مبتسما ان من الله عليه بعاصمة تصطف على جنباتها (عمارات عالية) و الصحة طايرة المهم الشوارع شكلها سمح ...!!
الخرطوم بكل (عماراتها) الجبتيها لينا فرحانة دي لا تعدو كونها قرية كبيرة من حيث الخدمات و التخطيط ... لا صرف صحي لا تصريف أمطار لا خدمات ... واقع مخزي لحكومة تتدعي انها اخرجتنا من الظلمات إلى النور ...
ردي على سؤال دينا فوق و الحساب ولد ... انتو قبل تمسكو البلد دي كنتو و ين و حسي بقيتو وين ؟؟
البلد بحساب العقل و المنطق منهوبة نهب مرتب و الشعب طالبكم و انتو مديونين، تقولي لي مناظر جميلة من الخرطوم؟ اجيب ليك صور الخرطوم البيعرفها 80% من سكان الخرطوم؟ نجيب ليك حقيقة ساكن الخرطوم في بيوت الجالوص و العشوائيات و البينام ما اتعشى ؟؟
وحدة قياس تطور الدولة بيكون بمدى تطور الفرد\المواطن و صحته وتعليمه و قدرته على الانتاج يا طالبة الدراسات العليا أي زول مبتدئ بيعرف انو السودان في آخر صف الدول المتأخر لارتفاع نسبة الفقر و البطالة و الأمراض و متوسط عمر الانسان المنخفض بسبب الحروب و النزاعات صورك دي دليل على وسع الشقة بين طبقات المجتمع وهي نتيجة حتمية لنظام اقتصادي غير صحي و غير سوي في مصر القريبة دي في الدقي بس مجموع العمارات يفوق العمارات اللي في السودان موش اللي في الخرطوم
لو دايرة تسوقي لحكومة الانقاذ تعالي قولي لينا دعمت التعليم ولا لأ دعمت الصحة ولا لأ حاربت الفقر ولا العكس زاحمت الغلابة في لقمتهم – ستات الشاي مثالا – انتي فاكرانا بننسى؟ دولتك دي عملت شنو في أمراض الطفولة؟ دولتك دي عملت شنو للمواطن العادي – خلف الله حقكم – و دعمت ليهو معيشتو ولا خلتو جايع يستشهى البيض؟
| |
|
|
|
|
|
|
Re: (مناظر جميلة من الخرطوم) في عهد البشير فهل في عهود من سبقوا كانت احسن من كده!!!!!! (Re: Emad Abdulla)
|
ايام هجرة الشباب الجماعية للبنان منتصف التسعينات واحد من بلدنا مشى لبنان قعد كم شهر كدا قام رسل لي ابوه صورو مع الصحاب في المناطق اللبنانية السمحة ديك ابوه رسل ليه جواب قال ليه ياولدي :
صورك دي شلناها مشينا بيها التعاون ( ايام التعاونيات الف رحمة و نور ) ابوا يدونا بيها السكر و الشاي صورك دي شلناها مشينا بيها سوق الاتنين ابوا يدونا بيها اللحمة و البصل
قال ليه يا ولدي خلي الشي البتسوي فوقوا دا و رسل لينا القروش
اختنا ميادة تحياتي الصور من ناحية سمحة سمحة و الله لكن العمارات دي لا بتاكل الناس لا بتعالجهم و لا بتعلمهم
جيبي لينا الانجاز الحقيقي خلينا نلملم عفشنا من غربة السجم دي و نرجع
| |
|
|
|
|
|
|
Re: (مناظر جميلة من الخرطوم) في عهد البشير فهل في عهود من سبقوا كانت احسن من كده!!!!!! (Re: amir jabir)
|
يا عامر جابر(amir jabir) ان شاءا لله بس اكون قريت اسمك صااااح ما تعمل لي فيها مقددة رادم لي البوست بي صورك دي صور الناس البسطاء والمعدمين والمشردين دي موجودة في اجعص دولة برضو يعني حتى امريكا ودول اوربا الغربية (الدول البتقدم الدعم لاكلي الاوليفر) الدول المصنفة دول العالم الاول والمتقدمة فيها السكن العشوائي والفقراء والمشردين كمان ونحن هنا في السودان ما قلنا انو وصلنا للـ (للمدينة الفاضلة) ولا قلنا حققنا التنمية الكاملة الكافية لسع السكة ماشين فيها ... وقدمت الانقاذ وماشة لسع بتقدم ومن حقها ان تبرز مواضع اي تقدم تحرزه
ناس حاقدة ما بتقدر قيمة الجمال
| |
|
|
|
|
|
|
Re: (مناظر جميلة من الخرطوم) في عهد البشير فهل في عهود من سبقوا كانت احسن من كده!!!!!! (Re: Emad Abdulla)
|
ما بنختلف صور جميلة تشكرى عليها, ولكن نتمنى أن نرى جمال اعمق يراه الكل ويحس به ويستفيد منه الجميع افتقدناه فى ظل حكومة الانقاذ مثلا معدلات الوفيات بمرض الملاريا متكاثفة وبنظرة على شوارع العاصمة المثلثة ممكن نشوق الزبالة المتراكة فى كل مكان والشوارع الخالية من المجارى لتصريف المياة الاهنمام بالبيئة اهم من ناطحات السحاب ونتمنى أن يهتم محافظ العاصمة ولا المعتمد ولا الوالى ولا المتعالى ما بعرف بصرف اقل من 10% من ميزانية المعتمدية على البييئة (1500 برميل زبالة يتيم بس قى شوارع الخرطوم) لصحةالمواطن المسكين الغير مستفيد من المول ولا الهوتيلات ولا المصارف الضخمة وبكون كدة الجمال اجمل والمنظر ممكن بتشاف احلى, كنا طلاب قبل وصول الانقاذ ندرس فى مدارس نضيفة وجميلة ومجانية وبها داخليات ومعلمين مهتمين بمستوى الطالب والمدرسةوبى قدرة قادر تمكنت الانقاذ من مسح هذا الجمال من الوجود بى استيكة لو اهتمت الحكومة بجمال التعليم كان ممكن الصورة تطلع اجمل من جمال مبانى البنوك والشركات, لو رجعنا شركة المواصلات وبصات الحكومة لشوارع العاصمة بدلا عن الزعارير والرقشات المتسببة فى تسمم البيئة وتكاثر الحوادث وبدل كل 20 رقشة او 15 زعرورة بص واحد كان ممكن الصورة تكون اجمل . حفر مجارى لتصريف مياه العاصمة بتخلى البلد انضف وخالية من الامراض وكده بتكون احلى , لو مجرد لو اجبرت المعتمدية الباعة فى الشوارع من تغليف الطعام والتسالى والفول والفواكة بانواعها والعيش بكون وغاية من الامراض والمواطن كده بقدر يستمتع بجمال المنظر بدون دوشة راس ولا دسنتاريا ولا تايفويد, لو ولو بس نطلع من صالة المطار ما نشوف اول شئى فى الخرطوم اكياس نايلون قدام بوابة بلدنا وبى بساطة ممكن للمحافظة على بلدنا نحظر بيع اكياس النايلون ونرجع اكياس الشوال والقفة ( عيبوها لى) وتكون فعلا البلد اجمل ولا نحتاج نشوفة فى الصور عشان البدخل الخرطوم ما بشوف الصور المعروضة على الانترنيت بشوف هناك الصورة اوضح واقبح ويجد نفسة داخل اوسخ عاصمة فى العالم للاسف وفى دقيقة بينسى كل الصور البشوفها فى المنتديات .
| |
|
|
|
|
|
|
Re: (مناظر جميلة من الخرطوم) في عهد البشير فهل في عهود من سبقوا كانت احسن من كده!!!!!! (Re: amir jabir)
|
مياده كمال ..تحياتى وأشواقى..
والله يا مياده انا ما عارف انت الطبزات دى مرات بتجيبيها من وين..؟؟!!
التطور والعمران ما بقيسوها بعصور الحكام ..؟؟!! يعنى هسع أقوم أمشى أصور المدينه المنوره والمسجد النبوى وأجى أقول مثلا ما فعله الملك فهد(رحمه الله) فى المسجد النبوى من تطوير عجز عنه سيدنا عمر بن الخطاب(رضى الله عنه) لا تقاس الامور هكذا..هذا تطور طبيعى للعمران بصيرورة الزمن..
وشايفه ردموك بصور مضاده كيف ..
| |
|
|
|
|
|
|
مناظر حقيقية من السودان في زمن بشيركم المطلوب.. (Re: Hashim Badr Eldin)
|
أها.. والله ما أجي البوست الإحتفائي ده وإيدي فاضية..
دي بقى "قريضة".. بتعرفيها يا ربي..؟ لو بتعرفيها خير وبركة. لو ما بتعرفيها أزيد الخير بقول إنها إحدى البقع الجابت خبر البشير.
في 2005 - 2006 وقعت فيها محارق والناس زي ما شايفاهم قاعدين في السهلة. حتى معسكرات النازحين ما سلمت. لأن الحكومة كانت عاملاها نادي الرماية بتاعها. كل ساعة طلعات جوية وقصف وحرق. طبعا ممكن ما تصدقي. وكتيرين زيًك. لكني شفتها بعيوني ومحدش قال لي. الأرض اللونها أحمر جميل.. بقى لونها اسود. في البداية إفتكرت إنها تغيير تربة وكده. لكن أهل البلد بنفسهم قالو لي ده رماد القطاطي والشجر..
التحية لـ"قريضة" ولأهلها وين ما قبًلو. وحقًهم حيرجع ليهم حيرجع ليهم.. ولاهاي منتظرة..
الشجرة دي المدرسة..
ودي السبًورة زي ما شايفة.. وبالناحية التانية فصل تاني
أها ده للتوثيق بس.. شفت بعيني
| |
|
|
|
|
|
|
Re: (مناظر جميلة من الخرطوم) في عهد البشير فهل في عهود من سبقوا كانت احسن من كده!!!!!! (Re: وليد شريف)
|
Quote: لاخت ميادة البوست بتاعك جاب الهوى للحكومة لو سمحت يا ميادة ياريت لو كمرتك تطلع علي الحاج يوسف وتصور لينا بحيرة الصرف الصحي الجميلة التي تطل على المنطقة |
الحكومة مسيرتها ماشة وممتدة والافكار الهدامة اللي بتاتي كردات فعل هنا في هذا البوست لن تزيدنا الا اصرار على تكملة ما بدانها منذ عشرون سنة
ومكابر من ينكر ان ما قامت به الانقاذ طوال الفترة الماضية انعكس بصورة ايجابية على حياة المواطن افضل من الفترة السبقته هل نسيت الناس صفوف البنزين والرغيف والغاز ووووو
| |
|
|
|
|
|
|
|