|
|
|
 Re: االسوداني فى الأماكن العامة ...لماذا لا يتأبط زوجته !!!! (Re: جلال جبريل)
|
سلام يا وعزام/ وليد,,| Quote: مره أكُنا في الحديقة العامة ... فارشين والأولاد بِنطِطو تقول راكِبم جان ... بِت إبراهيم ناولتني صحن نقيمات أكانت رامياها مِن الدُغُش ... قُمت إتناولت لي واحدة وقربتها مِن خشما ... تسمعا بِتقول لي : إنت عوير ولا شنو ، باكُل براي ... فنظرُت إلى السماء ، فأدركت إن الله أخذني بِذنبٍ سابِق |
بت إبراهيم دى أهلها كان عارفينك بتوديها حديقة بجو يقلعوها منك ويشلخوك ويمشو,, أما بخصوص اللقيمات ف حا يخيروك فى الطريقة التى تفضل أن تأكلها بها!!!
تانى يا عزام ما تعمل كدا...
تحياتى,,
| |
 
|
|
|
|
|
|
|
 Re: االسوداني فى الأماكن العامة ...لماذا لا يتأبط زوجته !!!! (Re: جلال جبريل)
|
| Quote: مره أكُنا في الحديقة العامة ... فارشين والأولاد بِنطِطو تقول راكِبم جان ... بِت إبراهيم ناولتني صحن نقيمات أكانت رامياها مِن الدُغُش ... قُمت إتناولت لي واحدة وقربتها مِن خشما ... تسمعا بِتقول لي : إنت عوير ولا شنو ، باكُل براي ... فنظرُت إلى السماء ، فأدركت إن الله أخذني بِذنبٍ سابِق |
| |
|
|
|
|
|
|
|
|
|
Re: االسوداني فى الأماكن العامة ...لماذا لا يتأبط زوجته !!!! (Re: شمس الدين ساتى)
|
أيمن الطيب
| Quote: بت إبراهيم دى أهلها كان عارفينك بتوديها حديقة بجو يقلعوها منك ويشلخوك ويمشو,, أما بخصوص اللقيمات ف حا يخيروك فى الطريقة التى تفضل أن تأكلها بها!!! |
أكان < قلعو > مِنا بِتهُم ، ياهو < القلِعْ > وياهو سالِف الكواهلة مِن قديم ... وأكان < شلخوني > ردوني للأهلي المحس وطبعهُم ... عِلا حرم ما آكُل النِقيمات إلا بِخاطري وبِالفجه البدورا ، هو شنو الحِكاية < خرِت > وحقارا كمان
| |
|
|
|
|
|
|
|
|
|
Re: االسوداني فى الأماكن العامة ...لماذا لا يتأبط زوجته !!!! (Re: شمس الدين ساتى)
|
| Quote: كدى أدونا رأيكم فى قصة (التأبط دى؟) |
نحنه كدة الله خلقنا كدة شعب غير متأبط
بعدين بتصور أنو الزوجين ديل عندهم بيت بتأبطوا في زي ما عوزين
فما في داعي للكلام ده في الشارع
حيث انا طبعا ما بلاحظه في الشارع لكين في السوق غالبا
لما تكون بتجيب في مقاضيك يوم الخميس , مرات بتلاقي أخوانا المصريين متأبطين
لو كانت معاى بت أبوبكر بشرح ليها الوضع أنو بتكون خائفة يطير منها عشان كده قابضة فيّ قوي
في النهاية المسألة ثقافات شعوب وعاداته
ممكن يسايرة البعض كنوع من التقليد
أو يمشي على حاجاتو وكلها مسأل تقديرة شخصي بحت
السوداني الوحيد القابلتو قبل كدة متأبط في مطار وبصراحة كان شكلو سخيف للغاية
---------------------
*ما عندي رأى سلبي في التأبط العوز يتعبط يتعبط بعافيتوا
| |
|
|
|
|
|
|
|
|
|
Re: االسوداني فى الأماكن العامة ...لماذا لا يتأبط زوجته !!!! (Re: walid taha)
|
شكراً لكل أدلى بدلوه هنا
فى الغالب التأبط ( لمن يتأبطون) يكون فى السوق لكن والشاهد بأن السوداني عندما يسير مع زوجته فى السوق تجد المسافة بينهم لا تقل عن 10 امتار فما فوق ، يعنى تلقاهو ماشى زهجان ومرتو هناااااااك شايله ليها كيس ، فمن الذوق - و إن كان يستسخف مسألة التأبط دى - ان يسير معها جنب الى جنب !!
| |
|
|
|
|
|
|
|
|
|
Re: االسوداني فى الأماكن العامة ...لماذا لا يتأبط زوجته !!!! (Re: walid taha)
|
وليد ابن طه ..تحياتى ..
يحكى لى احد معارفى ان اخيه كان مغترب بالجماهيريه فى الثمانينات..
ايام الغربة كانت غربة ..(غربة زمان ديك) ...لاتلفون ...لامسافر..لاجاى ..
اخوهم طلب منهم صورة لوالده ولوالدته ..حكى لى انه اخذوا فترة شهر
لاقناع الوالد بالسفر للمدينة القريبة مع زوجته لاخذ صورة مشتركة..
وافق الوالد بعد حجة (لاليها اول لا اخر) انو يمشى ويتصور ..بس
مابمشى معاها فى عربية واحده ..الزوجه مستهبله وبتاعت نكته (برضو) ..قاليك
عندما جلسوا للصورة اثر الزوجه على الاحتفاظ بمساحه كبيره بينه وبين زوجته
فى المقعد المحدد للتصوير ..وكلما حاولت الزوجة تقليص هذه المساحة يبتعد
الرجل قليلا ...وبهجمة سريعه ومباغته من الزوجه حاولت جعل المساحه غير موجوده
انتهت المباغته بان وجد الزوج ملقيا على الارض بقرب ا لمقعد ...
برضو تقول لى يتابطو ...اها الصورة الفوق دى من (ناس زمان) ..يعنى اسى
قصة الطلوع معا وقضاء الاوقات فى المطاعم خارج البيت نعمة ..والعافية
درجات ..التابط دا خليهو لى ناس الجيل القادم ..(ناس اضربنى بمسدسك)
كما يقول خليل ...وديل ابشركم...والله تشوفوا جنس تابط لما تحتاروا
ذاتو ...
| |
|
|
|
|
|
|
|
|
|
Re: االسوداني فى الأماكن العامة ...لماذا لا يتأبط زوجته !!!! (Re: محمد عبدالرحمن)
|
تحياتي لصاحب البوست والمتداخلون
الموضوع دا شخصي في النهاية
وبرجع لي ثقافة الزول الشخصية
أما أنا رأيي الشخصي بشوف إنو ضرورة
كدعم نفسي ومعنوي للكائن المرتبط بيهو يعني..
وتعبير عن الاهتمام، وعن إنك مبسوط بالزولة الماشة جنبك دي
وأمبارح القريبة دي شفت شاب سوداني "متأبط" يد زوجتو في مكان عام في أماااان الله
لكن اتخيل لي حتى لو انت عملت الحاجة دي عن اقتناع
ممكن نظرة المجتمع ليك حا تكون غريبة شوية
تحياتي
| |
|
|
|
|
|
|
|
|
Re: االسوداني فى الأماكن العامة ...لماذا لا يتأبط زوجته !!!! (Re: نادر النور آدم)
|
السوداني واللبناني زوجاتهم راحن في السوق وهم بعرفو بعض
السوداني للبناني : إنت زوجتك لابسه شنو ؟؟
اللبناني : تنورة حمراء وجينز ( بودي ) وشعرها أشقر متدلي
اللبناني للسوداني : وإنت شو لابسه زوجتك ؟
السوداني : خليها زوجتي أرح نفتش زوجتك إنت !!!
هو التأبط دا ما عندو نظام ما هبتلي سااااااااكت كدا !!
ـــــــــــــــــــــــــــــــــــ
مره مطوع شاف لبنانية في قناة البي سي : قال ديل مالهم بصورو
البرنامج قبل ما الناس يلبسوا هدومهم !!
هشام
| |
|
|
|
|
|
|
|
|
|
Re: االسوداني فى الأماكن العامة ...لماذا لا يتأبط زوجته !!!! (Re: محمد المختار الزيادى)
|
وليد
مشتاقين ياخي
كل ما يخص الزوجة عاطفيا عند السوداني فمكانه أربعة جدران فقط
و أعتقد إنو أنا في الحتة دي أقف مع تصرفنا هذا و أتحيز له
هذه الزوجة معي ليل نهار ، فما معنى أن أمسك يدها و كأني أريد أن أثبت للمارة بأنها حلالي بلالي ؟
ممكن أمشي معها جنبا إلى جنبا ( و ليس أمامها بفارق كيلو متر و كأنها تطاردني )
أما البخل في البوح العاطفي فنحن فيه أساتذة ، فتجد الواحد يذوب حبا في زوجته و لكنه لا يدلق مشاعره ، ربما ليس بخلا ، و لكنه شيء مستقر في دواخلنا جراء موروث في الأسرة ، فأمهاتنا يجلسن أمام الآباء في صمت له قدسيته و إحترام شامل و كذلك الأب ، لم نسمعهما يوما يتحدثان بحديث به بهار الغزل أو الحب رغم أن تصرفاتهما تنم عن كم هائل من المودة و الحب.
دمتم
| |
|
|
|
|
|
|
|
|
|
Re: االسوداني فى الأماكن العامة ...لماذا لا يتأبط زوجته !!!! (Re: ابو جهينة)
|
تحياتى للجميع
والله انا شايف الحركة بتاعت التابط دى ((دسيسه)) جدا بس الاجواء السودانية من تراب وغبار وسخانة ما بتساعد زائد الشمار ناس ((عيان عيان ديل ماشين كيف ))
وجدان وشعور الانسان ما عندو مكان محدد وتعبيرك عن الحب له صور منوعة ومختلفه تختلف الثقافات لكن الهدف واحد : عدم التعبير عن المشاعر بصورة صحيحة طبعا قد ينتج عنه مرض نفسى او اجتماعى
الكبت الحرامان اثبت الدراسات انو عند المتزوجين كمان كيف (( يعنى السودان-ين-نات )) مدمنين على المسلسات زى ((مهند ونور )) لية لانو بعوضوا عن النقاص عندهم مسلسات ساى
وامكن الابداع الحاصل فى بعض دول اروبا ناتج للاستقرار الاجتماعى العاطفى .. الخ
----
انا ما شايف انوا الموضوع اصلا محتاج الى نقاش قدر دة كل زول يعمل الشايفوا صح واى زول يبطل شمار
| |
|
|
|
|
|
|
|
|
|
Re: االسوداني فى الأماكن العامة ...لماذا لا يتأبط زوجته !!!! (Re: amir jabir)
|
الأخ وليد طه
ســــلامي وتحياتي...
ملاحظة جديرة بالاهتمام ...وللتربية الخاطئة دور كبير في ذلك بما نغرسه من مفاهيم مضللة لدى الرجل والمرأة على الســـواء
مفروض المرأة هي التي تتأبط ذراع زوجها .. وعلى الزوج ألا يمانع ...وما فيها حاجة طالما هي زوجته على سنة الله ورســـوله
وأعتقد الســــبب الأســــاسي كما قلت في التربية فالأب والأم يطلقون المحاذير دون استثناءات وهي النقطة المفقودة في هذا الأمر
فتترسخ في الاذهان أوامــــــر المنع بكلياتها .. بدون استثناءات
خليك من المواقع العامة فالمــرأة في البيت لو عايزة تغير ملابســـها بتقول ليك لو سمحت اتخارج بره عايز ألبس 
فكيف يكون الحال في الشـــــــارع أو في الأمـــاكن العامة .... مع العلم أنني لا أعفي الرجل أيضـــا من المســــــــؤولية
ودي
| |
|
|
|
|
|
|
| |
walid taha
عزام حسن فرح
جلال جبريل
أيمن الطيب
ahmed haneen
محمد عبد الماجد الصايم
FAKHER ELDEEN AHMED
وجن
Shawgi Sulaiman
محمد عبدالرحمن
نادر النور آدم
Hisham Ibrahim
وليد عبد اللطيف
محمد المختار الزيادى
ابو جهينة
amir jabir
الامين موسى البشاري
فيس بوك
تويتر
انستقرام
يوتيوب
بنتيريست