|
|
|
 Re: الأطفال يصوتون بشرق السودان بالجملة - توجد صور بالكوم .... (Re: Abdel Aati)
|
Quote: قصيّدة النوكيا الصوّر الخج...
الصقر إن وقع كترة البتابت عيب
ومع الخج الحصل مابينفع الجقليب
ولقط النوكيا للخجآج
سريع زي هبرة الفرنيب...
وبرضو تقولوا فبركة يا حُماة الدين!!!
تشككو في الجهاز، يا ظلمه يا حاقدين
تقولوا ضعيّف!!!
تقولوا خفيف!!! تبخسو فيهو يا جاهلين
وعاملين فيها ما عارفين
إنو سَنيّن...
وخشمو سَنيّن...
ولقطو سَنيّن...
نغمتو جِلِد كديس وطلآق...
وكان ختيتو في الهزآز،
يدوّر خج...
وكان دورتَ كمراتو،
بيرُجّك رج...
يخلى الظآلم المغرور،
يتكهرب...
ويضهّب...
ويتوهدب...
يقول يآ رب...
يقول يآ رب...
يقول يآ رب...
تضاري علينا تذويرنا،
وتغطى على دنانيرنا،
وعلى شيخنا الحليفتو طلآق...
من النوكيا وبنات كسلآ،
ومن زولنا الِسآنو طَلق
يمرق في فضايحنا،
ويقطّع في مسابحنا...
دخلنا معاهو في مِحّنة،
ومرقنا ترانا لى مِحّنة...
اريت كان مُتنا إرتِحنا...
بركة الضآر وود الجآز
جهاز النوكيا فاضحنا
يموت لانغمة لاهزاز...
بركة شيخنا ود عثمان
جهاز النوكيا يا فتآن
يفركع فيّكَ كوم بُمبآن
تطش شبكة... تودّر بحري وأُم درمآن...
ضربنا الكآس وراهو الكآس
اكلنا المنقة والأنناس،
وجاري ورانا كايسنا!!!
بتدوّر تقطع معايشنا؟؟؟
بُكرّة بنمسكو السودآن...
آمانة نضوقك زرّة
نطردك من محلآتنا،
وماتجي تاني من برّة...
يالسببت لينا مغس
اريت يا إنت تنضرا...
هلو...
يا أهلنا يا طيبيّن
سلآم...
يا أهلنا يا صامدين،
ويا صآبرين...
انا النوكيا، البخُج الظآلم الطَغيان
تعالوا اتوحدوا اتلموا
واعلنوا ضدهم عِصيان
وروهم عزيمة شعب وكتين
ينفجر بُركآن
يزلزل طُغمة الطُغيان
يهدّم فوقهم الأركآن
يخلع كُل عميل وجبان،
والتآريخ مزابلو تلِم
كُل صاحب ضمير وسخآن...
وطننا يطيّب ويتوحد
ينعم في سلآم وامآن...
فلنهتف من الأعماق:
تسلم لينا يا سودآن،
تسلم لينا يا سودآن
تسلم لينا يا سودآن...
.
.
.
معاوية المدير...
|
| |
  
|
|
|
|
|
|
|
|
Re: الأطفال يصوتون بشرق السودان بالجملة - توجد صور بالكوم .... (Re: HAIDER ALZAIN)
|
السيناريو السيناريو ياحيدر..
:).
روعة لكــــــــــــــــن ياعادل. وعليه اقول..
مع الشكر لجميع الخجاجين في كل الدوائر
والشكر لكل من سجل اسمه واسم ميت لديه عليه الرحمه.
وشكر لكل من تم ترهيبه واستجاب.
وكل من تم شرائه واستجاب.
والى الامام..
ولا نامت اعين الجعانيين والمشرديين والجهلة والمغبونيين من اهل القتلى والمغتصبين.
الى الامام..
حتى يصبح سوادن جنوب سودان شمال سودان شرق سودان غرب ولا نامت اعين الكونفدرالية ولا الديمقراطية.
واخيرا الشكر لجميع الحرامية والارزقية والمصلحجية من ساعدوا في تشتيت وحدة الصف من اجل مليون زيادة
في حساب البنوك..ومن اجل شركات زيادة من اموال اليتامى والمساكين وحسن اولائك رفيقا.
واخيرا وليس اخرا..الشكر لجميع الاطفال في ربوع السودان..او بنما..:).
ياربي الراس كان بكم من كل عائلة او دار رعاية ومشردين؟؟.
| |
|
|
|
|
|
|
| |
Abdel Aati
سيف اليزل برعي البدوي
HAIDER ALZAIN
Raja
عمر عبد الله فضل المولى
Omayma Alfargony
فايزودالقاضي
حاتم علي
Faisal Mohammed Abdalla
أحمد الشايقي
الصادق خليفة
جعفر محي الدين
Elbagir Osman
Amani Al Ajab
فيس بوك
تويتر
انستقرام
يوتيوب
بنتيريست