|
|
 كمنجات بديعة على مسرح دال
|
إستضافت مجموعة دال عبر منتداها الثقافي الموسيقي عثمان محيي الدين ومجموعة الفرقة
الذهبية المكونة من 11 عازفاً على الكمان، 2 على الإيقاع، 3 على البيز جيتار، عازف
أكورديون و 2 على الكيبورد.
إستعرضت الفرقة على مسرح مدرسة KICS مجموعة من الأغاني السودانية مقدمة لها بتوزيعات
جديدة تبادلت الآلات المختلفة عزفها بإنسجام وحرفية عالية.
حضر الحفل الأستاذ يوسف الموصلي الذي عاد للسودان بعد غيبة طويلة، وقد إعتلى الأستاذ
الموصلي المسرح بدعوة من عثمان محيي الدين وشارك الفرقة بالغناء.
الجدير بالذكر أن هذه الأمسية تأتي ضمن سلسلة من الأماسي المتنوعة التي دأبت مجموعة
دال على تقديمها ودعوة الجمهور إليها بشكل مستمر.
كمستمع ومتابع لفعاليات دال والمنتدى الثقافي أتقدم بالشكر لكل العاملين على تقديم
هذه الأمسيات من عاملين وموظفين وفنيين.
فاصل، ونواصل..
|
|
  
|
|
|
|
|
|
|
|
Re: كمنجات بديعة على مسرح دال (Re: أيمن الطيب)
|
سلامات يا أيمن
التصوير كان بكاميرتين وحده Sony والتانيه Canon
كل وحده بتديك مزاج مختلف، وعلى الأغلب الموضوع ده
بيكون ليهو علاقة بالعدسه ونوعا، بالإضافة للعلاقة
النفسية البينك وبين الكاميرا، وده شي مهم جداً!
| |
|
|
|
|
|
|
|
|
|
Re: كمنجات بديعة على مسرح دال (Re: محمد سنى دفع الله)
|
سلامات يا سني يا عزيز
طبعاً كلام العين والقلب ديل مهمين في التصوير وفي الحياة كافة،
بفتكر إنو أهم حاجه في التصوير هي المعايشه، إنو ثقلك الروحي
والنفسي كلو يتركز على عينك المفتوحة جو الفايندر حق الكاميرا.
وإنك تغرق جوه المشهد وتخليهو يغمرك لغاية ما تشعر بحاجه زي
الحلم، هنا تضغط وفي اللحظة دي تاخد الصورة.
| |
|
|
|
|
|
|
|
|
 Re: كمنجات بديعة على مسرح دال (Re: عبداللطيف خليل محمد على)
|
يا طلال شفتك اخدت ليك (كذا لقطه مجنوووونه جن) للظلال بتاعت ملك الكمنجه..
والضو اتحالف معاك في معظمهم تحالف غريب ذي التقول بينكم باقي ونسه..
عليك الله نذل منهم واحده خلينا نمتع روحنا بالدهشه..
_______________________
والموصلي برضه
| |
|
|
|
|
|
|
|
|
|
Re: كمنجات بديعة على مسرح دال (Re: عبداللطيف خليل محمد على)
|
يا طلال شفتك اخدت ليك (كذا لقطه مجنوووونه جن) للظلال بتاعت ملك الكمنجه..
والضو اتحالف معاك في معظمهم تحالف غريب ذي التقول بينكم باقي ونسه..
عليك الله نذل منهم واحده خلينا نمتع روحنا بالدهشه..
_______________________
والموصلي برضه
| |
|
|
|
|
|
|
|
|
|
Re: كمنجات بديعة على مسرح دال (Re: طلال عفيفي)
|
Quote: يا طلال شفتك اخدت ليك (كذا لقطه مجنوووونه جن) للظلال بتاعت ملك الكمنجه..
والضو اتحالف معاك في معظمهم تحالف غريب ذي التقول بينكم باقي ونسه.. |
الأستاذ الموصلي:
تحياتي يا نعيم، أرجو أن تكون إستمتعت بالحفل.
| |
|
|
|
|
|
|
|
|
|
Re: كمنجات بديعة على مسرح دال (Re: طلال عفيفي)
|
شكراً يا عثمان،
تعاملي مع الكاميرا من أكثر معاملاتي محبة ورسوخاً في نفسي،
بعوض قلة الفهم التقني بالتآلف معاها، وربك بينفحني من عندو.
لكن لو جينا لأمر الفوتوغرافيا التمام، فأود أن أحيلك لأعمال الصديق ضياء الدين خليل،
فهو فنان مبتكر، وعجيب في المزاوجه بين الموهبه النضيفه والفهم البارع لآليات الكاميرا.
| |
|
|
|
|
|
|
|
|
|
Re: كمنجات بديعة على مسرح دال (Re: طلال عفيفي)
|
في خضم الأحداث السودانية العاصفة، ومحنة الناس اليومية، يظل القبض على جمر الفنون،
والعكوف على المواهب مسألة شديدة الأهمية.
فالحياة لن تستمر إلا بسقيا روحها، وإحياء الرغبات الحقيقية في البشر، تلك الرغبات التي
تعبر عنها الفنون بإخلاص وصدق.
التحية واجبه لكل فنان وفنانه ممن عرفوا مواصلة الحياة والتمرين اليومي في هذا الظرف القاهر.
| |
|
|
|
|
|
|
|
|
|
Re: كمنجات بديعة على مسرح دال (Re: طلال عفيفي)
|
Quote:
|
سلام
صورة جميلة شديد..... وأجمل ما فيها ظلال (إسكرول) الكمنجة....... أنا بفتكر دي أكتر جزئية ممكن تعبر عن شخصية الآلة
دي حاجة ما طولت.. ولسه الإحساس زي ما كان
العدة والجو
وهاهي اللوحة تطل
تحية يا أبو النسب
,
| |
|
|
|
|
|
|
|
|
 Re: كمنجات بديعة على مسرح دال (Re: طلال عفيفي)
|
عفيفي
الله يديك العافية
والدينك ما قصرو في اسم طلال
ولكن سحر الكمنجة كمنجة
والاحساس بين الانامل
وفن التصوير
مدخل اول:سرقة الموقع
مدخل ثاني:حمل الكاميرا
مدخل ثالث: ضبط الكاميرا
مدخل رابع: النظرة الثاقبة بين العدسة الداخلية والخارجية والعكس
مدخل خامس:وضع الانامل فوق زر التصوير
مدخل سادس:الضغط على الزر
مدخل سابع: الالتقاط
والمدخل الاخير:مبدع ياطلال عفيفي
| |
|
|
|
|
|
|
|
|
|
Re: كمنجات بديعة على مسرح دال (Re: Yasier Elsayed)
|
الزميل طلال عفيفي
بوست عباره عن نزهه جميله الي خارج اجواء الانتخابات
الاخ عثمان محي الدين صديق قديم تزاملنا من قبل علي المسرح وهو موسيقار وعازف من الدرجه الاولي من عازفي الكمان في بلادي
كنت اتمني ان اري له المزيد من فيديوهات الحفلات الحيه ......او اكون ضمن الحضور....اتمني له كل النجاح والتوفيق
تحياتي
| |
|
|
|
|
|
|
|
|
|
Re: كمنجات بديعة على مسرح دال (Re: محمد زكريا)
|
كانت أمسية كما الحلم ..
وبمساعدة النسيم العليل الذي كان يهفهف على وجوهنا
حلقنا مع النجوم وزاحمناها في سمائها الصافية ..
وجلنا مع الأحرف الموسيقية المتطايرة من حولنا
في عوالم ساحرة مدهشة ..
فأصبحنا كالفراشات الزاهية الألوان ..
وهي تتراقص في الفضاء الرحب
شكراً عثمان ..
شكراً دال ..
وشكراً طلال على هذه الصور النغم
هذا تسجيل من الحفل .. أعتذر إن شابه بعض الضعف
فهو مسجل عن طريق الموبايل .. وبعيد عن السماعات
رغم طول المقطوعة (10) لكن تقلصت عند تحويلها إلى (Mp3) وصارت (5) دقائق فقط
| |
|
|
|
|
|
|
|
|
|
Re: كمنجات بديعة على مسرح دال (Re: نهلة محكر)
|
ثانك يو نهله
| Quote: رغم طول المقطوعة (10) لكن تقلصت عند تحويلها إلى (Mp3) وصارت (5) دقائق فقط |
يا نور النبي على الإلكترون.. انا ما فاهم شي لكن يبدو إن ده أمر عجيب!
لازم تشرحي لي عملية التحول دي لمن نتلاقى يا نهله، عشان بفكر أستفيد
منها في أشياء مختلفة.
أشوفك يا صديقتي
| |
|
|
|
|
|
|
|
|
|
Re: كمنجات بديعة على مسرح دال (Re: الوليد محمد الامين)
|
والله يالوليد يا ريت تكون الروح مرهفة وتحب الحلاوة، لكن الأهم
إنو الحياة تمنحنا التكافل النفسي البيخلي كل صاحب روح يشوف
وكل صاحب نظر يبصر.
عليم الله الواحد لمن يسمع حاجه فنانه أو يشوف منظر تمام بيفرهد
وقلبو وعقلو بيشتغلو بكفاءة أحسن.
اللهم أدم علينا محاسن الرؤيا مباهج السمع وحسن التواؤم.
| |
|
|
|
|
|
|
|
|
|
Re: كمنجات بديعة على مسرح دال (Re: طلال عفيفي)
|
الفنان عثمان محي الدين
فنان جاد يعرف قيمة الوقت
واهمية التمرين، ونجاوز المحاولة الأولى
ويتقن الاختيار ، ودقيق في توصيل النغمة الشجية التي تم عليها نسيج اللحن الأولي وبديع في عزف الجملة اللحنية في مقامهاالساحر.مع اضافة الحرفية الخاصة به . هذا حهد خلاق جاء بعد تجارب عديدة
وصبر صالحين وتامل حكماء وفطنة عارفين . لهذا جاء بحثه الدائب والممتد في الموسيقى السودانية
نضرا ونبيلا ، استند فيه على المعرفة الفطرية بتراثه النغمي مكتشغا ابعادا جديدة للموسيقى السودانية
وطريقة عفق وعزف على الأوتار بصورة منهجية تحسب له وهو بدأ بالسهل وتتدرج الى الأصعب ليشاركه المستمع للتجربة روعة الإكتشاف .سحر الحقيبة مؤلفه الأول كان عملا جمع الجمهور من حوله وذالك من خلال
اشراك الجمهور في التجربة بصورة فريدة وسهلة وهي ان معظم من استمع الى سحر الحقسية كان اما حافظا
للأغنية او لموسيقاها وبالتالي سهل له ان يتابع العمل ويندمج فيه ويتقبل الحليات التي يقوم بها ساحر الكمان ، عثمان ـ نفس الجمهور الذي سمع اغنية الحقيبة بصورة بلوفونية تقبل التوزيع المركب والابداعي في التجارب التالية ، لثقته في تناول غثمان للموسيقى المعروفة سلفا لجمهوره .
عثمان يا صديقي طلال ينقلنا الى مملكة التأمل ينقل جمهور عريض الى فن راق وعظيم هو فن الأستماع
وهو ما نفتقده تماما لوكنا نسمع صاح لو كنا نستمع لبعضنا
ما كان ده حالنا
| |
|
|
|
|
|
|
|
|
|
Re: كمنجات بديعة على مسرح دال (Re: mustafa mudathir)
|
Quote: الفوكل بوينت أو النقطة البؤرة عندي
في أي عمل موسيقي هم العازفون وراء الفنان. |
أجمل ما في السمع يا مصطفى: الإنصات.
الدخول الحافي الخفيف خلف الرؤية:
الإنتباه للسواعد التي تشد الكمنجات على أصولها،
إحكام العازف على الجيتار،
مودة الطبال
دلع الأوكورديون
والإنسجام التام...
| |
|
|
|
|
|
|
|
|
|
Re: كمنجات بديعة على مسرح دال (Re: عليش)
|
التصوير والشغل ده والله جد Beautiful عديل .
.. الكمان يستحق يا أخ طلال .
وقصة الكلام عن آلة الكمان هى أحن أصوات الآلات الموسيقية وهى الأنبل والأرقى
ده كلام صاح .
وصاح الكمنجات البديعة هى صاحبة السيادة وصاحبة المركز القوى .
يا سلام
| |
|
|
|
|
|
|
|
|
|
Re: كمنجات بديعة على مسرح دال (Re: Osman Musa)
|
Quote: وقصة الكلام عن آلة الكمان هى أحن أصوات الآلات الموسيقية وهى الأنبل والأرقى
ده كلام صاح .
وصاح الكمنجات البديعة هى صاحبة السيادة وصاحبة المركز القوى . |
Not Confirmed يا صديقي !
تعال أسمع الناي عند المتصوفة الشرقانيين، أو طبلة النوبة في النيل الأزرق،
أو الجيتار عند الغجر، أو الربابة عند أهلي الحلب، أو العود مع الغنا النوبي..
كل آله لو عرف إنسانها الصاحب مفاتيح كلامها، تنطق.
وكل آلة في الدنيا دي عندها مكامن للوجد.
المهم في العزف، زي كل شي في الحياه، المعايشة والمطايبة وحسن الجوار،
والله العليم يا عثمان!
| |
|
|
|
|
|
|
|
|
|
Re: كمنجات بديعة على مسرح دال (Re: عليش)
|
العزيز عليش
أشكرك على مشاعرك الطيبة، وأتمنى الناس تكون عند حسن ظن بعض طوالي.
---------------------
لظروف غامضة إفتقدت السيطرة
على الضوء في التصوير، وطلعت
صورة مفجخه، لكنها عجبتني!
وده من أبواب حسن الظن برضو
:)
| |
|
|
|
|
|
|
|
|
 Re: كمنجات بديعة على مسرح دال (Re: HAMZA SULIMAN)
|
والله يا طلال مبدع وصاحب عدسه ذهبيه..
وانتهز هذه (الظلال) عشان اشكر (الجندي المجهول)..
الفنان الانسان (عوض الله بشير)..
وحسب علمي فقد كان هو (ربان الاضاءه) والاخراج لتلك الامسيه..
كانت امسيه من امسيات الف ليله وليله...
ليك وليهم وعلي الكمنجات السلام...
| |
|
|
|
|
|
|
|
|
|
Re: كمنجات بديعة على مسرح دال (Re: naeem ali)
|
يالنعيم مشكور طوالي، بس كمان عايزك تلقي نظرة على صور ضياء الدين خليل،
عشان تشوف الفوتوغرافيا الحلوة الحساسة والموهبة الشديدة.
بشكر معاك عوض الله، وكل المساهمين في الليالي دي.
بس يا ريت يا نعيم، نلقى إسم غير " الجنود" المجهولين؛ لأن جماعتنا ما جنود،
بل فنانين أدوا الفن تمام حقه، بطريقة فيها نفحة من الحياة والروح.
| |
|
|
|
|
|
|
|
|
|
Re: كمنجات بديعة على مسرح دال (Re: Khalid Kodi)
|
شكراً يا خالد،
المساحات السلبية دي لم تقع في فهمي عبارتها إلا لمن زرت لينك كارلا وولكر،
ولعجبي فهمت!
بحاول أعمل كل جهدي وروحي في تعويض النقص التقني الراجع لعطب عطيب
أصاب خلايا الدماغ لأسباب لا داعي لذكرها هنا.
محبتي يا فنان
| |
|
|
|
|
|
|
| |
طلال عفيفي
Emad Abdulla
حبيب نورة
أيمن الطيب
محمد سنى دفع الله
Elmosley
فيصل محمد خليل
عبداللطيف خليل محمد على
naeem ali
Osman Musa
مأمون
ذواليد سليمان مصطفى
Yasier Elsayed
محمد زكريا
نهلة محكر
احلام وهبي
mustafa mudathir
عليش
HAMZA SULIMAN
خالد العبيد
Khalid Kodi
فيس بوك
تويتر
انستقرام
يوتيوب
بنتيريست