و حتى ادريس ديبى مع سلب حقوق الجنوبيون!!!

Quote: "I say it loud, I’m against this referendum (separation) and against the possibility of division" he added. "Do you really think that the Khartoum government would agree easily on the loss of the south with its oil and minerals?"

Quote: قال هذا المعتوة, صنع الخرطوم و تربية الانقاذ, بانه ضد الاستفتاء!!!

Quote: و الزول ده عنده على فكره قنابل مؤقوته برضو زي قنابلنا السودانيه لذا هو ضد اي انفصال وحتشوف نيجريا برضو ضد الانفصال واسياس افروقي برضو ضد الانفصال و الملك المغربي وقضية صحرا البولساريو....لانه كل منهم له مشاكله الداخليه ومجموعاته البشريه التي ترغب في المطالبه بالانفصال! غياتو نحن ما بنفككم بالساهل يا ابو الزيك وما شاين نكوس لكم عروق محبه!!

Quote: هو انت اتلميت مع المصرين

Quote: ابو الزيك وضيوفه الكرام ادريس دبي ذي ما قلت الزول دا صنع الانقاذ وأغلبية التشاديين الانتخبوه كانوا في السودان ونعتهم جنسيات مزدوجة. وانت شفت انو البشير جازاه بتصريحوا دا وقال حاينور 30 قرية تشادية. لكن في النهاية خليهم ينبحوا وينهقوا وينعقوا. في النهاية الاستفتاء حايحصل والجنوب حاينفل والماعاجبوا اليدق راسوا في اقرب حيطة او اي جبل. ولو دايرين او قادرين يعملوا حاجة خليهم يحاولوا وحايشوف رد الفعل.

Quote: ام حازم كيفك, انا لا ادرى لماذا تخلطى مسالة الانفصال مع حق الجنوبين فى تقرير مصيرهم? هذا الحق نالوا بعد عقود من التضحيات و ملاين من الاروح و للعلم فقط, لن نكون كبش فداء لكى تحل نايجيريا او تشاد او إثيوبيا او غينيا بيساو او مالى او ساو دومى او برنسبى مشاكلها, لا شان لنا بمشاكلهم و لن تكون هناك مفاجات ان تامر العالم ضد اهل الجنوب اذ تفرج علينا من ظننا اهل لنا ايام الحملات الجهادية و الابادية.

Quote: شوفى يا تراجى يا اختى, التغير الاثنى الذى يحدث فى دارفور اخطر من الاستفتاء لان ذلك قد يغير السودان الى الابد, و بمعنى اخر, فان تشاد عمليا اخطر مهدد للسودان من مصر. نقولها صراحة.

Quote: اقدل ياخال ساى ,, ومحل رهيفة تنقد اهلنا قالوا: الحبل بى ينقطع محل رقيق. وقالوا: العايمة بـ عتر ليها القيف. انت تريد وانا اريد والله يفعل مايريد.

Quote: الترجمة الترجمة ياخال عشان الناس دى تفهم ان الإنسان عدو ماجهل

Quote: يا اخى دى ثانية لغة فى السودان, اى لغة الدينكا.

Quote: تشاد تشابه السودان في كثير من الاوجه .. شمال تشاد تقطنها قبائل مسلمة بنسبة تفوق 80% عكس جنوب تشاد الذي لا يقل نسبة المسيحيين و اللادينين عن تلك النسبة .. كذلك شمال تشاد في الغالب اراضي صحراوية و يعتمد السكان على الرعي و الزراعة المطرية بينما جنوب تشاد صورة طبق الاصل من جنوب السودان في غزارة الامطار على مدار السنة و الغابات و كذلك الاراضي الزراعية . الفارق الوحيد هو ان شعب جنوب تشاد اكثر تعليماً و ثقافة من شعب الشمال بعكس الجنوب و السبب هو ان جنوب تشاد لم يشهد حرباً حتى الآن و ينعم بالاستقرار الكامل . طبعاً لا يخفى على ادريس ديبي طبيعة مشاكل السودان و التي تماثل مشاكله لذلك من حقه كرئيس ان يتحفظ على انفصال الجنوب . و لكن السؤال الاهم بنظري هو : هل يعاني تشاد من اختلال في ميزان السلطة و الثروة لصالح جهة او اثنية معينة ؟ بمعنى هل اراد ادريس توجيه رسالة الى حكومة الجلابة مفادها لا نرضى بانفصال الجنوب و البديل هو تحقيق العدل و المساواة لشعب السودان بمختلف اثنياته و ثقافاته بدل الاستئثار بالسلطة و الثروة لصالح جهة و اثنية معينة .. قد اكون مخطئ و لكن هذا ما فهمته من تصريح ادريس .

Quote: في فرصة لإدخال هذه اللغة ضمن مشروع الترجمة المفتوح في تيد...وسأكون في غاية السعادة لو تمّ ذلك على يدك... توجد ترجمات خفيفة جداً ولا تحتاج لحصيلة لغوية كبيرة...بس لو بتعرف تكتب اللغة بالله كلمني أسع... بعدين يا صديقي الكاتبها الله فوق الحجر بتقوم...ما تشيل هم ساي...موسم الهجرة إلى الجنوب! مودتي أنور

Quote: الاخ الصادق, انا ملم لحد ما بالتكوين الاثنى لتشاد. الاستفتاء حق اقره الدستور الانتقالى للسودان بعد الاتفاقية السلام الشامل فى نيباشا عام 2005. هذه الاتفاقية اوقفت اطول حروب افريقيا و بموجبها يحق للجنوبين اختيار البقاء داخل الدولة السودانية طوعية او الانفصال. ليست تشاد واحدها هى التى تتشابه مع السودان, فمثلا, مقاطعة قامبيلا تم ضمها الى اثيوبيا حين قسم الاستعمار القارة الافريقية و معها نصف قبيلة النوير و الانيواك. نفس القبائل التى تقطن فى شمال يوغندا هى نفس القبائل الموجودة فى الاستوائية و الازاندى, ثالث اكبر قبيلة فى الجنوب, هى نفسها التى توجد فى افريقيا الوسطى و الزائير و يوغندا. قبائل اللو الموجودة فى كينيا, هى الجور شول و الشلك و الانواك و الاشولى و مورلى فى الجنوب. القبيلة الوحيدة التى ليست لها وجود فى هذه الدول هى قبيلة الدينكا و هذه الدول معظمها اعضاء الايقاد و قد ساهمت يوغندا و كينيا و اثيوبيا فى نجاح الاتفاقية و هى تساند حق اهل الجنوب فى تقرير مصيرهم على الرغم من ان هذه الدول تضررت كثيرة من الحروب التى شنت ضد الجنوب. صراحة, قد تكون للمشاعر العروبو-اسلامية علاقةبالموضوع لان تشاد لم تتضر يوما بشكل مباشر بما كان يحدث فى الجنوب.

Quote: إدريس ديبى شنو كمان العندو رأى فى حق تقرير المصير؟ والله ياهو الفضل . .

Quote: ... مبالغه! .

Quote: كدي امشي اسال سلفاكير رفت ين ماثيو ليه بعدين ارجع.ادريس دبي ملحوق!

Quote: هل هذا البوست عن إدريس ديبى ام ين ماثيو وسلفاكير حسب ماتدعيه

Quote: إدريس ديبى عندو راى... إدريس ديبى الواحد ده؟؟؟ كل شىء ممكن.

Quote: الاخ خالد انت ياتو صنف في كيزان الجلابة ؟

Quote: كوز شنو يا الصادق ده عامل فيها ابو العلمانيه