|
|
 Re: الجـــبلاب تمنح ثقتها للبشـــــير وترتيبات لاحتـــفال كبيـــر (Re: Basheer abusalif)
|
الاخ عبود :
سلامات براك سويته في روحك وجبت لي نفسك الكلام الذي لم انتهجه في خطابي مع اي احد في هذا المنبر
ولعلي اناأ بنفسي عن اللغة الحادة في كل حوارتى حتى مع اكثر الناس خصومة ومخالفة لي في الراي
واغض الطرف عن الاساءات التى توجه لشخصى واترفع عن الرد ليس لان هذه شيم ترعرعت عليها فقط..
لكن لان الانسان بعاين للوراهو وانه ممكن يمثل واجهة لجهة ينتسب اليها او لمنطقة ينتمى لها..
وحاولت اتغاضي عن بعض المشاركات السابقة لك التى اوردتها في هذا المنبر رغم ان بعض الاخوه
مشكوريين قاموا بالواجب..
عايز اقول او اثبت حاجة انه انتماءك انت او خالد او انا او ابو سالف او باسط او اي انسان بتربطو علاقة بالمنطقة
داخل المنبر او خارجه شأن يعنيه وليس لاحد أن يحجر علي حد في ما يعتقد او في مايدين ..
لكن البنرفضو انه نخلي البعض يستغل اسم المنطقة او اهلها (لشئ في نفسه) او لاغراضه الخاصة
والحاجة التانية اي انسان بحاول يغلغل النسيج المترابط البتميزو بيه اهلنا في الجبلاب
بنقيف ليهو بالمرصاد سواء كان فرد او جماعة .وداير اشير لانو قوة الرابط بين اهلنا الجبلاب
بيكمن في سرين الاول انهم اسرة واحدة او من جد واحد وهو جبل والحاجة التانية والاهم لي من رابط
الدم هي العقيدة الانصارية التى حافظت علي هذا النسيج متماسكا.. ولعلك تعلم هذا جيدا والجبلاب من دون
اهل المنطقة يمتازون بهذه الخصال..(وتلاحظ هذا في افراحهم واتراحهم)..
الحاجة التانية مافي زول نكر او ادعي ان كل ناس الجبلاب انصار او بمعني اصح حزب امه في الماحزب امه
فيهم الشيوعي والجبهجي وغيرهم وفيهم ناس قيادات في احزابهم منهم البروف علي عبدالرحمن بقولو انه
كان في المجلس الاربعينى للجبهة وغريق الكان مرشح للجبهة في دوائر الخريجين وعوض شيرونى(جبلاب سنجة) الكان
متهم بتخطيط انقلاب مع الحزب الشيوعي في فترة التسعينات .. الجبلاب فيها الغير حزب امه لكن قله قليلة جدا
لكن البيميزهم انهم بيحترموا خصوصية المنطقة وولاءها للانصار وحزب الامة ومافي زول فيهم قال تعالوا ابقوا
جبهة او ابقوا شيوعيين وحتى من تقديرهم لاهلهم بيصلوا في جامعهم وبيقروا راتبهم في مناسباتهم ..
ومافيهم واحد تاجر بمنطقتواو قضاياها..لذلك يجدوا كل الاحترام والتقدير..
الجبلاب عبود عندها خصوصيتها من دون كل المناطق التى تنتمى للانصار وهذا بشهادة الجميع وبعلمك انت وبعلم
من تنتمي لهم فهم يعلمون كل العلم انها اي الجبلاب محفوفة بحصن حصين لايقووا علي اختراقه .. وحاولوا كم مرات
لكنهم رجعوا محسوريين ..أتى في مره من المرات الطيب سيخة لمنطقة الجبلاب وكان هنالك معهد بدأ تشييده عوض المليح
ولم يكتمل (كان واقف علي السقف) سيخة قال ليهم وكان تربطو علائق ببعض اهل المنطقة انا يالجبلاب عارفكم انصاريتكم
مابتخلوها لكن حاكمل ليكم ماتبقي من بناء المعهد(وطبعا هو كان ممثل الدائرة) الحاجة التانية مجدوب الخليفة
له الرحمة كان جار المنطقة وعلاقاتو جيدة بالجبلاب بل ان مقبرته ففي فترة وجوده في الحكومة رحل كان يكن لناس
الجبلاب كل الاحترام والتقديرومافي يوم قال لناس الجبلاب تعالوا ابقوا معاي مؤتمر وطنى .. وحتى لما كان مترشح
في انتخابات التوالي ديك الجبلاب كانت واقفه ضده ومن الصدف انه القائد الحمله ضده عوض الكريم ابوشامة
لصالح مبارك جادالله ولانه عوض الكريم ابوشامة بتمتع بعلاقات طيبة في المنطقة استطاع ان يستقطب مجموعة كبيرة
من القري كانت سترجح كفة منافسه وجو ناس طيبة الخواض وعملوا اجتماع مع ناس الحله كنت من حضره وتم التوافق
وتراجع اهل الجبلاب من خطهم المعارض اكراما للجيرة وصلة الرحم والعلاقات البتربطنا مع ناس طيبة الخواض
,تجي تقول لي عوض الكريم ابوشامة جاب 34 ..عايز اقول حاجة انت ممكن تبقي مؤتمرجي مافي زول بسألك
لكن تجي تقول الجبلاب تمنح الثقة للبشير دي مافي زول بصدقك فوقه ولافي زول بفوته ليك..
وبعدين انت البتخسر فشوف رغم علائق الدم البتربط بينانحن الجبلاب الفي المنبر اول مابديت تخرمج الناس
كلها نطت ليك الجبلاب والماجبلاب بعدين صدقنى دي حاجات انا عشتها في الحلة اول زول بيتصدي ليك هم
اقرب الناس دما بك ..واسرد ليك قصة مصداقا لكلامي اخونا احمد عبدالله كشان كان من الاوائل الذين انضموا
لجماعة انصار السنة بل هو اولهم فاول ماجاء الحلة بقي يعمل في دروس دينينة في الجامع ولنساء المنطقة
في الرسول قال والله قال مافي زول سألوا اول مابدأ يدخل في الكلام البهيجر البحر اتطرد من الجامع
وكان طارده هو خاله الله يرحمه محمد دقه وكان معروف بانه من اكثر رجال الجبلاب حلما جراهو من يدو ..
تعرف عمل كده ليه؟؟؟لو عرفت الاجابة بتعرف سبب مداخلاتنا ليك هنا..
شوف انا دي حاجة ماداسيهاحزب الامة ده عندي فوقو راي كبير وشايف فيه الاعوج لكن باعتبار اننا جزء منه
لو شايف في بيتنا اعوج اسعى لتصليحه ولو شايف في ناسي اخطاء ابذل جهدي لتقويمهم وان فارقتو بفارقو باحسان
مش بتأمر ضده واذكر انه في المفاصلة الحصلت بين الصادق ومبارك كان موقفي صريح وواضح مع مبارك بل حتي
قبل ما مبارك يطلع من الحزب وجهت انتقادات حاده الي الصادق المهدي في القاهرة وفي امريكا حتى وصفها
البعض (بقلة الادب)وكان ذلك في اجتماع (يعتبر مغلق) وقد وجدت طريقها للصحافة واثار ذلك حفيظة بعض
الاهل حتى ان منهم قال (يطلعوا بيان استنكار واستبراء) شوف ده بيحصل وانا داخل اروقة حزب الامة
فدعك من (البشر الغاصية)بالنسبة لي رايي بقولوا لو يعلقونى من رقبتي لكن سعي للفتنة وتفريق الاهل
ده مابعملو ولا بنسكت للذي يأتى به..والعايز اشير ليه في النقطة دي كذلك انه رغم انحيازنا لمبارك
ماقلنا لجبلابي واحد تعال ابقي اصلاح وتجديد بل سعينا ما استطعنا للم الشمل في امريكا والسودان
وحتى في اجتماع الوحدة الذي تم في امريكا بحضور مريم الصادق قالت لي انت وصديق ابو سالف الوحيدين
تبع الاصلاح وكلامها صحي لكن ما اشتغلنا ضد الحاجة الاجتمعت عليها المنطقة بل لما زرت السودان
تشرفت بتلبية الجانبين لي الدعوة لاجتماع بمنزلي بحضور اهلنا الجبلاب وجو ناس الاصلاح بقيادة الاخ مبارك وحسن اسماعيل
وبعض الاخوة مع حضور عمنا علي العمدة والحبيب عبدالمحمود ابو وشيخ يوسف حسن ومن الصدف انه الاجتماع
حضره الاخ خالد عبالوهاب احمد الخليفة والقي كلمة طوييييييييييلة وقدم بعدها مبارك ليلقي كلمته
وتحدث كذلك الاخ عبدالحق البشري احمد الخليفة الذي ذكرت في بوست سابق انه التحق بالمؤتمر الوطنى..
طبعا دي حاجة تخصهم رغم يقينى ولعلمى بخالد اللصيقة انه المسألة ماقناعات من (جوه قلبو) وخالد
بيجي وبرغم انه البسوي فيه ده غللللللط بس اذا التقت مصالحو مع ناس المؤتمر اليمشي قشة ماتعتر
ليهو او تعتر ليك بس اختو استغلال اسم المنطقة لتحقيق المآرب..واذا موضوع المتاجرة القلتو ليك ده حز
في نفسك فباحبيب انت الجبتو لي نفسك حتى الاخ الرفاعي قال ليك كلمة اقسي منها ذكر انه الموضوع موضوع
استرزاق اها ده ممكن تكون مابتربطو علاقة بالمنطقة زى مابتربطك..
فياخي انا مابينى وبينك حاجة لكن لو واصلت في طريقك ده حتفقد علاقات ووشائج يجب ان تكون انت حريص
علي المحافظة عليها..
نواصل في الحلقة القادمة طبيعة الذين انضموا من اهل المنطقة للمؤتمر الوطنى ودوافعهم
وبعض التعليقات الاخري فانا علي سفر اكتب من المطار لذا لم اطيل
واقعد عافية
|
|
  
|
|
|
|
|
| العنوان |
الكاتب |
Date |
 الجـــبلاب تمنح ثقتها للبشـــــير وترتيبات لاحتـــفال كبيـــر | عبود عبد الرحيم | 04-18-10, 02:15 PM |
 Re: الجـــبلاب تمنح ثقتها للبشـــــير وترتيبات لاحتـــفال كبيـــر | عبود عبد الرحيم | 04-18-10, 02:30 PM |
| Re: الجـــبلاب تمنح ثقتها للبشـــــير وترتيبات لاحتـــفال كبيـــر | الفاضل يسن عثمان | 04-18-10, 02:42 PM |
| Re: الجـــبلاب تمنح ثقتها للبشـــــير وترتيبات لاحتـــفال كبيـــر | معتصم مصطفي الجبلابي | 04-18-10, 03:45 PM |
| Re: الجـــبلاب تمنح ثقتها للبشـــــير وترتيبات لاحتـــفال كبيـــر | othman mohmmadien | 04-18-10, 04:14 PM |
| Re: الجـــبلاب تمنح ثقتها للبشـــــير وترتيبات لاحتـــفال كبيـــر | othman mohmmadien | 04-18-10, 04:28 PM |
| Re: الجـــبلاب تمنح ثقتها للبشـــــير وترتيبات لاحتـــفال كبيـــر | باسط المكي | 04-18-10, 04:43 PM |
| Re: الجـــبلاب تمنح ثقتها للبشـــــير وترتيبات لاحتـــفال كبيـــر | باسط المكي | 04-18-10, 04:43 PM |
| Re: الجـــبلاب تمنح ثقتها للبشـــــير وترتيبات لاحتـــفال كبيـــر | معتصم مصطفي الجبلابي | 04-18-10, 06:30 PM |
| Re: الجـــبلاب تمنح ثقتها للبشـــــير وترتيبات لاحتـــفال كبيـــر | عبود عبد الرحيم | 04-19-10, 12:02 PM |
| Re: الجـــبلاب تمنح ثقتها للبشـــــير وترتيبات لاحتـــفال كبيـــر | عبود عبد الرحيم | 04-19-10, 12:18 PM |
 Re: الجـــبلاب تمنح ثقتها للبشـــــير وترتيبات لاحتـــفال كبيـــر | الرفاعي عبدالعاطي حجر | 04-19-10, 12:55 PM |
| Re: الجـــبلاب تمنح ثقتها للبشـــــير وترتيبات لاحتـــفال كبيـــر | عبود عبد الرحيم | 04-19-10, 02:16 PM |
| Re: الجـــبلاب تمنح ثقتها للبشـــــير وترتيبات لاحتـــفال كبيـــر | othman mohmmadien | 04-19-10, 07:45 PM |
| Re: الجـــبلاب تمنح ثقتها للبشـــــير وترتيبات لاحتـــفال كبيـــر | Basheer abusalif | 04-20-10, 09:05 AM |
| Re: الجـــبلاب تمنح ثقتها للبشـــــير وترتيبات لاحتـــفال كبيـــر | معتصم مصطفي الجبلابي | 04-20-10, 09:21 PM |
| Re: الجـــبلاب تمنح ثقتها للبشـــــير وترتيبات لاحتـــفال كبيـــر | باسط المكي | 04-21-10, 02:46 AM |
| Re: الجـــبلاب تمنح ثقتها للبشـــــير وترتيبات لاحتـــفال كبيـــر | Basheer abusalif | 04-21-10, 08:12 AM |
| Re: الجـــبلاب تمنح ثقتها للبشـــــير وترتيبات لاحتـــفال كبيـــر | عبود عبد الرحيم | 04-21-10, 03:21 PM |
| Re: الجـــبلاب تمنح ثقتها للبشـــــير وترتيبات لاحتـــفال كبيـــر | معتصم مصطفي الجبلابي | 04-21-10, 05:19 PM |
| Re: الجـــبلاب تمنح ثقتها للبشـــــير وترتيبات لاحتـــفال كبيـــر | معتصم مصطفي الجبلابي | 04-21-10, 03:27 PM |
| Re: الجـــبلاب تمنح ثقتها للبشـــــير وترتيبات لاحتـــفال كبيـــر | معتصم مصطفي الجبلابي | 04-21-10, 04:08 PM |
|
| |
معتصم مصطفي الجبلابي
فيس بوك
تويتر
انستقرام
يوتيوب
بنتيريست