|
|
 الجوير غرب شندي على الانترنت.
|
http://www.elgweir.com
المتواجدون الآن: 2 (أنا والمشرف).
أكبر تواجد بالمنتدى كان: 7 بتاريخ 04-03-2010 الساعة 06:14 PM
هذه ضربة البداية
ادونا ستة شهور يا شباب ان ما ضربنا ليكم سودانيز اون لاين
شنبي دا يقوم في مفوضية الانتخابات (على قول احدهم)
بمجهود مقدر من الاستاذ اكرم محمد احمد
والاستاذ نور الجليل ود البدري واخرون
أبناء الجوير يلتقون على الانترنت.
|
|
  
|
|
|
|
|
|
|
 Re: الجوير غرب شندي على الانترنت. (Re: معاذ حسن)
|
مُعاذ ، كيف حالك ، وعساك طيِّب ، وحَمْدًا للهِ أنْ بسَطَ لَنا أسبابَ لقائكُمُ بعدَ طُولِ غياب.
التّحيَّةُ عبرَكَ لأهلي بالْجوير ، وأُخبِرُكَ أنِّيَ أتممتُ تسجيلي هُناك ، وأرجو أن أكونَ للمنبرِ إضافةً دُونَ خصم .
احترامي .
| |
|
|
|
|
|
|
|
|
|
Re: الجوير غرب شندي على الانترنت. (Re: محمَّد زين الشفيع أحمد)
|
الاخ معاذ
التحية لك و لمسقط راس الجدود و الاهل ....الجوير
و الشكر موصول لك و انت تفتتح البوست و ضربة البداية بوصل اهلك بالكلاكلات بموطنهم الاصلى
نتشرف بالموطن العزيز فى الجوير و نتشرف اكثر ان نكون من ابناء هذه البلدة الطيب و العريق اهلها
وان شاء الله سنسجل فى الموقع و نتواصل معكم
| |
|
|
|
|
|
|
|
|
|
Re: الجوير غرب شندي على الانترنت. (Re: KOSTA)
|
Quote: التحية لك و لمسقط راس الجدود و الاهل ....الجوير
و الشكر موصول لك و انت تفتتح البوست و ضربة البداية بوصل اهلك بالكلاكلات بموطنهم الاصلى |
كوستا
مرحب بيك أتمنى ان نراك هناك قريبا
انتساب الكلاكلة الى الجوير معروف
وان شاء الله سوف تجد من خلال الموقع افادات وافية
وحا نعمل ان شاء الله توأمة بين البلدين الشقيقين
بس ما تجوا تطالبونا باراضي وورث ومحاكم وجرجرة.
مرحبا بك في مسقط راس الاجداد.
| |
|
|
|
|
|
|
|
|
|
Re: الجوير غرب شندي على الانترنت. (Re: محمَّد زين الشفيع أحمد)
|
Quote: وأُخبِرُكَ أنِّيَ أتممتُ تسجيلي هُناك ، وأرجو أن أكونَ للمنبرِ إضافةً دُونَ خصم .
|
محمد زين
كيفك يا صاحب
بالله شفت الدنيا دي ضيقة كيف!!
ربما لولا هذا الموقع
لما عرفت صلتك بالجوير مطلقا
رغم اننا تلاقينا كثيرا وتحدثنا في كل شيء
المؤكد انك سوف تكون اضافة حقيقية
نلتقي على الضفة الاخرى
شكرا ,,
| |
|
|
|
|
|
|
|
|
|
Re: الجوير غرب شندي على الانترنت. (Re: معاذ حسن)
|
يا اخي انا زاتي معاكم...وبي طيني...جروف وحواشات...
لكن انت ياتو في المعاذات...
الجوير دي فيها معاذين كتيرين...امكن اكبرهم معاذ حسن العوض...
ودا اكيد ما انت...ونمشي لي حوش ود العقيد فيه تلاتة معاذ...
والدكاكين فيها معاذين...وعشان يفرقوهم بسموهم بي اسماء
امهاتهم...
بلاي عليكم الله يا معاذ...فتشوا لي معاكم علي
الآتي اسماءهم لضمهم لبورد الجوير..
الاستاذ حافظ محمد زين
ومحمد عبدالله ابوسن..
واستاذ عبدالملك..
والطلوس
| |
|
|
|
|
|
|
|
|
|
Re: الجوير غرب شندي على الانترنت. (Re: nazar hussien)
|
يا معاذ
كذلك اسعوا لضم:
محمد أحمد الفيلابي
الاستاذ عوض الله فضل الله
الاستاذة ابتسام قسم السيد وعبدالسلام اخوها
والدكتورة تماضر محمد عبدالله
وامل ميرغني عثمان ضبعة
وندي محمد عثمان
والاستاذ حسن علي الحضري
ومحمد علي الحضري
وامش بي غادي ادعو الاستاذ بابكر الشيخ سلمان
ومحمد احمد العوض (كركب)
لو ديل كلهم جو في حوشك تاني سودانيز اونلاين الا تعمل تخقيضات
| |
|
|
|
|
|
|
|
|
|
Re: الجوير غرب شندي على الانترنت. (Re: nazar hussien)
|
Quote: محمد أحمد الفيلابي
الاستاذ عوض الله فضل الله
الاستاذة ابتسام قسم السيد وعبدالسلام اخوها
والدكتورة تماضر محمد عبدالله
وامل ميرغني عثمان ضبعة
وندي محمد عثمان
والاستاذ حسن علي الحضري
ومحمد علي الحضري
وامش بي غادي ادعو الاستاذ بابكر الشيخ سلمان
ومحمد احمد العوض (كركب)
|
الصديق الاسفيري القديم ابن الشاعر
جميع من ذكرت اصدقاء اعزء وستراهم قريبا في هناك.
يلا يا نزار في انتظارك
معاذ ابو صفحة
| |
|
|
|
|
|
|
|
|
|
Re: الجوير غرب شندي على الانترنت. (Re: معاذ حسن)
|
Quote: عباس الوسيلة,,
ايدك معانا |
الأعز الأستاذ معاذ
كل الود والشكر لكم على جهودكم لتكون الجوير ونلاين. حتى الرجوع لكم بمهلة سجلونا معكم.
1- دكتور علي بابكر الهدي
2- عبّاس الوسيلة عبّاس
وشكرا
عبّاس
| |
|
|
|
|
|
|
|
|
|
Re: الجوير غرب شندي على الانترنت. (Re: KOSTA)
|
لا بعد كدا ضروري نقول ليك استاذ معاذ...او سعادة المستشار...
داير ياتا فيهن؟؟ معاذ حاف كدي ما بتنفع...(اللبنانين بقولوا
مع حفظ الالقاب!!! العبارة دي انا لاهسي ما عارفا قاصدين بيها شنو؟؟؟
وبعدين مشيت اسجل كل مرة بقول لي في خانة ما مليتا ارجع املاها
واكون مالي الخانات كلها...والعجب الحروف التحت ديك...جهجهني جهجهة
لما تأكدت انو عندي عمي ألوان...لكن بحاول تاني
Quote: نزار حسين
تحياتى يا قريبى و اوعى برضو " تغنجوا" بالورثة |
يا كوستا يا صديق...هناك مافي زول بيأكل حق زول...طينك
بتلقاه قاعد بي كركيه الخلوه جدودك...الا يكون اكلوه ناس المؤتمر
| |
|
|
|
|
|
|
|
|
|
Re: الجوير غرب شندي على الانترنت. (Re: أيمن دياب)
|
Quote: تحية لابن الجوير في الشرقية الأخ محمد جاد الله..
نعم الرجل ونعم المعرفة ونعم المثال |
ايمن دياب
كيفك يا عزيز
ابناء احمد جاد الله أناس اكارم ونعم الاخوان,,
بالله ادي محمد خبر عن الموقع وهذه عوة لك اولا وله ,,
شكرا ايمن.
| |
|
|
|
|
|
|
|
|
|
Re: الجوير غرب شندي على الانترنت. (Re: nazar hussien)
|
Quote: بلاي عليكم الله يا معاذ...فتشوا لي معاكم علي
الآتي اسماءهم لضمهم لبورد الجوير..
الاستاذ حافظ محمد زين
ومحمد عبدالله ابوسن..
واستاذ عبدالملك..
والطلوس |
نزار
المذكورين الثلاثة في البداية ستجدهم على الضفة الغربية قريبا
اما الطلوس فدينا اكثر من ثلاثة طلاليس ايهم تقصد؟
احتياطي كدا حا نجيبهم ليك كلهم
بس تعال.
| |
|
|
|
|
|
|
|
|
|
Re: الجوير غرب شندي على الانترنت. (Re: معاذ حسن)
|
Quote: يا كوستا يا صديق...هناك مافي زول بيأكل حق زول...طينك
بتلقاه قاعد بي كركيه الخلوه جدودك...الا يكون اكلوه ناس المؤتمر |
يا نزار
اكان كده نمشى نسجل الفدادين الليلاتنا قبل الانتخابات
عشان الجماعة يمكن يغيروا رأيهم بعدين
بس شوف لينا النواصى
امتنانى
| |
|
|
|
|
|
|
|
|
|
Re: الجوير غرب شندي على الانترنت. (Re: KOSTA)
|
أنا غنيت ليك بي قياس
صنديد لي الولايا ولي الضلع قصاص
ويا مطر السواري الليك هبوب ورشاش
وسيد دينا قبيل .. قبل الناس تعرف الناس
وهيلك من قديم قبل الناس تعرف الناس
ومحكر الديوان .. وثابت يا أب قلب
تقابة لي النيران
وين متل الحسن
ويا الحسن يا الحسن الفي العايلة ما تسمى
وما ضبح الرباية ودردمن ولمّ
ويا حنكي البليغ الما بردد الكلمة
:
وتلب يا صقر
توِّر الرخم مني
وتلب يا الحسن
توِّر الرخم مني
وتلب يا صقر
فرق الرخم مني
وتلب يا الحسن
فرق الرخم مني
قنص يا الحسن
توِّر الرخم مني
هوي النيل والتساب فوق البلد عمّ
ود ضبعة التساب فوق البلد عمّ
يا ولادة النجاح المابتلدك البلمة
هوي ود ضبعة التساب الفوق البلد عم
تقول الرواية ان اهلنا التويمات وهم قوم اشتهروا بحفظ القران وتعليمه
تقول الرواية انهم هاجروا من الجوير فى عهد بعيد مضى واستقروا
بالجزيرة ..وبقى بعضهم بالجوير ..انقطع التواصل بين هؤلاء واولئك
لكن حتما تلقتى اصواتهم عند الفجر فى الاثير وهم يتلون
كتاب الله ...
مبروك يامعاذ الموقع وسنقوم بزيارته بين الفينة والاخرى ..
| |
|
|
|
|
|
|
| |
معاذ حسن
محمَّد زين الشفيع أحمد
KOSTA
nazar hussien
حمزه بابكر الكوبي
عبّاس الوسيلة عبّاس
محمد عبدالرحمن
فيس بوك
تويتر
انستقرام
يوتيوب
بنتيريست