|
الانتخابات - بغض النظر عن موقفك، هل لك دور الان؟
|
فتحت تلفزيون السودان و قلت اعرف الاخبار شنو في اول يوم، اول ما لقيت الاستاذ جمال حسن سعيد في دعاية انتخابية اخري لم افهم هدفها و من يخاطب - الرسالة الموجهة بسيطة جدا و تكاد تكون متستفزة لناس لهم خبره بانتخابات سابقة, هدفها الليلة كان موجه للمرشح الخاسر، انه لازم تكون عنده روح رياضية!
لكن بغض النظر عن اسكتشات الاستاذ جمال حسن سعيد، وجدتني افكر، ما هو دوري العملي الان؟ ما هو دور التلفزيون القومي؟ دور الاذاعة? دور الصحف? و دور المنابر? دور من يسكن بالقرب من مراكز الاقتراع?
دور من يقترع? دور من امتنع عن الاقتراع?
سؤالي ده نابع من شعور بالعجزبعد ملاحظة عدم قدرة منبر كسودانيز اونلاين في تنسيق خطوة عملية سواء للمؤيدين للانتخابات او الممتنعين.
|
|
|
|
|
|
|
|
Re: الانتخابات - بغض النظر عن موقفك، هل لك دور الان؟ (Re: مريم بنت الحسين)
|
إحساس الغبن والهزيمة يا رحاب اليوم على قوته العظمى فاتح لي نافذة ( أتفشى ) فيها إحساسي بي أهلي هناكـ ( اليوم بالذات ) خلاني أكتب بي هناكـ :
Quote: البالغ العاقل عبارة تتردد كلما تم ذكر الأشياء التي لها علاقة بوجوب التنفيذ ( ومنها الإختيارية ) وهي أشياء لا يصح أن يفعلها إلا من هو عاقل ، وبالغ بدأت باستحقاقات العبادة ثم استمرت لتشمل بعض أمور حياتنا الدنيا ومنها القيادة ، وعند بعضهم الزواج وأشياء متعددة ومن ثم استمرت إلى أن وصلت ما يُسمَى الإنتخابات وهي الوسيلة الوحيدة القانونية المُتاحة للفرد الحر أن يختار من يسير أمور حياته مجتمعة ولأن أمور الحياة مجتمعة نحتاج إليها مجتمعين ( كبني آدمين ) فلا بُد وبعبر هذه الوسيلة أن يكون هنالكـ فائزاً منفرداً بالقرار أو متضامناً مع آخرين يضع لنا شروط حياتنا وطريقتها ولنا حق الإعتراض عليها بحرية تامة دون إهانة لأحد . وباعتباري الآن عاقلاً وبالغاً ما الذي يدعونني لأن أشاركـ في عملية إنتخاب وضع شروطها من إستغل القوة التي مكنه الشعب منها فاستغلها لصالح توجهاته وفرض عليَ أِشيائه وأمرني أن أتبعها مرغماً ؟؟؟ مهما بلغت دعايتكـ عن نفسكـ ومهما أنجزت في ظل وجودكـ غصباً عني فلا يهمني ذلكـ فأنتم أصلاً مُحتلين ولا شرعية لكم حتى وإن كان أغلب الشعب قد ذهب لإختياركم من جديد فالأميَة بالحرية ومعانيها متغلغلة داخل وجدان أهلي ولا يعرفون للعاقل البالغ مدى غير العناوين التي تم تلقينها لهم . |
دعاية ( بامبرز ) !!!!!!!
| |
|
|
|
|
|
|
Re: الانتخابات - بغض النظر عن موقفك، هل لك دور الان؟ (Re: عمران حسن صالح)
|
ستنا مريم بنت الحسن
شعورك اعتقد انه حا يكون منتاب شريحة كبيرة و انا فيهم، و لذلك فتحت البوست
قلت ما دام الناس بقيادة الاحزاب ولا قطاعات المجتمع المدني المختلفة المحلية و الدولية، ما كان عندها استراتيجية محددة متفق عليها، في شك انه في تزوير، الناس ممكن تعمل شنو كجماعة عشان يتابعو الحاصل؟ علي الاقل الاماكن المقدور فيها المتابعة و خصوصا في ظرف دعوة المفوضية للعالم ان يتفرج، الان كان في التلفزيون دكتور يسمي الاصم يشرح بالتفصيل ما تم عمله من قبل المفوضية انه في شفافية و انه دور الاحزاب و المرشحين ان يتابعو
بصراحة يا مريم، قصة انها يا ناس نزيهة صدقونا او يا ناس ما نزيهة صدقونا دي ما كافية لو هناك من يقول انه المؤتمر الوطني لاعب لعبة، البيمنع الاحزاب و المرشحين شنو انهم يلعبو نفس اللعبة، خصوصا انه المجتمع الدولي منحاز لهم بطبيعة الحال
كان احزاب او مؤتمر وطني عليهم البينة علي ما ادعو لانه الوضع الديفولت هنا انه لاااا علم لي انا رحاب القاعدة بعيد دي
اكتبي لناس قرفنا يا مريم، اكتبي للبشير، لاوباما، اكتبي لي انا دي ياخ، لوول لكن اعملي حاجة بما تؤمنين به و may the best man wins winning here is not necessarily winning the elections
| |
|
|
|
|
|
|
Re: الانتخابات - بغض النظر عن موقفك، هل لك دور الان؟ (Re: Rihab Khalifa)
|
والله يا عمران و ما ليك علي حلفان، انا قربت امبارح اقطع تذكرتي و اجي السودان، جاني شعور انه لازم اكون قريبة من اهلي
عارف الافلام الامريكية ديك لمن يقولو ليهم في نيزك جايي يضرب الارض و يقومو الناس جاريين و الاعترف بغلطه اعترف و الواصل اهله القاطعهم والرجع القروش السرقها و و و؟ بس
اسسسي الزول في التلفزيون قال انه هناك تلاته و تمانين حزب، عشره بس منهم انسحبو، لووووووووو
اها، نرجع لموضوعنا
انا افهم انه هناك من دعي لمقاطعة الانتخابات كاستراتيجية للمقاومة، و لكن هل ده يكفي يا عمران؟
و ما دور الاحزاب و المرشحين في حماية المواطن السوداني القرر يقترع شنو؟ و المواطن القرر ما يقترع شنو؟
و ناس المؤتمر الوطني، دورهم شنو في تاكيد انها حا تكون نزيهه؟
بس حكاية ننتظر و نشوف النتيجة دي حكاية ممله و عاجزة بصراحة
----------- دعاية بامبرز: لازماني زيارة و اقامة :)
| |
|
|
|
|
|
|
Re: الانتخابات - بغض النظر عن موقفك، هل لك دور الان؟ (Re: Rihab Khalifa)
|
يا رحاب الخليفة (اسمك بيشبه لي اسم صديقة قديمة فقدت اثرهامن ايام الثانوي ) انا شخصيا أؤمن باللي انا شايفاه وحاساه ومعايشاه عشان كدا ح اخلص دوامي في الشغل وامشي عدل على مركز الاقتراع عندنا هنا في الدوحة واشوف بنفسي واعيش مع الناس التجربة وعيوني وعقلي هي الحكم مش كلام أي زول يجي يقول لي الانتخابات مزورة ولا مغشوشة ولا زادوها موية ولا حتى يقول لي نزيهة ولا نبيهة عيوني في راسي وعقلي شغال وانا بلغت من العمر ما يكفيني للحكم والتفكير الصائب يبقى ليه انتظر تلقين من أي كان ؟؟؟ ودا حال المنبر للأسف .... كل شوية يجينا زول بأمر جديد انتخبوا فلان ... قاطعوا ... صوتوا .... يعني نحنا شفع روضة نمشي كدا سااااااي ورا الأوامر دي ؟؟ ولا نحنا ناس كباااار عقولنا توزن بلد وبنعرف الصح من الغلط والصالح من الطالح ؟؟؟ ولا قالوا التفكير والعقلانية محصورة في فئة محددة من البشر ؟؟؟
الله المستعان
| |
|
|
|
|
|
|
Re: الانتخابات - بغض النظر عن موقفك، هل لك دور الان؟ (Re: شادية الطيب)
|
سلامات يا رحاب وشكراً على فتح باب التفكير وإعمال العقل الآن... نعم لكل منا دور...أبسط الأدوار هو الحثّ على المشاركة في العملية الإنتخابية...فالأغلبية من المسجلين للإنتخابات غير منزوين تحت لواء أي حزب سوداني...وعليه تصبح الاغلبية الصامتة...هؤلاء الناس أصيبوا بالاحباط جراء التقلبات السياسية الأخيرة...وعليه يمكن أن يكون دورنا هو حثهم على ممارسة حقهم السياسي مودتي أنور
| |
|
|
|
|
|
|
Re: الانتخابات - بغض النظر عن موقفك، هل لك دور الان؟ (Re: شادية الطيب)
|
سلاممات يا رحاب
قبل كم يوم اتصلت بي السفارة قالو انه تم ترشيحي للعمل من ضمن فريق المراقبين
وانه عايزين موافقة قلت نشوف حيث كنت مصابة بازمة ربو والمطر شديد لما عرفتا لجنة الانتخابات مكونة من اشخاص درست ودرست معهم فرحت جدا ثم علمت اني اسكون ضمن فطاحلة العلم من المراقبين بروف هنود ابية بروف الفاتح وبروف مالك بروف النقر حسبت بتشريف عالي جدا اود ان انوه لا يوجد اي عضو في المؤتمر الوطني في هذه اللجنة.ز وكلهم يعيشون هنا منذ بداية التسعينات..
وافقت..برضو كان عندي رغبة اعرف الانتخابات حتمشي كيف عشان ناس مزورة ديل
جيت ووجدت كل حاجة باي ذا بوك جلست 12 ساعة في مراقبة الانتخابات لم اشهد اي تجاوز والذي ساعد نسبة التعليم العالية في جاليتنا
مع ذلك يتم الشرح الدقيق لكل مصوت
كل حاجة تمام وكان يوما تاريخيا في حياتي
وسعدت جدا باني اخدم وطني السودان في وقت حرج من تأريخه.. والان بكل فخر وبكل صدق استطيع ان اقول ان الانتخابات في كوالالامبور انتخابات نزيهة 100%
بجيك راجعة بالانطباعات الكونتها من تجربةمراقبة هذه الانتخابات..
| |
|
|
|
|
|
|
Re: الانتخابات - بغض النظر عن موقفك، هل لك دور الان؟ (Re: Rihab Khalifa)
|
Salms Rehab,
Quote: لو هناك من يقول انه المؤتمر الوطني لاعب لعبة، البيمنع الاحزاب و المرشحين شنو انهم يلعبو نفس اللعبة، خصوصا انه المجتمع الدولي منحاز لهم بطبيعة الحال
|
That’s QUOTE in RED not consistent with the existing reality, Forgery and Counterfeiting started from the Fake Census which reflects unreal numbers about population and it is distribution, and the Electoral Register is still available for Members of the National Congress Party (NCP) till today to register their supporters, although it has been closed since 4 months back
Election is not Only Voting and Current Voting Process might not contains Major Violations by NCP because Fraud and Deception started before it and which will continue after, as always do happen in universities Union Elections
But unfortunately Obama administration support to this Election is really shameful hence they know better than any one else what the NCP will do, but it seems the Tailor Scott Gration is trying to sewing Long Gowns - compliant with Shariah- to hide the Nudity of the Election Fraud Scandals of his True Alley in the Region The NCP.
| |
|
|
|
|
|
|
|