|
|
 Re: فضيحة المفوضية الكبري! (Re: شادية عبد المنعم)
|
أدناه شهادة أحد منسوبي الانقاذ والذى أدلي بصوته (للبشير) :
-----------------------------------------------------------
الكاتب : (أساسي)
قبل ربع ساعة عدت من مركز الانتخاب بالقنصلية العامة بجدة بعد ان قمت بالادلاء بصوتي في الانتخابات الرئاسية , وقد كتبت بوضوح في هذا المنبر اني سوف اقوم بترشيح البشير قبل ذهابي بدقائق , قبل اذان العصر بدقائق دخلت الي مركز الانتخاب وتم توجيهي حسب رقم تسجيلي الذي طلب الي ابرازه ان اتوجه الي اللجنة 2 وبعد ذهابي الي اللجنة رقم 2 قدمت التذكرة الخاصة بي الي الموظف الموجود علي الطاولة , بعد ان قرأ رقمي قال لي انتظر وكان هناك اثنان امامي طلب اليهم الانتظار قبلي , جلست بجانبهم ولا اعرف ماذا انتظر والموظف ليس امامه احد ( وقاعد يتلفت ) , جلست حوالي الخمسة دقائق فبدا من بجانبي التململ وقمت بسؤال الشخص علي الطاولة لماذا ننتظر , قال لي الشخص الذي معه الكشوفات التي تضم اسمائكم ذهب الي الغداء , تهكمت مباشرة وسالت ,يتغدي وشال معاهو اوراق التسجيل , قال لي لا لم ياخذها ولكن هي موجودة بالدرج الذي بجانبه واشار اليه , قلت له والعمل شنو عندنا اشغال , قال هو ما بقدر يتصرف فيها لانه الموظف دا حالف فيها قسم , كان هناك شخص يتوسط (القعدة ) في اللجنة رقم 2 سمع حوارنا واظنه المسؤل من البتاعة 2 دي , قال وين هاشم علي ما اظن , قال ليهو مشي يتغدي , قال ليهو اضرب ليهو تلفون , قال ليهو اسع بجي و تدخل من بجانبي وقال الورق موجود ياخي في الدرج دا وعندنا اشغال , قال خلاص كدي جيبوهو , قام الزول القاعد اول واحد في الصف شال الورق من الدرج ووداهو لكبير اللجنة 2 , وهنا لاحظت حاجة غريبة , لاحظت ان الشخص الشال الورق دا ايدو مغمسة في الحبر والحبر يزين بنانه كالخضاب , وهو لم يقم بعملية التصويت حتي الان , قام كبير اللجنة اتنين قال ليهو اديني تذكرتك , قام اداهو التذكرة الفيها الرقم وفتش وقال ليهو اسم كدا زولنا اليده مخضوبة سكت شوية وقال فجاة ايوة , اها قال ليهو غمس اصبعك السبابة اليسرى في الفتيل دا , قام صاحبنا قال ليهو انا غمستو وجاهز مع العلم ان طول الفترة دي كان الحبر جمب كبير اللجنة 2 والزول دا في الطرف جمبي , اها قطع ليهو ورقة من دفتر كدا فيها اسماء المرشحين قلبها بي ورا وختم فيهها ووقع واداها ليهو قال ليهو ادخل الستارة دي ورشح وتعال ارميهها في الصندوق دا , وقام صاحب السبابة الخضيبة بالعملية .
فاتني ان اقول اني قمت بعملية نقنقة مسموعة واستجواب امام طاولة كبير اللجنة اتنين , سالت الزول صاحب الابهام الخضيب , كيف انت غمست في الحبر قبل ما تنتخب وبتين عملت كدا ؟ قال لي انا جيت اول حاجة عملتها قبيل كان في واحد تاني هنا وغمست اصبعي وبعد داك قال لي امشي للزول التاني وجهت سؤالي لكبير اللجنة , كيف الزول قبل ما ينتخب بغمس يدو , قال لي بعد اعطائك الورقة الانتخابية تقوم بعملية الغميس , اردفت طيب الزول دا مغمس من قبيل او امس ما معروف , تلجلج كبير اللجنة 2 وقال لي بتعلثم ما لم افهمه , هنا احبط وبدات اشكك في نزاهة الموضوع دا كله , كما اني لاحظت حاجة مهمة جدا , الزول اي كبير اللجنة اتين ما سال الزول دا من اثبات شخصيته ولا اقامته ولا جواز سفره واداهو ورقة الترشيح بمجرد انه قال انت فلان وداك سكت شوية اجاب نعم .
قام الشخص الذي امامي بتقديم ورقة او تذكرة اخري غير التي معنا , ساله كبير اللجنة اتين , ما دي الورقة التانية , قال ليهو ديك راحت وطلعت دي بدلها , قال ليهو خلاص جيبها , وفتش عن الرقم وقال ليهو اسمك فلان قال ليهو اااي , قام قطع ليهو ورقة انتخابية واداها ليهو وقال ليهو غمس , النصيحة الزول دا غمس يده بضمير , وشال الورقة ومشي انتخب , وجا دوري مديت الورقة الانتخابية وكرت الاقامة لكبير اللجنة اتين , شال مني الورقة الفيها الرقم وما اشتغل باقامتي قمت دخلتها في جيبي , قال لي اسمك اساسي , قلت ليهو ايوة , قام قطع لي ورقة وقع فيها وختم في ضهرها وقال لي غمس , اولا انا الغميس دا ما واقع لي قمت دخلت يدي في الفتيل وما غمست وطلعتها بدون غميس وشلت الورقة ومشيت , زولنا ما سالنني تاني قمت مشيت وقفت مسافة قدام الورقة عاينت للمرشحين واحد واحد , صريت ليهم كلهم واولهم البشير , عملت قدامه صاح لشيئ في نفسي وهمهمت داخلي نفسي , ساقوم بذلك رغم عدم يقيني بعد الذي شاهدته امامي الان , وطبقت الورقة ورميتها في الصندوق , ويملاني احساس ( بالجلبطة) .
خلاصة الامر , اني قمت بالتصويت قبل دقائق , لا يوجد حبر في يدي الان , رايت شخص ينتخب ويقدم اوراقه بل كان يجلس معي مدة من الزمن وايده مغمسة في الحبر , لم يطلب موظف اللجنة مني ولا من غيري التحقق من هوياتنا .
ببساطة بامكاني الان الرجوع الي المركز وتقديم اي ورقة اخري والقيام بتصويت اخر , فلا حبر في يدي ولا يوجد تحقق من الهويات .
لذاا انا احمل مفوضية الانتخابات كل هذا الاهمال وشبهات التزوير التي رايتها
بعد ان قمت بالتصويت للبشير اقول بكل صراحة اني رأيت في م... في نزاهة الانتخابات
|
|
 
|
|
|
|
|
| العنوان |
الكاتب |
Date |
| فضيحة المفوضية الكبري! | سعد مدني | 04-10-10, 09:41 AM |
| Re: فضيحة المفوضية الكبري! | عبد اللطيف السيدح | 04-10-10, 09:44 AM |
| Re: فضيحة المفوضية الكبري! | محمد المختار الزيادى | 04-10-10, 09:48 AM |
| Re: فضيحة المفوضية الكبري! | محمد عادل | 04-10-10, 09:55 AM |
| Re: فضيحة المفوضية الكبري! | سعد مدني | 04-10-10, 09:48 AM |
| Re: فضيحة المفوضية الكبري! | محمد المختار الزيادى | 04-10-10, 09:51 AM |
| Re: فضيحة المفوضية الكبري! | سعد مدني | 04-10-10, 10:04 AM |
| Re: فضيحة المفوضية الكبري! | عبد اللطيف السيدح | 04-10-10, 10:10 AM |
| Re: فضيحة المفوضية الكبري! | سعد مدني | 04-10-10, 10:20 AM |
| Re: فضيحة المفوضية الكبري! | محمد المختار الزيادى | 04-10-10, 10:25 AM |
| Re: فضيحة المفوضية الكبري! | محمد المختار الزيادى | 04-10-10, 10:27 AM |
| Re: فضيحة المفوضية الكبري! | سعد مدني | 04-10-10, 10:39 AM |
| Re: فضيحة المفوضية الكبري! | محمد حسن العمدة | 04-10-10, 10:47 AM |
| Re: فضيحة المفوضية الكبري! | سعد مدني | 04-10-10, 11:05 AM |
| Re: فضيحة المفوضية الكبري! | سعد مدني | 04-10-10, 11:23 AM |
| Re: فضيحة المفوضية الكبري! | سعد مدني | 04-10-10, 12:17 PM |
| Re: فضيحة المفوضية الكبري! | سعد مدني | 04-10-10, 03:00 PM |
| Re: فضيحة المفوضية الكبري! | سعد مدني | 04-10-10, 04:02 PM |
| Re: فضيحة المفوضية الكبري! | سعد مدني | 04-10-10, 04:28 PM |
| Re: فضيحة المفوضية الكبري! | سعد مدني | 04-10-10, 05:18 PM |
| Re: فضيحة المفوضية الكبري! | سعد مدني | 04-10-10, 10:00 PM |
| Re: فضيحة المفوضية الكبري! | سعد مدني | 04-10-10, 11:46 PM |
| Re: فضيحة المفوضية الكبري! | عاطف مكاوى | 04-11-10, 01:44 AM |
| Re: فضيحة المفوضية الكبري! | عاطف مكاوى | 04-11-10, 03:52 AM |
| Re: فضيحة المفوضية الكبري! | عبدالأله زمراوي | 04-11-10, 06:36 AM |
| Re: فضيحة المفوضية الكبري! | سعد مدني | 04-11-10, 08:55 AM |
| Re: فضيحة المفوضية الكبري! | سعد مدني | 04-11-10, 09:16 AM |
| Re: فضيحة المفوضية الكبري! | سعد مدني | 04-12-10, 10:01 PM |
| Re: فضيحة المفوضية الكبري! | شادية عبد المنعم | 04-12-10, 10:12 PM |
| Re: فضيحة المفوضية الكبري! | عاطف مكاوى | 04-12-10, 10:26 PM |
|
| |
عاطف مكاوى
فيس بوك
تويتر
انستقرام
يوتيوب
بنتيريست