|
Re: الشفافية .. كشف بتفاصيل مصادر تمويل حملتي واوجه الصرف .. نشوف منو البقدر يكون شفاف؟! (Re: ALZOLZATOO)
|
سلام يا وليد
على جيل الشباب الاخذ بزمام المبادرة لانه اول متطلبات التغيير للافضل.
صدقنى.. حتى ان لم يكتب لك النجاح ( لا قدر الله ) فقد قدمت
درسا لجيل الشباب لمقارعة المستحيل وارسيت ادبا فى الممارسة
السياسية الراشدة وهو ما نتمناه ان يسود فى بلادنا.
شخصيا ممكن اساهم فى مراقبة التصويت لو كنت محتاج لمناديب باقى اخوك
فى المراقبة دى شديد ولضيض واسال عمر عثمان وعلاء الدين (بدون كااااك)
اتمنى ليك التوفيق من كل قلبى .
| |
|
|
|
|
|
|
Re: الشفافية .. كشف بتفاصيل مصادر تمويل حملتي واوجه الصرف .. نشوف منو البقدر يكون شفاف؟! (Re: يوسف السماني يوسف)
|
الاخ يوسف السماني
ولا تخت في بالك ويمن الله انا ما متذكر اني نبزتك او انك نبزتني بتين زاتو
ده نبز بوردات ساكت ما تشيلوا معاك براها
نحكي ليك نكته بالمناسبة دي
عندا صاحبا لينا ظريف جدا سايق عربيتو المهم حصلت زحمة والعربات اتشربكت .. قام شاكل ليك الزول القدامو سواق العربية التانية وقال ليه : انت زول بليد ما بتعرف تسوق الزول داك زعل نزل من عربيتو جاري معاه عكازو زولنا حسب ما بعرفوا زول قلبو حار لكن لقيتو ليك بضحك وقال للزول الهايج داك يا زول انت زول بليد بالجد.. ياخ ده شكل عربات ساكت شنو السالي عكازك
اسع يا حبه ده شكل بوردات ساكت
| |
|
|
|
|
|
|
Re: الشفافية .. كشف بتفاصيل مصادر تمويل حملتي واوجه الصرف .. نشوف منو البقدر يكون شفاف؟! (Re: عبدالكريم أحمد الامين)
|
الشفت القومة ليك ياخي
أريتو حال الشفوت لي حدهم أول الغيث قطرة .. ورحلة الألف ميل تبدأ بخطوة ولكن ... الآمال الكييرة تحتاج لمواعين كبيرة واليد الواحدة ما بتصفق ، ويد الله مع الجماعة باختصار .. دا زمن التكتلات والمؤسسات والأفراد بروحو شمار في مرقة بافتراض فوزك ودخولك البرلمان برضو كفرد تأثيرك محدود يكاد لا يذكر فإن صوتت الحيتان أن الشمس تشرق من المغرب انحسم الأمر وانت كان قلبت هوبا زي صورتك ديك لا وزن لشفتنتك. نصيحة مطرطش .. يا تبقى شيخ طريقة وتكون كومك وتكبرو بمن يشاركوك نفس أفكارك يا تشوف ليك كوم كبير مرقتو تتناسب مع شمارك دا وإيد على إيد تجدع بعيد بشرط أن لا تكون يدك هي السفلى .
تحياتي وأطيب أمنياتي
| |
|
|
|
|
|
|
Re: الشفافية .. كشف بتفاصيل مصادر تمويل حملتي واوجه الصرف .. نشوف منو البقدر يكون شفاف؟! (Re: عبدالكريم أحمد الامين)
|
ياوليد اذا فزت فالحمد لله
واذا ما فزت حملتك الجاية انا من الداعمين لبرنامجك الانتخابى حتى يتعلم منك الشباب ,,ان ليس هنالك مستحيل,,,,,
اها موضوع الاعادة شنو,,,فى امل ام نفكر فى السنون القادمات
تسلم
| |
|
|
|
|
|
|
Re: الشفافية .. كشف بتفاصيل مصادر تمويل حملتي واوجه الصرف .. نشوف منو البقدر يكون شفاف؟! (Re: وليد محمد المبارك)
|
سعيد جداً الليلة بمكالمتك يا وليد ..
رغم حبة الإحباط الشعرت بيها لكن بالجد متكيف انه رسالتك وصلت لي ولكل الشباب انه لا مستحيل تحت الشمس
وإنها رسالة ووصلت للجميع عشان يسعوا لتحقيقها ..
لك الريادة أنت وبيناوي وشناب وغيركم من الشباب وللكل من بعدكم البحث عن طريقهم للتغيير متلمسين خطاكم بدلاً عن الكلام والمزيد من الكلام الذي لن يفيد ..
فخور بك من جد وفخور بالكل ان كنت زميلهم ونسعي لغد مشرق بوجودكم في وطن يأسنا من تغييره فغادرناه وسعيتم انتم لتحقيق المُرتجي ..
تقبل احترامي ...
| |
|
|
|
|
|
|
Re: الشفافية .. كشف بتفاصيل مصادر تمويل حملتي واوجه الصرف .. نشوف منو البقدر يكون شفاف؟! (Re: حبيب نورة)
|
الأخ وليد ،
تحياتى،
القادة الكبار يصنعون أنفسهم بالمثابرة والنفس الطويل كما يقولون،
وهذا يتم فى محورين أولهما هو أنك جادى وأمين ومباشر ...
وأقدر لك أيما تقدير الاعلان عن كشف حسابك.
السياسيين فى كثير من الديمقراطيات يعلنوا عن كل ممتلكاتهم المالية والعينية قبل أن يتولوا أى منصب حكومى...
وممتلكات السياسيين فى الديمقراطيات موضوعات للدعاية الانتخابية، يتم تفحيصها والتحقيق فى مصادرها وإتخاذ اى عدم أخلاقية فيى تلقيها كقرائن يقاس عليها كيف سيؤدى المرشح عمله وهو فى موقع القرار!
وأيضا أثناء تولى المناصب يقدم السياسيين تقريرا سنويا بكشوف دخلهم ومنصرفاتهم الى مصلحة الضرائب وتدخل نتائج الحسابات فى الارشيف العام !
ثانيا: أتمنى أن يتطور مشروعك السياسى ليتناول القضاياالكبيرة فى السودان وأولها قضايا "الهامش" وأن تتم رؤيتها بعيون المهمشين....
أحييى طموحك السياسى واتمنى لك التوفيق... فلديك الكثير لتقدمه لأهلنا فى هذا الوقت. .
| |
|
|
|
|
|
|
|