|
Re: بيض (البورض )...البورد سابقا .. (Re: داليا الكباشى)
|
Quote: انـا حاجزه اول كرسي في الصف والكرسي الجمبي دا محجوز يالله |
جدا يا دكتوره .. نحجز ليك المقصوره بس ما تجي ويدك فاضيه كده ..ادينا ترشيح سريع كده .. خصوصا وانك محاطه دايما بكميات لا بأس بها من البيض الله يكفينا شرهم ...(:
Quote: ختشي على دمك وغير تلفونكـ دا ياخ .. عذبنـــا |
انا زاتي عزبني ...انتي تركبي طيارة وتنزلي طيارة وما عاوزه تجيبي لي 3310 .. حقو الواحد يمشي يصاحب محمد الحبر ويستحمله وامره لله ..والمثل بقول ( بيض يكرهك ولا موبايل يزازي بيك) ..
| |
|
|
|
|
|
|
Re: بيض (البورض )...البورد سابقا .. (Re: Faisal Elrasheed)
|
Quote: ادينا ترشيح سريع كده .. خصوصا وانك محاطه دايما بكميات لا بأس بها من البيض الله يكفينا شرهم |
رغم انك عصرتا علـي شديد في مساله الترشيح دي لكن امري لله اتوكـل على الله واقول :
ود الصايـــــــــــــــــــــــــــــم
بقى متوفر في (البورض) بشكل يدعو (للغثيان) تفتح بوست تلقاهو متداخل ,, تفتح الصفحه الاولى تلقى مليون بوست بي اسمو ,, ود الصايم تعال اضحك , ود الصايم تعال اعمل الواجب لي ولدي الصغير .. الــخ واخر بيضـــه فقعها لينا (طال عمركـ) موضوع الفــور اول دا
| |
|
|
|
|
|
|
Re: بيض (البورض )...البورد سابقا .. (Re: Mohammed Awad)
|
Quote: البوست دا نهايتو مسلوق ولا محمر عشان نعرف موقعنا من الأعراب؟؟ |
والله يا محمد عوض ده حسب احساسك طبعا.. هسه انت حاسي بي نفسك مسلوق والا محمر ؟؟ كان حاسي انك غرقان وبتبغبغ في مويه والمويه حاره يبقي انت في طور السلق ..ودي ما بقدر اعمل ليك فيها حاجه لانه كان مرقتك تاني ما بتنفع لا محمر ولا مسلوق.. وكان حاسي بي سخانه في كرعينك وماشه طالعه علي راسك معناها انت لسه بره الدكان واحتمال تكون لسه ما نزلوك من البوكس بتاع التوزيع .. غايتو حسب خبرتي انت لسه نيئ يعني ممكن نختك في الطوه دي عااادي وبدون زيت .. ونريحك من الشلهته دي .. سمح يابا ؟
| |
|
|
|
|
|
|
Re: بيض (البورض )...البورد سابقا .. (Re: Faisal Elrasheed)
|
يـا سيد فيصل الرشيد ,,
اولا: انـا ماعندي ايميل بالعنوان دا اصـلا ولا حصل رسلتا ليك ايميل بالمضمـون دا. ثانيـا: مضمـون الايميل اللي نشرتو , مضمون لا يمت لي بصلـه , فلم اتعود يوما ان اقلل من شأن احد الاعضاء هنـا سواء اختلفت مع كتاباته او لم اختلف وجميع من في المنبر يشهدون على ذلك .. ثالثـا: انت حر يا فيصل في ان تتداخل مع من تشـاء وان تكتب له ما تشاء ولكن دون ان تنسـب ذلك لعضـو اخر (كشخصي الضعيف مثلا) ..!!
رابعـا: رجاء تطلب من بكري انو يحذف البوست , او على الاقل يحذف مداخلتك اللي فيها نص الايميل (المزعـوم) .. وشكـرا .. ...
| |
|
|
|
|
|
|
Re: بيض (البورض )...البورد سابقا .. (Re: داليا الكباشى)
|
Quote: يـا سيد فيصل الرشيد ,,
اولا: انـا ماعندي ايميل بالعنوان دا اصـلا ولا حصل رسلتا ليك ايميل بالمضمـون دا. ثانيـا: مضمـون الايميل اللي نشرتو , مضمون لا يمت لي بصلـه , فلم اتعود يوما ان اقلل من شأن احد الاعضاء هنـا سواء اختلفت مع كتاباته او لم اختلف وجميع من في المنبر يشهدون على ذلك ..
ثالثـا: انت حر يا فيصل في ان تتداخل مع من تشـاء وان تكتب له ما تشاء ولكن دون ان تنسـب ذلك لعضـو اخر (كشخصي الضعيف مثلا) ..!!
رابعـا: رجاء تطلب من بكري انو يحذف البوست , او على الاقل يحذف مداخلتك اللي فيها نص الايميل (المزعـوم) ..
وشكـرا .. ... |
علي المتضرر اللجؤ للقضاء ..او بكري .. ايهما احب واسهل .. ممكن تعملي رساله لبكري تشتكي و يوقفني ..عاادي جدا.. ممكن تمشي النيابه وتفتحي بلاغ وتشيلي معاك نسخه من البوست والله ما كتر الا المحامين في البورد ده .. ممكن تتصرفي يعني .. حقك بدون مجاملات .. اخدي راحتك يا بتي ..
| |
|
|
|
|
|
|
Re: بيض (البورض )...البورد سابقا .. (Re: Faisal Elrasheed)
|
Quote: علي المتضرر اللجؤ للقضاء ..او بكري .. ايهما احب واسهل .. ممكن تعملي رساله لبكري تشتكي و يوقفني ..عاادي جدا.. ممكن تمشي النيابه وتفتحي بلاغ وتشيلي معاك نسخه من البوست والله ما كتر الا المحامين في البورد ده .. ممكن تتصرفي يعني .. حقك بدون مجاملات .. اخدي راحتك يا بتي .. |
يا فيصل انا البيهمني انو اثبت حاجه واحده :انا ما عندي ايميل بالعنوان دا , ولا انا رسلتا ليك ايميل بالمضمون دا بعد كدا تحذف الايميل او المداخله, او حتى ما تحذفهم دي حاجه بترجع ليك .. انا ما جيت البورد دا عشان اخلق لي عداوه مع زول , ولا عمري اتداولت اسم زول بصوره غير لائقـه وزي ما انت اخو وزميل عزيز , هم بضو زملاء اعزاء ولا اقبل التجريح بشخوصهـم..
وشكـرا ..
| |
|
|
|
|
|
|
Re: بيض (البورض )...البورد سابقا .. (Re: انور التكينة)
|
Quote: كان حاسي انك غرقان وبتبغبغ في مويه والمويه حاره يبقي انت في طور السلق ..ودي ما بقدر اعمل ليك فيها حاجه لانه كان مرقتك تاني ما بتنفع لا محمر ولا مسلوق.. وكان حاسي بي سخانه في كرعينك وماشه طالعه علي راسك معناها انت لسه بره الدكان واحتمال تكون لسه ما نزلوك من البوكس بتاع التوزيع . .. |
ولو حاسي بي دفو بس.....معناها.......تكون حاضناك جداده ===== هو في ايه
| |
|
|
|
|
|
|
Re: بيض (البورض )...البورد سابقا .. (Re: HAIDER ALZAIN)
|
والله يابكري جد ماقصرت مع الناس بقصة التعديل دي ( مريحة راحة )
هسة فيصل الرشيد دة انا أشاغلوا كيف وأنا مافاهم الجلطة العملها _______________________________________________
فيصل ياصديقي بعد فراغك من أغراض هذا البوست
أتمنى أن تمضي مُختارا لتسجيل إسمك لدى أخونا ود الصائم في بوست ( طباز البورد ) _______________________________________________
حيدر
والله الشوق بحر
_________________________
فيصل ....كامل التضامن
| |
|
|
|
|
|
|
Re: بيض (البورض )...البورد سابقا .. (Re: عمر عشاري)
|
هلا عزيزنا عمر عشاري
بالاكتر والله ..
ــــــــــــــ بشكر معاك بكري ايضاً وبشكر بيل جيتس الوفر لينا امكانية كبشرة قبل التعديل
هسع فيصل عندو الفرصة يجي يحكي ليك لو رفض كمان بلز ليك العدلو بالماسنجر
* وتحية خاصة للدكتورة داليا كباشي في وضوحها ووقوفها بقوة تجاه العبثية.. وكما قيل .. الحقوق لا توهب إنما تُنتزع انتزاعاً
| |
|
|
|
|
|
|
Re: بيض (البورض )...البورد سابقا .. (Re: خالد عبد الله محمود)
|
Quote: كاتب البوست زاتو طلع بيضة نعام .. نعام شنو ديناصور عديل كده |
خالد عبد الله محمود ..كم مرة انا قلته ليك غير صورتك بتاعت الجواز دي .. معقول لكن تكون قاعد بي صورتك الجاده دي وتعاين لينا كل يوم ؟؟ انت زعلان مننا لا سمح الله ؟؟ في زول عمل ليك حاجه زعلتك؟؟ انشا الله البزعلك باسورده يروح وبكري يطنشو .. اها قصرته معاك .. بس عليك الله غير لينا صورة البدله الكحليه دي عملته لينا وجع عيون ياخ .. اشكر سعة صدرك ...
ــــــــــــــــــــــــ بالمناسبة البتاعه دي خياطه والا جاهزه ؟؟ سؤال ساكت كده ..حسيت بيها ضيقه ..
| |
|
|
|
|
|
|
Re: بيض (البورض )...البورد سابقا .. (Re: HAIDER ALZAIN)
|
Quote: بشكر معاك بكري ايضاً وبشكر بيل جيتس الوفر لينا امكانية كبشرة قبل التعديل |
وانا زاتي والله يا حيدر اموت واشكر الخال بل قيتس والعم وندوز وكل العاملين بشركة مايكروسوفت .. وعمنا تايقر وود واولاده والخال جورج بوش واولاده وذلك علي اتحافنا ومدنا بما مكننا من حفظ بوستكم بتاع انصاص الليالي داك .. ولا نامت اعين الجبناء ..
(:
| |
|
|
|
|
|
|
Re: بيض (البورض )...البورد سابقا .. (Re: عمر عشاري)
|
Quote: هسة فيصل الرشيد دة انا أشاغلوا كيف وأنا مافاهم الجلطة العملها |
عمر عشاري دايما بتصطاد في المويه العكره .. هسه انت كان سالوك الجابك حايم بي هنا شنو ...ده بوست انصرافي بحت وانت زول بتاع( كمنجات) ..رايك شنو في كمنجات دي هههههههههه عموما ما تم سحبه موجود كان عاينته كويس ... وكان داير النسخه الاصليه دي تمشي ليها مكتبة الفجاله في باكستان (:
ـــــــــــــــــــــــ صراحه كده الفتره الجايه انا داير اخش في نيو لوك ..يعني داير اطرح نفسي مثقف وكده ..ما تقول لي السبب شنو .ساكت كده بس .. بعدين بقلب في الدولاب لقيت لي بدله قديمه ..حقت جدي بتاعت العرس ..اداها ليه الخديوي عباس .. ممكن اشوف لي عليها كرفته واجيكم ناطي ..في الهناي بتاعكم داك.. (:
| |
|
|
|
|
|
|
Re: بيض (البورض )...البورد سابقا .. (Re: السيد المسلمي)
|
Quote: كنت عايز أقول ليك تعيش وتاخد غيرها .. |
بالله انت تطلع استاذ في معهد شروني وما توريني يا السيد .. ومسئول من الدعوه الدينية كلها في البلد دي ..وبرضو ما توريني .. يعني لحدي ما تبقي وزري التخطيط حتي توريني ؟؟(: مش بتبالغ انت ..(:
شكرا صديق فقد وريتنا ما هو خافي عنا ... (:
| |
|
|
|
|
|
|
|