|
|
 في حالة فوز البشير والمؤتمر الوطني بدون تزوير!
|
وحصلت معجزة قانونية وسياسية في ما يختص بمحكمة الجنايات الدولية* وتوافق الجميع في
حكومة لمدة 4 سنوات...
هل يمكن لعمر البشير أن يترشح لفترة رئاسية ثانية بعد 2014؟
عرفنا الكلام الفات داك...والشكوك والتكهنات حول الفترة الحالية التي ستنتهي عما قريب عن نتائجها (فدوام الحال من المُحال)...
ما هو قول الدستور حول ذلك؟
كم مرة يحق للمرشح أن ينزل إنتخابات؟!
________
* ده في حالة عدم موت أي زول...لا عمر البشير ...لا المجتمع الدولي!
|
|
  
|
|
|
|
|
|
|
|
Re: في حالة فوز البشير والمؤتمر الوطني بدون تزوير! (Re: AnwarKing)
|
في هذه الصفحة القديمة -غير المحدثة- من
من صفحة الجزيرة
هناك النص التالي:
Quote: الرئيس
تنص المادة السادسة والثلاثون على أن للسودان رئيس ينتخبه الشعب انتخابا عاما مباشرا سريا لمدة خمس سنوات،
ومن الممكن أن ينتخب لولاية ثانية فقط (المادة 41). |
ده حسب دستور 1998...الذي تم نسخه بدستور عام 2005 الإنتقالي...
هل لأحد إيراد نصوص القانون حول فترة الترشح ؟ هل هي 4 سنوات أم 5 سنوات؟
أراهن أن الكثيرين قاعدين في السهلة ساي...وقصة الترزي يوم الوقفة ليست ببعيدة!
| |
|
|
|
|
|
|
|
|
 Re: في حالة فوز البشير والمؤتمر الوطني بدون تزوير! (Re: زياد جعفر عبدالله)
|
يا ساتر يا رب...
Quote: حسب ما اعتقد انو يحق للبشير الترشح لفتر رآسية ثانية
|
أربعة وعشرين معاك التسعة...يعني 29 سنة وكدة؟
الله يستر...
سنة 2018 دي يا ربي العالم بيكون شكلو كيف...وأنحنا مع الكديسة الممكن تتسلخ وتبقى مركوب؟!
في الوقت داك أظن أمريكا بتكون بقت مؤتمر سوداني عديييييييييل كدة!
______
زياد مشتاقين شديد والله يا حبيب
| |
|
|
|
|
|
|
|
|
 Re: في حالة فوز البشير والمؤتمر الوطني بدون تزوير! (Re: AnwarKing)
|
انور سلام ومشتاقين
| Quote: في حالة فوز البشير والمؤتمر الوطني بدون تزوير! |
يا انور ركز يا غالي اولا التزوير تمت قبل الانتخابات
قول لي كيف؟؟!!
البيدي بورتوسدان بكل ثقلها السكاني دائرتين
وبيدي هيا بكل ضعفها السكاني 4 دوائر هذا تزوير!
ونفس الحكايه قال لك في صمد وهمشكورين وهلم جر!
يبقى التزوير اصلا تم
وهذا ما تم بشعوائيه بل بدراسات حقيقه
انه اهل المدن قد لا يعطوهم اصواتهم يبقى يتجهوا للريف المسحوق وبشوال العيش حيتشروا الصوت
واصلا (العيوش وصلت لزعماء القبائل)! واعطيتك الشرق مثالا لانك تعرفه لكن هذا حدث بكل السودان.
يبقى ليتواصل رفضنا وعدم اعترافنا باي نتيجه لانه التزوير اصلا تم قبل يوم الانتخابات.
وكانت هذه احد نقاط الحركه الشعبيه التي للاسف تراجعت عنها
وهي المطالبه باعادة توزيع الدوائر الانتخابيه
وفتح باب التسجيل الذي اغلق من دون الغالبيه من ابناء الشعب
وحتى السجلوا اثبتت المناضله زينب بدر الدين انهم رجعوا ووجدوا ان اسمائهم سقطت!!
تخيل!! ويقول لك انتخابات يازول ديل هندسوا ابو اهلها زاته.
| Quote: في الوقت داك أظن أمريكا بتكون بقت مؤتمر سوداني عديييييييييل كدة! |
حرام عليك قول انك تعني مؤتمر وطني المؤتمر السوداني
حزب محترم وقابض على جمر القضايا
| |
|
|
|
|
|
|
|
|
|
Re: في حالة فوز البشير والمؤتمر الوطني بدون تزوير! (Re: Tragie Mustafa)
|
العزيزة تراجي سلامات وأشواق شديدة والله...ولعلك والأسرة بألف خير...
في هذه الجزئية تحديداً:
Quote:
حرام عليك قول انك تعني مؤتمر وطني المؤتمر السوداني
حزب محترم وقابض على جمر القضايا |
يبدو أنك لم تلتقطي النكهة الساخرة في حديثي...حيث أنو ناس المؤتمر الوطني بقوا زي الرجال البلهاء...أي طُعم
ختاهو ليهم اسكوت قريشن قاموا ببلعه وهضمه بإمتياز... لدرجة أنو الرئيس الراقص ود البشير...وفي خطاب هائج ومائج واحد
قال :
1- مشوا شكونا لأسيادهم (يقصد الأمريكان)
ثم
2- أمريكا زاتا بقت مؤتمر وطني
أسع لو أدينا شافع صغير الجملتين ديل وقلنا ليهو أسع منو سيد منو...كخلاصة...حا نلقى أنو في مشكلة كبيرة حاصلة...
بحاول وضع أسوأ الإحتمالات والإجابة عليها...The Worst Case
نشوف كم من الزمن ممكن يصمد هذا السجم؟!
أمّا عن حزب المؤتمر السوداني سيد اللسم...فله كل الإحترام بالتأكيد...وما قصدته هو أنو عمر البشير لو قعد فترتين زيادة
على الطرطشة الحاصلة دي...حا يقسم بالطلاق أنو أمريكا مش مؤتمر وطني بس...بل سودانية عديل ومهتمة بالشئون السودانية
أكتر من المعارضة!
كلام يجيب وجع القلب...
لكن الواضح الآن...سعي قريشن لإنفصال سلس لجنوب السودان (المضمون بالنسبة لهم) وحينئذ سيتصومل ما تبقى من السودان
عبر بوابة دارفور... والملعب أصلاً جاهز موية ونور...!
فلا اليمين ولا اليسار من "القادة" لديهم رؤية وإرادة لحل القضية في المستقبل المنظور...وزي ما بيقولوا الخيول الأصيلة
حا تظهر بعدييييييييييييييييييين!
والله يستر...
أعتقد أنو شغل الناشطين المفروض يتضاعف لمليون ضعف يا تراجي لصالح المغلوبين على أمرهم حقيقةً في معسكرات النزوح
واللجوء... وليس لصالح اللعبة السياسية الغامضة بشدة الآن في السودان!
| |
|
|
|
|
|
|
| |
AnwarKing
humida
أيمن الطيب
tmbis
زياد جعفر عبدالله
Tragie Mustafa
Abdlaziz Eisa
الشفيع وراق عبد الرحمن
فيس بوك
تويتر
انستقرام
يوتيوب
بنتيريست