|
عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,,
|
اكثر من 15 مطرب بقيادة:
1/عمر احساس 2/وليد زاكى الدين 3/جمال فرفور 4/افراح عصام 5/اسرار بابكر 6/ايمان توفيق 7/هشام درماس 8/شكرالله 9/نميرى الباقين ما بعرفهم ,,ممكن يكونو برضو نجوم كبار بالاضافة ل15 من اعضاء الكورس وفرقة موسيقية كاملة العدة والعتاد
غنو اوبريت المؤتمر الوطنى ضمن احتفالية لدعم ترشيح عبدالرحمن الخضر مرشح المؤتمر الوطنى لمنصب الوالى ,,
مقتطفات من كلمات الاوبريت ..
نحن شموعك يا ثورتنا المؤتمر الوطنى السكة البيها بنعبر لوحدتنا
شوف الثورة وانجازاتها شوفو عمارة نحن اولادة ونحن بناتها
المؤتمر الوطنى املنا نصون بيهو وحدتنا
نحن الشجرة الورافة ظليلة منهج واضح وسكة عديلة بشيرنا البشر بنهضتنا الشجرة ظليلة وكلنا بكرة بنحصد خيرة الكلام دا من غير ترتيب لانو الاوبريت طويل وقرابة الساعة يعنى صعب احفظو ليكم بس ممكن يكون فى زول حافظ اكتر منى
اسم الاوبريت ملحمة العزة كلمات...خالد عباس الحان ...يوسف القديل.. اشراف..... عماد الدين ابراهيم
(عدل بواسطة Amira Elsheikh on 04-02-2010, 09:07 PM)
|
|
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: Amira Elsheikh)
|
حقيقة صدمت اكثر فى عمر احساس ووليد زاكى ... كنت اعتبرهم اكثر وعيا من غيرهم وانهم ملك جمهورهم ومعجبيهم وبريقهم اكثر من بريق الحكومة ونجوميتهم وااضحة لا تحتاج للمؤمتر الوطنى ان يدعمها واذكى من ان يتغنو للمؤتمر الوطنى فى مثل هذا الوقت ودا بالفهم البسيط من غير تعقيد,,,يعنى ما مطالبنهم بانو يقودو ثورة فكرية او شئ من هذا القبيل .... بس يلتزمو لجمهورهم الماعندو علاقة بالمؤتمر الوطنى دا
20سنة فاتو مالكم ما غنيتو للمؤتمر الوطنى
مزيد من الاحباط...
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: abubakr)
|
استاذنا الباشمهندس ابوبكر,,,,, سلااااام
الله اعلم كم تكلفة الاوبريت ومن اين دفعت التكلفة من جيب المؤمتر الوطنى ممثلا فى مرشحه عبدالرحمن الخضر ام خزينة الدولة التى هى بالطبع جيب المؤمتر الوطنى
تخيل كم دفع ل15 مؤدى ومثلهم اعضاء الكورس والفرقة الموسيقية والمؤلف والملحن والمخرج والمشرف والاضاءة والديكور والازياء وكم دفع لاقامةالبروفات والنثريات والشاى والقهوة والترحيل مع العلم بان من ادو هذا الاوبريت هم نجوم الصف الاول فى السودان واجرهم كبير جدا
المايقوما دى بقرة حلوب للجميعابى واى محاولة للمساهمة فى حل مشكلة المايوقوما غير واردة وانا واحدة من الناس المهمومين بالمايقوما وبجيك فى البوست دا بهناك بس ربنا يهون ..
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: fohamer)
|
Quote: مبالغة، بغنو لي شنو بالضبط .. الناس دي بالجد غريبة وما طبيعية. لكن يا أميرة مافي دهشة في الاحباط دا، ولا شنو اتصدمت في اسرار بابكر ما لاني بعرفا ولا بعرف مواقفا.. بس كنت قايلاها احسن من كده..
|
سالى ياجميلة ...
فى دهشة وفى احباط الانقاذ دى ليها 20 سنة مالقو يغنو ليها الا اسى ,,؟؟ ويزيدو احباطنا زيادة ...
تعرف اقسى شئ فى الدنيا ان يوظف الفن فى تجميل القبح ان يستخدم الفنان كوسيلة لتحقيق اهداف السياسى ...
انا برضو احبطت فى اسرار وخاصة هى خريجة المعهد العالى للموسيقى والمسرح (كلية الموسيقى والدراما)بالطبع الكلية تخرج ناس بدرجة عالية من النضج والوعى بقضاياهم وقضايا امتهم ومش مطلابلاتية ومهرجين ,,
وبرضو وليد زاكى الدين احبطنى جدا...
_________________________________________ سالى سعيدة بعودتك ومداخلتك
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: Amira Elsheikh)
|
ديل فنانين غفلة يا اميرة وازمنة تردي وطفابيع.. لانو مافي فنان حقيقي بغني لنظام يقمع مواطني بلاده.. والفن زاااتو في هذه السلطة المتردية اصبح فن جحمان ومنزوعة منه الدلالات السامية للفن فلسفته الراقية الجانحة للانحياز للانسانية وقيمها الاصيلة... عشان كده ما تستغربي يا صديقتي فانه عصر التية والظلام وعصر الفنانين الجربندية واي واحد شال ليهو مايكرفون ورابط ليهو قاش عامل فيها فنان.. وهذه لحظات للتاريخ ...والحساب ولد يا فرفور ورهطه المطبلاتي
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: Alshafea Ibrahim)
|
Quote: ومع ذلك نجد عشرات أمثال قيقم والزول النباح داك بتاع المتحركات بين شريحة الفنانين .. لعن الله الفقر ... تحياتي للأخت أميرة وجميع من مر هنا الشفيع |
الشفيع ابراهيم,,,سلاااام وتحية,,,
قيقم وشنا ن ومنو ومنو ديل اصلا انا رامية طوبتهم لانه من بداية الانقاذ ظهرو كمطبلين للانقاذ ,,,
وبعدين حكاية الفقر دى مابتفق معاك فيها ابدا لانها لا تنطبق على ,,احساس..فرفور...اسرار,,,افراح لانهم ديل نجوم الشباك الان فى السودان وعندهم جمهور لايمكن تتخيلو,,,,
المسالة اكبر من الفقر يا استاذ الشفيع,,
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: abubakr)
|
Quote: اعزائي اميرة وكيكي ....
تمنيت لو ان هذا الشباب من المغنيات المغنيين ساهمو في بث توعية اجتماعية عامة غير سياسية او دعم لفقراء معدمون واطفال يموتون مرضا وجوعا بدل ان يشوهو القادم منمستقبلهم بمثل هذا .... اكثر ما ادهشني هو عمر احساس ( وهو احد اعضاء هذا المنبر لعله يقرء هذا)..؟ |
استاذناابوبكر,,,,
هذه هى رسالة الفن والفنانيين,,المساهمة فى قضايا مجتمعاتهم ولو بالقدر القليل هناك الكثير من القضايا التى يمكن ان يتبناها هؤلا الفنايين بما اكتسبوه من ارضية فنية وجماهيرية كبيرة,,,
اقلاها حملات توعوية لا تكلفهم اى مبالغ مالية بقدر ماهى توظيف نجوميتهم واكتساب المزيد من النجومية والاحترام,,,,
اسرار بابكر وهشام درماس كمان اعضاء بالمنبر ,,,
تحياتى ياباشمهندس
(عدل بواسطة Amira Elsheikh on 04-03-2010, 03:24 PM)
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: عبدالكريم الامين احمد)
|
Quote: ديل فنانين غفلة يا اميرة وازمنة تردي وطفابيع.. لانو مافي فنان حقيقي بغني لنظام يقمع مواطني بلاده.. والفن زاااتو في هذه السلطة المتردية اصبح فن جحمان ومنزوعة منه الدلالات السامية للفن فلسفته الراقية الجانحة للانحياز للانسانية وقيمها الاصيلة... عشان كده ما تستغربي يا صديقتي فانه عصر التية والظلام وعصر الفنانين الجربندية واي واحد شال ليهو مايكرفون ورابط ليهو قاش عامل فيها فنان.. وهذه لحظات للتاريخ ...والحساب ولد يا فرفور ورهطه المطبلاتي |
كيكى.... سلااااام
يبدو ازمتنا كل يوم بتزيد .....
الناس ديل اسى هم نجوم الساحة والغناء فى السودان شئنا ام ابينا وفنانين شباك وعندهم جمهور من مختلف الفئات والاعمار ومحبوبين من جمهورهم
هل حاولت الانقاذ ان تستغلهم كواجهة لدعايتها الانتخابية؟؟ وهل هم بهذا الغباء حتى تسنغفلهم الانقاذ؟
السؤال دا موجه للاخوة عمر احساس واسرار بابكر وهشام درماس باعتبار انهم اعضاء بالمنبر ويمتلكون باصويردات ..
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: عبدالكريم الامين احمد)
|
Quote: ديل فنانين غفلة يا اميرة وازمنة تردي وطفابيع.. لانو مافي فنان حقيقي بغني لنظام يقمع مواطني بلاده.. والفن زاااتو في هذه السلطة المتردية اصبح فن جحمان ومنزوعة منه الدلالات السامية للفن فلسفته الراقية الجانحة للانحياز للانسانية وقيمها الاصيلة... عشان كده ما تستغربي يا صديقتي فانه عصر التية والظلام وعصر الفنانين الجربندية واي واحد شال ليهو مايكرفون ورابط ليهو قاش عامل فيها فنان.. وهذه لحظات للتاريخ ...والحساب ولد يا فرفور ورهطه المطبلاتي
|
تســــــلم يا هندســـــة ياخ ..!!
بت الشيخ تحيـــــاتى
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: عمران حسن صالح)
|
Quote: فرفور غنا للشامبيون بي 15 مليون ما يغني للإنغاس بي 20 ؟؟ |
عمران مفقوع المرارة,,,سلااااام,,,
ياريت لو وقف عند الشامبيون وجعة مافي
-____________________________________ يكون الشامبيون السبب ??
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: عمران حسن صالح)
|
Quote: فرفور غنا للشامبيون بي 15 مليون ما يغني للإنغاس بي 20 ؟؟ |
عمران مفقوع المرارة,,,سلااااام,,,
ياريت لو وقف عند الشامبيون وجعة مافي
-____________________________________ يكون الشامبيون السبب ??
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: محمد الطيب حسن)
|
Quote: ياكيكي الفنان الكنتو بتدافعو عنو وعاملين لينا جوطه |
يا محمد طيب.. انت قاصد محمود عبدالعزيز ولامنو..؟؟ انا ما شفتو مع الناس الجربندية القاعدين بغنو للموتمر الوطني ولو بقي معاهم برضو لايجعلنا نندهش اكثر فكل شي بقي جائز في البلد العجيب ده ........... ومحمود عندما عملنا لها جوطة وكركبة كان لم يتلوث بسيرة الموتمر الوطني ولم يغني للقتلة والمارقين ولو ثبت انو عمل كده طوالي سيذهب الي المجموعة الجربندية من فناني الغفلة وطفابيع الفن السوداني في زمن التية
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: محمد الطيب حسن)
|
Quote: ياكيكي الفنان الكنتو بتدافعو عنو وعاملين لينا جوطه ليه يجلدو وشنو ماعارف كان من اول المتقدمين في كشف اميره للفنانين وماعارف هي نستو ؟؟ ولا مابتعرفو !!!
|
محمد الطيب ,,,سلاااام,,,
محمودالعزيز ماكان من ضمن المجموعة الغنت اوبريت المؤتمر الوطنى والا كنت نزلتهااسمو مافى شئ بمنعنى,,, احتمال يكون غنى فى مجموعة غير دى ماحضرتها,,,
وموقفنا من الجلد وااضح سواء غنى للانقاذ او ماغنى,,
الجلد اهانة لكرامة البنى ادم مهما اختلفنا معاهو وكذلك التشهير,,,
خلينا فى موضوع الغنا اسي,,,
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: elhilayla)
|
Quote: الاخت اميرة والله العظيم انا من سيف الجامعة بقي فنان سلطان قلت: كان دا الحال بكرة نشوف لافتة مكتوب عليها: اتحاد فن الغناء السوداني الاسلامي . والله صحيح ديل فنانين غفلة قتل الله الفقر فانه يذل اعناق الفنانين
زين العابدين |
الاخ زين العابدين .... سلااااااااام...
يس ما يكون اتحاد الفنايين القديم ... يعملو ليهم واحد ومابغلبهم و مبروك وبخيت عليهم ديل جو بفكرة تاصيل الفن بغلبهم فكرة اتحاد اسلامى دى؟؟
الغربية بداية الانقاذ قالو الفنون دى كلها ومن ضمنها الغناء حراااانم شرعا اسى الجد شنو ؟؟؟
تحياتى اخ زين العابدين..
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: نيازي مصطفى)
|
نيازى مصطفى,,,سلاااام,,
فيك الخير ياودامى ,,,,تانى الفضل منو??
__________________________________
الناس دى جنت ولا شنو??
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: خضر حسين خليل)
|
Quote: شوف الثورة وانجازاتها شوفو عمارة نحن اولادة ونحن بناتها
المؤتمر الوطنى املنا نصون بيهو وحدتنا
نحن الشجرة الورافة ظليلة منهج واضح وسكة عديلة بشيرنا البشر بنهضتنا الشجرة ظليلة وكلنا بكرة بنحصد خيرة
|
خضر حسين يا مفترى ,,, شوف الثورة وانجازاتها دى العجبتك
انا كلها عجبتنى والعجب المقطع الفوق دا...
غايتو لو لقيت طريقة للاغنية كلها ونزلتها هنا والله الا مرارتك تتفقع
انا بهديها لقمر بوبا وبدورك تهديها للاحبة والاصدقاء
(عدل بواسطة Amira Elsheikh on 04-02-2010, 09:51 PM)
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: عبدالعظيم عثمان)
|
Quote: مؤلم جدا ان نشاهد هذه المجموعه تتغني للمؤتمر الوطني بهذه السذاجه الم يعلموا ان هذالحزب يقف عقبة في طريق تطور الفنون في البلاد الم يعلموا ان الفن رساله ووعي ومسؤليه.. تم استغلالهم بوضوح لصالح حزب اجرب منبوذ سقطوا وهم يرددون هذا الأوبريت البائس المشحون بكلمات جوفاء تحمل من الزيف والكذب والتضليل .. |
الاخ عبدالعظيم عثمان ,,سلاااااااام
ياريت لو كل زول بعرف انو الفن رسالة الفن مسئولية ... الفن وعى بقضاياك وقضايا شعبك ,,, الفن ان تمتلك روح التحدى وروح التغيير كيف يتم استغلال شخص كبير عاقل وبهذه البساطة ؟ من من ؟ من المؤتمر الوطنى ..
والله لو كان اتجاهم من البداية ما فى مشكلها ..
فجأة كدا المؤتمر الوطنى دا بقى خطير ويتغنى ليهو كل هذا العدد من المطربيين ونجوم الغناء فى السودان ؟؟
كاارثة ..
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: أمين محمد سليمان)
|
Quote: الفنانين في لستة اميره جاثمون في صدور احزابنا منذ الاف السنين ..... الفنانين في لستة اميره هم من سحبو مرشحيهم و ما أستعدو لانتخابات معروفه قبل سنين .... الفنانين في لستة اميره هم سبب عجزنا و ضعفنا و قلة حيلتنا ....
|
امين محمد سليمان اخانا الذى بامريكا,,,, سلام وتحية ....
عايز تقول لستة اميرة دى نتيجة فقط للحاصل وليست السبب ... معاك وهناك عشرات اللست الماظاهرة وتاثيرها كبير بالتاكيد . نحن زاتنا يا امين مفترض نكون انكلودد,,,,وكل زول فينا مساهم بقدر ما فى الحاصل دا... يعنى ما الناس السحبو مرشحيهم وما استعدو للانتخابات فقط.... ولا لستتى دى بس هى السبب فى الحاصل بس نتملك الشجاعة الكافية ونقول والله نحن برضو مساهمين
يبدو انك دخلت نادى المحبطين من اوسع ابوابو ... اللستة دى نموذج فقط ولانو الفنانيين هم واجهة اى مجتمع بالتالى اى يخطو يمشوها محسوبة وظاهرة اكثر من غيرها ..
________________________________________________________ امبن مايستمعو ليهم كيف ؟؟... ياهم تانى مافى غيرهم ..ديل كل المغنيين فى ال15 سنة الاخيرة
(عدل بواسطة Amira Elsheikh on 04-03-2010, 06:59 PM)
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: Amira Elsheikh)
|
Quote: مزيد من الاحباط... |
Quote: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, |
الأميرة بت الشيخ
تبري يا بت أمي من الإحباط صديقنا خليل قال أحسن نشوف لينا كورة نشجعها بس الفات عليهو أنو الحال من بعضو أينما كنتم يدرككم القرف فترنا من قصة السودان والسياسة وأى حاجة فيها سين .. أى سين بما في ذلك ( سين ) سعدية .. صديقتي اللدودة .. بعلتي العزيزة .. أم أبنائي
يقول ذلك المثل الإفريقي " أنك عندما تكون في وسط البحر فإن آخر ما تفعله هو أن تسب التماسيح " أهلنا في السودان ماااانضغط عليهم المعايش جباااارة وهم براهم ( محيلين ) أول الإنقاذ دي ما بدت كلهم أطلقوا لحاهم الظريف أنهم عارفين نفسهم مستهبلين أسموا لحاهم ( من أجل أبنائي ) و ( دعوني أعيش ) وتغيرت اللغة حتى أصبحنا لنحار في أمرهم أو في أمرنا
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: عاطف عمر)
|
Quote: يا أميرة الاسافير : تقتلون الحسين بن علي و تسالون عن مغني المؤتمر الوطني . |
و يا اميره عشان ما تجي تحلفي لي إنو لمن ولدو الحسين بن علي كان عمرك سنتين و ما ممكن تكوني شاركتي في كتلو ، الغرض من الكلام ده إنو خلينا نوجه سهامنا لاس البلاء : لاحزابنا الكسيحه سبب أزمتنا و نكستنا دي . بعداك ناس فرفور هينين !!!
---------
Quote: يقول ذلك المثل الإفريقي " أنك عندما تكون في وسط البحر فإن آخر ما تفعله هو أن تسب التماسيح " |
المثل موووباااالغه يا عاطف ....
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: فايزودالقاضي)
|
فايز,,,,سلام..
والله لو جوع اصللللى ما لايماهم لكن المسالة فيها بعد تانى
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: جعفر محي الدين)
|
سلام يا أميرة الشيخ
عادي جداً .. فلا تحرموا المبدعين من الانتماء مثلا حمد الريح (مريخابي) ومرشح (المؤتمر الوطني) للمجلس التشريعي بولاية الخرطوم !! وجمال الوالي رئيس (المريخ) مرشح المؤتمر الوطني في دائرة جغرافية بالجزيرة !! ومعتصم جعفر (مريخابي) وقيادي باتحاد الكورة مرشح المؤتمر الوطني بالجزيرة برضو !! وكمال شداد رئيس الاتحاد العام (هلالابي متمرد)عضو في المكتب القيادي للمؤتمر الوطني !!
وكمال ترباس أيضاً ابدي رغبته في المشاركة ضمن حملة دعم ترشيح البشير ونشرت الصحيفة تلك الرغبة (وشخصياً) علمت بأن قيادي في المؤتمر الوطني أجري اتصال هاتفي برموز في الحملة لاتاحة الفرصة لترباس بالمشاركة
ـــ اميرة ... معاكم الليلة حتي نتجاوز الغزالة !!
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: زينب بدر الدين)
|
Abdelkarim A. Ahmed wrote:Quote: ديل فنانين غفلة يا اميرة وازمنة تردي وطفابيع.. لانو مافي فنان حقيقي بغني لنظام يقمع مواطني بلاده.. |
Well said....Thanks
Zeinab wrote:
Quote: القصة لا فن ولا يحزنون قروووووووووووش |
yes, these people should be dealt with according to this fact you hit... we should not open our hearts and houses to them when they come to the US or any where in Diaspora ... no more respect than we give when dealing with any other person who sells himself/herself for money. Thank you, Zeinab...
Thanks, Amira Elsheikh, for alerting us..
I invite you to listen to some different young 'Girifna' singer who refused to sell her voice:
http://www.girifna.com/?p=937
Quote: Song by: alsarah (www.myspace.com/soulsudani) Produced by: Oddisee (http://oddiseemusic.blogspot.com/) Co-Produced by: Alsarah Written by: مجموعة المبدعين الديمقراطين / The Democratic Creators Alliance 1986 Back up vocals: Karine Fleurima Finale drums: Zara Bode / Stefan Amadon
Lyrics: (In Arabic) O youth with limitless potential protect *April from destruction
come on, vote, participate come on vote, participate
To the long beard and the prayer bead of lies, we say the country is waiting to be lifted up lets fulfill its beautiful dreams |
mohamed elgadi
(عدل بواسطة Mohamed Elgadi on 04-03-2010, 05:01 PM)
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: Mohamed Elgadi)
|
خالص التحايا الصديقة العزيزة Amira Elsheikh
ازيك يابت اخبارك وصحتك.. ما تخيلي الموضوع محيرني كيف؟!.. ياحليل الفن كان رسالة...!!! وزي ما قال خضر الماغس الزول انو بغنو من جوه وباخلاص... ياخ انا فيهم ناس كنت بريدهم عديل زي ناس ريماز واخرين... غايتو بحاول (بحاول) اسمع ليهم بدون اتخيل شكل الصورة الشفتها.. ياريتني ماسمعت كلام زولة صاحبتنا وفتحته التلفزيون.. المشكلة فيهم عازفين بعرفهم برضو حيروني ، زي ناس سارة شحادته عازفة الكمان زولة سنيرتنا ، غايتو لو لقيتها الا أسائلها الحاصل شنو؟!؟!
التحايا النواضر..
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: معتز تروتسكى)
|
Quote: ازيك يابت اخبارك وصحتك.. ما تخيلي الموضوع محيرني كيف؟!.. ياحليل الفن كان رسالة...!!! وزي ما قال خضر الماغس الزول انو بغنو من جوه وباخلاص... ياخ انا فيهم ناس كنت بريدهم عديل زي ناس ريماز واخرين... غايتو بحاول (بحاول) اسمع ليهم بدون اتخيل شكل الصورة الشفتها.. ياريتني ماسمعت كلام زولة صاحبتنا وفتحته التلفزيون.. المشكلة فيهم عازفين بعرفهم برضو حيروني ، زي ناس سارة شحادته عازفة الكمان زولة سنيرتنا ، غايتو لو لقيتها الا أسائلها الحاصل شنو؟!؟!
|
معتز يا جميل ...... انت اخدت شارة اخصائى كبييير ونحن ماعارفين ...
ياخ الفن دا رسالة وسيظل رسالة مهما حاول الانقاذيين تلويثه وتوظيفه لمصالحهم الفن كالاوكسجين لابد ان يكون نقيا ونظيفاولكل الناس ’,,,,, ما يفعله هؤلا لا يجعلنى اكفر برسالة الفن اطلاقا ولكنى كفرت بهؤلا وبينهم من نعزهم ونحترمهم وانا مثلك لدى بينهم اصدقاء ومعارف اصابونى فى مقتل ....
عليك الله سارة لو ورتك الحاصل شنو كلمنى ...ثمح؟؟
انا زى صحبتك دى فتحت التلفزيون وقلت والله اخلع اصحابى زى ما اتخلعت
نتخلع برانا يا معتز ..؟
_________________________________ ادينا خبرك باى طريقة
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: Mohamed Elgadi)
|
Quote: مبالغة، بغنو لي شنو بالضبط .. الناس دي بالجد غريبة وما طبيعية. لكن يا أميرة مافي دهشة في الاحباط دا، ولا شنو اتصدمت في اسرار بابكر ما لاني بعرفا ولا بعرف مواقفا.. بس كنت قايلاها احسن من كده..
سالي |
إزيك ياأميرة
اقتبست كلام سالي دا لانو بعبر عني شديد .. بالجد احبطت في أسرار بابكر .. طبعا وليد زاكي الدين أصلا معروف متعاطف مع الجماعة دي .. أين هم الآن من محمد النصري .. سلامات ياسالي وسلامي لمريم وعبد اللطيف .. وربنا يكتب سلامة خطاب وتحياتي لكل أهل مونترى طبعا آخر مرة اتقابلنا هنالك..
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: El Dukhri)
|
Quote: الاخت أميرة فعلا كانت مفاجئة أن يتغنى هؤلاء الشباب بدلا عن الوطن ـ يتغنون للمؤتمر الوطني وزمرته والصدمة أن يكون على رأسهم عمر إحساس والذي عرف بغنائة التراثي . أن يتحول الفنان لطبال هذه هي الكارثة والطامة الكبرى . |
الدخرى .... سلاااااام وتحية ,,,
يبدو ان الوطن اصبح هو المؤتمر الوطنى لهؤلا الشباب للاسف والا كيف لهم ان يتغنو بمثل هذه الكلمات الهزيلة والبائسة وخالية من اى مضمون وطنى,,,, وكمان من غير خجلة اليشير البشر بوحدتنا والله دى طلبة مدرسة ابتدائية ما يادوها ناهيك عن فنان بقامة احساس .....
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: حامد محمد حامد)
|
Quote: بالمناسبة لو سالتنى (الفنانين )ديل بالطرف كلهم عندهم مببرراتهم وهذا مما يزيد الطين بلة
|
حامد محمد حامد...سلاام برضو نواضر معتز تغشاك ...
الغريبة سالت سالت والله الكنت بعتبرهم اصدقاء,,,,
بس الاجابة صعبة شديد وما مقنعة
او زى ما قلت انت مبررات مبررات ونحن تعبنا من ايجاد المبررات والاعذار
تعبناااااااااااا
ابقى طيب ,,
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: somia gassim)
|
Quote: اقتبست كلام سالي دا لانو بعبر عني شديد .. بالجد احبطت في أسرار بابكر |
سمية قسم يافنانة ازيك ,,,
شفتى البلد دى خربت كيف ؟؟؟ والفن بقى مهزلةوناس المؤتمر قدرو يكاوشو على شئ وباى شئ
وايضا تحباتى ليك ولبعلكم العزيز وعبر المداخلةدى برضو بحى مريم وخطاب وكل اهل الفن الحقيقين فى شخصك ..
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: Mohamed Elgadi)
|
محمد القااضى.... سلااااااااااااااام
شكرا على الرابط .....
شكرا ساااارة شكرا محمد القاضى وكل الشباب المهمومين بالوطن ,,
كدا الواحد ممكن يحس بانو فى امل فى بكرة
شكرا سااااااارة ياعسسسسسسسسسسل
(عدل بواسطة Amira Elsheikh on 04-05-2010, 09:14 PM)
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: زينب بدر الدين)
|
Quote: والله يا أميرة معزورين هم أصلا مغنواتية ما فنانين قبلهم سقط وردى الذى كان الشعب السودانى يحترمة أنا شخصيا لا هل كانوا يطربون أحد ؟أصلا القصة لا فن ولا يحزنون قروووووووووووش |
زينب بدرالدين ,,,سلااااام
طيب كان يفضلو مغنواتية ,,,,
الغناء العاطفى ماااالو؟ غنا الحماسة مالوووو ؟ غناء السيرة ,,غنا البنات ... بس غناء المؤتمر الوطنى دى حاااااارة ووجعتنى شديد
غايتو ورد وسيف الجامعة وصلاح مصطفى وحمد الريح سووها شينة وماخفى اعظم
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: Abdelmoniem ALHAJ)
|
Quote: أميرة الشيخ الشفيع ابراهيم مالكم؟ بعيدين من الوسط ده ولا ما بتعرفوه؟؟ |
عبدالمنعم الحاج,,,سلاااام وتحية,,,
تعرف لو كنا بعيدين كان الوجعة بتكون اقل ومافى مغصة ,,,
سردبناوسردبنا لامن ضهورنا اشتكن,,,
اهانسردب لمتين??
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: عبود عبد الرحيم)
|
عبود الرحيم ,,,سلاااام,,,
يعنى ياعبود داير تقول لىالمريخاب ديل كوووولهم مؤتمر وطنى...?? ياخ قول ساااى ونحن ماحارمين زول من انتماء ,,
بعدين القال ليك منو هم ال15منتمين للمؤتمر الوطنى?? لو كان اعلنو انتماهم دا والله زمااان كان رمينا طوبتهمواعتبرناهم غير موجودين بس الناس ديل استغلونا استغفلونا فى النهاية وبقو طبالين وليست فنايين,,,,,
اما الانتماء الرياضى والسياسي دا بجيك راجعة تانى
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: جعفر محي الدين)
|
Quote: الأخت أميرة : ما لي أرى الناس قد مالوا إلى من عنده المال
لا شيء صوت يعلو على صوت الجنيه |
جعفر محي الدين,,,سلااااام,,
صوت الدولار والاسترلينى..اعلى,,
تحياتى...
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: حافظ كنجال)
|
حافظ كنجال,,,سلاااام..
انت قاعد معانا هنا فى الدفسيبة دى???
لقاء الرياضيين دا مش الكان فى استاد المريخ? وجمال الوالى قدم وثيقة وشنو كدا ماعارفة?? دقيت جرس هنا وفتحت بوست ونكرت الوالى حطب وقلت ما بمثلنى>> اما لقاء المثقفين دا يطرشنى الايكون عملو كتاامى .....
انا جنيت زماااان وخلصت ياحافظ....
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: عاطف عمر)
|
Quote: يقول ذلك المثل الإفريقي " أنك عندما تكون في وسط البحر فإن آخر ما تفعله هو أن تسب التماسيح " أهلنا في السودان ماااانضغط عليهم المعايش جباااارة وهم براهم ( محيلين ) أول الإنقاذ دي ما بدت كلهم أطلقوا لحاهم الظريف أنهم عارفين نفسهم مستهبلين أسموا لحاهم ( من أجل أبنائي ) و ( دعوني أعيش ) وتغيرت اللغة حتى أصبحنا لنحار في أمرهم أو في أمرنا |
عاطف يا عمر سلام وتحيات كتاراااات...
اولا تحياتنا الحارة لصديقتكم اللدودة وبعلتكم العزيزة جدا وام ابنائكم الحلوين سعدية وربنا يخليكم لبعض
القرف حاصل والاحباط حاصل يعنى البحر من امامنا والعدو من خلفنا ,,,,
والله يا عاطف وزى ماقلت فى كم مداخلة فاتو الناس البغنو فى اوبريت المؤتمر الوطنى ديل ما محتاجين وفيهم كم فنان/ة كدا يصنفو اثريا ء ...ونجوم شباك وعدادهم مااااشى سواء كان فى الحفلات العامة او الخاصة او حتى فى التلفزيون .....
اما مثلك بتاع التمساح دا عصرتو بيهو على شديييد وشمت امين ياسمين فينى..
تحياتى ...
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: Amira Elsheikh)
|
مرمر تحايا وسلامات
Quote: حقيقة صدمت اكثر فى عمر احساس ووليد زاكى ... كنت اعتبرهم اكثر وعيا من غيرهم وانهم ملك جمهورهم ومعجبيهم وبريقهم اكثر من بريق الحكومة ونجوميتهم وااضحة لا تحتاج للمؤمتر الوطنى ان يدعمها واذكى من ان يتغنو للمؤتمر الوطنى فى مثل هذا الوقت ودا بالفهم البسيط من غير تعقيد,,,يعنى ما مطالبنهم بانو يقودو ثورة فكرية او شئ من هذا القبيل .... بس يلتزمو لجمهورهم الماعندو علاقة بالمؤتمر الوطنى دا
20سنة فاتو مالكم ما غنيتو للمؤتمر الوطنى
مزيد من الاحباط... |
فى ناس عندهم الكاش يقلل النقاش وفى ناس عندهم الكاش يبدل المواقف وفى ناس عندهم الكاش يخرمج كل الافكار وفى ناس عندهم الكاش كاش وكاش وكااااااش وبس
قاسم المهداوى
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: سمندلاوى)
|
عارفة ياأميرة
أتحيرت , لدرجة لاتوصف (قُضى على تماما) لما شفت عمر إحساس
جمال بعد الشامبيون أتوقعت منو اى شىء.
وليد مااندهشت , لأنو فى لقاء قبل كدة مع البشير والشباب شنو كدة , وليد قاعد وبذيع فى الحفل ويؤيد زى الترتيب.
دى أسمها نخوض مع الخايضين.
سلامو ياأميرة.
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: ندى عثمان حسن)
|
Quote: حاله الادمان علي متابعه المنبر لم تنتهي رغم اجازه شم النسيم الطويله...طالعت المنبر وسرقت نظرات سريعه الي مواضيعه.....لم يلفت انتباهي موضوع ما ولكن هذا البوست للزميله اميره الشيخ استرعي انتباهي عمراحساس...وليد زاكى الدين.... فرفور....درماس...افراح.....لمؤتمر الوطنى,,,,,,, ورأيت ان القائمه تزداد باسماء الفنانين اللذين قد شاركو في هذه الهوجه الانتخابيه للحزب الحاكم......وقد تتسع اذا شملنا كل اطراف المعركه من احزاب سياسيه بصوره عامه والحقيقه مضمون البوست يصب في نفس اتجاه ما احاول الاشاره اليه في هذا البوست وخصوصا في هذه الايام الهوجاء. وفي ذهني صاحب الاسم الرئيسي لهذا البوست استاذ الموصلي الذي يعود غدا الي اراضي الوطن السودان بعد طول غياب. وزاد خوفي عليه من سوق المزايدات والاغراات في هذه الايام.....ذلك الاستغلال السياسي......الدخول الي الشعب عبر وجدانياته وكيف للفنان ان يختار الجانب الذي يصب في تيار ما قد يؤدي الي مصلحه افضل للشعب...اذن مسئوليه الفنان هنا جد كبيره جداً......تري هل يصعب الاختيار فيمن هو الطريق الاصح؟؟؟ يلعب الفنان دورا كبيرا في المجتمع......ولكن حينما لا يكون الفنان مستقلا ذاتيا يقع فريسه سهله لطغمه لا تهمها سوي استغلال الامكانيات الابداعيه.....الفنيه ثم لا ينفك حين..... فترميه لا رد جميل ولا اكرام....... كلفظه عظم من بين فكي كلب متوحش...........لحم الفنان هواحساسه الداخلي واحترامه الذاتي لنفسه كفنان محترم
===== قبل ايام كنت اتحدث مع صديق عن استغلال اهل السياسه لاهل الفن......كيف تشتري مبادئهم وتوجه ابداعاتهم لترضيخ المواطن المغلوب....سألني صديقي .....كيف؟؟؟ ارضاخ المواطن عن طريق الفن..... بقتل الصور المثلي التي تشغل حييز اعجابه باصابته في مقتل... بكم الاحباط ......انه لا امل حين يصاب الوجدان..... عندما تري مبدعينك المفضلين يموتون يموتون حين يتنازلون......حين يقتلون.....حين يزبحون....كذلك الانسان المستمع .المعجب سيرضخ لحاله البؤس بان يختار فيما اختار مبدعيه....بعد الله طبعاً ==== نعم يتم الشراء وذلك بدفع الاموال الطائله لبعض منسوبي الفن..... او وان كانو حقا فنانون.....فنانون تحكمهم الماده اولا قبل الرساله الفنيه او المباديء. و من اجل الماده فقط للاسف تنازل البعض مجبورا, اومن اجل ان يجد مسرحا يقف عليه ,او من اجل لقمه عيش ......للاسف ان مثل هذا الفنان المجبر هنا انما هوالضحيه الاخيره والارخص قيمه... اما الضحيه الاولي فهو الانسان الاصيل في شخص ذلك الفنان...ذلك الصوت الداخلي الذي يابي ان يتنازل عن المباديء والذي في قراره نفسه يتجرع مراره كأس الذل والخزلان. لا انوي ان اقسي بكلماتي علي اي فنان كان...بقدر ما احاول جاهدا ان اجلي الصوره ....اجد العذر.....الفنانون هم ضحايا من الدرجه الاولي يتم استغلال ظروفهم من اجل الوصول الي اذن المستمع. الاحباط احساس يصيبنا حين نصاب بخيبه امل فيمن يشكلون وجداننا.....ممن نكن لهم الاعجاب ساواصل |
الموسيقيين واهل الفن الكبار سبب تردي الاوضاع في السودان الموصلي مثالا
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: Nasruddin Al Basheer)
|
Quote: مستغربة ليه يا أميرة؟ ده شعب ميت لا تتوقعي منه غير النفاق والمصلحة الخاصة.. أرجو من الأخوة الكرام ألا يتوقعوا أي مواقف مشرفة من هذا الشعب السطحي الجبان. شخصياً لن أدين أي فعل إجرامي من أجهزة المؤتمر الوطني ضد أي مواطن سوداني بعد الآن.. انسوا إنو عندكم شعب وانسوا الكلام السليقة القاعدين نردد فيهو (تصور كيف يكون الحال لو ما كنت سوداني إلخ).. ده كلام فارغ.. نوع الشعب السوداني ده لا يشرف أي أمة.. |
الاخ نصرالدين البشير هسه الشعب السوداني ذنبو شنو؟ يعني مسكت في المستغل وتركت الاستغلالي الشعب مغلوب علي امره وليس جبان....كذلك هؤلاء الفنانون......من يستطيع مخالفه او الوقوف ضد تلك الاجهزه فهو خاسر ان لم يهلك علينا التفريق بين الجاني والمجني عليه......ولا تنسي انه انا وانت واهلك واهلي وكلنا نعتبر من افراد الشعب السوداني
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: معتز القريش)
|
Quote: لسة ياما ح تتفقع مرارات
يعني الديموقراطية دي إلا نكون معاكم
ياااخ الناس ديل اختارو المؤتمر الوطني ما من حقهم ..؟؟؟؟ انتو بس البتفهمو ؟؟؟
|
معتز القريش,,,سلااااام
سؤال جاااادى والله,,,
انت انضميت للمؤتمر الوطنى متين???
___________________________________ لانو زماااان سالتك قلت لى انا لامؤتمر وطنى لاكوز
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: Nasruddin Al Basheer)
|
نصرالدين البشير ...سلااااام
ما تخلى الزعل يعميك ,,,الشعب السودانى هو انا وانت وامى وخالتك وبنات عمنا وبنات جيرانا القاعدين هنااك وماجايبين خبر للسياسة ولا السياسين
شعب سطحى جبان ميت دى كلها لينا؟ .. كان توجها لناس الحكومة لانهم وعمايلهم اقرب ...
اما الشعب السودانى دا والله انا لازلت مؤمنة بانو شعب فيهو الكثي روالكثير جدا بس شعب ما محظوظ ابدا ابدا...
تحياتى ....
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: محمد زكريا)
|
Quote: قبل ايام كنت اتحدث مع صديق عن استغلال اهل السياسه لاهل الفن......كيف تشتري مبادئهم وتوجه ابداعاتهم لترضيخ المواطن المغلوب....سألني صديقي .....كيف؟؟؟ ارضاخ المواطن عن طريق الفن..... بقتل الصور المثلي التي تشغل حييز اعجابه باصابته في مقتل... بكم الاحباط ......انه لا امل حين يصاب الوجدان..... عندما تري مبدعينك المفضلين يموتون يموتون حين يتنازلون......حين يقتلون.....حين يزبحون....كذلك الانسان المستمع .المعجب سيرضخ لحاله البؤس بان يختار فيما اختار مبدعيه....بعد الله طبعاً ==== نعم يتم الشراء وذلك بدفع الاموال الطائله لبعض منسوبي الفن..... او وان كانو حقا فنانون.....فنانون تحكمهم الماده اولا قبل الرساله الفنيه او المباديء. و من اجل الماده فقط للاسف تنازل البعض مجبورا, اومن اجل ان يجد مسرحا يقف عليه ,او من اجل لقمه عيش ......للاسف ان مثل هذا الفنان المجبر هنا انما هوالضحيه الاخيره والارخص قيمه... اما الضحيه الاولي فهو الانسان الاصيل في شخص ذلك الفنان...ذلك الصوت الداخلي الذي يابي ان يتنازل عن المباديء والذي في قراره نفسه يتجرع مراره كأس الذل والخزلان. لا انوي ان اقسي بكلماتي علي اي فنان كان...بقدر ما احاول جاهدا ان اجلي الصوره ....اجد العذر.....الفنانون هم ضحايا من الدرجه الاولي يتم استغلال ظروفهم من اجل الوصول الي اذن المستمع. الاحباط احساس يصيبنا حين نصاب بخيبه امل فيمن يشكلون وجداننا.....ممن نكن لهم الاعجاب |
محمد زكريا,,,,,
وضعت يدك على موطن الالم بهذا التحليل الواعى,,,العميق,,,عبرت عن جزء كبير عن ما اريد توصيله,,,,يبدو انك صاحب وجعة حقيقة,,, هناك الكثير من النقاط تحتاج لمزيد من النقاش ولكن اعتقد ان ببوستك متسع اكثر وطرح متباين يتناول القضية بعمق اكثر لذلك اوعدك بالتداخل هناك فقط عامل الزمن يتسبب فى تاخيرى عن الرد والتداخل فى كثير من المواضيع لدى الكثير الذى اود قوله حتى استفيد وعسي افيد,,,
شكرا وبجيك بهناك اكيييد,,سلاااام
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: ندى عثمان حسن)
|
Quote: أتحيرت , لدرجة لاتوصف (قُضى على تماما) لما شفت عمر إحساس
جمال بعد الشامبيون أتوقعت منو اى شىء.
وليد مااندهشت , لأنو فى لقاء قبل كدة مع البشير والشباب شنو كدة , وليد قاعد وبذيع فى الحفل ويؤيد زى الترتيب.
|
ندى .... سلاااام ومحبة ,,,
كنت متخيلة انى اديت المسالة اكبر من حجمها لما بشوف التلفزيون ولما فتحت البوست كنت بعزى نفسى وبعض اصدقائئ بالملحمة اياها
المسالة مؤلمة ياندى بالجد ,,,,
الناس بتتساقط ببساطة كدا ؟؟
الكلمة بقت ماعندها قيمة للدرجة دى ....؟؟
حسيت بانو الناس ديل يومها كانو بفلقو فينا عديل وهم ما جايبين خبر
جمال دا ممكن لسة واقع تحت تاثير الشامبيون وليد كنت بتخيل انو على درجة من الوعى وماشفتو قبل كدا
تحياتى يا ندووووش
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: سمندلاوى)
|
Quote: شكرا يا اميرة على كشف المغتغت فهناك مقولة بتقول الفن ولا الايدلوجية استغرب مشاركة شباب معقود عليهم الامل فى توعية الناس والمتلقى بصورة عامة, استغرب مشاركتهم وتطبيلهم وتمجيدهم باقوى المواد تاثيرا فى الوجدان والحس البشرى. تلك استغلالية بلاوعى ولادراية .... الفنان الاصل يمتاز بالشفاية التى هى بدورها تؤكد انحيازه للشعب وهنا يتجلى مربط الفرس وهذا للامانة والتاريخ
|
استاذنا سمندلاوى ,, سلام وتحية ,,
الفن اولا واخيرا البوست نابع من حرصى الشديد على الفن وابعاده من السياسى المباشر ايضالدى قناعة بان الفن من اصدق وسائل التعبير التى ابتدعها الانسان لتعبر ,,,, تعكس.. تنقل ..تحلل ,,واقع الانسان بكل مافيه .....
مؤمنة بان الفن من اكثر الوسائل الفاعلة فى مسالة التغيير ..بكل مستوياته اجتماعى ..ثقافى ,,,سياسى ,,,, اقتصادى ...
كثير من الدول فى العالم دا تعرفنا عليها من خلال فنونها المختلفة (مسرح...غناء.... سينما,,, تشكيل الخ)وليس من خلال ساستها
الفن ثم الفن
(عدل بواسطة Amira Elsheikh on 04-06-2010, 12:30 PM)
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: Amira Elsheikh)
|
الأخت أميرة سلام أختلف معك كثيرا ومع معظم المتداخلين فالفنانين أعلاه إذا كانو من المعارضين للمؤتمر الوطني ولديهم رأي مسبق في المؤتمر الوطني وبدلو مبادئهم لجاز وصفهم بأنهم بياعين وغير ذلك من الصفات التي ذكرت وكونهم شاركو مع المؤتمر الوطني في أي عمل فني فهذا لا يجعلهم غير مبدعين أو ليست لهم أمكانيات فنية وجربندية ساكت فمن لديه موهبه ستظل موهبته أن غنا للمؤتمر أو غنى للحركة الشعبية .. وانا ما عندي مشكله اي فنان بحبو يكون عندو إنتماؤ السياسي او يكون بيتعامل مع الغناء كوسيلة لكسب العيش ويغني لحزب سياسي بس يغني لحزبو دا في إحتفالتو بعيد بعيد ولمن يجي يغني لي في حفلاتو العامة ما يجي يغني لي هبت ثورة الإنقاذ أو حزبا في القلب مضارنك وما يطرح لي برنامجو السياسي في حفله.
خالص الود والإحترام لكل المتداخلين
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: مرتضى احمد عبد القادر)
|
Quote: الأخت أميرة سلام أختلف معك كثيرا ومع معظم المتداخلين فالفنانين أعلاه إذا كانو من المعارضين للمؤتمر الوطني ولديهم رأي مسبق في المؤتمر الوطني وبدلو مبادئهم لجاز وصفهم بأنهم بياعين وغير ذلك من الصفات التي ذكرت وكونهم شاركو مع المؤتمر الوطني في أي عمل فني فهذا لا يجعلهم غير مبدعين أو ليست لهم أمكانيات فنية وجربندية ساكت فمن لديه موهبه ستظل موهبته أن غنا للمؤتمر أو غنى للحركة الشعبية .. وانا ما عندي مشكله اي فنان بحبو يكون عندو إنتماؤ السياسي او يكون بيتعامل مع الغناء كوسيلة لكسب العيش ويغني لحزب سياسي بس يغني لحزبو دا في إحتفالتو بعيد بعيد ولمن يجي يغني لي في حفلاتو العامة ما يجي يغني لي هبت ثورة الإنقاذ أو حزبا في القلب مضارنك وما يطرح لي برنامجو السياسي في حفله.
|
مرتضى ..سلاااااااام مرحب بالاختلاف الذى يفضى الى نقاش مفيد ومثمر... لم اذكر فى اى من مداخلاتى السابقة ان واحد من هؤلا الفنانيين لديه راي او منتمي للمؤتمر الوطنى .... لو كان دا حاصل ما كنت احتجت لفتح البوست من اصلو .. وايضا لم اناقش ابداعهم او موهبتهم فى الغناء او امكانيتهم الفنية ,,, الفنانين ديل ملك عام عندما ظهرو فى الساحة تفاعلنا معهم بعيدا عن وحل السياسة ولهم جمهورهم من مختلف الاتجاهات السياسية ولكن لما تظهر فجاءة وتبقى بتطبل وبتغنى للافراد (عمر البشير) او لحزب ( المؤتمر الوطنى) لازم انا كجمهور اخد وقفة واحاسبك كمان ,,,,, عمر البشير ما بطل قومى شان يتغنو ليهو الشباب ديل ونقول عاااادى من حقهم .... ا مرتضى الجزء الاخير من كلامك يحمل كم هائل من التناقض ..... اولا.. التلفزيون القومى دا جهاز عام واخطر من انك تغنى فى حفلة ثانيا...الفنايين ديل حضرتهم فى التلفزيون القومى ,,,ولايبقى دا عااادى لانو التلفزيون القومى ملك للدولة...؟ الاشياء لا تنفصل من بعضها يا مرتضى ,, لا احتمل شخص يغنى للقبح والموت والدمار وفى نفس اللحظة يتغنى للحب والخير والجمال واقول عادى من حقو ..... دا كم من التناقض غير محتمل ....
المسالة عندى مسألة مبدا والمبادى لا تتجزاء....
تحياتى...
(عدل بواسطة Amira Elsheikh on 04-06-2010, 07:01 PM)
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: Amira Elsheikh)
|
سلاااام أميره
Quote: لم اذكر فى اى من مداخلاتى السابقة ان واحد من هؤلا الفنانيين لديه راي او منتمي للمؤتمر الوطنى .... لو كان دا حاصل ما كنت احتجت لفتح البوست من اصلو .. |
لو أي فنان منتمي لأي حزب انا ما عندي معاهو مشكله وكونو يغني ويشارك مع حزبوا في أي عمل فني دي متفقين فيها؟
Quote: وايضا لم اناقش ابداعهم او موهبتهم فى الغناء او امكانيتهم الفنية ,,, |
معليش بس انا شفته الناس البيتداخلو كلهم بيقولو ديل ما فنانين وجربنديه .... الخ ودا ما صاح عشان كدا قلته Quote: من لديه موهبه ستظل موهبته أن غنا للمؤتمر أو غنى للحركة الشعبية |
Quote: الفنانين ديل ملك عام عندما ظهرو فى الساحة تفاعلنا معهم بعيدا عن وحل السياسة ولهم جمهورهم من مختلف الاتجاهات السياسية ولكن لما تظهر فجاءة وتبقى بتطبل وبتغنى للافراد (عمر البشير) او لحزب ( المؤتمر الوطنى) لازم انا كجمهور اخد وقفة واحاسبك كمان ,,,,, عمر البشير ما بطل قومى شان يتغنو ليهو الشباب ديل ونقول عاااادى من حقهم .... |
هنا ببقى الفنانين ديل عندهم واحد من سببين خلاهم يعملو العمله المهببة دي يا هم مقتنعين بالزول او الحزب السياسي الغنو ليهم ودا حقهم يا هم إتعاملو مع الموضوع بإحترافية وإنو شغل لا أكتر لا أقل وبرضو من حقهم لانو اساسا هم ما عندهم رأي في البشير انو سفاح او او ولا عندهم رأي انو المؤتمر الوطني حيسوق البلاد لانها تتمزق ........ الخ
Quote: الاشياء لا تنفصل من بعضها يا مرتضى ,, لا احتمل شخص يغنى للقبح والموت والدمار وفى نفس اللحظة يتغنى للحب والخير والجمال واقول عادى من حقو ..... دا كم من التناقض غير محتمل .... |
شفتي موضوع قبح وجمال والقصص دي نابعه من رأيك في المؤتمر الوطني ورأيك في البشير الممكن اكون انا ما بختلف معاك فيهو بس الفنان ممكن يكون مختلف معانا فيها أو ما عندو رأي انو المؤتمر الوطني دا قبح وما بعاين للموضوع من الزاوية بتاعتك دي والموضوع بالنسبة ليهو شغل لا اكتر لاقل ودي شغلتو
ببساطة الناس ممكن تنتقد كلمات الأوبريت وتقول متناقضه مع أفعال المؤتمر في كذا وكذا وممكن ننتقد الأوبريت في اللحن ننتقد الفنانين ديل في الأداء لكن لو عايزين ننتقد الفنانين ديل عشان ادو عمل فني للمؤتمر الوطني لازم نكون عارفين انو الحاجه دي متناقضه مع مواقفهم أو أراءهم
خالص إحترامي لك ولرأيك
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: Amira Elsheikh)
|
اميره
لك تحياتي
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,,
في السودان اي شئ ممكن،،،
والناس ما تندهش من الموضوع دا كتير عادي في زمن الا شئ،،،
المذكورين أعلاه مثلهم ومثل بقية المطبلاتية والارزقية
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: adam khatir)
|
سألت فناناً شايقياً صديقاً ، لماذا تُغنى للإنقاذ بعد أن كنت تغني ضدها ؟ فأجابني : لقد جُعت ، و لم يعد لي مورد أسدد منه رسوم المدارس لأطفالي و لا لطعامهم . . . . وسالت دمعة على خديه . . . . . ، إنه الفقر المُذل أيها السادة !!
و نسأل ، لماذا دخل ( القوم ) المجلس الوطني وقبضوا الرواتب و المخصصات ، والناس يتضورون جوعاً ، وبقوا فيه كديكور ، ليمرر النظام كل سياساته المستبدة و المُفقرة للناس !!
على مر التاريخ ، كان للإستبداد فقهائه ومستشاريه وفنانيه ، فقط تختلف صِيغه من فئة الى أخرى .
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: محمد هشام)
|
Quote: الأخت أميرة سلام أختلف معك كثيرا ومع معظم المتداخلين فالفنانين أعلاه إذا كانو من المعارضين للمؤتمر الوطني ولديهم رأي مسبق في المؤتمر الوطني وبدلو مبادئهم لجاز وصفهم بأنهم بياعين وغير ذلك من الصفات التي ذكرت وكونهم شاركو مع المؤتمر الوطني في أي عمل فني فهذا لا يجعلهم غير مبدعين أو ليست لهم أمكانيات فنية وجربندية ساكت فمن لديه موهبه ستظل موهبته أن غنا للمؤتمر أو غنى للحركة الشعبية .. وانا ما عندي مشكله اي فنان بحبو يكون عندو إنتماؤ السياسي او يكون بيتعامل مع الغناء كوسيلة لكسب العيش ويغني لحزب سياسي بس يغني لحزبو دا في إحتفالتو بعيد بعيد ولمن يجي يغني لي في حفلاتو العامة ما يجي يغني لي هبت ثورة الإنقاذ أو حزبا في القلب مضارنك وما يطرح لي برنامجو السياسي في حفله.
خالص الود والإحترام لكل المتداخلين |
الاخت اميرة الشيخ و المتداخلين الكرام
تحياتي
أتفق مع هذه المداخلة تماماً
و ياريت لو سمعتونا جزء من الاوبريت عشان نشوف الجماعة ديل ادو الاغنية بمهنية و احتراف ولا لا
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: Hafiz Bashir)
|
Quote: و ياريت لو سمعتونا جزء من الاوبريت عشان نشوف الجماعة ديل ادو الاغنية بمهنية و احتراف ولا لا
|
حافظ بشير ..سلااااااااااام
انت بجدك؟؟؟ مسألة المهنية والاحترافية دى هنا ما موضوعنا ,,,
نحن فى عضم الفكرة ... فكرة انو يغنو للانقاذ وللمؤمتر الوطنى ... تقول لى نشوف الكواليتى بتاعة الاغنية؟؟؟ اغنية فى كلماتها متناقضة مع عمايل الانقاذ على الارض الواقع ... يعنى انا لو كنت مؤتمر وطنى لاسمح الله ما بصدق كلام الاوبريت دا......
اما اذا كنت داير تشوف مدى الاحترافية والمهنية افتح بوست تانى وشوف متخصصيين فى المزيكا والاداء يدلو بدلوهم فى الموضوع ,,,لانو نحن ناس سمع ساكت ...
(عدل بواسطة Amira Elsheikh on 04-09-2010, 11:02 AM)
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: مرتضى احمد عبد القادر)
|
Quote: سلامات حافظ والله انا شايف الناس مفروض تجيب الأوبريت وينتقدوهو يقولو كلماتو كدا وكدا وكدا وبتتناقض مع فعايل المؤتمر الوطني في كدا وينقدو الفنانين ويقولو مثلا الجماعة ديل ما جضمو المزيكا أو فلان وفلان اصواتهم كانت تعبانه وفلان كان منشز ........ إلخ لكن حركة فلان دا لو غنى للمؤتمر الوطني يبقى ما بيعرف يغني وجربندي ساي ما بتعجب. |
مرتضى ,,,,
انت وحافظ جيبو الاوبريت واتكلمو عن الفنيات وتجضيم المزيكا والصوت والنشاز
ماعندنا اى مانع..
بس زول يقول ليك الشجرة ظليلة والبشير شنو كدا ماعارف تنقد ليهو شنو؟؟؟
الفكرة اصلا ريجكتت .. اذا اتكلمت عن مزيكا وعن اداء تبقى انصرافية منى ساكت
تحياتى ,,,
(عدل بواسطة Amira Elsheikh on 04-09-2010, 12:10 PM)
| |
|
|
|
|
|
|
Re: عمراحساس...وليد زاكى الدين.... فرفور....درماس...افراح.... يتغنون للمؤتمر الوطنى,,,,,,, (Re: سرى بخارى)
|
Quote: و نسأل ، لماذا دخل ( القوم ) المجلس الوطني وقبضوا الرواتب و المخصصات ، والناس يتضورون جوعاً ، وبقوا فيه كديكور ، ليمرر النظام كل سياساته المستبدة و المُفقرة للناس !! |
سرى بخارى,,,,سلااااام,,,
تساؤل موجع,,,,,
المجلس الوطنى هو مجلس صورى ومهمته دعم النظام ولا اكتر ولا اقل,,, ولايرجى منه شئ,,,,
| |
|
|
|
|
|
|