|
Re: تحدي صرييييييح لكل الاتحادين (Re: الفاتح شلبي)
|
عشت يا ماضي يا أبو العزائم يا أبو الريش
والله دخلت عليك في بوستك داك بدون إحم ولا دستور ولقيت الصورة دي... ولطشتها وقمت جاري
ولما لقيتك فتحتا البوست ده... قلتا الزول ده ود خلفة (بضم الخاء) وأكيد وصلني والحرامي قلبه رهيف... وفي راسه ريشة وراجي ليهو هبشة!
بس بيني وبينك... صورة في الصميم وهي الـ Masterpiece بتاعت البوست داك بكل صراحة وأظنك حا تسامحني في لطشها... لأنها ثروة قومية
زمان وأنا طفل كنت بمشي مع الوالد المرحوم يسن بحر للقصر الجمهوري للقاء صديقه الزعيم الأزهري وكنت دائما أحب أمشي معاه عشان أشوف الحارسان الواقفين قدام الباب وهم لابسين أبيض وعمة مشدودة ولغاية قريب كنت أظن إنهم تماثيل صامتة
المهم إنو الزعيم كان بيحبني وكان بينزل يبوس راسي ويدخل يدو في جيب بدلته البيضاء الناصعة ويناولني تمرة ولا تمرتين...
يا أخي موش لينا حق نخلد هذا الرجل وأكيد الصورة دي محتاجة لبوست لوحدها وتسلم لتقديرك لأهميتها وتسلم الرسلتها ليك
ورحم الله زعيمنا الإنسان والأب والرئيس الأزهري...
| |
|
|
|
|
|
|
Re: تحدي صرييييييح لكل الاتحادين (Re: Mohamed Yassin Khalifa)
|
Quote: والله دخلت عليك في بوستك داك بدون إحم ولا دستور ولقيت الصورة دي... ولطشتها وقمت جاري |
Quote: وأظنك حا تسامحني في لطشها... لأنها ثروة قومية |
يازول ما مسامحك لاطش و كمان بدون تعليق ؟؟؟؟؟ ياخوي تمن الطشة تعليق كارب زى حقك ده
Quote: ويدخل يدو في جيب بدلته البيضاء الناصعة ويناولني تمرة ولا تمرتين.. |
يعنى لو ما جيت التمر موجود موجود والله ناس زمان ديل عندهم حكم
| |
|
|
|
|
|
|
|