|
|
|
 Re: نكات جديدة لنج (Re: Osman Musa)
|
اتنين متفرجين فى ماتش بتجادلو
الأول: الحكم أداهو الكرت الأحمر
التانى: لأ ..ما أداهو
الهدندوى: ساحبى كلامو ساح... هو ما أداهو الكرت... هو وراهو الكرت وختاهو فى جيبو
منان
| |
  
|
|
|
|
|
|
|
|
Re: نكات جديدة لنج (Re: Osman Musa)
|
واحد كسلان كسل عجيب جدا . راح للحلاق
وجلس فى الكرسى . وهو منزل راسه لى تحت . الحلاق قال للكسلان . شعر ولا دقن ؟
الكسلان قال دقن .
قام الحلاق قالوا ارفع رأسك . قام الكسلان قال : طيب خليه شعر خليه شعر .
| |
|
|
|
|
|
|
|
|
|
Re: نكات جديدة لنج (Re: Osman Musa)
|
رباطابى ببيع خرفان .
واحد من المشترين . بعد مارفع الخروف فى العربية قال للرباطابى : يا أخى
وين القرش حق الخروف ؟
قام الرباطابى قال ليه . قش ؟ اصلو انا بعته ليك مكيف ؟
| |
|
|
|
|
|
|
|
|
|
Re: نكات جديدة لنج (Re: Osman Musa)
|
Quote: نان مسطول يغنى فى حفل والناس
مبتهجين . والجمهور يصيح يا فنان منطلونك منطلونك منطلونك مشروط .
قال للجمهور هسع اغنيها . |
دى مبالغه لكن يا عثمان..بس الحمد الله ما كان سكران.. كان طبظه
ــــــــــــــــ
| |
|
|
|
|
|
|
|
|
|
Re: نكات جديدة لنج (Re: Osman Musa)
|
Quote: جدع يا bob
حقت الدهب ديك كيف ؟ |
دى حلوه بالجد...بس عارف يا عثمان وبالجد
عارف فى واحد صاحبنا قام سالنى ليك مره بالتلفون عن GPX4500
قلته ليهو انا ماعندى فكره عند الموضوع ده بس ..
انصحك ب Google واحد زميلنا اسمو عثمان فى سودانيز
فقلته ليهو Google بتلقى فيهو معلومات كتيره
اما اخونا عثمان بخليك تقنع منو
ـــــــــــــــــــــــــــــ
| |
|
|
|
|
|
|
|
|
|
Re: نكات جديدة لنج (Re: bob)
|
احد مسطول مشي الصيدلية قال للدكتور : 'عايز لبن اطفال'.
الدكتور: 'اسمو شنو؟'
المسطول رد : 'اسمو اشرف'
ــــــــــــــــ
| |
|
|
|
|
|
|
|
|
|
Re: نكات جديدة لنج (Re: bob)
|
في واحد مشى لشيخ مسطول يفسرليهو حلم وقال :...
انا حلمت اني لابس بدلة لونا بني فاتح وقاعد في مكان فيهو نجيلة
فقاليهو الشيخ : تفسيرحلمك ..... انك تور الله في برسيمه
ـــــــــــــــــــ
| |
|
|
|
|
|
|
|
|
|
Re: نكات جديدة لنج (Re: bob)
|
مسطول ماشي في الشارع بليل ....وراجع بيتهم
ومنتظر المواصلات شاف بوكس كحلي واقف في الظلط
قام جرى عليهو لمن وصل البوكس....
قام عاين للعسااكر مسااااااااااااافة قال ليهم: 'السوق العربي؟؟'.
ــــــــــــــــ
| |
|
|
|
|
|
|
|
|
|
Re: نكات جديدة لنج (Re: bob)
|
شكلة بين بنات الدّيم و نسوان ام بدّة
دايرة تدينى عين؟؟ .. يا أم وشّاً شين ؟؟ ..يا قدُر نفرين .. يا البتفطرى شحدة,, و بتتعشّى بالدين ؟؟!!! ... يضُربك الضريب شقّاق العناقريب ...!!
> ما تقيفى فى الزلط و تتكلمى غلط..
> .. نحن نححححححححححححححمد الله الغدا ضأن..... و التحلية برتكان...
> ...العشا حمام و التحلية شمّام .....و مليانيييييييييييين يا إنتى ...
> ....لا كوع يقد الوسادة لا ساق يضبح الجدادة ...نحن تربية بيت و فرش موكيت.... تربية عِز ورضاعه بِز...أحححححمدو , مبسووووطة و شلاليفى ممطوطة
!!!”I don’t think sooL “
> ....هيييييههههيييييييييى....
> .... حليلكم إنتو يا ناس الإشلا ق يا الما سمعتو بى السيريلاك ....
> ... سُكنة قطاطي ومستوي واطي... شِراكم قطّاعي وركوبكم النقل الجماعي...
> ...بششششششتنة و الناس متمحنة ..قهر و فراق أهل..... نببببببببرة و نستبرة و ما نسكن جبرة..يا الديّامة يا حطب القيامة.. يا ناس أمبدة , البِفطُر فيكم ما بتغدّى .. يا البتستحمّوا بى مويةالعِدّة !!!... عشوائى جدّة ولا فِلل أمبدّة ...!!..دا مستوي داير دَوا !!
> يخخخخخسسسسسسى و مرض نفسى ...
> .هيييييييييييييييييييييييى ...
> لا كرعيننا رقاق و لا مولودين فى زقاق .....
> أولاد عوااااااااايل و عندنا فايل ....
> ربّونا فى الإمتداد و حبينا فى البلاط.... ولدونا فى الدايات و قرينا فى الراهبات....
> .نححححححححححححمدو..... نحن نشتّت و خلق الله تلقّط ..
> البنريدو بنولع ليو اللمبة.. و الما بنريدو بنحرش ليو الكلبة !!
> ساكنين الخرطوم , محل الرئيس بنوم , والطيارة بتقوم , والجكس بِحوم .... أولادنا لابسين الجِنز وحالقين مارِنز..اولاد راستا ..وعشانا باسطة..وشٌغلنا واسطة .. ما بنتردّى , ونلبس الشدّة ... لا بنركب الركشات , ولا بندخل غُرف الشَات.. بنعرف الذوق ,ومستوانا فوق ....... بناكل المنقة و ما بنعرف الزنقة .. بنعرف الجكس , وما بنركب التكس..اسكيلنا عالي ,ومهرنا غالي..
> و مناسبين ناس أمدرمان , العصيرهم رٌمّان , و شارعهم شيكان , و محطّتهم شقلبان !!
> .. و مصاحبين ناس بحرى البيخلطوا فى الكوبرى ..كوبرى شمبات المكسّر بالجمبات ,بى تحت موية و بى فوق عربات !!!.. عصيرهم أناناس و ما بيضايقوا الناس!!
> حكوووومة و الناس مظلووومة ... !!
> .. عشا ن كدا أعملى لاين و أقيفى بهايند.... و أفهميها... أعملى شخيط و اقيفى بعيد ..
> سجم و كمان عدم فهم؟؟ يا بجم يا ولادة الندم ؟!!..
> ...هييييييييييييييييى و تااانى هييييييييييييى و تانى و تانى هيييييييييييييييييى....
> ما تكُبّى الريحة و تعملى تفتيحة , و تخلينا نقيف ليك فى طرف المعلقة و نورّيك الصعلقة .. هييييييى إتلمّى يا البتقعى و ما بتسمّى
> .هووووووووووووى.... تنبزينى أنا يا كرور يا وسخ الخور !!... يا اللُقمة الفِى الزور !!
> يا شوكة الحوت اللا بتتبلع لا بتفوت لا بتخلّى الزول يموت !!.. يا تربيزة الجزارة يا اللامّة الوسخ و الزفارة !! .. والله دى ق ص ّة و دايرة حصّة !!
> هييييييييييييييييييى
> أخير ليييييك فتحى عينك قدر الريال و خلّى أضانك قدر العقال ...
> ما تخلينى أدق الصفايح و أطلع الفضايح... و أقيف ليك فى الحوش و أنفُض الكَلُوش !!!
> ... يا مرة يا مجنونة يا شبه حجر الطاحونة !!...يا ليمونة و عاملة فرعونة !!!
> ... هيييييهييييييييييييييييييييييي ....
> غادى غادى الجزام بعادى ...يا القاعدة برّة للأذى و المضرّة ..
> .. يا الككوية يا أم جضوماً موية.. .يا السوقِك بايِر ودمِّك فايِر..
> ...الشمس ضربتِك و الرجال أبتِك !!!!!
> القطر فاتِك و الزمن شاتِك.....
> يا الفى الحفلة ما عبّروك...... ناس الفيديو فطّوك و ناس العَشا نطّوك....
> الزمن خَرَتِك... و الضِحِك شَرَطِك.....
> يا الوزّعتى صورتك و ما فكّيتى بورتك !!..
> قطرِك صفّر وسوّاقُو طفّر...
> هييييييييييييى.....
> خِفّة و شعر تِفّة ... مرجخيص و النبق الرخيييص ,, جابوهو بالجمعة وباعوهو بالخميس
ـــــــــــــــــــــــــ
| |
|
|
|
|
|
|
|
|
|
Re: نكات جديدة لنج (Re: Osman Musa)
|
لكن يا عثمان لحدى هسه bob خارتك D:
وما كده وبس
Quote: العزيز عثمان
بجيك راجع..... |
والله لولا الملكية الفكرية كان قلت ليك خلى ليهو البوست ده وأضحك مع الناس D:
أرقد عافية
| |
|
|
|
|
|
|
|
|
|
Re: نكات جديدة لنج (Re: walid taha)
|
أبكر شغلوا يلم جلود الأضاحي في عيد الضحية ودا شغلوا الوحيد طول السنة قاعد فاضي ما بيشتغل إلا في عيد الضحية .. قالوا ليهو يا أبكر ما تمشي الحج أنت كبرت .. قال ليهم سبهان الله كل ما أنوى الحج يصادف إيد الدهية (عيد الضحية)هههههههههههههههههههههههههههههههههههها
| |
|
|
|
|
|
|
|
|
|
Re: نكات جديدة لنج (Re: عمار زكي)
|
واحد قال لي واحد تاني أسمع أنت قاعد هنا أنا هسع شايف مرتك ماشة مع واحد صاحبك في الشارع داك الراجل إستشاط غضبا وتحرك مسرعا نحو الشارع حتى وصله وعاد بسرعة فقال له الأول لقيتها مرتك قال ليهو أيوة دي مرتي بس الماشي معاها دا ما صاحبي
| |
|
|
|
|
|
|
|
|
|
Re: نكات جديدة لنج (Re: عمار زكي)
|
سواق تاكسي مسطول ركب معاهو واحد وقال له (نادي الأسرة لوسمحت) رد عليه المسطول سواق التاكس (ناديها براك أناديها أنا ليه).
| |
|
|
|
|
|
|
|
|
|
Re: نكات جديدة لنج (Re: Osman Musa)
|
يا سيد bob
والله زى ما بقول تمبس . ده اكتساح .
مبالغة عديل . أنت بتجيب الحاجات دى من وين ؟
البوست ده حقك بالغ زى ما تبالغ .
يا أخى جننت اهلنا الرباطاب جن . وجننتا الدنيا كلها .
تحياتى وكتير شكرى
وفى انتظارك يا زول يا جميل
| |
|
|
|
|
|
|
|
|
|
Re: نكات جديدة لنج (Re: Osman Musa)
|
غايتو يا bob أخوى .
الشكلة الفاتت دى احسن منها حرب العراق عديل . الناس دى فى الشكلة
استعملت أسلحة الفوسفور الأبيض وكلو .
تحياتى
| |
|
|
|
|
|
|
|
|
|
Re: نكات جديدة لنج (Re: Osman Musa)
|
رباطابى طلب من ولدو فى أمريكا
ارسال كاشف دهب سريع شحن جوي
قام الولد قال لى ابوه : يا ابوى مش احسن ارسل ليك قروش للحج بدل التعب .
قام ابوه قال ياولدى طلوع جبل عرفات جربتو . رسل الكاشف النجرب طلوع جبل
قبقبة .
بعدين الحج انا البحججك ياولدى .
| |
|
|
|
|
|
|
|
|
|
Re: نكات جديدة لنج (Re: Osman Musa)
|
عثمان
الشكله دى جاتنى فى e-mail
شفته بالله الشكل بقى كيف!!
الجاحه العرفتها انو الشكل بقى خشم
بيوت..وكل منطقه بى الاستايل بتاعه
يعنى لو وقعته معا ناس الفوسفور ديل
قول ما داير من ال get go
ـــــ
تحياتى يا جميل
| |
|
|
|
|
|
|
|
|
|
Re: نكات جديدة لنج (Re: bob)
|
عارف يا Walid صاحبك bob ده تقول
عندو GPX حق النكات .
الزول ده يا وليد يبحت الكلام ده من وين زاتو ما تعرف . تصدق يا وليد ؟
الشكلة دى جاتو بالفاكس .
يعنى الناس بعد ما تنتهى من العكاكيز والطبنجات طوالى وعلى الفاكس .
والله غايتو .
| |
|
|
|
|
|
|
|
|
|
Re: نكات جديدة لنج (Re: Osman Musa)
|
دكتور فى مستشفى المجانين سأل
المريض . اسمع سبب مرضك شنو ؟
رد المريض :
يا دكتور الجننى الانتخابات وكان فاز الكوز وعدم الجلكوز .
هههههههههها
| |
|
|
|
|
|
|
|
|
|
Re: نكات جديدة لنج (Re: Osman Musa)
|
واحد جاء لقى صف واقف قام وقف أول واحد في الصف دون أن يلتفت للجموع المصطفة قام الراجل في الشباك قال ليهو يا أبن العم أمشي أقيف في آخر الصف .. طلع ومشى آخر الصف وجاء راجع مرة تانية لأول الصف .. الراجل في الشباك قال ليهو أنا ما قلت ليك أمشي أقيف في آخر الصف فأجابه والله ياخي أنا مشيت آخر الصف لقيت فيهو زول واقف ... ههههههههههههههههههههههههههههههههههههههههههههههههها
| |
|
|
|
|
|
|
|
|
|
Re: نكات جديدة لنج (Re: عمار زكي)
|
قال لي أبوه : يا بابا إنت البحر دا لما حفروه ودوا التراب بتاعتو وين؟؟
أجاب الوالد : بنو بيها الخرطوم بحري........ههههههههههههههههههههههها
| |
|
|
|
|
|
|
|
|
|
Re: نكات جديدة لنج (Re: Osman Musa)
|
Quote: عارف يا Walid صاحبك bob ده تقول
عندو GPX حق النكات .
الزول ده يا وليد يبحت الكلام ده من وين زاتو ما تعرف . تصدق يا وليد ؟
الشكلة دى جاتو بالفاكس .
يعنى الناس بعد ما تنتهى من العكاكيز والطبنجات طوالى وعلى الفاكس .
والله غايتو . |
يا عثمان
لقيتك سحار يا عثمان..عشان كدا اقول لى يومين
ماقادر القى نكته اجى اختها هنا...تانى بنجيب تيمانه بنجى
خاشين باليد اليمين
| |
|
|
|
|
|
|
|
|
|
Re: نكات جديدة لنج (Re: bob)
|
كنا نجلس مجموعة وكل واحد يحكي عن أصعب رمضان مر به فمنا من قال أنه شهد رمضان في عز الحر اللافح والعطش ينشف الحلق وآخر يقول أنه صام رمضان في عز الشتاء القارص والجوع لا يحتمل .. في واحد قام قال لينا أنتوا ما شفتو زمننا نحن كان رمضان مرة جاء مع المولد وكنا نساهر في المولد للصباح ونصبح صايميييييييييييييييييييييييييييين... (تخيلوا رمضان يجي متوافق مع المولد) الراجل ما ناقش حاجة....
| |
|
|
|
|
|
|
|
|
|
Re: نكات جديدة لنج (Re: bob)
|
مسطول بعد أن طلع من عيادة الدكتور .. احتار في تشخيصه .. ياربي الدكتور ده قال لي عند "سمك" في الطشت وله "صارقيل" في الصحن.. وأخيراً اتصل على الدكتور فقال ليهو : عندك "سرطان" في الحوض ...
| |
|
|
|
|
|
|
|
|
|
Re: نكات جديدة لنج (Re: Osman Musa)
|
*A letter of Husband to Wife:*
Dear Sweetheart,
I can't send my salary this month, so I am sending 100 kisses...
You are my sweetheart.
Your husband
Allen.
*His Wife replied back after some days to her Husband:*
Dearest sweetheart,
Thanks for your 100 kisses, I am sending the expenses details.
1. The Milk man agreed on 2 kisses for one month's milk.
2. The electricity man only agreed after 7 kisses.
3. Your house owner is coming every day and taking two or three kisses instead of the rent.
4. Supermarket owner did not accept kisses only, so I have given him some other items.....
5. Other expenses 40 kisses
Please don't worry for me, I have a remaining balance of 35 kisses and I
Hope I can complete the month using this balance.
Shall I plan same way for next months, Please Advise!!!
Your Sweet Heart.
الترجمة :
كتب أحد الأزواج لزوجته خطاباً جاء فيه:
زوجتي الحبيبة
يؤسفني أن أنقل لك أنني لن أتمكن هذا الشهر من إرسال مصاريفك الشهرية لظروف قاهرة وبدلاً عن ذلك فإني أبعث إليك بمائة قبلة .. مع حبي واشتياقي.
تلقت الزوجة الخطاب وردت عليه بعد عدة أيام كما يلي:
زوجي الحبيب
تلقيت رسالتك الأخيرة والتي بعثت لي بموجبها مائة قبلة بدلاً من المصاريف الشهرية ويسرني أن أبعث لك فيما يلي كشف المصروفات التي تمت:
• وافق صاحب اللبن على قبلتين مقابل اللبن الذي يزودنا به.
• متحصل الكهرباء والماء وافق بعد جهد على قبول 7 قبلات مقابل الكهرباء وقبلتين مقابل الماء.
• صاحب المنزل وبعد التشاور معه وافق على أن يأخذ كل يوم قبلتين أو ثلاثة بدلاً من الإيجار الشهري.
• صاحب السيوبر ماركت لم يقبل القبلات فقط فاضررت إلى منحه لوازم أخرى بجانب القبلات.
• مصروفات أخرى مقابل 40 قبلة.
أرجو أن لا تقلق يا حبيبي فما زال معي رصيد كاف من القبلات سيكفينا حتى نهاية الشهر وأتمنى أن أتمكن من ترشيدها حتى نهاية الشهر.
أرجو إفادتي بالنسبة للشهر القادم وما إذا كنت ترغب مني التفكير في وسائل أخرى لسد مصروفات الشهر القادم
| |
|
|
|
|
|
|
|
|
|
Re: نكات جديدة لنج (Re: Osman Musa)
|
اتنين مساطيل ساكنين فى خيمة .
الأول قال للتانى عاين فوق للسما شايف شنو ؟
صاحبو قال : شايف نجوم كثيرة .
. طيب النجوم دى بتعنى شنو ؟
رد صاحبو : بتعنى انو فى كواكب ومجرات فى ها الكون .
قام الأول قال : لا لا
يا بليد ده بيعنى انو سقف خيمتنا انسرق .
| |
|
|
|
|
|
|
|
|
|
Re: نكات جديدة لنج (Re: Osman Musa)
|
دكتور قال لمسطول ولدك ده متسمم بحليب مدته منتهيه
قال ليهو كلامك صاح رضعتوا حبوبتو
واحد اسمه بلة شين شناه شديدة جاوا رباطابي يبارك ليهو مولوده الجديد شاف المولود شين زي ابوه قال ليهو حقو تسميه زاد الطين
سكران لاقى ست العرقي في الحج قال ليها : اسألك بالله وقدام بيتو دا ما تزيدي لينا موية تاني
أمير
| |
|
|
|
|
|
|
|
|
|
Re: نكات جديدة لنج (Re: Osman Musa)
|
Quote: غايتو بتبالغ يا سيد عمار .
|
قصدك شنو يا عثمان موسى تقول لي بت بالغ وبصرف النظر عن أنها بت لكن الغريب شنو أنها تكون بت زول بالغ عمرك شفت ليك زول ما بالغ جاب ليهو بت هـهههههههههههههههههههههههههههههههههههههههها
| |
|
|
|
|
|
|
|
|
|
Re: نكات جديدة لنج (Re: Osman Musa)
|
مريض مسطول راح مختبر . الطبيب قال للمريض لازم تجيب البول للتحليل .
قام المسطول قال للطبيب : يا دكتور انتو كيف بتحللو البول وبتحرموا البيرة ؟
| |
|
|
|
|
|
|
|
|
|
Re: نكات جديدة لنج (Re: Osman Musa)
|
مسطول بيحضر في كورة البرازيل وحصل فاول مع رونالدو فقام المذيع قال فاول لصالح رونالدو
فاستغرب المسطول وقال اول مرة اعرف انو رونالدو اسمو صالح.
دي من حي البوستة عديل ياعمك.
| |
|
|
|
|
|
|
|
|
|
Re: نكات جديدة لنج (Re: Mutwali Malik)
|
سلام وتحيات عثمان
ياود مالك أهلك الرباطاب قالوا جاهم أبوداؤد(رحمه الله ) ومعاهو الفنان البعيو لاقامة حفلة ،
وعند المغربية أبوداؤد ماسك البعيو بايدو الشمال طالعين يتمشوا شوية ، شافم شافع من بعيد
وهو راجع الحِلة سمع الجماعة بيسألوا عن الفنان أبوداؤد الزول دا مشى وين وفى زول شافو؟؟؟
طوالى الشافع رد قال ليهم والله شفتو شايل ليهو أبريق ومشى هنــــاك .
وياعثمان أهلكم التكاسى فى بروكلن عندهم مواقف طريفة
* واحد تكاسى جديد معاو راكب ماشى J.F.K صاحبك نزلو فى أقرب K.F.C
* واحد بعلم تكاسى جديد شوارع بروكلن اليوم كلو معاهو من شارع 4 قال ليهو أدخل ب(DEEN) دا،
فصاحبك الجديد قال ليهو انت زعلت ولاشنو ؟؟
| |
|
|
|
|
|
|
|
|
 Re: نكات جديدة لنج (Re: Osman Musa)
|
فلفل يمين فلفل يسار فلفل تحت
فلفل فوق شجر فلفل موية
فلفل قدام فلفل ورا فلفل...
شيخ هندي يوصف الجنة
للهنود بيرغبهم بالاسلام !
ههههههههههههههههههههه
ـــــــــ
سلام تاني يا عثمان
| |
|
|
|
|
|
|
|
|
|
Re: نكات جديدة لنج (Re: bob)
|
ازهرى بدوى
سلامات
قصص بروكلن دى كلها صاح .
والسنين 87 / 88 / 89 دى قالوا كانت السنين الاشد ضحك وتضهب ومقالب .
وياريت الأخ حسن حماد يفتح ملفات نكات تلك الأيام .
تحياتى
| |
|
|
|
|
|
|
|
|
|
Re: نكات جديدة لنج (Re: Osman Musa)
|
واحد بتاع سجارات هفت ليهو يمشى اتسطل معا صاحبو
مشا لى صاحبو فى البيت وضربوا السجاره الاولى
قام مشا الحمام وجا
قام سأل صاحبو : انتا حمامكم دا لما الواحد بيفتح الباب النور بولع براهو
صاحبو قال ليهو: لا
قال ليهو والله شكلى كدا بلتا ليكم فى التلاجه
| |
|
|
|
|
|
|
|
|
|
Re: نكات جديدة لنج (Re: bob)
|
حنكوش رسلتو امو يجيب كمون اسود
من البقاله.. البقال قال ليه: مافى . الحنكوش قال ليه :ياعمو
طيب ولا لون تانى ما عندك
ــــــــ
| |
|
|
|
|
|
|
|
|
|
Re: نكات جديدة لنج (Re: bob)
|
مسطول جابوا ليه فاتورة المويه بمليون جنيه قال: خلى بالك الجماعة ديل حسبوا ليا مطرة امس فى الفاتورة
ـــــ
| |
|
|
|
|
|
|
|
|
|
Re: نكات جديدة لنج (Re: bob)
|
مسطول شاف عزا قام راح العزا وعزا على اهل المرحوم, وبعدين قال ليهم المرحوم كان شغال شنو؟
قالو لو كان يحفر قبور قام المسطول وقال, من حفرة حفرة لاخيه وقع فيها!!
ـــــــ
| |
|
|
|
|
|
|
|
|
|
Re: نكات جديدة لنج (Re: bob)
|
هفسه عروس قاعدة في الكوشة جنب عريسها قالوا ليها : قومي أرقصي..فقالت : أبكر أليك الله اهجز الكرسي دا !!!!ا
ـــــ
| |
|
|
|
|
|
|
|
|
|
Re: نكات جديدة لنج (Re: bob)
|
رباطابي جوهو ناس اللجنه الشعبيه عايزين تبرعات عشان يبنوا سور للمقاير، قال ليهم عمركم شفتوا ليكم ميت شرد ...
| |
|
|
|
|
|
|
|
|
|
Re: نكات جديدة لنج (Re: Osman Musa)
|
Quote: إذا تعثرت بأحجاار الزماان..فلا تيأس !!
[بل]..أجمعهاا
وأفلق فييهاا رأس الي ..قـــااهرك}..
المعادلة الأولى
الأنسان = أكل + نوم + عمل + متعة
الحمار = أكل + نوم
عليه:
الأنسان = حمار + عمل + متعة
الأنسان – متعة = حمار + عمل
و بصيغة أخرى :
الأنسان الذي لا يعرف كيف يتمتع بالحياة يساوي حمار يعمل
المعادلة الثانية :
الرجل = أكل + نوم + كسب المال
الحمار= أكل + نوم
عليه فان :
الرجل = حمار + كسب المال
الرجل – كسب المال = حمار
و بصيغة أخرى :
الرجل الذي لا يكسب مالاً.. يساوي حمار
المعادلة الثالثة :
المرأة = أكل + نوم + صرف المال
الحمار= أكل + نوم
عليه فان :
المرأة = حمار + صرف المال
المرأة – صرف المال = حمار
و بصيغة أخرى :
المرأة التي لا تصرف تساوي حمار
الاستنتاج من المعادلتين الثانية و الثالثة :
الرجل يكسب المال حتى لا يدع المرأة تصبح حماره و المرأة تصرف المال لكي لا تدع الرجل يصبح حماراً
و مما تقدم نتوصل للمعادلة التالية :
الرجل + المرأة = حمار + كسب المال + حمار + صرف المال
و بحذف كسب و صرف المال من المعادلة توصلنا الى الحقيقة التالية :
الرجل + المرأة = حمارين يعيشان بسعادة مع بعضهما البعض
|
| |
|
|
|
|
|
|
|
|
|
Re: نكات جديدة لنج (Re: سيف اليزل برعي البدوي)
|
حسن (إبن أختي) مرضان بفريق إنتر ميلان وباللاعب البرازيلي أدريانو ، ولابس التي شيرت بتاعه 24 ساعة،،
أمه قالت ليه : والله كرهتنا الفنيلة دي !!! أظنك لابسة أكتر من أدريانو زاتوووووو!!!
يوم قاعدين نشاهد ماتش للإنتر، الطليان خبتوا ليك أدريانو ،،
شايلنوا برة للعلاج ، شهد (6 سنوات) قعدت تبكي بكاء شديد!!
يابت مالك؟؟
حسن ضربوه!!!!!! ههههههههههههههههه
===========
!!!
| |
|
|
|
|
|
|
|
|
|
Re: نكات جديدة لنج (Re: عبد اللطيف بكري أحمد)
|
Quote: اتنين مساطيل ساكنين فى خيمة .
الأول قال للتانى عاين فوق للسما شايف شنو ؟
صاحبو قال : شايف نجوم كثيرة .
. طيب النجوم دى بتعنى شنو ؟
رد صاحبو : بتعنى انو فى كواكب ومجرات فى ها الكون .
قام الأول قال : لا لا
يا بليد ده بيعنى انو سقف خيمتنا انسرق . |
الله يديك العافية يا ودموسى
تحياتي ومودتي
| |
|
|
|
|
|
|
|
|
|
Re: نكات جديدة لنج (Re: عبد اللطيف بكري أحمد)
|
عبداللطيف
سلامات
يا عبداللطيف يا أخوى . شهد عندها حق تبكى .
يا أخى الفرق شنو بين أدريانو وحسن ؟
اتخيل يا عبداللطيف . حسن ده كرهنا نحنا زاتو الفنلة .
جننت البنت يا حسن يا ولدى .
تحياتى
| |
|
|
|
|
|
|
|
|
|
Re: نكات جديدة لنج (Re: Osman Musa)
|
Quote:
------------ --------- --------- -----
كان شخصين ماشين بالسيارة
واحد أسمه منطق والثاني أسمه حظ
بنص الطريق إنقطعوا من البنزين بنص الصحرا
حاولوا يكملوا طريقهم مشي قبل مايجي الليل يمكن يلقوا مأوى
لكن دون جدوى .
فقال المنطق لـ الحظ بنام ليطلع الصبح وبنكمل الطريق
فقرر المنطق ينام جنب شجرة
أما الحظ فقرر ينام بنص الشارع
قال له المنطق مجنون أنت راح تعرض نفسك للموت
يمكن تيجي سيارة وتدهسك
قاله الحظ ما راح أنام الإ بنص الشارع
ويمكن تيجي سيارة تشوفنا وبعدين إلي بده يصير يصير
فعلاً نام المنطق تحت الشجرة والحظ بنص الشارع
بعد ساعة وصلت سيارة مسرعه
ولما شافت جثة بنص الشارع حاولت التوقف ولكن ما قدرت
فأنحرفت بإتجاه الشجرة
ودهست المنطق وعاش الحظ
|
| |
|
|
|
|
|
|
|
|
|
Re: نكات جديدة لنج (Re: Osman Musa)
|
خالد ود المنسى
سلامات
أسمع يا خالد . سمعتها قصة مسطول الدلوكة ؟
المسطول الدخل الحفلة يعرض وهو سايق حمارو . سمعتها ؟
...
دى يا خالد . لنج . حقت السنة 2010
| |
|
|
|
|
|
|
|
|
|
Re: نكات جديدة لنج (Re: Osman Musa)
|
واحد مسطول جاهو حرامى فى البيت
المهم المسطول صحا بالحرامى بيسرق فى باب البيت
المسطول قام جارى ورا الحرامى جرى شديدوالحرامي شايل الباب
المهم الحرامى تكل الباب فى عمود وقام جارى
المسطول وقف جمب الباب وبيدق فى الباب كو كو كو
انتا لو راجل اطلع لى بره
| |
|
|
|
|
|
|
|
|
|
Re: نكات جديدة لنج (Re: امجد البصيرى)
|
خمسة مساطيل فى الصلاة فى الجامع .
واحد منهم فى نص الصلاة قال الحمد لله .
رد صاحبو. يرحمكم الله .
قال التالت . ما تحكو فى الصلاة .
قام الرابع قال. للمعلومية صلاتكم انتو التلالته باطلة .
الخامس قال . الحمد لله أنا ما حكيت شىء .
| |
|
|
|
|
|
|
|
|
|
Re: نكات جديدة لنج (Re: Osman Musa)
|
رسالة إلى ادروب...
قول ليّ يا ادروب
عليك وجع السنين...
خجيتو ليه؟؟؟
خليهو يا ادروب
عشان ناساً غلآبة وكادحين...
خليهو يا ادروب
عشان ناساً بتحلم من سنين
بوطن صحيح من غير جراح
من غير ألم، من غير انين
خاجيهو ليه؟؟؟
خليهو يا ادروب
عشان شجر الأراك
يفرح يعانق ديم عرب
وترب هدل
ووطن السمآح ينسى الجرآح
ينسى الحصل...
قول ليّ بس...
خاجيهو ليّه؟؟؟
وادوّك كم؟؟؟
مبلغ بِسد رمق الصغار؟
والآ الفتات،
من بعد ما نهبوا الديار؟؟؟
خلوها خاوية على عُروشا
كما الصريم وضح النهآر
لا راعو لطفلاً
بيصرخ في الظلآم...
لا احترمو شيخنا بعد وقآر...
بمدخل الدين...
جونا داخلين التتآر...
خجوها خج...
خج السوآد...
خج الرمآد...
ما خلو شِي
ناس لابتحس، لاتختشي...
ما بين مُرآبي ومُرتشي...
وسفآك دماء نام مُنتشي
من بعد ما لعق الدماء
من بعد ما انتهك الحِمى...
جوغة ضِبآع،
وقطيع سباع متوحشة...
اسرآب نسور
تغتات على جُثث الصغآر...
خجوها خج وضح النهار...
قول ليَّ بس...
خجيتو ليه؟؟؟
وشِن دار تجيب
لي ها الوطن!!!
غير المِحن
غير التخلف والفتن...
غير الشتات
غير العذآب...
غير الكلآب
تنبح تهوهِو ليل نهار
شيخها العجوز دقولو طآر
ينقُز يهِز...
ما راعى في نفسو الوقار
ينفخ نفخ!!!
زي الورر
عامل جعيص...
عامل خطر!!!
قول ليَّ بس...
شِن دار تجيب لى ها الوطن؟؟؟
غير الضياع
غير الفِتن؟؟؟
غير ناس بتعترف النفآق...
عشرين سنة!!!
من الضياع، من العناء
من الألم والعكننة
من الوجع ومُر الضنى...
وبرضك تخُج!!!
يا زول اقيّف...
خلي الوطن
ينجمَّ من رهق السنين...
خلي الغلآبة الكادحين
يرتاحو من طول الأنين
يتنسمو الحُريّة
في الزمن الضنين...
إنصرفو، لا صفى، لا انتِبآه...
يا عُصبة الحُكم اللعيّن...
يا ظآلمين...
يا غادرين...
إلى الجحيّم...
إلى الجحيّم...
إلى الجحيّم...
إلى الجحيّمــــــــ...
معاوية المدير...
| |
|
|
|
|
|
|
|
|
|
Re: نكات جديدة لنج (Re: Osman Musa)
|
نجيكم لي اهلنا الرباطاب
اهلنا جابو ليهم استاذ دنقلاوي بتاع عربي اول حصة قال ليهم اعرب
جاءت محمد
الرباطابي قال ليهو
جاء فعل ماضي ناقص
التاء تاء الدناقلة
محمد فاعل
| |
|
|
|
|
|
|
|
|
|
Re: نكات جديدة لنج (Re: Mutwali Malik)
|
واحد مغترب في امريكا عرس ليهو واحده وجابها معاهو السودان
اها ابوهو شابكلو ليك تعرس الخواجيه الكافره دي
اسي بت عمك مالا
تجيب لي الكافره في البيت
ما بتخجل تعرس ليك كافره
المهم الولد جاتو سفره وقال لي ابوهو عليك الله خلي الكافره دي معاك لغاية ما اجي
البت طلعت اخصائيه بتاعت تغذيه ومساج شبكت ليك الحاج مساج وغذا صاح
الولد بعد ما جا راجع لقي ابوهو ناااااير ووشو مفرهد
قال ليهو اها الكافره كيف
الابو قال ليهو دي ما كافره كافره امك دي
| |
|
|
|
|
|
|
|
|
|
Re: نكات جديدة لنج (Re: Osman Musa)
|
ياعمك
واحد احوص دخل مطعم وطلب فول فقام اكل كباب الزول القاعد جنبو في
التربيزة فقال ليهو احوص وماشايف بس ما بتعرف طعم الفول من الكباب .
| |
|
|
|
|
|
|
|
|
|
Re: نكات جديدة لنج (Re: Osman Musa)
|
واحد مصرى فى أمريكا . تقدم لوظيفة مترجم
من العربية الى الانجليزية :
..
فأجاب على الاسئلة التالية :
( 1) ظروف قاهرة Cairo envelopes
( 2) مكتب المراجعات Vomit office
| |
|
|
|
|
|
|
| |
أيمن الطيب
Osman Musa
Mannan
bob
walid taha
إدريس محمد إبراهيم
Mutwali Malik
ازهرى بدوى
Abdelrahim Elamin
سيف اليزل برعي البدوي
خالد علي محجوب المنسي
mohanad haimoura
فيس بوك
تويتر
انستقرام
يوتيوب
بنتيريست