|
Re: 1و2و3 وتلقى روحك في بلدك ومستمتع بوجودك وسط أهلك (Re: لؤي احمد الطيب)
|
Quote: عزيزي المغترب ... متي تعود الي وطنك السودان |
بلا شك هى امنية لكل مغترب فالوطن فى قلوبنا حيثما كنا
الا ان اسباب الاغتراب تختلف وحالات النغتربين ايضا تختلف
وليست اى تجربة شخصية تصلح لتكون نموذجاً لكل المغتربين
فلكل فرد قصة مختلفة ادواتها مختلفة واعتقد اسباب نهايتها مختلفة
لكن تبقى العودة هى الامنية لكل مغترب وبلادى ان جارت على عزيزة . . . قومى وان ضنوا على كرام
| |
|
|
|
|
|
|
Re: 1و2و3 وتلقى روحك في بلدك ومستمتع بوجودك وسط أهلك (Re: كمال ادريس)
|
الأخ الصديق الأستاذ/كمال إدريس تحية دافئة من أرض الوطن علها تحل عندكم وتنزل دفئاً وسلاماً عليكم وكل من معكم
والله ضحكت شديد على عبارة
Quote: في اوروبا معظم الناس كاسرة وناسية الفيلم زاتو |
بالجد المعلومة دي جديدة على لأنه فكرة النسيان دي أصلاً ما أظنها بترد على ذهن سوداني إنه ينسى أهله والناس والبلد، يعني مهما كان حجم الضيق والقرف اللي أحاط بالفرد منا في السودان وهو يهم بالهجرة - فبرضو للبلد مانسينا. لكن الإنكسارة دي الواحد كان فاكر إنها في الخليج وفي السعودية تحديداً حيث الجمعيات وبيوت العزابة لكن في البلد البااااااااااردة وبعيييييييييدة ديك أظنها بتكون حالة بيات شتوي ساكت.
| |
|
|
|
|
|
|
Re: 1و2و3 وتلقى روحك في بلدك ومستمتع بوجودك وسط أهلك (Re: عادل سهل)
|
شيخ العرب/عادل سهل السلام عليكم ورحمة الله وبركاته
Quote: الا ان اسباب الاغتراب تختلف وحالات النغتربين ايضا تختلف
وليست اى تجربة شخصية تصلح لتكون نموذجاً لكل المغتربين
فلكل فرد قصة مختلفة ادواتها مختلفة واعتقد اسباب نهايتها مختلفة |
Quote: لكن تبقى العودة هى الامنية لكل مغترب وبلادى ان جارت على عزيزة . . . قومى وان ضنوا على كرام |
وربنا يحقق أماني الجميع
| |
|
|
|
|
|
|
Re: 1و2و3 وتلقى روحك في بلدك ومستمتع بوجودك وسط أهلك (Re: محمد عيسي محمد)
|
محمد عيسي محمد الشكر لك على المشاركة وإثراء النقاش وتقبل الله دعواتك لنا وأثابك عنها جزيل الثواب
Quote: واتمني لك التوفيق والنجاح والفرح المتجدد حيثما كنت |
وكم هو جميل هذا الكلام في حضرة الوطن
Quote: لوطن كمعني لاشك يعيش في دواخلنا ونراة دوما يركض من فوقنا ومن تحتنا .. لاأنفكاك عنة مهما أمتدت نواصي البعد وتسربت أيامة .. وهو كأهل دفء وعز وأمل , وحدث دون حد في شانة كقيم ومثل وتراث وتنوع وتلاحق ومعاني جميلة كتيرة مستمدة منة تلتف حولنا وتقبع في دواخلنا |
وأتفق معك تماماً أخي محمد في ماسقته من مسببات هذه الهجرة القسرية
Quote: .الواقع ..الواقع..وكمية الألتزامات المتجددة علي رأس كل ساعة |
ولكن أحياناً يكون الواقع هو ذاته الدافع للعودة لحضن الوطن (كل الناس حاكماها ظروف) وفي انتظار عودتك القريبة لهذا البوست وعودتك سالماً غانماً لأرض الوطن بإذن الله آمييييييييييييين
| |
|
|
|
|
|
|
Re: 1و2و3 وتلقى روحك في بلدك ومستمتع بوجودك وسط أهلك (Re: أبوعبيدة محمد الأمين)
|
Quote: عزيزي المغترب ... متي تعود الي وطنك السودان |
اخى ابوعبيدة
انا عما قريب بينكم .. ابشرك بان القرار لم يخرج عن ما ذكرته هنا !!
اتمنى لكل متردد ان يمعن النظر هنا جيدا لما ذكرته اخى ابوعبيدة ..
لا بد من قرار و ان طال الزمن .. لكنه سيقصر متى ما بدأ التفكبر الجاد فى ذلك !
و اضيف .. من لم يضع العودة للديار هدف اساسى يجب بلوغه فى اقل زمن .. ضاع !!
سعدت جدا اخى ابو عبيدة بهذه الاخبار المشجعة .. منى لك امنية صادقة بالتوفيق .
كل الود
| |
|
|
|
|
|
|
Re: 1و2و3 وتلقى روحك في بلدك ومستمتع بوجودك وسط أهلك (Re: أبوعبيدة محمد الأمين)
|
يارب كل الناس ترجع سالمة وغانمة ووسط اهلها
أمرك عجيب يا مغترب
شايل حقايبك ماشي وين ؟؟؟
ما الغربة طالت يامسيكين
وانت في نص الدرب
والناس هناك ماشايلة هم
لاهم حكومة ولا لحم
سكت ليه يامغترب؟؟؟
حاول اْجب؟؟
الناس وراك دفنت اْلوف
وانت جالس تنتحب
الناس هناك هزمت
طوابير الصفوف
وازدادو نجمات في الكتوف
وانت جالس زي خروف
لا فيك لبن لافيك صوف
شعار جميل مكتوب حروف
زول مغترب
انت يا اْبوي مين اللي زيك
انت مازول مغترب
لا ليك اْرض
لا ليك راْي
لا خطة اسكان لا حزب
انت عندك حزب واحد
اسمه حوّل
اْخوك وراك راقد تعب
جاك اتصال من ناس منال
يا اْخوي حول وماتطول
جدي الخضر عضو الكلب
يا اْخوي حول
في الشهر مرتين
ود اللمين جاهو المقص
في الكليتين
خلآهو زي زول الكٍتب
يا اْخوي حول وما تطول
وجيب معاك طقم العشاء
ودهب الكضب
وانت جالس يامسيكين
الغربة طالت
وانت في نص الدرب
مرت سنين فوق السنين
لا اشتريت قطعة اْرض
ولا سقفت الغرفتين
والحالة طين
يا اْخوي صلي ركعتين
بعد الفرض
يا اْخوي حول جيب قروش
وخاتم الجنيه للسيدتين
اْم العريس واْم العروس
ولا تقول فلنفترض
اْضرب خماسيك في سداسيك
واْضرب الطول في العرض
الغربة طالت
والعيال كبرت وجالت
وانت حالك يامسيكين
والله تغني عن سوْالك
والفكر مشغول
وشايل هم عيالك وين بتقراْ
والغريب كل الحكومات
في البلد تنكر نضالك
وحتي العيال في الجامعات
يامسيكين
بدل الجنيه تدفع ريالك
ومهما تكتب اْو تقول
هذا اختيارك
لا ليك راْي ولا هناك
من يرد ليك اعتبارك
شد حيلك واشتغل
عشرين شغل خارج مجالك
شد حيلك والثغور راجاك كتيرة
ست البنات صارت مديرة
ولسه ما جاها العريس
والبيت ملان
ناس محاسن وناس سميرة
يابا ماتخليك معصلج
وانت ماتخليك عويرة
وما مهم ود اللعم
ومامهم من القبيلة
المهم اْبقي راجل
وما اْكون زولا خميلة
اْلم اْقل اْمرك عجيب يامغترب ؟؟
جيت شباب تلبس خفيف
حتي في عز البرد
بعد السنين الجلود اتكرمشت
واْصبحت ودعم القرد
وآخر المطاف السنين
صارت عجاف
شالوك مقفل في طرد
وآخر المطاف السنين
صارت عجاف
شالوك مقفل في طرد.
.................. من ايميلي
| |
|
|
|
|
|
|
Re: 1و2و3 وتلقى روحك في بلدك ومستمتع بوجودك وسط أهلك (Re: وليد عبد اللطيف)
|
صح إيميلك ياوليد عبداللطيف
فهذه حيثيات كاملة التحريض على العودة وأردد معك
Quote: يارب كل الناس ترجع سالمة وغانمة ووسط اهلها
|
وكم هو قاتل جرد الحساب هذا
Quote: جيت شباب تلبس خفيف
حتي في عز البرد
بعد السنين الجلود اتكرمشت
واْصبحت ودعم القرد
وآخر المطاف السنين
صارت عجاف
شالوك مقفل في طرد
وآخر المطاف السنين
صارت عجاف
شالوك مقفل في طرد.
|
| |
|
|
|
|
|
|
Re: 1و2و3 وتلقى روحك في بلدك ومستمتع بوجودك وسط أهلك (Re: أبوعبيدة محمد الأمين)
|
ابوعبيدة احيانا بتحصل اشياء في حياتك ومابتكون بيدك وانا اقرب مثال للان لم اصدق اني خرجت من السودان ياخي كنا اذا قطعنا الكبري الى امدرمان او الخرطوم مشكلة وكان احساسنا زي السمك لانستطيع ان نعيش خارج منطقة بحري يعني الواحد مصيروا اصبح مكان رزقة المكتوب له وخرجنا من بلدنا بطوعنا وتركنا مستقبل طويل وعريض ولكن الحمد لله على كل شيء وربنا يجمع شمل الناس مره اخرى مع اهلها
| |
|
|
|
|
|
|
Re: 1و2و3 وتلقى روحك في بلدك ومستمتع بوجودك وسط أهلك (Re: وليد عبد اللطيف)
|
ابوعبيدة يظهر صديقي من دبي برضو عامل ثورة مثلك وبرضو دي من ايميلي
Quote:
في أحوال المغتربين السودانيين
إذا كنت راكب برادو ولافي عمة كبيرة وشايل جوال غالي الثمن وتتجدع في شوارع واستراحات الخرطوم وحسابك مافيه 100 الف ريال فأنت سوداني ظاهرك غنيا وباطنك غرقان في التقسيط إلى أذنيك ,وحقو الناس تعمل حسابهم منك, .
إذا كنت زول شاطر في مهنتك ومعاك مؤهلات حلوة وما لاقي شغل كويس رغم مرور عشرة سنوات على اغترابك ، معناها أنت سوداني ينطبق عليك احد أمرين ( أما انك شين ومبشتن وشكلك ما سياحي ) ومافي زول هضمك أصلا عشان ينظر لشهادتك أو أنك مسكين وعبيط وما بتعرف تقدم نفسك في عالم الـ mult nationality وفي الحالتين بنصحك بالعودة فورا إلى بلدك يمكن تلقى ناس تفهمك وتقدرك .
إذا كان عمرك عدى الأربعين سنة وراتبك لا زال بين 3.000 إلى 5000 ريال فأنت إذن سوداني مفلس وغرقان في الديون وبوضعك ده حا تغرق زيادة ومش حا تقدر تعمل حاجة في سودانك الغالي البقوا ناسوا يتكلموا بالمليارات ده ، وبالتالي لا اتوقع أن تتمكن من العودة إلى بلدك مدى الحياة وستموت وأنت على هذه الحالة. " الله يعينك "
إذا كنت قاعد عزابي وعائلتك ليست معك تأتيك فرادى وجماعات في أكثر من مرة في العام الواحد وكل ما يجي واحد من عائلتك بجي معاه قائمة طلبات أهمها تغيير الجوال وشراء لاب توب بدل السرقوه منو في الداخلية فأنت سوداني متوفر منه عدد كثير من النسخ ومغلوب على أمره وينتمي إلى شريحة متنامية وفي ازدياد مضطرد وكل يوم يتم اكتشاف ( مودلز ) جديدة منه.
إذا كان عمرك بلغ الستين أو أوشك وبناتك أتزوجوا وأولادك أتخرجوا من الجامعات ولا زلت قاعد في الغربة ، معناها أنت سوداني يائس من تحسن الوضع في السودان وغير قادر على التأقلم معه والعيش فيه بنمطه الحالي والغربة جرت في دمك بسرعة 360 كيلو متر في الساعة وأنخفضت الى 40 فقط تجاه وطنك وتفضل قضاء بقية عمرك متغرباً عن وطنك ومتقربا لله في المساجد الفخمة مستفيدا من سهولة وتوفر أجواء العبادة والعمل للآخرة، وغالبا ما تكون ليس من ذوو الطموحات المادية ومكتفي بان تعيش مستور الحال إلى أن تلاقي ربك .
إذا كنت مغترب من أوائل الثمانيات وكنت شغال في الحكومة وحضرت فترة الطفرة الخليجية وانتقلت الآن للقطاع الخاص بعد سعودة وظيفتك التي قضيت بها ما يقرب من ثلاثون عاما واشتغلت في شغل اقل من شغلك الأسبق بكثير وراكب عربية هكرة فأنت سوداني جسور وصبور ونبيل بس تخطيطك الاقتصادي تعبان شوية لأنك مفروض تكون راقد في الضل بعد هذه الرحلة الطويلة ولكن ربما تكون عند الله أفضل من الكثيرين .
إذا كنت ليك سبعة سنوات ما نزلت إجازة رغم مناشدات اهلك لك للحضور حتى لو أيد وراء وايد قدام على الاقل لمقابلة والدتك المريضة وزوجتك "حامياك " تمشي لوحدك بحجة خوفها من أن تتزوج عليها والميزانية غير كافية لسفر جميع أفراد أسرتك ، وسرقك الزمن حتى جاءك خبر وفاة والدتك ونفس الظروف منعتك من السفر للبكاء فأنت سوداني ميؤس من حالتك وعليك تغيير أسلوب حياتك عشان ما تجلي من الدنيا والآخرة معا .
إذا كنت محمول ومليان أطفال إلى أضنيك ومزنوق على مدار العام ورغم ذلك كل يوم تهدد زوجتك بأنك إذا الله أداك رزق حا تعرس فوقها رغم تحملها لفقرك وضنك الحياة معك فتأكد من انك شخص جاهل وأناني ولن يفتحها الله في وشك مدى الحياة بسبب ظلمك لهذه المسكينة العايشة معاك على الحلوة والمرة ومتحملة ( ؟؟؟ ) .
إذا كنت كل إجازة بتنزل مع نسابتك وتقضي معهم معظم إجازتك وتزور اهلك في البلد لمدة يومين بس وتشيل هدايا لنسابتك أغلى وأكثر من التي تحملها لأهلك وكل سنة أو سنتين بتعمل زيارة لي نسيبتك ولم تعمل زيارة لامك سوى مرة واحدة فقط فأنت إنسان مهروش ومغلوب على أمرك ورافع الراية ومصيرك سيكون صعب بعد أن تعجّز وتنزل المعاش ويروح بريق الشباب والقروش وتترمي رمية الـ ( ؟؟؟؟ ) .
إذا كنت من النوع البغير شرائح جواله كثير وله عدة أرقام معظمها لا يمكن الوصول إليه حاليا فأنت أما انك شخص مديون من عدة جهات وغير جاد في التسديد ولا تملك القوة والصراحة والمصداقية والجدية مع الدائنين وتتهرب منهم بعدم الرد وتغيير الأرقام ، أو انك شخص تنتمى لعائلة ممتدة مطلبية وفاكرنك شغال نائب رئيس الدولة المغترب فيها وشغالين طلبات لو ضاعفوا راتبك عشرة مرات ما بتقدر تكفيها وأنت غارق في الحلم وما قادر تكشف وضعك الحقيقي وتعترف لهم بأنك موظف بسيط ودخلك مش مكفي عيالك بدلا عن الزوقان والتهرب وفي الحالتين تبديل الشرائح ما بحلك.
إذا كنت من النوع الببدأ مع المدام في شراء الهدايا لإجازة الصيف منذ فبراير وتبدأ الرحلات المكوكية اليومية لكافة الأسواق ومقاسات وتطقيم وعطلة لأجل الأولاد وأخوالهم فقط فأنت سوداني كلاسيكي وما عندك شغلة ومرتك كلاسيكية اكترمنك حيث عفا الدهر عن مثل هذه الأمور وانك لم ترتدع من العبارات الجارحة التي تسمعها كل اجازة مثل ( الدلاقين دي هنا زاتها بقت رخيصة ) بتتعبوا تجيبوها كل سنة لينا لي شنو ؟؟؟.
إذا كنت خاتي كل حصاد غربتك في بيت متواضع في الشجرة أو الدروشاب أو أي حي شعبي بالعاصمة ومخليه لاختك تسكن فيه بدون ايجار كمساعدة لها وعندما ذهبت في اجازة مرافقا لابنتك المقبولة في الجامعة كي تسكنها في بيتك مع اختك تفاجأت بأن اختك اجرت البيت لصالحها ورجعت سكنت في البلد بدون اذنك والمؤجرة طردتك من بيتك ومشيت سكّنت بنتك في داخلية غالية التكلفة وما قدرت تسأل أختك من تصرفها فأنت سوداني ويا حليلك كمان الله يكون في عونك ,
اذا كنت ؟؟؟؟ ... . |
اها يا ابوعبيدة دا ماكلام يخوف
| |
|
|
|
|
|
|
|