نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 أسرة بورداب الخرطوم تشارك الجميع ( بوست توثيقي )
|
منذ ظهور سودانيزاونلاين وعلى مر الاجيال ..
تكون جسم بورداب الخرطوم على اختلاف النوع والعادات والتقاليد والاعراف
وتدور الدور ويتغير الاعضاء واحدين يسافروا وواحدين يجوا ..
ومنذ عهد عبير خيري والمهندس كانت اللمات في الافراح والاتراح ..
وجاء عهد انعام حيمورة ومن معها وكانت كذلك اللمات في الافراح والاتراح ..
وجاء عهد العوض المسلمي ومن معه .. كذلك كانت اللمات في الافراح والاتراح ..
ومازالت العهود تتوالي ونبشر بعهد شول اشوانق دينق ومن معه ..
يجمعنا التصافي والمحبة والاخوة ..
ونتحد في كل الاحوال مع بعضنا البعض وان اختلفنا ..
وننسق مع بعضنا البعض اسرة واحدة ..
عندما تكون هناك مناسبة عادة ما تتم الدعوة عن طريق بوست ولكن غالبا ما تكون هنالك اتصالات تعقب هذا البوست ..
الاتصال الاول للدعوة ..
والتاني للتنسيق للذهاب ..
والثالت .. اها انتو وين نحن وصلنا ..
وتجمعنا مائدة كبرى نلتف حولها ..
وإذا تأخر واحد منا تجد الاتصالات تكثر عليه .. انت وين ومالك لحدي هسة ما جيت ..
دوما .. قاعدين نشوف الفرحة في عيون الناس القاعدين نشاركهم ..
وقاعدين نعتبر نفسنا (أهل) وقاعدين يستقبلونا كأهل برضو ..
أسرة بورداب الخرطوم الله يديكم العافية ويديكم قدر نيتكم ..
فانتم فعلا أهل .. وتشرفوا وتسدوا عين الشمس ..
--
بوست توثيقي
|
|
 
|
|
|
|
|
|
|
|
Re: أسرة بورداب الخرطوم تشارك الجميع ( بوست توثيقي ) (Re: اساسي)
|
Quote: لابد من الاشارة للرعيل الاول من بورداب الخرطوم
دريمز و فتحي البحيري وملكة سبأ و حبيب الكل وبامسيكا والكثيرون
ذاك زمان جميل سلوا عنه ( ابو ساندرا)
كانوا يستقبلوا البورداب ويقيمون الاحتفالات ويشاركون الافراح والاتراح |
التحية للرعيل الاول .. وهم النواة ؟ ولا كان في زول قبلهم ؟
بعرف منهم ملكة سبأ طبعا وبامسيكا ..
شكرا اساسي ..
| |
|
|
|
|
|
|
|
|
 Re: أسرة بورداب الخرطوم تشارك الجميع ( بوست توثيقي ) (Re: منال)
|
منال ..
عتاب خفيف ..
طبعا اي زول حر في تصرفاته .. وحر فيما يفعل .. وفيما يختار
بس انتي قلتي (وش حزين)
ليه حزين وكل الناس دي قبل كدة لاقيتها في الرحلة وما حبيتي تتعرفي عليهم وكذلك امس برضو كلهم كانوا
موجودين لاحظت انك تجاهلتي سلام البقية ..
يبقى مافي داعي للوش الحزين
والا ..
بورداب الخرطوم وان تعرفتي عليهم ناس جميلين جدا ..
اخوان حارة وباردة
ودائما بتلقيهم والناس بالناس ..
لو حبيتي تكوني واحدة من هذه الاسرة حبابك الف بل مليون ..
والقادمات ارحب ..
| |
|
|
|
|
|
|
|
|
 Re: أسرة بورداب الخرطوم تشارك الجميع ( بوست توثيقي ) (Re: انعام حيمورة)
|
يا انعام التجاهل ما طبعى
لكن صدقينى كل الناس القابلتهم فى الرحله
مابتزكر ولا بعرف الا عدد قليل
ويشهد الله امبارح غيرك انتى وعبدالوهاب وناديه ماعرفت زول
يعنى ما ممكن اقعد اسلم على الناس من طرف
وانا بطبعى خجولة جدا
بس كمان انا بعتب عليك مدام معاكم ناس من الاونلاين كان مفروض
تعرفينى بيهم وتقولى لى تعالى يامنال ده فلان وده فلان
ولا ماكده يا انعام
تآكدى انو التجاهل ماطبعى
لانى ورغم خجلى اجتماعية واحب الاصدقاء
تسلمى ياحبيبه
| |
|
|
|
|
|
|
|
|
 Re: أسرة بورداب الخرطوم تشارك الجميع ( بوست توثيقي ) (Re: منال)
|
| Quote: لانى ورغم خجلى اجتماعية |
يا زولة قولي كلام غير دا .. اجتماعية شنو؟؟ ياخ الرحلة ليك فيها قرابة الـ 6 ساعات ما اظن قدرتي تعرفي ليك فيها زول غيري انا وانا ياني جريت كرسيي وقلت البت جديدة النتونس معاها لكن لما لقيتك ما مقسمة معاي قمت خليتك صاااح ههههههههه (بهظر والله)
أمس :
انا قاعدة في تربيزة لو وقفتي ساي قلتي السلام عليكم كان براهم وقفوا سلموا عليك ..
ياخ انا امبارح د. إمام شدة ما عرفتوا على كل الناس لما قرب يقول لي زي (ازهري) انتي كل الناس دي حفظتيهم كيف ؟؟
يازولة المرة الجاية تبطلي (خجل) وتسأليني دا منو ودا منو.. هههههههههههه
| |
|
|
|
|
|
|
|
|
 Re: أسرة بورداب الخرطوم تشارك الجميع ( بوست توثيقي ) (Re: انعام حيمورة)
|
انعام حبيبة الكل:
مع التحاقي مؤخرا بكيان بورداب الخرطوم,
أذكر مشاركتي قدوم الاميره جوان للزميل مزمل خيري والبوردابيه لاحقا وجدان جمال,
ثم زواج رانيا قاسم المشهوره بدعمها القوي لأطفال المايقوما,
وأخيرا زواج داليا وتمبس ..
يمكن دي أبرز المشاركات اللي فيها شعرت ببورداب الخرطوم ككيان أسري حميم ..
تحيات كتار ليك يا ست الناس,
وللأخ الكريم العوض المسلمي,
وكل التوفيق للريس شول مع كامل الثقه في جمعه للكيان بمحبته المعهوده وقلبه النظيف ..
| |
|
|
|
|
|
|
|
|
|
Re: أسرة بورداب الخرطوم تشارك الجميع ( بوست توثيقي ) (Re: سمرية)
|
| Quote: بوست بذكرك بقوة الترابط بين كل هؤلاء الحلوين .. |
السمحة وسمرية
الف الف حمد لله على السلامة وانا سعيدة بيك جدا وبي حضورك ..
لانك زولة ما ساهلة في بورداب الخرطوم ومحرك فعُال ..
وباذن الله سنحقق (المتفق عليه) وشيلي البوست انتي وانا على التنفيذ ..
Quote: مشاركتي في زواج اخواني واخواتي ...
ولن انسى مشاركة بورداب الخرطوم .. في فرحتهم بزواجي |
..
أيوة وفعلا كان احساس الاسرة الواحدة بعدين لما امشي البيت بنزل صور من زواج اخواتك ..
ويلا ساعديني باللنك حق زواجكم عشان ما حافظة التاريخ (هههه)
وعودا حميدا ..
| |
|
|
|
|
|
|
|
|
|
Re: أسرة بورداب الخرطوم تشارك الجميع ( بوست توثيقي ) (Re: ابو يسرا)
|
Quote: ابو يسرا مع الرعيل الاول
**
ناجي الملك مواكب كل مجموعة وهو القاسم المشترك |
أبو يسرا ايوة اتلاقينا في فطور بوداب الخرطوم الرمضاني في حدائق الهلتون
وانت متخفي مالك ..
خلاص أدعوا اللجنة الجديدة لتنظيم لقاء جامع كل بورداب الخرطوم باختيار الوقت والمكان المناسبين
تحياتي والتحية لناجي الملك واتمنى مع مشاغله ان لا يفتر او يتعب او يكل او يمل من أسرة بورداب الخرطوم ..
| |
|
|
|
|
|
|
|
|
|
Re: أسرة بورداب الخرطوم تشارك الجميع ( بوست توثيقي ) (Re: انعام حيمورة)
|
نعومه ياهندسه 
كيف اخبارك؟
المهم في الامر سودانيز اونلاين جمعتنا بناس يشاركوك في كل كبيره وصغيره
مع انو ما حصلت لي مناسبه لسه 
............................................................................................
انتو أخوان فى الإنسانية
قعدت معاهم .. وإتفاكرنا
كم لفـّينا .. وكم ساهرنا
وكم مازحنا ليالى الصيف
وكم غنينا لى الحرية
وكم دارينا الحزن الأكبر
بين الصيف .. وجمال المنظر
كنتِ بتطلعى من عينيهم
وكتين يفرحوا .. أو يندهشوا
أو يفترشوا سواعد بعض
أو يتكلموا عن الأرض ..
وسلام العالم..
وكنت غريب الوجهِ .. معذب
ما أحلاهم ..
شالوا معاى الهم بى الجملة
| |
|
|
|
|
|
|
|
|
|
Re: أسرة بورداب الخرطوم تشارك الجميع ( بوست توثيقي ) (Re: مزمل خيرى)
|
نعومة يا زينة العرايس كل عام وانت الحب
قلتي جاء زمن العوض المسلمي ( ياحليلنا نحن زمنا فات)
ولاشنو!؟ زمن انعام حيمورة وبت عبدالحفيظ وحاج/ السموأل
واشراقة حيمورة الصايمة القايمة ست البنات لي حدهن
وحبيبة الكل منى خوجلي ونور الهادي عوض وهاشم خلف الله وناجي والملك
وكل بقية العقد الفريد في قندهار وكمان ناس حديقة المطار
الباش / بكري أبوبكر والريس أبوجهينة وعبدالله عقيد والدكتور عمر ودمحجوب
وأميرة الشيخ ... والله ياانعام اليوم داك عرفتوني على ناس سأظل أذكركم جميعًا ماحييت
التحية والتقدير لبورداب الخرطوم وإلى الأمام.
| |
|
|
|
|
|
|
|
|
|
Re: أسرة بورداب الخرطوم تشارك الجميع ( بوست توثيقي ) (Re: ismeil abbas)
|
ألأخ/أنور التكينة..لك التحية وانت تنور لنا المنبر بصور أخوان او اخوات نعزهم وجزء نتعرف عليهم عبر هذا الملتقى...
| Quote: نادية تتوسط منال خوجلي (بتوب) ومنى خوجلي والاخيرة هي الاستاذة ناهد بشير الطيب من بورداب جدة وبقت بورداب الخرطوم مؤخرا .. |
ربنا يحفظهم جميعآ...يا إنعام ويحفظك ويسعدكم يارب...
واصلوا لينا فى صور زواج عزة بت سلمى..كثير من البورداب كانو حضور..لآن الزولة دى ما هينة...
تقديرى وأحترامى....إسماعيل محمد احمد عباس...
| |
|
|
|
|
|
|
|
|
|
Re: أسرة بورداب الخرطوم تشارك الجميع ( بوست توثيقي ) (Re: saif massad ali)
|
ازيكم يا بورداب الخرطوم
بالرغم من اني جديدة على المنبر
وما حصل لي الشرف اني اتعرف معرفه
شخصيه بيكم لكن والحق يقال انتو
تفرحوا وتشرحوا القلب وفخر للمنبر
لما اشوفكوم باشعر انكم اسرة واحدة وقلب واحد زي لما
يتلمو الاهل في الحوش الكبير عند بيت الجد والحبوبه
ما بتفرزي دي بت منو ولا داك اخو منو من المحنه
في كل مناسبه الناس ملمومين اهل واصحاب المناسبه هم
لما شفتا صور خطوبتك لاحظتا كيف الناس ديل فرحانين بيكي ومعاكي
فرحة ناديه عثمان منى خوجلي بيك وناس اسيا زي الهم العرايس
بنات عم وخال اولاد اهل كلكم حبايب ما بيناتكم عايب
محنتكم ولمتكم كلها انسانيه ربنا ما قطع ليكم عادة
ودايما ملمومين في الخير وتامين ولامين زايدين ما ناقصين
وياريت لو جيت السودان التقي بيكم واتشرف بيكم
تحياتي ليك يا عروس
| |
|
|
|
|
|
|
|
|
 واسفاي واذلي واندمي لو ما كنت من بورداب الخرطوم وما كانوا اهلي ,, (Re: مريم عبد الله)
|
بوست يا انعام يخلي الزول يقطع سفريته ويرجع لاهله ,, ليس اهله ناس بيتهم وانما اهله الذين
هم اقرب اليه من الجميع ناس سودانيز اون لاين ,, الذين ما شعرت باني غريب عنهم لحظة واحدة ,,
سادخل هذا البوست لرفده بكيف كنا ولا زلنا اخوة ,,
وخاسر من ابعد نفسه عن هذا المجتمع بورداب الخرطوم ..وخاسر من ظن انه يستطيع ان يفرح ببعد احب
الناس عنه ,, وما احب الناس الا انتم اختي انعام وكوكبة بورداب الخرطوم الذين اباهي بهم الشمس
اشراقا والقمر ضياء والحب طريقا اخضرا لهم ,,,
واسفاي واذلي واندمي لو ما كنت من بورداب الخرطوم وما كانوا اهلي ,,
| |
|
|
|
|
|
|
|
|
|
Re: واسفاي واذلي واندمي لو ما كنت من بورداب الخرطوم وما كانوا اهلي ,, (Re: العوض المسلمي)
|
إنعام حيموره
تحياتى
العنوان أعلاه والذى يحمله هذا البوست توقفت عنده كثيرا وتساءلت مرات عديده عن أشياء وأشياء ولكن أحببت أن أحتفظ بها لنفسى .. عموما يابورداب الخرطوم عليكم سلام وألف سلام .. وتحية وألف تحية .. متمنيا أن أرى كل الوجوه السمحه وهى تبحر فى بحور الشوق واللمه والترحاب قولوا آمييين ..
وهانذا وبعد أيام سوف أغادر الخرطوم وأنا أحمل فى دواخلى كل ماهو طيب عن بورداب الخرطوم الذين حملونا فى حدقات العيون لهم الشكر والتقدير والاحترام .. وإنشاء الله يا السمحين نتقابل فى السمح والزين ايضا قولوا آمييين .
والتحية عبر هذا المنبر للاخت الاستاذه ناهد بشير الطيب والتى غادرت الاراضى المقدسة دون ضوضاء ليستقر بها المقام فى سودان العز .. لكم جميعا تحياتى وتشكراتى ماحييت فى هذه الحياة ..
تاج السر / الخرطوم
0912352480
| |
|
|
|
|
|
|
|
|
|
Re: واسفاي واذلي واندمي لو ما كنت من بورداب الخرطوم وما كانوا اهلي ,, (Re: انعام حيمورة)
|
>>>> اول مرة احضر مناسبة لبورداب الخرطوم وقد غمرنى احساس انى قابلتهم فى مكان ما فى زمان ما .............مبرو ك للعروسة ولام العروسة سلمى التى فرحت غاية الفرح وعبرت غاية التعبير ....... والشكر لكل من قابلتهم وخاصة انعام حيمورة (وهى التى كانت دليلى )هذه الشخصية المميزة الصادقة وكفى ....
ونادية وبيناوى وناهد ووهبة ومنال وامل (خوجلى ) وخضر وتكينة ووليد ..... وكل من تعرفت عليهم ولم اذكرهم وسيظهروا فى الصور التى التقطتها فالى الصور تحكى ..........
| |
|
|
|
|
|
|
| |
انعام حيمورة
اساسي
سمرية
الرفاعي عبدالعاطي حجر
انور التكينة
عمران حسن صالح
على محمد على بشير
ناهد علي
ابو يسرا
معاوية عوض الكريم
مزمل خيرى
ismeil abbas
saif massad ali
ابو جهينة
خالد عبد الله محمود
مريم عبد الله
العوض المسلمي
تاج السر محمد حامد
SHIBKA
إبراهيم عبد الحليم
د.امام الصديق عبد المعطى
معتصم محمد صالح
محمد عبد الماجد الصايم
عفاف الصادق بابكر
معتصم الطاهر
عمر صديق
فيس بوك
تويتر
انستقرام
يوتيوب
بنتيريست