|
|
 سجيمان رغم أحزانه .. عطر أجواء الرياض
|
جاء د. عادل ( سجيمان ) للرياض يحمل أحزانه للتعزية في الفقيد الخاتم.
حسبناه سيغادر بعد إنتهاء مراسم التأبين.
و لكن نفسه أبت إلا أن تقابل كوكبة بورداب الرياض.
فكان اللقاء ليلة أمس السبت بدار الصالحية.
هرع كل بورداب الرياض رغم أن الأسبوع في أوله منذ الساعة الثامنة مساءاً.
تحلق الجميع حوله ..
صديق الموج كعادته يخلط المعلومة النافعة بالجملة الساخرة العارية من كل مجاملة.
قام ود الموج بكلمة ترحيب و تعريف بسيطة بالدكتور عادل.
ثم أفسح المجال للدكتور عادل الذي تحدث عن سيرته الذاتية و علاقاته بالبورداب و البوردابيات. و لم ينس أن يذكر بالخير ندى القلعة و سميرة دنيا و نسرين .. و أصر على موقفه من هيفاء عادل.
من الطرائف أن صديق الموج ذكر بأن سي جي إتجه إلى المساق العلمي و لكنهم راهنوا على عودته إليهم في القسم الأدبي و لكنه خذلهم و واصل دراسته العلمية لكلية الطب البيطري.
فاضت الذكريات بدكتور عادل و ود الموج عن أيام الدراسة في مدرسة محمد حسين الثانوية و عن أمدرمان و حاراتها و عن الجمعيات المدرسية و أيام الكديت و الإضرابات.
بالطبع و كالعادة كان لصديق الموج دوره المميز في تنظيم اللقاء و إضفاء روح المرح و الدعابة.
بعدها قام البورداب بمناقشة د. عادل في عدة مواضيع تخص المنابر و مواضيعه التي يكتبها.
حكاية الحصاحيصا التي ( يتشعبط فيها حمزاوي دائما و أفرد لها سجيمان بوستا ) قام سجيمان بشرح قصتها و هي حكاية يعرفها الكثيرين أيام نميري.
سجيمان الكاتب .. هو سجيمان المتحدث ..
و إمتدت الونسة إلى الساعة الثانية صباحا بعد منتصف الليل.
ودعنا سجيمان بعد أن رأيناه ( صورة و صوت ) و عرفناه عن قرب.
الشكر لرابطة الصالحية دون تحديد.
و نخص بالشكر صديق الموج و ود قاسم .
و نترك للبورداب التعليق.
|
|
 
|
|
|
|
|
|
|
 Re: سجيمان رغم أحزانه .. عطر أجواء الرياض (Re: ابو جهينة)
|
أبو جهينة..
التحايا...
نسأل الله للفقيد الرحمة والمغفرة...
| Quote: جاء د. عادل ( سجيمان ) للرياض يحمل أحزانه للتعزية في الفقيد الخاتم. |
صدفة...
وأجمل صدفه أنا يوم لاقيتو...
وسط زحام شارع العليا العام...
منطقة وسط الرياض..
عند الأسواق الإلكترونية...
وأنا خارج من عند المهندس معتصم دفع الله...
وبين مختلف جنسيات العالم...
الناس طالعة ونازلة...
ووسط هذه الزحمة.. أمد يدي إلى شخص واقف متكئ على سيارة فارههة... موديل...
وأنا أسأله وأقول ليهو... دكتور عادل...
ويرد هو ويقول لي... عبدالرازق الطالب..
رد دكتور سجيمان..
وقال لي.. معتصم دفع الله.. كلمك..
أنا نكرت..
وهو ما صدق...
والفيصل بينا معتصم دفع الله..
تخريمة:
آهها يا دكتور.. إن شاء الله الناس ديل ما قصروا...
حرمني من لقاء الصالحية..
بعض المشاغل...
برغم مروري أكثر من خمسة مرات بشارع البطحاء.. عبور من وإلى... أمخر دار مدني...
ولكن جبرتني الظروف...
منها ما هو متعلق بسفر أحد الأصدقاء إلى السودان...
والسبب الثاني... صحي...
صداع عنيف...
لكن الجايات أكتر من الرايحات..
| |
|
|
|
|
|
|
|
|
|
Re: سجيمان رغم أحزانه .. عطر أجواء الرياض (Re: ابو جهينة)
|
الريس أبو جهينة ( بعد التشكيل الحكومي الجديد)
Quote: قام ود الموج بكلمة ترحيب و تعريف بسيطة بالدكتور عادل.
ثم أفسح المجال للدكتور عادل |
يعمينا ويطرشنا ...................
الله إلا إذا إنت قاصد ثم تفسح صديق الموج 
والله ووالله ووالله الما بوردابي من الرياض كل حياتو ضايعة مش نصها ....
بالله عليكم إتخيلوا معاي جلسة يكون فيها صديق الموج وحمزاوي وسجيمان ممكن تقدر تناقش فيها موضوع جادي ؟؟؟؟
ضحكنا وضحكنا وضحكنا لمن الضحك زاااااااتو إحتار فينا ..
أجمل حاجة إنو سجيمان طلع ود حلتي وجااااااااااااارنا هييييييييتة بي هييييييتة بس سي جي حريف وزاغ مني بعد الحفلة عشان ما أكشف تفاصيلو وأعرفو كان مجكس منو من بنات الحلة وكان بيرسل منو من الشفع عشان يودي الجوابات ..
والأكثر جمالاً تصدينا للهجوم الشرس من الخال ود قاسم عن مدينتنا الخالدة والرائعة أم درمان بقيادة المايسترو تمبس والغيور ود الموج وتحت تحت كده المرهف نصار ....
كالعادة بنا دوماً وشحنا الجلسة بالصوت الدافئ مرزوق وكانت جلسة إستماع بالعود..
والمفاجأة بالنسبة لي كانت الصوت الطروب محمد الشيخ البوردابي الذي إن أغمضت عينك لأعتقدت أنك تستمع للراحل مصطفي سيد أحمد ..
الأروع هم رواد الصالحية الذين شاركونا الفرحة ووقفوا علي راحتنا فوفروا لنا المكان وجهزوا لنا العشاء ووضعونا علي كفوف الراحة لهم منا عاطر التحايا ..
صديق البورداب مصعب عثمان (ود البلال) وكالعهد به كان حضوراً ومشاركاً لكن النعاس غلبه فتسلل هارباً خوفاً من لعنات الكفيل كما يبدو
الشمار كتييييييييييير وإنشاء الله بنحتوا كلو ..
فوق البوست ده أنا دايماً بجي ..
الشمار كتير انا دايماً بجي ..
| |
|
|
|
|
|
|
|
|
|
Re: سجيمان رغم أحزانه .. عطر أجواء الرياض (Re: زول ساكت)
|
شكرا لللاخ/صديق الموج الذي رتب لهذه الجلسة الطيبة وأتاح لنا التعرف ببقية بورداب الرياض وعلي رأسهم المحتفي به الكاتب الساخر د0 عادل سجيمان ويبدو أن صديق الموج عمل له (صيانة وعمرة ) وأدلل عل ذلك حضورهم المتأخر لقاعة الاحتفال كعادة العرسان 0 حتي يبدو وسيم وقد كان كذلك حتي لايستنكر البورداب تعلق الحسان به 0
كانت أمسية رائعة تخللتها الضحكات والقفشات مما أزال الكثير من هم وكدر الغربة كما تم تنصيب الاخ/ أبوجهينة وأنا سعيد بمعرفته رئيسا لبورداب الرياض(بالاجماع السكوتي ) 0 كما تصدر ود الموج رئاسة المنصة بديلا للخال ودقاسم 0
| |
|
|
|
|
|
|
|
|
|
Re: سجيمان رغم أحزانه .. عطر أجواء الرياض (Re: ابو جهينة)
|
رغم الحزن على راحلنا المقيم المناضل الخاتم عدلان
ولكن الجلسة كانت ممتعة وحلوة ولذيذة
احلي مافي الجلسة جلوس سجيمان في الكرسي الساخن
عقلك ما يروح بعيد . . الكرسي الساخن لمن حاصرناه بالاسئلة المباشرة
الاخوة تمبس ومعتصم وحنين ومحمد الشيخ كانت اسئلتهم في الصميم وطلبوا اجابات صريحة
وكعادته سجيمان اقنعهم ووضع النقاط فوق الحروف
اخوي زول ساكت
والله ليك الحق تزعل
مشتاقين
اخوي عمر الفاروق
كتبت :
والله ووالله ووالله الما بوردابي من الرياض كل حياتو ضايعة مش نصها ....
يا الظلامين ايه حكايتكم معانا
أيه موضة الحلفان (اليمين الغليظ) الماشة فيكم اليومين دول
شيخ البلد يحلف بالتلاتة
وانت تحلف لينا هنا ( مع انك يا اخوي صادق في حليفتك )
وصديق الموج يحلف انه كان ولد شاطر في المدرسة
انتوا ما سمعتوا
ولا تطع كل حلاف مهين
| |
|
|
|
|
|
|
|
|
|
Re: سجيمان رغم أحزانه .. عطر أجواء الرياض (Re: ابو جهينة)
|
سجيمان ، قطع أكثر من ألف كيلومتر للمشاركة في عزاء فقيد الجميع ، الخاتم عدلان ، وبورداب الرياض - اذا استثنينا منهم - اثنين بس ، رائعين ،، والمستثنيين عارفين نفسهم ،،،
معتصم ووليد 399 ، وتمبس ، وأحمد حنين ، وعمر ود الباوقة ، وحمزاوي ، وأبوجهينة وصديق الموج ، ومصدّق ، واسماعيل وراق ، والصادق خليفة ، ونصار الحاج ، ووليدطه، ومحمد الحسن ، وعمر الفاروق ، وأنا ، وضيوفهم كلهم كنوا رائعين ،،،
وليد شريف اعتذر لظرف طارئ ،
زول ساكت اتلومنا معاهو .
ومزيدا من التواصل ...
| |
|
|
|
|
|
|
|
|
|
Re: سجيمان رغم أحزانه .. عطر أجواء الرياض (Re: ودقاسم)
|
بهذا أعلن أنا عمران حسن صالح (بوردابي من الرياض ) وبكامل قواي العقلية بأنني أنتمي لهذ الكيان الذي (كان) يحسبني واحداً منهم وبقدرة قادر لم يتصل عليا أحد ويعلمني بزيارة الزميل / د. عادل إلي الرياض وأقر وأعترف بأنني مشغول جداً في الفترة الأخيرة لا أكتب شيئاَ ( بل ولا أقرأ أيضاَ)إلا أن جوالي العزيز 0506408622 يعمل بكفاءة جيدة في الإستقبال والإرسال (رغم أنه أشبه بحشرتين حشرة) ولكن يطرشني ما حدث من برنامج لدكتور عادل رغم حبي للناس ولهذه التجمعات التي أجدد بها شراييني ......................... ووالله متضايق جداً ويمكن لما حدث سبب فهلا أعلمتمونا به ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: سجيمان رغم أحزانه .. عطر أجواء الرياض (Re: عمران حسن صالح)
|
شكرا ابا جهينة
شكرا بروداب الرياض
شكرا صديقي صديق الموج......طويل البال.... ... الاكان بتكلم نيابة عني....وفوتني الطيارة....
وما زلت اتطمش بالنسيم....واتلفت عشان اقطع شارع الزلط....
بروداب الرياض... ناس حلوين... طيبين.... قليلي الحكنشة وان بدت على بعضهم... اثارها
توقعو بوست..." لبهو..... ناس الفريق شن ضبحو؟".....عن خواطري لزيارة الرياض
| |
|
|
|
|
|
|
|
|
|
Re: سجيمان رغم أحزانه .. عطر أجواء الرياض (Re: سجيمان)
|
كعادة بورداب الرياض في كل لقاء تزداد حميميتهم لبعضهم وتمضي ساعات اللقاء كأنها ثوان
وهذا ما حدث مساء الامس .. القعدة كانت في حضرة من ( نهوى ) .. سجيمان يا من اجتمع حوله الاخوان ومضى الوقت وكدنا ان نروح في خبر كان .. لان موعد قيامنا مع الاذان .. الله يجازي المدارس ... كان لا هس نكون قاعدين مع خفيف الظل سجيمان .. لكن باذن الله يتكرر اللقاء به قريبا ان شاء الله ...
شكرا الاخوان الاعزاء الخال ود قاسم وخفيف الظل صديق ود الموج والشكر لكافة الاخوة الحضور ....
ود الباوقة
| |
|
|
|
|
|
|
|
|
 Re: سجيمان رغم أحزانه .. عطر أجواء الرياض (Re: ابو جهينة)
|
فعلا يا اخوان
اضاء سجيمان الرياض
وغمرنا بجو اخوي صادق
وقفشات جميلة
حتي اقسم عمر الفاروق الظلامي الرائع ود امدرمان
اما بخصوص تصريحات هذا السجيمان الأخيرة
فقد كانت من عيار الوزن الثقيل
وقد حاصره الجميع بمحبة
وحاوروه بود واحترام ،، تتخللها احيانا بعض المناوشات
والمناقرات الظريفة ،،
وصرح وابدع عن الكثير ،،
التربية والنشأة
التعليم والهجرة
الكتابة والمسخرة
والغنماية القليلة ادب
وموقفه العام من قضية المرأة والبوردابية خاصة
وبجيكم راجع ،، ،، وقصة الحشرو عباس وصديق الموج
| |
|
|
|
|
|
|
|
|
|
|
Re: سجيمان رغم أحزانه .. عطر أجواء الرياض (Re: ابو جهينة)
|
ود الباوقة
| Quote: ومضى الوقت وكدنا ان نروح في خبر كان .. لان موعد قيامنا مع الاذان .. الله يجازي المدارس ... كان لا هس نكون قاعدين مع خفيف الظل سجيمان .. لكن باذن الله يتكرر اللقاء به قريبا ان شاء الله ... |
تصدق أنا وصلت البيت الساعة ثلاثة إلا تلت .. و نمت شوية الأذان أذن .. صحيت و تاني لي حسع ما نمت .. شايف الكيبورد رهاب رهاب ..
تحياتي للأسرة
| |
|
|
|
|
|
|
|
|
|
Re: سجيمان رغم أحزانه .. عطر أجواء الرياض (Re: ابو جهينة)
|
شكرا لك يا دكتور عادل " سجيمان "
الذي منحتنا فرصة ان يكون هذا اليوم بكل هذا البهاء
وأيضا " بورداب الرياض " كعادتهم دائما كانوا في اقصى حالات التواصل والفرح
وقد كانت امسية مهمة جداً، تمت عبرها
مناقشة الأخ سجيمان بشكل جاد وواضح حول طريقته في الكتابة
وطبيعة هذه التجربة وبداياتها والمدلولات والرسائل المستهدفة
من هذا النموذج في الكتابة،
وبوضوح كامل تم التطرق لعدد من البوستات
وملاحظات الناس عليها أيجابا وسلبا
وقد كان سجيمان مبدعا وواضحا جدا في إجابته،
اوضح فكرة بعضها واعلن تمسكه بها، وأنها كانت بالفعل هامه في رؤيته وما زالت
واوضح بكل شجاعة الحالات التي لم يكن موفقا فيها وظروف إنتاجها...
.....
.....
والأصدقاء تطرقوا للكثير الجميل والمشرق في هذه الأمسية ...
| |
|
|
|
|
|
|
|
|
|
Re: سجيمان رغم أحزانه .. عطر أجواء الرياض (Re: nassar elhaj)
|
أبو النسب نصار الحاج
التحايا لك شاعرنا اللماح
Quote: اوضح فكرة بعضها واعلن تمسكه بها، وأنها كانت بالفعل هامه في رؤيته وما زالت
واوضح بكل شجاعة الحالات التي لم يكن موفقا فيها وظروف إنتاجها... |
الكاتب الحق هو الذي يعترف بسبياته قبل إيجابياته.
تسلم
| |
|
|
|
|
|
|
|
|
|
Re: سجيمان رغم أحزانه .. عطر أجواء الرياض (Re: عمر محمد عبد القادر)
|
ود الباوقة :
Quote: ابو جهينة يا اخوي اثبت ليك في حتة واحدة لانو وهلة زعلانة ....
|
إحباااااااااااااااااااااااااااااااااااااااااااااط 
يعني عشان أبو جهينة بقا الريس تقوم تفضلو علينا ؟؟؟؟؟؟؟؟؟؟؟؟؟؟؟؟
أها انا من بكرة ببقا رئيس بورداب قريعتي راحت ..
وما تضغطوا علي البت لأنها في أخر تجمع وافقت بي انا ...
| |
|
|
|
|
|
|
|
|
|
Re: سجيمان رغم أحزانه .. عطر أجواء الرياض (Re: ابو جهينة)
|
طبعا كالعادة ام كلثوم بتجى بعد العازفين بى ساعة ..وانا
عايز احكى ليكم..اول شى طبعا انا من حلاق لى محل ساونا وامرق
من محل بودىكير ادخل فى بيوتى شوب ..والحتة الواحدة الما مشينا ليها
الحنانة وده كلو عشان الجماعة ما يتخزلوا فى شكل سجيمان
وبقدرة قادر فقد اصلح العطار شوية مما اتلف الدهر لانو سجيمان
مهما تتعب معاهو يطلع قرد ويظل سجيمان ورميدان..غايتوا قولو
وصلنا مكان الاحتفال وحضر الجميع بما فيهم الريس ابوجهينة
واجلس سجيمان على صقيع ساخن وسألوه عن كل شىء..وجاوب ذلك الالمعى
وكضب وانا مشيت ليهو ساكت..
تخريمة:كوستاوى بضحك على شطارتى زمان وسجيمان مستنكر ذلك
بالله كان انا ما شاطر ديل ناس بتصاحبوا..وبعدين كانوا بتملقونى
عشان ابوى الصول(وهو كان عندهم اردية والا قمصان) الله يرحم
ابوى وحكومة السودان زمان..زمن كان عندنا حكومة.
نرجع للحفلة كان سجيمان رائعا كعادته وحمزاوى نجم وعمر الفاروق
استار ومصعب لقطة ووليد ووليد وود الباوقة ما قصروا وود الباوقة
جاب القهوة الما خمج مع انو تمبس كان داير قهوة حبشية ابو كلب
ومصدق جاءنا باشا كعادته ونصار بهدوءه الصاخب المحبب..اما اهل العوض
غلطان انا عرفتهم بنجم مجتمع من وزن سجيمان والله مفروض سجيمان
ده كان اشترى قميص اهل العوض ديل يقروا خبرو فى جريدة
لكن التواضع فى البلاد النامية مزلة...وقالوا انا اتكلمت اكتر
من المحتفى به ..اسوى شنو كان المحتفى به سجمان ساكت
وهم نجضوه فى قلاية فارفقت به..
اخيرا بورداب الرياض اخيار من اخيار..فقد جاءوا بنفسهم ونفيسهم
ليثروا الليلة المحضورة..شكرا ابن عمى محمد الحسن عبد المنطلب
هذا الحضور الجميل وشكرا للحضور والذين اعتذروا وشكرا د.عادل
ونحن فى انتظار الصور يا الشداد تمبس ومعتصم،،،،
| |
|
|
|
|
|
|
|
|
|
Re: سجيمان رغم أحزانه .. عطر أجواء الرياض (Re: ابو جهينة)
|
صديق الموج :
Quote: وحمزاوى نجم وعمر الفاروق
استار |
أسة يجيك الراجل العجوز ده ويقول ليك هييييييييييييييييي يا صديق الموج الخلاني أنا (نجم) وعمر الفاروق (إستار ) شنو ؟؟؟؟؟؟؟؟؟؟؟؟؟؟؟؟؟
وتبقا لينا زي : شيل (كراعك ) من ( رجلي)!!!!!!!!!!!!!!!!!
تخريمة :
الما عندو صديق موج يشوف ليهو صديق موج (أديكم القسم الغليظ ولا كده بتصدقوني؟؟)..
| |
|
|
|
|
|
|
|
|
|
Re: سجيمان رغم أحزانه .. عطر أجواء الرياض (Re: عمر الفاروق شيخ الدين)
|
Sorry
معليش تخريمة....و نطلب العزر من صاحب البوست
أخوي صديق
طبعا لمن تجي سيرة الوالد
الدموع بتزغرد و بتعمل بارتي
رحم الله الرجل الطيب الطيب
صديقى و الله.
عليك الله يا ود الموج شفت إنسان رقيق و عطوف ذي عم الطيب?
يا اااللللللللللله
sorry
I will tell my memory with him one day
I used to listen to him very carefly
sorry again
Kostawi
| |
|
|
|
|
|
|
|
|
|
Re: سجيمان رغم أحزانه .. عطر أجواء الرياض (Re: ابو جهينة)
|
التحايا للجميع
العزيز ،، أبوجهـينة
لم يكن لي علم بهذا اللقاء التعريفي بالدكتور السي سيجيمان ، وقد كان
لي شرف التعرّف إليه أمسية الجمعة في تأبين الرّاحل العزيز / الخاتم عدلان .
كما كان لي شرف التعرّف بالإخوة الكِرام ، بورداب الرّياض .. ولِدواعي المشغوليات التى
لن تنفد ، فقد غادرتُ مباشرة بعد انتهاء التأبين ، من قبل أن أُتمِّم تعارفي ببقية الإخوة .
إذن ، فلا مكان للوم أحد ، فقد تم التحاقنا بهذه المجموعة الخيِّرة " بورداب الرياض" مؤخَّراً ، والجايات ، بالطبع ، أكثر من الرّايحات ..
التحية لك ، أخي أبوجهينة والتحية للسي جي " سجيمان " المُحتفى به ، وللجميع ..
محمد أحمد أبوجودة ،،/ الرياض
| |
|
|
|
|
|
|
|
|
|
Re: سجيمان رغم أحزانه .. عطر أجواء الرياض (Re: محمد أبوجودة)
|
عزيزي الأستاذ محمد أبوجودة
لك التحايا العطرة
معك كل الحق حتى لو لمتنا .. من المفروض نتفقد كل الأعضاء فردا فردا ..
الدعوة كانت مفاجئة لأن سجيمان قرر البقاء بعد أن كان قد نوى السفر يوم الجمعة .. لذا حصلتْ دربكة.
عذرا محمد و الجايات إن شاء الله أحسن و أكتر
تسلم
| |
|
|
|
|
|
|
|
|
|
Re: سجيمان رغم أحزانه .. عطر أجواء الرياض (Re: ابو جهينة)
|
و أنا أكتر شى عجبنى :
الرؤيا السيجمانيه التى كانت مسك الختام ..
عندما أمسك سجيمان بالعود كما ود الأمين
و وضعه على رجله كما العاقب محمد حسن
وبدأت أنامله تداعب الأوتار كما برعى م دفع الله
و إنطلق صوته مترنما كما ندى القلعه.. ( لا لا ... دى واسعه شويه ) :
يوم الخميس راح
و يوم الجمعه راح
و يوم السبت برضو راح
و يوم الأحد راح
و يوم الأتنين برضو راح
و التلاتا .... راحت
و أصر يوم الأربعا ... وبرضوا راح
و قعدنا بلا يوم !!!!!
| |
|
|
|
|
|
|
|
|
|
Re: سجيمان رغم أحزانه .. عطر أجواء الرياض (Re: ابو جهينة)
|
Quote: Sorry
معليش تخريمة....و نطلب العزر من صاحب البوست
أخوي صديق
طبعا لمن تجي سيرة الوالد
الدموع بتزغرد و بتعمل بارتي
رحم الله الرجل الطيب الطيب
صديقى و الله.
عليك الله يا ود الموج شفت إنسان رقيق و عطوف ذي عم الطيب? |
نصر الدين العزيز...الى روح عمى الصول حاج الطيب الموج
وتصادف ان كان والدى...
كان عمى الصول كما كنت اناديه مثل ما كان يناديه الطلبة فى
مدرسة حسين ولم يكن بغضب من ذلك حتى عندما كنت اناديه بذلك
خارج اسوار المدرسة،كان يكتفى ببسمة،ويردفها احايين بى الله يهديك
كان ضل ضحى وتوب سقط وضروة خريف...كان بارا باهله وعشيرته
يتحلقون حوله كلما ادلهم خطبهم وقلما لم يجدوا عنده حل
حول مائدته نتحلق نحن والدراويش وابناء السبيل والقطط
ما قطب جبينه قط..وكانت الوالدة تتذمر احيانا وتقول فترنا
من ضيفان ابوكم ده ومن هم ضيفانه؟؟عبد الله العوير(هكذا كنا نسميه)
ودرويش يظهر كل رمضان واناء السنة واطراف الاعياد يسمى حامد
كان يغدق عليه ويلم له الفطرة من الجيران..واحد ابناء الجنوب
احضره معه وهو ابن تسعة اعوام واقام معنا وبدل اسمه لاحمد
والحقه بالجيش عندما كبر وكشو المجنونة...كان يقول لامى
يا حاجة نحن عايشين برزقهم..ومنو القال ليك الله فاتحة علينا
عشانك والوليدات ما ممكن يكون عشان ديل ياكلو وناكل معاهم
كان عنده لازمة يرددها دائما ..اذ يقول الكفن ما فيه جيوب
وكانت وصيته لى بعد ان هاجرت يا صديق ياولدى عافى منك
لكن اذكرك حاجة والله عشرة ريال تعطيها لمسكين او ذو حاجة
اطعم من قروشك البتلمها كلها..وانت جرب...
وكان خفيفا ممراحا فى غير ابتذال..كان يحبنى اكثر ويخاف
على ونحن عصبة(لانى كنت راس هوس)
احكى ليك يا نصرالدين حكايتين من حكاويه معى.....
الاولى.. بدأت التدخين فى الثانوى وفى يوم من الايام خرج هو من المدرسة
وكنت ادخن بالقرب من دكان عبد السلام خلف المدرسة ولم اكن
الحظ انه رانى..فى صبيحة اليوم الثانى ادانى عشرة قروش
وكان يعطينى خمسة قروش دائما وعندما صارت العشرة قروش
يومية سالته لماذا ياعمى الصول صرت تعطينى عشرة قروش؟؟
فاجابنى بهدوءه الذى تعرفه...عشان فى استاذ اثنى عليك
واحببت ان اكافئك....وسالت نفسى ده استاذ منو المغشوش فينى
اذ كانت طمستنا تلك الايام انت اخبر بها...لم يجيبنى عمى الصول
وقال لى عشان راسك مايكبر..وظننت خير باستاذى هذا ولم اكن اعلم
انه زاد من مصروفى كى اغطى فاتورة التدخين ولكى يجنبنى ان احصل
عليها بطريق يخشاه هو...لم اعرف ذلك الا ان يوم اخبرتنى امى
بعد اكثر من عامين (وكنت احسب انه لا يعلم عن تدخينى )عن انه
كان يعلم ذلك وقالت لى انت قايل هو ذاد ليك قروش الفطور
لى شنو يا مطرطش ...ياله من مربى فاضل.
والثانية بعد ان تم عقد قرانى وافرغ عمى الصول عشرة رصاصات
من بندقيته احتفاءا بذلك وانا اتلقى التهانى من الحضور كان هو
يبحث عنى لتهنئتى وعندما التقيته حضننى وهو مبتسم، حضن
على طريقة الاصدقاء وقال لى مبروك يا ابو الرجال..ولما كانت زوجتى
ابنة عم والدتى لزم رديت عليه الله يبارك فيك يا عديلى..
فضحك ملء شدقيه وحكى لكثير من الحضور وقال ليهم شوفو المجنون ده انا ببارك
ليه قال لى شنو...
اما حكاية موته ففيها من اماراة الصلاح الكثير ..دعنى احكيها
كان عمى الطيب من الذين وقاهم ربهم شح انفسهم ولا ازكى على
الله احدا..توفى يوم الجمعة بعد ان جهز نفسه للصلاة وكان فى طريقه
لمواصلة ارحامه كعهده وعندما توسط الميدان المقابل للمنزل
صاح فيه عم فضل المولى وهو احد جيراننا وكان الرجل يملك كارو
يبيع عليه الفحم..صاح عم فضل المولى:
حاج الموج تعال شوف الفحم السمح ده واشترى الفحم وطلب من احد
اخوانى الصغار ان يفتح باب الحريم لانزال الفحم وغفل راجعا للدار
ووجد سرير بالقرب من الحايط فرقد عليه رقدته الابدية
ولم يحضر موته احد والبيت مليان على سعته..اخوانى التسعة
واختى وابناءها وزوجها ووالدتى لانهم حسبوه قد ذهب..ولم يكتشف
موته الا عمى فضل المولى بعد ان عاد ليستلم قروش الفحم
فوجده فى ذاك السرير وهو مسجى فنده عليه مرتين ولما لم يجبه
اقترب من السرير ولمس جسده فنادى على زوج اختى ..وحكى لى زوج اختى
انه عندما اتى وجد الوالد مغطى نصفه الاسفل بفردة كانت على السرير
ولابس جلبابه وعمته وصاح زوج اختى على جارنا د/عثمان سيدون قال لى
عثمان لما حضرت والبيت على بعد خطوات قال لى وجدت ان روحه الطاهرة
قد فاضت قبل ثلث ساعة..سالت امى من ماذا كان يشتكى؟؟ قالت لى يوم الخميس
كان شغال ومشى المدرسة وجاء ولم يشتكى حتى من صداع واردفت تحققت
دعوته...قالت لى دائما ما يردد ان شاء الله الببكى على ما يحضر موتى
وقد كان..ولكننا بكينا والاهل والجيران حتى كدنا ان نشرق بالدمع
رحم الله ذلك الانسان الطيف والدى عمى الصول حاج الطيب الموج واسكنه فسيح جناته.
ولك عزيزى نصر الدين كل الود،،،،
| |
|
|
|
|
|
|
|
|
|
Re: سجيمان رغم أحزانه .. عطر أجواء الرياض (Re: صديق الموج)
|
صديق
و الله سال دمعي دون أن أشعر رغم أني لا أعرف الرجل و لم أسمع به رحمه الله و غفر له.
من سيرته لفت نظري قوله :
الكفن ما عندو جيوب
و هذه جملة عريضة المعنى عميقة المغزى و هي درس للذين يكنزون المال و لا ينفقونه على المحتاجين..
حكيم كان رحمه الله.
| |
|
|
|
|
|
|
|
| |
ابو جهينة
garjah
A.Razek Althalib
زول ساكت
mahmed alhassan
Kostawi
Habib_bldo
ودقاسم
عمران حسن صالح
سجيمان
ahmed haneen
nassar elhaj
saifkeli
صديق الموج
محمد أبوجودة
Hussein Mallasi
فيس بوك
تويتر
انستقرام
يوتيوب
بنتيريست