|
|
 بورداب الرياض .. ما تنسوا الخميس
|
نقلا عن المهندس صلاح غريبة :
الاجتماع يوم الخميس 15 يناير 2003م الموافق 23 ذوالقاعدة
الساعة : الثامنة مساء
المكان : منزلي المتواضع بشارع غرابي هاتف المنزل 4121760
جوال : 053114175
الحاضر يكلم الغائب
وممنوع التغيب
والاعتذارات
وام أحمد وصلت و حتتوصى بيكم مش زي المرات الفاتت ( البيت كان خلا )
واي واحد يجيب معاهو الاشتراك الشهري
ممنوع التدخين
ممنوع الخروج قبل انتهاء الاجتماع
الاجتماع من الساعة 8 وحتى الساعة 10 فقط
------------------------------------------
أها يا أخوانا ، تكريم أستاذنا خالد عويس ما عاوز تأخير. تعالوا للمفاكرة ، كلكم بالله ، و العندو عذر برضو يقولوا لينا هنا عشان نعرف الجاي و الماجاي
أرقدوا عافية و خلوا البوست دة فوق لغاية يوم الخميس
|
|
 
|
|
|
|
|
|
|
|
Re: بورداب الرياض .. ما تنسوا الخميس (Re: ابو جهينة)
|
والله احنا زمن واعيين وقبل ما الخرف يخش كانت القفف (ام ااضنينتين اتنين) دي يادوووب اخترعوها وكان بس للناس الموكبين التطور هم العارفينها...
عشان كدة مافي داعي تحسسونا اننا مفروض نشوف لينا دار مسنين نتلم عليهو، ولا ما كدي...
| |
|
|
|
|
|
|
|
|
|
Re: بورداب الرياض .. ما تنسوا الخميس (Re: ودقاسم)
|
ود قاسم المضياف
هناك إقتراح من غريبة قيد المناقشة ، و هو أن يكون الإجتماع في حديقة الحيوان بالملز ( بها قاعة إحتفالات ضخمة ) و هناك سوداني هو مدير الحديقة ، و الإتصالات جارية ليعطيها لنا مجانا يوم الخميس.
أو البديل ( منزل ود شاموق ) لأنه واسع ، و عزابي قاعد براه متلبط الكمبيوتر.
نحن في إنتظار رد غريبة على موضوع الحديقة.
تسلم أبو طلال
| |
|
|
|
|
|
|
|
|
|
Re: بورداب الرياض .. ما تنسوا الخميس (Re: ابو جهينة)
|
بورداب الرياض
كبار وصغار
نسوان ورجال
سلام عليكم
خبر هام وعاجل جدا جدا جداخبر هام وعاجل جدا جدا جدا
تقرر ( وتقرر دي من عندي ) أعتبار لقاء الخميس لقاء تكريميا للأستاذ خالد عويس ، وسيتم تزويدكم غدا بموقع الحدث ، بس شدوا حيلكم وتعالوا ، ومن سيشارك نتوقع أن يثبت ذلك هنا في هذا البوست ،،
وهذا الأمر العاجل نتج عن أننا عرفنا أن سفر الأستاذ خالد قد اقترب وأنه يمكن أن يتم في أي لحظة ، ساعة ، يوم
وعشان ما نكون فارقنا خالد بدون ما ناخد لينا منو كم بوسة كده كان هذا (القرار )
كل الترتيبات سيتم إطلاعكم عليها أولا بأول
وسيشارك الفنان الموسيقار أحمد ساطور ( ترهاقا ) بتقديم بعض سيمفونياته ، وتعالوا بالبدل عشان المسألة ممكن تجيب ليها رقيص ،
أوعو يفوتكم ،
خالد عويس يستاهل مشاركتكم جميعا .
| |
|
|
|
|
|
|
|
|
|
Re: بورداب الرياض .. ما تنسوا الخميس (Re: ودقاسم)
|
الأخ أبو جهينة
تحياتي ..
كان عندي طلب بسيط وهو زيادة وقت الإجتماع لساعة واحدة لأن نهاية عملي بعد الساعة العاشرة مساء ، لكن إقتراح الأخ ودقاسم طمني شوية ممكن نحصل الباقي ، وفرصة كمان علشان نتعرف على باقي البورداب .
ولكم ودي
| |
|
|
|
|
|
|
|
|
|
Re: بورداب الرياض .. ما تنسوا الخميس (Re: ودقاسم)
|
ودقاسم
أبو جهينه
سلامات
نحنا طبعا ناس قطر ( الهفوف)
بس قول انشاء الله قطر كريمي يقوم بدري
ودع جنا عويس دا ما بنفوتو تب
بس كنا دايرنكم تدونا ياهو عشان نجرتو ونجيبو ليكم
اها
قول الله يفك القدم
| |
|
|
|
|
|
|
|
|
|
Re: بورداب الرياض .. ما تنسوا الخميس (Re: Raja)
|
الأعزاء والعزيزات بورداب الرياض
انا جاااااي رغم المشغولياااات لكن بما ان (الأجندة ) خالد عويس فنرفع يدنا من اي شي ونجي نودع وننهل من صحبته ولو لسويعات
مسئولين من الخير وين رؤى السقيد واسامة الخاتم ؟
| |
|
|
|
|
|
|
|
|
|
Re: بورداب الرياض .. ما تنسوا الخميس (Re: ahmed saeed)
|
بورداب الرياض
تحية بعمق المودة
نأسف للإنقطاع عن المنبر في الأيام الفائتة
علمت من الأخوين ودقاسم وأبو جهينة
بأن يوم الخميس سيكون تكريماً للأخ خالد
وهنا لي ملاحظات
أولاً: أعتقد أن تكريم الأخ خالد لابد أن يتم بصورة ترضينا جميعاً
ثانياً: وحرصاً على ذلك، أقترح بأن يكون إجتماع الخميس.. إجتماع مناقشة وتفاكر فقط.
ثالثاً: بناء على ذلك يؤجل التكريم لوقت أخر، وذلك من أجل إخراج اليوم بصورة بهية جميلة.
رابعًاً: علمت من الأخ خالد بأنه ربما يسافر بعد العيد، هذا يعطينا مساحة كبيرة للتفاكر والإعداد بصورة جيدة.
ودمتم...
الأخت رجاء العباسي
سلامات.،،
| |
|
|
|
|
|
|
|
|
|
Re: بورداب الرياض .. ما تنسوا الخميس (Re: Mayada)
|
بسم الله الرحمن الرحيم
إلى بورداب الرياض كافة
السلام عليكم أينما كنتم و كيفما كنتم
1. أن نجتمع في ذلك اليوم في رمضان المنصرم دونما سابق معرفة ، مع أسرنا و أطفالنا ، و بذلك التحضير في وقت قصير و قياسي ، فذلكم إنجاز حقيقي ، و قد تم الأمر دون ( ريس أو مرؤوس ) ، الكل يد واحدة ، فخرج ذلك اليوم بذلك الشكل و تناقلته الصحف بالخرطوم.
2. كلنا ( ريس ) و كلنا ( مرؤوسين ) يا ميادة ، و لن تغرق هذه المركب بإذن الله ، و قد إتفقنا على رفع البوست للتذكير حتى و إن لم يكن هناك جديد يذكر ، فالناس دائما يحتاجون للتذكير.
3. ود قاسم : أعرف دافعك للغضب ، و لكن أرجو أن يهدأ غضبك و هون عليك يا أبو طلال ، و لا تنسى أن الذين على علم و إستعداد هم :
ود قاسم
حسن الملك
حمزاوي
أبو جهينة
ميادة
بن بن
غريبة
احمد سعيد
احمد حنين
ود شندي
ود وراق
و ساطور على أهبة الإستعداد و في الإنتظار
أما الذين لم يدخلوا في هذا البوست ( و نقدر ظروفهم ) فهم :
ود شاموق ، و لكنه كما تعلم يقوم بالعمل الذي كلف به في موضوع تكريم خالد ، و هذه موافقة ضمنية.
تمبس
الشايقي
البعيو
ديموكرسي
سيف كلي
مامان
دكين
نصار الحاج
محمد الشيخ
أشرف ياسين
و عذرا للذين نسيت أسماءهم.
كل هؤلاء ، لا أعتقد أنهم ينبذون فكرة تكريم حبيبنا خالد عويس ، و كما قلت ، نقدر ظروفهم مهما كانت. المهم أن نسمع آراءهم حتى و لو على هذا المنبر.
و كما قال إسماعيل وراق ، مادام هناك فسحة من الوقت ، لنجعل يوم الخميس إجتماعا للتفاكر في الحفل و بقية الأجندة المطروحة في بوست بن بن.
و لكم المحبة حتى نلتقي
| |
|
|
|
|
|
|
|
|
|
Re: بورداب الرياض .. ما تنسوا الخميس (Re: ابو جهينة)
|
يا ابو جهينه ..انتو وينكم
الرياض دى كل خميس انا فيها ...
ومتواصل مع بعض البورداب فى الرياض ..بس ديل قبل مايكونو بورداب هم زملاء واصدقاء من زمن الجامعه ومن السودان
ياريت تورونا دريباتكم عشان نتواصل معاكم .. وانشا الله حتصل بيك فى جوالك ده ... وانشا الله تبقي معرفه جميله وحميمه وزى ماقالو (معرفة الرجال كنز )
يلا سلام
وانتظر تلفون منى ..وياريت لو تدينى جوالات باقي بورداب الرياض
| |
|
|
|
|
|
|
|
|
|
Re: بورداب الرياض .. ما تنسوا الخميس (Re: ابو جهينة)
|
الأخوان والأخوات
تحياتي الحارة والأكيدة لكم وترحيب خاص بود شندي ، سمو ، شتات وكل الجميلين
تنبع اهمية اجتماع الغد من طيلة المدة التي لم نجتمع فيها ( لا تؤجل اجتماع اليوم الى الغد ) وكل يوم تذيد الأجندة جند جديد وواجب ملح
( مثلا كدا عرس bunbun زي ما قالت ميادة  إذن الخطوة الاولى الاجتماع لازالة الجفوة وتضارب قائمة الأولويات لدى عدد من الاعضاء وفي مقدمتهم التراجع الذي تم من عضوين تجاه ما طرحوه مع ثالثهم من مشروع هام للغاية على كل يا اصدقاء لا اطيل فقط اردت القوم رجاء احرصوا على الحضور وكلو شي بعد الحضور يمكن الاتفاق عليه الرجاء ان يبلغ قراء هذا البوست الغائبين ولي قدام
من ضمن الحاضرين غدًا وتلقيت موافقتهم
الفنان التشكيلي قيسان
العضو المأمون خضر عبد الرحيم
| |
|
|
|
|
|
|
|
|
|
Re: بورداب الرياض .. ما تنسوا الخميس (Re: ابو جهينة)
|
معليش يا شباب
الاجتماع عندي في البيت
موضوع حديقة الحيوانات مربوط ببرنامج آخر سيتم التنسيق له
الاجتماع بالمنزل ولمن تاه عن المنزل الاتصال بنا على الجوال
053114175
وصف المنزل للناس لاجداد :
شارع غرابي وهو شارع مشهور في الرياض و اوله عند البطحاء وآخره عند شارع عمر بن الخطاب وهو الشارع المؤدي الى البريد المركزي ووزارة المالية على شارع المطار القديم ( الملك عبد العزيز )
اذا كنت قادم من البريد تمشى لحدي أشارة بوش ( الاشارة التي عليها شركة بوش - الجفالي ) و تتجه يمين على شارع غرابي وتقابلك اشارة ويمينها محطو الزهراني للمحروقات ويسارها مبنى المرور القديم وامامها شارع الغرابي أتجاه واحد وهو اتجاه جاي بس
عندما تفتح الاشارة ما تحاول تمشي طوالي لانه ممنوع ولازم تمشي يسار واول شارع فرعي امشي يمين واول شارع فرعي امشي يمين زي كأنك ماشي شارع غرابي باللفة .
وقبل ما تصل شارع غرابي وقف سيارتك طوالي والعمارة اليمين هي عمارتنا وتحتها بنشر اسمه المنتخب السعودي وهو فاتح على شارع غرابي و اطلع عمارتنا وتلقى الاسانسير يمين
ودوس رقم 3 و طوالي تلقى نفسك في الطابق الثالث
و الشقة القدامك دي شقتنا ( رقم 11 ) .
واذا تهت اسال ناس البنشر
خلاص كدة ولا اواصل
| |
|
|
|
|
|
|
| |
ابو جهينة
bunbun
Mayada
حسن الملك
ودقاسم
ghariba
ahmed haneen
معتصم دفع الله
ود شندي
Raja
إسماعيل وراق
samo
شتات
haneena
فيس بوك
تويتر
انستقرام
يوتيوب
بنتيريست