|
Re: عبد الرحمن العالم فرغلى او ربيع الورد الابدى (Re: سلمى الشيخ سلامة)
|
إن شاء يرجع(يـــــــــــارب) وإن كان ياسلمى علمتنا الأيام البطلع .... ماقادر أقولها عشان ماتصحي من أحلامك علي نفاج العتمة ولكنا دائما مانتجمل بالحلم والأمل أوعدك أن اضيف عبد الرحمن لرصيد الأمنية والحلم الممكن ... عله زمان بتذكر ياسلمى ربطت أمي قرش في قصاصة من توبها الزراق وعلقتو في مرق البيت أكان يرجع أخوها المسافر بالزمن الطويل الذي ضرب الصعيد وسألتها يوم عن سر هذه الصرة قالت لي دا عشان خالك يرجع ودي نديهة لأبوي الشيخ ود الخبير عارفة الحصل شنو خالي ماشفتو لي يومك دا إلا جانا بعد زمن طويل ولدو البكر بسأل عن أهلو والقرش المعلق حق الشيخ ود الخبير عرفت طريقة سحبتو وأشتريت بيهو حلاوة عجل لامن شاف ولا من دري باقيلك الطرطشة الباقي علي دي ياسلمى أكون إنسختا؟
سلام سلمى ياخ مشتاقين عديل كدا نورالهادي
|
|
|
|
|
|
|
|
|