|
Re: حين وقعت فى غرام الروصيرص (Re: سلمى الشيخ سلامة)
|
يا صحبى اليك هذا المشهد فى كردفان ( البان جديد) البنات شكون لي مآل الحال.. المدرسة الوحيدة بلا سور يقيها ولا أبواب أو شبابيك، أو حمامات.. التي قلن أن مقاعدها (مهتوكة).. الماء يجلبنه من مسافات بعيدة، فالطلمبات اليدوية البالغ عددها (21) طلمبة تعمل واحدة فقط، الكهرباء (للقادرين) فقط (أربعة بيوت).. أو (يشترين الماء من الباعة بحوالي ثلاث آلاف جنيه، وليس في مستطاع الكثيرات ايفاء ذلك المبلغ.. وهذا يعني بالضرورة ان لا مياه في البيوت بمواسير..!! ذلك الحق الانساني منزوع.. يا.. لتلك البقاع التي أبكتني بناتها الصغيرات بعفويتهن وصدقهن حين سألتهن: - بتفطروا بشنو؟ - عصيدة وملاح ويكة - بتتغدو بشنو؟ - عصيدة وملاح ويكه حمرا - بتتعشو بشنو؟ - ما في عشا، ومرات ما بنلقى لا فطور، لا غدا، بكيت طويلاً، شهقت بالبكاء حين قالت احداهن. - أبهاتنا كبار شيوخ عجايز، امهاتنا صغار هن بشتغلن بس.. والشغل ذاتو ما كثير..!! - طيب المستشفى، لو الزول بقى عيان. - أويضة واحدة، وما في ممرضات، ولا حكيم، بس تمرجي، مرات الناس يموتوا قبل يوصلوا الأبيض عشان هي المستشفى الكبيرة.. - في قابلات (دايات)؟ - في واحدة بس عندها صندوق.. لكين.. - لكين شنو؟ - لكين هي كبيرة ذاتها، في واحدة صغيرونه ما بنعرفا غايتو
|
|
|
|
|
|
|
|
|