|
|
 مابين الشجره والرياض وجزيرة صاي الزميل بن بن عريسا
|
الاعزاء
زميل الجبهه الديمقراطيه
والبورد بن بن عريسا عاشر يوم في العيد بالسودان
الدعوه للجميع والما بقدر يحضر
يقترح ابيات شعر تزين كرت الدعوه على شاكلة
حبو غنوا الدنيا ما زالت نديه
وبحبو غنوا
والعاشق عقبالو
التباريك من كل الشيوعيين وزملاء الجبهه الديمقراطية
والاصدقاء واعضاء قروب السودان فيوتشر للعريس وللعروس الزميله رجاء
والامنيات الطيبات وعقبال كل العذاب
ولكم الود
معتصم سيد احمد
|
|
 
|
|
|
|
|
|
|
|
Re: مابين الشجره والرياض وجزيرة صاي الزميل بن بن عريسا (Re: معتصم ود الجمام)
|
بن بن
مبرررررررررررررررررررررررررررروك والف مبروك
والله فرحت ليك وكانت مفاجاة 2004 بحق وحقيقة
وانا اول واحد معزوم – بالتعيين – في مراسم زواجك الميمون
وبالمناسبة جزيرة صاي لي معها ذكريات في مصر
فلقد قادني حبي لافرد اسرة كريمة مقيمة بحلوان الى ان ( افكر ) في الزواج من احدى بناتهن ولكن القدر كان اكبر من تنفيذ رغبتي لظروف ساحكيها لك ذات مرة .
ولازالت علاقتي بتلك الاسرة قائمة وزرتهم قبل اشهر في حلوان
و تزوجت ولها العديد من الابناء وانا تزوجت ولي من الابناء والبنات
ولكن لازالت صاي في الذاكرة ( جزء من ذكريات شبابي )
بيت مال وعيال
| |
|
|
|
|
|
|
|
|
|
Re: مابين الشجره والرياض وجزيرة صاي الزميل بن بن عريسا (Re: معتصم ود الجمام)
|
العزيز ود الجمام
لك تحيات الورد
واخيرا عملها بنبن
وناسب بنت كرام الناس
ويا بورداب
العروس رجاء عمها الجزولي سعيد
والغايب يكلم الحاضر
يعني احمر ف احمر
واصبح اقصى يمينو يسار متطرف
ويا بن بن مليون مبروك
وبعد ده غير الشعار
ولحقت صاحبك ناصر
والعقبال للعذابة الكحيانين
لسع تقعوا تقومو براكم
قلبي معاكم
خالد
| |
|
|
|
|
|
|
|
|
 Re: مابين الشجره والرياض وجزيرة صاي الزميل بن بن عريسا (Re: معتصم ود الجمام)
|
الف الف مبروك أخونا محمد صلاح "بن بن" وانشاء الله بيت مال وعيال يا غالي والله فرحنا ليك كثير لانك انت تستاهل كل خير وتكتمل الافراح بمشاركتنا ليك انشاء الله عبر الاثير وانشاء الله كدا عقبال اللي ما تزوج يتزوج عشان نخلي سنة 2004 سنة خير وسلام وافراح كمان وربنا يديم المحبة والسلام والافراح يا بن بن
أخوك / وليد
| |
|
|
|
|
|
|
|
|
|
Re: مابين الشجره والرياض وجزيرة صاي الزميل بن بن عريسا (Re: حمزاوي)
|
الأصدقاء والصديقات بسودانيزاونلاين
كل عام وانتم بخير
سعيد للغاية لسعادتكم وفرحكم بأفراحي الخاصة ..
أهو يعني عملتها ونزلت البوست .. وركز لي بالله على ابيات جميلة وهنا سيقوم الزميل الجميل ع ع الماجد او عبد الله الفكي بتصميم كرت الدعوة تشكيليًا ..
الأخت العزيزة رجاء ، تسلمي يا غالية Quote: Ash لأ أنا ما رجاء المقصودة.. ده من سوء الطالع..
لوووول
|
ملكة الدعابة وملاك البورد
( واقول ليك سر ، الغريبة يا رجاء انك بتشبهي حبيبتي السابقة .. واسمك مطابق للزميلة العزيزة رجاء مصطفى عبد القادر ) !
العزيز آش
رجاء المعانا في البورد دي ... اجمل من صديقة واكتر من أخت
لكن يازول الشمار كاتلني بالله رسل لي على الماسنجر اصلو ما ممكن تكون بتعرف ناس من الشجرة والرياض وصاي وما بنكون بنتعارف
[email protected]
| Quote: وأهو يتلم المتعوس علي خائب ال رجـــــــــــــــاء |
لكن دي بالغت فيها @ لووووول
العزيز ترهاقا
تسلم يا ملك وكل سنة وانت طييب والله يبارك فيك
الحبيب نادر
تسلم وعقبال كل الشباب
الأخ العزيز إسماعيل وراق
والله يا غالي انا شاعر بخجل شديد لأنو ما اعلنت الخبر كما يجب وسط بورداب الرياض وارجو ان تغفروا لي ( والمرة الجاية @ لووووول سأعلن قبل وقت كاف بس ما تسمعنا البت رجاء ) والله اخوك مشغول خالص بالتسوق والشحن والاتصالات الخ بقية الدوامات مرة تانية اشكرك من الاعماق للتهاني والروح المشاعر الجميلة التي تربط بيننا
الأخت الغالية راوية
عاجز عن التعبير عن سعادتي بكلماتك ومشاعرك ولو لم لم يكن ازيد فما اقل نفس الشعور وتسلمي لي اخت عزيزة وغالية وادام الله المحبة بين الجميع
الزميل العزيز الشريف
الله يخليك يا صديقي وكل سنة وانت بالف خير وعقبالك ..وكل زملا الهند
الحبيب صلاح غريبة يا ملك
مش بيقولو الزواج قسمة ونصيب @ لووووول تشكر يا غالي وامنياتي لاسرتك واسرة قريبتنا الحلوانية بالسعادة الدايمة والفرح المقيم
ومعزوم دي ما دايرالا كلام لكن قصة التعيين دي اسة بتقوم عليك ود قاسم هههههههههههههه شكرًا يا نقي يا جميل
تعرف يا خالد العبيد البت رجاء دي هي القال فيها انثى ولا دستة رجال
على فكرة القائد الشيوعي الفذ الجزولي سعيد خالها ومش عمها وكانت ولا تزال بتحكي لي عنو الكتير والبت رجاء دي من الزميلات اللائي تعلمت منهن الكثير الكثير لها ولجميع زميلات الجبهة الديمقراطية والحزب اطيب التحايا
على فكرة يا خالد معليش الاتصال الفات كان مختصر والكرت كمل واهو اخو رجاء بينكم في القاهرة وما اوصيك على خال العيال
الصادق خليفة الجميل كل سنة وانت طيب والله اكاد الان اتزوق الان طعم الشربات وفرحة العرس بوجودك ومشاعرك الحميمة وتسلم اخ عزيز
الاستاذ عبد المنعم
تسلم يا عزيز واللهم امين
العزيز خالد عويس
ارجو ان تغفر لي ذلك يا عزيزي وبيني وبينك كدا انا ذاتي اتفاجأت هذا المساء @ لووووول بس المفاجاة كانت هذا البوست والله ما غتيت زي ما بيقول استاذ احمد لكن غلطة وما بتتكرر @ وساشرككم في كل التفاصيل اها يا شباب الشيلة مودنها يوم الاتنين الجاي
الزميل الرائع خضر حسين .. كل سنة وانت أجمل وعقبال ما نفرح بيك قريب
علي عثمان
الله يبارك فيك لكن يا علي والله لا ابينا المال ولا العيال بس وين السعادة والطمأنينة والحب المتدفق ... دي مجرد مداعبة يا صديق
الأخ العزيز عبد المنعم
الله يخليك وتسلم يا غالي
الأخت الحميمة الجندرية
شكرًا لمشاعرك الجميلة واللهم آمييييييييين
كبسيبة
الف شكر وكل عام وانت بخير
لكن عيال دي جاريها كدي ليه ادتني احساس بعشرة اطفال كدا @ لووول
الخال العزيز ود قاسم
والله انت وكيل قلبي قبل ان تكون وكيل في الورقة بتاعت الزواج
ويشهد الله على المحبة التي اكنها لك والتقدير والاحترام فياخي ارجو ان تعفو عني وستكون اول زيارة لرجاء لما تجي منزلكم العامر بالمناسة ( ام قاسم اسمها على اسم الوالدة ) وتحياتي لجميع الاسرة
واشعر بالفخر بأني ابن هذه الجزيرة صاي .. والا تستجيب لينا وتشرفنا فيها ...
العزيز وليد يسمع منك ربُنا زي ما بيقولو ويحقق كل الامنيات
شكرًا لمشاعرك الحميمة ولك الفال
العزيز ياسر حنا
تسلم يا غالي وادام الله المحبة واستجاب لدعائك يا ملك
الجميل ايهاب
الله يبارك فيك واشكرك على الورد يا ورد
تعرف يا هنوف يا جميل انت الواحد كدا بينو وبين نفسو بتكون في حاجات مش كدا ، اها انا اسة داير اعبر ليك عن واحدة منها اني بريد بيت ناس رجاء دا جنس ريدا واول مرة دخلتو والى الان بحس براحة وطمأنينة وسودانية وحميمة وكمية من الاحاسيس الجميلة مش بيقولو لكي يامنازل في القلوب منازل .. طبعا الخبر يكفي يكون مصدرو العزيز معتصم وبعدين تعال انت كل يوم معاي على الماسنجر وقلت ليك بس شكلك كدا ما مصدق هههههههه عمومًا المفاجاة الجميلة بالنسبة لي انك ح تكون حاضر في السودان
الأخ العزيز نصار
بالتبادي كدا من السنة الفاتت ما شفناك ولا سمعنا صوتك فكل سنة وانت والاسرة طييبين والله يبارك فيك وكل الفال
فاكهة بورداب الرياض العزيز حمزاوي
كل سنة وانت طيب وشكلك كدا عاوز تزعل العروس ياخي وين دنقلا ما ذكرتها مالك تسلم يا غالي
| |
|
|
|
|
|
|
|
|
 Re: مابين الشجره والرياض وجزيرة صاي الزميل بن بن عريسا (Re: bunbun)
|
الأخ العزيز بن بن
ألف مبروك القفص الذهبي بس أوعك تكون وقعت وما لقيت اليسمي عليك
بيت مال وعيال إنشاء الله وأنتياتنا لك بالسعادة وإنشاء الله تفتح البرميل من الجهة الصاح ودي ليها قصة:
واحد مصري عريس جديد قاعد على القهوة وزهجان وقرفان،،،، ثاحبه سأله زعلان ليه وأنت لسه عريس جديد؟
فرد بمر الشكوى من زوجته وأنها وأنها الخ الشكاوى،،،
فشرح له الصديق الخبير الأمر قائلاً ( يا إبني الجواز ده زي البرميل المليان زفت وعلى وشه شوية عسل في شهر العسل تفتح البرميل تلحس شوية العسل ، يخلص الشهر تقع في الزفت...
فصاح صاحبنا: يا لهوي يظهر أني فتحت البرميل بالمقلوب!!!!!
نتمنى لك تانكر عسل متجدد ودستة عيال حلوين يتشعبطوا ليك في كتفك وينططوا ليك بي جاي وبي جاي ناشرين عبق السعادة والهناء في بيتك العامر.
وعاشر أيام العيد دي يعني داير تعملها بعد الخرفان وا ترخص والله ماك هين حسبتها صاح.
ويلا يا ناس أبوجهينة وغريبة وأمين المال ود قاسم أعدو العدة لحنة العريس ما لازم يمشي من عندنا وأيديه بيض ولا شنو يا ود الشيخ؟
...
| |
|
|
|
|
|
|
|
|
|
Re: مابين الشجره والرياض وجزيرة صاي الزميل بن بن عريسا (Re: معتصم ود الجمام)
|
سلامين للجميع
والسِيرة سِيرة عِرس..
كانت عندنا عادة في بلدنا ..سيرة العريس عندما تصِل قِدام بيت اهل العروس ..
يخرج أهل العروس مرحبين بالسيرة ..
فيتم "تراشق حميم" بالغُنا والزغاريد بين النِسوان..ويقود هذا التراشق "المقربات"من العريس والعروس ..
ما بعرف منو البيبدأ الكلام ..لاكين أهل العريس بقولوا:
- دُوس الباب يا نِمر ..نحنا ما بنِنقدِر..
ويرد أهل العروس :
- السمحة وجاهلة..ما بدوها بالساهلة..
أهل العريس:
= الليلة جينا ..كيّة للمابينا..
يردوا اهل العروس :
- العريس حبابو ..الصَبر شِن جابو؟؟
أهل العريس:
- عريسنا أب شورة ..فكاّ البورَة..
(بمعنى عروسكم لو لا عريسنا كان بتكون بايرة ..)
أهل العروس:
- وا فلتكَن ..ده ود حِلتكَن..
(بمعنى أخجلن ساكت لأنه فاتكن وفات حِلتكم كُلها وجانا نحنا..)
أهل العريس :
- فرّشو البِروش ..لي حشي الكِروش ..
(بمعنى عارفين ما عندكم سراير ..يلا ارح افرشو البروش ..)..
أهل العروس:
-(فلانة) أم ضروس ..دست القروش..
-وفلانة جات تزِح ..دست القمح..
(بمعنى قريبات العريس ..تباخلن علينا بمال العريس الذي خصصه للعرس..)..
الجميل في الموضوع ..إنو بكون قريبات العروس في نفس الوكت يرُشّن
العريس بالماء (رشاً خفيفاً)..أو عيش "الفتريتة"الابيض..دلالة على بياض النية ..وحسن الفال..
وبالطبع يتدخل العريس للفصل بين الفريقين..(عشان يلم الموضوع شوية ..لأنو النقاش شكلو
أخد منحى شخصي (LOOOOOOL)..)..
..وبعدها يتم الترحيب من أهل العروس بكل ناس السيرة ..
وبالطبع إكرامهم..و تبقى أصوات الزغاريد متواصلة..تظلل أجواء الفرح..
****
كانت تعجبني عبارة تقولها قريبات العريس لي أكتر واحدة فرحانة من أهل العروس ..
فلانة شِن ليك ..شِن ليك ..العرس مو ليك..
--------------------
بن بن ..ربنا يتم على خير ..ويكفّي شر العوارض ..
عروسو الحلوة نورو تقدمو وتبرا
أمرقو يا جنيات فِِجو ليهو السهلة ..
خلو ود العِز يقدِل في ربوع اهلة ..
ما.. قادو فرح قبيلتو لي بت كرام الناس ..
خيّاتو مِحفِلنو بالدهب والماس ..
(إنه عركي ..)..
وتقعدوا عافية
قيسان
| |
|
|
|
|
|
|
|
|
|
Re: مابين الشجره والرياض وجزيرة صاي الزميل بن بن عريسا (Re: معتصم ود الجمام)
|
وقفى
ياجميلة واستوقفىالرائحين
الى البلد النيل نام-ونامت مراكب اهلى
ياطقوس الغناءالمبارك
فاطمة القروية
تحلم بالفارس المتسربل
بالبرق والرعد والمطرالمروحى
الشمس مقبلة
فقفوا
ايها الرائحونقفوا
واحملونى على صوتها
....................
الرحيل على صوت فاطمة : محمد محى الدين
الرائع دوما بن بن عريس الحمى استهلال رائع للعام الجديد وسعدنا كثيراوربنا يتمم ليكم وتحياتنا
| |
|
|
|
|
|
|
|
|
|
Re: مابين الشجره والرياض وجزيرة صاي الزميل بن بن عريسا (Re: kamalabas)
|
أخي بن بن
مبروك من القلب و الشريان يا بن بن لم أنسى انك أول من رحب بي في هدا البورد بعد بكري " لمست صدقك " جد جد رغم إنك بي " هناك " و أنا بي " جاي " و كنت محتارا كيف أرد لك التحية فها نحن بغير قدر إلتقينا
يا بن بن العروس تبعكم ما قلنا حاجة لكن حتما الوليدات " كيزان " إن شاء الله رغم الزملاء و الزميلات و الخال فقط إنتظر و بيننا السنيين
يا بن بن إنتو نسيتو الشجرة دي ما دايرتنا قلعناها و في عهد ديمقراطي حر و شجرة ماحي بك دي حقتنا و الدار دارنا و ناسها ناسنا و بنستاهلها
عزيزي بن بن
مرة تانية بارك الله لكما و فيكما و جمع بينكما علي الخير و سانتظرك بالحوارات الجادة ما تطول يا أخوي
لك ودي و إحترامي و ربنا يحقق كل الاماني
مشرف
| |
|
|
|
|
|
|
|
|
|
Re: مابين الشجره والرياض وجزيرة صاي الزميل بن بن عريسا (Re: eltigani musharaf)
|
الأخت العزيزة تسنيم
شكرًا لامنياتك الجميلة وحقق الله جميع امنياتك
عزيزي قرجة
تسلم ياصديق بس لافينا غالب لا مغلوب ان شاء الله
الجميل راني
كل سنة وانت طيب والله يخليك يا رب
العزيز المحسي
كل سنة وانت طيب واشكرك يا ابو الزمل
لووووووول يا الشايقي
قلت لي حسبتها صاح ... اهو الروح الشايقية فيك ظهرت @ لوووول
وصدقني البت رجاء دي كلها عسل
الجميل عادل علي
اشكرك يا غالي وكل سنة وانت أجمل
ساري الحب
يازول شكلك كدا ما ساهل وعندك عصفورة بتجيب ليك الأخبار
اها الا لكن العرس بيكون في الجريف الحي الجميل اللي تربت فيهو حبيبتي
ملكة سبأ
الله يبارك فيك وكل سنة وانتي طيبة
قيسان
أحبك يا أصيل وقريت السيناريو عدة مرات واتمنيت لو كنت معانا امبارح وعقبالك يا زميل
الأخ العزيز امبدويات
كل سنة وانت طيب وشكرًا لأبيات محمد محي الدين الجميلة ولمشاعرك الأجمل
الجنرال بكري
الله يبارك فيك وفي سودانيزاونلاين الليخلت للواحد اصدقاء واخوات في كل الاماكن
الأخ الفاضل كمال
الله يبارك فيك ويخليك وكل عام وانت الحب
الأخ التجاني
الله يبارك فيك وشكرًا للتهاني وما ترحيبي بيك في المنبر الحر الا واجب لا استحق عليه اي شكر فليس من حقنا ان نحكتره وغير مسجل باسمنا فليس من المعقول ان ننادي بحرية التعبيرونحرم مخالفينا الراي من هذا الحق ،
قلت لي الوليدات كيزان @ لووووووووول والله لو دا اختيارهم فالواحد ما بيقيف في طريقهم لكني على ثقة بمحض اراداتهم لن يكونوا كيزان لانو البركة فيكم ما فضلتو فيها شي ، كل سنة وانت طيب واشكرك
| |
|
|
|
|
|
|
|
|
|
Re: مابين الشجره والرياض وجزيرة صاي الزميل بن بن عريسا (Re: awadharoun)
|
دريمز
كل سنة وانتي طيبة واشكرك على الابيات الجميلة اللي ستدخل دائرة الإختيار والتصويت ...وشي جميل انو الواحد يكون في شهر العسل معاهو ديوان جميل لي الاستاذ هاشم صديق ويمتد التواصل
تسلم يا ابايزيد واللهم آميييييييييين
الاخت العزيزة تماضر
تسلمي على الامنيات الجميلة والمباركة
كوستا الحبيب تسلم يا غالي
manubia تسلم ياحب
تعرف امضائك دا كان في زمن ما مضى محور حياتي
الزميل خالد الحاج
كل سنة وانت اجمل واصلب والله يخليك لينا وكل الاشواق
الطيب بشير
الله يبارك فيك بس العروس اها قاعدة جمبي وزعلانة اسة تقول شنو ياخي ما تبارك ليها ماهي شريكة بالنص في الافراح
عوض هارون
ازيك ياخي .. ابعت لك شال الحب مرسال تايهين في بحرو مراكبية
لكن مالك منقطع النظير كدا
انا من 3 اسابيع كلمت الزميل عز الدين الشريف والأخ عوض خضر عشان يبلغوكم والله قصروا معاكم ... وبيني وبينك انا ذاتي زعلان منكم ياخي انتو الواحد يديكم ضهرو تاني ما تشتغلو بيهو ... تحياتي لمازن وأم مازن ولكل الاصدقاء والصديقات بطرفك
| |
|
|
|
|
|
|
|
|
|
Re: مابين الشجره والرياض وجزيرة صاي الزميل بن بن عريسا (Re: Imad El amin)
|
العزيز ملاسي
كل سنة وانت طيب والكيذان يعودوا لرشدهم والتجلة للصديق الزميل معتصم سيد أحمد
ملاسي العزيز
كل سنة وانت طيب وشكلك كدا كنت منتظر المشرف دا على احر من الجمر
على كل المناسبات الاجتماعية فقط هي اللي تلمنا .....!؟
هدهد ايها الصديق الالكتروني
لاتسعني الفرحة من مشاركتكم بهذه الروح الرفاقية الرائعة لافراحي
حتمًا سنحتفل بافراحنا المشتركة الخاصة والعامة وبليلة الدخلة على اسمى قضية زي ما غنو حميد ومصطفى القابض على الاصرار على يوم حيأتي جميل
العزيز عماد الامين
اشكرك يا صديقي والافراح ليست حكرًا ونتمناها للجميع
تعرف غنيت دابو ابتدا العمر الجميل دي عندي معاها ذكريات سمحة خالص وكنت رسلتها لحبيبتي مكتوبة عبر فاكس قبل سنوات وعبر شريط للعزيز عضو المنبر الاستاذ سيف الجامعة ... وعلى فكرة برضو يا للسعادة قبل شوية تلقيت من أحد الاصدقاء مبادرة اجمل من جميلة انو حيجيب لينا الاستاذ سيف في العرس .... ودابو ابتدا العمر الجميل وتسلم يا غالي
| |
|
|
|
|
|
|
|
|
|
Re: مابين الشجره والرياض وجزيرة صاي الزميل بن بن عريسا (Re: ولياب)
|
مبروك .. مبروك
نحن مجموعة الحيوانات المزوجة نفرح بشدة لمشاركتم لنا (أ....) ولان حرية الكلمة المتاحة تفرض ان لا نتجاوز المدة المحددة ..
ماقلت ليك .... كان تستشير !!
نكته:
شلة عزابة فقدوا صديقهم المساهر الاكبر بعد زواجة مباشرة بساعة ..
قابله احد العزابة يوما وتحداه ان يسهر معهم ... ووافق المسكين من دون ان يستأذن لفضلات رجولة مازالت فيه ..
بعد منتصف الليل .. تحرك الرجل قائلا .. اه ياجماعة مبسوطين ..
وارسل شياطين العزابة خلفه من ياتي بخبره ..
وطرق الرجل الباب ... وجاءه صوت المدام ... كالرعد(الساعة كم؟؟)
وطرق وطرق الباب وكا نالؤال نفس السؤال ...
واخيرا توسل الرجل قائلا (ياولية افتحي الباب اصلي كت مؤجر منك عجلة؟؟)
الف مبروك يابن بن بس اوعك من بن ذايل ..
هناك منظمة انا واحد منهم ارجو ان تلتحق بهم وهى منظمة (who)
وهي اختصار Weak husband's organization ..
معليش .. نحن نرجو لك حياة سعيدة
| |
|
|
|
|
|
|
|
|
|
Re: مابين الشجره والرياض وجزيرة صاي الزميل بن بن عريسا (Re: حسن الملك)
|
مراحب عادل وكل سنة وانت بخير .. والله يخليك
حنينة .. الله يبارك فيك وعقبال كل العاشقين
سمو .. كل سنة وانت طيب وياخي .. قلنا ليك بس زي صحبك هنوف .. شكلك مامصدق وشكرًا لابيات يحي فضل الله وكل التحايا للأخت شيري
الأخ وليات تسلم يا عزيز وشكرًا لامنياتك العزبة
العزيز حسن الملك .. الله يخليك ..وشكرًا للمداخلة اللطيفة ( انتم السابقون ونحن اللاحقون ) لوووووول
| |
|
|
|
|
|
|
|
|
|
Re: مابين الشجره والرياض وجزيرة صاي الزميل بن بن عريسا (Re: bunbun)
|
يا بن بن مبروك مقدما وانشاء الله بيت مال وعيال
يا اخي عاشر يوم دي ما تشوف لينا فيها طريقة تقربها
عشان نحضر جديدك...ونربها والله انا من عرسي ما حضرت لي عرس
في السودان...
وهسي عرس الحنة فيه في الشجرة والسيرة العمارات ينفات كيف؟؟
وقطع شك فنانك ابوعركي..
يا زول اقول لك قولة
كان حيين بنضهب..في كل صيوانات كزام بين الشجرة والعمارات
وجنبنا عثمان ضيق وعلوب بقطعولنا شك الحفلة من بدري
| |
|
|
|
|
|
|
|
|
|
Re: مابين الشجره والرياض وجزيرة صاي الزميل بن بن عريسا (Re: nazar hussien)
|
الف مليون مبروك ... وعقبال العيال السمر ..
وحقيقة انا مبسوط ، ويملاني فرح خاص ... فالعريس صديق وزميل وعشرة تجاوزت حدود البيت ,, ورجاء مصطفى تلك الشابة السمراء العنيدة والمقاتلة الى حد ما بعد الهتاف ...هي اكبر من صديقة واكثر من اخت واقرب من زميلة .. اذن لي حق الرقص المشروع الان من الرياض الى الجريف ومن بوابة الجامعة حتى جزيرة صاي .. يااااه يا بنبن والله العيال كبرت اتذكر الان كثير من الاحاديث كثير من البوح واكثر ما اتذكره يوما ما كنت مع الصديق بنبن على ظهر شاحنة عائدين ليلا من القضارف ذات سفرة لا في البال ولا في الخاطر .. والسائق حبشي .. صعدنا الى ظهر الشاحنة وحدنا ... واكنت هذه الشابة حاضرة بيننا وسط حشد من الحكاوي الخاصة .. ياصديق لك كل الاماني والعشم كما اتفقنا ان لا اقرا الخبر على صفحات هذا البورد .. لكن الفرح سال وفات كل حدود الحروف ، لك ولها ما تشتهي
| |
|
|
|
|
|
|
|
|
|
Re: مابين الشجره والرياض وجزيرة صاي الزميل بن بن عريسا (Re: مارد)
|
العزيز ياسر الشريف
تسلم يا غالي ( يا شفت @ لووول )
والله لي كل الفخر والتحية للقاسم المشترك ود قاسم
إزيك يا نزار ....
حاشاك من الضهب حرسل ليك (كروكي)مطبوع وكرت الدعوة
بس ورينا جاي متين ونعمل ليك الحفلة من جديد اها قصرت معاك ( قرقرقرقر) والله الواحد في اللحظة دي امنيتو انو كل البورداب يكونوا حاضرين في الليلة ديك ...
بس اصحح معلومة انو رحلت من الشجرة في بداية التسعينات .. الا انو ما رحلت مني ...
وينك يا اساسي .. يا القبل الكراسي
تسلم يا غالي وربنا يحقق كل الاماني
الأخ العزيز يحي بن عوف
اطيب تحية وكل سنة وانت طيب
وربنا يخليك يا عزيز
الأخت العزيزة ( المقصر معاها بالتواصل )
تسلمي وشكرًا على التهاني الجميلة
Quote: مابين الشجره والرياض وجزيرة صاي الزميل بن بن عريسا
نسيت الجريف شرق مالك يا معتصم
|
الأخ العزيز مارد
تسلم يا رائع وكل سنة وانت طيب وشكرًا على الدعوة الجميلة
| |
|
|
|
|
|
|
|
|
|
Re: مابين الشجره والرياض وجزيرة صاي الزميل بن بن عريسا (Re: bunbun)
|
Quote:
إزيك يا نزار ....
حاشاك من الضهب حرسل ليك (كروكي)مطبوع وكرت الدعوة |
يا بن بن..بس اوع يكون الكروكي زي كروكي ناس ودقاسم لي حفلة احمد ساطور..تقوم توديني سجن كوبر..
بعيدا عن الهظار..سوف امدد اجازتي عشان احضر عرسك يا بن بن..
لاني متأكد انو حايكون عرس ما حصل..وفيه عديلة..وفيه اكا لازم جزيرة
ويلونّا..ايكا موية الورد..ترشترا..اكا سير الفواكه
ويا سلام كيرماسكسا سكا ماس كسي كير اسوكا اكا كونجا ماس كيسي
والله بكون جطتها جوط..هذا بعض ما عرفناه وكنا نمرر معهم بقلم الرصاص.. ولا هسي نكتبه بقلم الرصاص..علي استحياء لان المعني غائب
والحروف ما متأكد منها كويس..لما اتعلم حا اكتب بالحبر
ايام الداخليات الله يطراها بالخير
| |
|
|
|
|
|
|
|
|
|
Re: مابين الشجره والرياض وجزيرة صاي الزميل بن بن عريسا (Re: Elmamoun khider)
|
ياخي دا أجمل كلام سمعتو ( قريتو ) الليلة انك حتحضر يانزار
وان شالله يطلع حفل يليق بجمال البت رجاء اولا وبحضرة كل الحبان والأهل والصديقات والأخوان ويا سلام على الابيات الجميلة دي .. الان بتخيل في ساورا وهي بتغنيها ..وتسلم يا عزيز وكدي تعال لي الماسنجر
المأمون خضر
عقبالك يا صديق
يازول ما كنت كويس شنو المصطلحات دي ( كتائب ، مشير ، لواء وبيان اول ) وبعدين شايفك نسيت ابوطالب والود بكة @ قرقرقرقرقر ... بعدين جاني شمار قبال شوية عن الولد ابوزر النضيف .. شمار خطير بمعنى الكلمة اتصل ..
| |
|
|
|
|
|
|
|
|
|
Re: مابين الشجره والرياض وجزيرة صاي الزميل بن بن عريسا (Re: sadda)
|
الزميل الوارف ابنوس كل سنة وانت أجمل
والله تعرف يا عزت انا برضو ابدا ما غابت عني تفاصيل رحلة القضارف
وعلى العهد القديم باقين ... سجل حضور في الماسنجر ياصديق قبل ما ازدحم وما تلم فيني
الأخت العزيزة منى عبيد
عطر الله ايامك بالرياحين وشكرًا ليك يا اميرة
الجميل صداح كل سنة وانت صداح
تعرف بيت العزابة دا عندو سر غريب وكلامك صاح والتحية لاخر اعضاء البيت النزير وايمن وموفق ومرتضى وآخرين
اما موضوع الاسم دا ولا يهمك بس اديها شوية كدا
| |
|
|
|
|
|
|
|
|
|
Re: مابين الشجره والرياض وجزيرة صاي الزميل بن بن عريسا (Re: sharnobi)
|
الاستاذ حبيب شامي
شكرًا للتهاني والله يبارك فيك
فاضلابي يا عزيز
الله يبارك فيك وتسلم يا رب
العزيز جدًا زمراوي تسلم وربنا يحقق جميع الاماني
الأخ طيفور شكرًا يا غالي ودعواتك جميلة
الاخت العزيزة إشراقة تسلمي يا رب وشكرًا ليك
الزميل العزيز نبتا
اطيب تحية وشكر على التهاني وسبلغ تهانيك للمدام .. لوول
العزيز شريف تسلم وربنا يخليك ويبارك فيك
الأخ الـ ( كبير ، يازول حكاية الأخ الصغير دي شنو المرة الفاتت مررتها .. إنت مكبر روحك كدا ليه وإحنا من جيل واحد )
إزيك يا بوش والله مشتاق ليك بس ارقام تلفوناك فقدتها  والحكاية ما خيانة ولا غتاتة بس لفة راس ومشغوليات ... ولو ما بورداب الرياض الفرحة بتكون ناقصة
الزميلة العزيزة إيمان
أشكـــــــرك على دعواتك الجميلة وتسلمي يا اصيلة
الزميل العزيز شرنوبي تسلم يا رائع تهانيك ليها وقع خاص محبب جميل واصيل
| |
|
|
|
|
|
|
|
|
|
Re: مابين الشجره والرياض وجزيرة صاي الزميل بن بن عريسا (Re: sharnobi)
|
الاستاذ حبيب شامي
شكرًا للتهاني والله يبارك فيك
فاضلابي يا عزيز
الله يبارك فيك وتسلم يا رب
العزيز جدًا زمراوي تسلم وربنا يحقق جميع الاماني
الأخ طيفور شكرًا يا غالي ودعواتك جميلة
الاخت العزيزة إشراقة تسلمي يا رب وشكرًا ليك
الزميل العزيز نبتا
اطيب تحية وشكر على التهاني وسبلغ تهانيك للمدام .. لوول
العزيز شريف تسلم وربنا يخليك ويبارك فيك
الأخ الـ ( كبير ، يازول حكاية الأخ الصغير دي شنو المرة الفاتت مررتها .. إنت مكبر روحك كدا ليه وإحنا من جيل واحد )
إزيك يا بوش والله مشتاق ليك بس ارقام تلفوناك فقدتها والحكاية ما خيانة ولا غتاتة بس لفة راس ومشغوليات ... ولو ما بورداب الرياض الفرحة بتكون ناقصة
الزميلة العزيزة إيمان
أشكـــــــرك على دعواتك الجميلة وتسلمي يا اصيلة
الزميل العزيز شرنوبي تسلم يا رائع تهانيك ليها وقع خاص محبب جميل واصيل
| |
|
|
|
|
|
|
| |
معتصم ود الجمام
Raja
ترهاقا
إسماعيل وراق
Rawia
elsharief
ghariba
خالد العبيد
الصادق خليفة
ASAAD IBRAHIM
Agab Alfaya
خضر حسين خليل
عبد المنعم سيد احمد
الجندرية
ودقاسم
Yassir7anna
ايهاب
hanouf56
nassar elhaj
bunbun
garjah
rani
elmahasy
Al-Shaygi
Adil Ali
sari_alail
ملكة سبأ
gessan
امبدويات
kamalabas
abdelrahim abayazid
Tumadir
manubia
الطيب بشير
awadharoun
Hussein Mallasi
Elmosley
haneena
samo
ولياب
حسن الملك
ابنوس
ابو جهينة
khider
mohammed alfadla
Yasir Elsharif
يحي ابن عوف
Mayada
Elmamoun khider
طيفور
Ishraga Mustafa
BousH
إيمان أحمد
sharnobi
فيس بوك
تويتر
انستقرام
يوتيوب
بنتيريست