|
|
 الاتجاه المعاكس غدًا .. صادق ج العظم والترابي !
|
التاسعة والنصف مساء الثلاثاء 200-1-2004 ببرنامج الاتجاه المعاكس .. مناظره على الهواء بين المفكر د. صادق جلال العظم ود. حسن عبد الله الترابي
موضوع الحلقة : عن ما يسمى بالصحوة الاسلامية ... لا تفوتكم ..
|
|
 
|
|
|
|
|
|
|
|
Re: الاتجاه المعاكس غدًا .. صادق ج العظم والترابي ! (Re: ودقاسم)
|
العزيز د. كرار
تسلم ملك
المحسي
تعرف انا مشفق على د. صادق من هذه المناظرة التي يريدها فكرية وسيسحبها الترابي الى السياسي والحركي واللغوي والمراوغة التي اشار الى بعض جوانبها ود قاسم ... فكان يجيبو للترابي دا د. نصر حامد ابوزيد( بعرف للعينة دي كويس ) وليس د. صادق جلال العظم عمومًا الله يكضب الشينة بعدين المفكرين زي د. صادق جلال العظم عاوزين ندوة وليس مناظرة سريعة يغلب عليها طابع المنتصر والمهزوم
ود قاسم الله يخليك لينا يارب
هو الزول دا لسة ما بطل حركاتو دي ولا زي الحاجات دي ما بتتخلى !
| |
|
|
|
|
|
|
|
|
|
Re: الاتجاه المعاكس غدًا .. صادق ج العظم والترابي ! (Re: bunbun)
|
ياخوي يابن بن انت البيقعدك شنو تباري السياسة ؟ مش قالوا عريس ؟ بدل الترابي و جلال العظم ماكان اخير ليك تمشي تذاكر في البوست بتاع ود قاسم : البخور و الدلكة الخلن قلبي علكة . انت خلي بالك بعدين حاتنجضها بالسياسية ولا هي زيك ؟
معليش انا عم بمزح و شكرا للتنبيه وتعليقاتنا علي الحلقة حاننزلها في بوستك ده بعد اذنك .
دمت
| |
|
|
|
|
|
|
|
|
|
Re: الاتجاه المعاكس غدًا .. صادق ج العظم والترابي ! (Re: Khalid Eltayeb)
|
خالد الطيب  LoOoOL
تعرف بيني وبينك العروس طلبت يأجلو ليها العرس 20 يوم زيادة ، وكلامك دا ذكرني نكتة حكاها لي منو ما عارف او تقريبا قريتا في حتة قالو في نقابي مهووس،،، يوم عرسو قاعدين في الكوشة وصحبك ساكت ساي لا ابتسامة لا تعليق لا همسة بينو بين المسكينة القاعدا جنبو اها اصحابو لاحظو المسألة وكل شوية يقومو يوصوهو ليك ياخي قول ليها اي حاجة اظهر ابتهاجك وحبك ليها وكلام زي كدا، فصاحبنا الصمت دهرًا ونطق نقابة... قال ليها شفتي الانتهازي فلان الفلاني عمل شنو الليلةفي النقابة وقعد يحكي ...........
بعدين الى الان انا في بلد وهي في بلد والله يلم الشمل والى داك الحين ما عندي شغلة الا نقرا ونحفظ بوستات ود قاسم وغيره من مصادر ذات صلة
اها منتظرين تحليلك يا استاذ بعدالحلقة هناوبدون استئذان
| |
|
|
|
|
|
|
|
|
|
Re: الاتجاه المعاكس غدًا .. صادق ج العظم والترابي ! (Re: jini)
|
{تعرف انا مشفق على د. صادق من هذه المناظرة التي يريدها فكرية وسيسحبها الترابي الى السياسي والحركي واللغوي والمراوغة التي اشار الى بعض جوانبها ود قاسم ... فكان يجيبو للترابي دا د. نصر حامد ابوزيد( بعرف للعينة دي كويس ) وليس د. صادق جلال العظم عمومًا الله يكضب الشينة بعدين المفكرين زي د. صادق جلال العظم عاوزين ندوة وليس مناظرة سريعة يغلب عليها طابع المنتصر والمهزوم} انتهى تعليق بن بون
وهاقد حدث ياجماعة، مرارتى انفقعت وانا اشاهد البرانامج، الترابى بيتكلم عن نهضه اسلامية حصلت فى السودان، وبيحكى وبحاول اركز ياربى هو بيحكى عن السودان ولا بلد فى خياله، الله يكون فى عونا
وزى ماقال بعض المداخلين كان احسن يجبيبوا ليهو زول يقدر يجاريهو فى لغته المراوغة ولى عودة
| |
|
|
|
|
|
|
|
|
|
Re: الاتجاه المعاكس غدًا .. صادق ج العظم والترابي ! (Re: bunbun)
|
الحلقة كانت " ملوص" لانها من الاساس تهدف الي ايهام الرأي العام العربي و الاسلامي أن اكثر من 80% من الشارع الاسلامي يري الحل في " النموذج الاسلامي " و هذه هي النتيجة التي خلص اليها مقدم البرنامج خاتما " ملوصه" بنتيجة الاستطلاع علي طريقة " سيوبر ستار " و " ديانا كرزون "
شيخ حسن استخدم لغة و كلاما أقل مايوصف بأنه ديماجوجي و تحدث عن " تنزيلات الحل الاسلامي " في الاقتصاد و الفن و المرأة و أكد أن نموذج الاسلام السياسي في السودان قد حقق الازدهار و التقدم الاقتصادي و المرأة ارتقت درجات في سلم التقدم و نالت مزيدا من الحرية و التقدم بل و اكثر من ذلك ازدهر الفن و تقدم .
عجبي !!!! أو لم تجلد المرأة في شوارع الخرطوم ؟؟ أو لم يقتل الفنان في داره بفعل الهوس و الظلام ؟
صادق العظم لم يكن موفقا في التقرير المطلق بأن المشروع الاسلامي قد وصل الي طريق مسدود وانه بات في حكم الميت و الصحيح من و جهتي أن الاسلام السياسي تلقي ضربات موجعة و لكنها غير كافية للاجهاز عليه و هذه النقطة لمح اليها جورج طرابيشي في أتصاله الهاتفي أثناء الحلقة و حدد علي نحو دقيق ان الاساس الموضوعي لحركات الاسلام السياسي لايزال موجود في بعض جوانبه و تحديدا الظلم الاميركي في مايتعلق بالقضية الفلسطينية فالمقاومة قوامها و جوهرها اسلامي و لان الفكر القومي و التقدمي عموما هو الاخر في مأزق فبديهي أن تلجأ قطاعات و اسعة من الحماهير الي الخيار الاسلامي حاملة معها يأسها و قنوطها .
| |
|
|
|
|
|
|
|
|
|
Re: الاتجاه المعاكس غدًا .. صادق ج العظم والترابي ! (Re: Khalid Eltayeb)
|
العزيز العريس النضمو في الميس
تابعت الحلقة ... العظم فقد تعاطف المتابعين عندما افصح عن نصرانيته وعندما اساء للاسلام بالتحدث عن بيت النبي الكريم صلى الله عليه وسلم وبالتالي فقد بصيص الامل في كسب الجولة واتاح للترابي اكله بسهولة ويسر...
بدى الترابي مركزا ومتابعا بتسجيل ملاحظات عن مداخلات المهاتفين وطرحه لفكره كان واضحا ...عكس العظم الذي اتى بكبسولات جاهزة لم يتمكن من الخروج من نطاقها الضيق .
| |
|
|
|
|
|
|
|
|
|
Re: الاتجاه المعاكس غدًا .. صادق ج العظم والترابي ! (Re: bunbun)
|
شهدت الحلقة من الألف الي الياء وكانت هزيمة للترابي و الذي حاول الالتفاف بالتعميم تارة و المراوغة تارة أخرى والاستخفاف بالخصم
وكسب الجمهور من ناحية عاطفية كل من شهد الحلقة تأكد من ان الترابي كاذب ومستخف بكل التجهات الدينية من صوفية ووهابية وسخر من الغرب و الشرق فالرجل لا يري ندا له الا نفسهو كيف يكون جنون العظمة اذا لم يكن هذا المأفون تجسيدا له
| |
|
|
|
|
|
|
|
|
|
Re: الاتجاه المعاكس غدًا .. صادق ج العظم والترابي ! (Re: bunbun)
|
شهدت الحلقة من الألف الي الياء وكانت هزيمة للترابي و الذي حاول الالتفاف بالتعميم تارة و المراوغة تارة أخرى والاستخفاف بالخصم
وكسب الجمهور من ناحية عاطفية كل من شهد الحلقة تأكد من ان الترابي كاذب ومستخف بكل التجهات الدينية من صوفية ووهابية وسخر من الغرب و الشرق فالرجل لا يري ندا له الا نفسهو كيف يكون جنون العظمة اذا لم يكن هذا المأفون تجسيدا له
| |
|
|
|
|
|
|
| |
bunbun
elmahasy
ودقاسم
Khalid Eltayeb
jini
Ishraga Mustafa
garjah
فيس بوك
تويتر
انستقرام
يوتيوب
بنتيريست