زمان... كنا أطفالا،وسماوات ! كنا اذ نلهو نرسم أشجارا وشموسا في الرمل و أنا أرسم زينب...
(2)
في المدرسة تعلمنا أشياء كثيرة كيف نعد و نكتب بلدا ولدا بنت.. أتهجى: زاي،ياء،نون،باء... ... ... ...
كانت زينب كل بنات ( كتابي الأول)
(3)
وحين غدونا أكبر في قديم الماء قبل أن ندري عن الكيمياء كان طعم الماء أفضل
(4)
وقبل أن يدرسوننا عن الأفلاك كانت السماء أجمل ...... غامضة كانت كشفوا عورتها بالعلم
(5)
كل الأشياء تبهت حين كبرت الا زينب ظلت زينب فاكهة ليالي الحزن سرقتها الغابة مني ذات زجاج و مضت عني لكني كنت أبادلها الأمواج أسمعها حتى لو غنت في أبعد أرض ممكنة أبعث يوميا كل دمي كل طيور البحر وعصافيري ليديها...
حجاج!
(6)
طالت أيامي و أنا في المنفى (المنفى...كل مكان لا تنظره زينب) طالت جدا و ألتهم الشوق دمي
(7)
في الشمس تنبت أزهار ونجوم تشبه زينب في السوق تمشي قربي زينب في المارة و السيارات ألمح زينب
...... زينب زينب يا زينب...! و تآكل حلقي كثرة ما ناديت.
(8)
كلو ما فتشت عنك في البنات سموني صعلوق كلما كلمتهن عنك يفوتن ليه تدسي الشوق في واحدة والصوت .... في واحدة والموت.... في واحدة طيب انتي وين و ألقاك متين
(9)
يا ربي أبقاك؟ أبقى أنثى و أحبني ولا حلقاك؟
(10)
آه لو ألقاك لو بس ألقاك و أحنس ضوك في الجوف يتلما و أسقي الغيمات منك جغمة...! وأتراقص تحت أمطارك نجمة
(11)
أنا طير هواك مسروق من الأسطورة من حجوة بلاد الأولياء وخدام نبيذ الله مدسوس في القدر والجو..!
(12)
و عايش في البلاد وحداني هذي العتمة رامية عليا شي يوطانـي ما شكاي وشكوى رفاقي يوت في أضاني شايل الشايلو،دونما أختارو ماردات الهموم حاباني حين الوجعة تنزل في حشاي تلقاني.. ثابت والوجع من غيظو كم سباني يا بت السما الفوقاني خيت المطرة و الألوان وست أحزاني ساكت عن هواك حين من سماك رماني ساكت ومادي ليك الروح لحاف و أغاني كاتلني الجواي والعبرة بيك خانقاني الا وقت لقاك حالف بمسكو لساني لا صرحت حدي اليوم أغني و أعاني لا جنيت ولا غبيت ولا فات يوم هواك وختاني
(13)
كلما الليل صب حبرو على الأفق تبقى هذي القمرة سر..! هي مغنطيس الروح هي كل هذا السيل من الأحزان الى فرشي هي أغنيات الخيل اذا هربت الى آخر أرض في الأرض سرا كي تموت أو لو بكت تحت السياط أو من تعب أو تحت وطأة وزن حزن العربجي
(14)
حوافر الخيل أصابع الجو اذا يطرب و ينقر بأصابعو الأرض..!
(15)
و دم الخيل صديق دم الصحابة الماتو في الغزوات جليسهم اذ يخالط دمهم دم الخيول والطين ويونس غربتم بعد الحرابة تموت
(16)
يا السكوت لما أجمل غنوة تبدا يا كلام أعصابي لى أعصابي لما تغني فيروز أو أموت...!
18
أنا و الليل (نديد شعرك) بنتونس عن الريح والهموم و يديك و نرجاك كل يوم في الليل زي الموت مصير محتوم بنستاك
مصير الحي يلاقي...
.... .... .... و يموت.!
محمد علي الفاضلابي
08-20-2007, 06:59 PM
Emad Abdulla Emad Abdulla
تاريخ التسجيل: 09-18-2005
مجموع المشاركات: 6751
علي الأيمان يا شاب .. شغلك ماكن ماكن ماكن .. أقراهو .. و شحححححححح .. أقراهو .. و شححححححححح .. ( أنا بتكلم عن الشغل المن واحد لحدي سبعة .. و مكتوب بالأسود ) .. الباقي الملون ما خصاني .. خصتني زينبك .. و زينب خدرا .. بتكون خدرا .. فيااااااااااااا زينب من واحد .. و حدّك سبعة ..
Quote: كانت زينب كل بنات ( كتابي الأول )
الله الله ..
Quote: وقبل أن يدرسوننا عن الأفلاك كانت السماء أجمل غامضة كانت كشفوا عورتها بالعلم
ياخي الله يريحك .. و الله العظيم الله يريحك
Quote: لكني كنت أبادلها الأمواج
.. إنّا لله .
ما ترد علي كلامي ده .. ردودك مسيخة و ممصمصة .. و بتبوظ ياخي عليّ الإيقاع السكران ده .
شكراً شبعاً حد التخمة يا فاضلابي . و سلام .
......
" المدحة " الخواجاتية البي ورا دي .. ياخي مريحة .. مرقت زينب منها حالة ..
الله يصلح الحال .
08-20-2007, 08:31 PM
fadlabi fadlabi
تاريخ التسجيل: 12-13-2004
مجموع المشاركات: 4116
شنو عايز تدخل لينا الأستاذ عماد في حضرة وجذب ؟ الراجل مهبوش خلقة ، خليهو في حاله .
طبعاً يا فاضلابي ما جديد إنو أقول ليك كتابتك حلوة وتريح البال وتسر الناظرين وده قد يكون لأنها كتابة بتتوسل بالبساطة والطيبة للإقتراب من الجماعة المعروفة بالناس .. حاجه حلوة زي حلاوة الكلام العادي وواضحة وضوح الكلام العادي ، وبتشرح مشاعرنا العادية : أشواقنا وحنيننا وأفراحنا ..
إنت موهوب يا صحبي وربنا عطاك من عندو أشياء سمحة ، وأسمح ما فيها القدرة على كتابة نصوص خالية من المواد الحافظة والألوان الصناعية ..
08-22-2007, 08:36 PM
fadlabi fadlabi
تاريخ التسجيل: 12-13-2004
مجموع المشاركات: 4116
و البكتب بسيط و يدخل قلب الواحد توووووش زي القطر منو غيرك
عارف?
مع إنك صاحبي و كل حاجة لكن شهاداتك دي أنا بدسها ليوم جاي تكون فيه مشيب زي عمك محمود عفيفي و كلمتك توزن دهب( حاليا بتوزن دهب برضو) وبب أطلع لمدينة بتي هاردسك قدييييم لمن توريني كتابك الأخير و تقول لي إنت ما بتعرف تكتب زي عمو طلال ليه?? الله يورينا الزمن داك قول آمين
08-22-2007, 01:03 PM
Rabab Elkarib Rabab Elkarib
تاريخ التسجيل: 10-15-2002
مجموع المشاركات: 1406
Quote: ظلت زينب فاكهة ليالي الحزن سرقتها الغابةُ مني ذات زجاج و مضت عني لكني كنت أبادلها الأمواج
والهروب إلي الدارجة ...
Quote: أنا طير هواك مسروق من الأسطورة من حجوة بلاد الأولياء وخدام نبيذ الله مدسوس في القدر والجو..!
... ... هذا النص : وأنا مسؤل نقدياً واخلاقياً من أجمل واقوي ماكتب في المشهد الشعري السوداني مؤخراً. هذا النص : تربطني به علاقة(حب) عميقة وطويلة وجديدة كمان ، احتفظ بورق منذ خمسة سنين ونيف (A4) مكتوب علي صدره بخط جميل وحر "زينب ياصاحبي " بخط محمد فاضلابي .
ربما سأعود للكتابة والدردشة حول "زينب وإنتظارها" ...
---------
لكن ياجماعة ، هل سمعتم الإنسجام ، المزيكة ، المزيكة الفي البوست ده ، ابت تخليني امرق من البيت .(الشغل ده فيه ريحة بوبي ماكفيرن) ده شنو يامحمد الحكاية الفنانة دي .
علي كل حال :
زي الموت مصير محتوم بنستاك
مصير الحي يلاقي...
وهذا لأن المحبة قوية كالموت كما في نشيد الإنشاد الذي لسليمان .
08-22-2007, 08:53 PM
fadlabi fadlabi
تاريخ التسجيل: 12-13-2004
مجموع المشاركات: 4116
Quote: هذا النص : وأنا مسؤل نقدياً واخلاقياً من أجمل واقوي ماكتب في المشهد الشعري السوداني مؤخراً. هذا النص : تربطني به علاقة(حب) عميقة وطويلة وجديدة كمان ، احتفظ بورق منذ خمسة سنين ونيف (A4) مكتوب علي صدره بخط جميل وحر "زينب ياصاحبي " بخط محمد فاضلابي .
متذكر جدا حبك للقصيدة و لمن كتبتها ليك...
و الله يا إبراهيم ما تتخيل أنا بفرح كيف بكلامك ده
ياخي مالو تلفونك بطل يجيني ياخ...
مش عندنا ونسات كتيرة نحنا??
طيب ما تخلي الحركات دي و أفتح تلفونك.
Quote: وهذا لأن المحبة قوية كالموت كما في نشيد الإنشاد الذي لسليمان .
08-22-2007, 07:30 PM
خضر حسين خليل خضر حسين خليل
تاريخ التسجيل: 12-18-2003
مجموع المشاركات: 15087
Quote: كل الأشياء تبهت حين كبرت الا زينب ظلت زينب فاكهة ليالي الحزن سرقتها الغابة مني ذات زجاج و مضت عني لكني كنت أبادلها الأمواج أسمعها حتى لو غنت في أبعد أرض ممكنة أبعث يوميا كل دمي
ياسلام يافاضلابي ياخ بتبالغ في داعي تسوي فينا دة كلو أقسم بأنها أجمل زينب مشت علي الأرض وزينب أظنها كل الحبيبات كلهن كلهن يا فاضلابي
08-22-2007, 09:03 PM
fadlabi fadlabi
تاريخ التسجيل: 12-13-2004
مجموع المشاركات: 4116
يا زول آسفين بالله يا محمد طلعت النوع الببقى رئيس داخلية داك (قنديل) يعني..
أنا في العنبر كنت الطيش و في الفصل و الكورة و السلة و الكديت و الأساتذة كلهم راميين طوبتي من عبدالفتاح لعباس ركس و زنكوف.. و إحتمال كبير أكون الوحيد من خورعمر القرا الفرع.
عند سماعك إنتباه بالعدد جماعة واحد ترفع رجلك زاوية قائمة خمسة و أربعين درجة.. أي سؤال?
08-22-2007, 09:25 PM
Mahmoud Mustafa Mahmoud Mahmoud Mustafa Mahmoud
تاريخ التسجيل: 11-26-2004
مجموع المشاركات: 4325
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
fadlabi
Emad Abdulla
خدر
salah elamin
وليد محمد المبارك
Sidig Rahama Elnour
Osman Musa
salma subhi
omar altom
osama elkhawad
Abuobaida Elmahi
هند محمد
على محمد على بشير
طلال عفيفي
Rabab Elkarib
Ibrahim Algrefwi
خضر حسين خليل
محمد حيدر المشرف
Mahmoud Mustafa Mahmoud
فيس بوك
تويتر
انستقرام
يوتيوب
بنتيريست