|
|
 أغنية الجندي
|
الليلة..!
في واحد أول مرة ألاقيه
كتلته
قبال يكتلتني
كتلته
يمكن
لو ما كنت ضغطت زنادي
كنت أكون الميت.
......
......
......
واحد أول مرة ألاقيه
كتلته!
يمكن لو كنا أتلاقينا في شارع جمب ست شاي
كنا بقينا أصحاب
أو يمكن كنت بعد ما عرفتو
برضو كتلتو!
_______
محمد
|
|
 
|
|
|
|
|
|
|
|
Re: أغنية الجندي (Re: fadlabi)
|
أول مرة من زمن يستفزني بوست ويخليني أكتب
كلامك جميل....
انك تكتل زول ما بتعرفو حتى...مصيبة....
إتخيل معاي
زول لزاني زمان ونحن شفع بنلعب..ووقعت علي قدومي...قمت شميتو
نفس الزول اداني ضربة في العضم في دافوري المدارس المتوسطه
في العالي..ولي التعتر ليي ...قبضني بعاين لي اختو وهي مارقة الدكان..قام شرك ليي في الضلمة واداني علقة حاااارة...صرفت النظر بعدها عن الحبيبة
في الجامعة كان بينا سيخ وسكاكين واتحاد طلاب ومظاهرات
زول بعرفو، وبعرفني...لاقيتو...وكتلتو
اللييييييييييييلة..
إتذكرت حاجة..( بس للأسف بعد كتلتو)
زمان لمن كنا صغار..كان بقطع لينا الجوافة من شدرة ناس حاج محمد صالح الحلفاوي
وكان بتقاسم معانا الجوافة..وياكل الجلد براهو
في المتوسطة كان بدافر لي في المواصلات..يحجز لي كرسي..ويركب هو مشمع
في العالي..كان بيشرح لي الكيميا..(أنا أصلي بليد في الكيميا)
في الجامعة ..يوم وفاة ابوي..دق الصيوان ووزع الشاي والقهوة وصواني الأكل معانا
قبال اسبوعين جانا البيت اشان الحاجة كانت عيانه..جا سلم عليها زي باقي الجيران كلهم
وهو مارق قال ليها : (شنو يا حاجة..بطلي الدلع وقومي ..والله مشتاقين لي لقيمات المغربية بتاعك)
اللييييييييييييييلة..!!!
امبارح لاقيتو...
شايل بندقيتي..وشايل بندقيتو
بعرفو..وبيعرفني
قمت كتلتو..
لو ما كتلتو..كان كتلني
أيوا صاح..اتذكرتا....لكن بعد كتلتو..اتذكرتا..!!
| |
|
|
|
|
|
|
|
|
|
Re: أغنية الجندي (Re: fadlabi)
|
فاضلابى
السلام عليكم وشالوم
امس شاهدت فى التلفزيون نشرة اخبار البى بى سى. كالعادة كانت تغطية اخبار الحرب بين اسرائيل وحزب الله اللبنانى/الايرانى. اجرت المذيعة حوار سريع مع جندى اسرائيلى يستعد للحرب فى جنوب لبنان. سألته المذيعة (ما خايف من الموت؟).. ارتعش وجه الجندى ارتعاشة خوف سريعة، واجاب بالقول ( انها الحرب. وفى الحرب يموت الناس)
Soldiers are trained to kill
محجوب شريف قال فى احدى قصائده الشهيرة
كل سونكى احسن يبقى مسطرينة!!
محل طبنجة احسن الكمنجة!!
| |
|
|
|
|
|
|
| |
fadlabi
Tumadir
Adil Osman
خدر
فيس بوك
تويتر
انستقرام
يوتيوب
بنتيريست