|
|
 مامون عجيمي وطارق الأمين ومجدي النور، مرة واحدة؟ جنس خريف..
|
مساءٌ طيّبٌ هذا..
،
،
تَعْرِفْ،
مرات الدنيا تقوم براها كده تستعدل، تغيّم، تجيب ليها طراوة، وشويتين مطرة،
،
وبعدين مع المطرة أم رشاش؟
المهم يا زول، بي جاي بي جاي يبدا الغُنَا
والحال السّمِحْ،
و
وعاد تعال شوف..
،
تكون راااقد تضاير في همومك، وزهجااان من الليلة ومن باكر المعروف وما معروف،
يقوم يجيك تلفون،
تعاين تلقاهو من السودان،
بسم الله، عاد يااا الله تستر،
،
تطلع منك، ألوووو مترددة شوية وخايفة كتيير
،
فجأة الخريف
ما عارف صوت مامون العجيمي ده علاقتو شنو بالخريف؟
،
ياربي يكون بجامع التحريض في كلٍ؟
يَمْكِنْ!
،
تنتعش، تطرب، حلقك يقرقر بالضحك لامن تنسى.
هم باكر محل ضايرتو ما تعرفو
،
والليلة جايبلو خريفاً كُتُرْ،
وحديثو براهو..
،
،
- أسمع يا خينا،
بعد كم يوم جايين عليكم،
........
معاي طارق الأمين ومجدي النور..
،
،
يا اخوانا؟
عليكم النبي في زول يَحْمَل ليهو خريف قدر ده؟
**
|
|
 
|
|
|
|
|
|
|
 Re: مامون عجيمي وطارق الأمين ومجدي النور، مرة واحدة؟ جنس خريف.. (Re: بدري الياس)
|
Quote: معاي طارق الأمين ومجدي النور ومامون العجيمي..
|
إبن عمي الجميل بدري إلياس...
نهارك سعيد يا اخوي...
لي يوميييييييييييييييين في داركم دي ولا تقول لي يا اخوي عوافي ولة حمداً لله على السلامة؟؟؟
قُلت لي ود أُختي طارق ومامون العجيمي سيد الإسم (اللهم أرضى عنهم)... ومجدي معاك... اللللللللللله أداك يا اخوي...
والشافك بي تلاتتُم يشوفنا نحن فرداني ياااااااااااااارب...
قواسيب مودتي لك أخي الكريم وللحلوين المعاك...
وأرسلت ليك إيميل بخصوص منتديات الشايقية (البركل دوت كوم) وصلك ولة لسَّع حسن علي (ساعي البريد ما وصلك؟؟؟)
أبو الحســـــــــــين...
| |
|
|
|
|
|
|
|
|
|
Re: مامون عجيمي وطارق الأمين ومجدي النور، مرة واحدة؟ جنس خريف.. (Re: أبو الحسين)
|
يا جمال يا ابو الحسين
يا مراحب، يا مراحب
،
كيفك يا زول وسعيد والله بي شوفتك وبالسماع منك..
وطالما ليك زمن طولت حايم والغبيان الزيي مو جايب خبر
والله اللوم راكبنا من فوق لا تحت.
وحقك علينا
،
أسمعني،
بجيك بي مهلة، وانت سيد بيت،
وبي مناسبة السيادة على البيوت دي ان شا الله تكون "جبت أم الحسين؟"
وما تكون زي العبد لله، لا يومي ويومك ده لا في الايد ولا عندو سيد
،
وممكن تخاليني بس يوم نتلاقى، مافي داعي لي شيل الحال..
،
،
| |
|
|
|
|
|
|
|
|
|
Re: مامون عجيمي وطارق الأمين ومجدي النور، مرة واحدة؟ جنس خريف.. (Re: عبد الله إبراهيم الطاهر)
|
Quote: يعني أنا أبقى ليك عاااااااااااااامَّك...
لأن طارق الأمين ود أختي ولة شنو؟؟؟
مودتي...
|
هو مش ود عامتي وانت خالو
يعني تبقي لي خال ودعامتي
..الايام دي بعلم في بنيتي الصغيرة ...النسب...وداك ببقي ليك شنو ...
لما زهجتها...قالت لي البيت الساكنين فيه دا ببقي ليك شنو؟
قلت ليها ببقي لي سكني... قالت أها والسكني ببقي ليك شنو؟؟...لا هسي ما عرفت اجاوبها
عبدالله الطاهر...
كيفك يا راجل...لا خبر لا اتر...ولا جيت صاد ولا قلت عوك...
مشتاقين والله...وأخوك بكري لا زال بمدني...
| |
|
|
|
|
|
|
|
|
|
Re: مامون عجيمي وطارق الأمين ومجدي النور، مرة واحدة؟ جنس خريف.. (Re: بدري الياس)
|
الحبيب بدري
أزيك
أعتذر عن عدم تمكني من دخول الحوش في الأيام الفاتت ...
وحياتك ترانا الدنيا يا ها الدنيا ... الله يعينا ويعينك ...
الحبيب نزار حسين
أشواقنا كيمان ... بجيكم في القريب العاجل ... وصاحبك بكري يغادر إليكم مساء اليوم ... أتصل علي صباح اليوم ...
أيش أخباركم ...
معليش يا بدري بوستيك سويناهو للسلامات والأشواق ...
معحبتي لكم جميعا
| |
|
|
|
|
|
|
|
|
|
Re: مامون عجيمي وطارق الأمين ومجدي النور، مرة واحدة؟ جنس خريف.. (Re: mahdy alamin)
|
والآن..
ماذا أقول الآن؟
،
هل كان لابد من ذلك؟
هل كان علي أن أنتظر كل هذا الوقت؟
أجلتم الوعد كذا مرة ، ولكن يبدو أن تأجيلك يا مجدي سيستمر وللأبد..
بالله ما حا تجي كلو كلو يا مجدي؟
،
استغفر الله العظيم..
،
ماذا أقول لقلبي وهو منتظرك هنا؟
وتاريك عصافيرك نزحت هنااااك..
‘
إذن سيطول انتظارنا يا مهدي
سيطول انتظارنا يا نزار
كتب علينا طول الترقب يا عبد الله ويا كل الذي مر ليسأل..
،
ومجدي لن يكون هنا أبداً..
كيف لنا أن نحتمل كل هذا الفقد يا ناس؟
كيف؟
،
استغفر الله العظيم.
،
(مجدي
رجاء أيقظني حين تمر..)
| |
|
|
|
|
|
|
| |
Muna Khugali
أبو الحسين
nazar hussien
أبو ساندرا
شرووم
عبد الله إبراهيم الطاهر
mahdy alamin
خضر حسين خليل
الجندرية
ملكة سبأ
فيس بوك
تويتر
انستقرام
يوتيوب
بنتيريست