|
Re: قوى الحداثة داخل حزب الأمة؟!!!؟... (Re: خالد خليل محمد بحر)
|
عزيزنا بحر... يا سيدي أتوقع منك ما يفك طلاسم حيرتي في هذا السؤال ، شاكر كثير مرورك [عقلانية – تنوير – حداثة] ، يمكن يكون من ضمن سياق الموضوع [حداثةسياسية ولاحداثة فكرية ولاحداثة طائفية..؟] لكن [حداثة] بتاع الهلال بتاعك ده كدي خليهو لاحقا..
محمد عبد الرحمن وبقية الأحباب هنا.. محمد قمنا بالتصحيح لدرجة اعتقد أنها تُرضى غرورك ، وتدفعك لكي تساعدني في الإجابة حول هذا السؤال ، تعرف أنا بالجد ابحث عن الإجابة ولازلت انتظر مرورك. وبقية الأحباب أولا ثم من له علاقة بالموضوع..
و UP
التحايا النواضر..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: قوى الحداثة داخل حزب الأمة؟!!!؟... (Re: محمد عبدالرحمن)
|
محمد عبدالرحمن
Quote: يامعتز ..انا غايتو بقدر اتكلم عن حداثه بتاع الهلال
(دى قدرتى ) ينفع ؟ |
بنفع ليه ما بنفع ، انمهل نشوف بقية الأحباب ربك يفتح عليهم بى كلمة تزيل البس(الدور ده صاح مش؟) ، وبعدها لكل حادثة حديث ، بالإضافة إلى شي أخر شايفك برضو كويس في العربي ممكن نستفيد منك ..بس منتظر بعض من أحبابكم وبعدها بكورك ليك عديل [أرجاني]..
التحايا النواضر
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: قوى الحداثة داخل حزب الأمة؟!!!؟... (Re: Motaz Ahmed)
|
Motaz Ahmed سيد الاسم عزو صديقي.. قلبي كان ما كلني. . لكن ما في مشكلة ابوحميد سيتكفل بذلك بعد أن ينفذ هذا البوست من أغراضه.. بعدين أبعدنا من مصطلحات [أستاذ وما شابة].. تشكر كتير عزو ...
يا ربي لنا ولا وراق ولا ود العمدة ولا عويس ولا الوالي ووالخ الصوم عمل فيهم كده لمن بقوا مابشوفوا. . التحايا النواضر..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: قوى الحداثة داخل حزب الأمة؟!!!؟... (Re: إسماعيل وراق)
|
Quote: لكن ما في مشكلة ابوحميد سيتكفل بذلك بعد أن ينفذ هذا البوست من أغراضه |
يازول انت اتحسست مالك ..والله تندموا الزول على (استفهامو) بالمناسبة انا مامتكفل بأى حاجة ..من الممكن سطرين او ثلاثة عن حداثة بتاع الهلال ..
| |
![Edit](https://sudaneseonline.com/db/blank.gif)
|
|
|
|
|
|
Re: قوى الحداثة داخل حزب الأمة؟!!!؟... (Re: محمد عبدالرحمن)
|
خالص التحايا الزملاء الاحباب
إسماعيل وراق استاذنا اسماعليوف ازيك يازعيم ،اخبارك وصحتك
تقول شنو ماتقول انت برضو محتار زي تبقى مشكلة ، ماهو مرى علي الكلام ده اذا كنت تعنى الاقتباس [قوى الحداثة داخل حزب الأمة؟!!!؟...] .وحبيت اسال عن صحتو ربما يكون في تيار داخل حزب الامة يمثل تيار الحداثة ، عموما لا غرابة في ان يكون هنالك تيار قوى حدثية داخل تنظيم تقدمي ، بس زي ماقلت ليك انا الكلام ابا يقع لي نهائي .وابا يقع نهائي دي كدي لمن اتحقق من انو فعلا الكلام ده صحيح..
مشتاقووون وكده ، وكويس قدرنا نلم فيك فنحن موجدون فقط زي ماقال ود اللمين الحي مصيرو يلاقى حبايبو فقط ياسمعة[لو صــادقين]..
محمد عبدالرحمن ابو حميد اتحسس شنو بتعرف برد وصقيع سيبريا انا احيانا ابرد منو، واحيانا غايتو اسخن من السودان ما اظن لذا حاقيس عليهو درجة السخانة البكون عليها (سم تايمز)، وشكلك انت الاتحسست .. ياسيدى اتفقنا حداثة بتاع الهلال حداثة بتاع الهلال بس حسين يوسف صاحبي مايزعل[احب مدني ذاتها]...
وماشين في السكة نمد..
التحايا النواضر..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: قوى الحداثة داخل حزب الأمة؟!!!؟... (Re: محمد عبدالرحمن)
|
محمد عبدالرحمن ياسيدى ما اعتقد من عدم قلة شغلتى افتح لى بوست وبدون معنى ، مايهو بعد كلامك ده يا اما انت شايت غلط ولا انا ، اذا كنت انا قلت ليك الكلام ده مرى علي وداير اتاكد من صحتو ، ياخ هل في حزب الامه الواحد ده تيار بمثل تيار الحداثة ، غايتو بعد ده انا ماعارف تانى اقول ليك شنو؟ المهم ياسيدي كدى نبسط ليك الموضوع اكثر ، اذا افترضنا الحزب الشيوعي مثلا لمن يجى الحديث عن شخص بعينة بقولو ده مثلا التيار الليبرالي داخل الحزب الشيوعي .. اتمنى اتمنى قدرت اوضح ليك واتمنى تدينى الاجابة عن تساؤلاتى دي عشان ما اقوم افتي ساى وزى ماوعدتك بس اخلص حيرة السؤال ده وبجيك لى حداثة والثعلب ذاتو .. اها محمد منتظر انت والرفيق اسماعليوف ، وصاحبى العريس ود العمدة غاتس وين ،وين لنا ؟.الوالي خليهو مشغول..
عموما في الانتظار
التحايا النواضر..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: قوى الحداثة داخل حزب الأمة؟!!!؟... (Re: معتز تروتسكى)
|
الزميل توتسكي .. أعتقد أن الصراع السياسي ضمن الحدود القائمة حالياً داخل السودان ضروري ومهم، و لكن يجب السعي لتأسيس رؤية للواقع تسمح بإعادة تأسيس الحركة السياسية أي كان مسماها بما فيها القوي التقليدية. وهذا وذاك متكاملان، ولا يجب أن نتجاهل أيٍّ منهما، لأن المستقبل يفترض إعادة بناء الرؤية، وهذه محمدة إذا ما كانت للأحزاب التقليدية رؤيه حديثة..
هبشة: لكنني أعتقد أن قوي الحداثة داخل حزب الأمة هي مجرد مجموعة رافضة لتراثيات الحزب وشكل قيادته، وإذا ما أتيحت لها القياده تجدها أيضاً قابعة في التقليدية، أي أن لفظ الحداثة هنا وسيله فقط يا عزيزي ...
تاني هبشه: وأنا تاني بكرر نفس سؤالك: يعني شنو الحداثة داخل حزب الأمة؟
كل الود،،،
عادل فايت
| |
![Yahoo](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: قوى الحداثة داخل حزب الأمة؟!!!؟... (Re: معتز تروتسكى)
|
مما يدعو إلي الحيرة ، ويبعث في النفوس الخوف والريب أن تزامن هذه الحاجة الموضوعية الملحّة مع خطاب انغلاقي شوفيني يطل علينا بوجهه الكالح من هنا وهناك في ساحتنا السودانية ، محاولا التخفي ، ونحن في مطلع الألفية الثالثة ، وراء شعارات مرحلة وطنية تاريخية في إطار ضيق ومفهوم للسيادة عفا عليه الزمن ، تجاوزه قطار العولمة تاركا أنصاره واقفين في محطة الحنين إلى الماضي ، والتغني بمحاسن هويّة أدركها الذبول وأصابها الخسوف.إن الحداثة كلّ لا يقبل القسمة ، أو التجزئة فلا يمكن أن نقبل على الحداثة في المجال الاقتصادي والتقني ، ونهمل الحداثة في الفكر السياسة.
وممّا زاد الطين بلّه محاولة إنبات الحداثة في الظرف التقليدي ،حيث أن هذا الجو لاينمو ولا يزدهر به اطلاقا فكر حداثوي ، لذا تعمل المجتمعات التقليدية على خلق هذا الجو بالرغم من عدم توفر المقومات لذلك ، حيث يتجلى دائما الموقف المجانف للتغير والابتكار ، حيث ينظر إلى كل محاولة للتغير على أنها تهديد اجتماعي ، وهنا يمكن لنا أن نلامس روح التقليدية للعلاقة الذهنية للاطراف الطائفية مع الأشياء وهذا يعني أن المحافظة [censervatisme] هي سمة أصيلة في البنية العقلية المحافظة ، والمحافظة هنا تضمن لهذا المجتمع حماية ذاتية ضد كل مايهدد الطابع التقليدي لوجودها ، كما أن هذه المحافظة تعد أساسا ذهنيا في عملية تكيف هذه المجتمعات.
كل مجتمع يعرف بموقفه المتميز من الزمن كما يرى آلفين توفلر (( حيث يزحف الماضي إلي الحاضر ويعيد إنتاج نفسه المستقبل في المجتمعات التقليدية الجامدة [لأنه مع القديم تكون الحكمة] كما يقول الإنجيل. وعلى أساس الموقف من الزمن تصنف أيضا العقليات إلى عقليات تقليدية جامدة متحجرة تعيش في الماضي ولأجله ، وتدور في فلك الأسلاف والأجداد والتقاليد القديمة . وهنا نجد أن محتوى ومضمون هذه العقليات عقائديا وقيميا ينتمي إلي مرحلة سابقة من التطور الاجتماعي والفكري كالإيمان بالسحر والشعوذه والقباب والتقليد وأرواح الآباء والأجداد وقيم الزمن الماضي بغثّها وثمينها ، ومن ثم الإعلان من موقف الحذر والريبة وابتكار مهما يكون مضمونه ومحاربة التيارات الراديكالية. فالحداثة لا اعتقد انها مطلبا قائما بذاته ولا هي مجرد نزوة عابرة أو ترف مجاني أو مرعاة للموضة والزي بقدر ما هي استجابة حقيقة لمشروع لمايحدث داخل كل كيان ومجتمع من تغيرات في اللغة وهلمجرا ، لذا لالم يكن مقنعا لي ابدا مقولة [وجود تيار للحداثة داخل حزب الأمة!!!].كل الواقع ومعطياته داخل هذا الحزب لاتنسجم مع واقع الحداثة ، او يصبح هذا استهبال ولعب بالعقول ، بالاضافة الى كيفية ان يكون هنالك افراد حداثوين في حزب الامة[يعنى ديل بغشوا علينا ولا على نفسهم؟!؟].
نواصل ماتوفر الزمن..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: قوى الحداثة داخل حزب الأمة؟!!!؟... (Re: معتز تروتسكى)
|
معتز تروتسكي التحايا النواضر ( تحية مستحدثة ) لماذا أنت ثائر لهذا الحد ؟؟؟ هل دعاك أحد للإنضمام لتيار الحداثة بحزب الأمة ؟؟؟ إذا كنت تتمسك لهذا الحد بمدلولات اللغة و ما فيها من مصطلحات فلا تغضب ممن أراد أن يصحح خطأك الإملائي الذي تكرر( لبس - إلتبس - اللبس ( وليس البس )... هل للحداثة صفات محددة يمكن وصفها بها ؟؟؟ لست من كوادر حزب الأمة و لست محسوباً منهم أو عليهم ... و لكنني دون شك أجد في أفكار السيد الصادق المهدي زعيم هذا الحزب إنسان مجدد و مفكر يقود حزبه ليكون حزب حديث بكل ما للكلمة من معنى و في كل الأحوال إذا كتب له الله التوفيق أو جانبه ذلك ( كيفما سيظهره التاريخ ) و ليس الحكم على مجهودات لم تكتمل بعد. سؤال خارج النص : هل إغتال الشيوعيون تروتسكي لأنه قاد تيار حداثة داخل الحزب الشيوعي ؟؟؟ مع أطيب التحايا ( النواضر )
| |
![Edit](https://sudaneseonline.com/db/blank.gif)
|
|
|
|
|
|
Re: قوى الحداثة داخل حزب الأمة؟!!!؟... (Re: معتز تروتسكى)
|
Quote: [ هل يوجد تيار داخل حزب الأمة يمثل تيار الحداثة أو حاجة بالشكل ده؟] |
لو بتقصد ب(الحداثة) تيار متمرد مصحح يرغب في أن يسود التنظيم و تكون المؤسسية الحزبية و المؤسسات سيدة الموقف..فالإجابة: نعم (كبيرة)
يوجد و بقوة
سؤالك مهم و بالتالي البوست مهم بالجد ومميز على الأقل بالنسبة لي..ولعدد أثق أن البوست صادف هوى لديهم وحسة بيجوك ناس الحداثة الحزبية..المستترة و الصريحة وسأنقل لك مداخلات أحباب من خارج المنبر و إجاباتهم على السؤال-البوست! محبتي ورمضان كريم
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: قوى الحداثة داخل حزب الأمة؟!!!؟... (Re: lana mahdi)
|
خالص التحايا الزملاء الاعزاء
أشرف البنا عزيزى اشرف باقتضاب شديد الى حين رجعة ، اهو زي ماقلت ربما دعانى احد او عندي الفكرة للانضمام للحزب ، او ربما لنا قاعدة تستقطب فينى ، ياسيدى لاثائر ولا حاجة ... الموضوع تساؤلات موغلة في الحيرة ، وزى ماقلت سابقا اصلو ابى يقع لى الكلام ده لذا حبيت اسال من الحته ، وحتى لو شديت الاحباب ديل اصحابنا ماتشيهل هم ونحن قادرين بقدر اختلافاتنا نوصل الامور لبر الامان لذا ماتشيل... بعدين لدخلتنا في كلام عمك الصادق وتروتسكى سيد الاسم الموضوع بتشرا فخلينا هنا لانو الاتنين بقدر اقدرهم جدا ومامحتاج زول يورينى ليهم بقدر اتفاقي او اختلافي معم [الصادق المهدي & ليون تروتسكى].. بعدين ماتقيف ليك حكاية اللغة الذكرتها والاخطاء دي زي الزول المالقي شتيمة لزول مشلول فقام قال ليهو امشى يامكعوج ، يعنى انا اسى اعمل شنو مانى زي المكعوج ده .لكن بقدر اوصل فكرتى والمعكوج بقدر يمشى لو زحف ولا بعصايات. . بجيك صادي وشاكر كتير مرورك..
lana mahdi ازيك يابت كنتى غاتسة وين ، ولا كنتى لابده لي . . بالله اخبارك وصحتك يالنا وكيفن الاسرة وبقية الاحباب ،ماتقولى لى ناس [الحداثة الحزبية..المستترة و الصريحة] ديل ناس رباح طيب ده ماعز الطلب . . انما ذاتى لى زمن منها بالله خالص التحايا...
عموما قلت ليكم تعالو ورونى الكلام ده صاح ولا ماصاح عشان ما افتي براى ، اها افتيت كان ترضو ولا تابو ...
ماعارف ليه خطر في بالى محمد عادل لانو كنت بناقش الموضوع ده مع واحد اممي سابق قال لي التيار ده كانوا او بمثلوه ناس مبارك الفاضل [فك الله اسره]..
عموما تعالو لكن واحد واحد ماتبقوا حقارين..وانتى اسمعى قطعة الارض خليتها استعجلي لمي قروشك وماتديهين للوالي. .
بعد الونسة دي بجيك صادي لي كلامك ده.. لانى ذاتى بقت مابقدر احك راسي من الجري.. للوكت داك ابقى بعافية ستى..
التحايا النواضر..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
|